TBC-ის მიერ დივიდენდის გაცემა აქციონერთა 100%-მა დაამტკიცა

„ყველა შუამდგომლობიდან, რომელიც ჩვენმა მხარემ დააყენა, მოსამართლემ არცერთი არ დააკმაყოფილა და ყველა შუამდგომლობას, რომელსაც ისინი აყენებენ, ცხადია, მოსამართლე აკმაყოფილებს. თუმცა, ჩვენც გვაქვს შუამდგომლობები, მათ შორის, გირაოს გაუქმებაზე, ისინი ალბათ, მერე დააყენებენ პატიმრობაზე. არაფერი განსაკუთრებული არ ხდება, ის ხდება, რასაც ველოდით.თეა წულუკიანის დაკითხვაზე შუამდგომლობა მანამდეც გვქონდა დაყენებული, რამდენჯერმე მივმართეთ და ყოველ ჯერზე სასამართლომ უარი თქვა. წულუკიანამდე არც მისულა ეს ამბავი, ვერც ბედავენ, რომ მიიტანონ, აქვე ჩეხენ მაგ ამბავს და აქვე ამბობენ უარს. ამბავი ის იყო, რომ წულუკიანი მოსულიყო და აქედან იქნებოდა კითხვა, მე რატომ მიბარებენ საერთოდ.ერთადერთი მიზეზი, რატომაც ახლა სასამართლოს აგრძელებენ (სამუშაო საათების დასრულების შემდეგ), ამ ხალხის მოყვანა და მობილიზება ამ საპოლიციო ძალების აღარ უნდათ მეორედ იმიტომ, რომ პრემიები უნდა ურიცხონ. ამათმაც და მოსამართლემაც იციან, რომ დღეს უნდა გადაწყვიტონ, მეორედ ამ ხალხის მობილიზების თავი აღარ აქვთ“, - განაცხადა ჯაფარიძემ.მანვე მოუწოდა საზოგადოებას, რომ პროტესტი გაგრძელდეს, რადგან გარედან უნდა ჩანდეს, რომ ხალხი თავისუფლებისთვის იბრძვის.დღეს, 15:00 საათზე „კოალიცია ცვლილებისთვის" წევრის ზურაბ ჯაფარიძის სასამართლო პროცესი დაიწყო.მანამდე, ჯაფარიძის მხარდასაჭერად აქცია 14:00 საათზე დაანონსდა. ამის პარალელურად სასამართლოს ორივე შესასვლელთან როგორც მანდატურის სამსახურის თანამშრომლები, ასევე საპოლიციო ძალები მობილიზდნენ. სასამართლოს მანდატურები, სასამართლოს ეზოში არ უშვებდნენ ადამიანებს, რომლებიც ამბობდნენ, რომ ზურაბ ჯაფარიძის სასამართლო პროცესზე დასწრებას აპირებდნენ. შესაბამისად, სასამართლოს ეზოში მხოლოდ ისინი იმყოფებოდნენ, ვინც ადგილზე ცოტა ადრე მივიდა.თბილისის საქალაქო სასამართლოსთან მობილიზებულია საპატრულო პოლიციის უფროსის მოადგილე, სერგი ბზიშვილი. მედიასთან საუბარში მან თქვა, რომ "სასამართლოს ეზოში შესვლაზე გადაწყვეტილებას მანდატურები იღებენ და არა თავად".ადგილზეა საპატრულო პოლიციის უფროსი ვაჟა სირაძეც. ჯაფარიძეს სასამართლომ საგამოძიებო კომისიაზე გამოუცხადებლობის გამო, 20 000-ლარიანი გირაო 16 აპრილს შეუფარდა. ჯაფარიძემ აღნიშნული თანხის გადახდაზე უარი თქვა.მანამდე, 14 მაისს თბილისის საქალაქო სასამართლოს მოსამართლემ ნინო თარაშვილმა თავდაცვის ყოფილ მინისტრს, ირაკლი ოქრუაშვილს წულუკიანის კომისიაზე გამოუცხადებლობის საქმეზე აღკვეთის ღონისძიების სახით დაკისრებული 20 000-ლარიანი გირაო პატიმრობით შეუცვალა. ოქრუაშვილი სხდომათა დარბაზშივე დააკავეს.

1747927504

Reuters-ის ინფორმაციით, მომდევნო სამი წლის განმავლობაში რუსეთიდან და ბელარუსიდან ევროკავშირში იმპორტირებულ გარკვეული ტიპის სასუქებზე ტარიფები 6.5%-დან დაახლოებით 100%-მდე გაიზრდება, რაც ფაქტობრივად იმპორტის შეჩერებას გამოიწვევს.ასევე, სოფლის მეურნეობის პროდუქციაზე დამატებით 50%-ის ოდენობის საბაჟო გადასახადი დაწესდება.იმისთვის, რომ რეგულაცია საბოლოოდ შევიდეს ძალაში, ის ევროსაბჭომ უნდა მიიღოს და ოფიციალურ კრებულში უნდა გამოქვეყნდეს. ამის შემდეგ, რუსულ და ბელორუსულ აგროპროდუქტზე ტარიფები 4 კვირაში ამოქმედდება.ევროკომისიის განცხადებით, დაწესებული ტარიფები შიდა წარმოებას ხელს შეუწყობს.რუსეთის პრეზიდენტის პრესმდივანმა დმიტრი პესკოვმა მოსკოვში დღეს, 22 მაისს გამართულ ბრიფინგზე განაცხადა, რომ „ევროპელები, როგორც ყოველთვის, განაგრძობენ თავის ფეხებში სროლას“ და შედეგად მოუწევთ უხარისხო აზოტის სასუქების უფრო ძვირად შეძენა".ევროკავშირმა რუსეთთან სავაჭრო-ეკონომიკური ურთიერთობები 2022 წლის 24 თებერვალს უკრაინაში რუსეთის არმიის ფართომასშტაბიანი შეჭრის შემდეგ შეზღუდა.

