ბაჩიაშვილმა საპატიმრო დატოვა - ზიანი აანაზღაურა

2026 წლის აქტივობები და პროექტების დაგეგმვა უკვე სამუშაო ჯგუფებში გაგრძელდება. კომიტეტის შემადგენლობაც ახალი, 2026 წლის სამოქმედო გეგმის მიხედვით განახლდება.სტრატეგია 2016 წელს დამტკიცდა. 2023 წელს კი დაგროვილი გამოცდილებისა და გამოწვევების გათვალისწინებით ახალი ვერსიით განახლდა. სტრატეგიის დოკუმენტი ძირითადად სარეკომენდაციოა და მოიცავს ყველა სამიზნე ჯგუფს.კომიტეტის მე-10 სხდომაში მონაწილეობდნენ წევრები, საჯარო, სამოქალაქო, საგანმანათლებლო და კომერციული სექტორებიდან, ასევე არაწევრები ბანკებიდან და ასევე საჯარო უწყებებიდან.სებ-ის ინფორმაციით კომიტეტი წელიწადში მინიმუმ ერთხელ იკრიბება.

1771427760

კრისტინს, რომელიც ევრობანკს მე-8 წელია მართვას, მანდატი 2027 წლის ოქტომბერში ეწურება. გამოცემის ინფორმაციით, რამდენიმე თვით ადრე წასვლით, ლაგარდი საფრანგეთის პრეზიდენტ ემანუელ მაკრონს და გერმანიის კანცლერს ფრიდრიხ მერცს საშუალებას მისცემს, ზედამხედველობა გაუწიონ მისი მემკვიდრის დანიშვნას. ლაგარდს ამით სურს, ევრობანკის ახალი თავმჯდომარის შერჩევა საფრანგეთში საპრეზიდენტო არჩევნებამდე მოესწროს, რომელიც 2027 წელს არის დანიშნული.მაკრონს კონსტიტუციურად მე-3 ვადით კენჭისყრა ეკრძალება, ბრიუსელსა და პარიზში შიშობენ, რომ რადიკალური პოლიტიკური ძალები - ულტრამემარჯვენე „ეროვნული ასამბლეა“ (RN) და „ალტერნატივა გერმანიისთვის“ (AfD) ევროპულ ქვეყნებში პოზიციებს გაიმყარებენ.მარინ ლე პენს და მის პროტეჟე ჯორდან ბარდელას გამოკითხვებში მაღალი რეიტინგი აქვთ, რაც ევროსკეპტიკური ადმინისტრაციის ხელისუფლებაში მოსვლის პერსპექტივას ზრდის. ვადამდე გადადგომაზე წინა კვირას, საფრანგეთის ბანკის მმართველმა, ფრანსუა ვილერუა დე გალამ, ასევე მოულოდნელად განაცხადა, სავარაუდოდ, იგივე მიზეზის გამო.FT-თან ევრობანკმა უარყო ლაგარდის ვადაზე ადრე გადადგომა და განაცხადა, რომ ის „მთლიანად კონცენტრირებულია თავის მისიაზე“.ლაგარდის შემცვლელებად ნიდერლანდების ცენტრალური ბანკის ყოფილი ხელმძღვანელი კლაას კნოტი და ესპანეთის ბანკის ყოფილი მმართველი პაბლო ერნანდეს დე კოსი განიხილებიანკნოტი განსაკუთრებით მიმზიდველია ბერლინისთვის, რადგან მერცი თანამოაზრე ჰოლანდიელის მხარდაჭერას ამჯობინებს.დე კოსი, რომელიც ამჟამად საერთაშორისო ანგარიშსწორების ბანკს ხელმძღვანელობს და მას „ფანტასტიკური გუნდური მოთამაშის“ რეპუტაციით სარგებლობს.ევროპის ცენტრალური ბანკი ევროკავშირი წევრი 20 ქვეყნის მთავარი მონეტარული ორგანოა, რომლის ძირითადი პასუხისმგებლობა ინფლაციის მართვით ფასების სტაბილურობის შენარჩუნებაა. ევრობანკი განსაზღვრავს მონეტარულ პოლიტიკას, ადგენს რეფინანსირების საპროცენტო განაკვეთებს.ევრობანკი ზედამხედველობსევროპულ ბანკებს. ასევე, გასცემს ბანკნოტების ბეჭდვის ნებართვას.(BRG) 

