ამისათვის კი საჭიროა, აირჩიოთ საქართველოს ბანკის ტერმინალი,  გადაიხადოთ  Student  card ან sCool card-ით  და ისარგებლოთ თქვენთვის შექმნილი შეთავაზებებით.

1784907815

ამავე დროს, უახლესი ინდიკატორები ტურიზმისა და ადგილობრივი ხარჯების შენელებაზე, ან სავალუტო შემოდინებებისა და ლარის კურსის გაუარესებაზე არ მიუთითებს. ამდენად, თიბისი კაპიტალი წლის ბოლოს ინფლაციის პროგნოზს ზრდის, ხოლო ეკონომიკური ზრდისა და გაცვლითი კურსის საბაზო სცენარებს უცვლელად ტოვებს.როგორც საინვესტიციო ბანკი ივნისში აღნიშნავდა, ბაზრებმა დეესკალაციის ნიშნები ოპტიმისტურად შეაფასა და სასაქონლო ფასები მკვეთრად შემცირდა. ახლა განწყობა საპირისპიროა. მარტის მსგავსად, თიბისი კაპიტალი განაგრძობს უახლეს ინდიკატორებზე დაკვირვებას, რაც ეკონომიკური გავლენის რეალურ დროში შეფასების საშუალებას იძლევა.ყველაზე თვალსაჩინო, საერთაშორისო სასაქონლო ფასების ცვლილებაა. ბრენტის ტიპის ნავთობის ფასი 7 ივლისის 72 აშშ დოლარიდან 24 ივლისს დაახლოებით 100 აშშ დოლარამდე გაძვირდა. პარალელურად, გაიზარდა სოფლის მეურნეობის პროდუქციის, მაგ: ხორბლის და სოიოს, ფასიც. მნიშვნელოვან რისკს ქმნის რეგიონულ საზღვაო მარშრუტებზე შესაძლო შეფერხება, რაც ნავთობის ღირებულებაზე დამატებით წნეხს ნიშნავს.როგორც პუბლიკაციებშია აღნიშნული, ინფლაციის უახლოესი პერსპექტივისთვის ყველაზე მნიშვნელოვანი ფაქტორები კვლავ ნავთობის და სურსათის ფასებია, რომლებზეც ივნისის წლიური 5.8%-იანი ინფლაციიდან ნახევარზე მეტი მოდიოდა (3.1 პროცენტული პუნქტი).ამ მხრივ, საერთაშორისო და ადგილობრივ ფასებს შორის კავშირი ისტორიულად მაღალია, განსაკუთრებით ნავთობის შემთხვევაში, სადაც ესკალაციის ეფექტი ადგილობრივ ბაზარზე უკვე შეიმჩნევა. ბენზინი, რომელიც თვის დასაწყისში მცირედით გაიაფდა, 20 ივლისიდან მსხვილ ქსელებში უკვე ისევ გაძვირდა. დამატებით ზეწოლაზე მიუთითებს საკვების ფასების გლობალური ზრდაც, თუმცა ამ არხიდან გადმოცემის მექანიზმი შედარებით გრძელვადიანია და ადგილობრივი მიწოდების ფაქტორებზეცაა დამოკიდებული.მოცემული დინამიკის გათვალისწინებით, 2026 წლის ბოლოს თიბისი კაპიტალის ინფლაციის პროგნოზი 5.1%-დან კვლავ 6%-მდე იზრდება. შესაბამისად, პროგნოზი, ფაქტობრივად, უბრუნდება წინა სცენარს, რომელიც კონფლიქტის შედარებით ხანგრძლივ დონეზე შენარჩუნებისა და დეკემბრისთვის ბრენტის ტიპის ნავთობის ფასის 80-85 აშშ დოლარის ფარგლებში დასტაბილურების დაშვებებს ეყრდნობოდა. რადგან აღნიშნული წლის დარჩენილ პერიოდში ნავთობის გარკვეულწილად გაიაფებას მოიაზრებს, იმ შემთხვევაში, თუ ფასები უცვლელი დარჩება ან გაძვირდება, ინფლაციის პროგნოზი, შესაძლოა, დამატებით გაიზარდოს. მიმდინარე მდგომარეობით, ბირჟების მოლოდინებიც, რომლებიც ბოლო პერიოდში განსაკუთრებით მერყევია, ნავთობის მხრივ, დაახლოებით, მსგავს დინამიკას ითვალისწინებს.სასაქონლო პროდუქციაზე მაღალი ფასები, ინფლაციასთან ერთად, ექსპორტიდან შემოსავალზე ზრდის მიმართულებითაც მოქმედებს. საქონლის ექსპორტი იანვარ-ივნისში წლიურად 20%-ით გაიზარდა, ძირითადად ნავთობის, ოქროს, ფეროშენადნობებისა და სპილენძის ექსპორტის ხარჯზე.