1747923783

TI ასახელებს 2024 წლის ოქტომბერში ირაკლი კობახიძის მიერ ჩინეთის შექებას, როგორც „სახელმწიფო მოდერნიზაციის ერთ-ერთი საუკეთესო მაგალითად“.ანგარიშში  იმის შესახებაც ვკითხულობთ, რომ "მას შემდეგ, რაც ჩინეთთან უვიზო მიმოსვლის შეთანხმება გაფორმდა, პრაქტიკულ დონეზე თანამშრომლობა დაჩქარდა".„ორივე ქვეყანამ გააფართოვა პირდაპირი ფრენები, რამაც ჩინელი ტურისტების შესამჩნევი ზრდა და საქართველოში ჩინეთის ბიზნეს აქტივობის ზრდა გამოიწვია. საქართველო თანამშრომლობს ისეთ ჩინურ კომპანიებთან, რომლებსაც აშშ საკუთარი ეროვნული უსაფრთხოებისთვის საფრთხედ აღიქვამს.ქვეყანა ასევე აქტიურად იყენებს ჩინურ სათვალთვალო ტექნოლოგიას. გარდა ამისა, ორივე ქვეყნის ცენტრალური ბანკები აქტიურად მუშაობენ კავშირების გაძლიერებაზე, განსაკუთრებით მონეტარული პოლიტიკის თანამშრომლობის კუთხით და შესაძლოა, ჩინეთის გადახდის სისტემები შემოვიდეს ქართულ ბაზარზე. სულ ცოტა ხნის წინ „ქართულმა ოცნებამ“ ჩინური ენის სასკოლო სასწავლო გეგმაში დანერგვის შესახებ განაცხადა“, — წერს „საერთაშორისო გამჭვირვალობა — საქართველო“.2013-2024 წლებში ჩინეთთან მნიშვნელოვნად გაიზარდა საქართველოს ეკონომიკური ურთიერთობები, კერძოდ: „ჩინეთის მოქალაქეებმა საქართველოში 1893 კომპანია დაარეგისტრირეს, რაც 4-ჯერ მეტია, ვიდრე 2013 წლამდე იყო რეგისტრირებული. 2024 წელს რეკორდული რაოდენობის –  291 ახალი ჩინური კომპანია დარეგისტრირდა. 2003 – 2012 წლებთან შედარებით ჩინეთიდან პირდაპირი უცხოური ინვესტიციები 5-ჯერ გაიზარდა და 600 მლნ აშშ დოლარი შეადგინა. პირდაპირმა უცხოურმა ინვესტიციებმა პიკს 2014 წელს მიაღწია და მას შემდეგ შემცირდა. 2012 წლის შემდეგ ჩინეთთან წლიური სავაჭრო ბრუნვა 3-ჯერ გაიზარდა და 2 მილიარდი აშშ დოლარი შეადგინა. 2024 წელს ჩინეთი იყო საქართველოს სიდიდით მეოთხე სავაჭრო პარტნიორი, რომელიც საქართველოს მთლიანი ვაჭრობის 8.2%-ს შეადგენდა. 2024 წელს ჩინეთს და საქართველოს შორის ტურისტული ვიზები გაუქმდა, რის შედეგადაც ჩინეთიდან საქართველოში ვიზიტები 83%-ით გაიზარდა და 89 ათასს მიაღწია. ასევე, შესამჩნევად გაიზარდა ჩინეთის ავიახაზების ფრენები საქართველოში. საქართველოში არაერთი მასშტაბური ინფრასტრუქტურული პროექტი ჩინური კომპანიების, მათ შორის სახელმწიფო საწარმოების მიერ ხორციელდება. ანაკლიის პორტის პროექტის გარდა, ჩინური მხარე ვაზიანში, სადაც ბოლო პერიოდამდე ნატოს სამხედრო სწავლებები ტარდებოდა, ახალი აეროპორტის განვითარებით დაინტერესდა. ჩინეთის ელჩის თქმით, პროექტისადმი ინტერესი არაერთმა ჩინურმა კომპანიამ გამოიჩინა“. TI ხაზს უსვამს თანამშრომლობას იმ ჩინურ კომპანიებთან, რომლებიც აშშ-ის ეროვნული უსაფრთხოებისთვის რისკის შემცველია.მათი თქმით, საქართველოში მოქმედი რამდენიმე ჩინური კომპანია აშშ-ის ხელისუფლების მხრიდან მნიშვნელოვანი დაკვირვების და შეზღუდვის წინაშე აღმოჩნდა ამერიკის ეროვნული უსაფრთხოებისთვის რისკის და ჩინურ სამხედრო სფეროსთან სავარაუდო კავშირების გამო:China Communications Construction Company Limited (CCCC)"სახელმწიფოს მფლობელობაში არსებულ China Communications Construction Company Limited (CCCC), რომელიც „ქართულმა ოცნებამ“ ანაკლიის პორტის აშენებისთვის შეარჩია, 2021 წლის ივნისიდან აშშ-ის მხრიდან შეზღუდვები აქვს დაწესებული. ის აშშ-ის ხაზინის საგარეო აქტივების კონტროლის ოფისის (OFAC) კონსოლიდირებული სანქციების (Non-SDN) სიაშია შეყვანილი ჩინური სამხედრო სამრეწველო კომპლექსის ნაწილად ყოფნის გამო.