ზარალიანი „საქაერონავიგაცია“ ხელფასებს 9%-ით ზრდის და10 მილიონიან ტენდერს აცხადებს

გიორგი აგირბაია აღნიშნავს, რომ ევროკომისიის მონაცემებით, 2014-2020 წლებში ERASMUS+ პროგრამის ფარგლებში ევროკავშირსა და საქართველოს შორის გაცვლით პროექტებში განათლების, ტრენინგის, ახალგაზრდობისა და სპორტის სფეროებში, 11 000 მონაწილე იყო ჩართული. მათ შორის, როგორც სტუდენტები, ისე პროფესორ-მასწავლებლები. გიორგი აგირბაიამ აღნიშნა, რომ საქართველოში ათეულობით ახალგაზრდული ორგანიზაცია მუშაობს ევროპელ პარტნიორებთან ერთად ევროპული განათლების შესაძლებლობების შექმნაზე, Erasmus+ მოკლევადიანი გაცვლით პროექტების სახით, ასევე ევროპის სოლიდარობის კორპუსის მოხალისეობრივ პროექტებზე, ნაკლები შესაძლებლობების მქონე ახალგაზრდებისთვის, რომელთაც არ აქვთ ფინანსური შესაძლებლობა ისწავლონ ევროპაში, კვალიფიკაცია აიმაღლონ ევროპულ უნივერსიტეტებში თუ ორგანიზაციებში."ევროკავშირის აღნიშნული პროგრამები ფორმალური და არაფორმალური განათლების გზებით ხელს უწყობს იმ ნაკლოვანებების აღმოფხვრას, რაც საქართველოს განათლების სისტემაშია, მსგავსი პროგრამები ეხმარება პროგრამის მონაწილეებს, ბენეფიციარებს, თეორიულთან ერთად პრაქტიკული უნარ-ჩვევების და კომპეტენციების განვითარებაში. 2021-2027 წლისთვის, ევროკომისიის ბიუჯეტი თითქმის გაორმაგდა ამ კუთხით და კანდიდატის სტატუსი მიღების შემდეგ უკვე ქართულ ორგანიზაციებსაც ჰქონდათ 2024 წლის მარტში ბრიუსელში, ევროკომისიაში ცენტრალიზებულ გრძელვადიან საგრანტო კონკურსებში პროექტების წარდგენის შესაძლებლობა. EU4Youth-ს პროგრამის ფარგლებში ამ პერიოდში არაერთი პროექტია განხორციელებული". - აღნიშნა გიორგი აგირბაიამ. მისივე თქმით, რისკები და ნეგატიური გავლენები: ორგანიზაციების სტიგმატიზება - ღირსების შემლახველია. ორგანიზაცია, რომელიც აძლიერებს სერვისებს, აწვდის რეგიონში და დედაქალაქში ნაკლები შესაძლებლობის მქონე მოწყვლად ჯგუფებს, ეხმარება ევროპული განათლების მიღებაში შენი ქვეყნის მოქალაქეებს, შენ ამ ორგანიზაციებს უცხოური გავლენის გამტარები, „აგენტები“ უწოდო - სამარცხვინოა. გიორგი აგირბაიას მტკიცებით, საქართველოს კონსტიტუციის 78 მუხლის შესაბამისად. კონსტიტუციურმა ორგანოებმა თავიანთი უფლებამოსილების ფარგლებში, უნდა მიიღონ ყველა ზომა ევროპის კავშირსა და ჩრდილოატლანტიკური ხელშეკრულების ორგანიზაციაში საქართველოს სრული ინტეგრაციის უზრუნველსაყოფად."2012 წელს მსგავსი დაიწყო რუსეთშიც, რომელმაც რამდენიმე წელიწადში კრიტიკული მედია და სამოქალაქო სექტორი ფაქტობრივად გააქრო რუსეთში, ხოლო 2024 წელს მსგავს რეესტრში რეგისტრირებულ რუსეთის მოქალაქეებს არჩევნებში მონაწილეობაც აუკრძალეს", - აღნიშნა მან.„უცხოური გავლენის გამჭვირვალობის შესახებ“ კანონის მიღების შემთხვევაში, აგირბაია დარწმუნებულია, რომ დიდი რეპუტაციული ზიანი მიადგება საქართველოს და ქვეყანაში განათლების კუთხით მომუშავე ორგანიზაციებს. მისივე აზრით, ნაკლებად მოიპოვება დონორები, თუ პარტნიორი ორგანიზაციები ევროპაში და დასავლეთში ვისაც ისეთ ორგანიზაციებთან მოუნდეს იგივე საქმეების გაგრძელება, რომელიც მის ქვეყანას მტრად, უცხო ძალად აცხადებს."