1771418280

ბერსეს თქმით, არასათანადო მოპყრობა გაუმართლებელია.„ამ დასკვნებს მომავალ კვირას ადამიანის უფლებათა საბჭოში საგარეო საქმეთა მინისტრ მაკა ბოჭორიშვილთან განვიხილავ“, - წერს ალენ ბერსე.გენერალური მდივანი ხაზს უსვამს, რომ ევროსაბჭო მზადაა მხარი დაუჭიროს რეფორმებს.ოთხშაბათს, 18 თებერვალს წამებისა და არაადამიანური ან დამამცირებელი მოპყრობის ან დასჯის პრევენციის ევროპულმა კომიტეტმა (CPT) საქართველოში 2024 წლის 18-29 ნოემბერს და 2025 წლის 21-22 იანვარს განხორციელებული ვიზიტების შესახებ ანგარიში გამოაქვეყნა.ანგარიშის თანახმად, სასჯელაღსრულების N15 დაწესებულებაში, რომელიც ღია დაწესებულებაა, პატიმართა არაფორმალური იერარქიაა შენარჩუნებული, შესაბამისად, იყო პატიმრებს შორის ძალადობის შემთხვევები. დაწესებულებაში, ამავე დროს, არის პერსონალის მცირე რაოდენობა.ანგარიში ხაზს უსვამს, რომ დელეგაციის წევრებმა საქართველოში დაათვალიერეს შემდეგი სასჯელაღსრულების დაწესებულებები: გლდანის N8 ციხე და გლდანის ციხის საავადმყოფო (N18 პენიტენციური დაწესებულება), ასევე, ქსანში მდებარე N15 ციხე. ამასთანავე, ვიზიტი შედგა ლაითურის N1 და ქუთაისის N2 ციხეებში.ანგარიშში წერია, რომ დელეგაციის წევრებს არ მიუღიათ ინფორმაცია აღნიშნული ციხეების პერსონალის მხრიდან პატიმართა მიმართ ფიზიკური არასათანადო მოპყრობის შესახებ, მიიღეს მხოლოდ რამდენიმე ბრალდება სიტყვიერ შეურაცხყოფაზე.კომიტეტი წერს, რომ მთლიანობაში დათვალიერებულ ციხეებში იყო მშვიდი ატმოსფერო და კარგი (ზოგჯერ გულთბილიც კი) ურთიერთობა პერსონალსა და პატიმრებს შორის.რაც შეეხება პატიმართა შორის ძალადობას: ინციდენტები იშვიათი იყო დახურული ტიპის ციხეებში (კერძოდ, N1, N2 და N8 ციხეებში), სადაც პატიმრები ჩაკეტილი იყვნენ საკნებში და დღის უმეტეს ნაწილს საკნებს შორის ურთიერთობის შესაძლებლობის გარეშე ატარებდნენ.ანგარიშის თანახმად, ამის საპირისპიროდ, N15 ციხეში პატიმართა შორის ძალადობა უფრო ხშირი იყო, რაც გასაკვირი არ არის ნახევრად ღია რეჟიმისა და პერსონალის ძალიან მცირე რაოდენობის გათვალისწინებით: დაახლოებით 40 ბადრაგს ევალებოდა თითქმის 1 600 პატიმრის კონტროლი, რომლებიც ციხის ვრცელ ტერიტორიაზე თავისუფლად გადაადგილდებოდნენ.გარდა ამისა, უწინდელივით, არსებობდა აშკარა ნიშნები იმისა, რომ N15 ციხეში კვლავ ნარჩუნდება პატიმართა არაფორმალური იერარქიის გავლენა. ეს ნიშნები იმავე ხასიათის იყო, რაც დეტალურად არის აღწერილი 2021 წლის სპეციალური ვიზიტის ანგარიშში, მათ შორის: ტიპური სიმბოლოების თვალსაჩინო გამოხატვა (კერძოდ, „ქურდული სამყაროს“ რვაქიმიანი ვარსკვლავები), აშკარა განსხვავება საკნების პირობებს შორის და პატიმართა გასაოცარი თავშეკავება დელეგაციასთან საუბრისას, ასევე, მათი ტენდენცია, უარყონ აშკარა და დადასტურებული ფაქტებიც კი (როგორიცაა დოკუმენტირებული კონფლიქტები და დაზიანებები).CPT მოუწოდებს საქართველოს ხელისუფლებას, გააძლიეროს ძალისხმევა პატიმართა შორის ძალადობისა და დაშინების პრევენციისა და აღკვეთის მიზნით ყველა ციხეში, მაგრამ განსაკუთრებით ნახევრად ღია ტიპის დაწესებულებებში („ზონებში“), მათ შორის N15 ციხეში.ეს უნდა მოიცავდეს პატიმართა ქცევის მუდმივ მონიტორინგს (მათ შორის, სავარაუდო მოძალადეებისა და მსხვერპლთა იდენტიფიცირებას), პატიმართა შორის დაშინების/ძალადობის დადასტურებული და საეჭვო შემთხვევების სათანადო აღრიცხვა-შეტყობინებასა და ყველა ინციდენტის საფუძვლიან გამოძიებას.