ზელენსკი აზერბაიჯანში და საუდის არაბეთში ჩავა

„ევროკავშირი უგულებელყოფას არ გაუკეთებს მესამე ქვეყნების იმ ექსპორტიორების მიერ სანქციების სისტემატური გვერდის ავლის შემთხვევებს, რომლებიც რუსეთში ევროკავშირის სანქცირებული საქონლის რეექსპორტს ახდენენ. დღეს ევროკავშირმა აამოქმედა სანქციების გვერდის ავლის წინააღმდეგ ბრძოლის ინსტრუმენტი ყირგიზეთის რესპუბლიკის მიერ იმ მოთხოვნების სისტემატური და განმეორებითი შეუსრულებლობის გამო, რაც ეხება ევროკავშირიდან იმპორტირებული გარკვეული ჩარხებისა და სატელეკომუნიკაციო აღჭურვილობის რუსეთში გაყიდვის, მიწოდების, გადაცემის ან ექსპორტის აღკვეთას, რომლებიც რუსეთში უპილოტო საფრენი აპარატებისა და რაკეტების წარმოებისთვის გამოიყენება“, - ნათქვამია ევროკომისიის განცხადებაში.ყირგიზეთში ექსპორტის აკრძალვის ქვეშ მოხვდა ნებისმიერი რიცხობრივი პროგრამული მართვის მქონე მოწყობილობა და რადიოაპარატურა.„ეს გადაწყვეტილება მიღებულ იქნა სავაჭრო მონაცემების საფუძვლიანი ანალიზის შედეგად, რომელიც მოწმობს ყირგიზეთის გავლით რუსეთში მაღალი პრიორიტეტულობის მქონე გავრცელებული საქონლის რეექსპორტის მნიშვნელოვან ზრდაზე“, - აღნიშნეს ევროკავშირის საბჭოში.ევროკავშირმა ასევე დააწესა აკრძალვა ტრანზაქციებზე ყირგიზეთის კიდევ ოთხ ბანკთან. 2025 წლის ოქტომბერში ევროკავშირის სანქციების სიაში მოხვდნენ ყირგიზული ბანკები: „ტოლუბაი“ და „ევრაზიული შემნახველი ბანკი“.ყირგიზეთის ხელისუფლებას ევროკავშირის გადაწყვეტილებაზე კომენტარი ჯერ არ გაუკეთებია.თებერვალში Bloomberg წერდა, რომ ევროკავშირი ყირგიზეთის წინააღმდეგ სანქციების გვერდის ავლის საწინააღმდეგო ინსტრუმენტის გამოყენებას გეგმავდა.ყირგიზეთის პრეზიდენტმა, სადირ ჯაფაროვმა, 2025 წლის აგვისტოში გამოცემა „კაბართან“ ინტერვიუში განაცხადა, რომ ქვეყნის გავლით რუსეთში სანქცირებული საქონლის შეტანის „არცერთი ფაქტი“ არ არსებობს. „რომ არსებობდეს, მაშინ ის ქვეყნები, რომლებიც პრეტენზიებს გვიყენებენ, წარადგენდნენ მტკიცებულებებს. ასეთი საკითხი არ არსებობს. პირიქით, არსებობს ფაქტები, რომ თავად ის სახელმწიფოები, რომლებმაც რუსეთს სანქციები დააწესეს, პირდაპირ თანამშრომლობენ მასთან მილიარდობით დოლარის მოცულობით“, - თქვა მან.ყირგიზეთის წინააღმდეგ ევროკავშირის მიერ მეორადი სანქციების დაწესება საგულისხმოა საქართველოსთვის, რადგან ეს ქვეყანა ქართული ექსპორტისთვის ერთ-ერთ საკვანძო მიმართულებად იქცა.საქსტატის მონაცემებით, 2026 წლის იანვარ-მარტში ათი უმსხვილესი საექსპორტო პარტნიორი ქვეყნის წილმა საქართველოს მთლიან ექსპორტში 71.6% შეადგინა. უმსხვილესი საექსპორტო სამეული კი შემდეგნაირად ჩამოყალიბდა: ჩინეთი – $203.2 მილიონი, ყირგიზეთი – $190.9 მილიონი და რუსეთი – $145.5 მილიონი.ყირგიზეთის მოხვედრა უმსხვილეს პარტნიორებს შორის ძირითადად რეექსპორტის, კერძოდ კი ავტომობილების გაყიდვების მკვეთრ ზრდას უკავშირდება. ევროკავშირის მიერ ყირგიზეთისთვის დაწესებული შეზღუდვები ტექნოლოგიურ აღჭურვილობასა და საბანკო ტრანზაქციებზე, შესაძლოა, ირიბად აისახოს რეგიონულ სავაჭრო დინამიკაზე, იმის გათვალისწინებით, რომ ბრიუსელი ყირგიზეთს რუსეთისთვის სანქციების გვერდის ავლის ერთ-ერთ მთავარ დერეფნად მიიჩნევს.

