განათლების მინისტრი დანიშვნიდან 9 თვეში თანამდებობიდან გადადგა

ფინანსთა სამინისტროს პრეს–სამსახურის ცნობით, ლაშა ხუციშვილმა მიხეილ მაღლაკელიძეს მიულოცა თანამდებობაზე დანიშვნა, მან ხაზი გაუსვა იმ კვალიფიკაციასა და გამოცდილებას, რომელიც მას მიღებული აქვს საგამოძიებო სამსახურში მუშაობის პერიოდში.ფინანსთა მინისტრმა იმედი გამოთქვა, რომ მიხეილ მაღლაკელიძის ხელმძღვანელობით უწყება გააგრძელებს სახელმწიფოს მიერ დასახული ამოცანების შესრულებას. ლაშა ხუციშვილმა, ასევე, მადლობა გადაუხადა საგამოძიებო სამსახურის ყოფილ უფროსს ირაკლი ბერაიას უწყების ხელმძღვანელობისთვის და კიდევ ერთხელ წარმატებები უსურვა შემოსავლების სამსახურის უფროსის თანამდებობაზე.ფინანსთა სამინისტროს საგამოძიებო სამსახურის უფროსმა, მიხეილ მაღლაკელიძემ  გამოცხადებული მაღალი ნდობისთვის მადლობა გადაუხადა პრემიერ მინისტრსა და ფინანსთა მინისტრს და აღნიშნა, რომ საგამოძიებო უწყება კვლავ ეფექტიანად გააგრძელებს საფინანსო-ეკონომიკური დანაშაულის წინააღმდეგ ბრძოლას და ქვეყნის ეკონომიკური წისნვლის ხელშეწყობას.