თუმცა, ამავდროულად, კომიტეტს მიაჩნია, რომ ზემოაღნიშნული მიზნის მიღწევა იქნება ძალიან რთული, თუ არა შეუძლებელი ამჟამად არსებულ ნახევრად ღია ციხეებში, განსაკუთრებით „ღია კარის“ რეჟიმის, აქტივობების ნაკლებობისა და პერსონალის ძალიან მცირე რაოდენობის გათვალისწინებით.CPT რეკომენდაციას იძლევა, რომ N15 ციხის ჯანდაცვის სამსახურს გამოეყოს დამატებითი სივრცე (სულ მცირე 2-3 დამატებითი ოთახი).დელეგაციამ დადებითად შეაფასა ის ფაქტი, რომ ხორციელდებოდა სისტემატური და კარგად შესრულებული სამედიცინო სკრინინგი დაწესებულებაში შესვლისას, მათ შორის ინფექციურ დაავადებებზე სკრინინგი და დაზიანებების აღრიცხვა-შეტყობინება (N15 ციხის გამოკლებით, სადაც დაზიანებები ცუდად იყო აღრიცხული, ხოლო ექიმებს არ უცდიათ, შეეფასებინათ დაზიანებების თავსებადობა პატიმართა მიერ მოწოდებულ, ხშირად სამედიცინო თვალსაზრისით სრულიად დაუჯერებელ ახსნა-განმარტებებთან).კომიტეტი რეკომენდაციას იძლევა, გადაიდგას ნაბიჯები ამის გამოსასწორებლად, კერძოდ, N15 ციხეში მომუშავე ექიმებისთვის სათანადო ტრენინგის გზით.კიდევ ერთი შემაშფოთებელი საკითხი ყველა მონახულებულ ციხეში იყო ის, რომ პირველადი სკრინინგი არ მოიცავდა ფსიქიკური ჯანმრთელობის ასპექტების ჯეროვან შეფასებას, მათ შორის ტრავმისა და სუიციდის რისკს.CPT რეკომენდაციას იძლევა, რომ შესაბამისად შეიცვალოს პირველადი სკრინინგის პროცედურა.გარდა ამისა, ზემოხსენებული დაზიანებების აღრიცხვისა და შეტყობინების კარგი პროცედურა (როდესაც ანგარიშები ეგზავნება სპეციალურ საგამოძიებო სამსახურს სხეულის რუკებისა და ფოტოების თანხლებით) გამოიყენებოდა მხოლოდ სამართალდამცავი (პოლიციის ან ციხის) თანამშრომლების მხრიდან არასათანადო მოპყრობის შესახებ ბრალდებების დროს, ან როდესაც არსებობდა სხვა ნიშნები, რომლებიც მიუთითებდა მსგავს არასათანადო მოპყრობაზე, თუნდაც ბრალდების არარსებობის პირობებში.ამის საპირისპიროდ, როდესაც დაზიანებები გამოწვეული იყო პატიმართა შორის ძალადობით (ან, სავარაუდოდ, მისგან მომდინარეობდა), აღრიცხვა უფრო ზედაპირული იყო (ფოტოების გადაღების გარეშე), ხოლო ანგარიშები მხოლოდ იუსტიციის სამინისტროს გენერალურ ინსპექციას ეგზავნებოდა.CPT რეკომენდაციას იძლევა, რომ პატიმართა შორის ძალადობის შედეგად მიყენებული (ან სავარაუდოდ მისგან მომდინარე) დაზიანებების მიმართ გამოსაყენებელი პროცედურა გაუთანაბრდეს იმ პროცედურას, რომელიც გამოიყენება პოლიციის ან ციხის თანამშრომლების მხრიდან არასათანადო მოპყრობის ბრალდებების (ან ნიშნების) დროს.ანგარიშის თანახმად, ყველა მონახულებულ დაწესებულებაში არსებობდა პატიმართა ინდივიდუალური სამედიცინო ბარათები და ისინი, როგორც წესი, კარგად იყო წარმოებული.თუმცა, როგორც წარსულში, სამედიცინო კონფიდენციალურობა ყოველთვის არ იყო დაცული, რადგან, პირველ რიგში, სამედიცინო კონსულტაციაზე მოთხოვნა უნდა გაკეთებულიყო ღია ფორმით ზედამხედველი პერსონალის მეშვეობით და, მეორე მხრივ, სამედიცინო შემოწმება ზოგჯერ კვლავ ტარდებოდა ზედამხედველი ოფიცრების თანდასწრებით.CPT კიდევ ერთხელ იძლევა რეკომენდაციას, რომ გადაიდგას ნაბიჯები საქართველოს ყველა ციხეში პატიმრებისთვის ჯანდაცვის სამსახურზე კონფიდენციალური წვდომის უზრუნველსაყოფად. მოთხოვნის