სოციალური დიზაინის დღეები: ცირკულარული დიზაინი და მდგრადი ინოვაციები

თუ გსურთ გაიგოთ, როგორ აწარმოოთ წარმატებული მოლაპარაკებები ქსელურ მარკეტებთან და როგორ უნდა მოახდინოთ თქვენი პროდუქტის ეფექტიანად წარმოდგენა, Businesscourse.ge-ზე შეგიძლიათ სრულად დაფინანსებული ბიზნესკურსი გაიაროთ.კურსს უძღვება რითეილ ექსპერტი და ბიზნეს ქოუჩი მირანდა მანჯგალაძე.კურსის ფარგლებში გაიგებთ: როგორ მუშაობს ორგანიზებული ქსელური საცალო ობიექტები; როგორია პროდუქტის გზა მწარმოებლიდან საცალო ქსელამდე; რას უნდა აკმაყოფილებდეს პროდუქტი ქსელში მოსახვედრად; რა სტრატეგიებია ეფექტიანი მოლაპარაკებებისთვის; რა მნიშვნელობა აქვს კონტრაქტს, პროცესსა და კომუნიკაციას წარმატებული თანამშრომლობისთვის. Businesscourse.ge საქართველოს ბანკის საგანმანათლებლო პლატფორმაა, რომელიც ბიზნესის განვითარებით დაინტერესებულ ადამიანებს სრულად დაფინანსებულ სასწავლო კურსებს სთავაზობს. პლატფორმაზე ამჟამად 70-ზე მეტი კურსია ხელმისაწვდომი. პლატფორმა მუდმივად ახლდება და მომხმარებლებს საშუალებას აძლევს, თანამედროვე ბიზნესისთვის საჭირო ცოდნა პრაქტიკულ ფორმატში, მათთვის სასურველ დროს მიიღონ.გაიარეთ ბიზნესკურსი აქ.

1782817091

მინისტრის თქმით, ისრაელი ამ მიმართულებით „საუკეთესო სპეციალისტებს იზიდავს“ და მიზნად ისახავს გახდეს ლიდერი კოსმოსური სამხედრო შესაძლებლობების სფეროში. მისი განცხადებით, ასეთი ტექნოლოგიები ქვეყანას მნიშვნელოვან უპირატესობას მისცემს როგორც თავდაცვით, ისე შეტევით შესაძლებლობებში.კაცმა 25 ივნისსაც აღნიშნა, რომ ისრაელს გადაწყვეტილი აქვს დაიკავოს წამყვანი პოზიცია კოსმოსიდან დარტყმის ტექნოლოგიების განვითარებაში.ამჟამად ისრაელი უკვე ფლობს სახმელეთო ლაზერულ სისტემას Iron Beam-ს, რომელიც არმიის შეიარაღებაშია და გამოიყენება რაკეტების, დრონებისა და ნაღმსატყორცნი ჭურვების გასანეიტრალებლად. იგი ითვლება მსოფლიოში პირველ ოპერაციულ ლაზერულ თავდაცვით სისტემად.The Jerusalem Post-ის ინფორმაციით, ქვეყანა ასევე მუშაობს ავიაციაზე დასამონტაჟებელ ლაზერულ სისტემებზე.