1777027794

პარტნიორობა მიზნად ისახავს ბიზნესებისთვის გადახდების მიღების პროცესის გამარტივებასა და ოპტიმიზაციას. პლატფორმა უზრუნველყოფს გამოყენების სიმარტივეს, პრაქტიკულობასა და მოქნილობას, რაც ბიზნეს მომხმარებლებს ეხმარება ოპერაციული ეფექტიანობის გაუმჯობესებაში და ამავე დროს, მნიშვნელოვნად აუმჯობესებს საბოლოო მომხმარებლის გამოცდილებას.Moka United Georgia წარმოადგენს საქართველოს ეროვნული ბანკი მიერ ლიცენზირებულ ფინტექ კომპანიას და არის საერთაშორისო ბიზნეს ჯგუფის ნაწილი, რომელიც ოპერირებს მსოფლიოს 6 ქვეყანაში. მისი ტექნოლოგიური პლატფორმები ორიენტირებულია გადახდების პროცესის დიჯიტალიზაციასა და მოქნილობაზე, რაც განსაკუთრებით მნიშვნელოვანია ბიზნესის წარმოებისთვის.როგორც კრისტალის კომერციული დირექტორი, მელანია კუჭუხიძე აღნიშნავს: „ჩვენთვის მნიშვნელოვანია ისეთ პარტნიორობთან თანამშრომლობა, რომლებიც რეალურ ღირებულებას ქმნის ჩვენი მომხმარებლებისთვის. Moka United-თან თანამშრომლობა საშუალებას მოგვცემს, ბიზნესებს შევთავაზოთ უფრო მარტივი, მოქნილი და თანამედროვე გადახდების მიღების მექანიზმები, რაც მათ ყოველდღიურ ოპერაციებს მნიშვნელოვნად გაამარტივებს.“„აღნიშნული თანამშრომლობა მიკრობანკი კრისტალის მომხმარებლებს საშუალებას მისცემს კიდევ უფრო აქტიურად აითვისონ ადგილობრივი და საერთაშორისო ბაზრები და გადახდების მიღება სრულად გააციფრულონ. ბიზნეს სექტორისთვის ეს ნიშნავს აჩქარებულ პროცესებს, ეფექტიან და მომგებიან ბიზნეს მოდელს“, - აცხადებს ნინო ჭედია, Moka United-ის დირექტორი.თანამშრომლობა ეფუძნება იმ თანამედროვე მიდგომას, რომლის მიხედვითაც ფინანსური ინსტიტუტები და ფინტექ კომპანიები აერთიანებენ რესურსებსა და გამოცდილებას, რათა ბაზარზე წარადგინონ უფრო ინტეგრირებული და მომხმარებელზე მორგებული გადაწყვეტილებები. აღნიშნული პარტნიორობა სწორედ ამ ტენდენციის გამოხატულებაა და მიზნად ისახავს გადახდების ინფრასტრუქტურის განვითარებას, პროცესების გამარტივებასა და სერვისის ხარისხის ზრდას საქართველოში. Moka United Georgiaმიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 28-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. (R)