ფორმების დალუქული კონვერტებით წარდგენა უნდა გახდეს სტანდარტული პროცედურა; ამ მიზნით, ფორმები პატიმრებს ყოველთვის კონვერტებთან ერთად უნდა გადაეცეთ. კომიტეტი ასევე მოუწოდებს საქართველოს ხელისუფლებას, განახორციელოს მისი მრავალწლიანი რეკომენდაცია, რომ სამედიცინო შემოწმებები/კონსულტაციები, როგორც წესი, ჩატარდეს არასამედიცინო პერსონალის მხედველობისა და სმენადობის არეალის მიღმა, სამედიცინო კონფიდენციალურობის სრული გარანტიით.CPT კიდევ ერთხელ იმეორებს, შეშფოთებულია პატიმრებისთვის ფსიქიკური ჯანმრთელობის დაცვის (ფსიქიატრიული და ფსიქოლოგიური) კუთხით არსებული სისტემური სერიოზული ხარვეზებით. კერძოდ, კვლავ არ იყო საკმარისი რაოდენობის ფსიქიატრი და ფსიქოლოგი. გარდა ამისა, ფსიქიკური ჯანმრთელობის პრობლემების მქონე პატიმრებისთვის, ფაქტობრივად, არაფერი იყო ხელმისაწვდომი ფარმაკოთერაპიის გარდა.CPT კვლავ იმეორებს რეკომენდაციას, რომ საქართველოს ხელისუფლებამ გააგრძელოს ძალისხმევა პატიმრებისთვის ფსიქიატრიული და ფსიქოლოგიური დახმარების გაწევის გასაძლიერებლად პროფესიული პირველადი და უწყვეტი სკრინინგის პროცესზე დაყრდნობით. კერძოდ, გააუმჯობესოს ფსიქიატრებთან წვდომა ყველა ციხეში, შესთავაზოს სხვა თერაპიები, გარდა მედიკამენტოზურისა (მაგ. ინდივიდუალური და ჯგუფური ფსიქოთერაპია, არტთერაპია და ოკუპაციური თერაპია) და უზრუნველყოს თერაპიული აქტივობები ციხეებში მომუშავე ფსიქოლოგების ჩართულობით.კომიტეტი ასევე კვლავ იმეორებს თავის რეკომენდაციას, რომ საქართველოს ხელისუფლებამ გააძლიეროს ფსიქოლოგიური დახმარება ციხეებში და განავითაროს ციხის ფსიქოლოგების მომზადება და როლი, განსაკუთრებით სხვადასხვა კატეგორიის პატიმრებთან თერაპიული კლინიკური მუშაობის კუთხით.ანგარიშის თანახმად, ამ კონტექსტში, საჭიროა ძალისხმევა სათანადო დროს კლინიკურად მომზადებული ფსიქოლოგების დასასაქმებლად, რომლებიც უნდა იყვნენ ჯანდაცვის გუნდის ნაწილი და რომელთა მუშაობისას თავიდან უნდა იქნეს აცილებული ორი ურთიერთგამომრიცხავი როლის შეთავსება, როგორიცაა რისკების შეფასება და თერაპიული კლინიკური მუშაობა.კომიტეტი წერს, რომ მონახულებულ ციხეებში ასევე იმყოფებოდა მრავალი პატიმარი ადიქციის (დამოკიდებულების) პრობლემებით, რომლებზე რეაგირებაც კვლავ შემოიფარგლებოდა მხოლოდ დეტოქსიკაციით (N2 და N8 ციხეებში და ციხის საავადმყოფოში), რაც ზიანს აყენებს აუცილებელ უფრო ფართო მიდგომას, რომელიც მოიცავს მედიკამენტოზურ მკურნალობას ოპიოიდების მოხმარებით გამოწვეული დარღვევებისათვის, როგორც ჩამნაცვლებელ თერაპიას. როგორც ადრე, არ არსებობდა ზიანის შემცირების ღონისძიებები მათ შორის ნემსებისა და შპრიცების გაცვლის პროგრამები.CPT რეკომენდაციას იძლევა, რომ ზემოაღნიშნულის გათვალისწინებით, გაგრძელდეს ძალისხმევა ციხეებში ადიქციის პრობლემაზე რეაგირების განსავითარებლად.ამ კონტექსტში, CPT-ისთვის ვიზიტის შემდეგ ცნობილი გახდა საქართველოს ხელისუფლების გეგმების შესახებ, რომელიც ითვალისწინებს სასამართლოს მიერ დანიშნული სავალდებულო მკურნალობის შემოღებას, როგორც დამატებით ღონისძიებას ნარკოტიკულ დანაშაულში მსჯავრდადებული პირებისთვის.კომიტეტს სურს მიიღოს დეტალური ინფორმაცია ამ გეგმების შესახებ, მათ შორის ასეთი სავალდებულო მკურნალობის დაკისრების გათვალისწინებულ პროცედურასა და მის დაგეგმილ შინაარსზე.