1782810184

შავი ზღვის ეკონომიკური თანამშრომლობის ორგანიზაციის საპარლამენტო ასამბლეის (PABSEC) 67-ე პლენარულ სესიაზე სიტყვით გამოსვლისას, სპიკერმა აღნიშნა, რომ მიმდინარე გეოპოლიტიკური პროცესები, მზარდი ეკონომიკური გაურკვევლობა და ახალი ტექნოლოგიური გარდაქმნები ცვლის როგორც რეგიონს, ისე ფართო საერთაშორისო წესრიგს. მისი შეფასებით, საერთაშორისო ორგანიზაციების „ვიწრო პოლიტიკური ინტერესების ინსტრუმენტად“ გამოყენება და გეოპოლიტიკის ხალხზე წინ დაყენება ზიანს აყენებს მშვიდობას და იწვევს ეკონომიკურ სტაგნაციას.„ჩვენ ერთმანეთის მშვიდობასა და უსაფრთხოებას გაცილებით მეტად ვაფასებთ, ვიდრე გარე ძალები, განსაკუთრებით მნიშვნელოვანი გეოპოლიტიკური რყევების პირობებში, რომლებიც ოთხ წელზე მეტი ხნის წინ უკრაინაში რუსეთის შეჭრამ გამოიწვია და რომელმაც პირდაპირი ზეგავლენა მოახდინა მთელ შავი ზღვის რეგიონზე“, - განაცხადა პაპუაშვილმა.პარლამენტის თავმჯდომარემ ხაზი გაუსვა, რომ რეგიონს აქვს უზარმაზარი პოტენციალი, გააძლიეროს საკუთარი როლი, როგორც ვაჭრობის, ტრანსპორტის, ენერგეტიკისა და ციფრული დაკავშირებადობის ჰაბმა. ამ ჭრილში, მან განსაკუთრებული ყურადღება „შუა დერეფნის“ განვითარებას დაუთმო. პაპუაშვილის თქმით, სატრანსპორტო ინფრასტრუქტურის გაუმჯობესებით, ლოგისტიკური ქსელების განვითარებით, ვაჭრობის ხელშეწყობითა და მულტიმოდალური დაკავშირებადობის გაძლიერებით, რეგიონი კონტინენტებს შორის საიმედო დამაკავშირებელ რგოლად უნდა იქცეს.ამ კონტექსტში მან პრაქტიკული თანამშრომლობის სტრატეგიულ მაგალითად დაასახელა მიმდინარე თვის დასაწყისში ექსპლუატაციაში შესული ბაქო-თბილისი-ყარსის (BTK) რკინიგზის ახალი ხაზი, რომელიც საქართველოს, აზერბაიჯანისა და თურქეთის ერთობლივი პროექტია.პაპუაშვილმა ასევე იმედის მომცემი უწოდა სამხრეთ კავკასიაში მიმდინარე პროცესებს - სომხეთსა და აზერბაიჯანს შორის სამშვიდობო მოლაპარაკებებს და თურქეთ-სომხეთის ურთიერთობების ნორმალიზების მცდელობებს, რაც ფართო რეგიონისთვის სტაბილურობის პერსპექტივას ქმნის.გამოსვლის დასასრულს სპიკერმა აღნიშნა, რომ საპარლამენტო ასამბლეები განსაკუთრებით მგრძნობიარენი არიან თავიანთი ამომრჩევლების პრიორიტეტების მიმართ. მისი გაფრთხილებით, გეოპოლიტიკური „თამაშები“ ადამიანების საჭიროებების უგულებელყოფის ხარჯზე აღრმავებს უფსკრულს ელიტებსა და ხალხს შორის, რაც საბოლოოდ იწვევს ავანტიურისტი ლიდერებისა და მათი მთავრობების მიმართ საზოგადოებრივი მხარდაჭერის დაკარგვას და ხელს უწყობს რადიკალიზაციას, რაც პოლიტიკური პოლარიზაციის მთავარი საფუძველია.

