სავალუტო ვაჭრობით ბანკებს 40 მილიონი დააკლდა

თავდაცვის სამინისტროს მიერ ინიციირებულ კანონპროექტს, რომელიც მიზნად ისახავს გაწვევის პროცესის გამარტივებასა და თავის არიდების მექანიზმების აღმოფხვრას, მხარი 80-მა დეპუტატმა დაუჭირა, ხოლო 10 წინააღმდეგი წავიდა.მიღებული ცვლილებების თანახმად, სამხედრო უწყება ჩაბარებულად ჩაითვლება იმ შემთხვევაშიც კი, თუ პირს მასზე ხელი ფიზიკურად არ მოუწერია. კანონი განსაზღვრავს შეტყობინების გაგზავნის თანმიმდევრულ ეტაპებს. პირველ ეტაპზე ნარჩუნდება დოკუმენტის პირადად გადაცემის წესი, თუმცა, თუ პირი ხელმოწერაზე უარს იტყვის, უწყება მაინც ჩაბარებულად ჩაითვლება უფლებამოსილი პირის მიერ შედგენილი შესაბამისი აქტის საფუძველზე.მთავარ სიახლეს წარმოადგენს ტექნიკური საშუალებებით - მოკლე ტექსტური შეტყობინებით (SMS) ან ელექტრონული ფოსტით გაგზავნილი შეტყობინებები. იმ შემთხვევაში, თუ წვევამდელი ორ სამუშაო დღეში არ დაადასტურებს ციფრული შეტყობინების მიღებას (უკუკავშირი), სახელმწიფო ავტომატურად გადადის „საჯარო გამოქვეყნების“ ეტაპზე.კერძოდ, სამხედრო აღრიცხვის ორგანო ინფორმაციას უწყების შესახებ სამინისტროს ოფიციალურ ვებგვერდზე გამოაქვეყნებს. კანონის თანახმად, გამოქვეყნებიდან მე-7 კალენდარულ დღეს უწყება ავტომატურად მიიჩნევა ჩაბარებულად, მიუხედავად იმისა, ნახა თუ არა ის ადრესატმა. ამ მომენტიდან პირს ათვლილი აქვს 10-დღიანი ვადა სამხედრო კომისარიატში გამოსაცხადებლად. გარდა ამისა, მთავრობას მიენიჭა უფლება განსაზღვროს ოჯახის წევრთა წრე, რომელთათვის უწყების გადაცემა ასევე კანონიერად ჩაითვლება.რეფორმა ასევე ეხება საკონტრაქტო (პროფესიულ) სამხედრო სამსახურში მყოფ პირებს. მოქმედი რედაქციით, კონტრაქტის დარღვევის შემთხვევაში პირი რეზერვში ირიცხებოდა, თუ მას 12 თვე ჰქონდა ნამსახურები. ახალი ცვლილებით კი, ნებისმიერი პირი, რომელიც საკუთარი ინიციატივით ან დარღვევით შეწყვეტს პროფესიულ კონტრაქტს, ავტომატურად გადაყვანილი იქნება 8-თვიან სავალდებულო სამხედრო სამსახურში, თუ მას არ გააჩნია გათავისუფლების კანონიერი საფუძველი ან მძიმე ოჯახური მდგომარეობა.სახელმწიფო აღნიშნული ცვლილებით ერთგვარ „წამახალისებელ“ მექანიზმსაც სთავაზობს სამხედროებს: პროფესიული კონტრაქტის დარღვევისთვის დაკისრებული ფულადი ჯარიმა პირს 8 თვით გადაუვადდება, ხოლო სავალდებულო სამსახურის წარმატებით დასრულების შემდეგ, ეს ფინანსური ვალდებულება სრულად ანულირდება.აღნიშნული რეფორმა საქართველოში მიმდინარე თავდაცვის სისტემის ტრანსფორმაციის ნაწილია, რომლის მიზანიც ქვეყნის თავდაცვისუნარიანობის ამაღლება და რეზერვისტთა რაოდენობის ოპტიმიზაციაა. კრიტიკოსები მიიჩნევენ, რომ უწყების ვებგვერდზე გამოქვეყნების წესი შესაძლოა ადამიანის უფლებების კუთხით კითხვებს აჩენდეს, თუმცა თავდაცვის უწყება აცხადებს, რომ ეს აუცილებელი ნაბიჯია სისტემის ეფექტურობისთვის.