1751291651

ბიზნესის, ტექნოლოგიების, განათლების, კულტურისა და საზოგადოების მხარდაჭერაში მდგრადი განვითარების მნიშვნელობა და საერთაშორისო პარტნიორების როლი – სწორედ ამ საკითხებზე გაკეთდა აქცენტი წლევანდელ ღონისძიებაზე, რაც სრულ თანხვედრაშია თიბისის მდგრადი განვითარების სტრატეგიულ პრიორიტეტებთან.ღონისძიება თიბისის გენერალურმა დირექტორმა ვახტანგ ბუცხრიკიძემ გახსნა. მან თიბისის მდგრადი განვითარების სტრატეგიასა და მიღწეულ შედეგებზე ისაუბრა. დამსწრე საზოგადოებას ასევე მიმართა გაერთიანებული სამეფოს ელჩმა საქართველოში გარეტ უორდმა, თიბისის რისკების მართვის დირექტორმა ნინო მასურაშვილმა კი შეაჯამა 2024 წლის ძირითადი მიღწევები მდგრადი განვითარების მიმართულებით.ღონისძიების ფარგლებში გაიმართა პანელური დისკუსია თემაზე „მდგრადი განვითარების ხელშეწყობა ყველა დაინტერესებული მხარის ჩართულობით“, რომლის სპიკერებიც იყვნენ ევროკავშირის, ევროპის რეკონსტრუქციისა და განვითარების ბანკის (EBRD), გაეროს ქალთა ორგანიზაციისა (UN Women)  და ბიზნეს სექტორის წარმომადგენლები, თიბისის ტექსკოლის კურსდამთავრებული და გრეის ჰოპერის ტექნოლოგიური ჯილდოს გამარჯვებული.ღონისძიება დასრულდა დიალოგით თემაზე „მდგრადობის როლი ხელოვნებაში და ხელოვნების როლი მდგრადობაში“. ეს თემა ასახავს თიბისის სტრატეგიულ მიზანს, ხელი შეუწყოს კულტურულ განვითარებას, როგორც ორგანიზაციის ერთ-ერთ მნიშვნელოვან პრიორიტეტს. დიალოგი ვიზუალურ არტისტ მარიამ ოდიშელიძესა და ფოტოგრაფ გურამ წიბახაშვილს შორის გაიმართა.ღონისძიებას ესწრებოდნენ საერთაშორისო და ადგილობრივი ორგანიზაციები, ბიზნეს სექტორის წარმომადგენლები, მედია, თიბისის პროგრამების მონაწილეები, თანამშრომლები და მომხმარებლები — როგორც მცირე, ისე მსხვილი ბიზნესსექტორებიდან.„თიბისიში სრულად ვაცნობიერებთ ჩვენს პასუხისმგებლობას, მხარი დავუჭიროთ მდგრად განვითარებას. ჩვენი საქმიანობით ვქმნით მწვანე და სოციალური დაფინანსების შესაძლებლობებს მდგრადი ბიზნეს მოდელებისა და პრაქტიკების მხარდასაჭერად, ვზრუნავთ ჩვენი თანამშრომლების ჩართულობასა და ქალების გაძლიერებაზე, ტექნოლოგიურ განვითარებასა და ახალგაზრდების განათლებაზე. გვჯერა, რომ მრავალფეროვანი პერსპექტივები ინოვაციების მამოძრავებელი ძალაა და ზრდის ჩვენს შესაძლებლობებს, ვუპასუხოთ კომპლექსურ გამოწვევებს. ჩვენი მიზანია, ხელი შევუწყოთ საზოგადოებაში პოზიტიურ ცვლილებებს და ვიყოთ ESG პრინციპების წამყვანი მხარდამჭერი ქვეყანასა და რეგიონში.“- ვახტანგ ბუცხრიკიძე, თიბისის გენერალური დირექტორი.აღსანიშნავია, რომ თიბისი მდგრადი განვითარების მიმართულებით 2024 წელს რამდენიმე მნიშვნელოვანი ჯილდოს მფლობელი გახდა. მათ შორის არის მელიორა 2024-ის კონკურსზე მთავარი ჯილდო კატეგორიაში „წლის პასუხისმგებლობიანი მსხვილი კომპანია“, ESG აკადემიის PEAK ჯილდო საერთაშორისო დეველორის კონკურსზე, ევრომანის ჯილდო მდგრადობის მიმართ გამორჩეული ერთგულებისთვის.თიბისი 2019 წლიდან წარადგენს მდგრადი განვითარების წლიურ ანგარიშს, რომელიც ასახავს თიბისის წვლილსა და გავლენას ეკონომიკაზე, გარემოსა და საზოგადოებაზე. 2024 წლის მდგრადი განვითარების ანგარიშში, რომლის სრულ ვერსიას www.tbcbankgroup.com – ზე გაეცნობით, სამომავლო გეგმებთან ერთად, წარმოდგენილია ის შედეგები, რომლებსაც თიბისიმ გასულ წელს მიაღწია. იხილეთ თიბისის მდგრადი განვითარების ანგარიში: tbc-bank-group-plc-sustainability-report-2024.pdf

1751290911

მთავრობის მეთაურმა აღნიშნა, რომ გივი მიქანაძეს აქვს ძალიან დიდი გამოცდილება განათლებისა და მეცნიერების მიმართულებით და სიღრმისეული აკადემიური განათლება.კობახიძემ განათლების უკვე ყოფილ მინისტრს ალექსანდრე წულაძეს, რომელმაც თანამდებობიდან საკუთარი გადაწყვეტილებით წასვლის შესახებ განცხადება ორშაბათს გაავრცელა, გაწეული საქმიანობისთვის მადლობა გადაუხადა.

1751290033

ღონისძიება 4 ივლისს Pullman Tbilisi Axis Towers-ში გაიმართება თემით — „AI ჩემპიონთა ლიგა“. იგი ხელოვნური ინტელექტის რეალურ გამოყენებას შეეხება და სპიკერებს შესაძლებლობას მისცემს, საკუთარი გამოცდილება, მიღწევები და სტრატეგიები ციფრული ტრანსფორმაციის, მონაცემთა ანალიზის, კიბერუსაფრთხოების და IT ინფრასტრუქტურის მიმართულებებით მასშტაბურ აუდიტორიას გაუზიარონ.საქართველოს ბანკი, როგორც AI ინოვაციების გავრცელებაზე ორიენტირებული ინსტიტუტი და ტექნოლოგიური ეკოსისტემის აქტიური მხარდამჭერი, კონფერენციაზე რვა სპიკერით წარდგება.საერთო ჯამში, ღონისძიება 40-ზე მეტ საერთაშორისო და ადგილობრივ სპიკერს გააერთიანებს, ხოლო მონაწილეთა რიცხვი 600-ს გადააჭარბებს. კონფერენციის მრავალფეროვანი პროგრამა პროფესიონალებს საშუალებას მისცემს, მათთვის საინტერესო სესია აირჩიონ და სფეროს ლიდერებისგან პრაქტიკული ცოდნა მიიღონ.კონფერენცია გამოცდილების გასაზიარებლად, დარგის საუკეთესო პრაქტიკების გასაცნობად და ხელოვნური ინტელექტის კულისებს მიღმა პროცესებში ჩასახედად გამორჩეულ სივრცეს ქმნის.შემოუერთდით „AI ჩემპიონთა ლიგას“ და გახდით ტექნოლოგიური მომავლის ნაწილი საქართველოს ბანკის მხარდაჭერით.ღონისძიების შესახებ დეტალური ინფორმაციის მისაღებად და ბილეთების შესაძენად ეწვიეთ ვებგვერდს.

