GE EN
ღვინო და ტურიზმი
ევროპის ზამთრის ახალგაზრდული ოლიმპიური ფესტივალისთვის მზადება დაიწყო -...

ღონისძიების ფარგლებში, ბაკურიანის განახლებულ პარკში მოეწყო რეკრეაციული სივრცეები. სტუმრებს კი ადგილზე სიმბოლური საჩუქრები და უამრავი სიურპრიზი დახვდათ.„თილისმა „გუნდას“ სახელი იდეალურად გამოხატავს დათოვლილი კავკასიონის სულს. ის კავკასიური ფოცხვერია, რომელიც ამ თვალუწვდენელ მთებს სახლად მიიჩნევს. „გუნდას“ მოქნილობა და გამჭოლი მზერა ახალგაზრდა ოლიმპიელებისთვის აუცილებელი თვისებების: ძალის, მონდომებისა და სიზუსტის სიმბოლიზებაა. გუნდას მიზანია, შთააგონოს ახალგაზრდა სპორტსმენები, უშიშრად დაძლიონ თოვლიანი წინააღმდეგობები“, - აღნიშნავენ ევროპის ახალგაზრდული ოლიმპიური ფესტივალის საორგანიზაციო კომიტეტის გუნდში.„საქართველოს ბანკი ოლიმპიური ნაკრების მხარდამჭერია. ჩვენ მიზნად ვისახავთ, ხელი შევუწყოთ ახალბედა და უკვე გამოცდილ სპორტსმენებს, გამოავლინონ საკუთარი პოტენციალი და ადგილი დაიმკვიდრონ როგორც ლოკალურ, ასევე საერთაშორისო ასპარეზზე. ჩვენ გვჯერა ახალგაზრდების და მათი უსაზღვრო შესაძლებლობების, ამიტომ აქტიურად ვაგრძელებთ მათ მხარდაჭერას. ვიმედოვნებთ, რომ ახალი ჰიმნი და მასკოტი იქნება ერთგვარი მოტივაცია როგორც სპორტსმენებისთვის, არ გაჩერდნენ და ამასთანავე, გულშემატკივრებისთვის, რომ მხარი დაუჭირონ მათ წარმატებისკენ მიმავალ გზაზე“, - აღნიშნავენ საქართველოს ბანკის გუნდში.

1709289829

ფრირაიდ ვორლდ ტურის დამფუძნებელი ქართული გუნდის მხრიდან მზადებაა მაღალ...

“დღეს დიდებული შოუ გველოდება, რადგანაც არაჩვეულებრივი მთა და თოვლი გვაქვს. ათლეტები აღტაცებულები არიან. ამინდიც საოცრად კარგია. იმედი მაქვს, რომ ღონისძიების დროს ხალხმრავლობა იქნება. ქართული გუნდის მხრიდან მზადება არაჩვეულებრივია. ჩვენ ვიმუშავეთ სამთო პატრულთან და ,,ემ თი ეის" გუნდთან ერთად, რომელიც ძალიან ნაყოფიერი გამოვიდა. მოხიბლულები ვართ თქვენი მასპინძლობით. აქ ყველაფერია, რაც გვჭირდება საქართველოში პირველი წარმატებული შეჯიბრების ჩასატარებლად”, განაცხადა ფრირაიდ ვორდ ტურის დამფუძბელებლმა ნიკოლას ჰეილ-ვუდსმა.ფრირაიდი ზამთრის სპორტის განსაკუთრებული სახეობაა, რომელიც რთულ და მთიან რელიეფზე გაუკვალავ თოვლში სრიალს გულისხმობს. ღონისძიებაში 15 ქვეყნის (საფრანგეთი, კანადა, ესპანეთი, აშშ, მექსიკა, გერმანია, ავსტრია, დიდი ბრიტანეთი, შვეიცარია, შვედეთი, პოლონეთი, ნორვეგია, ახალი ზელანდია, იაპონია, საქართველო) 50 გამორჩეული რაიდერი იასპარეზებს, მათ შორის იქნება „ვაილდ ქარდის მფლობელი“ საქართველოს წარმომადგენელი ჯაბა სხვედიანი. მესტია გახდა მსოფლიოში ფრირაიდის ახალი მიმართულება, ხოლო კურორტი თეთნულდი პოზიციონირდა, ფრირაიდის მოყვარულთათვის, როგორც ახალი აღმოსაჩენი ადგილი.ფრირაიდის მსოფლიო ტური ჯამურად 300 მლ. მაყურებელს ფარავს.ღონისძიება საქართველოს მთავრობის მხარდაჭერით, ეკონომიკისა და მდგრადი განვითარების სამინისტროს შპს „მთის ტრასების სააგენტოს“ (MTA) ორგანიზებით გაიმართება, შეჯიბრების სპონსორია კომპანია “თი ბი სი” , პარტნიორიკი  USAID - ის ეკონომიკური უსაფრთხოების პროგრამა და “ანდერსენ ჯორჯია”.