1778669556

ეკონომიკური დინამიკა და მოხმარებადოკუმენტის თანახმად, ქვეყანაში ელექტროენერგიის მოხმარება, როგორც წესი, მშპ-ს ზრდის ტემპს მიჰყვება, თუმცა ფიქსირდება გამონაკლისი შემთხვევებიც: 2025 წელი: ეკონომიკის 7.5%-იანი ზრდის ფონზე, მოხმარება მხოლოდ 3.5%-ით გაიზარდა. 2024 წელი: მშპ-ს 9.7%-იანი მატების პირობებში, ენერგომოხმარების ზრდამ 6% შეადგინა. სახელმწიფო მხარდაჭერა და ინვესტიციებიკვლევა ყურადღებას ამახვილებს იმ ფაქტზე, რომ ბოლო წლებში საქართველოში აშენებული ელექტროსადგურების 94% სახელმწიფო წახალისების მექანიზმებით განხორციელდა. ანალიტიკოსების განმარტებით, ფასთა შორის სხვაობის ხელშეკრულების (CFD) მექანიზმის შემოღებამ მნიშვნელოვნად გაზარდა ინვესტორთა ინტერესი სექტორის მიმართ.მიუხედავად ახალი მექანიზმებისა, ყველაზე დიდი სიმძლავრე, 36 მეგავატი - ქვეყანაში გარანტირებული შესყიდვის ხელშეკრულების (PPA) პირობებში აშენდა.გენერაციის სტრუქტურადღეის მდგომარეობით, საქართველოს ენერგოსისტემის ჯამური დადგმული სიმძლავრე დაახლოებით 4 800 მეგავატს შეადგენს. გენერაციის წყაროები შემდეგნაირად არის განაწილებული: ჰიდროელექტროსადგურები (ჰესები): 3 500 მეგავატი თბოსადგურები: 1 200 მეგავატი განახლებადი ენერგია (მზე და ქარი): 50 მეგავატამდე Galt & Taggart-ის მონაცემებით, მზისა და ქარის სადგურების წილი საერთო პორტფელში კვლავ კრიტიკულად დაბალია, რაც მიუთითებს ამ მიმართულებით აუთვისებელ პოტენციალზე რეგიონული ენერგეტიკული უსაფრთხოების კონტექსტში.