მარტი - აპრილისგან განსხვავებით, ტურიზმის შენელება ჯერ არ იკვეთება. II კვარტალში ტურიზმიდან შემოსავლები წლიურად 3.8%-ით შემცირდა, რაც, ფაქტობრივად, მთლიანად აპრილის ეფექტით იყო განპირობებული, ვინაიდან ფრენებისა და უნაღდო დანახარჯების მონაცემები მაისსა და ივნისში უკვე აღდგენაზე მიუთითებს.ივლისში კი 13/07-ის საქართველოს აეროპორტებში ფრენების რაოდენობა გაზრდილია, არარეზიდენტების უნაღდო დანახარჯები კი, რაც ტურიზმიდან შემოსავლების პროგნოზისთვის გამოიყენება, 19 ივლისის მდგომარეობით, როგორც თვიურად, ასევე წლიურად აჩქარებულია.ერთობლივად, ტურიზმიდან შემოსავლების, საქონლის ექსპორტისა და ფულადი გზავნილების ზრდის ფონზე, იმპორტის შედარებით დაბალ ნიშნულზე შენარჩუნებასთან ერთად, წმინდა სავალუტო შემოდინებები პირველ კვარტალთან შედარებით გაზრდილია. მკითხველისთვის ცნობილია, რომ, ახლო აღმოსავლეთის კონფლიქტის მიუხედავად, პირველ კვარტალში მიმდინარე ანგარიშის სეზონურად შესწორებული ბალანსი, რეინვესტირებული შემოსავლების გამორიცხვით, პროფიციტში დარჩა. ამდენად, თუ კონფლიქტის დამატებით მნიშვნელოვანი ესკალაცია არ მოხდა, სავალუტო შემოდინებების მხრივ შესამჩნევი დანაკლისი მოსალოდნელი არ არის.შენელება არ იკვეთება ადგილობრივი აქტივობაში. რეზიდენტების უნაღდო დანახარჯები, 19 ივლისის მდგომარეობით, გაზრდილია (თვის და წლის ჭრილში). შესაბამისად, მთლიანი უნაღდო ხარჯები, რომლებიც ეკონომიკური ზრდის პროგნოზისთვის გამოიყენება, ასევე იზრდება. მთლიანობაში, 2026 წელს ეკონომიკური ზრდის 7.4%-იანი პროგნოზი უცვლელი რჩება.ინფლაციის უფრო მაღალი პროგნოზი განაკვეთის ხანგრძლივად მაღალ დონეზე შენარჩუნების არგუმენტს აძლიერებს. ამავე დროს, ინფლაციის უფრო ხისტი მაჩვენებლები მეტწილად ზომიერ წნეხზე მიუთითებს, ხოლო პოლიტიკის გადაწყვეტილებისთვის უფრო მნიშვნელოვანი საშუალოვადიანი პროგნოზია, ვიდრე მიმდინარე ტენდენციები. შესაბამისად, საბაზო სცენარად წლის ბოლომდე 8.25%-იანი განაკვეთი რჩება, თუმცა გამორიცხული არც 8.5%-მდე დამატებითი ზრდაა, ვინაიდან სებ-მა 6 მაისს განაკვეთი 25 საბაზისო პუნქტით სწორედ მსგავსი გარემოს საპასუხოდ გაზარდა. სებ-ის შემდეგი გადაწყვეტილება 29 ივლისს გახდება ცნობილი. გლობალური საპროცენტო გარემოც შედარებით მკაცრია, თუმცა მთავარ განმსაზღვრელ ფაქტორად მაინც ადგილობრივი ინფლაციის პერსპექტივა რჩება.უცვლელია ლარის გაცვლითი კურსის პროგნოზიც: წლის ბოლოს ერთი დოლარი 2.60-2.65 ლარის ფარგლებშია მოსალოდნელი. თუმცა აღსანიშნავია, რომ მიმდინარე ტენდენციები უფრო ძლიერი ლარის სცენარისკენ იხრება. სავალუტო შემოდინებები მყარია, ხოლო პოლიტიკის განაკვეთის შემცირების სივრცე კიდევ უფრო შეიზღუდა. ამავდროულად, მარტისგან განსხვავებით, მიმდინარე ეპიზოდს დეპოზიტების კონვერტაცია არ მოჰყოლია და ამ არხიდან ლარზე წნეხი არ შექმნილა. 21 ივლისის მდგომარეობით, დეპოზიტების ლარიზაცია ესკალაციამდე პერიოდთან შედარებით გაზრდილია.