1709202309

მსხვილ აზიურ ავიაკომპანიებთან საქართველოში ფრენებზე მოლაპარაკებები მიმ...

გენერალური მენეჯერი მალაიზიაში საავიაციო სფეროში ერთ-ერთ მასშტაბურ ფორუმში - Routes Asia 2024 მონაწილეობს.კონფერენციაში მონაწილეობენ უმსხვილესი ავიაკომპანიების, აეროპორტების, საავიაციო ხელისუფლებისა და ტურიზმის სფეროს პირველი პირები მსოფლიოს მრავალი ქვეყნიდან.ღონისძიება მოიცავს როგორც თემატურ პანელურ დისკუსიებს, ასევე - აეროპორტებისა და ავიაკომპანიების ლიდერების ორმხრივ შეხვედრებს.ფორუმის ფარგლებში, ახალი პირდაპირი საჰაერო მიმართულებების განვითარებაზე მოლაპარაკებები მიმდინარეობს აზიის რეგიონის ლიდერ და სწრაფად მზარდ ავიაკომპანიებთან, რომელთა შორის არიან - Japan Airlines, China Airlines, Beijing Capital Airlines, Air China და Air Asia Group-ი, რომელიც თავის მხრივ აერთიანებს AirAsia-ს, Air Asia India-ს, Philippines Air Asia-ს, Indonesia AirAsia-ს and Thai AirAsia-ს. ასევე, შეხვედრები შედგა Hainan Airlines-ის, Etihad Airways-ის, Thai Lion Air-ის, Tianjin Airlines-ის, Malaysia Airlines Berhard-ის პირველ პირებთან და ბეიჯინგის აეროპორტის წარმომადგენლებთან.

1709193468

საქართველოს ისტორიაში პირველად, კურორტ თეთნულდზე ფრირაიდის მსოფლიო ტურ...

საქართველომ ორი წლის განმავლობაში, წარმატებით უმასპინძლა ფრირაიდის საკვალიფიკაციო ეტაპებს. უმაღლეს დონეზე ჩატარებულმა ღონისძიებებმა განაპირობა საერთაშორისო ექსპერტების ყურადღება საქართველოსადმი. საქართველო 6 წამყვან ექსკლუზიურ ქვეყანას შორის არის: (კანადა, ანდორა, ესპანეთი, შვეიცარია, ავსტრია და საქართველო), რომლებსაც ფრირაიდის მსოფლიო ტურის  ჩატარების უფლება ხვდა წილად.ფრირაიდი ზამთრის სპორტის განსაკუთრებული სახეობაა, რომელიც რთულ და მთიან რელიეფზე გაუკვალავ თოვლში სრიალს გულისხმობს. საერთაშორისო სათხილამურო ფედერაციამ (FIS) საკუთარ შემადგენლობაში შეიყვანა, შეჯიბრი  კი  მათი ეგიდით ტარდება.ღონისძიებაში 15 ქვეყნის (საფრანგეთი, კანადა, ესპანეთი, აშშ, მექსიკა, გერმანია, ავსტრია, დიდი ბრიტანეთი, შვეიცარია, შვედეთი, პოლონეთი, ნორვეგია, ახალი ზელანდია, იაპონია, საქართველო) 50 გამორჩეული რაიდერი იასპარეზებს, მათ შორის იქნება „ვაილდ ქარდის მფლობელი“ საქართველოს წარმომადგენელი ჯაბა სხვედიანი. მესტია გახდა მსოფლიოში ფრირაიდის ახალი მიმართულება, ხოლო კურორტი თეთნულდი პოზიციონირდა, ფრირაიდის მოყვარულთათვის, როგორც ახალი აღმოსაჩენი ადგილი.ფრირაიდის მსოფლიო ტური ჯამურად 300 მლ. მაყურებელს ფარავს, აღნიშნული ღონისძიება უმნიშვნელოვანესია ზამთრის სპორტისა და ტურიზმის განვითარებისთვის.ღონისძიების მაღალი სტანდარტით ჩატარება წარმოაჩენს საქართველოს სამთო-სათხილამურო კურორტების პოტენციალს საერთაშორისო მასშტაბით.  გაზრდის საქართველოს სამთო-სათხილამურო კურორტების ცნობადობას ახალი მიმართულებით და უფრო მიმზიდველს გახდის  ადგილობრივი და უცხოელი დამსვენებლებისა და ინვესტორებისთვის, რაც, თავის მხრივ, ხელს შეუწყობს საქართველოში ტურიზმის განვითარებასა და შესაბამისი საინვესტიციო გარემოს შექმნას.ღონისძიება საქართველოს მთავრობის მხარდაჭერით, ეკონომიკისა და მდგრადი განვთარების სამინისტროს შპს „მთის ტრასების სააგენტოს“ (MTA) ორგანიზებით გაიმართება, შეჯიბრების სპონსორია კომპანია “თი ბი სი” , პარტნიორი კი  USAID - ის ეკონომიკური უსაფრთხოების პროგრამა და “ანდერსენ ჯორჯია”.