1751289754

მაკინტაირი აუდიტის კომიტეტის თავმჯდომარის პოსტზე, ასევე, ნომინაციისა და რისკების კომიტეტების წევრად 26 ივნისიდან დაინიშნა. 23 ივნისიდან მისი საქართველოს ბანკის სამეთვალყურეო საბჭოს წევრად დანიშვნაზე თანხმობა სებ-საც გაცემული აქვს.თავის მხრივ, 26 ივნისიდანვე პოსტები ჯონათან მიურმა იმავე დღიდან დატოვა კომპანიის დირექტორთა საბჭო როგორც დამოუკიდებელმა არააღმასრულებელმა დირექტორმა, აუდიტის კომიტეტის თავმჯდომარემ და ნომინაციების კომიტეტის წევრმა.„დირექტორთა საბჭოს სახელით მსურს დიდი მადლობა გადავუხადო ჯონათანს წლების განმავლობაში გამოჩენილი მნიშვნელოვან მონდომებისა და შეტანილი წვლილისთვის, განსაკუთრებით აუდიტის კომიტეტის თავმჯდომარის რანგში. მოხარულები ვართ, რომ ენდრიუ უერთდება აუდიტის კომიტეტს თავმჯდომარის სტატუსით. მისი ფართო საერთაშორისო გამოცდილება ფინანსურ მომსახურებებში მნიშვნელოვან წვლილს შეიტანს კომიტეტის მიმდინარე მიზნების მიღწევაში“, - განაცხადა LFG-ის თავმჯდომარემ მელ კარვილმა.ცნობისთვის, მაკინტაირი Ernst & Young-ის პარტნიორი იყო 1988-დან 2016 წლამდე, სპეციალიზირებული საერთაშორისო ფინანსურ მომსახურებებში. ის არის C. Hoare & Co.-ს უფროსი დამოუკიდებელი დირექტორი და Lloyds Bank Corporate Markets PLC-ის არააღმასრულებელი დირექტორი. მას ადრე ეკავა საბჭოს პოზიციები National Bank of Greece S.A.-ში, Ecclesiastical Insurance Group PLC-სა და ეკონომიკური პოლიტიკის კვლევის ცენტრში. აქვს კემბრიჯის უნივერსიტეტის მაგისტრის ხარისხი სამედიცინო მეცნიერებებსა და მუსიკაში. ის არის დიპლომირებული ბუღალტერი/აუდიტორი.

