თბილისი (GBC) - გარანტიებისა და შემოსავლის დამადასტურებელი ცნობის გარეშე (ელექტრონული შემოწმების საფუძველზე), TBC-მ უზბეკეთში სწრაფი სესხების გაცემა დაიწყო.

TBC UZ მომხმარებელს 20 მლნ უზბეკური სუმის (დაახლოებით $1900) 3-36 თვიან პერიოდზე სთავაზობს. პროდუქტი 11 თებერვალს წარადგინეს. % რეგისტრირებული მომხმარებლებისთვის ავტომატურად გამოითვლება, ყოველი მომდევნო კრედიტზე კი საპროცენტო განაკვეთი იკლებს. 

TBC UZ აპლიკაციით, გადარიცხები ნებისმიერი მიმართულებით 0.4%-ია. ბარათით გადარიცხვა 500,000 სუმამდე (დაახლოებით $47) თვეში და TBC CARD-ზე გადარიცხვები უფასოა.

 „გასული წელი მნიშვნელოვანი ეტაპი იყო ჩვენი საერთაშორისო გაფართოების თვალსაზრისით. აპრილში, ჩვენ მივიღეთ საბანკო საქმიანობის ლიცენზია უზბეკეთში, ხოლო ოქტომბერში, ჩვენ შევქმენით ჩვენი მომსახურებები ფართო საზოგადოებისთვის TBC UZ ბრენდის ქვეშ. ჩვენი მომსახურების ცენტრში არის ჩვენი ციფრული საბანკო პლატფორმა Space“, - აცხადებს TBC Bank-ის გენერალური დირექტორი, ვახტანგ ბუცხრიკიძე.

მისი ინფორმაციით, იანვრის ბოლოსთვის მათ მოიზიდეს 26,520 მომხმარებელი, მიაწოდეს 12,002 სადებეტო ბარათი, მოიძიეს დეპოზიტის 1,857 მომხმარებელი და შეძლეს წარედგინათ საწყისი სესხის შეთავაზება.

TBC UZ  უკვე მუშაობს დაახლოებით 20 ობიექტზე, რომლებიც მომხმარებელთა მომსახურებისა და დამხმარე სერვისების მისაღებად გამოიყენება.

„ამჟამად ჩვენ მხოლოდ საცალო ვაჭრობის სეგმენტს ვემსახურებით და ვგეგმავთ ჩვენი შეთავაზების გაფართოებას MSME– სთვის მოგვიანებით ეტაპზე“, - აცხადებს ბუცხრიკიძე.

მისივე თქმით, TBC UZ- ს მართავს გამოცდილი მენეჯმენტი, რომელშიც შედიან როგორც უზბეკი, ისე ქართველი პროფესიონალები.

კერძოდ, მათ შორის გენერალური დირექტორი - სპარტაკ თეთრაშვილი, სანდრო რთველაძე საბჭოს თავმჯდომარე, მისი მოადგილე და უფროსი იურისტი - სიტორა ტულიაგანოვა, ვანო ბალიაშვილი - ფინანსური დირექტორი, ნიკოლოზ მამულაშვილი - ტექნოლოგიის დირექტორი, როსტომ ტალახაძე - საოპერაციო დირექტორი, ევგენი ვიშნევსკი - კომერციული დირექტორი, აიდა ნაზიროვა - მთავარი ბუღალტერი.