ყველანაირად ალოგიკური და შეუსაბამოა გინდოდეს ევროკავშირში გაწევრიანება და ამ დროს იღებდეს ასეთ კანონს, რომელიც მხოლოდ რუსებისთვისაა მისაღები", - განაცხადა აგირბაიამ.მისივე თქმით, კანონპროექტის მიღება საფრთხეს შეუქმნის განათლების სფეროში დასაქმებული ადამიანების, დაწესებულებების თუ ორგანიზაციების ჩართულობას საერთაშორისო საგანმანათლებლო და კვლევით საქმიანობაში. შეზღუდავს რესურსების, ინოვაციების განვითარებას, თავისუფალი თანამშრომლობის შესაძლებლობას. მისივე თქმით, შეზღუდვას მეცნიერთა და სტუდენტთა მობილობას. საქართველოს აკადემიურ სექტორს ნაკლები ხელმისაწვდომობა ექნება სამეცნიერო კვლევით გრანტებზე, სამეცნიერო კოლაბორაციულ პროექტებზე ევროკავშირის ფარგლებში, რაც ნეგატიურად აისახება ქვეყნის აკადემიურ შედეგებზე."პროაქტივი" აქტიურად ახორციელებს ევროკავშირის Erasmus+ მოკლევადიან გაცვლითი პროექტებს, ასევე ევროპის სოლიდარობის კორპუსის პროგრამებს, როგორც ევროკავშირისგან შესაბამისი აკრედიტაციის მქონე ორგანიზაცია. ასევე სხვადასხვა საერთაშორისო დონორი ორგანიზაციების მიერ მხარდაჭერილ აქტივობებს, რომელთა მონაწილეების, ბენეფიციარების 70% რეგიონიდან ან რეგიონში მცხოვრები მოწყვლადი ჯგუფის მოქალაქეები არიან (ახალგაზრდები, მოსწავლეები, მასწავლებლები, სტუდენტები, NEET ახალგაზრდები), რომელთაც არ აქვთ საქართველოში ევროპულ განათლების მიღების შესაძლებლობა, ევროპულ ქვეყნებში მოგზაურობის, იქაური კულტურის გაცნობის, ევროპაში ცხოვრების, განათლების სფეროში მომუშავე ადამიანებთან გამოცდილების გაზიარების შესაძლებლობა, რაშიც "ProActive Group Georgia" ეხმარება, ევროკავშირის მიერ დაფინანსებული პროგრამებით."კანონის მიღების შემთხვევაში, ჩვენ მოქალაქეებს ვეღარ დავეხმარებით, ვეღარ გავაძლიერებთ აღნიშნული საგანმანათლებლო პროექტებით, რაც მოქალაქეებისთვის კოლოსალურ თანხებთან და ბევრ ბიუროკრატიულ საკითხთან არის დაკავშირებული. "პროაქტივის" და ბევრი მსგავსი ორგანიზაციის ფიზიკურად არსებობა და ფუნქციონირება დადგება კითხვის ნიშნის ქვეშ, ალბათ ბევრიც დახურვას ორგანიზაციას საქართველოში, ან სხვა ალტერნატიულ გაგრძელებას მოიფიქრებს", - აღნიშნა გიორგი აგირბაიამ GBC-თან საუბარში.მისივე თქმით, კანონის მიღება აისახება განათლების დაბალ ხარისხზე მოქალაქეებში, განსაკუთრებით მოწყვლად ჯგუფებში, გაიზრდება სოციალური უთანასწორობა. აგირბაია მიიჩნევს, რომ ეს კანონი ადრე თუ გვიან ყველას შეეხება. საწყის ეტაპზე ყველაზე მეტად დაბალი და საშუალო შემოსავლის მქონე ადამიანებზე იქონიებს უარყოფით გავლენას. განათლების დაბალი ხარისხი პირდაპირ აისახება მათ დასაქმების და ანაზღაურების შესაძლებლობებზე. როგორც მან აღნიშნა, დედაქალაქსა და რეგიონში მცხოვრები მოქალაქეები უფრო მეტად არათანაბარ პირობებში მოუწევთ ცხოვრება, შეზღუდული თავისუფლებით და