მომხმარებელს „აისითიში" 0%-იანი განვადების ნაცვლად, 1%-იანი, ყოველთვიურად მზარდი განვადება დახვდა

"ვფიქრობ, საქართველოში ინვესტირება ძალიან მნიშვნელოვანია; განსაკუთრებით, როცა საქმე ეხება ინფრასტრუქტურას, მათ შორის ენერგეტიკულ და კომუნალურ და, რა თქმა უნდა, ციფრულ ინფრასტრუქტურას", - განაცხადა Nokia-ს ევროპის მიმართულების ვიცე-პრეზიდენტმა.მისვე თქმით, Nokia ძალიან მოწადინებულია, რომ საქართველოში 4G და 5G ქსელის განვითარებაში მეტი ინვესტიცია ჩადოს, განსაკუთრებით, მობილური ინფრასტრუქტურისთვის."ვხედავთ შესანიშნავ შესაძლებლობებს, განსაკუთრებით საქართველოში, სადაც ახალგაზრდა მოსახლეობაა, რომლებიც განათლებისკენ მიისწრაფვიან, გაქვთ კარგი უნივერსიტეტები და მაღალკვალიფიციური ადამიანები, რომლებიც ადასტურებენ, რომ მომავალი ნამდვილად საქართველოშია.ჩვენ ციფრული ინფრასტრუქტურის ტექნოლოგიების პროვაიდერები ვართ, განსაკუთრებით მობილური ქსელებისთვის. მრავალი მომხმარებელი გვყავს აქ, საქართველოში, მობილური ოპერატორების სახით. ვემსახურებით მათ მობილური ინფრასტრუქტურის 4G, 5G და ერთ დღეს, შესაძლოა, 6G ქსელის განვითარებაში. ჩვენ არა მხოლოდ აქ ვართ, არამედ მთელ რეგიონში, ბევრ ქვეყანაში, მაგრამ საქართველო ჩვენთვის ძალიან მნიშვნელოვანი ბაზარია", - თქვა დოქტორ როლფ უერნერმა.„ნოკია“ (Nokia) — ფინური ტექნოლოგიური გიგანტი — საქართველოში ოფიციალურად ოპერირებით 2021 წელს დაინტერესდა. მაშინ ეკონომიკის სამინისტროსთან გაიმართა შეხვედრა, სადაც განხილული იყო კომპანიის გეგმები ციფრული ინფრასტრუქტურის, 5G ტექნოლოგიების, ხელოვნური ინტელექტისა და კიბერუსაფრთხოების მიმართულებებით.

1761129728

საანგარიშო პერიოდში, 56 კომპანიაში ჩატარდა საინსპექციო კონტროლი, რაც სერტიფიცირებისთვის წარდგენილი ალკოჰოლიანი სასმლის ნიმუშის ლოტთან შესაბამისობას ადგენს. აღებული 1091 ნიმუშიდან, დარღვევა აღმოჩნდა 6 კომპანიის 14 ნიმუშში.გაფორმების ეკონომიკურ ზონაში, ღვინის ეროვნული სააგენტოს კონტრაქტორი საერთაშორისო კომპანიების შპს Bureau Veritas და შპს SGS მიერ ინსპექტირება 98 კომპანიაში განხორციელდა; აღებული 365 ნიმუშიდან დარღვევა 1 კომპანიის 1 ნიმუშში აღმოჩნდა.საექსპორტო ალკოჰოლური სასმელების ორგანოლეპტიკური ტესტირების მიზნით, გასულ 9 თვეში, ჩატარდა 201 დეგუსტაცია. სადეგუსტაციოდ შემოსული 9643 ნიმუშიდან უარყოფითად 365, დანარჩენი 9278 ნიმუში კი, დადებითად შეფასდა.ნიმუშის ორგანოლეპტიკური ტესტირება ხდება ფერსა და გამჭვირვალობაზე, ტიპურობაზე, დაავადებების არსებობაზე, არომატზე, გემოსა და ჰარმონიულობაზე.მიმდინარე წელს, გასული წლის ანალოგიურ პერიოდთან შედარებით, დარღვევების რაოდენობა შემცირებულია.ღვინის ეროვნულ სააგენტოში აცხადებენ, რომ სახელმწიფოსთვის პრიორიტეტია, ქართული ღვინის ხარისხი საერთაშორისო სტანდარტებს აკმაყოფილებდეს ღვინის ეროვნული სააგენტოს შესაბამისი სამსახურები რეგულარულად ახორციელებენ ალკოჰოლიანი სასმელების ხარისხის მონიტორინგს, რათა ათეულ მილიონობით ლიტრი ქართული ღვინო და სხვა ალკოჰოლიანი სასმელი აკმაყოფილებდეს საერთაშორისო სტანდარტებს, იყოს კონკურენტუნარიანი და სულ უფრო მეტად მოთხოვნადი.