1771417680

„შეხვედრები ბიზნესთან“ - Pullman-ში საშუალო ბიზნესებისთვის ღონისძიება  გაიმართა.Galt & Taggart-ის მთავარმა ეკონომისტმა, ლაშა ქავთარაძემ საქართველოს ეკონომიკის უახლესი კვლევა გააცნო, ხოლო EBRD-ის კონსულტაციების პროგრამის მენეჯერმა, სევერიან ღვინეფაძემ თანადაფინანსების შესაძლებლობებზე ისაუბრა.ღონისძიებაზე ბიზნესებს შესაძლებლობა ჰქონდათ საქართველოს ბანკის იმ პროდუქტებსა თუ  ციფრულ გადაწყვეტებს გასცნობოდნენ, რომელსაც ბანკი მათ საოპერაციო პროცესების გასამარტივებლად სთავაზობს. პარტნიორმა კომპანიებმა - ALTIDO-მ, DASTAFE-მ და GEC Business-მა კი ბიზნესებს საკუთარი მომსახურებები და სპეციალური შეთავაზებები წარუდგინეს.„მცირე და საშუალო ბიზნესის მხარდაჭერა საქართველოს ბანკის ერთ-ერთი მთავარი პრიორიტეტია. ჩვენი, როგორც ბიზნესის სტრატეგიული პარტნიორის, მიზანია ხელი შევუწყოთ მათ ზრდასა და განვითარებას, ხოლო ოპერაციული პროცესების გამარტივებით დაზოგონ დრო და რესურსი. სწორედ ამ მიზანს ემსახურება ღონისძიება „შეხვედრები ბიზნესთან“, სადაც მათ შესაძლებლობას ვაძლევთ გაეცნონ ბაზრის ტენდენციებს, მიიღონ ინფორმაცია თანადაფინანსების შესაძლებლობებზე და ბანკის სერვისებსა და ციფრულ პროდუქტებზე. ჩვენ აქ არ ვჩერდებით და ვაგრძელებთ  ბიზნესის განვითარებაზე ორიენტირებული ინიციატივების განხორციელებას“, - განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, თორნიკე კუპრაშვილმა.(R) 

