BEBETO-ს მწარმოებელ ქარხანას EBRD €40 მლნ-ით დააფინანსებს

მეწარმე ქალთა განვითარების პროგრამა გაეროს განვითარების პროგრამასთან (UNDP) ერთად, შვედეთის მთავრობის მხარდაჭერითა და EFSE Entrepreneurship Academy-ის ჩართულობით უკვე არაერთი წელია, მიმდინარეობს და მასში ასობით ქალმა მიიღო მონაწილეობა.პროგრამის ფარგლებში ვორკშოპები ბათუმში, ქუთაისში, თელავსა და თბილისში ჩატარდა. მონაწილეებმა ექსპერტებისგან პრაქტიკული ცოდნა მიიღეს ბიზნესის მართვის სხვადასხვა ასპექტზე, მათ შორის ფინანსების ეფექტიანად დაგეგმვის, ციფრული მარკეტინგის, გაყიდვების სტრატეგიებისა და რესურსების უკეთ გამოყენების მიმართულებებით. გარდა ამისა, მათ ჰქონდათ შესაძლებლობა, გაეზიარებინათ საკუთარი გამოცდილება, მიეღოთ კვალიფიციური რეკომენდაციები, გაცნობოდნენ დაფინანსების მიღების მეთოდებს და გაეფართოებინათ საკუთარი პროფესიული ქსელი.“მეწარმე ქალთა განვითარების პროგრამა უკვე სამასამდე ქალისთვის იქცა პლატფორმად, სადაც ისინი თეორიულ ცოდნასა და რეკომენდაციებს იღებენ. ესაა მრავალმხრივი პროგრამა, რომელიც ქალებს იდეის განხორციელებიდან უკვე არსებული ბიზნესის  განვითარებამდე - სრულყოფილ მხარდაჭერას უწევს და ყოველდღიურ საქმიანობაში ეხმარება. პროგრამა განსაკუთრებულ მნიშვნელობას ანიჭებს რეგიონულ ჩართულობასაც, რაც შესაძლებლობას აძლევს საქართველოს სხვადასხვა კუთხის მეწარმე ქალებს, შეიძინონ ახალი უნარები და გაიზიარონ თანამედროვე ბიზნესპრაქტიკა”, - ამბობს ეკატერინე ჭურაძე, საქართველოს ბანკის სპეციალური საკრედიტო პროგრამების ხელმძღვანელი.პროგრამის შესახებ მეტი ინფორმაციის მისაღებად ეწვიეთ ბმულს.

1761291412

პანელურ დისკუსიაში მონაწილეობას როგორც საჯარო, ისე კერძო სექტორის წარმომადგენლები იღებდნენ. დისკუსიაზე განხილული იყო ეკონომიკური განვითარების ხელშემწყობი, მომავალზე ორიენტირებული საინვესტიციო პოლიტიკა, ასევე მაღალი გავლენის მქონე ინვესტიციები და მდგრადი ზრდის გეგმა.გიორგი კუპრაშვილმა აღნიშნა, რომ საქართველო უკვე აღარ წარმოადგენს ცალკე მდგომ ბაზარს და იგი საინვესტიციო სფეროში რეგიონული ოპერაციული ჰაბი და რეგიონზე წვდომის საუკეთესო საშუალება ხდება ინვესტორებისთვის.„რეგულაციური ღიაობის, ფინანსური ინფრასტრუქტურის გამართულობისა და სტრატეგიული მდებარეობის კარგი კომბინაციით, საქართველოში კომპანიებს რეგიონში ყველაზე კარგი სასტარტო პირობები ეძლევათ. საქართველოდან კომპანიებს შეუძლიათ სომხეთის, აზერბაიჯანისა და ცენტრალური აზიის ბაზრებზე წარმატებით გავიდნენ“, - განაცხადა გალტ & თაგარტის გენერალურმა დირექტორმა.დისკუსიის მეორე ნაწილი ფინანსური და ფინტექ სექტორების განვითარებას მიეძღვნა. გიორგი კუპრაშვილმა ხაზი გაუსვა იმ ფაქტს, რომ საქართველოში სტარტაპების, აქსელერატორებისა და სხვა პროგრამების შექმნის მიუხედავად, ეკოსისტემის გაძლიერებისთვის მეტი კერძო ინვესტიცია, გამოცდილი მენეჯერებისა და საერთაშორისო ბაზრებზე ორიენტირებული სტარტაპების ჩართვა აუცილებელია.The 5th Tbilisi Silk Road Forum, რომელიც 2025 წლის 22–23 ოქტომბერს იმართება, 60-ზე მეტი ქვეყნის 2,000-ზე მეტ დელეგატს — სახელმწიფო მეთაურებს, მინისტრებს, საერთაშორისო ორგანიზაციების ხელმძღვანელებსა და ბიზნესლიდერებს აერთიანებს. ფორუმის წლევანდელი თემა — “Invest in Connectivity – Grow in Stability” — ხაზს უსვამს რეგიონული თანამშრომლობის, ეკონომიკური ინტეგრაციისა და სტაბილური ზრდის მნიშვნელობას გლობალური პარტნიორობის გაღრმავების გზაზე.