1709113622

სოხუმის ღვინის ქარხანა გაჩერდა

ამ ინფორმაციასთან დაკავშირებით კომენტარს აკეთებს ოკუპირებულ აფხაზეთში რეგისტრირებული შპს „აფხაზეთის ღვინოები და წყლები“–ს მთავარი მეღვინე ვალერი ავიძბა.მისი თქმით, ე.წ. მინისტრმა კაბინეტმა ოკუპირებულ რეგიონში შეტანილი ღვინომასალა 30%–იანი აქციზით დაბეგრა, რამაც წარმოებული პროდუქციის თვითღირებულება მკვეთრად გაზარდა. ავიძბამ თქვა, რომ ამის გამო დისტრიბუტორებმა ღვინის რეალიზაციაზე უარი თქვეს.

1709035519

„საქართველო ღვინის სამშობლო“ პორტუგალიაში Simplesmente Vinho–ზე ოთხი დ...

ღვინის ეროვნული სააგენტოს სტრატეგიული დაგეგმვისა და კოორდინაციის სამმართველოს უფროსის ნინო მჭედლიშვილის განცხადებით,  ღვინის ეროვნული სააგენტო ქართული ღვინის, მათ შორის,  ქვევრის ღვინის სტრატეგიულ ბაზრებზე პოპულარიზაციის ღონისძიებებს აქტიურად ახორციელებს. ქვევრის ღვინის მწარმოებელი კომპანიები მსოფლიოს  მნიშვნელოვან საერთაშორისო გამოფენებში მონაწილეობენ, პროდუქცია წარმოდგენილია სპეციალიზებულ დეგუსტაციებზე.გამოფენის Simplesmente Vinho ფარგლებში, ღვინის პროფესიონალებისა და სავაჭრო სფეროს წარმომადგენლებისთვის ქართული ღვინის დეგუსტაციები და გალა ვახშამი გაიმართა; ჩატარდა კონფერენცია Qvevri, Dolia E Talha, რომელიც ქვევრში ღვინის დაყენების ტექნოლოგიას მიეძღვნა. კონფერენციაზე საუბარი შეეხო პორტუგალიის ზოგიერთ რეგიონზეც, სადაც ღვინოს თიხის ჭურჭელში აყენებენ. მონაწილეებს ქვევრის ღვინო ქართველმა მეღვინე ზურაბ თოფურიძემ წარუდგინა. კონფერენციის დასრულების შემდეგ მოეწყო სრულმეტრაჟიანი დოკუმენტური ფილმის „ჩვენს ძარღვებში ღვინო ჩქეფს“  ჩვენება. საქართველოს მეღვინეობის  რვა ათასწლიან ტრადიციებზე დოკუმენტური ფილმი „ჩვენს ძარღვებში ღვინო ჩქეფს“  ამერიკელმა კინორეჟისორმა ემილი რელსბეიკმა (Emily Railsback) 2017 წელს გადაიღო და მისი პრემიერა ბერლინის საერთაშორისო კინოფესტივალზე შედგა.გამოფენაზე Simplesmente Vinho ქართული ღვინის წარდგენა პორტუგალიის რესპუბლიკაში საქართველოს საელჩოს ორგანიზაციული მხარდაჭერით გაიმართა.„ქართველი მწარმოებლების მონაწილეობა აღნიშნულ გამოფენაში ძალიან მნიშვნელოვანია ქართული ღვინის ცნობადობის ზრდისთვის. განსაკუთრებით მნიშვნელოვანია, რომ ქართულმა ღვინომ აღიარება პოვა ისეთ ქვეყანაში, რომელსაც თავად აქვს ღვინის წარმოების დიდი ტრადიციები“, - აღნიშნა საქართველოს საგანგებო და სრულუფლებიანმა ელჩმა პორტუგალიის რესპუბლიკაში გიორგი მირცხულავამ. 