აშშ-ის თავდაცვის დეპარტამენტმა შეაფასა CCCC, როგორც „ჩინური სამხედრო კომპანია”, რომელიც მოქმედებს პირდაპირ ან ირიბად შეერთებულ შტატებში (თავდაცვის ავტორიზაციის აქტის 1260H).2020 წელს აშშ-ს სახელმწიფო მდივანმა მაიკ პომპეომ განაცხადა, რომ: „CCCC და მისი შვილობილი კომპანიები ჩართულნი არიან კორუფციაში, მტაცებლური დაფინანსებით, გარემოს განადგურებით და სხვა დარღვევებით მთელ მსოფლიოში… ჩინეთს არ უნდა მიეცეს საშუალება, გამოიყენოს CCCC და სხვა სახელმწიფო საწარმოები, როგორც იარაღი ექსპანსიონისტური დღის წესრიგის დასაწესებლად”.China Railway 23rd Bureau GroupChina Railway 23rd Bureau Group საქართველოში ავტომაგისტრალების მშენებლობაშია ჩართული. მსოფლიო ბანკის მონაცემებით, ის China Railway Construction Corporation-ის (CRCC) შვილობილი კომპანიაა. China Railway Construction Corporation შედის აშშ-ს ხაზინის NS-CMIC სიაში, რაც მას საინვესტიციო აკრძალვებს უწესებს.2020 წელს, შეერთებული შტატების თავდაცვის დეპარტამენტმა CRCC ჩინურ სამხედრო კომპანიად ჩათვალა 1260H აქტის მიხედვით, რაც მიუთითებს მის ასოცირებაზე ჩინეთის სამხედრო-ინდუსტრიულ კომპლექსთან.„ჰუავეი“კომპანია „ჰუავეი“, რომელიც ბოლო 5 წლის განმავლობაში აშშ-ის მხრიდან მრავალჯერადი სანქციების ქვეშ იყო, საქართველოში აქტიურად არის წარმოდგენილი. 2020 წლის მონაცემებით, საქართველოს პარლამენტის წევრები ჰუავეის 200 პლანშეტს იყენებდნენ. 2017 წელს „ჰუავეი თბილისის“ გენერალურმა მენეჯერმა ლიანგ დონბომ განაცხადა, რომ ქართულ ბაზარზე საკომუნიკაციო და მობილური ქსელების 75%-მდე Huawei-ის აშენებულია. ეკონომიკის მინისტრ ლევან დავითაშვილის თქმით, საქართველოს ციფრული ტრანსფორმაციისთვის მნიშვნელოვანი იქნება ჩინურ ტექნოლოგიურ კომპანია Huawei-სთან მჭიდრო პარტნიორობა“, — წერია ანგარიშში.ანგარიშში საუბარია ბიძინა ივანიშვილის კავშირებზე ჩინეთთან.მათი თქმით, „ოცნების“ დამფუძნებელს და მის ბიზნეს პარტნიორს, ივანე ჩხარტიშვილს, ასევე ყოფილ პრემიერ-მინისტრ ირაკლი ღარიბაშვილს პირადი საქმიანი კავშირები აქვთ კიდევ ერთ პრობლემურ ჩინურ კომპანიასთან CEFC China Energy-სთან:„CEFC China Energy შპს „ფოთის თავისუფალი ინდუსტრიული ზონის“ 75%-ს ფლობს. ბიძინა ივანიშვილი და ივანე ჩხარტიშვილი ფლობენ კომპანიის 50%-ს, რომელიც მართავს CEFC China Energy-ის 75%-იან წილს.2017 წელს ნიუ-იორკში CEFC-ის ერთ-ერთი ხელმძღვანელი პატრიკ ჰო დააკავეს. მას ბრალი წაუყენეს აფრიკის ქვეყნებში ოფიციალური პირების მოსყიდვაში, რათა ხელი შეუწყოთ ჩინური კომპანიის ინტერესებისთვის. CEFC ასევე დაადანაშაულეს იარაღით ვაჭრობაში და ირანისთვის დაწესებული სანქციების თავიდან არიდებაში.იმ დროს, როდესაც CEFC უკვე ჩართული იყო საერთაშორისო კორუფციულ სკანდალებში, 2018 წლის თებერვალში, საქართველოს ყოფილი პრემიერ-მინისტრი ირაკლი ღარიბაშვილი კომპანიის სამეთვალყურეო საბჭოს მრჩევლად დაინიშნა.ივანე ჩხარტიშვილი, რომელიც არის საქართველო-ჩინეთის ეკონომიკური და კულტურული განვითარების ცენტრის (დაარსებული 2016 წელს) აღმასრულებელი დირექტორი, ჩართული იყო CEFC-ის საქართველოში შესვლის შესახებ მოლაპარაკებებში. საქართველოს სავაჭრო-სამრეწველო პალატამ და საქართველო-ჩინეთის ეკონომიკური და კულტურული განვითარების ცენტრმა ერთობლივად დააარსეს საქართველო-ჩინეთის მეგობრობის ასოციაცია და 2016 წლის 18 ოქტომბერს საპატიო პრეზიდენტად აირჩიეს CEFC China Energy-ის აღმასრულებელი დირექტორი ჯიანჯუნ ზანგი“, — წერს TI."საერთაშორისო გამჭვირვალობა — საქართველო"-ს ინფორმაციით, ბრუნვის მიხედვით საქართველოში მოქმედი ტოპ 10 ჩინური კომპანიის უმრავლესობა ჩართულია ინფრასტრუქტურულ პროექტებში, როგორიცაა მაგისტრალების, გზებისა და ხიდების მშენებლობა მთელი ქვეყნის მასშტაბით. ესენია: Guizhou Highway Engineering Group Co, საქართველოს ფილიალი Sinohydro LLC Corporation, საქართველოს ფილიალი China Railway 23rd Bureau Group Ltd, საქართველოს ფილიალი China Railway Tunnel Group Co, Ltd, საქართველოს ფილიალი Hunan Roads and Bridges Construction Group LLC, საქართველოს ფილიალი China Geo-Engineering Corporation, საქართველოს ფილიალი Georgia branch of China Road and Bridge Corporation, საქართველოს ფილიალი China State Construction Engineering Corporation Ltd, საქართველოს ფილიალი ასევე, ტოპ 10-ში შემავალი სხვა კომპანიებია:9. JSC Hualing International Special Economic Zone10. JSC BasisBank.გარდა ამისა, TI წერს, რომ საქართველო და ჩინეთი მუშაობენ სამართალდამცავი ორგანოების თანამშრომლობის გაძლიერებაზე.