1761290486

„სახელმწიფო უსაფრთხოების სამსახურის ანტიკორუფციული დეპარტამენტის მიერ ჩატარებული გამოძიებით დადგინდა, რომ ირაკლი ღარიბაშვილს, რომელიც 2019-2024 წლებში იკავებდა რა საქართველოს თავდაცვის მინისტრის და პრემიერ-მინისტრის თანამდებობებს, წარმოადგენდა სახელმწიფო-პოლიტიკური თანამდებობის მქონე პირს, “კორუფციის წინააღმდეგ ბრძოლის შესახებ“ საქართველოს კანონის დანაწესიდან გამომდინარე, ეკრძალებოდა ნებისმიერი ტიპის სამეწარმეო საქმიანობაში მონაწილეობა და თანამდებობრივი სარგოს გარდა, სხვა ანაზღაურების მიღება. მიუხედავად აღნიშნულისა, თანამდებობაზე ყოფნის პერიოდში, ირაკლი ღარიბაშვილი ფარულად და შენიღბულად, აქტიურად ახორციელებდა სხვადასხვა ტიპის ბიზნესსაქმიანობას და იღებდა განსაკუთრებით დიდი ოდენობით, არალეგალური წარმომავლობის შემოსავლებს. მას, როგორც თანამდებობის პირს, გააჩნდა როგორც შემოსავლების, ისე გაწეული ხარჯების დეკლარირების ვალდებულება.ზემოხსენებული უკანონო შემოსავლების ლეგალიზაციის მიზნით, თანამდებობის პირის ქონებრივი მდგომარეობის შესახებ წარდგენილ დეკლარაციებში უთითებდა ყალბ მონაცემებს, რომ თითქოს ოჯახის წევრისგან ყოველწლიურად საჩუქრად იღებდა დიდი ოდენობით თანხებს. აღნიშნული გზით, წარმომავლობა ხელოვნურად შეექმნა მის მიერ კერძო ბიზნესში არალეგალურად მონაწილეობის შედეგად მიღებულ განსაკუთრებით დიდი ოდენობით თანხის ნაწილს - 830 000 ლარს, რაც მოექცა ლეგალურ ბრუნვაში.გარდა აღნიშნულისა, დაუსაბუთებელი ქონებისთვის კანონიერი სახის მისაცემად, ირაკლი ღარიბაშვილმა 2023-2024 წლებში შეიძინა და მასთან დაკავშირებული პირის სახელზე დაარეგისტრირა 463 630 ლარად ღირებული ორი ავტომანქანა, ასევე, ოჯახის წევრის მეშვეობით 210 000 ლარად შეიძინა ერთ-ერთი კომპანიის 100% წილი, რომელსაც საკუთრებაში გააჩნდა უძრავი ქონება.პარალელურად, მისი ოჯახის წევრის სახელზე რეგისტრირებულ შპს-ში ინვესტირებულ იქნა ჯამში 3 670 172 ლარი.ამავდროულად, დაუსაბუთებელი თანხის ძირითადი ნაწილი მისი ნამდვილი ბუნებისა და წარმოშობის წყაროს შენიღბვის მიზნით, დააკონვერტირა უცხოურ ვალუტაში, რის შედეგადაც მიღებული 6 500 000 აშშ დოლარი აღმოჩენილი და ამოღებული იქნა 2025 წლის 17 ოქტომბერს ღარიბაშვილის ბინის ჩხრეკის შედეგად “, - განაცხადა გიორგი გვარაკიძემ.გენერალურმა პროკურორმა გიორგი გვარაკიძემ ბრიფინგზე ისიც აღნიშნა, რომ ყოფილი პრემიერ-მინისტრი წარდგენილ ბრალდებაში თავს დამნაშავედ ცნობს.„ირაკლი ღარიბაშვილს ბრალი წარედგინა „საქართველოს სისხლის სამართლის კოდექსის“ 194-ე მუხლის მესამე ნაწილის „გ“ ქვეპუნქტით, რაც გულისხმობს უკანონო შემოსავლის ლეგალიზაციას, რასაც თან ახლდა განსაკუთრებით დიდი ოდენობით შემოსავლის მიღება. ბრალდებულმა წარდგენილ ბრალდებაში თავი სრულად ცნო დამნაშავედ. პროკურატურამ სასამართლოს მიმართა შუამდგომლობით აღკვეთის ღონისძიების სახით გირაოს 1 მილიონი ლარის შეფარდების შესახებ, რომლის უზრუნველყოფა შესაძლებელია როგორც ფულადი თანხით, ასევე უძრავი ქონებით.აღკვეთის ღონისძიებასთან ერთად პროკურატურამ მოითხოვა ბრალდებულისთვის ისეთი დამატებითი ვალდებულებების დაკისრება, როგორიცაა საქართველოს პასპორტის სამართალდამცავი უწყებისთვის ჩაბარება და ქვეყნის ფარგლებს გარეთ გამგზავრების აკრძალვა“, - განაცხადა გვარაკიძემ.