1778665719

პირველ შემთხვევაში, კორუფციული დანაშაული გამოვლინდა ადიგენის მუნიციპალიტეტში, სადაც დიდი ოდენობით ქრთამის აღების ფაქტზე დაკავებულია ზანავის ადმინისტრაციულ ერთეულში მერის წარმომადგენელი, ხოლო ქრთამის აღებაში დახმარების ფაქტზე - ერთი მოქალაქე.„გამოძიებით დადგენილია, რომ საჯარო მოხელემ, შუამავლის მეშვეობით, სახელმწიფო საკუთრებაში არსებულ მიწის ნაკვეთებზე საკემპინგე სივრცის მოწყობაში მფარველობის სანაცვლოდ, ქრთამის სახით მოითხოვა და აიღო 10 000 აშშ დოლარი. მოცემულ ფაქტზე გამოძიება საქართველოს სისხლის სამართლის კოდექსის 338-ე მუხლით მიმდინარეობს, რაც სასჯელის სახით თავისუფლების აღკვეთას 7-დან 11 წლამდე ვადით ითვალისწინებს.მეორე კორუფციული ფაქტი გამოვლინდა წალკის მუნიციპალიტეტში, სადაც ქრთამის აღების ბრალდებით დაკავებულია სამების ადმინისტრაციულ ერთეულში მერის წარმომადგენელი.გამოძიებით დადგინდა, რომ საჯარო მოხელე სამსახურებრივ უფლება-მოვალეობებს იყენებდა მოქალაქეებზე ყალბი ცნობების გასაცემად. მოცემულ შემთხვევაში, ბრალდებულმა 20 ტონა კარტოფილის ადგილწარმოშობის შესახებ ყალბი დოკუმენტების დამზადებისა და გასაღების სანაცვლოდ, ქრთამის სახით აიღო 1 000 ლარი.საჯარო მოხელე დანაშაულის ჩადენის დროს იქნა დაკავებული. ამ შემთხვევაში სასჯელი ქრთამის აღებისათვის თავისუფლების აღკვეთას 6-დან 9 წლამდე ვადით ითვალისწინებს.ორივე საქმეზე თანხები ამოღებულია ნივთმტკიცების სახით.მივმართავთ ყველა იმ საჯარო მოხელეს, ვინც ჯერ კიდევ ვერ გაითავისა, რომ კორუფცია ჩვენს ქვეყანაში დაუსჯელი ვერ დარჩება - მაქსიმალური პასუხისმგებლობით მოეკიდონ დაკისრებულ მოვალეობებს და თავი შეიკავონ მსგავსი დანაშაულებრივი ქმედებებისგან. საგამოძიებო სამსახური და ზოგადად, სამართალდამცავი ორგანოები, განვაგრძობთ აქტიურ მუშაობას საქართველოში კორუფციული ფაქტების ბოლომდე აღმოფხვრის მიზნით!“, – ნათქვამია ფინანსთა სამინისტროს საგამოძიებო სამსახურის მიერ გავრცელებულ განცხადებაში. 

1778662493

საქართველოს საგარეო ვაჭრობის დეტალური მონაცემები 19 მაისს გამოქვეყნდება.