1782808286

ისტორიული შუღლი მიმდინარე წლის მაისში გამწვავდა, როდესაც უკრაინის პრეზიდენტმა ვოლოდიმირ ზელენსკიმ ერთ-ერთ სამხედრო ქვედანაყოფს „UPA-ს გმირების“ (უკრაინის აჯანყებულთა არმია) სახელი მიანიჭა. აღნიშნულმა ფაქტმა ვარშავის მკვეთრი რეაქცია გამოიწვია, ვინაიდან პოლონეთისთვის მეორე მსოფლიო ომის დროს UPA-ს მიერ ათიათასობით პოლონელის დახოცვა გენოციდად ითვლება.საპასუხოდ, პოლონეთის ნაციონალისტმა პრეზიდენტმა კაროლ ნავროცკიმ ზელენსკის ქვეყნის უმაღლესი ჯილდო - „თეთრი არწივის ორდენი“ ჩამოართვა, რომელიც უკრაინის ლიდერმა ვარშავაში დემონსტრაციულად დააბრუნა. უფრო მეტიც, პრეზიდენტმა ნავროცკიმ პირდაპირ გააფრთხილა კიევი, რომ ვარშავამ შესაძლოა დაბლოკოს უკრაინის ევროკავშირში გაწევრიანების გზა, თუ უკრაინული მხარე მასობრივ მკვლელობებს არ აღიარებს და ბოდიშს არ მოიხდის. პოლონელი ოფიციალური პირების განცხადებით, კიევის ამჟამინდელი პოლიტიკა „პოსტსაბჭოთა მენტალიტეტისა და ქედმაღლობის“ გამოვლინებაა, რის გამოც ვარშავამ მხოლოდ ხისტი, პრაგმატული ინტერესებით უნდა იხელმძღვანელოს.POLITICO-ს შეფასებით, ალიანსის შერყევა პირდაპირ კავშირშია პოლონეთის შიდა პოლიტიკურ წნეხთან და მოახლოებულ არჩევნებთან. ქვეყანაში საზოგადოებრივი განწყობა უკრაინელი ლტოლვილების (დაახლოებით 2 მლნ პირი) მიმართ მკვეთრად იცვლება, რასაც მემარჯვენე და ნაციონალისტური პარტიები რეიტინგების გასაზრდელად იყენებენ. SW Research-ის ბოლო გამოკითხვით, პოლონელთა 51.9%-ს შეხედულება უკრაინასა და ზელენსკიზე სწორედ UPA-ს ირგვლივ მიღებული გადაწყვეტილების შემდეგ გაუუარესდა.დონალდ ტუსკის პროევროპული კოალიციური მთავრობა მხარეებს დაძაბულობის განმუხტვისკენ მოუწოდებს და ამ დაპირისპირებას „სტრატეგიულ შეცდომას“ უწოდებს, თუმცა, შიდა პოლიტიკური წნეხის გამო, ტუსკის კაბინეტმა პოლონეთში მყოფი უკრაინელებისთვის სოციალური დახმარებები მაინც შეზღუდა.თავის მხრივ, უკრაინული მხარე პოზიციების დათმობას არ აპირებს. პრეზიდენტის ოფისის ხელმძღვანელის, კირილო ბუდანოვის განცხადებით, უკრაინელებს საკუთარი გმირების შერჩევას გარეშე პირები ვერ უკარნახენ. ექსპერტების შეფასებით, ზელენსკიმ გაუძლო რუსეთისა და დონალდ ტრამპის მხრიდან არსებულ უზარმაზარ პრესინგს, რის გამოც პოლონეთის მხრიდან ისტორიულ საკითხებზე ზეწოლა მისთვის ნაკლებად მტკივნეულია და კიევი კომპრომისზე წასვლას არ გეგმავს.

