წლევანდელი სამიტის მთავარი თემა იქნება „რეგიონული ეკონომიკური კორიდორების შექმნა პოლიტიკის, ფინანსებისა და ტექნოლოგიების გადაკვეთის წერტილში“.„თბილისის ფინანსური სამიტი“ საქართველოს ეროვნული ბანკის, ეკონომიკისა და მდგრადი განვითარების სამინისტროსა და სინგაპურის გლობალური ფინანსური და ტექნოლოგიური ქსელის (GFTN) ერთობლივი ორგანიზებით ტარდება. სამიტში მონაწილეობას მიიღებენ მსოფლიოს სხვადასხვა ქვეყნის ცენტრალური ბანკების პრეზიდენტები, ასევე ფინტექ ინდუსტრიის, ფინანსური სექტორის, საერთაშორისო კომპანიებისა და ინოვაციური ტექნოლოგიების სფეროს წარმომადგენლები.ორდღიანი სამიტის ფარგლებში გაიმართება თემატური სესიები, პანელური დისკუსიები, ვორქშოპები და პროფესიული შეხვედრები, სადაც მონაწილეები თანამედროვე ფინანსური ტექნოლოგიების განვითარების ტენდენციებსა და რეგიონული თანამშრომლობის შესაძლებლობებზე ისაუბრებენ. სამიტის მონაწილეები განიხილავენ ისეთ თემებს, როგორებიცაა ქვეყნებს შორის ეკონომიკური და ფინანსური კორიდორების, ასევე ფინანსური ტექნოლოგიების განვითარება, ღია ბანკინგი და ხელოვნური ინტელექტი, საქართველო, როგორც ფინანსური ინოვაციების რეგიონალური პლატფორმა და სხვა.თბილისის ფინანსურ სამიტზე ასევე დაგეგმილია ჰაკათონის ჩატარება, რაც ხელს შეუწყობს ახალი იდეებისა და შესაძლებლობების იდენტიფიცირებასა და განხორციელებას.სამიტზე რეგისტრაცია 20 ოქტომბრამდე გაგრძელდება. 