1761290340

კომპანიას წლის ბოლოსთვის გააჩნდა საკუთარი - 23 და იჯარით აღებული - 27 ბენზინგასამართი სადგური, ასევე -10 ფრანჩაიზინგის უფლებით მომუშავე ავტოგასამართი სადგური, რომლებიც განთავსებულია საქართველოს ყველა რეგიონში.კომპანიის ძირითადი მომწოდებელია კომპანია LUKOIL NEFTOHIM BURGAS AD, რომელიც LUKOIL-ის ჯგუფში შემავალი კომპანიაა.საქონლისა და მომსახურების შესყიდვაზე საბოლოო მშობელ კომპანიასთან 2024-ში ₾60.3 მლნ-იანი გარიგება ჰქონდა, ხოლო იმავე დონის შვილობილ საწარმოებთან კი ₾547.8 მლნ-იანი.ნავთობის და ნავთობპროდუქტების რეალიზაციიდან კი ლუკოილმა ₾762.5 მლნ-ის შემოსავალი მიიღო, რაც 57.8%-ით გაზრდილი მაჩვენებელია (y.y). მათ შორის, საბითუმო გაყიდვებიდან ₾566.8 მლნ, ხოლო საცალო გაყიდვებიდან კი ₾195.7 მლნ-ის შემოსავლის აკუმულირება მოახდინა.სავაჭრო მოთხოვნები საანგარიშო პერიოდში ₾18.1 მლნ-ს შეადგენდა +58.9% y.y.2024 წლის 31 დეკემბრისთვის, სავაჭრო მოთხოვნების არსებითი ნაწილი ₾7.4 მლნ-ის  ოდენობით შპს უნიგრუპს უკავშირდება (რომლის ყოფილი პარტნიორი დავით კეზერაშვილია და რომელიც წინა მთავრობის პერიოდში სახელმწიფო უწყებებს ტენდერების გზით, საწვავით ამარაგებდა), რომელთანაც კომპანიას სასამართლო დავა ჰქონდა.2021 წლის ივლისამდე, შპს უნიგრუპი იყო კომპანიის მთავარი კორპორაციული მომხმარებელი, რომელიც ყიდდა კუპონებსა და ბარათებს საბოლოო მომხმარებლებზე. რადგან უნიგრუპმა ვერ შეძლო დაუფარავი დავალიანების გადახდა, 2021 წელს კომპანიამ გაწყვიტა ხელშეკრულება შპს უნიგრუპთან, ხოლო ვინაიდან კომპანიას 2021 წლის აგვისტოდან დავალიანება არ დაუფარავს, ამავე პერიოდში დაიწყო სასამართლო დავა, რომელიც გასული წლის ზაფხულში, ლუკოილის სასარგებლოდ, ₾9.5 მლნ-ის ანაზღაურების მოთხოვნით დაკმაყოფილდა.ლუკოილი მიუთითებს, რომ კომპანიის შემოსავლის დაახლოებით 37% (2023 წელს: 39%) უკავშირდებოდა სავაჭრო ოპერაციებს ერთ კლიენტთან, რომელსაც ის არ აკონკრეტებს.კომპანია მომხმარებლებს სთავაზობს შემდეგ პროდუქტს - სუპერი, პრემიუმი, ევროდიზელი, ევრორეგულარი და დიზელი.შეგახსენებთ, რომ აშშ-მა ფინანსური სანქციები დაუწესა რუსულ ნავთობგიგანტს ლუკოილს და ყველა მის შვილობილ კომპანიებს, რომლებშიც ის 50% ან მეტ წილს ფლობს.2002 წელს დაარსებული შპს ლუკოილ-ჯორჯიას პირდაპირი მშობელი კომპანია 2023 წლის 31 დეკემბრის მდგომარეობით, LITASCO SA იყო (საბოლოო მშობელი კომპანია და კომპანიაზე საბოლოო კონტროლის მქონე მხარე საჯარო სააქციო საზოგადოება ლუკოილი). 2024 წლის 31 დეკემბრის მდგომარეობით (და დღემდე), კომპანიის პირდაპირი მშობელი კომპანია LUKOIL International GmbH-ია, კვლავ საბოლოო კონტროლის მქონე მხარე არის საჯარო სააქციო საზოგადოება ლუკოილი. კომპანია წარმოადგენს კომპანია LUKOIL-ის არაექსკლუზიურ ლიცენზიანტს.