შესაძლებლობებით. განათლების, მეცნიერების და ახალგაზრდობის სამინისტროს მიერ განხორციელებული ბევრი მასშტაბური პროგრამების ფინანსური მხარდამჭერია ევროკავშირი, USAID / აშშ-ს საელჩო, ევროკავშირის წევრი ქვეყნების საელჩოები."30 წელზე მეტია მათი დაფინანსებით ხორციელდება არაერთი წარმატებული პროგრამა, ამერიკელი მასწავლებლების, FLEX, Erasmus+, სამოქალაქო განათლების პროგრამა თუ სხვა. კანონის მიღება მნიშვნელოვნად შეზღუდავს, შეამცირებს ან სრულად გააქრობს მსგავს პროექტებს საქართველოში. ევროპულ სახელმწიფოს მხოლოდ ევროპული, დასავლური განათლებით ავაშენებთ. ხოლო, ეს კანონი კეტავს გზას ევროპის კავშირამდე. საქართველოს პარლამენტმა და ხელისუფლებამ უნდა გაითვალისწინოს ამ კანონპროექტის შესაძლო ნეგატიური გავლენები და გაიწვიოს". - განაცხადა გიორგი აგირბაიამ.  კითხვაზე, კანონის საბოლოოდ მიღების შემთხვევაში, აპირებთ თუ არა დარეგისტრირდეთ ე.წ. უცხოურ აგენტად, აგირბაიას პასუხია, რომ "არ აპირებს!"შეგახსენებთ, რომ „უცხოური გავლენის გამჭვირვალობის შესახებ“ კანონი, რომლის მოცულობა გახლავთ 6 გვერდი და 11 მუხლი ეხება, არასამთავრობო ორგანიზაციებს, რომელთა შემოსავლების 20%-ზე მეტი 2023 წლის მონაცემებით უცხოეთიდან იყო მიღებული. ეს ორგანიზაციები ვალდებულნი იქნებიან, კანონის ამოქმედებიდან 3 თვეში წარადგინონ 2023 წლის დეკლარაცია. მარტივად რომ ვთქვათ, აღნიშნული კანონპროექტი გულისხმობს შემდეგს, საქართველოში არასამთავრობო ორგანიზაცია, რომელიც დასავლურ ფონდებთან თანამშრომლობს და ლეგალურად მოქმედებს, ვერცერთ ლარს ისე ვერ იღებს დონორისგან და ვერცერთ თეთრს ვერ ხარჯავს ისე, რომ სახელმწიფომ, მისმა სხვადასხვა უწყებამ, ეს ტრანზაქცია არ დაინახოს.„აგენტების კანონის" წინააღმდეგ მიმდინარე საპროტესტო აქციების მონაწილეებზე, ჯერჯერობით დაუდგენელი პირების მხრიდან ბოლო დღეებში არაერთი თავდასხმა განხორციელდა. მათ შორის, 8 მაისს ღამით, ფიზიკურად გაუსწორდნენ „უცხოური გავლენის გამჭვირვალობის შესახებ“ კანონის მოწინააღმდეგე საპროტესტო მოძრაობის კიდევ სამ მონაწილეს: „ნაციონალური მოძრაობის“ წევრ დიმიტრი ჩიქოვანს, საერთაშორისო ურთიერთობების სპეციალისტ გია ჯაფარიძესა და აქტივისტ ლაშა ღვინიანიძეს.სამოქალაქო საზოგადოების და ოპოზიციური პარტიების წარმომადგენლები მიიჩნევენ, რომ ძალადობის ინიციატორი მმართველი პარტია „ქართული ოცნებაა".ამასთან, თბილისში არასამთავრობო ორგანიზაციების ოფისების კედლებზე, სამოქალაქო აქტივისტების სახლებთან, პოლიტიკური პარტიების ოფისების კარებზე და ჟურნალისტების საცხოვრებელ კორპუსებთან გაჩნდა წარწერები და პოსტერები, რომლის შინაარსიც სიძულვილის შემცველია.გასული რამდენიმე დღის განმავლობაში, დააზიანეს ჟურნალისტებისა და აქტივისტების ავტომობილები.„უცხოეთის გავლენის გამჭვირვალობის კანონპროექტი“ პირველი მოსმენით პარლამენტში მმართველი პარტიის უმრავლესობამ 17 აპრილს მიიღო - 83 ხმით, მეორე მოსმენით კი 1–ლ მაისს - ასევე 83 ხმით.მესამე, ფინალური მოსმენა 13 მაისსაა დაგეგმილი.