1777021708

მებაჟე ოფიცრებმა, თურქეთის მხრიდან შემოსული საქართველოს მოქალაქის მართვის ქვეშ არსებული ავტომობილის დეტალური დათვალიერების შედეგად, მალულად განთავსებული 247 აბი ,,სუბოქსინი" აღმოაჩინეს.ასევე, მებაჟე ოფიცრის მიერ, ეჭვის საფუძველზე, ,,ქუთაისის აეროპორტში" საქართველოს მოქალაქის, ფიზიკური, დათვალიერების შედეგად, გამოვლენილი იქნა, სხეულზე მალულად განთავსებული, სხვადასხვა დასახელებისნარკოტიკული და ფსიქოტროპული საშუალების შემცველი 169 კაფსულა მედიკამენტი.საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს გადაეცა.

1777020298

თანამშრომლობის ფარგლებში, O.N. Stevens-ის მუნიციპალურ ობიექტზე აშენდება თანამედროვე წყლის გამტკნარების ნაგებობა. სისტემა თანამედროვე ტექნოლოგიით მლაშე წყალს სასმელ წყლად გარდაქმნის და დღეში 80,611 კუბური მეტრის წარმოებას შეძლებს. Aqualia პასუხისმგებელი იქნება პროექტის სრულ ციკლზე  -  დაპროექტებიდან და მშენებლობიდან დაწყებული, 5-წლიანი ოპერირებით დასრულებული. ობიექტი დაჩქარებული ტემპით ამოქმედდება: სასმელი წყლის მიწოდება პირველივე წელს დაიწყება, ხოლო სრულ სიმძლავრეს სისტემა 24 თვეში მიაღწევს.როგორც Aqualia-ს ევროპისა და ამერიკის დირექტორმა, ხოსე მიგელ ხანისესმა აღნიშნა, წყლის მდგრადობა თანამედროვე ინფრასტრუქტურის უმთავრესი გამოწვევაა და კომპანია მზადაა, საკუთარი მრავალწლიანი გამოცდილება სწრაფი და ეფექტიანი გადაწყვეტილებების დასანერგად გამოიყენოს. ეს პროექტი ქალაქ  კორპუს კრისტისთვის კლიმატური რისკებისგან დამოუკიდებელ წყლის რესურსს შექმნის, Aqualia-სთვის კი ჩრდილოეთ ამერიკის სტრატეგიულ ბაზარზე პოზიციების გამყარების მორიგი ნაბიჯი იქნება.

1777020059

ევროპული საბჭოს პრეზიდენტი ანტონიუ კოშტა მიზნად ისახავს მოლაპარაკებების მონაწილეთა შორის არსებული ჩიხური მდგომარეობის გარღვევას და პროგრესის მიღწევას იმ დისკუსიებში, რომლებიც ტექნიკურმა დავებმა და სენსიტიურ საკითხებზე დაპირისპირებამ შეაფერხა.24 აპრილის შუადღეს, ლიდერები სპარსეთის ყურის ქვეყნების წარმომადგენლებს უმასპინძლებენ, რათა ირანში მიმდინარე ომსა და ხმელთაშუა ზღვის უსაფრთხოებაზე იმსჯელონ.სამიტზე დისკუსიები გუშინ ოპტიმისტურ ნოტაზე დაიწყო, მას შემდეგ რაც ევროკავშირმა უკრაინისთვის დიდი ხნის წინ დაპირებული 90 მილიარდი ევროს ოდენობის სესხი დაამტკიცა (მას შემდეგ, რაც ბუდაპეშტმა წინააღმდეგობა შეწყვიტა) და მოსკოვის წინააღმდეგ სანქციების მე-20 პაკეტი მიიღო.თუმცა, როგორც POLITICO იტყობინება, რეალობამ თავისი გაიტანა - სამიტზე შესვლისას ლიდერებმა აღიარეს მათ წინაშე არსებული ამოცანების მასშტაბურობა, რაც სხვა საკითხებთან ერთად გულისხმობს: უკრაინის ევროკავშირში გაწევრიანებას, ბლოკის კოლექტიური თავდაცვის მექანიზმების გაძლიერებას და ირანის ომის ეკონომიკური შედეგებისგან თავის დაცვას.