1761129311

სახაროვის პრემიის 2025 წლის ლაურეატები ევროპარლამენტის პრეზიდენტმა, რობერტა მეცოლამ 22 ოქტომბერს, სტრასბურგში, პარლამენტის პლენარულ სხდომაზე დაასახელა.წელს მზია ამაღლობელთან ერთად ეს ჯილდო გადაეცა ბელორუს პატიმარსა და ჟურნალისტს, ანდჟეი პოჩობუტისაც.სახაროვის პრემიის ფინალისტების სიაში ასევე იყვნენ ჟურნალისტები და ჰუმანიტარული დახმარების მუშაკები პალესტინასა და ყველა კონფლიქტურ ზონაში, რომლებსაც წარმოადგენენ პალესტინის ჟურნალისტთა სინდიკატს, წითელი ნახევარმთვარე და UNRWA და ასევე სერბი სტუდენტები.სახაროვის პრემია “აზრის თავისუფლებისთვის” 1988 წელს დაარსდა, რუსი მეცნიერისა და დისიდენტის, ანდრეი სახაროვის პატივსაცემად და შემდეგ ევროპარლამენტის საზოგადოებასთან ურთიერთობის ერთ-ერთ მთავარ ინსტრუმენტად იქცა.ამ ჯილდოს მიზანია დააჯილდოოს ადამიანები, ჯგუფები ან ორგანიზაციები, რომლებიც თავდაუზოგავად იბრძვიან ადამიანის უფლებების დაცვისა და აზრის თავისუფლებისთვის მთელ მსოფლიოში.ამასთანავე, სახაროვის პრემიის მიზანია, მსოფლიოს ყურადღება მიაპყროს პოლიტიკურ პატიმრებს, აქტივისტებსა და ორგანიზაციებს, რომლებიც იდევნებიან.სახაროვის პრემია სხვადასხვა დროს მიღებული აქვს ნელსონ მანდელას, აპარტეიდთან ბრძოლის ლიდერს, სამხრეთ აფრიკის რესპუბლიკის პირველ შავკანიან პრეზიდენტს (1988), მალალა უსუფზაის, პაკისტანელ ადამიანის უფლებათა აქტივისტს (2013), ალექსეი ნავალნის, რუს ოპოზიციონერს (2021), უკრაინის ხალხს (2022), ჯინა მაჰსა ამინის, 22 წლის ირანელ ქალს, რომელიც ირანის „ზნეობის პოლიციის“ დაკავების შემდეგ გარდაიცვალა (2023).2025 წლის ლაურეატების დაჯილდოების ცერემონია 16 დეკემბერს, სტრასბურგში გაიმართება. ლაურეატებისათვის დაწესებული ჯილდო 50 000 ევროს შეადგენს.რადიო თავისუფლება 