1709015008

ქვევრის ღვინის მწარმოებლებმა პროდუქცია პორტუგალიაში პირველად წარადგინე...

ღვინის ეროვნული სააგენტოს ინიციატივით და ფინანსური მხარდაჭერით, გამოფენაში ქართული ქვევრის ღვინის მწარმოებელი 11 კომპანია - ბაიას ღვინო, იბერიელი, ლაპატი, ოქროს ღვინო, ორი მარანი, ლაგაზი, ლისივაინი- მესხიშვილის მეღვინეობა, ბუას ღვინო, ჭონას მარანი, ნიკოლაძეების მარანი და თევზას ღვინო მონაწილეობს. გამოფენის ფარგლებში, ღვინის პროფესიონალებისა და სავაჭრო სფეროს წარმომადგენლებისთვის იგეგმება ქართული ღვინის სამი მასშტაბური დეგუსტაცია.  ზემოთ აღნიშნულ ღონისძიებებზე ქართული ღვინის წარდგენა პორტუგალიის რესპუბლიკაში საქართველოს საელჩოს ორგანიზაციული მხარდაჭერით გაიმართება.ღვინის ეროვნული სააგენტოს საქმიანობის ერთ-ერთი მთავარი მიმართულება ქვევრის ღვინის წარმოების განვითარების ხელშეწყობაა. ღვინის ეროვნული სააგენტოს ფინანსური და ორგანიზაციული მხარდაჭერით, ქვევრის ღვინის მწარმოებელი კომპანიები მონაწილეობენ მსოფლიოს  მნიშვნელოვან საერთაშორისო გამოფენებში, მათი პროდუქცია წარმოდგენილია სპეციალიზებულ დეგუსტაციებზე ქართული ღვინის სტრატეგიულ ბაზრებზე: აშშ, დიდი ბრიტანეთი, გერმანია, პოლონეთი, ბალტიისპირეთის ქვეყნები, ჩინეთი, სამხრეთ კორეა და იაპონია. ასევე, ღვინის ეროვნული სააგენტოს ფინანსური და ორგანიზაციული მხარდაჭერით, ქვევრის ღვინის მწარმოებელ მარნებში ეწყობა ქვეყნის ღვინის პროფესიონალებისა და კომერციული სფეროს წარმომადგენლების ვიზიტები, რაც მათ საკუთარი პროდუქციის პოპულარიზაციისა და ახალი სავაჭრო პარტნიორების მოძიების შესაძლებლობას აძლევს.უკანასკნელ წლებში, ექსპორტზე სულ უფრო მეტი ქართული ქვევრის ღვინო გადის, მათ შორის, ისეთ ტრადიციული მეღვინეობის ქვეყნებში, როგორიცაა იტალია, ესპანეთი, საფრანგეთი და სხვა. ამავე დროს, გაზრდილი ცნობადობიდან გამომდინარე, ქვევრის ღვინის წარმოებით, ბოლო დროს, სხვა ქვეყნებიც დაინტერესდნენ.აღსანიშნავია, რომ „იუნესკოს“ მიერ 2013 წელს ქვევრის ღვინის დაყენების ტრადიციულ მეთოდს არამატერიალური კულტურული მემკვიდრეობის ძეგლის სტატუსი, ხოლო 2021 წელს ქვევრს დაცული გეოგრაფიული აღნიშვნის სტატუსი მიენიჭა.

1708679684

„გადაჭრილი გორა“ არქეოლოგიური კომპლექსის აშენების შემდეგ ტურისტების მი...