1778661200

სააგენტოს განმარტებით, SGC-ის რეიტინგი შეესაბამება აზერბაიჯანის სუვერენულ რეიტინგს (Baa3) და ასახავს კომპანიის სტრატეგიულ მნიშვნელობას, როგორც სახელმწიფოს ინტერესების წარმომადგენელს ქვეყნის საკვანძო გაზის პროექტებში. შეფასებაში გათვალისწინებულია სახელმწიფოს პირდაპირი და არაპირდაპირი მონაწილეობა კაპიტალში, ასევე სახელმწიფო მხარდაჭერის მყარი პრაქტიკა, მათ შორის გარანტიების გაცემის მექანიზმები.ამჟამად SGC-ის 49% პირდაპირ სახელმწიფოს ეკუთვნის, ხოლო 51% — SOCAR-ს. Moody’s-ის შეფასებით, 2026 წლის ბოლომდე დაგეგმილი მინორიტარული წილის გაყიდვის შემდეგაც საინვესტიციო სტრუქტურა XRG-სთვის (დაკავშირებული Abu Dhabi National Oil Company-თან), სახელმწიფო სავარაუდოდ შეინარჩუნებს კონტროლსა და სტრატეგიულ გავლენას კომპანიაზე.Moody’s SGC-ს განიხილავს, როგორც სახელმწიფოსთან დაკავშირებულ ემიტენტს (government-related issuer) და აღნიშნავს:· კომპანიის დამოუკიდებელ საკრედიტო უნარს baa3 დონეზე;· აზერბაიჯანის სუვერენულ რეიტინგს Baa3;· დეფოლტის რისკის მაღალ დამოკიდებულებას სახელმწიფოზე;· ფინანსური სირთულეების შემთხვევაში სახელმწიფო მხარდაჭერის მაღალ ალბათობას.სააგენტოს ცნობით, SGC-ის არსებული ვალი უზრუნველყოფილია პირდაპირი სახელმწიფო გარანტიებით, რაც განაპირობებს კომპანიის რეიტინგის შესაბამისობას ქვეყნის სუვერენულ რეიტინგთან.აქტივები და პროექტებიSGC მონაწილეობს გაზის მოპოვებაში „შაჰდენიზის“ საბადოზე და ფლობს წილებს სტრატეგიულ მილსადენებში:· South Caucasus Pipeline· Trans Anatolian Natural Gas Pipeline· Trans Adriatic Pipelineეს პროექტები ქმნის ერთიან საექსპორტო გაზის დერეფანს კასპიის რეგიონიდან აზერბაიჯანის, საქართველოსა და თურქეთის გავლით – სამხრეთ ევროპაში.Moody’s ხაზს უსვამს აზერბაიჯანულ გაზზე სტაბილურ მოთხოვნას თურქეთსა და ევროპაში, ასევე პროექტების სტრატეგიულ მნიშვნელობას რეგიონული ენერგოუსაფრთხოებისთვის, განსაკუთრებით რუსეთისა და უკრაინის ომისა და ახლო აღმოსავლეთის კონფლიქტის ფონზე.ფინანსური მაჩვენებლები და პერსპექტივასააგენტოს შეფასებით, 2025 წელს კომპანიის EBITDA-ს დაახლოებით 65% მაღალმარჟიანი სატრანსპორტო ოპერაციებიდან მოდიოდა. გრძელვადიანი „ship-or-pay“ ხელშეკრულებები, ტარიფების ინდექსაცია და ხარჯების კომპენსაციის მექანიზმები უზრუნველყოფს SGC-ის ფინანსურ მდგრადობას, მიუხედავად ნედლეულის ბაზრის ცვალებადობისა.მიუხედავად იმისა, რომ კომპანია გარკვეულწილად დამოკიდებულია ნედლეულის ფასებსა და ერთ მსხვილ საბადოზე — „შაჰდენიზზე“, Moody’s ელოდება, რომ სატრანსპორტო სეგმენტის მზარდი წილი შეინარჩუნებს სტაბილურ მომგებიანობას. ნავთობისა და გაზის მიმდინარე მაღალი ფასებიც დამატებით გააძლიერებს მოპოვების მიმართულებით შედეგებს 2026 წელს.ფინანსური პროფილი გაძლიერდა: კორექტირებული ვალი/EBITDA მაჩვენებელი 2024–2025 წლებში 1.3x-მდე შემცირდა (2023 წლის 2.4x-თან შედარებით) და, სააგენტოს პროგნოზით, 2026–2027 წლებში 1.0x-ზე დაბლა ჩამოვა, განსაკუთრებით 2026 წლის მარტში 2 მილიარდი დოლარის ევრობონდების დაფარვის შემდეგ.Moody’s ასევე აღნიშნავს, რომ კომპანია განიხილავს დივიდენდების გადახდის დაწყებას შესაბამისი პოლიტიკის შემუშავების შემდეგ, თუმცა ამან არ უნდა დააზიანოს მისი ძლიერი საკრედიტო პოზიცია.სააგენტოს შეფასებით, XRG-ის მინორიტარული აქციონერის სტატუსით შესვლა შესაძლოა დადებითად აისახოს კორპორაციული მმართველობის ხარისხზე. ამასთან, აღინიშნება გეოპოლიტიკური რისკები, მათ შორის ირანთან სიახლოვე ახლო აღმოსავლეთში მიმდინარე დაძაბულობის ფონზე, თუმცა ამ ეტაპზე ოპერაციული შეფერხებები არ ფიქსირდება და რისკები შეფასებულია როგორც „პოტენციური“.