1761127748

"ენერგეტიკული თანამშრომლობა საქართველოსა და აზერბაიჯანს შორის არა მარტო ეკონომიკურ სარგებელს მოუტანს ჩვენს ქვეყნებს, არამედ ერთობლივ სტრატეგიულ მიზნებს მიგვაღწევინებს. აზერბაიჯანის ინიციატივა და საქართველოს პროექტი უკვე მნიშვნელოვან ასპექტად იქცა ევროპის უსაფრთხოების მიმართულებით. ბევრ ქვეყანას მიეწოდება აზერბაიჯანული ბუნებრივი აირი, მათ შორის 10 ევროპული სახელმწიფოა. ჩვენ ამ წარმატებას საქართველოს ვუმადლით", - განაცხადა ასადოვმა.ასადოვმა აღნიშნა ისიც, რომ აზერბაიჯანი და საქართველო ძლიერ პარტნიორებად გვევლინებიან განახლებადი ენერგოწყაროების უზრუნველყოფის მიმართულებით კასპიური და შავი ზღვის ენერგომატარებელების ტრანსპორტის კონტექსტში.აზერბაიჯანის პრემიერ-მინისტრის განცხადებით, ეს არის ორ მეზობელ ქვეყანას შორის საერთო ხედვისა და ერთგულების მაგალითი.„მრავალმხრივი თანამშრომლობა აძლიერებს რეგიონალურ სტაბილურობას, ურთიერთნდობასა და გრძელვადიან პარტნიორობას. მიგვაჩნია, რომ ახალი ინიციატივები განხორციელდება ტრანსპორტის, ლოგისტიკისა და ტრანზიტის მიმართულებით. ამის შედეგად, ჩვენი ერთობლივი ძალისხმევა მომდევნო წლებში გაზრდის და კიდევ უფრო განავითარებს ჩვენს გეოპოლიტიკურ სტაბილურობასა და მნიშვნელობას. ჩვენ მზად ვართ, ვაშენოთ ღია და ურთიერთსასარგებლო თანამშრომლობის მექანიზმები“, - განაცხადა აზერბაიჯანის მთავრობის მეთაურმა.თბილისის აბრეშუმის გზის ფორუმი 22-23 ოქტომბერს მეხუთედ ტარდება და მას 2000-მდე დელეგატი ესწრება.„თბილისის აბრეშუმის გზის ფორუმი“ 2015 წლიდან, ორ წელიწადში ერთხელ ტარდება. ამ პერიოდის განმავლობაში ფორუმი ჩამოყალიბდა საერთაშორისო ბრენდად და მაღალი დონის პლატფორმად სხვადასხვა ქვეყნების მთავრობებს შორის დიალოგისითვის, ასევე ორგანიზაციებსა და ბიზნესის წარმომადგენლებს შორის ორმხრივი და მრავალმხრივი შეხვედრებისთვის.

1761124412

23 ნოემბრის ჩათვლით, ყოველ პარასკევს, შაბათს და კვირას თიბისი კონცეპტ Visa სადებეტო ბარათების მომხმარებლები პარტნიორ ობიექტებში გადახდილი თანხის 20%-ს, ჯამში მაქსიმუმ 150 ლარს, მომენტალურად დაიბრუნებენ. შეთავაზება ვრცელდება, როგორც თბილისის, ისე სხვა ქალაქებისა და რეგიონების პარტნიორ საკვებ ობიექტებში.თბილისი Iasamani, Honoré, Palmebi, Giorgobistve, Steakhouse N1, RED Yard, Weller, Craft, Madre, Giorgio, Chez Kinksy, Kobo, Radio Bombay, Weller Vake, Tsiskvili Terrace   Silk Hospitality: Grand Café, Laan Thai, Bell & Gray, Filini Restaurant, Umami Asian Fusion, Iveria Café, Republic 24, Republic Restaurant   Paragraph: The Talan Lobby Lounge, Ostigan Grill, Eary Rooftop Bar & Terrace, Chinari Sky Bar  ბათუმი Iveria Cafe, Umami at Clouds, Medea Restaurant, Botanico Cafe ბაკურიანი Kokhta Bakuriani ქუთაისი Doli თელავი Doli შეთავაზება მოქმედებს, როგორც ძველ, ისე ახალ თიბისი კონცეპტ Visa სადებეტო ბარათებზე და მათ ციფრულ ანალოგებზე: TBC Concept Visa Platinum და Visa Signature.შეთავაზებით სარგებლობა შესაძლებელია, მხოლოდ ფიზიკურ ობიექტში, თიბისის POS ტერმინალზე გადახდისას.