სოფელ იმირის ,,გადაჭრილი გორა" მნიშვნელოვანი, საქართველოში მიწათმოქმედების უძველესი ძეგლია, რომელიც ძვ. წ. VI-V ათასწლეულებით თარიღდება. აღსანიშნავია, რომ გარდა საყოფაცხოვრებო არქეოლოგიური ნიმუშებისა, იქ აღმოჩენილია მცენარეთა თესლის და ყურძნის წიპწის ნიმუშები, რაც იმ პერიოდში მებაღეობა-მევენახეობის კულტურის არსებობაზე მეტყველებს. საქართველოსთვის ამ მნიშვნელოვანი ძეგლის შენარჩუნების მიზნით „გადაჭრილ გორაზე“ მსხვილი ინფრასტრუქტურული პროექტი ხორციელდება.ლევან დავითაშვილის შეფასებით, ეს იქნება ადგილზე ტურისტული ინფრასტრუქტურის განვითარების საშუალება, რომელიც  არამხოლოდ მარნეულის მუნიციპალიტეტში, მთლიანად საქართველოს მასშტაბით მიზიდულობის ერთ-ერთი მნიშვნელოვანი ცენტრი გახდება.„ეს არის ადგილი, სადაც მიწათმოქმედების ერთ-ერთი ყველაზე ძველი კერაა აღმოჩენილი, მათ შორის მევენახეობა-მეღვინეობის დასაწყისია და ეს არ არის საინტერესო მხოლოდ ქართველი ვიზიტორებისა და ტურისტებისთვის, ეს არის მსოფლიო მეცნიერებისა და ტურისტებისთვის საინტერესო დანიშნულების ადგილი. აქედან გამომდინარე, მას განსაკუთრებული ღირებულება აქვს.  ამ პროექტის ფარგლებში უწყებათაშორისი თანამშრომლობა ძალიან მნიშვნელოვანია და განსაკუთრებული მადლობა მინდა გადავუხადო კულტურის სამინისტროს ამ პროექტის წარმატებით განხორციელებისთვის. სამუშაოები მიმდინარე წელს უნდა დასრულდეს და ჩვენ საშუალება გვექნება, რომ ეს უმნიშვნელოვანესი, „ღია ცის ქვეშ მუზეუმი“ გაიხსნას და ტურისტები მოვიზიდოთ“, - განაცხადა პირველმა ვიცე-პრემიერმა.არქეოლოგიური ძეგლის დაცვისა და მისი შემდგომი განვითარების მიზნით რამდენიმე უწყება აქტიურად თანამშრომლობს. შესრულებულია „გადაჭრილი გორას“ პროექტი, რომელიც ითვალისწინებს საგზაო და საინჟინრო ინფრასტრუქტურის მოწყობას, შემდგომ კი იგეგმება მუზეუმის გაკეთება, საპარკინგე ინფრასტრუქტურის და დამატებითი ტურისტული ატრაქციების მოწყობა. როგორც ლევან დავითაშვილი აღნიშნავს, ეს ყველაფერი კერძო სექტორს და ბიზნესს ინვესტიციების განხორციელების საშუალებას მისცემს. ამასთან, მისი თქმით, მნიშვნელოვანია, რომ „გადაჭრილი გორა“ არამხოლოდ სამეცნიერო კუთხით იქნეს შენარჩუნებული - კონსერვაციის მიზნით, არამედ მოხდეს მისი ტურისტული პოტენციალის გამოყენება.„საბოლოოდ, რა თქმა უნდა, ეს ყველაფერი კიდევ ერთხელ ემსახურება საქართველოს, ასევე ქართული ღვინის ცნობადობის კიდევ უფრო ამაღლებას და ზოგადად, ქართული ტურისტული პოტენციალის განვითარებას. მარნეულის მუნიციპალიტეტი, კულტურის, სოფლის მეურნეობის, ეკონომიკის სამინისტროები - ყველა უწყება მჭიდროდ თანამშრომლობს იმისთვის, რომ პროექტის შემდგომი განვითარება მოხდეს“, - განაცხადა პირველმა ვიცე-პრემიერმა.

1708601106

2 მარტს გუდაური Wissol Snow Games-ს უმასპინძლებს - პროექტის მხარდამჭერ...