1777020021

მორიგი შეხვედრა რუსთავის ახალგაზრდულ ცენტრში გაიმართა და ის ცენტრალური საარჩევნო კომისიის თავმჯდომარე გიორგი კალანდარიშვილმა და ახალგაზრდობის სააგენტოს ხელმძღვანელის მოვალეობის შემსრულებელმა ანა ბუხრაშვილმა გახსნეს.ცესკოს თავმჯდომარემ შეხვედრის მონაწილეებთან არჩევნების მნიშვნელობაზე, საარჩევნო პროცესებში ახალგაზრდების აქტიური ჩართულობისა და ინფორმირების აუცილებლობაზე ისაუბრა. გიორგი კალანდარიშვილმა ასევე დეტალურად ისაუბრა არჩევნების ისტორიაზე, ამომრჩევლის როლზე და საარჩევნო უფლებაზე, საარჩევნო ელექტრონული ტექნოლოგიების უპირატესობებზე, ასევე დეზინფორმაციის გავლენებზე და შედეგებზე საარჩევნო პროცესში.უფრო ვრცლად, თუ როგორ მოქმედებს დეზინფორმაცია საარჩევნო პროცესზე და რა გზებით აწვდის საარჩევნო ადმინისტრაცია ამომრჩევლებს სანდო ინფორმაციას - ამ თემებზე ახალგაზრდებს ცენტრალური საარჩევნო კომისიის პრესსპიკერი ნათია იოსელიანი ესაუბრა.რუსთავის საოლქო საარჩევნო კომისიის თავმჯდომარე გაგა აფციაურმა კი შეხვედრის მონაწილეებს დეტალურად გააცნო ინფორმაცია საარჩევნო ადმინისტრაციის ინსტიტუციური მოწყობის, არჩევნების ორგანიზებისა და საარჩევნო ტექნოლოგიების დანერგვის შესახებ.რუსთავის ახალგაზრდულ ცენტრში 23 აპრილს გამართულ შეხვედრას 100-მდე ახალგაზრდა დაესწრო.შეხვედრა ცესკოს, ახალგაზრდობის სააგენტოსა და სხვა პარტნიორ უწყებებს შორის გაფორმებული ურთიერთთანამშრომლობის მემორანდუმის ფარგლებში გაიმართა. მემორანდუმი ახალგაზრდების ცნობიერების ამაღლების მიზნით ერთობლივი საგანმანათლებლო და საინფორმაციო კამპანიების განხორციელებას, კონფერენციების, სემინარებისა და სამუშაო შეხვედრების ორგანიზებას ითვალისწინებს. მემორანდუმის ფარგლებში ახალგაზრდებთან შეხვედრები ეტაპობრივად სხვადასხვა რეგიონში იმართება.(R)