1751288830

ცესკოს თავმჯდომარემ რეგიონული ფორუმის - „საქართველოს ახალგაზრდული მრჩეველთა საბჭოები - იდეიდან ცვლილებამდე“ მონაწილეებთან არჩევნებსა და ამ პროცესში ახალგაზრდების ჩართულობის, ასევე საარჩევნო საკითხებთან დაკავშირებით ახალგაზრდების ინფორმირებულობის მნიშვნელობაზე ვრცლად ისაუბრა. გარდა ამისა, გიორგი კალანდარიშვილმა ახალგაზრდებს ინფორმაცია მიაწოდა საარჩევნო სიახლეების, 4 ოქტომბრის არჩევნებისთვის მზადებისა და ელექტრონული ტექნოლოგიების დანერგვის შესახებ.„ახალგაზრდობის სააგენტოსთან თანამშრომლობით ჩვენ გვქონდა შესაძლებლობა ახალგაზრდების ფართო აუდიტორიისთვის გაგვეზიარებინა ინფორმაცია იმ საქმიანობების შესახებ, რომელსაც ადმინისტრაცია წარმატებით ახორციელებს. მათ დეტალური ინფორმაცია მივაწოდე 2025 წლის მუნიციპალიტეტის ორგანოთა არჩევნებისთვის მზადების პროცესის შესახებაც. ვფიქრობ, ახალგაზრდებთან მსგავსი ტიპის შეხვედრები ძალიან მნიშვნელოვანია, რადგან საარჩევნო პროცესებში მათი ჩართულობა და მონაწილეობა მნიშვნელოვანია, როგორც ჩვენი უწყებისთვის, ასევე ზოგადად დემოკრატიული პროცესების გასაძლიერებლად. შეხვედრის ფარგლებში ახალგაზრდებთან ერთად სხვადასხვა მნიშვნელოვანი საკითხიც განვიხილე და მათთვის საინტერესო მნიშვნელოვან კითხვებსაც ვუპასუხე“, - განაცხადა გიორგი კალანდარიშვილმა შეხვედრის დასრულების შემდეგ.ცესკოს თავმჯდომარემ ფორუმის მიმდინარეობისას დეზინფორმაციაზეც ისაუბრა. მან ახალგაზრდებს ამ მიმართულებით საარჩევნო ადმინისტრაციის სტრატეგია გააცნო და დეტალური ინფორმაცია მიაწოდა არსებული გამოწვევებისა და დეზინფორმაციასთან ბრძოლის მიმართულებით გაწეული საქმიანობის შესახებ.პროექტი - „საქართველოს ახალგაზრდული მრჩეველთა საბჭოები - იდეიდან ცვლილებამდე“ ცენტრალური საარჩევნო კომისიის, სსიპ ახალგაზრდობის სააგენტოსა და საქართველოს ახალგაზრდული მრჩეველთა საბჭოების ასოციაციის მჭიდრო თანამშრომლობით სხვადასხვა რეგიონში ეტაპობრივად მიმდინარეობს. პროექტის ფარგლებში დაგეგმილია კიდევ ორი შეხვედრა კახეთსა და აჭარაში. ქუთაისში გამართულ რეგიონულ ფორუმში ქუთაისის, მარტვილის, ხობის, ხონის, ჩხოროწყუსა და ბაღდათის მუნიციპალიტეტების მრჩეველთა საბჭოების წევრები და კოორდინატორები იღებდნენ მონაწილეობას. შეხვედრა ქუთაისის საერთაშორისო უნივერსიტეტში გაიმართა.(R) 

1751286168

დაღმავალი ტრენდი წლის დასაწყისიდან აღინიშნება (01.01.2025 +18%Y.Y).შენელებულია ბიზნესის დაკრედიტებაც. სებ-ის სტატისტიკით, 01.06.2025-ის მდგომარეობით წლიური ზრდა 13.2%-ია (01.01.2025 + 17.8%Y.Y. 01.06.2024 + 20.08%). მოცულობა 37.1 მლრდ  (01.06.2024 – 32.9 მლრდ.)ბანკების დაბანდება მსხვილ ბიზნესში 11.9 მლრდ ლარია (01.01.2025- 12.2 მლრდ; 01.06.2024 –10.67 მლრდ ) საშუალო და მცირეში (SME)  25.2 მლრდ (01.01.2025 – 24.27 მლრდ, 01.06.2024 – 22.25 მლრდ).მსხვილ ბიზნესზე  მაისში 1.6 მლრდ ლარის, 1.878 სესხი გაიცა.  SME–ზე 1.3 მლრდ ლარის 31 747 ერთეული სესხი.დიდ ბიზნესზე გაცემული ნაკადის დოლარიზაცია 52%-ია, SME – 49.2%.