ღონისძიების ფარგლებში მოთხილამურეები ერთმანეთს ბიატლონსა (თხილამურებით სრიალი და მიზანში სროლა) და სხვადასხვა სახალისო ბარიერის გადალახვაში შეეჯიბრებიან. გამარჯვებული ოლიმპიური მეთოდით გამოვლინდება და მოიგებს ის გუნდი, რომელიც პირველი დაასრულებს ესტაფეტას. ტურნირის მასპინძელია „ახალი გუდაური რედკოსგან“, შეჯიბრის სპორტულ ნაწილს კი MTA („მთის ტრასების სააგენტო“) და TRIFECTA SPORTS მართავს.Wissol Snow Games-ში მონაწილეობის მსურველებმა ონლაინ უნდა გაიარონ წინასწარი რეგისტრაცია ან ადგილზე დარეგისტრირდნენ 2 მარტს, დილის 10:30 საათიდან 11:30 საათამდე. დეტალური ინფორმაციის მისაღებად ეწვიეთ ბმულს.„მაშინ, როცა „ვისოლის“ ავტოგასამართი სადგური და „სმარტის“ სუპერმარკეტი გუდაურში გაიხსნა, კურორტის განვითარება ჯერ კიდევ საწყის ეტაპზე იყო. ერთადერთი სივრცე, სადაც სრიალის დაწყებამდე კომფორტულად შეგეძლო ყველა საჭირო პროდუქტის ყიდვა, გათბობა, გემრიელი ყავის მირთმევა, საწვავით ავტომობილის გამართვა და უსაფრთხოდ სახლში დაბრუნება, სწორედ ეს ობიექტი იყო. დღემდე „ვისოლი“ და „სმარტი“ გუდაურის სათხილამურო კურორტისთვის მნიშვნელოვანი თავშეყრის ადგილია, შესაბამისად, „Wissol Snow Games“ ტურნირით გვინდა მოთხილამურეებს ისეთი დაუვიწყარი, სახალისო და საინტერესო დღე ვაჩუქოთ, რომელსაც ყოველწლიურად დაელოდებიან“, - აცხადებს „ვისოლისა“ და „სმარტის“ მარკეტინგის დირექტორი სალომე გველესიანი. „SOLO მომხმარებელზე მორგებული შეთავაზებების შექმნას განაგრძობს, რომელიც ხელს შეუწყობს მათ, გაატარონ დაუვიწყარი დრო საყვარელ ადამიანებთან ერთად. სწორედ ამ მიზნით, ჩვენ Wissol Snow Games-ის პარტნიორები ვართ. ვფიქრობთ, აღნიშნული ინიციატივა მოთხილამურეებისთვის დასამახსოვრებელი ზამთრის სეზონის შექმნის საუკეთესო შესაძლებლობაა. ჩვენ წარმატებას ვუსურვებთ ტურნირის მონაწილეებს და ვიმედოვნებთ, რომ Wissol Snow Games-ის ფარგლებში ისინი სასიამოვნო მოგონებებს შეიქმნიან“, - აღნიშნავენ SOLO-ს გუნდში.Wissol Snow Games-ის ფარგლებში მონაწილეებსა და გულშემატკივრებს შესაძლებლობა ექნებათ, ეწვიონ „სმარტის“ კუთხეს, სადაც მათ დახვდებათ გლინტვაინი, ლუკა ნაჭყებიას რეცეპტებით დამზადებული ხემსები, ექსკლუზიური პროდუქტები. ამასთან, ტურნირს მუსიკალურად გააფორმებს DJ. ღონისძიება კი SALIO-ს კონცერტით დასრულდება.

1708600797

ივნისიდან Jazeera Airways ელ-ქუვეითიდან ბათუმის მიმართულებით ოპერირება...

,,Jazeera Airways-მა საქართველოს ავიაბაზარზე ოპერირება 2018 წელს თბილისის საერთაშორისო აეროპორტში დაიწყო. მას შემდეგ რაც ორწლიანი მოლაპარაკებები ავიაკომპანიასთან საქართველოს აეროპორტების გაერთიანებამ წარმატებით დაასრულა. ჩვენ მუდმივად ვაგრძელებთ ავიაკომპანიებთან კომუნიკაციას და თანამშრომლობას, რათა მეტი მიმართულება და მეტი სიხშირე შევთავაზოთ ჩვენს მგზავრებს. შედეგად, ავიაკომპანია 14 ივნისიდან 16 სექტემბრის ჩათვლით ელ-ქუვეითი-ბათუმი-ელ-ქუვეითის საჰაერო ხაზზე ფრენებს ყოველდღიურად შეასრულებს,-‘’განაცხადა ირაკლი ქარქაშაძემ.გალფის ქვეყნების მხრიდან საქართველოს მიმართ ინტერესი მზარდია. ქუვეითიდან საქართველოს 2023 წელს  77,392 მგზავრი ეწვია. სპარსეთის ყურის ქვეყნებიდან კი ჯამში საქართველოში გასულ წელს 1,094,695 მგზავრი ჩამოვიდა. 

1708589084