1761232835

ევროკავშირის წარმომადგენლობის თანახმად, ყოველი ინვესტირებული ევრო მიზნად ისახავდა საქართველოს მოსახლეობის ყოველდღიური ცხოვრების გაუმჯობესებას - გზების, საავადმყოფოებისა და სკოლების მოდერნიზებით დაწყებული, ადგილობრივი თემების, მეწარმეებისა და ახალგაზრდა ნოვატორების გაძლიერებით დასრულებული."უკვე 30 წელზე მეტია ევროკავშირი ისეთი პროგრამების მეშვეობით, როგორიცაა TRACECA, EU4Business, ENPARD თუ EU4Youth, ეხმარება საქართველოს მოქალაქეებს ისარგებლონ ახალი ეკონომიკური და სოციალური შესაძლებლობებით",- აღნიშნულია ინფორმაციაში.

1761224346

პროექტებს შორისაა საქართველოს ბანკის სასტიპენდიო პროგრამები და მხარდაჭერილი ინიციატივები, რომელთა მეშვეობით, ახალგაზრდებს სწავლის დაფინანსების შესაძლებლობა ეძლევა, როგორც ლოკალურ ასევე მსოფლიო უნივერსიტეტებში დიდ ბრიტანეთში, აშშ-სა და გერმანიაში.საქართველოს ბანკის სტიპენდია 21 პარტნიორ უნივერსიტეტშიახალგაზრდებისთვის ხარისხიან განათლებაზე ხელმისაწვდომობის გასაზრდელად საქართველოს ბანკი მესამე წელია სტიპენდიების პროგრამას ახორციელებს, რომლის ფარგლებშიც შესაძლებლობას აძლევს სტუდენტებს, 21 ადგილობრივ უნივერსიტეტში მიიღონ სწავლის სრული ან ნაწილობრივი დაფინანსება.ინიციატივის ფარგლებში უკვე გამოვლინდა 350-ზე მეტი გამარჯვებული, ყოველწლიურად მათი რიცხვი კი კიდევ უფრო გაიზრდება.გამარჯვებულებს უნივერსიტეტები თავად არჩევენ, რაც მათ მიერ შემუშავებულ კრიტერიუმებზეა დამოკიდებული.აპლიკაციების მიღება უკვე დაიწყო. დეტალური ინფორმაციის მისაღებად, ეწვიეთ ვებგვერდს stipendia.bog.geგიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სტიპენდიების პროგრამის ფარგლებში ასევე შეიქმნა გიორგი ჩახავას სახელობის სტიპენდია მომავალი არქიტექტორებისთვის, რომელიც ოთხი ადგილობრივი უნივერსიტეტის არქიტექტურის სტუდენტებისთვის ქმნის სწავლის სრული ან ნაწილობრივი დაფინანსების მიღების შესაძლებლობას.