ანგარიშში ასევე ვკითხულობთ: საქართველოს ოფიციალურმა პირებმა შეხვედრები გამართეს ჩინეთის ძალოვანი სტრუქტურების წარმომადგენლებთან. „ოცნების“ შს მინისტრ ვახტანგ გომელაურთან შეხვედრისას ჩინეთის ელჩმა საქართველოში, ჟოუ ციანმა თქვა: „სამართალდამცავი დეპარტამენტებს შორის ურთიერთგაცვლა ჩინეთ - საქართველოს თანამშრომლობის მნიშვნელოვანი ნაწილია და ჩინეთი მზადაა კიდევ უფრო გააძლიეროს პრაგმატული თანამშრომლობა საქართველოსთან ისეთ სფეროებში, როგორიცაა პოლიციას შორის თანამშრომლობა და ტრანსნაციონალური დანაშაულის წინააღმდეგ ბრძოლა“.ორგანიზაცია ასევე ხაზს უსვამს, რომ გავრცელებული ინფორმაციით, საქართველოს სახელმწიფო დაწესებულებების დაახლოებით 70-80% აღჭურვილია ჩინური წარმოების სათვალთვალო კამერებით.მათი თქმით, ამ კამერების უმეტესი ნაწილი, რომელიც მუშაობს სახელმწიფო კონტროლის ქვეშ, წარმოებულია სანქცირებული ჩინური კომპანიების მიერ: Hikvision და Dahua Technology.„თბილისის მერია იყენებს ჩინეთის მიერ შემუშავებულ პროგრამულ უზრუნველყოფას (HikCentral) სათვალთვალო სისტემების მართვისა და მხარდაჭერისთვის. შესყიდვების კუთხით, საქართველოს ცენტრალურმა საარჩევნო კომისიამ ყველაზე მეტი დახარჯა ჩინურ სათვალთვალო აღჭურვილობაზე, დანახარჯმა ჯამში დაახლოებით 630,000 აშშ დოლარი შეადგინა.2024 წლის ოქტომბერში ჩინეთის მთავრობამ საქართველოს საბაჟო შემოწმების სისტემები უსასყიდლოდ გადასცა. აღჭურვილობა ჩინურმა კომპანია Nuctech-მა მიაწოდა. 2020 წელს შეერთებულმა შტატებმა Nuctech (Tongfang NucTech Technology Ltd.) მრეწველობის ბიუროსა და უსაფრთხოების სუბიექტების სიაში დაამატა ეროვნული უსაფრთხოების პრობლემების მოტივით“, — ნათქვამია ანგარიშში.ამასთან, 2024 წლიდან საქართველოში 5G ტექნოლოგია დაინერგა. „საერთაშორისო გამჭვირვალობა — საქართველო“ წერს, რომ არც ერთი საჯარო ცნობა არ გამოქვეყნებულა ქსელის განვითარებისა და განლაგების პროგრესის შესახებ.სიტყვით გამოსვლისას ჩინეთის ელჩმა საქართველოში ხაზი გაუსვა ჩინეთის პროექტებსა და მიღწევებს საქართველოში და განაცხადა: „2024 წელი იყო მრავალი მნიშვნელოვანი მიღწევის წელი ჩინეთის საწარმოებისთვის საქართველოში… ტენდერები მოიგეს ქარის ენერგიის, ფოტოელექტროსადგურების და სხვა ახალი ენერგეტიკული სექტორების სფეროში…“რაც შეეხება კავშირებს ფინანსურ სფეროში, ორგანიზაცია ანგარიშში წერს, რომ მემორანდუმის თანახმად, რომელიც 2025 წლის მარტში საქართველოს ეროვნულ ბანკსა და ჩინეთის სახალხო ბანკს შორის გაფორმდა, ორი ცენტრალური ბანკი შეთანხმდა, ითანამშრომლონ მონეტარული პოლიტიკის საკითხებში და გაცვალონ ინფორმაცია და ექსპერტიზა ისეთ სფეროებში, როგორიცაა ფინანსური ტექნოლოგიები, გადახდის სისტემები და ფასიანი ქაღალდების ბაზრის განვითარება.„შეთანხმება ასევე მოიცავს ერთობლივი პროექტების განხორციელების გეგმებს და ორ ქვეყანას შორის საბანკო მომსახურების განვითარების ხელშეწყობას. ძირითადი აქცენტი იქნება გადახდის ინფრასტრუქტურის განვითარება და მოდერნიზაცია, განსაკუთრებული ყურადღება დაეთმობა გადახდის სისტემების ურთიერთდაკავშირების გაძლიერებას, რათა მოხდეს უფრო სწრაფი, ეფექტური და უსაფრთხო საერთაშორისო ტრანზაქციები.2024 წლის ოქტომბერში, საქართველოს ეროვნული ბანკის ფინანსური და სამეთვალყურეო ტექნოლოგიების განვითარების დეპარტამენტის უფროსი დაესწრო Financial Street Forum 2024-ს ჩინეთში. ღონისძიების ფარგლებში განიხილეს ჩინურ Alipay-სა და საქართველოს ფინანსურ ბაზარს შორის სამომავლო თანამშრომლობის პოტენციალი.ჩინეთის ელჩმა საქართველოში აღნიშნა, რომ ორ ქვეყანას შორის გაღრმავებული ფინანსური თანამშრომლობა ხელს შეუწყობს ვაჭრობის, ინვესტიციების და ფართომასშტაბიანი პროექტების მშენებლობას. მან ასევე აღნიშნა, რომ ასეთი თანამშრომლობა ხელს შეუწყობს ქვეყნების უნარს, წინააღმდეგობა გაუწიონ გარე ფინანსურ რისკებს და გააძლიეროს საერთო ეკონომიკური მდგრადობა“, — ვკითხულობთ „საერთაშორისო გამჭვირვალობა - საქართველო“-ს ანგარიშში.

