ოქრო NYMEX(უნც.)  1229.3  -0.09%    |    პლატინა (უნც.)  843.80  -0.22%    |    ვერცხლი (უნც.)  14.67  -0.35%    |    პალადიუმი NYMEX  1076.5  -0.16%    |    ნიკელი (ტონა)  12.455  -0.91%    |    ალუმინი (ტონა)  2029.25  -0.04%    |    ნავთობი (Brent)  80.83  +0.06%    |    გაზი(NYMEX)  3285  +0.77%    |    შაქარი LIFFE (ტონა)  13.41  +2.21%    |    ყავა(Robusta), USD (ტონა)  119.05  +2.44%    |    ხორბალი (ტონა)  525.50  +0.14%    |   
 USD 2.6951        EUR 3.1013        GBP 3.5131        RUB 4.1338        UAH 0.9595        AZN 1.5854        AMD 5.5695      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
ბიზნესი << უკან
GHG-ი 2018 წელს ჯანდაცვის სექტორში 50 მლნ ლარის ინვესტიციას ჩადებს
3 იანვარი, 2018, 21:22
GHG-ი 2018 წელს ჯანდაცვის სექტორში 50 მლნ ლარის ინვესტიციას ჩადებს

თბილისი (GBC)  - საქართველოს ჯანდაცვის ჯგუფი” (GHG) 2018 წელს ჯანდაცვის სექტორში 50 მლნ ლარის ინვესტიციას განახორციელებს.

როგორც ჯგუფის ხელმძღვანელი ნიკოლოზ გამყრელიძე ამბობს, წლის დასაწყისში GHG-ი 700 საწოლზე გათვლილ 2 მსხვილ ჰოსპიტალს გახსნის.

ჯგუფმა 2016-2017 წლებში 180 მლნ ლარის ინვესტიცია განახორციელა, გახსნა რამდენიმე ჰოსპიტალი, 2018 წლისთვის კი მენეჯმენტი ოპტიმისტურად არის განწყობილი.

“ველით კიდევ უფრო მეტ ცვლილებებს. საყოვლთაო ჯანდაცვის პროგრამა ცოცხალი ორგანიზამია და ყოველთვის რაღაც ცვლილებები იქნება, ველით უფრო მეტ ცვლილებას დაწესებულებების დიფერენცირების მიმართულებით, რათა განვასხვაოთ კარგი ჰოსპიტალი ისეთისგან, რომელიც სახლშია გახსნილი და არ აქვს შესაძლებლობა სრულყოფილი მომსახურება გაუწიოს მოხმმარებელს. ვიმედოვნებ, ამ სექტორში შემოვა ვარკვლავების სისტემა, რამდენადაც ისინი ვინც ზრუნავენ უფრო მეტად უნდა იყვნენ დაფასებულნი. ვფიქრობ, სწორედ ეს არის მთავარი გამოწვევა ჯანდაცვის სისტემაში”, – ციტირებს სააგენტო BPI ნიკოლოზ გამყრელიძეს.

მისივე თქმით, GHG-ი ჯანდაცვის სექტორის ყველაზე დიდი მოთამაშეა და ბაზრის ყველა სეგმენტშია წარმოდგენილი – ჰოსპიტალურში, სადაზღვევო თუ ფარმაცევტული. სხვადასხვა სექტორში სხვადასხვა ტიპის გამოწვევებია და თითოეულს სხვადასხვა ტიპის შესაძლებლობები აქვს, ცვლილებების თვალსაზრისით 2017 წელი უფრო გარდამავლი წელი იყო.

“ჰოსპიტალურ სექტორზე თუ ვისაუბრებთ, 2014 წელს საყოველთაო ჯანდაცვის პროგრამა ამოქმედდა და სახელმწიფომ პროგრამის ეფექტურობაზე ზრუნვა 2017 წელს აქტიურად დაიწყო, რაც გამოიხატებოდა თამაშის წესების გადახედვაში, განსაზღვრა ადამიანის პროგრამაში მოხვედრის კონკრეტული კრიტერიუმები. ძირითადად პროგრამაში მოხდა ტარგეტული ჯგუფების გამოყოფა, რაც ძალიან მნიშვნელოვანი იყო. ამ გადაწყვეტილებით მაღალი შემოსავალის მქონე ადამიანები გადავიდნენ კერძო დაზღვევაში, ღარიბთათვის კი პაკეტი გაუმჯობსდა და დაემატა მედიკამენტები. ეს იყო სახელმწიფო პროგრამებისთვის ტრანზიტორული წელი.

ამ შემთხვევაში ვგულისხმობ იმას, რომ სახელმწიფოს ყველა დაწესებულებასთან აქვს კონტრაქტი და ისინი არ აკმაყოფილებენ იმ ხარისხის კრიტერიუმებს, რასაც უნდა აკმაყოფილებდნენ და მიმაჩნია, რომ უნდა მოხდეს სელექცია უფრო მაღალი ხარისხის დონის. ეს იქნება მოქალაქისთვის უფრო მეტი ხარისხის გარანტია. ველით ამ ცვლილებებს და პოზიტიურად ვართ განწყობილი.

რაც შეეხება სააფთიაქო ბაზარზე ყველაზე მსხვილი მოთამაშეები ვართ. ბაზარზე ვოპერირებთ 2 ძირითადი ბრენდით – ჯიპისი და ფარმადეპო. გვქონდა ამ ორი კომპანიის ინტეგრაციის წელი. ეს ორი ბრენდი ბაზარზე ცალ-ცალკე იქნება წარმოდგენილი. ჯიპისი აქცენტრიებულია პირადი მოვლის საშუალებებზე და ამ ორიენტირს შეინარჩუნებს, რაც შეეხება ახალი ბრენდების შემოყვანას ამ სეგმენტში მომავალში განვაგრძობთ და მეტ სიახლეებს შევთავაზებთ მომხმარებელს”, – ამბობს ნიკოლოზ გამყრელიძე.

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
1234567
891011121314
15161718192021
22232425262728
293031    
სპონსორები