1771417056

„რაც შეეხება მოლაპარაკებების შინაარსობრივ მხარეს. უპირველეს ყოვლისა, იცით, რომ ორი მიმართულებაა: სამხედრო და პოლიტიკური. აქ მინდა ვთქვა, რომ სამხედრო მიმართულებით სამივე მხარე კონსტრუქციული იყო“, - განაცხადა ზელენსკიმ.უკრაინის პრეზიდენტის თქმით, კერძოდ, „სამხედროებს ესმით, როგორ განახორციელონ ცეცხლის შეწყვეტისა და ომის დასრულების მონიტორინგი, თუკი იქნება პოლიტიკური ნება“.„ისინი (მოლაპარაკების მხარეები - რედ.), პრინციპში, იქ თითქმის ყველაფერზე შეთანხმდნენ. მონიტორინგი ნამდვილად ამერიკული მხარის მონაწილეობით იქნება. მიმაჩნია, რომ ეს კონსტრუქციული სიგნალია“, - განაცხადა ზელენსკიმ.პრეზიდენტმა აღნიშნა, რომ მონიტორინგის შესახებ ყველა სხვა ტექნიკურ დეტალს უკრაინის შეიარაღებული ძალების გენერალური შტაბის უფროსი, ანდრიი გნატოვი მოახსენებს, როდესაც ჟენევიდან დაბრუნდება.18 თებერვალს დილით, უკრაინის დელეგაციის ხელმძღვანელმა, ეროვნული უსაფრთხოებისა და თავდაცვის საბჭოს მდივანმა რუსტემ უმეროვმა განაცხადა, რომ ჟენევაში უკრაინა-ამერიკა-რუსეთის მოლაპარაკებების მეორე დღე დაიწყო.მოგვიანებით, რუსეთის დელეგაციის ხელმძღვანელმა ვლადიმერ მედინსკიმ განაცხადა, რომ სამმხრივი მოლაპარაკებების მორიგი რაუნდი, რომელიც 18 თებერვალს მიმდინარეობდა, დასრულდა. მისი თქმით, მოლაპარაკებები ჟენევაში დაახლოებით ორ საათს გაგრძელდა, იყო „მძიმე, თუმცა საქმიანი“.24 თებერვალს 4 წელი სრულდება, რუსეთის მიერ უკრაინის წინააღმდეგ სრულმასშტაბიანი ომის დაწყებიდან.

1771414275

პროგრამის პირველი ეტაპი 10, 11 და 12 მარტს, თბილისში გაიმართება.მეწარმე ქალთა განვითარების პროგრამა მიზნად ისახავს უშიშარი და ინოვაციური იდეებით სავსე ქალ ლიდერებს იდეიდან ბიზნესის წარმატებულ განვითარებამდე 360°-იანი მხარდაჭერა შესთავაზოს. პროგრამა წელიწადში ოთხჯერ ტარდება და მონაწილეებს როგორც თეორიულ ცოდნას, ისე პრაქტიკულ გამოცდილებას სთავაზობს.ინფორმაციისთვის, პროგრამა ხორციელდება გაეროს განვითარების პროგრამის (UNDP), საქართველოს ბანკი ბიზნესისა და შვედეთის მთავრობის ხელშეწყობით.პროგრამის ფარგლებში მონაწილეები გაივლიან სპეციალურად შემუშავებულ სასწავლო კურსს და მონაწილეობას მიიღებენ ინტენსიურ ტრენინგებში, სადაც ექსპერტები ბიზნესის მართვასთან დაკავშირებულ ცოდნას გაუზიარებენ. მათ მუდმივი წვდომა ექნებათ დამატებით საგანმანათლებლო რესურსებსა და საინფორმაციო შეხვედრებზე.  ისარგებლებენ როგორც ჯგუფური, ისე ინდივიდუალური მხარდაჭერით, მიიღებენ პრაქტიკულ რჩევებს ბიზნესგანაცხადის მომზადებისთვის, გრანტის მიღებისა და პროექტის წარმატებით განხორციელებისთვის. პროგრამის დასრულების შემდეგ კი მონაწილეებს შესაძლებლობა ექნებათ ჩაერთონ საგრანტო კონკურსში და გამარჯვების შემთხვევაში პროგრამის მხარდაჭერით, საკუთარი ბიზნესიდეის რეალიზაცია მოახდინონ.პროგრამის შესახებ მეტი ინფორმაციის მისაღებად და რეგისტრაციისთვის ეწვიეთ ბმულს. (R)