1747922726

შეკითხვაზე, თუ რას პასუხობს ევროკომისია საქართველოს ხელისუფლების განცხადებებს, რომლის მიხედვითაც, ევროპის ქვეყნების ელჩები და ასევე ევროკავშირის ელჩი საქართველოში, ქვეყნის შიდა საქმეებში ერევიან, ევროკომისიის პრესსპიკერმა აღნიშნა, რომ ევროკავშირის ელჩისა და ევროკავშირის ღირებულებების წინააღმდეგ მათი ყველა თავდასხმა უსაფუძვლოა.„ის, რასაც ჩვენ ვხედავთ „ქართული ოცნებისგან“, არის აშკარა დეზინფორმაცია. ევროკავშირის ელჩისა და ევროკავშირის ღირებულებების წინააღმდეგ მათი ყველა თავდასხმა უსაფუძვლოა. რა თქმა უნდა, ევროკავშირის ელჩს საქართველოში ჩვენი სრული მხარდაჭერა და ნდობა აქვს, მისი განცხადებები ზუსტად ასახავს და პატივს სცემს ევროკავშირის პოზიციას“, - განაცხადა მან.ამას გარდა, ანიტა ჰიპერმა „ევროსკოპის“ რედაქტორ, თამარ ნუცუბიძის შეკითხვაზე, თუ რას პასუხობს ევროკომისია გერმანიის ელჩ პეტერ ფიშერსა და ლიეტუვის საგარეო საქმეთა სამინისტროს მიმართ საქართველოს პრემიერ-მინისტრის, ირაკლი კობახიძის კრიტიკულ განცხადებებს, პრესსპიკერმა აღნიშნა, რომ ევროკავშირის პოზიცია ნათელია და საქართველოს ხელისუფლებამ კარგად იცის ბრიუსელის პასუხი, რომელიც არა მხოლოდ განცხადებებით, არამედ კონკრეტული ქმედებებითაც გამოიხატა.„ჩვენი პოზიცია საქართველოს მთავრობისა და „ქართული ოცნების“ მიმართ თანმიმდევრული და ძალიან მკაფიო იყო. მიმდინარე რეპრესიები, სამოქალაქო საზოგადოების, ჟურნალისტების წინააღმდეგ მიმდინარე ძალადობა, ოპოზიციაზე თავდასხმები, სიძულვილის ენა, ფიზიკური ძალადობა და დაკავება უნდა შეწყდეს.საქართველოს ხელისუფლებამ კარგად იცის, ჩვენი გზავნილი, რადგან ჩვენ ეს ნათლად გამოვხატეთ არა მხოლოდ განცხადებებით, არამედ კონკრეტული ქმედებებითაც. მაგალითად, ჩვენ შევამცირეთ ყველა პოლიტიკური კონტაქტი მაღალ დონეზე. ჩვენ შევწყვიტეთ საქართველოს ხელისუფლებისკენ მიმართული დახმარება და ეს სამოქალაქო საზოგადოებისკენ გადავამისამართეთ.ასევე, ჩვენ გავზარდეთ სამოქალაქო მხარდაჭერა. ამასთან, ევროპულმა საბჭომ დიპლომატიურ პასპორტებზე გადაწყვეტილება იანვარში მიიღო. ეს არის კონკრეტული ქმედებები, როგორც რეაქცია [საქართველოს] მთავრობის მიერ დამყარებულ რეპრესიულ რეჟიმზე“,- განაცხადა მან.Ipn

1747914946

თიბისი კამპუსის კურსდამთავრებული 21 წლის საბა კენჭიშვილი გვიზიარებს თავის გამოცდილებას კამპუსში სწავლის შესახებ.„ვსწავლობ აღმოსავლეთ ევროპის უნივერსიტეტში, არქიტექტურის ფაკულტეტზე. პარალელურად, მაინტერესებს კინო და აქტიურად ვარ ჩართული კინემატოგრაფიულ პროექტებში. მოკლემეტრაჟიან ფილმებზე ოპერატორად და სინემატოგრაფად ვმუშაობ ხოლმე. ახლაც ახალ ფილმზე ვმუშაობ. ჩემი სადებიუტო ფილმი - „პალატა 222”, ისეთ საერთაშორისო ფესტივალებზე მოხვდა, როგორებიცაა: Stockholm City Film Festival, Rome Prisma Film Awards, New York Film & Cinematography Awards.თიბისი კამპუსში ვისწავლე სარეკლამო კონტენტის შექმნა. მინდოდა აღმომეჩინა ჩემი შესაძლებლობები და წვდომა მქონოდა თანამედროვე ცოდნაზე და პრაქტიკულ გამოცდილებაზე. კურსი, რომელიც გავიარე იყო ძალიან ახლოს იყო ჩემს ინტერესებთან: სულ ვეძებ შემოქმედებით მიდგომებს და თანამედროვე პლატფორმებს. ვისწავლე შემოქმედებითი პროცესის სწორად დაგეგმვა იდეის ფორმულირებიდან - რეალიზაციამდე“.თიბისი ზრუნავს, რომ განათლება ახალგაზრდებისთვის მაქსიმალურად ხელმისაწვდომი იყოს. კამპუსში სწავლა სრულად უფასოა, ონლაინ ფორმატი კი ახალგაზრდებს საშუალებას აძლევს მონაწილეობა მთელი საქართველოდან მიიღონ, ამიტომ სწავლობ და ქმნი იქ, სადაც ხარ.„ლექტორი ცდილობდა თითოეული ჩვენგანის იდეაში დაენახა პოტენციალი და მაქსიმალურად გაეზარდა ჩვენი თვითგამოხატვის სივრცე. მისგან ვისწავლე, რომ შეცდომა არ არის მარცხი, არამედ შემოქმედებითი პროცესის ერთ-ერთი ეტაპია“.კამპუსის პირველი ნაკადი 202-მა მონაწილემ წარმატებით დაასრულა, მათი ნაწილი კი სწორედ თიბისი კამპუსის კურსების გავლის შემდეგ დასაქმდა და მიღებულ ცოდნას პრაქტიკულ საქმიანობაში იყენებს. კამპუსის გაზაფხულის ნაკადზე, მთელი საქართველოდან, ამჟამად 330 ახალგაზრდა სწავლობს. სწორედ მათ ურჩევს საბა, რომ „არ შეგეშინდეს კრეატიული ექსპერიმენტების, იყავი გულწრფელი, თავისუფალი და თამამად ჩართე კამერა“.ყველაფერი გამოგივა, მთავარია გჯეროდეს შენი მიზნების, თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმაო ინტერესები და ცოდნა.