1784553020

პარტნიორობის ფარგლებში „კრისტალი“ ასევე მიიღებს ტექნიკურ დახმარებას, რომელიც ბანკის ინსტიტუციური განვითარებას და სტრატეგიული პროექტების განხორციელებას შეუწყობს ხელს.„კრისტალის“ გენერალური დირექტორი, ილია რევია: „ბოლო ათი წლის განმავლობაში FMO-მ „კრისტალს“ განვითარების სხვადასხვა ეტაპზე დაუჭირა მხარი და მნიშვნელოვანი წვლილი შეიტანა ორგანიზაციის გაძლიერებაში. ამიტომ, თამამად შემიძლია ვთქვა, რომ ეს შეთანხმება FMO-სთან ჩვენი მრავალწლიანი თანამშრომლობის კიდევ ერთი მნიშვნელოვანი შედეგია. მიკრობანკად განვითარების პროცესში ჩვენთვის მნიშვნელოვანია არა მხოლოდ ბიზნესის ზრდა, არამედ ძლიერი და მდგრადი ორგანიზაციის ფორმირება, რომელიც გრძელვადიან ღირებულებას შექმნის ჩვენი კლიენტებისა და პარტნიორებისთვის. სწორედ ამ მიზნის მიღწევაში დაგვეხმარება აღნიშნული დაფინანსება, რომელიც მოგვცემს საშუალებას, გავზარდოთ მეწარმეებისთვის ფინანსური რესურსების ხელმისაწვდომობა.“FMO-ს ფინანსური ინსტიტუტების მიმართულების მენეჯერი, რუჰი კოსგუნი: „მიკრო, მცირე და საშუალო საწარმოები საქართველოს ეკონომიკური ზრდისა და დასაქმების მნიშვნელოვანი მამოძრავებელი ძალაა. სწორედ ამიტომ, 20 მილიონი აშშ დოლარის მოცულობის დაფინანსებით მხარს ვუჭერთ „კრისტალის“ მიზანს, ქვეყნის მასშტაბით გააფართოოს მეწარმეებისთვის ფინანსებზე წვდომა და ხელი შეუწყოს გარემოსდაცვითი მიმართულების მქონე ბიზნესპროექტების დაფინანსებას. „კრისტალთან“ უკვე თითქმის ათწლიანი წარმატებული თანამშრომლობა გვაკავშირებს და მოხარულები ვართ, რომ ამ პარტნიორობას ვაგრძელებთ. ამ თანამშრომლობის ფარგლებში, ერთობლივი ძალისხმევით, კიდევ ერთხელ ვუჭერთ მხარს საქართველოში ფინანსური ინკლუზიურობის გაძლიერებას და კერძო სექტორის მდგრად განვითარებას. ამასთან ერთად, ტექნიკური დახმარების კომპონენტი კიდევ უფრო გააძლიერებს „კრისტალის“ ინსტიტუციურ შესაძლებლობებს და დაეხმარება ორგანიზაციას, გრძელვადიანი ღირებულება შექმნას როგორც თავისი კლიენტებისთვის, ისე იმ საზოგადოებისთვის, რომელსაც ემსახურება.“FMO-ს შესახებ:FMO - ნიდერლანდების სამეწარმეო განვითარების ბანკი - 1970 წლიდან ფუნქციონირებს. მისი მთავარი მიზანია, ხელი შეუწყოს კერძო სექტორის გაძლიერებას განვითარებად ქვეყნებსა და მზარდ ბაზრებზე. FMO-ს სჯერა, რომ ძლიერი კერძო სექტორი ეკონომიკური და სოციალური კეთილდღეობის საფუძველია. სწორედ ამიტომ, უკვე 55 წელზე მეტია, მხარს უჭერს მეწარმეებსა და ბიზნესებს, რათა ადგილობრივი ეკონომიკა უფრო ინკლუზიური, პროდუქტიული და მდგრადი გახდეს, ხოლო მოსახლეობის ცხოვრების დონე გაუმჯობესდეს.ბანკი საქმიანობას სამი ძირითადი მიმართულებით წარმართავს: აგრობიზნესი, ენერგეტიკა და ფინანსური ინსტიტუტები. 85 ქვეყანაში 12.5 მილიარდი ევროს მოცულობის საინვესტიციო პორტფელით, FMO განვითარების დაფინანსების მიმართულებით მსოფლიოში ერთ-ერთი უმსხვილესი ბანკია. დამატებითი ინფორმაციისთვის ეწვიეთ: www.fmo.nlმიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 47 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები. 

1784547136

Euromoney Awards for Excellence უკვე 30 წელზე მეტია, მსოფლიოს მასშტაბით აჯილდოებს ფინანსურ ინსტიტუტებს, რომლებიც მაღალი სტანდარტებით, ინოვაციური მიდგომებითა და მომხმარებლებზე ორიენტირებული საქმიანობით გამოირჩევიან.“მოხარული ვართ, რომ Euromoney Awards for Excellence 2026-ზე საქართველოს ბანკის საქმიანობა კიდევ ერთხელ შეფასდა. რეგიონული დონის აღიარება ჩვენთვის დიდი პასუხისმგებლობაცაა და მოტივაციაც, ამიტომაც, ეს ჯილდო გვაძლევს დამატებით სტიმულს, მომავალშიც განვაგრძოთ განვითარება და მცირე და საშუალო ბიზნესებისთვის კიდევ უფრო მაღალი ხარისხის ციფრული საბანკო გამოცდილების შექმნაზე მუშაობა.  მადლობას ვუხდით Euromoney-ს ამ აღიარებისთვის, ასევე ჩვენს მომხმარებლებსა და პარტნიორებს ნდობისა და მხარდაჭერისთვის“, — აცხადებს საქართველოს ბანკის მცირე და საშუალო ბიზნესის მიმართულების ხელმძღვანელი, თორნიკე კუპრაშვილი.საქართველოს ბანკი მომავალშიც გააგრძელებს მცირე და საშუალო ბიზნესისთვის ციფრული საბანკო სერვისებისა და ინოვაციური გადაწყვეტილებების განვითარებას.

1784546623

სების 6 თვის სტატისტიკით, მთლიანი მოგება (მომგებიანი ბანკების) 1.914 მლრდ ლარია (H1/2025 - 1.619 მლრდ. +18.2% Y.Y).ყველა ბანკი მოგებაზეა, სანქცირებული ვითიბის (-14.9 მლნ) და სილქის (-13.8 მლნ) გარდა. ასევე ზარალზეა ციფრული "ჰეში" (–6.2 მლნ) და "პეისერა" (–1.2 მლნ), მე-3 ციფრული - "პეივბანკის" 6 თვის წმინდა მოგება 5.6 მლნ ლარია.სულ, ბაზარზე 19 სუბიექტია, მ.შ. 2 მიკრობანკი (კრისტალი დ MBC).