1782807102

განვადება და მისი დანიშნულებაგანვადება ძალიან ჰგავს სამომხმარებლო სესხს, რომელსაც ადამიანები სასურველი ნივთის ყიდვისთვის იღებენ, თუმცა მათ შორის ერთი მნიშვნელოვანი განსხვავებაცაა: განვადებას აუცილებლად კონკრეტული მიზნობრიობა აქვს და ფინანსური ორგანიზაციის პარტნიორ სავაჭრო ობიექტებში განხორციელებულ შენაძენებზე ვრცელდება. აღსანიშნავია ისიც, რომ პროდუქტით სარგებლობა მომენტალურად, ამავე ობიექტებშია შესაძლებელი.განვადებით სარგებლობისას მომხმარებელი ნივთის საფასურს ერთიანად არ იხდის და მას წინასწარ განსაზღვრული პერიოდის განმავლობაში, ნაწილ-ნაწილ ფარავს. უმეტესწილად ეს ვადა 1-36 თვეს შეადგენს, თანხის მოცულობა კი 100-7000 ლარის ფარგლებში მერყეობს. განვადება ითვალისწინებს საპროცენტო განაკვეთსაც, თუმცა ზოგიერთ შემთხვევაში მომხმარებლებს პროდუქტით უპროცენტოდ სარგებლობაც შეუძლიათ.როგორ მტკიცდება განვადება და რა განსაზღვრავს მის პირობებსგანვადების განხილვისა და დამტკიცების დროს ფინანსური ორგანიზაციები იკვლევენ, ჰქონდა თუ არა მომხმარებელს სესხები წარსულში, რამდენად დროულად და პასუხისმგებლიანად ფარავდა მათ, ამჟამად თუ ერიცხება დავალიანებები, სარგებლობს თუ არა საკრედიტო პროდუქტებით და ა.შ. მომხმარებლის გადახდისუნარიანობასა და სანდოობას ისინი სწორედ ამ ინფორმაციის საფუძველზე აფასებენ.ყველა ეს ჩამოთვლილი მონაცემი საკრედიტო ისტორიაშია თავმოყრილი - დოკუმენტში, რომელიც ადამიანის ფინანსური ცხოვრებისა და ქცევების ერთობლიობას წარმოადგენს და მის თითოეულ სესხს, განვადებასა და საკრედიტო ბარათს, ვალდებულებების შესრულების ვადებსა და გრაფიკებს ასახავს. შეიძლება ითქვას, რომ საკრედიტო ისტორია ადამიანის გრძელვადიანი ფინანსური რეპუტაციაა, რომელიც წლების განმავლობაში იქმნება.საკრედიტო ისტორიები პოზიტიური და ნეგატიურია. პოზიტიურია ისტორია, როცა  მომხმარებელს ვადაგადაცილება არ უფიქსირდება, დროულად და პასუხისმგებლიანად ფარავს ყოველთვიურ შენატანებს, ხშირად სარგებლობს საკრედიტო პროდუქტებით და ა.შ. ნეგატიურის შემთხვევაში კი ყველაფერი პირიქითაა: მას აქვს ჭარბი დავალიანებები, დაგვიანებული გადახდები და ა.შ.რაც შეეხება საკრედიტო ქულას, ეს არის მონაცემი, რომელიც საკრედიტო ისტორიის ხანგრძლივობით, შესაბამისი პროდუქტების გამოყენების სიხშირითა და ვალდებულებების მოცულობით განისაზღვრება. საქართველოში საკრედიტო ქულა 0-დან 400-მდე მერყეობს. რაც უფრო მაღალია ის, მით უფრო სანდოა მომხმარებელი, მისი საკრედიტო ისტორია კი - პოზიტიური. აღსანიშნავია, რომ საკრედიტო ქულით დგება საკრედიტო რეიტინგიც. სულ ჩვენს ქვეყანაში საკრედიტო რეიტინგის 11 საფეხურია. ყველაზე მაღალია A, ყველაზე დაბალი კი - E3.კარგი საკრედიტო ისტორია და მაღალი ქულა ობიექტურ და სრულ სურათს იძლევა მომხმარებლების სანდოობის შესაფასებლად, ამიტომ ყველა ფინანსური ორგანიზაცია გადაწყვეტილების მიღების პროცესში სწორედ ამ ფაქტორებს ეყრდნობა. შესაბამისად, მათ შენარჩუნებაზე ზრუნვა და ვალდებულებების შესრულება ძალიან მნიშვნელოვანია.რატომ არის მნიშვნელოვანი კარგი საკრედიტო ისტორია და საკრედიტო ქულაკარგი საკრედიტო ისტორია, მაღალი საკრედიტო ქულა და რეიტინგი მომხმარებლის უპირატესობებია. ყველა მათგანი საკრედიტო პროდუქტებით, მათ შორის განვადებით სარგებლობასაც ამარტივებს და სამომავლოდ მათი მიღების შესაძლებლობებსაც ზრდის.ამას გარდა, კარგი საკრედიტო ისტორიისა და მაღალი საკრედიტო ქულის მქონე მომხმარებლებს ფინანსური ორგანიზაციები, როგორც წესი, განვადებასაც მარტივად უმტკიცებენ და უკეთესი პირობებითაც ემსახურებიან. მიკრობანკ „კრისტალის“ შემთხვევაშიც ეს მიდგომა ვრცელდება: კარგი საკრედიტო ისტორია და მაღალი რეიტინგი განიხილება, როგორც სანდოობის მაჩვენებლები და მომხმარებლებს, რომლებიც ამ კრიტერიუმებს აკმაყოფილებენ, შეუძლიათ განვადებით უპროცენტოდ ან მინიმალური საპროცენტო განაკვეთით, მაღალი ლიმიტებითა და ხანგრძლივი დროით ისარგებლონ.მიკრობანკ „კრისტალის“ განვადება საქართველოს თითქმის ყველა სავაჭრო ობიექტში მოქმედებს. პროდუქტი გამორჩეულია მოქნილი პირობებით, საშეღავათო პერიოდითა და შემოსავლებზე მორგებული გრაფიკის შესაძლებლობით. განვადების მინიმალური თანხა 100 ლარია, მაქსიმალური კი - 10 000 ლარი. პროდუქტით სარგებლობის ვადა 1 თვიდან იწყება და 48 თვემდე გრძელდება. დაინტერესებულ მომხმარებლებს შემოსავლის სახით ხელფასის, იჯარის, ფულადი გზავნილის, სოფლის მეურნეობისა და ბიზნესაქმიანობის წარდგენა შეუძლიათ. დეტალები ხელმისაწვდომია ბმულზე: https://crystal.ge/product/ganvadeba-partnior-maghaziebshi/მიკრობანკი “კრისტალის” შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები.(R)