1761123532

სომხეთის პრემიერ-მინისტრის თქმით, მისთვის დიდი პატივია, რომ უკვე მეორედ იღებს მონაწილეობას საერთაშორისო ღონისძიებაში, რომელსაც თბილისის აბრეშუმის გზის ფორუმი ჰქვია."თავისი სახელიდან გამომდინარე ეს ღონისძიება უკვე გახდა მნიშვნელოვანი პლატფორმა სხვადასხვა ქვეყნის ოფიციალური პირებისთვის, კერძო სექტორის წარმომადგენლებისთვის, საერთაშორისო ექსპერტებისთვის, რომლებიც ერთმანეთს უზიარებენ ახალ იდეებს. ამ პლატფორმის შედეგად მოხდა მშვიდობის პროექტის ხორცშესხმა სომხეთსა და აზერბაიჯანს შორის, რაც პრინციპში გადაიქცა მხარდაჭერის მექანიზმად", - განაცხადა ფაშინიანმა. მისივე თქმით, პროექტს ბევრმა საერთაშორისო პარტნიორმა დაუჭირა მხარი, რადგან მნიშვნელოვანია, რომ რეგიონული და საერთაშორისო, სატრანსპორტო და საკომუნიკაციო შესაძლებლობები განვითარდეს არამარტო: სომხეთის, ირანის, აზერბაიჯანის, თურქეთისა და საქართველოს საშუალებით, არამედ მათთან საზღვრების გახსნით."სიხარულით ვადასტურებ, რომ დიდი წარმატება გვაქვს მიღწეული ამ მიმართულებით. 2025 წლის აგვისტოში აშშ-ის პრეზიდენტის ინიციატივით ვაშინგტონში ხელი მოეწერა ჩემსა და აზერბაიჯანის პრეზიდენტს შორის მშვიდობის შეთანხმებას, რომელსაც ხელი მოაწერა ასევე დონალდ ტრამპმა. ეს დეკლარაცია კონკრეტულად ეხება რეგიონულ კომუნიკაციას. ჩვენ ვაცხადებთ იმ დეკლარაციაში, რომ ხაზს ვუსვამთ კომუნიკაციის, ურთიერთობის, დიალოგის მნიშვნელობას ორმხრივ და საერთაშორისო ფორმატებში", - თქვა ფაშინიანმა.სომხეთის პრემიერ-მინისტრის განცხადებით, ძალისხმევა არის შეუზღუდავი დაკავშირებადობის უზრუნველსაყოფად აზერბაიჯანის რესპუბლიკასა და ნახიჩევანის ავტონომიურ რესპუბლიკას შორის, სომხეთის რესპუბლიკის ტერიტორიის გავლით. მისივე თქმით, ეს არის ორმხრივი ურთიერთობა საერთაშორისო და სახელმწიფოთაშორისი დაკავშირებადობისთვის."აზერბაიჯანი უკვე ხსნის შეზღუდვას თავისი ტერიტორიის გავლით ჩვენ მიმართულებით სასაქონლო ბრუნვაზე და ეს გუშინ განაცხადა პრეზიდენტმა ალიევმა. მე მადლობას ვუხდი მას ამ ნაბიჯისა და გადაწყვეტილებისთვის. მივესალმები ამ ინიციატივას. ასევე, მახარებს იმის თქმა, რომ პოზიტიური დიალოგი გვაქვს თურქეთსა და ჩვენს რესპუბლიკას შორის, რაც იმას უზრუნველყოფს, რომ ჩვენი საზღვარი გაიხსნება. აქვე მინდა დავადასტურო, რომ არამარტო პოლიტიკურად, არამედ ტექნიკურად მზად ვართ იმისთვის, რომ ტრანზიტი მოხდეს საქონლის დღეიდანვე", - დასძინა ნიკოლ ფაშინიანმა.ფაშინიანის განცხადებით, დღეიდან შეიძლება გავატაროთ ტვირთბრუნვა სომხეთის რესპუბლიკის ტერიტორიის გამოყენებით. მისივე თქმით, სახმელეთო და სასაზღვრო ინფრასტრუქტურა მზადაა ამისთვის."პოლიტიკურად მზად ვართ უზრუნველყოთ ტრანზიტი ნახიჩევანის ავტონომიური რესპუბლიკიდან აზერბაიჯანის ძირითადად ტერიტორიამდე და პირიქით. პოლიტიკურად უკვე მზად ვართ, რომ სარკინიგზო ტრანზიტიც უზრუნველვყოთ ნახიჩევანის ავტონომიური რესპუბლიკიდან, თურქეთიდან, აზერბაიჯანის ძირითადი ტერიტორიიდან. რკინიგზა ამ ფრაგმენტებში რეკონსტრუქციას საჭიროებს. დარწმუნებული ვარ და თქვენც გარწმუნებთ, რომ ეს ტექნიკური საკითხები მოგვარდება ორი - სამი წლის განმავლობაში, უახლოეს პერიოდში და ელექტროენერგიის ქსელიც გაიმართება აზერბაიჯანიდან სომხეთის ტერიტორიებზე, ნახიჩევანის გავლით", - აღნიშნა ფაშინიანმა.თბილისის აბრეშუმის გზის ფორუმი 22-23 ოქტომბერს მეხუთედ ტარდება და მას 2000-მდე დელეგატი ესწრება.ფორუმი რეგიონული და გლობალური დაკავშირებადობის გასაძლიერებლად დიალოგისა და თანამშრომლობისთვის უმნიშვნელოვანეს პლატფორმას წარმოადგენს.