1784904646

სინამდვილეში, სასურველი ნივთების ქულებით შეძენას მარტივი სტრატეგია აქვს. მთავარია, ქულების შეგროვებაზე არა მხოლოდ ფასდაკლებების დროს, არამედ მთელი წლის განმავლობაში იზრუნო.1. გადაიხადე PLUS ბარათით მხოლოდ საქართველოს ბანკის ტერმინალზეპირველი და ყველაზე მარტივი ნაბიჯი ყოველდღიური გადახდებისთვის საქართველოს ბანკის ტერმინალის არჩევაა, რადგან PLUS ქულებს საქართველოს ბანკის ნებისმიერი ბარათით ბანკის ტერმინალზე გადახდისას აგროვებ.ქულები გროვდება  ონლაინ გადახდის შემთხვევაშიც, ამისთვისაც უნდა  აირჩიო საქართველოს ბანკის გადახდის მეთოდი. ყოველი  ასეთი ტრანზაქცია ქულების სწრაფად დაგროვებაში შეგიწყობს ხელს და შენი ბალანსიც ყოველდღიურად გაიზრდება.2. თვალი ადევნე პარტნიორების შეთავაზებებსსწრაფად დაგროვების ერთ-ერთი მთავარი საიდუმლო სპეციალური შეთავაზებებით სარგებლობაა. საქართველოს ბანკს უამრავი პარტნიორი ჰყავს, სადაც განსაკუთრებული პირობები მოქმედებს. შეთავაზებები, როგორც წესი, ორი სახისაა:ქულების ქეშბექი ან გამრავლებული ქულები. ერთი სწორად დაგეგმილი შენაძენით იმდენ ქულას დააგროვებ, რასაც სტანდარტულად თვეები დასჭირდებოდა. აუცილებლად უნდა გახსოვდეს, ზოგიერთი შეთავაზება გააქტიურებას საჭიროებს. ამიტომ, სანამ საყიდლებზე წახვალ, გადაამოწმე მობილბანკის შეთავაზებების სივრცე, მოძებნე სასურველი პარტნიორი და გაააქტიურე შეთავაზება.რჩევა: ყოველი თვის დასაწყისში მობილბანკის შეთავაზებების სივრცეში შეამოწმე თვის PLUS ბარათის შეთავაზება. აქ დაგხვდება ის ბრენდები, სადაც თვის განმავლობაში PLUS ბარათით გადახდისას 20%-ის PLUS ქულას დაიბრუნებ.ნახე თვის PLUS ბარათის შეთავაზება3. გამოიყენე მეგობრებთან “თანხის გაყოფის” ფუნქციაეს ალბათ ერთ ერთი, ყველაზე სახალისო ხრიკია. მეგობრებთან ერთად კაფეში სტუმრობისას, მოგზაურობისა თუ საერთო საჩუქრის ყიდვისას, მთლიანი თანხა საქართველოს ბანკის ტერმინალით გადაიხადე.  მეგობრებს ხარჯის განაწილება მარტივად, მობილბანკის თანხის გაყოფის ფუნქციით შესთავაზე. ამ ხერხით ქულებს შენს ანგარიშზე მოუყრი თავს; მეგობრები თანხის მათ ნაწილს მარტივად გადმოგირიცხავენ, ქულები კი შენ დაგრჩება!4. შეაგროვეთ ქულები ერთადმაგალითად, თუ საოჯახო ტექნიკის შეძენა გსურთ და პირადი ბალანსი არ გყოფნის, შეგიძლია ძალები ოჯახის წევრებთან გააერთიანო. ეს ხრიკი მეგობრებთან ერთადაც იდეალურად მუშაობს – იქნება ეს საერთო საჩუქრის ყიდვა თუ მოგზაურობის დაგეგმვა.მობილბანკის საშუალებით PLUS ქულების გადარიცხვა ნებისმიერ ადამიანთან, სულ რამდენიმე წამში შეგიძლია. ქულების ერთ ანგარიშზე თავმოყრით საერთო მიზანს ბევრად მარტივად მიაღწევთ და ქულებსაც უფრო მომგებიანად დახარჯავთ.აქ უნდა გახსოვდეთ რომ PLUS ქულები საქართველოს ბანკის ტერმინალით გადახდისას გროვდება.5. დააკონვერტირე Amex-ის MR ქულებითუ American Express საკრედიტო ბარათს იყენებ, გეცოდინება, რომ ყოველდღიური ხარჯვისას MR ქულები გიგროვდება. აუცილებლად უნდა შეგახსენოთ, რომ მობილბანკში ამ ქულების პირდაპირ PLUS ქულებად კონვერტაციაა შესაძლებელი. კონვერტაციის მაღალი კურსი შენი PLUS ბალანსის მომენტალურად გაზრდაში დაგეხმარება და დაგროვების პროცესს ბევრად დააჩქარებს.1 MR ქულა = 3 PLUS ქულას, სხვადასხვა Amex ბარათით კი ყოველ გადახდილ 1 ლარზე 1-დან 3 MR ქულამდე აგროვებ.თუ სწორად დაგეგმავ საყიდლებს, არ გამოტოვებ შეთავაზებებს, PLUS ბარათით გადაიხდი და საქართველოს ბანკის ტერმინალსაც მოითხოვ,  იმაზე მარტივად შეაგროვებ 5 ივლისისთვის PLUS  ქულებს, ვიდრე წარმოგიდგენია. 