1751285989

გადაცემა, რომელიც პორტრეტის, უშუალო დიალოგისა და “ჰარდ თოქის“ ნაზავია, უნიკალურია იმით, რომ თითქოს კარგად ნაცნობ ადამიანებს ხელახლა აღმოგვაჩენინებს. გორგილაძის ფრთხილად და ოსტატურად დასმული კითხვები სტუმრებს გულწრფელობისკენ უბიძგებთ. შესაბამისად, თამამად გვიყვებიან საკუთარ ისტორიებს წარსულზე, დღევანდელობაზე და იმ მომავალზე, რომელიც ჯერ  მხოლოდ წარმოსახვაში არსებობს.ახალი სივრცის ათვისებამ გადაცემას განსხვავებული მიზნები გაუჩინა. ავტორმა გადაწყვიტა, გასცდენოდა ქვეყნის საზღვრებს და მაყურებლისთვის გაეცნო ის ადამიანები, რომლებიც  ევროპაში, საკუთარ თავთან ახლოს და სამშობლოსგან შორს ცხოვრობენ. საქართველოს ბანკთან პარტნიორობით  ადგა და ჩაალაგა ბარგი, ჩაჯდა თვითმფრინავში და წავიდა. რაც მთავარია, რესპონდენტებთან გაიყოლა ორი მთავარი კითხვა: პირველი -  როგორ აღიქვამენ საქართველოში მიმდინარე ბოლოდროინდელ მოვლენებს და მეორე, როგორ მივიდნენ მიზნამდე.“გორგილაძის აუტანელი სიმსუბუქის“ ევროპული მოგზაურობა ექვს ეპიზოდს აერთიანებს. გადაცემის სტუმრები, ერთ დროს სხვადასხვა მიზეზით სამსახურის, სპორტული კარიერის, სწავლის თუ უბრალოდ ახალი თავგადასავლების საძიებლად საზღვარგარეთ გადაბარგდნენ. წამყვანთან პასუხობენ კითხვებს, რომელიც ერთი შეხედვით მარტივი, მაგრამ სინამდვილეში ღრმა და დამაფიქრებელია. ეს კითხვები შთააგონებთ ხელახლა გადააფასონ რა დაკარგეს, რა აღმოაჩინეს და როგორ შეიცვალნენ სამშობლოდან შორს ყოფნისას.ევროპული თავგადასავალი სტამბოლში იწყება. სწორედ აქ ხვდება გორგილაძე მათ, ვინც საკუთარ სათქმელს სიტყვებით გადმოსცემს  - მწერალ სალომე ბენიძესა და პოეტ ირაკლი კაკაბაძეს, იგივე იაკი კაბეს. ეს არის ორი განსხვავებული ხმა და სტილი, თუმცა ერთი განწყობა: არ გაჩერდნენ, ილაპარაკონ, წერონ და რაც მთავარია, იფიქრონ ქართულად.“ძალიან ხშირად ვუყურებ საკუთარ თავს, როგორც პერსონაჟს“, - ამ სიტყვების ავტორი გორგილაძის პირველი სტუმარი, სალომე ბენიძეა. სტამბოლში მცხოვრები სალომე ერთ-ერთია, ვინც სამშობლოსთან შინაგან დიალოგს მისგან მოშორებითაც ინარჩუნებს და ქართული ისტორიის შტრიხებს თავის შემოქმედებაშიც ყოველთვის ასახავს. მისი მთავარი შთაგონების წყარო, დღემდე, მარო მაყაშვილია. ახალგაზრდა ქალი, რომელმაც ზუსტად იცოდა, რომ არ შეიძლებოდა დუმილი მაშინ, როცა ქვეყანას მოქმედება სჭირდებოდა. მისთვის მარო მაყაშვილის იდეა და ნიკო ნიკოლაძის საქართველო ის ღირებულებებია, რომლისთვისაც თავგანწირვა ღირს. სალომეს თქმით, აუცილებელია, ვიცნობდეთ იმ ქართველებს, რომლებსაც თავისუფლებისა და უკეთესი მომავლის შექმნის უშრეტი სურვილი ამოძრავებდათ. ხოლო გორგილაძის მთავარ კითხვაზე, რა არის მისი ცხოვრების წესი, პასუხობს: ყველაზე წარმოუდგენელი რამეებიც კი შეიძლება გახდეს რეალობა, თუკი მოინდომებ და იბრძოლებ“.