1777019862

აშშ-ის არმიის 38 წლის ჯარისკაცმა განონ კენ ვან დაიკმა, რომელიც მადუროს შეპყრობის ოპერაციის დაგეგმვაში მონაწილეობდა, Polymarket-ზე ამ ოპერაციასთან დაკავშირებული ათზე მეტი ფსონი დადო. ამის შესახებ იუსტიციის დეპარტამენტმა ხუთშაბათს განაცხადა. მას ბრალად ედება სამთავრობო კონფიდენციალური ინფორმაციის პირადი გამორჩენისთვის უკანონოდ გამოყენება, სხვა ბრალდებებთან ერთად. პროკურორების თქმით, ვან დაიკის ფსონებმა ჯამში $33 034 შეადგინა, საბოლოოდ კი მან $400 000–ზე მეტი მოიგო.POLITICO წერს, რომ აღნიშნული საქმე ხაზს უსვამს ვაშინგტონში მზარდ შეშფოთებას ინსაიდერული ვაჭრობის საფრთხეებთან დაკავშირებით ისეთ პლატფორმებზე, როგორიცაა Polymarket და მისი მთავარი კონკურენტი Kalshi. ოდესღაც ნიშური ფინანსური ბირჟები, პროგნოზირების ბაზრები გასული წლის განმავლობაში ჩრდილიდან გამოვიდნენ და მომხმარებლებს ფსონების ფართო არჩევანს სთავაზობენ ყველაფერზე - აშშ-ის არჩევნებითა და სპორტით დაწყებული, ამინდით დასრულებული.თუმცა, მათმა აღზევებამ ისეთ გეოპოლიტიკურ მოვლენებთან დაკავშირებული დროული ფსონების პარალელურად, როგორიცაა მადუროს შეპყრობა და ომი ირანში, პოლიტიკოსებში ამ კომპანიებისა და მათი რეგულირების შესახებ სერიოზული კითხვები გააჩინა. მადუროსთან დაკავშირებულმა ვაჭრობამ Polymarket-ზე მიმდინარე წლის დასაწყისში დიდი რეზონანსი გამოიწვია და კონგრესის ყურადღებაც მიიპყრო. მალევე, ნიუ-იორკის სამხრეთ ოლქის პროკურორმა ჯეი კლეიტონმა განაცხადა, რომ პროგნოზირების ბაზრებზე ინსაიდერული ვაჭრობის ფაქტებზე საქმეების აღძვრას ელოდა.„პროგნოზირების ბაზრები არ არის თავშესაფარი მითვისებული კონფიდენციალური ან საიდუმლო ინფორმაციის პირადი გამორჩენისთვის გამოსაყენებლად“, - განაცხადა კლეიტონმა, ფასიანი ქაღალდებისა და ბირჟების კომისიის (SEC) ყოფილმა თავმჯდომარემ, რომლის უწყებამაც ვან დაიკს ბრალი წაუყენა. „ბრალდებულმა, სავარაუდოდ, ბოროტად გამოიყენა აშშ-ის მთავრობის ნდობა, როდესაც სენსიტიური სამხედრო ოპერაციის შესახებ საიდუმლო ინფორმაცია ამავე ოპერაციის ვადებსა და შედეგებზე ფსონების დასადებად გამოიყენა. ეს არის აშკარა ინსაიდერული ვაჭრობა და ფედერალური კანონმდებლობით უკანონოა“.უოლ სტრიტის რეგულატორებმა სასაქონლო ფიუჩერსებით ვაჭრობის კომისიიდან (CFTC) ასევე წაუყენეს ბრალი ვან დაიკს „გასაიდუმლოებული არასაჯარო ინფორმაციის“ გამოყენებით ინსაიდერულ ვაჭრობაში. CFTC-ის თავმჯდომარემ, მაიკლ სელიგმა განაცხადა, რომ ვან დაიკს „ანდობდნენ კონფიდენციალურ ინფორმაციას აშშ-ის ოპერაციების შესახებ, მან კი გადადგა ნაბიჯი, რომელმაც საფრთხე შეუქმნა აშშ-ის ეროვნულ უსაფრთხოებას და ამერიკელი სამხედროების სიცოცხლეს“.ვან დაიკი ვაჭრობდა Polymarket-ის არარეგულირებადი საერთაშორისო პლატფორმის მეშვეობით, რომელიც კრიპტოვალუტის ტექნოლოგიაზე მუშაობს და წესით აშშ-ის მომხმარებლებისთვის დახურული უნდა იყოს. სარჩელის მიხედვით, ვან დაიკმა, რომელიც მასტერ-სერჟანტია და ჩრდილოეთ კაროლინაში, ფორტ ბრეგში მსახურობს, პლატფორმაზე შესასვლელად ვირტუალური კერძო ქსელი (VPN) გამოიყენა. VPN-ები მომხმარებლებს ინტერნეტში ადგილმდებარეობის დამალვის საშუალებას აძლევს და პროგნოზირების ბაზრების მოთამაშეები მას წლების განმავლობაში იყენებენ ბლოკირებების გვერდის ავლისთვის.2022 წელს CFTC-სთან მიღწეული შეთანხმების შემდეგ, Polymarket იძულებული გახდა საერთაშორისო ბირჟა ამერიკელებისთვის ჩაეკეტა, რადგან კომპანიას აშშ-ში უკანონო საქმიანობაში სდებდნენ ბრალს. მას შემდეგ კომპანია ცდილობს გახსნას მეორე, CFTC-ის მიერ რეგულირებადი პლატფორმა, რომელიც ხელმისაწვდომი იქნება აშშ-ის მომხმარებლებისთვის, თუმცა პროდუქტი ჯერ კიდევ ტესტირების პროცესშია.მიუხედავად ამისა, კომპანია ფინანსური და პოლიტიკური გავლენიანი პირების ფავორიტად იქცა. ნიუ-იორკის საფონდო ბირჟის მფლობელმა კომპანიამ, Intercontinental Exchange-მა მარტში განაცხადა, რომ კომპანიაში 600 მილიონი დოლარის ინვესტიცია განახორციელა (მანამდე განხორციელებული 1 მილიარდიანი ინვესტიციის შემდეგ). გასულ წელს კი, ვენჩურულმა ფირმამ 1789 Capital, რომლის პარტნიორიც დონალდ ტრამპ უმცროსია, კომპანიაში ინვესტიცია დაუდგენელი პირობებით განახორციელა. ტრამპ უმცროსი ამავდროულად Polymarket-ის მრჩეველთა საბჭოს წევრიც გახდა.X-ზე გამოქვეყნებულ პოსტში Polymarket-მა, რომელსაც აღმასრულებელი დირექტორი შეიან კოპლანი ხელმძღვანელობს, განაცხადა, რომ თავად გამოავლინა მომხმარებელი, რომელიც გასაიდუმლოებული სამთავრობო ინფორმაციით ვაჭრობდა და საკითხი იუსტიციის დეპარტამენტს გადასცა. კომპანიამ ასევე აღნიშნა, რომ აქტიურად თანამშრომლობდა გამოძიებასთან.„ინსაიდერულ ვაჭრობას Polymarket-ზე ადგილი არ აქვს, - წერს კომპანია. – დღევანდელი დაკავება იმის დასტურია, რომ სისტემა მუშაობს“. Last month, we published our enhanced market integrity rules to combat insider trading. When we identified a user trading on classified government information, we referred the matter to the DOJ & cooperated with their investigation.Insider trading has no place on Polymarket.… — Polymarket (@Polymarket) April 23, 2026