1784899726

იმისთვის რომ კიდევ უფრო მარტივად და სწრაფად დააგროვოთ PLUS ქულები, შეგიძლიათ ამ შეთავაზებებით ისარგებლოთ:· 23 სექტემბრის ჩათვლით, სუპერმარკეტ ზღაპარში გადახდისას, PLUS და Mastercard ბარათის მფლობელები 5-ჯერ მეტ PLUS ქულას მიიღებენ;· 24 ივლისიდან 31 აგვისტოს ჩათვლით, Yves Rocher-ს ფიზიკურ ფილიალებში ან ონლაინ გადახდისას, PLUS ბარათის მფლობელები, 10-ჯერ მეტ PLUS ქულას დააგროვებენ;· 31 აგვისტოს ჩათვლით, TRE.GE-ზე ოფიციალური სატრანსპორტო ბილეთების შეძენისას, Mastercard-ისა და PLUS ბარათის მფლობელები, 5-ჯერ მეტ PLUS ქულას დააგროვებენ;· 31 აგვისტოს ჩათვლით, HER STORE-ის ფიზიკურ ფილიალებში გადახდისას, PLUS ბარათის მფლობელები, 10-ჯერ მეტ PLUS ქულას მიიღებენ.· 31 აგვისტოს ჩათვლით, ყოველ სამშაბათს, ოთხშაბათსა და ხუთშაბათს, Nail Sunny-ში გადახდისას PLUS ბარათის მფლობელები 10-ჯერ მეტ PLUS ქულას დააგროვებენ.თუ გაინტერესებთ სად დააგროვებთ უფრო მეტ PLUS ქულას, გირჩევთ, სანამ რამეს იყიდით, ჯერ  შეთავაზებები შეამოწმეთ.  როგორ ადევნოთ თვალი შეთავაზებებს? ყველაზე მარტივად,  აქტიური  შეთავაზების ერთად სანახავად შეგიძლიათ ეწვიოთ  offers.bog.ge-ს ან შეამოწმოთ  მობილბანკის შეთავაზებების ჰაბი.