1715418155

სატენდერო დოკუმენტაცია გამოცდილ, ე.წ. „დიდი ოთხეულის კომპანიებს“ (Boskalis, DEME, Jan De Nul, Van Oord) დაეგზავნათ. "მნიშვნელოვანია, რომ  პორტის საზღვაო სამუშაოების დიდი წილი მოდის ფსკერის დაღრმავებაზე, ხოლო აღნიშნული კომპანიები გლობალური დაღრმავების/დამღრმავებელი ფლოტის  80%-ს ფლობენ. სატენდერო კომისიის სხდომას ეკონომიკისა და მდგრადი განვითარების მინისტრის მოადგილე, გურამ გურამიშვილი ხელმძღვანელობდა.კომისიის შემადგენლობაში ასევე წარმოდგენილი  იყო შპს „ანაკლიის საზღვაო ნავსადგურის“ დირექტორი ზურაბ სიჭინავა.  პრეტენდენტების მიერ წარმოდგენილი სატენდერო წინადადებები საჯაროდ გაიხსნა. ოთხი კომპანიიდან, რომელთაც სატენდერო დოკუმენტაცია დაეგზავნათ, ტენდერში მონაწილეობა სამმა მიიღო,"-აღნიშნულია სამინისტროს მიერ გავრცელებულ ინორმაციაში.სატენდერო დოკუმენტაციის თანახმად, მოწვეულ პრეტენდენტებს მოეთხოვებოდათ წინადადების წარმოდგენა, რომელიც შედგებოდა ტექნიკური და ფინანსური ნაწილებისაგან.  პროექტის სირთულისა და სპეციფიკაზე მითითებით პრეტენდენტების მიერ მოთხოვნილ იქნა სატენდერო წინადადებების წარმოდგენის ვადის გახანგრძლივება, რომელიც გაგრძელებულ იქნა 2024 წლის 10 მაისის ჩათვლით. ორკონვერტიანი შესყიდვის პროცედურის თანახმად, 10 მაისის კომისიის სხდომაზე მხოლოდ ტექნიკური წინადადებების კონვერტი გაიხსნა. კომისია იმსჯელებს და განიხილავს წარმოდგენილ წინადადებებს და გამარჯვებულად გამოვლინდება ის პრეტენდენტი, რომლის წინადადებაც დააკმაყოფილებს მოთხოვნებს/შერჩევის კრიტერიუმებს და ჯამურად (ტექნიკური წინადადების ქულას პლუს ფინანსური წინადადების ქულა) უმაღლეს შეფასებას (ქულას) მიიღებს.„ანაკლიის ღრმაწყლოვანი ნავსადგურის მშენებლობა საქართველოს მთავრობის და ეკონომისა და მდგრადი განვითარების სამინისტროს ერთ-ერთი პრიორიტეტული პროექტია, შესაბამისად კომისია და შესაბამისი ჩართული უწყებები ყველაფერს ვაკეთებთ იმისათვის, რომ დროულად მოხდეს პროექტის მშენებლობის დაწყება. დღეს დასრულდა ანაკლიის ღრმაწყლოვანი ნავსადგურის მშენებლობის მიზნით გამოცხადებულ ტენდერში წინადადებების წარმოდგენის მიღება. საზღვაო სამუშაოების მიზნით გამოცხადებულ ტენდერში წინადადებები სამმა კომპანიამ წარმოადგინა, რომელიც საჯაროდ გაიხსნა. უახლოეს პერიოდში კომისია კონსულტანტთან ერთად იმსჯელებს გამარჯვებულის გამოსავლენად“- განაცხადა გურამ გურამიშვილმა.

