LFG თითო აქციაზე £0.86-ს გაანაწილებს

AD BLACK SEA-ის უცვლელი პარტნიორი უკვე ათი წელია თიბისია. ფესტივალის მხარდაჭერით, თიბისი წლებია ქმნის მნიშვნელოვან პლატფორმას ახალი იდეებისა და შემოქმედებითი ხედვების გასავითარებლად, პროფესიული გამოცდილების გასაზიარებლად და ადგილობრივი ინდუსტრიის საერთაშორისო შემოქმედებით საზოგადოებასთან დასაკავშირებლად.AD BLACK SEA 2026 კონკურსში თიბისის კამპანიებმა ჯამში 9 ჯილდო მიიღო:სანტა ემიგრანტია: Advertising Campaigns | PR Campaigns – ვერცხლი Film | TV & Cinema – ბრინჯაო Film Craft | Script – ბრინჯაო დაარქვი შენს მიზანს სახელი: Creative Strategy | Audience Insight – ვერცხლი Creative Strategy | Products / Services – ბრინჯაო ვინ არის სანტა? Visual Craft | Photography – ვერცხლი Design & Branding | Posters – ბრინჯაო 100 დამალული ჩანაწერი | ინოლა გურგულია Design & Branding | Packaging – ბრინჯაო ფესტივალის გრან-პრის მფლობელები სააგენტოები Playmakers და Windfor’s Tbilisi გახდნენ. კონკურსის 13 ძირითად კატეგორიაში წარმოდგენილი ნამუშევრები 20-ზე მეტი ქვეყნიდან მოწვეულმა 30-ზე მეტმა საერთაშორისო ექსპერტმა შეაფასა.თიბისის მხარდაჭერის ნაწილია Young Creative-ის ნომინაციაც, რომელიც უკვე მეოთხედ გაიმართა და ახალგაზრდა ქართველ შემოქმედებს პროფესიული განვითარებისა და საერთაშორისო ასპარეზზე საკუთარი ძალების წარმოჩენის შესაძლებლობას აძლევს. წელს ამ კატეგორიაში გამარჯვება ანასტასია ბეჟიტაძემ კამპანიისთვის „Flags of Victory“ მოიპოვა.ფესტივალის წლევანდელი კონცეფციის მთავარი თემა იყო „ON THE EDGE“ - იქ სადაც ცვლილებები იწყება, გაურკვევლობა კი ახალი იდეებისა და ინოვაციების წყაროდ იქცევა და სწორედ ამ ზღვარზე იბადება ის, რაც გუშინ შეუძლებელი ჩანდა. ფესტივალის მთავარ სცენაზე მსოფლიოს შემოქმედებითი ინდუსტრიის წამყვანი წარმომადგენლები, მათ შორის დევიდ დროგა, სინდი გელოპი, ნატაშა ჯენი, იოჰანა იასკოვსკა  და სხვა პროფესიონალები წარდგნენ.მე-10 საიუბილეო გამოშვებამ AD BLACK SEA-ის ათწლიანი განვითარების მნიშვნელოვანი ეტაპი შეაჯამა და კიდევ ერთხელ გამოკვეთა თიბისის გრძელვადიანი მხარდაჭერის როლი საქართველოს კრეატიული ეკოსისტემის განვითარებაში.(R)