ინფორმაციისთვის, საქართველოს ბანკის სასტიპენდიო პროგრამებზე აპლიკაციების მიღება 30 ნოემბრამდე მიმდინარეობს. დეტალური ინფორმაციის მისაღებად ეწვიეთ ვებგვერდს stipendia.bog.geისწავლე საქართველოს ბანკის სტიპენდიით საზღვარგარეთიმ ახალგაზრდებს, რომლებსაც სამაგისტრო საფეხურზე სწავლის გაგრძელება დიდ ბრიტანეთში, აშშ-სა და გერმანიაში სურთ, საქართველოს ბანკი შესაძლებლობას აძლევს, მოიპოვონ ბანკის სტიპენდია და მიიღონ სწავლისა და ცხოვრების სრული დაფინანსება.სწავლა დიდ ბრიტანეთში - 10 წელზე მეტია, საქართველოს ბანკი CHEVENING-ის სასტიპენდიო პროგრამის პარტნიორია. პროექტის ფარგლებში, ფინანსური ინსტიტუტი ყოველწლიურად საკუთარ რჩეულებს ასახელებს და მათ ბრიტანეთის წამყვან უნივერსიტეტებში სამაგისტრო საფეხურზე სწავლას და მასთან დაკავშირებულ ყველა საჭირო ხარჯს სრულად უფინანსებს.პროგრამის ფარგლებში უკვე გამოვლინდა 34 სტიპენდიატი და მათი რაოდენობა ყოველწლიურად იზრდება.სწავლა ამერიკაში - 2014 წლიდან საქართველოს ბანკი Fulbright-ის პროგრამის მხარდამჭერია, რაც ნიშნავს იმას, რომ ფინანსური ინსტიტუტი ყოველწლიურად საკუთარ გამარჯვებულებს ავლენს და მათ აშშ-ში როგორც სწავლის, ასევე ცხოვრების ხარჯებს სრულად უფინანსებს.Fulbright-ის ფარგლებში უკვე გამოვლინდა საქართველოს ბანკის 16 სტიპენდიატი.სწავლა გერმანიაში - კრეატიული ინდუსტრიით დაინტერესებული ახალგაზრდებისთვის, საქართველოს ბანკი, Miami Ad School-თან ერთად, ნიკა გუჯეჯიანის სახელობის სასტიპენდიო პროგრამას ახორციელებს, რომლის ფარგლებში ყოველწლიურად ერთ გამარჯვებულს ავლენს.პროგრამის ფარგლებში საქართველოს ბანკის სტიპენდიატებს შესაძლებლობა აქვთ, ბერლინში, Miami Ad School Europe-ში Art Direction-ისა თუ Copywriting-ის ერთწლიან პროგრამაზე სრული დაფინანსებით ისწავლონ.ინიციატივის ფარგლებში უკვე გამოვლინდა 6 სტიპენდიატი.თუ შენც გსურს, გახდე საქართველოს ბანკის სტიპენდიატი, აღმოაჩინე შენზე მორგებული შესაძლებლობები ვებგვერდზე stipendia.bog.ge და განათლების გზაზე არ გაჩერდე! 