1715359800

მაგრამ შეწყვიტეთ დარღვევები და მუქარა, გააუქმეთ „უცხო აგენტების კანონპროექტი“, დაიწყეთ დეესკალაცია და მშვიდობიანი დიალოგი სამოქალაქო საზოგადოებასთან!ყველა ჩემს ქართველ მეგობარს: არ ინერვიულოთ, ჩვენ შევხვდებით. მალე.“ მხარდამჭერი ქვეყნების საპარლამენტო კომიტეტების თავმჯდომარეების შემოთვლაზე, პარლამენტის თავმჯდომარის უარია. შალვა პაპუაშვილმა ვიზიტისთვის მომავალი კვირა არ ურჩია.როთის განცხადებას საზმაუ ავრცელებს , - "ვიზიარებ ქართველი ხალხის სურვილს, რომ საქართველოს სჭირდება ევროკავშირში რაც შეიძლება მალე გაწევრიანების სამართლიანი შანსი, თუმცა ეს არის დამსახურებაზე დაფუძნებული პროცესი, ეს არის გრძელი და რთული გზა"„ეს არ არის დამოკიდებული მხოლოდ ბრიუსელზე, ეს არის ასევე დამოკიდებული თქვენი მთავრობის ჩართულობასა და მზადყოფნაზე. უკვე აღვნიშნე 12 რეკომენდაციის შესრულების საჭიროება. ვფიქრობ, ეს შესაძლებელია. მე უკვე ვახსენე, რომ დეოლიგარქიზაცია არის საკვანძო, კანონის უზენაესობის შესრულება, სასამართლოს დამოუკიდებლობა არის უკიდურესად მნიშვნელოვანი. ვიზიტები ბრიუსელში ან ბერლინში ასევე ღირებულია. ჩემი საქმე არ არის, ჭკუა დავარიგო პოლიტიკოსებს ან სამოქალაქო საზოგადოებას. მე, უბრალოდ, მინდა, მოვუწოდო, რომ თბილისმა შეასრულოს თავისი ვალდებულებები და ვფიქრობ, რომ ახლა არის სამუშაოს შესრულების დრო, 12 რეკომენდაცია არის მკაფიო. გზავნილი, რომელიც მე სამოქალაქო საზოგადოების აქტივისტებისგან მივიღე არის შემდეგი – გთხოვთ, ქვეყანას მიანიჭეთ კანდიდატის სტატუსი, რადგან ეს დაგვეხმარება, რომ მთელი პროცესი საქართველოში უფრო სანდო და თვალსაჩინო გახდესო. მე სრულად ვეთანხმები ამას. თუმცა, მე არ ვზივარ მძღოლის სავარძელში, ამ სავარძელში საქართველოს მთავრობა, ევროკომისია და ევროკავშირის წევრი ქვეყნების სახელმწიფოთა მეთაურები სხედან. ვფიქრობ, ეს ძალიან ნათელია“, – როთის განცხადებით, „საქართველოს გარეშე ევროკავშირი არ არის სრულყოფილი“.„ბოლო რამდენიმე თვის განმავლობაში ძალიან პოზიტიური მოვლენა მოხდა, აღმოსავლეთ ევროპა ევროკავშირში მრავალი პოლიტიკოსისა და პოლიტიკური ლიდერისთვის აღარ წარმოადგენს „უცნობ მიწას“. ეს არის ჩემი თვითკრიტიკა, რომლის გაზიარებაც თქვენთან მინდა. მე ყოველთვის ვიყავი დაინტერესებული აქ, სამხრეთ კავკასიის რეგიონში არსებული სიტუაციით, თუმცა ბევრი ევროპელი პოლიტიკოსისთვის ეს რეგიონი იყო საკმაოდ შორს ევროპის გულისგან და ეს არ არის სიმართლე. არა იმიტომ, რომ თქვენი პოლიტიკოსები იყვნენ ძალიან პროგრესულები, არა, ეს იმიტომ, რომ თქვენი მოქალაქეები იყვნენ პროგრესულები, ისინი სათქმელს ამბობდნენ, ისინი კარგ და ცუდ დროს გამოხატავენ ევროკავშირში გაწევრიანების მკაფიო მოლოდინს, ეს არის ჩემთვის ვალდებულება, რომ შევასრულო მოლოდინები და გამოვიყენო ევროპის გაერთიანების შანსი. საქართველოს გარეშე კი ევროკავშირი არ არის სრულყოფილი, თუმცა ჩვენ ისევ მოთმინება უნდა ვიქონიოთ. ომის პირობებში არ არის მარტივი ყველა კრიტერიუმის, ყველა პირობის შესრულება. ადამიანები, რომლებიც თქვენს ქვეყანაში დემონსტრაციებს მართავენ ქუჩებში, ესწრებიან აქციებს ევროპული ღირებულებებისთვის, არ არიან კრიმინალები და ისინი არ უნდა იყვნენ კრიმინალიზებული. თუ ისინი კანონის სრულ შესაბამისობაში მოქმედებენ, არ მესმის, რატომ უნდა იტანჯებოდნენ ციხეებში. ამიტომ უკიდურესად მნიშვნელოვანია, რომ ინსტიტუტებმა თქვენს ქვეყანაში გააძლიერონ კანონის უზენაესობის წამყვანი პრინციპი, ეს ნიშნავს კორუფციის წინააღმდეგ ბრძოლას, სასამართლოს დამოუკიდებლობას, ცოცხალ და ხელშესახებ დემოკრატიულ კულტურას“.

