თბილისი (GBC) - FY21-ის განმავლობაში, საქართველოს ბანკის (BOGG) 8 დირექტორმა საერთო ჯამში ფიქსირებული და ცვალებადი სახით, 42.3 მლნ ლარის ანაზღაურება მიიღო. საშუალოდ თითომ კი 5.3 მლნ ლარი.

ფიქსირებული ანაზღაურების სახით,  ბანკის 8-მა დირექტორმა ₾22.1 მლნ მიიღო, ხოლო ცვლადი ანაზღაურების სახით, რომელიც გადავადებულ აქციებში გამოიხატება, ₾20.2 მლნ. დირექტორატისთვის გადაცემული (გადავადებული) აქციების ჯამურმა რაოდენობამ კი საანგარიშო პერიოდში 299,347  აქცია შეადგინა.

BOGG-ის 8 დირექტორი FY21-ს ბოლოსთვის საერთო ჯამში £23.1 მლნ-ის აქციებს ფლობს.

ამავე პერიოდში, ბანკს გიორგი ფაილოძის მიერ, დირექტორის თანამდებობის დატოვება 1.6 მლნ ლარი დაუჯდა (75% აქციების სახით). ის 2020 - ის ანგარიშით, BOGG-ის 56,397 აქციას ფლობდა.

შეგახსენებთ, 2021-ში ბანკს ზურაბ ქოქოსაძე და ეთერ ირემაძე შეუერთდნენ. წელს კი ბანკის მმართველთა გუნდს გიორგი ჭილაძე გამოაკლდა, მის ნაცვლად კი გუნდს დავით ჭყონია შეუერთდა.  

რეიტინგში მოცემულია დირექტორატის მიერ FY21-ის ბოლოსთვის, აქციების ფლობისა და მათი ღირებულების მაჩვენებლები.