მოგზაურობის მეორე ეპიზოდში, გორგილაძეს იაკი კაბე მასპინძლობს. ადამიანი, რომელიც პროფესიული საქმიანობის მიღმა აქტივიზმითაა დაკავებული და ქართველთა სათვისტომოს ხელმძღვანელობს. იაკი ღიად საუბრობს აფხაზეთის ომისა და ემიგრაციის გამოცდილებაზე. თუმცა, ხაზგასმით აღნიშნავს, რომ მისთვის ამ თემების საჯაროდ განხილვა მარტივი არასდროს ყოფილა:“ვერ ვყვები, რა მაქვს ნანახი და რა გამოვიარე. არასდროს მქონია ძალა, მესაუბრა ამ ამბავზე”, - ამბობს ის.სიუჟეტში იაკი მხოლოდ წარსულს არ იხსენებს, უფრო მეტ დროს იმაზე საუბარს უთმობს, როგორია ცხოვრება სამშობლოდან შორს. ამბობს იმასაც, რომ მისი პერსპექტივით დანახული საქართველო ნათელია, რადგან ქართველი ყოველთვის ახერხებდა გველეშაპის დამარცხებას და არც ეს შემთხვევა იქნება გამონაკლისი.გორგილაძის სტამბოლში მოგზაურობა პოეტის ქართულ კუთხეში სრულდება. “გალაქტიონი“ - ასე ჰქვია ადგილს, რომელიც ერთდროულად რესტორანიცაა და კულტურული სივრცეც.  აქ, პერიოდულად, ლიტერატურული საღამოები, შეხვედრები და დისკუსიები იმართება. მოკლედ, ყველაფერია, რაც ქართველ ემიგრანტებს სამშობლოსთან კავშირს აგრძნობინებს, ხოლო უცხოელ სტუმრებს განსხვავებულ კულტურაში ამოგზაურებს.შემდეგი გაჩერება - გერმანია, ქალაქი ულმი. ამჯერად, “აუტანელი სიმსუბუქის” მასპინძელი საქართველოს ეროვნული საფეხბურთო ნაკრების თავდამსხმელი ბუდუ ზივზივაძეა. ის ამჟამად გერმანიის ბუნდესლიგის კლუბ “ჰაიდენჰაიმსში“ თამაშობს. სხვა ეპიზოდებისგან განსხვავებით, ბუდუსთან ინტერვიუ გვაჩვენებს, როგორია იმ ადამიანის ცხოვრება, რომელიც ჯიუტად იცავს რუტინულ, თუნდაც მოსაწყენ რეჟიმს და საკუთარი ფიზიკური შესაძლებლობების სჯერა. “სახალხო ფეხბურთელმა“ ისაუბრა იმ გამოწვევებზეც, რომელსაც მოედნის მიღმა ყოველდღიურად აწყდება. მაგალითად, ფიქრები იმის შესახებ, ღირს თუ არა ბრძოლა, ან კარიერის გაგრძელება მის ასაკში. გამოტყდა იმაშიც, რომ ჰქონია მომენტები, როცა უბრალოდ გაჩერება სურდა, თუმცა სისუსტეები დაძლია და მიზნიდან არ გადაუხვევია.  მისი შეფასებით, შრომა, თვითრწმენა და დისციპლინა ის მთავარი მამოძრავებელი ძალაა, რომლითაც ნებისმიერი ადამიანი უნდა იყოს შთაგონებული.ევროპული თავგადასავლის ბოლო გაჩერება ბერლინია. ქალაქი, სადაც განსხვავებული ადამიანები ერთ სივრცეში თანაარსებობენ და ქმნიან ხელოვნებას, რომელიც საზღვრებს სცდება. მეოთხე ეპიზოდი მწერალ ზაზა ბურჭულაძეს გვაცნობს. სხვა რესპონდენტებისგან განსხვავებით, ზაზა ბურჭულაძის განწყობა შედარებითმელანქოლიურია. კითხვაზე თუ როგორ გრძნობს თავს, მოკლედ პასუხობს: “როგორც საქართველო, მძიმედ. “ მაყურებლისთვის არ დაუმალავს, რომ დიდად წერის ხალისი არ აქვს. მისი თქმით: “ვერ წარმოუდგენია როგორ უნდა დაწერო ადამიანმა, თუ ღვიძლის ნაცვლად, ღვარძლი არ გაქვს”.