ოქრო NYMEX(უნც.)  1307.60  -0.49%    |    პლატინა (უნც.)  908.90  -0.48%    |    ვერცხლი (უნც.)  16.34  -0.91%    |    პალადიუმი NYMEX  964.20  +0.22%    |    ნიკელი (ტონა)  13787.5  -1.32%    |    ალუმინი (ტონა)  2329.7  -0.62%    |    ნავთობი (Brent)  73.81  -3.10%    |    გაზი(NYMEX)  2.719  -0.80%    |    შაქარი LIFFE (ტონა)  11.36  -0.18%    |    ყავა(Robusta), USD (ტონა)  119.97  -0.62%    |    ხორბალი (ტონა)  519.25  +1.38%    |   
 USD 2.4423        EUR 2.8773        GBP 3.2925        RUB 3.9332        UAH 0.9341        AZN 1.4405        AMD 5.0555      
gbc.ge
Eng
შესვლა    რეგისტრაცია
მომხმარებელი
პაროლი
დაგავიწყდათ პაროლი?
ინფორმაციის გამოწერის პირობები
მთავარი მოვლენები << უკან
თამარ კოვზირიძე ბრიტანეთში, Brexit -თან დაკავშირებით კონსულტაციისთვის მიიწვიეს
3 თებერვალი, 2018, 13:56
თამარ კოვზირიძე ბრიტანეთში, Brexit -თან დაკავშირებით კონსულტაციისთვის მიიწვიეს

თბილისი (GBC) -  დიდი ბრიტანეთის პარლამენტმა  Brexit-თან დაკავშირებით კონსულტაციისთვის Reformatics-ის დირექტორი თამარ კოვზირიძე მიიწვია, - ამის შესახებ კომპანიის დამფუძნებელი, საქართველოს ექს-პრემიერი ნიკა გილაური წერს. 

"ძალიან მიხარია და მეამაყება, რომ ჩვენი კომპანიის, Reformatics-ის, თანადამფუძნებელი და დირექტორი თამარ კოვზირიძე მიწვეული იყო დიდი ბრიტანეთის მთავრობის (პარლამენტის) მიერ, "ბრექსიტის" მოლაპარაკებებთან დაკავშირებით. ვიზიტის მიზანი იყო ინფორმაციის და გამოცდილების გაზიარება ბრიტანელი პარლამენტარებისთვის, რომელიც შეეხებოდა საქართველო-ევროკავშირის ასოცირების და ღრმა და ყოვლისმომცველი თავისუფალი ვაჭრობის ხელშეკრულებას.

"ბრექსიტის" შემდგომ, დიდი ბრიტანეთი განიხილავს ევროკავშირთან თანამშრომლობის სხვადასხვა მოდელს. 31 იანვარს გამართული კომიტეტის სხდომა მიეძღვნა ასოცირების შეთანხმების მოდელის დეტალურ განხილვას, მისი ძლიერ და სუსტ მხარეების ანალიზს დიდი ბრიტანეთისთვის", - წერს გილაური. 

შეგახსენებთ, 2004-2012 წლებში თამარ კოვზირიძე იკავებდა სხვადასხვა მაღალ თანამდებობებს საქართველოს მთავრობაში. ის გახლდათ ეკონომიკის მინისტრის მოადგილე 2004-2008 წლებში, პრემიერ-მინისტრის მთავარი მრჩეველი და საგარეო ურთიერთობების მრჩეველთა ჯგუფის ხელმძღვანელი 2009-2012 წლებში. 

ის იყო დელეგაციის ხელმძღვანელი საქართველო-თურქეთის მოლაპარაკებების დროს თავისუფალი ვაჭრობის ხელშეკრულების თაობაზე 2006-2007 წლებში, საქართველოს დელეგაციის ხელმძღვანელი მსოფლიო სავაჭრო ორგანიზაციაში რუსეთის გაწევრიანების პროცესში 2005-2011 წლებში, დელეგაციის ხელმძღვანელი  და კოორდინატორი საქართველო-ევროკავშირს შორის ღრმა და ყოვლისმომცველი თავისუფალი სავაჭრო ზონის (DCFTA) თაობაზე მოლაპარაკების პროცესში 2009-2012 წლებში.  

მსგავსი სტატიები
გამოკითხვა
სიახლეების არქივი
ორშ სამ ოთხ ხუთ პარ შაბ კვ
 123456
78910111213
14151617181920
21222324252627
28293031   
სპონსორები