1784546519

სების ინფორმაციით, სისტემური 2 ბანკის  (BOG, TBC) წილი 75%-ია, მე-3  სისტემურის - ლიბერთი და ბაზისბანკის (რომელთა შერწყმის პროცესია დაწყებული) –  ჯამური პორტფელის კი 10.8%.6 თვის  სტატისტიკით, არარეზიდენტებზე სესხები 3 მლრდ ლარის  ფარგლებშია, რომლის 80%-ზე მეტი უცხოურ ვალუტაშია დენომინირებული.რეზიდენტების დაკრედიტებაში სავალუტოზე 43% მოდის.

1784544823

ქვეყნის ხუთი წამყვანი კომერციული ბანკი - „საქართველოს ბანკი", „თიბისი ბანკი", „ლიბერთი ბანკი", „ტერაბანკი" და „ბაზისბანკი" დანერგავს Nasdaq Calypso სისტემას საერთო ინფრასტრუქტურის ფარგლებში, რომელიც ფარავს ვაჭრობის სრულ ციკლს. აღნიშნული ინიციატივა, რომელიც „საქართველოს ფინანსური ბაზრების განვითარების პროგრამის" (GMAP) ფარგლებში ხორციელდება  და, რომელსაც კოორდინაციას უწევს „საქართველოს ფინანსური ბაზრების ხაზინების ასოციაცია" (GFMTA), წარმოადგენს მნიშვნელოვან ეტაპს საქართველოს კაპიტალის ბაზრების განვითარების გზაზე.პროექტის მონაწილე ხუთი კომერციული ბანკი წარმოადგენს საქართველოს კომერციული საბანკო სექტორის აქტივების უდიდეს ნაწილს. მათი გადასვლა საერთო, საერთაშორისოდ აღიარებულ პლატფორმაზე წარმოადგენს მნიშვნელოვან ნაბიჯს საქართველოს, როგორც თანამედროვე და კარგად მართული ფინანსური ბაზრის, ჩამოყალიბების გზაზე.აღსანიშნავია, რომ ბოლო 5 წლის განმავლობაში საქართველოს კომერციული საბანკო სექტორი ხასიათდებოდა ორნიშნა ზრდით, სადაც საერთო აქტივები უახლოვდება 38 მილიარდ აშშ დოლარს - რაც ქვეყნის ფინანსური სისტემის მასშტაბსა და დინამიკურობაზე მეტყველებს. სექტორის ზრდასთან ერთად, გაიზარდა მოთხოვნა უფრო კომპლექსურ სახაზინო ინფრასტრუქტურაზე, რომელსაც შეუძლია ფასიანი ქაღალდებისა და დერივატივების ბაზრების მხარდაჭერა, კორპორაციული დონის რისკების მართვა და სულ უფრო მკაცრი მარეგულირებელი სტანდარტების დაკმაყოფილება. ამავდროულად, მსგავსი ინფრასტრუქტურის ცალკეული ინსტიტუციის დონეზე დანერგვისა და მხარდაჭერისთვის საჭირო ინვესტიცია მნიშვნელოვან გამოწვევას წარმოადგენს ნებისმიერი ცალკეული ბანკისთვის. საერთო, კოორდინირებული მიდგომა, რომელიც სექტორის მასშტაბით, რესურსებისა და გამოცდილების გაზიარებას გულისხმობს, ამ მიზნის მასშტაბურად მიღწევის ყველაზე ეფექტიან გზას წარმოადგენს.საქართველოს ეროვნული ბანკის პრეზიდენტის ნათია თურნავას განცხადებით, საქართველოს სახაზინო ინფრასტრუქტურის მოდერნიზაცია საქართველოს ეროვნული ბანკის სტრატეგიული პრიორიტეტი და ქვეყნის  ფინანსური სისტემის შემდგომი განვითარების მიმართულებით გადადგმული მნიშვნელოვანი ნაბიჯია. მისივე თქმით, საქართველოს ეროვნული ბანკის მხარდაჭერით, საერთო პლატფორმა უზრუნველყოფს საბანკო სექტორის შემდგომი ზრდის ხელშესაწყობად საჭირო საიმედო, საერთაშორისო დონის ინფრასტრუქტურას.