1777019413

რეაბილიტაციის ფარგლებში ახლით შეიცვალა 2 კილომეტრზე მეტი სიგრძის მოძველებული წყალსადენის მაგისტრალური და გამანაწილებელი ქსელები. აღნიშნული ქსელი სოფელ დიღომში ჯავახიშვილის ქუჩაზე მდებარე სატუმბო სადგურიდან, ფიროსმანის, რუსთაველის, დავით გურამიშვილის, აკაკი წერეთლის, ნიკოლოზ ბარათაშვილისა და დიდგორის IV შესახვევის გავლით დიდგორის ქუჩაზე არსებულ რეზერვუარამდე მონაკვეთს მოიცავს.რეაბილიტაციის მიმდინარე სამუშაოებს ადგილზე გაეცნენ საბურთალოს რაიონის გამგებელი, გაიოზ ვასაძე და კომპანია ჯორჯიან უოთერ ენდ ფაუერის ტექნიკური დირექტორი, გიგა ნადირაძე.სარეაბილიტაციო პროექტი კომპანიამ 2025 წლის დეკემბრის თვეში დაიწყო და მისი მასშტაბურობიდან გამომდინარე მიმდინარე წლის მაისში დაასრულებს, რაშიც კომპანია 3.5 მლნ ლარის ინვესტიციას ახორციელებს.აღნიშნული პროექტის შედეგად, სოფელ დიღომში მოსახლეობას მომსახურების ხარისხი მნიშვნელოვნად გაუუმჯობესდება.წყალმომარაგებისა და წყალარინების ინფრასტრუქტურის განახლება და განვითარება ჯივიპის ერთ-ერთი პრიორიტეტული მიმართულებაა. სარეაბილიტაციო სამუშაოებს კომპანია ყოველწლიურად, გეგმის მიხედვით, აქტიურად რეჟიმში განახორციელებს.(R)

1777017750