1715355240

ერთობლივი განცხადებით გამოხატავენ მხარდაჭერას, - “ჩვენ, ნორდიკული და ბალტიის ქვეყნები მხარს ვუჭერთ საქართველოს დემოკრატიულ და ეკონომიკურ განვითარებას, მისი დამოუკიდებლობის აღდგენის დღიდან", - განცხადებაში შეშფოთებაა გამოთქმული, სტატუსმინიჭებული კანდიდატი ქვეყნის ხელისუფლების შეცვლილ ტრაექტორიაზე, რომელიც  აცდენილია ევროკავშირში გაწევრიანების მოლაპარაკებების დაწყებამდე მისასვლელ გზას. "უცხოური გავლენის გამჭვირვალობის შესახებ" კანონპროექტი, შეუთავსებელია ევროპულ ნორმებთან და ღირებულებებთან. მიღების შემთხვევაში, შეიძლება გამოიყენონ მედიისა და სამოქალაქო საზოგადოების ორგანიზაციების გასაჩუმებლად. ხელისუფლების მტკიცება, თითქოს ქართული კანონპროექტი მსგავსია EU-ში მიღებული კანონებისა, უსაფუძვლო და შეცდომაში შემყვანია. მოვუწოდებთ, საქართველოს პოლიტიკურ ხელმძღვანელობას, გადაიფიქროს კანონპროექტის მიღება.ევროკავშირში გაწევრიანებისკენ სწრაფვა საქართველოს და მისი ხალხის სუვერენული არჩევანია. ევროკავშირში გაწევრიანების სურვილის შემთხვევაში, წინაპირობების შესრულება ხელისუფლების პასუხისმგებლობაა. საქართველოს ხელისუფლების ანტიდასავლური რიტორიკა სერიოზულ რისკს აყენებს საქართველოს ევროპულ არჩევანს. EU-ს კანდიდატის სტატუსი საქართველოს მიენიჭა იმ შეთანხმების საფუძველზე, რომ 9 ნაბიჯი შესრულდებოდა. ამ ეტაპზე, აღნიშნული ნაბიჯების შესასრულებლად საქართველოს ხელისუფლებამ პროგრესს ვერ მიაღწია.დიდი სურვილი გვაქვს, ვიხილოთ საქართველოს წარმატება მის ევროპულ და ევროატლანტიკურ გზაზე, როგორც ეს ქართველი ხალხის უდიდესი უმრავლესობის სურვილია. იმედს გამოვთქვამთ, რომ საქართველოს ხელისუფლება ამ ისტორიული შესაძლებლობის ფანჯარას გამოიყენებს, რაც გაძლიერებულმა ევროკავშირის გაფართოების პროცესმა წარმოქმნა და დაუბრუნდება ევროკავშირში გაწევრიანების კურსს", -  აღნიშნულია NB8-ის ქვეყნების მოწოდებაში.