1761123194

2024 წელს ფინანსური აქტივების საერთო რაოდენობიდან მოკლევადიანი აქტივების მოცულობა ₾6.6 მლრდ იყო, ხოლო ლიკვიდურობის პროცენტი - 56.2024 წლის ბოლოსათვის არაფინანსური კორპორაციების ვალდებულებები ₾82.1 მლრდ-ს გაუტოლდა, საიდანაც მოკლევადიანი ვალდებულებები შეადგენდა ₾22.6 მლრდ-ს.საქსტატის მონაცემებით, 2024 წლის ბოლოსათვის არსებული მთლიანი ვალდებულებებიდან ₾17.3 მლრდ წარმოადგენდა ვალდებულებებს უცხოური ვალუტით, ხოლო არარეზიდენტების მიმართ არსებული ვალი (საგარეო ვალი) ₾12.მლრდ-ს შეადგენდა.კაპიტალის და რეზერვების მოცულობამ 2024 წლის ბოლოსათვის ₾68.7 მლრდ შეადგინა:არაფინანსური კორპორაციების მიერ 2024 წელს გაწეული საპროცენტო ხარჯები ₾3.2 მლრდ-ს შეადგენდა, ხოლო მთლიანი შემოსავლები - ₾20.6 მლრდ-ს, რომლის სტრუქტურაც წარმოდგენილია ქვემოთ მოცემულ გრაფიკზე:საქსტატის მონაცემებით, 2024 წელს ვალის მომსახურებაზე გაწეულმა ხარჯებმა (იგულისხმება სასესხო ვალდებულებების გასტუმრება სესხის ძირისა და პროცენტის გადასახადის სახით) ₾12.8 მლრდ შეადგინა. აქედან, ვალის მომსახურება მხოლოდ სესხის პროცენტის მიხედვით ₾2 მლრდ იყო.ვალის მომსახურება ფიზიკური პირებისგან მიღებული სესხების მიხედვით ₾164.5 მლნ-ს, ხოლო ვალის მომსახურება სხვა არაფინანსური კორპორაციებიდან მიღებული სესხების მიხედვით ₾959.8 მლნ-ს შეადგენდა.

1761120478

"საქართველოს გენერალური პროკურატურის კორუფციული დანაშაულის წინააღმდეგ ბრძოლის დეპარტამენტში გამოძიება სახელმწიფო აუდიტის სამსახურის ანგარიშის საფუძველზე დაიწყო. ჩატარებული გამოძიებით დადგინდა, რომ დაკავებულმა ისარგებლა თავისი სამსახურებრივი მდგომარეობით და 2019-2021 წლებში, მის მფლობელობაში არსებული, ფედერაციის კუთვნილი ბიზნესბარათების გამოყენებით, საბანკო ანგარიშებიდან, სხვადასხვა ბანკომატის მეშვეობით გამოიტანა და მართლსაწინააღმდეგოდ მიისაკუთრა ა(ა)იპ საქართველოს ხელბურთის ეროვნული ფედერაციის კუთვნილი 464 496 ლარი, რამაც დიდი ოდენობით მატერიალური ზიანი გამოიწვია.დაკავებულს ბრალდება საქართველოს სისხლის სამართლის კოდექსის 182-ე მუხლის მე-2 ნაწილის „დ“ და მე-3 ნაწილის „ბ“ ქვეპუნქტებით (დიდი ოდენობით თანხის მართლსაწინააღმდეგოდ მითვისება, ჩადენილი სამსახურებრივი მდგომარეობის გამოყენებით) წარედგინა, რაც სასჯელის სახედ და ზომად 7-დან 11 წლამდე თავისუფლების აღკვეთას ითვალისწინებს", - ნათქვამია პროკურატურის განცხადებაში.პროკურატურის ცნობით, უწყება ბრალდებულისთვის აღკვეთის ღონისძიების სახით პატიმრობის შეფარდების შუამდგომლობით სასამართლოს კანონით დადგენილ ვადაში მიმართავს. 

1761118851