1782805207

ბოლო საუკუნის განმავლობაში ყველაზე ძლიერმა მიწისძვრამ ვენესუელაში, ოფიციალური მონაცემებით, 1,750-მდე ადამიანის სიცოცხლე იმსხვერპლა. დანგრეული ან დაზიანებულია 850-ზე მეტი შენობა, რის გამოც 16 000-მდე ადამიანი უსახლკაროდ დარჩა. ქვეყნის პოლიტიკური ოპოზიციის მონაცემებით კი, დაკარგულთა სია 45 000 ადამიანს აღწევს.განსაკუთრებით მძიმე ვითარება შეიქმნა სახელმწიფოს ბალანსზე არსებულ სასტუმრო „სანტუარიო ლა ლიანადაში“. ნგრევის მომენტში შენობაში აშშ-ის საიმიგრაციო სამსახურების მიერ რეპატრირებული მოქალაქეები იმყოფებოდნენ, რომლებიც სამშობლოში დაბრუნების შემდეგ, პროცედურების გასავლელად და დოკუმენტაციის მოსაწესრიგებლად სწორედ აღნიშნულ ობიექტზე გადაიყვანეს. არსებული ინფორმაციით, ნანგრევებიდან დამოუკიდებლად გამოსვლა მხოლოდ 12-მა ადამიანმა შეძლო, 30-მდე პირი კი მაშველებმა გადაარჩინეს.მიგრანტების ოჯახის წევრები ვენესუელის ხელისუფლებასა და შიდა დაზვერვის სამსახურს (SEBIN) აკრიტიკებენ. მათი განცხადებით, დეპორტირებულებს აეროპორტშივე ჩამოართვეს პირადობის დამადასტურებელი დოკუმენტები და მობილური ტელეფონები, რამაც კრიტიკულ სიტუაციაში მათი იდენტიფიცირება და საძიებო სამუშაოები ფაქტობრივად შეუძლებელი გახადა.დაზარალებულთა ნათესავები სამაშველო სამუშაოების დაჩქარებასა და ნანგრევების გასაწმენდად მძიმე ტექნიკის დროულ მობილიზებას ითხოვენ, რადგან მათი თქმით, ტერიტორიაზე ტექნიკა დაგვიანებით შევიდა. სამთავრობო პროგრამამ „დიდი მისია - დაბრუნება სამშობლოში“, რომელიც მიგრანტების მიღებაზეა პასუხისმგებელი, ოფიციალური განცხადება გაავრცელა და ტრაგედიის გამო მწუხარება გამოთქვა, თუმცა დეპორტირებულთა იზოლაციისა და დოკუმენტების ჩამორთმევის შესახებ დასმულ კითხვებს უწყება ამ ეტაპზე არ პასუხობს.

1782804882

2026 წლის მაისში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: საფინანსო და სადაზღვევო საქმიანობები, ინფორმაცია და კომუნიკაცია, დამამუშავებელი მრეწველობა, ტრანსპორტი და დასაწყობება.კლების ტენდენცია დაფიქსირდა მშენებლობის სექტორში.

1782803517

სამეგრელო-ზემო სვანეთის საოლქო პროკურატურასთან კოორდინაციით ჩატარებული ღონისძიებების შედეგად, კომერციული მოსყიდვის ფაქტზე დაკავებულია ერთი პირი. გამოძიებით დადგინდა, რომ ბრალდებულმა, რომელიც დასაქმებული იყო ა(ა)იპ ქალაქ ფოთის მუნიციპალიტეტის მერიის სერვისების ცენტრში, სამსახურებრივი მდგომარეობის გამოყენებით, პირადი გამორჩენის მიღების მიზნით, მუნიციპალიტეტის ბალანსზე არსებული სპეცტექნიკით მიწის ნაკვეთზე სამუშაოების შესრულების სანაცვლოდ, მოქალაქეს უკანონოდ მოსთხოვა და გამოართვა 400 ლარი.აღნიშნულ საქმეზე გამოძიება მიმდინარეობს საქართველოს სისხლის სამართლის კოდექსის 221-ე მუხლის მე-3 ნაწილით, რაც სასჯელის სახით ითვალისწინებს თავისუფლების აღკვეთას 2-დან 4 წლამდე ვადით.კიდევ ერთი პირი საგამოძიებო სამსახურის თანამშრომლებმა ქრთამის მოთხოვნისა და აღების ფაქტზე დააკავეს.გამოძიებით დადგინდა, რომ სსიპ „დაცული ტერიტორიების სააგენტოს“ ჯავახეთის დაცული ტერიტორიების რეინჯერმა, უკანონო მატერიალური სარგებლის მიღების მიზნით, სახელმწიფოს კუთვნილ სატყეო უბანში მიწის ნაყოფიერი ფენის მოპოვების სანაცვლოდ, ერთ-ერთ პირს ქრთამის სახით 600 ლარი მოსთხოვა და გამოართვა, რა დროსაც მოხდა მისი დაკავება.აღნიშნულ ფაქტზე გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.საქართველოს ფინანსთა სამინისტროს საგამოძიებო სამსახური მომავალშიც გააგრძელებს საფინანსო-ეკონომიკურ სფეროში ჩადენილი დანაშაულისა და კორუფციის წინააღმდეგ მკაცრი სისხლის სამართლის პოლიტიკის გატარებას.

1782802536