ბურჭულაძე იხსენებს, რომ წარმატებასთან ერთად არაერთი მარცხი ჰქონია და ამაზე ღიად საუბარი არ აშინებს.წარმატებულ მწერალთან დამაფიქრებელი და ცოტა სევდიანი ინტერვიუ იმედიანად  სრულდება, რადგან ბურჭულაძე მთავარ მამოძრავებელ ძალად ასახელებს იმედს, რომელიც, მისი თქმით,  ყველა ადამიანში უნდა ცოცხლობდეს.მწერლებისა და სპორტსმენის შემდეგ გორგილაძის ევროპული მოგზაურობა არტისტებთან სრულდება. ბერლინში ცხოვრობს და მუშაობს ახალგაზრდა ქართველი არტისტი ივა ქიმერიძე, რომელიც ხელოვნებაში საკუთარ გზას სწრაფი ნაბიჯით მიიკვლევს. ივა ქიმერიძე საქართველოს ბანკის და Miami Ad School Europe-ის ნიკა გუჯეჯიანის სახელობის სტიპენდიის 2024 წლის გამარჯვებულიცაა. ივასთვის ბერლინი მხოლოდ დიდი ხელოვნების ქალაქი არ არის, ეს არის ადგილი, სადაც შეიძლება ყველაზე თამამი შეკითხვებიც დასვა და პასუხი ხელოვნების ენით გასცე.გორგილაძე ევროპულ თავგადასავალს DJ და პროდიუსერ “სექტასთან“ ასრულებს. ახალგაზრდა, ენერგიულ და მრავალფეროვან ხელოვანთან, რომელიც ბერლინის ელექტრონულ სცენაზე გამორჩეულად უყვართ. ის ინტერვიუში საკუთარი გამოცდილების, მუსიკის მნიშვნელობისა და რეფლექსიების შესახებ საუბრობს. კითხვაზე თუ როგორ ინარჩუნებს კავშირს სამშობლოსთან, მისი პასუხი შემდეგია: “ყველაფერი რასაც ვაკეთებ ქართული პროდუქტია, რადგან ეს არის ჩემი წარმომავლობა“.საბოლოო ეპიზოდი ხაზს უსვამს იმას, რომ არ აქვს მნიშვნელობა, სად ცხოვრობს ადამიანი - სტამბოლში, მიუნხენში თუ ბერლინში.  ქართული გენი, გამოცდილება და კულტურა ყველგან სუნთქავს.ევროპული მოგზაურობიდან დაბრუნებული გორგილაძე არც შემდეგ გაჩერებულა. სეზონის ბოლო ეპიზოდის მთავარი გმირი, მუსიკოსი გიორგი ცაგარელია. ადამიანი, რომელიც ორწლიანი შემოქმედებითი პაუზის შემდეგ სცენაზე ბრუნდება. თანაც ისე, რომ სრულიად ახალი სიტყვა აქვს სათქმელი - ახალი სტილით და გზავნილებით. მნიშვნელოვანია, რომ გადაცემაში ის საუბრობს იმაზე, თუ რატომ გაჩერდა, როდის და რატომ გადაწყვიტა დაბრუნება და რას ნიშნავს მისთვის მუსიკა ახლა, როცა მონატრებული სცენა ელოდება. ცნობისთვის, Comeback- ასე ჰქვია გიორგი ცაგარელის პროექტს, რომელიც დღის შუქს სულ მალე იხილავს.„აუტანელი სიმსუბუქის“ ბოლო სეზონი ნათლად გვაჩვენებს, რომ განსხვავებული ბიოგრაფიების მიუხედავად, კარიერის გზაზე არც დავით გორგილაძე და არც მისი გმირები გაჩერებულან. სწორედ ამ  საერთო  არგაჩერებამ გააერთიანა საქართველოს ბანკი და “აუტანელი სიმსუბუქე” რამდენიმე თვის წინ.  გადაცემის გმირებიც ხომ  მუდმივად ცდილობენ არ შეეგუონ რეალობას, იბრძოლონ, განვითარდნენ და საკუთარი  კვალი დატოვონ.  ჩვენ კი, ამ ისტორიების მოსმენით, უნდა ვიპოვოთ რწმენა იმისა, რომ ჩვენც შეგვიძლია.

1751285645