1789465566

საინფორმაციო შეხვედრა დაინტერესებულ პირებს საშუალებას მისცემს, კითხვები საქართველოს ბანკის სტიპენდიატებსა და Chevening-ის პროგრამის კოორდინატორ პირადად დაუსვან.ვებინარზე განსახილველი თემები: როგორ მოიპოვოთ საქართველოს ბანკის 100%-იანი სტიპენდია Chevening-ის სასტიპენდიო კონკურსში; რა უნდა გაითვალისწინოთ პროგრამაში მონაწილეობის მისაღებად; პრაქტიკული რჩევები საზღვარგარეთ სწავლისა და ცხოვრების გამოწვევების დასაძლევად. ვებინარის სპიკერები: თაკო მურაჩაშვილი - საქართველოს ბანკის სტიპენდიატი; ლიკა ზურაბიანი - საქართველოს ბანკის სტიპენდიატი; ვიკა ზამთარაძე - Chevening-ის პროგრამის კოორდინატორი. დეტალები შეხვედრის შესახებ: თარიღი და დრო: 18 სექტემბერი, 18:00 საათი ფორმატი: ონლაინ რეგისტრაცია: ვებინარზე დასასწრებად საჭიროა წინასწარი რეგისტრაცია ბმულზე: https://go.bog.ge/chevening შეხვედრაზე დასასწრებ ბმულს დარეგისტრირებული მონაწილეები ვებინარის დაწყებამდე, მითითებულ ელექტრონულ ფოსტაზე მიიღებენ.ინფორმაციისთვის, საქართველოს ბანკი, როგორც განათლების მთავარი მხარდამჭერი, 40-ზე მეტ საგანმანათლებლო პროექტს ახორციელებს და უჭერს მხარს. მათ შორისაა პროგრამები მოსწავლეებისთვის, სტუდენტებისთვის, ახალგაზრდა პროფესიონალებისა და მასწავლებლებისთვის. საქართველოს ბანკის საგანმანათლებლო პროექტებზე უფრო მეტი ინფორმაციის მისაღებად შეგიძლიათ ეწვიოთ ბმულს.(R)

1789464916

კერძოდ, აგვისტოს ბოლოს, მან 1 033 ცალი აქცია საშუალო ფასით £48.25-ად შეიძინა, რაშიც £49,840.49 გადაიხადა.ტრანზაქცია აგვისტოს ბოლოს, ლონდონის საფონდო ბირჟაზე მოხდა.გაი სტივენსი ჯგუფის ფინანსურ დირექტორად მიმდინარე წლის 13 ივლისიდან დაინიშნა.სტივენსს აქვს თითქმის 30-წლიანი გამოცდილება ფინანსური ინსტიტუტების სექტორში კორპორაციული ფინანსების მიმართულებით. მას ეკავა უფროსი პოზიციები, მათ შორის, UBS Investment Bank-ში, Deloitte Corporate Finance-სა და Keefe, Bruyette & Woods-ში, სადაც EMEA რეგიონში ბანკებსა და სხვა ფინანსურ მომსახურების კომპანიებს უწევდა კონსულტაციას სხვადასხვა სტრატეგიულ და კაპიტალის ბაზრებთან დაკავშირებულ ტრანზაქციებზე.ჯგუფის ცნობით, მას დიდი ხნის განმავლობაში ჰქონდა ახლო ურთიერთობა TBC ბანკთან, მათ შორის, 2014 წელს TBC Bank-ის პირველ საჯარო შეთავაზებაზე (IPO) ერთობლივი გლობალური კოორდინატორის როლში.