1715351580

შალვა პაპუაშვილის თქმით, ბალტიისპირეთის ქვეყნების, გერმანიის, პოლონეთის, ჩეხეთის პარლამენტის საგარეო ურთიერთობათა კომიტეტის თავმჯდომარეების, რომლებმაც გამოთქვეს ვიზიტის, ასევე მასთან შეხვედრის სურვილი  უარით გაისტუმრა, რადგან სტუმრობისთვის შესაფერისი დრო არ არის. ამასთან აღნიშნა, რომ "ვიზიტორებმა" მისი რეკომენდაცია არ გაითვალისწინეს. ვინაიდან 13-14 მაისს, ორშაბათს და სამშაბათს იქნება კანონპროექტის მე-3 მოსმენა, მაინცდამაინც კარგი დრო არ არის, საგნობრივი საუბარი გვქონდეს და უკეთესი იქნებოდა, განხილვების შემდეგ ყოფილიყო. მზად ვართ, ნებისმიერი განხილვისთვის და ვაფასებთ, პარლამენტებთან კოლეგიალურ თანამშრომლობას. ვინაიდან მათ დაგეგმილი აქვთ და აპირებენ ჩამოსვლას, იქიდან გამომდინარე, რომ აქციებს წინა შემთხვევებში ჰქონდა ძალადობრივი ხასიათი და ნელ-ნელა კიდევ უფრო მჟღავნდება ძალადობრივი ქმედებების გეგმები, მათი ვიზიტი შესაძლოა, რადიკალურმა ოპოზიციამ გამოიყენოს, როგორც წამახალისებელი რადიკალური ქმედებებისთვის. ამიტომ, მათ ვუთხარი, ესეც მხედველობაში მიიღონ, რადგან ვხედავთ, რომ რადიკალურ ოპოზიციას აქვს ძალადობრივი გეგმები და მათი აქ ყოფნა შესაძლოა, გამოიყენონ იმისთვის, რომ კვლავ განახორციელონ თავდასხმა პარლამენტზე. მე ვერ შევხვდები, რადგან ორშაბათი-სამშაბათი არის საკითხების განხილვა. მზად ვარ, ნებისმიერ დროს შევხვდე, მაგრამ უკეთესი იქნებოდა საქმისთვისაც, საგნობრივი განხილვისთვისაც, თუ ისინი ამ განხილვების შემდეგ ჩამოვიდოდნენ. სამწუხაროდ, ჩემი რჩევა არ გაითვალისწინეს“, – განაცხადა შალვა პაპუაშვილმა

1715351400

წლევანდელ კონკურსში მონაწილეობა მრავალი ქვეყნის 500-ზე მეტმა ფოტოგრაფმა მიიღო და ჯამში 800-მდე  ფოტო პროექტია წარდგენილი. 14 მაისს 20:00 საათზე, ტეს-ში (დოდო აბაშიძის #10), გაიმართება ქოლგა თბილისი ფოტო კვირეულის გახსნის ცერემონია. დასახელდებიან 2024 წლის ფოტოკონკურსის გამარჯვებულები შემდეგ კატეგორიებში: დოკუმენტური სერია, რეპორტაჟი, კონცეპტუალური ფოტოპროექტი, ერთი კადრი, მობილური ერთი კადრი. ასევე დასახელდებიან სპეციალური პრიზების გამარჯვებულები.წელს ფოტოკვირეული მოიცავს საერთაშორისო ფოტოკონკურსს, თანამედროვე ფოტოგრაფიის მოწვეულ და ადგილობრივ გამოფენებს და საგანმანათლებლო შეხვედრებს. ინფორმაცია გამოფენების, ლექციებისა და ვორქშოფების შესახებ იხილეთ www.kolga.ge-ზე.ქოლგა თბილისი ფოტო 2002 წლიდან არის ფოტოგრაფიის აღიარებული ინსტიტუცია, რომელიც ყოველწლიურად მასპინძლობს მსოფლიოში ცნობილი ავტორების გამოფენებს, ვორქშოფებსა და ლექციებს ფოტოგრაფიის აქტუალურ თემებზე.ქოლგა თბილისი ფოტო მხარს უჭერს თანამედროვე ხელოვნების პოპულარიზაციას და ახალგაზრდა ხელოვანების განვითარებას. ტრადიციულად, უკვე 20 წელია, თბილისი ფოტო კვირეულის წარმდგენია თიბისი. 