1778659475

მისი თქმით, სომხეთთან ურთიერთობების ნორმალიზებისთვის მიღებული ზომების ფარგლებში, რაც 2022 წლიდან გრძელდება, ორ ქვეყანას შორის პირდაპირი ვაჭრობის დასაწყებად მზადება, 2026 წლის 11 მაისის მდგომარეობით, დასრულებულია.კეჩელმა აღნიშნა, რომ სომხეთთან საზღვრის გასახსნელად აუცილებელი ტექნიკური სამუშაოები გრძელდება. 

1778657124

ამიერიდან კი ბიზნესის წარმომადგენლებს შეუძლიათ, პირდაპირ მობილბანკში დაამატონ თანამშრომლები და განუსაზღვრონ თითოეულ მათგანს კონკრეტული, წინასწარ განსაზღვრული როლები და წვდომა.წინასწარ განსაზღვრული როლებია: დათვალიერება − თანამშრომელი მხოლოდ ეცნობა ანგარიშების მდგომარეობას. შექმნა − ქმნის გადარიცხვას, რომელსაც სჭირდება დადასტურება. ყველა უფლება − ადასტურებს სხვის მიერ შექმნილ გადარიცხვას. ყველა უფლება და გუნდის მართვა − აქვს წვდომა ყველა ძირითად ფუნქციაზე, მათ შორის, შეუძლია ახალი თანამშრომლის მოწვევა. სხვა სასურველი როლების დამატება კი ბიზნეს ინტერენეტბანკშია შესაძლებელი.„საქართველოს ბანკისთვის პარტნიორი ბიზნესების მხარდაჭერა და მათთვის საქმიანობის გამარტივება უცვლელი პრიორიტეტია. ჩვენ გვესმის, რამდენად მნიშვნელოვანია კომპანიისთვის ფინანსური ოპერაციების მოქნილად მართვა. ბიზნეს მობილბანკში თანამშრომელთა უფლებების მართვის ფუნქციონალი სწორედ ამ საჭიროებების საპასუხოდ დავნერგეთ. ეს სიახლე ბიზნესს საშუალებას აძლევს, ახლა უკვე ნებისმიერი ადგილიდან, მარტივად და სწრაფად განსაზღვროს თითოეული თანამშრომლის როლები და დაზოგოს ადმინისტრაციულ პროცესებზე საჭირო დრო და რესურსი“, – აცხადებენ საქართველოს ბანკში.ინფორმაციისთვის, ახალი ფუნქციონალით სარგებლობისთვის, საჭიროა ბიზნეს მობილბანკის აპლიკაციის განახლება.განახლებული ფუნქციონალის შესახებ დეტალური ინფორმაციისთვის ეწვიეთ ბიზნეს მობილბანკს 

1778515500

კრიპტო პლატფორმაზე ყოველი მე-100 მომხმარებელი, რომელიც პირველად იყიდის კრიპტოს, საჩუქრად მიიღებს YE, Kanye West-ის კონცერტის 2 ბილეთს. კამპანიის ფარგლებში კონცერტზე დასასწრები ბილეთებით ჯამში 100 მომხმარებელი დასაჩუქრდება. კამპანიაში მონაწილეობის მისაღებად საჭიროა, იყო თიბისის მობაილბანკის მომხმარებელი, გქონდეს კრიპტოს აქტიური ანგარიში და შეასრულო კრიპტოაქტივის ყიდვის პირველი ოპერაცია. შეთავაზება ვრცელდება მხოლოდ სრულწლოვან, 18 წელს ზევით მომხმარებლებზე.თიბისის მობაილბანკში 30-მდე პოპულარული კრიპტოაქტივით ვაჭრობა სწრაფად და ყველაზე მარტივად შეგიძლია. ციფრული აქტივის შეძენისთვის დამატებითი რეგისტრაცია არ დაგჭირდება, ინვესტირება კი 1$-დან, საკომისიოს გარეშე შეგიძლია.YE, Kanye West-ის კონცერტი თბილისში 12 ივნისს, „დინამო არენაზე“ გაიმართება.

1778509507