1789464013

ნათია თურნავას განცხადებით, მომხმარებელთა უფლებების დაცვა საქართველოს ეროვნული ბანკის ერთ-ერთი მნიშვნელოვანი ამოცანაა. ფინანსურად მდგრადი და დაცული მომხმარებელი, თავის მხრივ, ფინანსური სექტორის სიჯანსაღისა და სტაბილურობის მნიშვნელოვანი საფუძველია.„ბოლო წლების განმავლობაში საფინანსო სექტორში გაიზარდა როგორც მომხმარებელთა უფლებების დაცვის სტანდარტი, ასევე მათი ფინანსური განათლების დონე. ამაზე, მათ შორის, მომხმარებელთა ეროვნული ბანკისადმი მომართვიანობის ტენდენციაც მიუთითებს“, - აღნიშნა ეროვნული ბანკის პრეზიდენტმა.ნათია თურნავამ ყურადღება გაამახვილა სწრაფი ციფრული ტრანსფორმაციის პირობებში არსებულ გამოწვევებზე და აღნიშნა, რომ მოსახლეობის სხვადასხვა მოწყვლადი ჯგუფებისთვის დამატებითი დაცვის მექანიზმების შემუშავება განსაკუთრებით მნიშვნელოვანია.ეროვნული ბანკის პრეზიდენტმა ასევე ხაზი გაუსვა ფინანსური განათლების მნიშვნელობას და აღნიშნა, რომ მომხმარებელთა ინფორმირება არსებული რისკების შესახებ მომხმარებელთა დაცვის პოლიტიკის განუყოფელი ნაწილია.მისი თქმით, ეროვნული ბანკი ფინანსური განათლების მიმართულებით აქტიურად მუშაობს. ამ მიზნით, შემუშავებულია ფინანსური განათლების ეროვნული სტრატეგიის მეორე რედაქცია, ხოლო ხუთ წელზე მეტია მოქმედებს საგანმანათლებლო პლატფორმა „ფინედუ“, რომლის მიზანია მოქალაქეებისთვის მკაფიო, ობიექტური და არაკომერციული ფინანსური ინფორმაციის მიწოდება მათთვის მარტივი და გასაგები ფორმით.„ჩვენი მიდგომა ეფუძნება ერთ მთავარ პრინციპს: მომხმარებელს დაცვა სჭირდება მანამ, ვიდრე ის გადაწყვეტილებას მიიღებს. თუ მომხმარებელი სწორად აფასებს რისკს, ეს ამცირებს როგორც პოტენციურ პერსონალურ ზარალს, ისე სისტემურ რისკებსაც“, - აღნიშნა ნათია თურნავამ.აღსანიშნავია, რომ საქართველოს კონკურენციისა და მომხმარებლის დაცვის სააგენტო 2026-2027 წლებში მომხმარებლის დაცვისა და აღსრულების საერთაშორისო ქსელის (ICPEN) ხელმძღვანელ უწყებას წარმოადგენს. კონფერენცია, რომელიც ციფრულ ეპოქაში მომხმარებელთა ნდობის გაძლიერების, მათი უფლებების დაცვისა და არსებული გამოწვევების შესახებ საერთაშორისო გამოცდილების გაზიარებას ემსახურება, 3 დღის განმავლობაში იმუშავებს მომხმარებელთა უფლებების სფეროში არსებულ აქტუალურ საკითხებზე და განსაზღვრავს ერთიან მიდგომებსა და სტანდარტებს. კონფერენციას 55 ქვეყნის 100-მდე დელეგატი ესწრება, მათ შორის სხვადასხვა ქვეყნის მომხმარებელთა უფლებების დაცვის უწყებების ხელმძღვანელი პირები.გახსნით ღონისძიებაში საქართველოს მთავრობის, პარლამენტის, თბილისის მერიის, საერთაშორისო ორგანიზაციებისა და სხვადასხვა ქვეყნის კონკურენციისა და მომხმარებელთა დაცვის უწყებების წარმომადგენლები მონაწილეობდნენ.

1789461866

საქართველოს ბანკმა ძირითადი საბანკო პროდუქტების მართვა და აქტივაცია სრულად ციფრულ სივრცეში გადაიტანა. დღეს მომხმარებლებს შეუძლიათ გახსნან ანგარიში, შეუკვეთონ ბარათი, განათავსონ დეპოზიტი ან აიღონ სესხი ფილიალში ვიზიტის გარეშე. ამასთანავე, ბანკი აქცენტს აკეთებს პერსონალიზებულ შეთავაზებებზე: Next Best Offer ალგორითმი 150-ზე მეტ ქცევით ცვლადს აანალიზებს და მომხმარებელს ინდივიდუალურად შერჩეულ პროდუქტებს სთავაზობს.ამასთან ერთად, ბანკმა სრულად გარდაქმნა დაკრედიტების პროცესი და ის მთლიანად ხელოვნურ ინტელექტზე დაფუძნებულ ციფრულ გამოცდილებად აქცია. დღეს საცალო სესხების 89% ციფრულად გაიცემა, ხოლო არაუზრუნველყოფილი სესხების 95% სრულად ავტომატიზებულია – მათი დამტკიცება 15 წამზე ნაკლებ დროში ხდება.2025 წელს ბანკმა წარადგინა სრულად დისტანციური იპოთეკური სესხის გაცემის პროცესიც. აღნიშნული სისტემა რეალურ დროში ახორციელებს შემოსავლების, ვალდებულებებისა და საკრედიტო ისტორიის შემოწმებას, ინტეგრირებულია საჯარო რეესტრთან, ახდენს ქონების იდენტიფიცირებას და დისტანციურად გეგმავს შეფასებას. ციფრული ეკოსისტემა ასევე მოიცავს საკრედიტო ლიმიტის ერთ წუთში დამტკიცებას და ნაწილ-ნაწილ გადახდის შესაძლებლობას.ჩვენი სტრატეგია ეყრდნობა პრინციპს, რომ საბანკო პროდუქტებით სარგებლობა ყოველდღიურობაში მაქსიმალურად მარტივი უნდა იყოს. სხვადასხვა ციფრული გადაწყვეტილებებით ხელს ვუწყობთ ჩვენს მომხმარებლებს დროისა და რესურსების დაზოგვაში. ამის კარგი მაგალითია ციფრული იპოთეკური დაკრედიტების შესაძლებლობა. Global Finance-ის ჯილდო გვიჩვენებს, რომ ჩვენი საცალო მომსახურების გაციფრულების ტემპი და ხარისხი საერთაშორისო სტანდარტებითაც გამორჩეულია“, – განაცხადა გიორგი გურეშიძემ, საქართველოს ბანკის გენერალური დირექტორის მოადგილემ საცალო საბანკო საქმიანობის მიმართულებით.„ამ აღიარების მიღმა უახლესი ტექნოლოგიური არქიტექტურა და მონაცემების მართვის გამართული სისტემა დგას. ხელოვნური ინტელექტის ინტეგრირებამ დაკრედიტების პროცესი მნიშვნელოვნად გაამარტივა. ჩვენი მიზანია, მონაცემთა ანალიზი მაქსიმალურად ეფექტიანად გამოვიყენოთ რისკების სწორი მართვისთვის და, ამავდროულად, მომხმარებელს შევთავაზოთ ზუსტად ის პროდუქტი, რომელიც მას კონკრეტულ მომენტში სჭირდება“, – განაცხადა დავით დავითაშვილმა, საქართველოს ბანკის გენერალური დირექტორის მოადგილემ ინფორმაციული ტექნოლოგიებისა და მონაცემთა მართვის მიმართულებით.Global Finance, რომელიც 1987 წელს დაარსდა, 196 ქვეყანაში 50,000-ზე მეტ მკითხველს აერთიანებს. გამოცემა რეგულარულად ასახელებს საუკეთესო ბანკებსა და ფინანსური სერვისების სხვა პროვაიდერებს. მისი ჯილდოები გლობალური ფინანსური საზოგადოებისთვის სანდოობისა და მაღალი სტანდარტის ნიშნად ითვლება.(R)