1771413479

პრემიერმა ხაზი გაუსვა, რომ ბოლო პერიოდში განხორციელებული საკანონმდებლო ცვლილებების საფუძველზე (უცხოელთა სამართლებრივი მდგომარეობის შესახებ კანონი, სისხლის სამართლისა და ადმინისტრაციულ სამართალდარღვევათა კოდექსები), საიმიგრაციო კონტროლი მნიშვნელოვნად გამკაცრდა.მისივე თქმით, 2025 წელს საქართველოდან იმაზე მეტი არალეგალი უცხოელი გააძევეს, ვიდრე ჯამურად გასული 10 წლის განმავლობაში. 2026 წლისთვის კი მთავრობა 4 000-იან ნიშნულზე გასვლას გეგმავს, რაც ქვეყანაში მყოფი არალეგალი მიგრანტების დაახლოებით 20%-ის გაძევებას ნიშნავს.პრემიერმა ასევე დაასახელა გაძევებული არალეგალი მიგრანტების პროცენტული მაჩვენებლები ქვეყნების მიხედვით: ინდოეთი – 20,5% თურქეთი – 12,9% ირანი – 12% ჩინეთი – 7,5% რუსეთის ფედერაცია – 5,6% ირაკლი კობახიძის განცხადებით, არალეგალურ მიგრაციასთან ბრძოლის გაძლიერება სავსებით რეალურია იმ რეფორმებიდან გამომდინარე, რომელიც შინაგან საქმეთა სამინისტროს მიგრაციის დეპარტამენტში ხორციელდება.

1771406797

კობახიძის განმარტებით, საზღვრის კვეთის მონაცემები აჩვენებს, რომ საქართველოში მყოფ უცხოელთა 70%-ზე მეტი პოსტსაბჭოთა ქვეყნების, ევროკავშირის, აშშ-ის ან ისრაელის მოქალაქეები არიან, ხოლო დანარჩენ ქვეყნებზე მიგრანტების დაახლოებით 30% მოდის.რაც შეეხება უშუალოდ ბინადრობის ნებართვებს, ის ამჟამად გაცემულია 164 ქვეყნის 107 307 მოქალაქეზე. მონაცემები ქვეყნების მიხედვით ასე ნაწილდება: რუსეთის ფედერაცია: ბინადრობის ნებართვა აქვს 32 129 პირს (29,9%). პრემიერმა დააზუსტა, რომ მათი დაახლოებით 30% რეალურად ქართული გვარის მქონე პირები და საქართველოს ყოფილი მოქალაქეები არიან. ინდოეთი: 23 930 პირი. მათი უდიდესი უმრავლესობა სტუდენტია. აზერბაიჯანი: ბინადრობის ნებართვების 6,3%. ძირითადად საქართველოდან გასული და მოგვიანებით დაბრუნებული ეთნიკური აზერბაიჯანელები. უკრაინა: ბინადრობის ნებართვა აქვს 6 290 ადამიანს (5,9%). თუმცა, დამატებით 25 000 უკრაინელი საქართველოში ლტოლვილის სტატუსით, ბინადრობის ნებართვის გარეშე ცხოვრობს. ჯამში უკრაინელების რაოდენობა 30 000-მდეა. სომხეთი: 5 000-ზე მეტი ადამიანი (4,8%). სავარაუდოდ, საქართველოდან გასული და შემდეგ სომხეთის მოქალაქეობით დაბრუნებული პირები. ბელარუსი: 3 738 პირი. თურქეთი: 3 645 პირი (3,4%). ირანი: 3 331 პირი (3,1%). სუდანი: ბინადრობის ნებართვების 2%. ძირითადად სამედიცინო მიმართულების სტუდენტები. ჩინეთი: 2 000-ზე მეტი პირი (1,9%). ძირითადად ინფრასტრუქტურულ პროექტებზე დასაქმებული სამუშაო ძალა. იორდანია: 2 000-ზე მეტი პირი (1,9%). ძირითადად სამედიცინო მიმართულების სტუდენტები. პაკისტანი: 1 618 პირი (1,5%). ასევე სამედიცინო მიმართულების სტუდენტები. ეგვიპტე: 1 341 პირი (1,2%). თითქმის ყველა მათგანი სამედიცინო უნივერსიტეტის სტუდენტია. აშშ: 1 000 პირზე მეტი (1%). კობახიძის დასკვნით, ბინადრობის ნებართვის გაცემის მაჩვენებლები იძლევა ნათელ სურათს საქართველოში უცხოელთა ყოფნის საფუძვლებისა და მათი წარმომავლობის შესახებ.

1771406178