1761221310

სების ფინანსური და საზედამხედველო ტექნოლოგიების განვითარების დეპარტამენტის ხელმძღვანელმა ვარლამ ებანოიძემ, ხუთშაბათს,ჟურნალისტებს განუცხადა, რომ ციფრული ლარის ტესტირება შეზღუდულ გარემოში დასრულებულია.აღნიშნა, რომ ახლა ზოგადი სენტიმენტი მთელ მსოფლიოში ციფრული ვალუტების მიმართ შედარებით შენელებულია, ხოლო გამოცდილება კერძო სექტორის გამოშვებული ციფრული ტოკენიზირებული ფულის ექსპერიმენტების თვალსაზრისით.ე.წ. ტარგეტული სენდბოქსი ტოკენიზირებულ დეპოზიტებზე რეგულირების ლაბორატორიაში გამოცხადდა. მისი თქმით, ციფრული ლარის დანერგვის მიზანი ტექნოლოგიების დატესტვა იყო, როგორცაა გონიერი კონტრაქტები."ციფრული ლარის დანერგვაზე საბოლოო გადაწყვეტილება არასდროს მიღებულა. ქვეყნის კანონმდებლობა ჯერჯერობით მხოლოდ ერთ საგადასახადო საშუალებას აღიარებს", - განაცხადა ებანოიძემ.მანამდე, 2024 წლის თებერვალში ნათია თურნავა, რომელიც იმ პერიოდში სების პრეზიდენტის მოვალეობის შემსრულებელი იყო, ამზადებდა რომ „CBDC-ს გააჩნია პოტენციალი მნიშვნელოვანი სარგებელი მოუტანოს ინოვაციურ ბიზნეს მოდელებს, რასაც ასევე დიდი გავლენა ექნება საზოგადოების კეთილდღეობაზე. გაიზარდოს ფინანსური შუამავლობის ეფექტიანობა და დაჩქარდეს ახალი ფინანსური ტექნოლოგიების დანერგვა".ციფრული ვალუტა (Digital currency) ნაღდი ფულის ელექტრონული შემცვლელია, რომელიც ინახება, იმართება და იცვლება ციფრულ (კომპიუტერულ) სისტემაში. ციფრული ვალუტით ანგარიშსწორება მხოლოდ ელექტრონულადაა შესაძლებელი.

1761218410

„კონსპექტები“ თიბისი განათლების ახალი საკომუნიკაციო მულტიმედია ფორმატია, რომლის მიზანიც ტექნოლოგიური განათლების, დასაქმების მიმართულებით აქტუალური თემების განხილვა, რთული იდეების მარტივად ახსნა და საზოგადოებაში არსებულ კითხვებზე პასუხის გაცემა.პროექტის ფარგლებში აუდიტორია მიიღებს ცოდნას პოდკასტების, ბლოგებისა და სხვა მოკლე ფორმატების საშუალებით - განათლებისა და კარიერის სფეროში არსებულ სიახლეებზე, ტრენდებსა და მომავალ ცვლილებებზე: როგორ მოვერგოთ ტექნოლოგიურ პროგრესს, რა უნარები დაგვჭირდება მომავალ პროფესიებში და როგორ შევცვალოთ საკუთარი მიდგომები, რომ თანამედროვე სამყაროს ტემპს ავყვეთ და სხვა.პოდკასტის წამყვანია ლიზი ქათამაძე, ახალი თაობის წარმომადგენელი, რომელიც ექსპერტ სპიკერებთან ერთად გაერკვევა ტექნოლოგიებსა და სირთულეებში, მიღებულ ცოდნას კი აუდიტორიისთვის დააკონსპექტებს და მარტივი ფორმით გაუზიარებს.პირველი ეპიზოდის სტუმარია მედეა ტაბატაძე, ორგანიზაციული განვითარების კონსულტანტი, რომელიც ისაუბრებს თემაზე — „როგორ ცვლის AI სამუშაო ბაზარს“.ტექნოლოგიურ პროგრესს, უამრავ ახალ შესაძლებლობასთან ერთად, ბევრი პასუხგაუცემელ კითხვაც მოაქვს. თიბისის მიზანია ამ სწრაფად ცვალებად რეალობაში განსაკუთრებით ახალგაზრდებს დაეხმაროს, გაამარტივოს რთული თემები და მისცეს საჭირო მიმართულება მომავლის არჩევისას.გამოიწერე თიბისის YouTube არხი და დაელოდე კონსპექტების პირველ ეპიზოდს.თიბისისთვის, განათლების გზით, განვითარებაზე და შესაძლებლობებზე თანაბარი ხელმისაწვდომობის შექმნა ერთ-ერთი მთავარი პრიორიტეტია. ბრენდი მუდმივად ქმნის და მხარს უჭერს ინოვაციურ ფორმატებს, რომლებიც ახალგაზრდებს აძლევს ცოდნისა და ტექნოლოგიების სამყაროში წინსვლის შესაძლებლობას. „კონსპექტები“ სწორედ ამ ხედვის გაგრძელებაა. და რადგან განათლება შესაძლებლობაა, ხოლო პროგრესისკენ მიმავალი გზა კი ერთ მარტივი იდეით იწყება, უბრალოდ  - მთავარია გჯეროდეს!

1761215368