1789460032

განახლებული ავტო კომფორტი მომხმარებელს საშუალებას აძლევს, ჯარიმები პირდაპირ მობაილბანკიდან, საკომისიოს გარეშე გადაიხადოს, მათი სტატუსი და დეტალები მარტივად ნახოს, ხოლო ახალი ჯარიმის დარიცხვისთანავე შეტყობინება მიიღოს. აპლიკაციაში ჯარიმის მიზეზისა და სხვა მნიშვნელოვანი ინფორმაციის ნახვაც მარტივად არის შესაძლებელი.საქმე კიდევ უფრო მარტივდება პარკირების ბალანსის მობაილბანკიდან შევსებითაც - აღარ არის საჭირო სხვადასხვა პლატფორმაზე გადასვლა ან დამატებითი ნაბიჯების გავლა. ავტომობილთან დაკავშირებული მნიშვნელოვანი საკითხები ერთ სივრცეშია თავმოყრილი, მარტივი ნავიგაციითა და მაქსიმალურად გამარტივებული პროცესებით.ავტო კომფორტი მხოლოდ ყოველდღიური საქმეების გამარტივებას არ გულისხმობს. მომხმარებლებს ავტომობილთან დაკავშირებულ პარტნიორ კომპანიებთან სპეციალური შეთავაზებებით, ფასდაკლებებითა და ქეშბექებით სარგებლობაც შეუძლიათ - მათ შორის საწვავის, დაზღვევისა და ტექ-მომსახურების მიმართულებით. ეს ნიშნავს, რომ ერთი სივრცე მომხმარებელს არა მხოლოდ დროსა და ენერგიას უზოგავს, არამედ დამატებით სარგებელსაც აძლევს.განახლებული ავტო კომფორტი განსაკუთრებით მათთვისაა შექმნილი, ვისაც სურს, ავტომობილთან დაკავშირებული რუტინა ნაკლები ძალისხმევით მართოს - შეტყობინებიდან გადახდამდე, პარკირების ბალანსიდან - სპეციალურ შეთავაზებებამდე და ეს ყველაფერი - მობაილბანკში.ავტო კომფორტით სარგებლობის პირველი 3 თვე უფასოა იმ მომხმარებლებისთვის, რომლებიც ფუნქციონალს 31 ოქტომბრამდე გაიაქტიურებენ.თიბისი აგრძელებს მობაილბანკის განვითარებას, რომ გაგიმარტივოს ცხოვრება და ყოველდღიური რუტინული საქმეები კიდევ უფრო მარტივი, სწრაფი და კომფორტული გახდეს. (R) 