1784897160

„ჩვენს ხელთ არსებული ინფორმაციით, აღნიშნული კომპანიების წინააღმდეგ შესაბამისი საგამოძიებო სამსახურის მიერ ჩატარებული მოკვლევის შედეგად, დასანქცირებული კომპანიებიდან არცერთის საქმიანობის არეალი არ იყო საქართველო. ამასთან, მათ წინააღმდეგ დამატებით დაწყებულია საგამოძიებო ქმედებები.აქვე აღვნიშნავთ, რომ საქართველოს ეროვნული ბანკის მარეგულირებელი ჩარჩო აწესებს ბაზარზე შესვლისა და ოპერირების მკაცრ მოთხოვნებს და წარმოადგენს მნიშვნელოვან ფილტრს უკანონო საქმიანობასთან დაკავშირებული სუბიექტებისთვის.ამასთან, ეროვნული ბანკის მიერ შემუშავებული ვირტუალური აქტივის სერვისის პროვაიდერების მარეგულირებელი ჩარჩო შესაბამისობაშია ფულის გათეთრების წინააღმდეგ მებრძოლი სპეციალურ ქმედებათა საერთაშორისო ჯგუფის (FATF) სტანდარტებსა და საუკეთესო საერთაშორისო პრაქტიკასთან, რასაც ადასტურებს ევროპის საბჭოს ექსპერტთა კომიტეტის (Moneyval) 2024 წლის შეფასება. შეფასების თანახმად, მე-15 რეკომენდაციასთან მიმართებით (რომელიც ითვალისწინებს ახალი ტექნოლოგიების დანერგვის მოთხოვნებთან შესაბამისობას და ვირტუალური აქტივების პროვაიდერების (VASP) საქმიანობის რეგულირებას)  საქართველოს რეიტინგი შეადგენს "მნიშვნელოვნად შესაბამისს" (largely compliant). აღნიშნულ რეკომენდაციასთან მიმართებით ანალოგიური შეფასება აქვს მაგალითად, დიდ ბრიტანეთსა და საფრანგეთს“, – ნათქვამია რეგულატორის განცხადებაში..

1784892537

ამჟამად მომხმარებლებს რუსეთიდან ფულის გაგზავნა უზბეკეთის, თურქეთის, ყირგიზეთისა და აზერბაიჯანის მიმართულებით შეუძლიათ. „ზოლოტაია კორონას“ ოფიციალური განცხადება მომსახურების შეჩერების მიზეზებსა და შესაძლო აღდგენის ვადებზე ჯერჯერობით არ გაუვრცელებია. შესაბამისად, უცნობია, შეზღუდვა დროებითია თუ ყველა ტიპის გზავნილს ეხება.ცვლილებები ევროკავშირის მიერ რუსეთის წინააღმდეგ სანქციების 21-ე პაკეტის მიღებას მოჰყვა. სანქციები შეეხო „ზოლოტაია კორონას“ საგადახდო სისტემის ოპერატორსა და საანგარიშსწორებო ცენტრს „მობილურ ბარათსა“ და „საგადახდო ცენტრს“.ევროკავშირის ახალი სანქციების პაკეტი საქართველოსაც შეეხო. კერძოდ, ევროკავშირმა ყულევში მდებარე ნავთობგადამამუშავებელ ობიექტთან ტრანზაქციების აკრძალვა დააწესა, რომელიც ექვსი თვის შემდეგ შევა ძალაში. ევროკავშირის საბჭოს განცხადებით, ობიექტი რუსული ნავთობის ვაჭრობასა და გადამუშავებას უკავშირდება. სანქციების პაკეტში ასევე მოხვდა საქართველოში და სხვა ქვეყნებში დაფუძნებული 14 კრიპტოაქტივებთან დაკავშირებული მომსახურების პლატფორმა, რომელთა საქმიანობას ევროკავშირი რუსეთის მიერ სანქციების გვერდის ავლის კონტექსტში განიხილავს.ეს პირველი შემთხვევაა, როდესაც რუსეთის წინააღმდეგ ევროკავშირის სანქციების ახალი პაკეტი საქართველოში მოქმედ მსხვილ ენერგეტიკულ ობიექტსა და საქართველოში დაფუძნებულ კრიპტო-სერვისებთან დაკავშირებულ პლატფორმებს შეეხო. ამასთან, ევროკავშირმა პირველად შექმნა მესამე ქვეყნებში მოქმედი კრიპტოაქტივების მომსახურების მიმწოდებლებისთვის სრული აკრძალვის დაწესების შესაძლებლობაც, თუ ისინი რუსეთს სანქციების გვერდის ავლაში ეხმარებიან.„ზოლოტაია კორონა“ რუსეთსა და საქართველოს შორის ფულადი გზავნილების ერთ-ერთი გამოყენებადი სისტემაა. სანქციების ახალი პაკეტის ამოქმედების ფონზე მისი რუსეთიდან საქართველოში გზავნილების შეჩერებამ შესაძლოა გავლენა იქონიოს იმ მომხმარებლებზე, რომლებიც ამ არხს ფულის გადასარიცხად იყენებდნენ."ზოლოტაია კორონა" საქართველოში №3 მსხვილი გადმომირცხავია . 

1784892215