„საქართველოს ხუთი წამყვანი კომერციული ბანკის ერთიან, საერთაშორისოდ აღიარებულ პლატფორმაზე გადაყვანით, ჩვენ ხელს ვუწყობთ  რისკის მართვის, მარეგულირებელი ზედამხედველობისა და ოპერაციული მდგრადობის სტანდარტის ამაღლებას მთელ სექტორში. ეს ინიციატივა ასახავს ჩვენს მისწრაფებას, შევქმნათ ისეთი ძლიერი და გამჭვირვალე ფინანსური ბაზარი, რომელიც სრულად შეესაბამება საერთაშორისო საუკეთესო პრაქტიკებს და მხარს უჭერს საქართველოს ეკონომიკურ ზრდას", - აღნიშნა საქართველოს ეროვნული ბანკის პრეზიდენტმა ნათია თურნავამ.Nasdaq-ის კაპიტალის ბაზრების ტექნოლოგიების მიმართულების ხელმძღვანელის მაგნუს ჰაგლინდის თქმით, საქართველო  არის თვალსაჩინო მაგალითი იმისა, თუ როგორ შეუძლია საერთო ინფრასტრუქტურის მოდელს რეალური ღირებულების შექმნა.„როგორც ცალკეული ინსტიტუციებისთვის, ისე მთლიანად ფინანსური სისტემისთვის. Nasdaq-ის მასშტაბური მოდერნიზაციის პროგრამების მართვის გამოცდილებაზე დაყრდნობით, კომპანიები იღებენ წვდომას ღრმა ინსტიტუციურ ცოდნაზე და განვითარების შესაძლებლობაზე ისე, რომ არ უწევთ სრული ხარჯების, რისკებისა თუ ოპერაციული სირთულეების დამოუკიდებლად აღება. GMAP წარმოადგენს ზუსტად ისეთ სტრუქტურირებულ, ქვეყნის დონის ჩარჩო-პროგრამას, რომელიც უზრუნველყოფს ამ მასშტაბის ტრანსფორმაციის წარმატებას. მოხარულები ვართ, რომ გვაქვს შესაძლებლობა მხარი დავუჭიროთ საქართველოს ეროვნულ ბანკს ამ ინიციატივაში და დავეხმაროთ საქართველოს საბანკო სექტორს ისეთი ინფრასტრუქტურის ჩამოყალიბებაში, რომელიც მას ესაჭიროება ზრდის შემდეგი ეტაპისთვის“, - აღნიშნა მაგნუს ჰაგლინდმა.„საქართველოს ფინანსური ბაზრების ხაზინების ასოციაციის" აღმასრულებელი მდივნის ლაშა ჯუღელის თქმით, საქართველოს ფინანსური ბაზრების განვითარების პროგრამა" (GMAP) საქართველოს საბანკო სექტორში მრავალწლიანი მიზანმიმართული კოორდინაციის შედეგია და გარდამტეხ მომენტს წარმოადგენს ასოციაციისა და მასში წარმოდგენილი ფინანსური ინსტიტუტებისთვის.„Nasdaq-ის გლობალური გამოცდილების დახმარებით, საქართველოს ეროვნული ბანკის ინსტიტუციური მხარდაჭერით არსებული საზიარო ინფრასტრუქტურის, ასევე „იაპონია - EBRD თანამშრომლობის ფონდის" მეშვეობით გამოყოფილი პროექტის მართვის დაფინანსების წყალობით, ჩვენი წევრი ბანკები ახდენენ არა მხოლოდ საკუთარი საოპერაციო და ფინანსური ოპერაციების მოდერნიზაციას, არამედ, ამასთანავე, ერთობლივად ზრდიან სახაზინო მართვის სტანდარტს მთელ სექტორში. სიამაყით აღვნიშნავთ, რომ ცენტრალური როლი შევასრულეთ ამ ინიციატივის განხორციელებაში და მოუთმენლად ველით იმ რეალურ სარგებელს, რომელსაც ეს პროექტი მოუტანს ჩვენს წევრებსა და მთლიანად ადგილობრივ ფინანსურ ბაზრებს, - განაცხადა ლაშა ჯუღელმა. 

1784537210