1789459436

მთავრობის მეთაურის თქმით, საკადრო გადაწყვეტილების მიღებისას მთავარი კრიტერიუმი ახალი მინისტრის მრავალწლიანი მმართველობითი გამოცდილება და კეთილსინდისიერება იყო.„ქალბატონ მაიას აქვს მართვის განსაკუთრებული, მრავალწლიანი გამოცდილება. მრავალი წლის მანძილზე ის იკავებდა სხვადასხვა მაღალ თანამდებობას: იყო გარემოს დაცვის მინისტრის მოადგილე, ქალაქ თბილისის მერის მოადგილე, სადაც გარკვეული პერიოდის განმავლობაში კურირებდა კულტურის მიმართულებასაც. 2020 წლიდან ის არის საქართველოს პარლამენტის წევრი და გარემოს დაცვისა და ბუნებრივი რესურსების კომიტეტის თავმჯდომარე. მას გამოარჩევს კეთილსინდისიერება და ეს არის მთავარი კრიტერიუმი, რის საფუძველზეც ვთხოვეთ დაეკავებინა აღნიშნული თანამდებობა“, - აღნიშნა პრემიერ-მინისტრმა.ირაკლი კობახიძემ ხაზი გაუსვა ახალი მინისტრის აკადემიურ საქმიანობასაც და აღნიშნა, რომ მაია ბითაძე არის სამართლის დოქტორი და თბილისის სახელმწიფო უნივერსიტეტის ასოცირებული პროფესორი. მთავრობის მეთაურმა მას მომავალ საქმიანობაში წარმატებები უსურვა.

1789456770

საქმიანობის სახეების მიხედვით შედარებით მაღალი ხელფასი დაფიქსირდა შემდეგ დარგებში: ინფორმაცია და კომუნიკაცია - 4 400.4 ლარი (წინა წლის შესაბამის პერიოდთან შედარებით გაიზარდა 5.4%-ით) საფინანსო და სადაზღვევო საქმიანობები - 4 074.1 ლარი (გაიზარდა 9.2%-ით) მშენებლობა - 3 496.6 ლარი (გაიზარდა 0.8%-ით) პროფესიული, სამეცნიერო და ტექნიკური საქმიანობები - 3 304.8 ლარი (გაიზარდა 10.3%-ით) 2Q26-ში ქალების საშუალო ხელფასი 1 927 ლარი, ხოლო კაცების - 2 856.4 ლარი იყო. ხელფასების წლიურმა ზრდამ ქალებში 157.5 ლარი (8.9%) შეადგინა, ხოლო კაცებში - 200.5 ლარი (7.6%). საქმიანობის სახეების მიხედვით კაცების ხელფასი ყველა სექტორში აღემატებოდა ქალების ხელფასს.2Q26-ში სამეწარმეო (ბიზნეს) სექტორში დაქირავებით დასაქმებულთა საშუალო თვიური ხელფასი გაიზარდა 153.8 ლარით (6.6%) და 2 471.5 ლარი შეადგინა. საქმიანობის სახეების მიხედვით ყველაზე მაღალი ხელფასი დაფიქსირდა ინფორმაციის და კომუნიკაციის (4 463.9 ლარი, წინა წლის შესაბამის პერიოდთან შედარებით გაიზარდა 5.2%-ით) და პროფესიულ, სამეცნიერო და ტექნიკურ საქმიანობებში (3 693 ლარი, გაიზარდა 7.3%-ით).საქსტატის მონაცემებით, 2Q26-ში არასამეწარმეო და საფინანსო სექტორში საშუალო თვიური ხელფასი გასული წლის შესაბამის პერიოდთან შედარებით 215 ლარით (10.6%) გაიზარდა და 2 239 ლარი შეადგინა. საქმიანობის სახეების მიხედვით შედარებით მაღალი ხელფასი აქვთ საფინანსო და სადაზღვევო საქმიანობებში დასაქმებულებს.საშუალო ხელფასის სიდიდის მიხედვით რეგიონებში ლიდერია თბილისი და მცხეთა-მთიანეთი.

1789456660