1747910690

პაპუაშვილი სოციალურ ქსელში წერს, რომ ევროკავშირმა და მისმა წევრებმა პატივი უნდა სცენ საერთაშორისო სამართლებრივ ვალდებულებებს და წესებზე დაფუძნებულ საერთაშორისო წესრიგს.„ისიც უნდა გვახსოვდეს, რომ 2010 წლის ამ ხელშეკრულებით, უვიზო მიმოსვლა, მხოლოდ სააკაშვილის დიქტატორული რეჟიმის ელიტას მიენიჭა, მაშინ როცა ჩვეულებრივ მოქალაქეებს კიდევ 7 წელი უვიზო რეჟიმი არ გვქონდა. მხოლოდ 2017 წელს, “ქართული ოცნების“ ხელისუფლების ძალისხმევით, უვიზო მიმოსვლა ჩვეულებრივი მოქალაქეებისთვისაც გაიხსნა“, - ამბობს შალვა პაპუაშვილი.ლიეტუვამ ევროპის კავშირის გადაწყვეტილების შესაბამისად, გუშინ, 21 მაისს საქართველოს დიპლომატიური და სამსახურებრივი პასპორტების მფლობელებს უვიზო რეჟიმი გაუუქმა. მანამდე ანალოგიური გადაწყვეტილება ესტონეთმაც მიიღო.გამოცემა Delfi წერს, რომ ლიეტუვის მთავრობამ სამინისტროს დაავალა მიღებული გადაწყვეტილება ხუთი სამუშაო დღის ვადაში აცნობოს ევროკომისიას და ევროპის კავშირის წევრ სხვა სახელმწიფოებს.ევროკავშირის საბჭოს მიერ 2025 წლის 27 იანვარს მიღებული გადაწყვეტილებით, საქართველოს ხელისუფლების მიერ ადამიანის უფლებებისა და დემოკრატიული ღირებულებების ხელყოფის გამო, დიპლომატიური და სამსახურებრივი პასპორტების მფლობელები ვეღარ ისარგებლებენ ევროპის კავშირთან უვიზო მიმოსვლით.ევროპის კავშირის წევრმა არაერთმა სახელმწიფომ, მათ შორის ბალტიის ქვეყნებმა „ქართული ოცნების“ დამფუძნებელ ბიძინა ივანიშვილს, პარტიის ლიდერებს და მათი პოლიტიკის მხარდამჭერებს სანქციები დაუწესეს ანტიდემოკრატიული კანონების, მათ შორის ე.წ. აგენტების კანონის და ლგბტქ თემის უფლებების შემზღუდავი კანონის და მშვიდობიანი დემონსტრანტების წინააღმდეგ ძალადობის გამო.სანქციები აამოქმედა ამერიკის შეერთებულმა შტატებმაც. კერძოდ, 2024 წლის 27 დეკემბერს აშშ-მა ბიძინა ივანიშვილი "რუსეთის სასარგებლოდ საქართველოს დემოკრატიული და ევროატლანტიკური მომავლისთვის ძირის გამოთხრისთვის" დაასანქცირა.

1747910056

„როგორც საზოგადოებისთვის ცნობილია, 2025 წლის 1 აპრილს, ,,ქართულმა ოცნებამ” მიიღო „უცხოეთის აგენტების რეგისტრაციის აქტი“, ე.წ. FARA, რომელიც არღვევს საქართველოს კონსტიტუციას და მიზნად ისახავს დამოუკიდებელი სამოქალაქო საზოგადოების ორგანიზაციების და მედიების გაჩუმებას, დისკრედიტაცია და დევნას, მათ შორის, სისხლისსამართლებრივი პასუხისმგებლობის დაკისრების ფორმით.„ქართული ოცნება“ ამ კანონს ამერიკული FARA-ს („Foreign Agents Registration Act“) ანალოგად მიიჩნევს, თუმცა, სინამდვილეში ამერიკული FARA 1938 წელს მიღებული კანონია, რომელიც, ისტორიული კონტექსტის გათვალისწინებით, ამერიკის შეერთებული შტატების იუსტიციის დეპარტამენტისა და დამოუკიდებელი სასამართლოების განმარტებების შესაბამისად, მიზნად ისახავს არა დამოუკიდებელი საზოგადოებრივი და მედია ორგანიზაციების შეზღუდვას, არამედ მტრულად განწყობილი უცხო ქვეყნის ძალების აგენტების საქმიანობის გამოაშკარავებას. ამასთან, აღნიშნული რეგულირება მიემართება ისეთ შემთხვევებს, როდესაც უცხოეთიდან დაფინანსებული პირები ავტონომიურად არ მოქმედებენ და სრულად ექვემდებარებიან პრინციპალის მითითებებს.მნიშვნელოვანია, ქართულმა საზოგადოებამ იცოდეს, რომ კანონმდებლობის რეალური შინაარსი არ განისაზღვრება მხოლოდ მისი ტექსტით, ხოლო სხვა ქვეყნებში მოქმედი კანონმდებლობის პირდაპირ გადმოტანა ვერ უზრუნველყოფს მის იდენტურ ფუნქციონირებას. სამართლებრივი ნორმა, რომელსაც შეიძლება ჰქონდეს ერთი და იგივე ფორმულირება, სხვადასხვა იურისდიქციასა და სხვადასხვა დროში, შესაძლოა, სრულიად განსხვავებულ შედეგებს იწვევდეს, რაც განპირობებულია სამართლებრივი სისტემის სტრუქტურით, პოლიტიკური გარემოთი და ინსტიტუციური მექანიზმებით.