1715341551

TAV Holding-ის შემოსავლების უდიდესი ნაწილი თურქეთის აეროპორტებზე მოდის, შემდეგ მას მოჰყვება ყაზახეთის, საქართველოს, საუდის არაბეთის, ჩრდილოეთ მაკედონიის, ტუნისისა და ხორვატიის აეროპორტები.ფინანსური ანგარიშის მიხედვით, საქართველოდან TAV Holding-მა 115.2 მილიონი ევროს შემოსავალი მიიღო, რაც 2022 წელთან შედარებით 17.2 მილიონი ევროთი, ანუ 18%-ით მეტი იყო. მათ შორის თბილისში ზრდა 17%, ხოლო ბათუმში ზრდა 20%-ს შეადგენდა.TAV Holding-ის მონაცემებით, თბილისის აეროპორტის შემოსავალი 93.3 მილიონი ევრო (ზრდა 17%), ხოლო ბათუმის აეროპორტის შემოსავალი 21.9 მილიონი ევრო იყო (ზრდა 20%).TAV Holding-ის შემოსავლები ქვეყნების მიხედვით ასე ნაწილდება:თურქეთი - 512 მლნ ევრო;ყაზახეთი - 414 მლნ ევრო;საქართველო - 115 მლნ ევრო;მაკედონია - 50 მლნ ევრო;ტუნისი - 41 მლნ ევრო;ხორვატია - 33 მლნ ევრო;ომანი - 27 მლნ ევრო;ლატვია - 26 მლნ ევრო;ესპანეთი - 18 მლნ ევრო;კატარი - 12 მლნ ევრო;საუდის არაბეთი - 11 მლნ ევრო;სხვა ქვეყნები - 50 მლნ ევრო. commersant

1715329885

„საქართველოს დიპლომატიური სამსახური ყოველთვის იდგა და დგას მოწოდების სიმაღლეზე და სრულად აცნობიერებს საკუთარ პასუხისმგებლობას ქვეყნის წინაშე, გოჩა ჯავახიშვილმა კი, სამწუხაროდ, ამ საქმეში მონაწილეობის შანსი საკუთარი გადაწყვეტილებით გაუშვა ხელიდან“, - თქვა დარჩიაშვილმა.როგორც მინისტრი აღნიშნავს, გოჩა ჯავახიშვილმა, თავისი განცხადებით, შეურაცხყოფა მიაყენა როგორც სახელმწიფოს, ისე უწყებას, რომელშიც მრავალი წელი იმსახურა.„მსურს გამოვეხმაურო გოჩა ჯავახიშვილის განცხადებას, რომელიც მან ჩემ მიერ მისი თანამდებობრივი უფლებამოსილების შეჩერებიდან რამდენიმე საათში გააკეთა.ამ განცხადებით გოჩა ჯავახიშვილმა, ნებსით თუ უნებლიეთ, შეურაცხყოფა მიაყენა როგორც სახელმწიფოს, ისე უწყებას, რომელშიც მრავალი წელი იმსახურა, აგრეთვე თითოეულ ღირსეულ დიპლომატს, რომელიც ერთგულად ემსახურება ქართული სახელმწიფოს ინტერესებს.უკანასკნელი წლების განმავლობაში გოჩა ჯავახიშვილი უმაღლესი პოზიციიდან - ელჩის რანგში - წარმოადგენდა ჩვენს ქვეყანას ერთ-ერთ წამყვან ევროპულ სახელმწიფოში და ყველაზე კარგად უნდა უწყოდეს, რა ძალისხმევა გავწიეთ ამ პერიოდში საქართველოს ევროპული მომავლის უზრუნველსაყოფად.საქართველოს დიპლომატიური სამსახური ყოველთვის იდგა და დგას მოწოდების სიმაღლეზე და სრულად აცნობიერებს საკუთარ პასუხისმგებლობას ქვეყნის წინაშე. ჩვენი უწყების თანამშრომლებმა განუზომელი წვლილი შეიტანეს საქართველოს ევროპული მომავლის შეუქცევადობაში და აუცილებლად მიიყვანენ ბოლომდე ევროკავშირში ინტეგრაციის საქმეს. ეს ქვეყანა აუცილებლად გახდება ევროპული ოჯახის ღირსეული და სრულუფლებიანი წევრი.გოჩა ჯავახიშვილმა კი, სამწუხაროდ, ამ საქმეში მონაწილეობის შანსი საკუთარი გადაწყვეტილებით გაუშვა ხელიდან“, - აცხადებს დარჩიაშვილი.საფრანგეთში საქართველოს ელჩმა გოჩა ჯავახიშვილი თანამდებობა გუშინ, 9 მ აისს დატოვა. დიპლომატმა სოციალურ ქსელში დაწერა: „ვეღარ ვხედავ საკუთარ როლსა და რესურსს ამ მიმართულებით: - ევროპისკენ მივდიოდე და ევროპისგან ვიცავდე თავს“.

1715329447