ამერიკის შეერთებული შტატები საქართველოსაგან განსხვავებით წარმოადგენს საერთო სამართლის ქვეყანას. საერთო სამართლის ქვეყნებს ახასიათებს ფართოდ ფორმულირებული ტერმინები, ვინაიდან ამ სამართლებრივ სისტემაში სამართალია ის, რასაც სასამართლო დაადგენს (Marbury v. Madison, 5 U.S. 137 (1803). კონტინენტური სამართლის ქვეყნებში, როგორიც საქართველოა, თავად კანონის ტექსტი უნდა იძლეოდეს სამართლებრივი ვალდებულების დადგენის შესაძლებლობას. ჩვენი სისტემა ფუნდამენტურად გამორიცხავს იმგვარი ზოგადი ნორმის მიღების შესაძლებლობას, სადაც კანონმდებლის ფუნქციას მოსამართლე კისრულობს. ეს განსაკუთრებით ეხება იმ ნორმებს, რომლითაც სისხლისსამართლებრივი პასუხისმგებლობის დადგენა ხდება. შესაბამისად, როდესაც ჩვენს სისტემაში ხდება საერთო-სამართლის ინსტიტუტების გადმოღება, არ არის საკმარისი საერთო სამართლის ქვეყნის კანონის თარგმნა. აუცილებელია მხედველობაში იქნეს მიღებული საერთო სამართლის ქვეყნის სასამართლო პრაქტიკა. აშშ-ს სასამართლო პრაქტიკის თანახმად, დონორისაგან დაფინანსების მიღების ფაქტი, თავისთავად, არ აქცევს მის მიმღებს დონორის მითითების ან კონტროლის ქვეშ მყოფ სუბიექტად. ასეთ შემთხვევაში სუბსიდიის მიმღებს არ მოეთხოვება დონორის აგენტად რეგისტრაცია. კორპორაციები, რომლებიც იღებენ უცხოელი პრინციპალებისაგან ფინანსურ დახმარებას, ისე რომ არ ექვემდებარებიან უცხოური პრინციპალის კონტროლს, არ არიან აგენტები FARA-ს მიზნებისათვის.საკონსტიტუციო სარჩელში დასაბუთებულია, რომ ბუნდოვანი ნორმების პარალელურად, კანონის აღმსარულებელ სუბიექტებს (ანტიკორუფციული ბიურო, პროკურატურა, სასამართლო) მინიჭებული აქვთ დაუბალანსებელი უფლებამოსიულებები, რაც ზრდის კანონის თვითნებური გამოყენების რისკებს. ასეთ რეალობაში, განსაკუთრებით მაშინ, როდესაც ,,ქართული ოცნება” სრულად აკონტროლებს ანტიკორუფციულ ბიუროს, სასამართლოსა და პროკურატურას, არსებობს რეალური საფრთხე, რომ FARA-ს ყოველგვარი ფაქტობრივი და სამართლებრივი წინაპირობების არარსებობის მიუხედავად, გამოიყენებს დამოუკიდებელი სამოქალაქო ორგანიზაციებისა და მედიების წინააღმდეგ, რომლებიც ეხმარებიან საზოგადოების სხვადასხვა დაჩაგრულ ჯგუფს, ეწინააღმდეგენიან სისტემურ წამებას, ამხელენ ,,ქართული ოცნების” ანტი-ევროპულ კურსს, კორუფციულ გარიგებებს, აშუქებენ მიმდინარე პოლიტიკურ მოვლენებს, ადამიანის უფლებათა დამაზიანებელ პრაქტიკებს და სხვა.„ქართული ოცნების” ფარას დებულებები იმდენად ბუნდოვანია, რომ ქმნის რეალურ საფრთხეს, მოხდეს მისი გამოყენება დამოუკიდებელი ორგანიზაციების და ფიზიკური პირების გასაჩუმებლად და დასასჯელად. ამას ადასტურებს ის ფართო ინტერპრეტაციებიც, რომლებიც ამ კანონთან მიმართებით ბოლო ორი დღის განმავლობაში ანტიკორუფციული ბიუროს ხელმძღვანელმა გააკეთა. იმისათვის, რომ თავიდან იქნეს აცილებული კანონის ამოქმედებიდან წარმოშობილი მყისიერი და გამოუსწორებელი ზიანი, საკონსტიტუციო სასამართლო ვალდებულია შეაჩეროს გასაჩივრებული ნორმები. არ გვაქვს მოლოდინი, რომ საკონსტიტუციო სასამართლო სწრაფად და კონსტიტუციის შესაბამისად იმოქმედებს, თუმცა, მიგვაჩნია, რომ უნდა გამოვიყენოთ სამართლებრივი ბრძოლის ყველა ფორმა, კონსტიტუციით მონიჭებული უფლებების დასაცავად“, - ნათქვამია განცხადებაში.

1747904951

ოთხშაბათს, 21 მაისს, თბილისის დროით 18:45 საათზე ამერიკის შეერთებული შტატების სახელმწიფო მდივანმა მარკო რუბიო ტრამპის მეორე ვადით არჩევისა და ახალი ადმინისტრაციის მოსვლის შემდეგ საქართველოსთან დაკავშირებით პირველ განცხადება გააკეთა. მან "ქართულ ოცნებას" „ანტიამერიკული“ უწოდა.რუბიო აშშ-ის კონგრესის ქვედა პალატის, წარმომადგენელთა პალატის საგარეო საქმეთა კომიტეტის წინაშე სიტყვით გამოდიოდა, როდესაც მას ჯო უილსონმა (MEGOBARI აქტის თანაავტორმა), საქართველოსთან დაკავშირებით ჰკითხა: „თქვენი ხელმძღვანელობით სახელმწიფო დეპარტამენტში რა გაკეთდება ისეთი, რაც სახელმწიფო დეპარტამენტს, ქართველი ხალხის სახელით, ანტიამერიკული “ქართული ოცნებისთვის” რეალური ფასის დაწესებაში დაეხმარება?”ამ კითხვის დასმამდე, კონგრესმენმა უილსონმა ჯერ ისაუბრა საქართველოს 2024 წლის საპარლამენტო არჩევნების "გაყალბებაზე“, ჩინეთის ინტერესების სანაცვლოდ ამერიკულ მხარესთან ორგანიზაციების ასოცირების „კრიმინალიზაციაზე“ და მიმდინარე საპროტესტო დემონსტრაციებზე.რუბიომ პასუხი არ დააყოვნა, "ვარიანტები და დამატებით ვარიანტები განიხილება".რუბიოს თქმით, დღეს მას არ აქვს განცხადება იმის თაობაზე, კონკრეტულად რის გაკეთებას გეგმავს აშშ.ასევე რუბიომ თქვა, რომ შტატებმა რეგიონულ ბიუროებს და ლოკალურ ოფისს უნდა მიმართოს, რომ სახელმძღვანელო მიიღონ - "ანტიამერიკული მთავრობისთვის ყველაზე საგრძნობი ზომები რა შეიძლება იყოს”.“ჩემს შესავალ სიტყვაში რაც ვთქვი, იმას რომ დავუბრუნდეთ, შეერთებული შტატების მიზანი ჩვენი ეროვნული ინტერესებია. ასე რომ, ამას შევხედავთ და საკუთარ თავს ვკითხავთ: “ჩვენი ეროვნული ინტერესია, რომ მსოფლიოს მნიშვნელოვან ნაწილში ანტიამერიკული მთავრობა მმართველობდეს?” და თუ არა, შესაბამის ქმედებებს განვახორციელებთ, რათა ფასის გადახდა მოუწიოს ამ მთავრობას.ეს ამჟამად განიხილება, ვარიანტებს და დამატებით ვარიანტებს განვიხილავთ. კონკრეტულად დღეს განცხადება არ მაქვს, თუ კონკრეტულად რის გაკეთებას ვგეგმავთ, მაგრამ შემიძლია გითხრათ, რომ ეს ისეთი რამეა, რაც განიხილება.და, კიდევ ერთხელ, ეს შესანიშნავი მაგალითია იმის, თუ რატომ უნდა მივმართოთ ჩვენს რეგიონულ ბიუროებს და ადგილზე ჩვენს ლოკალურ ოფისს, რომ სახელმძღვანელო მოგვცენ - ანტიამერიკული მთავრობისთვის ყველაზე საგრძნობი ზომები რა შეიძლება იყოს”, - განაცხადა გუშინ რუბიომ უილსონის კითხვის პასუხად.უპასუხოდ დარჩენილი კობახიძის წერილიმაშინ, როდესაც აშშ-ის კონგრესის ქვედა პალატაში “MEGOBARI აქტის” დამტკიცების შემდეგ, კანონპროექტი კონგრესის ზედა პალატას - სენატს გადაეცა, "ქართული ოცნების" თავმჯდომარედ არჩეულმა ირაკლი კობახიძემ 13 მაისს დონალდ ტრამპსა და ჯეი დი ვენსს ღია წერილით მიმართა, სადაც იგი წერდა: "თუ დააკვირდებით, ჩვენი ხელისუფლებისა და თქვენს რიტორიკას, სრული ღირებულებითი და იდეოლოგიური თანხვედრა აქვს".ამ წერილზე აშშ-ის არცერთ ოფიციალურ წარმომადგენელს საჯარო კომენტარი არ გაუკეთებია და ამ დრომდე არც არაფერი თქმულა.6 მაისს, აშშ-ის კონგრესის ქვედა პალატაში “MEGOBARI აქტის” დამტკიცების შემდეგ, კანონპროექტი კონგრესის ზედა პალატას - სენატს გადაეცა. კანონპროექტი სენატის ოფიციალური კალენდრის “ზოგადი საკითხების” სექციაში იმავე დღეს იქნა დამატებული სათაურით: “აქტი, რომ საქართველოში წინააღმდეგობა გაეწიოს ჩინეთის კომუნისტური პარტიის, ირანული რეჟიმისა და რუსეთის ფედერაციის გავლენას”.თუკი ახლა “MEGOBARI აქტი” სენატშიც დამტკიცდება, კანონად ქცევისთვის მას პრეზიდენტი ტრამპის ხელმოწერა დასჭირდება.ირაკლი კობახიძემ 7 მაისს ჟურნალისტებს უთხრა, რომ "MEGOBARI აქტის" მხარდამჭერი რესპუბლიკელი კონგრესმენები არა პრეზიდენტ ტრამპის მოკავშირეები, არამედ "დიფ სთეითის" დავალებების შემსრულებლები არიან. კობახიძის აზრით, მაგალითად "ჯო უილსონი არის თავიდან ბოლომდე დიფ სთეითი“.„ქართული ოცნების“ თავმჯდომარის მოადგილის, ლევან მაჭავარიანის აზრით კი "ჯო უილსონი ჩვეულებრივი ლობისტია, რომელიც ასეთი ტიპის სამუშაოთი საზრდოობს".“ქართული ოცნება” “MEGOBARI აქტს” პრეზიდენტ ტრამპის „გამოცდად“ განიხილავს და თუკი აშშ-ის პრეზიდენტი საბოლოო ვარიანტს ხელს მოაწერს,  ეს "ქართული ოცნების" აზრით, ნიშანი იქნება იმისა, რომ აშშ-ის პრეზიდენტმა ე.წ. დიფ სთეითი ვერ დაამარცხა.დონალდ ტრამპისა და ჯეი დი ვენსისთვის მიწერილ ღია წერილში კობახიძე აცხადებს, რომ „გასაკვირია”, რატომ არ ასწორებს დონალდ ტრამპი ჯო ბაიდენის „დანაშაულებრივ გადაწყვეტილებებს” – მისვე თქმით, გაკვირვებას იწვევს აშშ-ის ამჟამინდელი ადმინისტრაციის „დუმილი” იმის გათვალისწინებით, რომ ისინი „ღიად არადემოკრატიულ და ავტორიტარულ სახელმწიფოსთანაც” აწარმოებენ დიალოგს.ვის ემუქრება სანქციები MEGOBARI აქტის მიღების შემთხვევაში?ჯო ვილსონის თქმით, "MEGOBARI აქტის" მიღების შემთხვევაში დასანქცირება ემუქრება: ირაკლი კობახიძეს - პრემიერ-მინისტრის, კახა კალაძეს - თბილისის მერს, ირაკლი ღარიბაშვილს - პარტიის ყოფილი თავმჯდომარეს, მაკა ბოჭორიშვილს - საგარეო საქმეთა მინისტრს, შალვა პაპუაშვილს - პარლამენტის სპიკერს, ნინო წილოსანს - ვიცე-სპიკერს, მამუკა მდინარაძეს - საპარლამენტო უმრავლესობის ლიდერს, გიორგი კალანდარიშვილს - ცესკოს თავმჯდომარეს.დასასანქცირებელთა სიაში ასევე არიან: ვახტანგ გომელაური, ანრი ოხანაშვილი, პაატა სალია, სულხან თამაზაშვილი, ვიქტორ ჯაფარიძე, დიმიტრი სამხარაძე, თეა წულუკიანი, მიხეილ ჩინჩალაძე, ლევან მურუსიძე, დიმიტრი გვრიტიშვილი, გიორგი მიქაუტაძე, ლევან თევზაძე, ირაკლი შენგელია, რევაზ ნადარაია, შალვა თადუმაძე, გიორგი გაბიტაშვილი – გენპროკურორი, კარლო კაციტაძე – სპეციალური საგამოძიებო სამსახური, გიორგი ჯავახიშვილი – ცესკოს მდივანი, რაჟდენ კუპრაშვილი – ანტიკორუფციული ბიუროს ხელმძღვანელი, ნათია თურნავა – სების პრეზიდენტი. ბიზნესმენები: უჩა მამაცაშვილი, ივანე ჩხარტიშვილი, ალექსანდრე ივანიშვილი, ოთარ რომანოვ-ფარცხალაძე, ნოშრევან ნამორაძე. ჯო ვილსონის თქმით, სანქციები ემუქრებათ "პროპაგანდისტებსაც" სადაც მოიაზრება: ირაკლი რუხაძე, ლაშა ნაცვლიშვილი, ვასილ მაღლაფერიძე, თინათინ ბერძენიშვილი და კახა ბექაური.

1747902928