ბანკს ჯილდო მსოფლიოს საუკეთესო ციფრული ბანკებისა და ფინანსებში ხელოვნური ინტელექტის გამოყენების დაჯილდოების ცერემონიაზე გადაეცა. ჯამში, საქართველოს ბანკმა ორივე პროგრამის ფარგლებში 11 ჯილდო მიიღო, რომლებიც გლობალურ და რეგიონულ კატეგორიებს მოიცავენ.საქართველოს ბანკის გენერალურმა დირექტორმა, არჩილ გაჩეჩილაძემ, განაცხადა:„მოხარულები ვართ, რომ Global Finance-მა ჩვენი საქმიანობა აღიარა და განსაკუთრებით ვამაყობთ, რომ მსოფლიოს საუკეთესო AI ბანკის ტიტული მივიღეთ. ხელოვნური ინტელექტი ჩვენი მომხმარებლებისთვის ყოველდღიურად შექმნილი გამოცდილების განუყოფელ ნაწილად იქცა. როდესაც არაუზრუნველყოფილი სესხების 99% 15 წამზე ნაკლებ დროში მტკიცდება და გაიცემა, ხოლო ჩვენი AI ასისტენტი მომხმარებელთა შეკითხვების 80%-ზე მეტს დამოუკიდებლად პასუხობს და მომხმარებელთა კმაყოფილების 91%-იან მაჩვენებელს აღწევს, შედეგი თვალსაჩინო და გაზომვადია”, - აცხადებს ბანკის CEO, არჩილ გაჩეჩილაძე და აღნიშნავს, რომ ამ მაჩვენებლების მიღმა დგას კორპორაციული კულტურა, რომელშიც მათმა გუნდებმა ხელოვნური ინტელექტი ყოველდღიური სამუშაოს განუყოფელ ნაწილად აქციეს და რომლის მთავარი პრინციპია, რომ სისწრაფე და ნდობა ერთმანეთთან თანხვედრაში იყოს.გაჩეჩილაძე მადლობას უხდის საქართველოს ბანკის მთელ გუნდს ამ მიზნის რეალიზებისთვის გაწეული ძალისხმევისთვის, ხოლო Global Finance-ს კი ამ საერთაშორისო აღიარებისთვის.„ციფრული საბანკო მომსახურება ფინანსური სექტორისთვის ერთ-ერთ უმნიშვნელოვანეს მიმართულებად იქცა, რადგან ბანკები ხელოვნური ინტელექტის, ავტომატიზაციისა და მონაცემთა ანალიტიკის მოწინავე მეთოდების გამოყენებას აფართოებენ. სისწრაფის, პერსონალიზებული მომსახურებისა და შეუფერხებელი ციფრული გამოცდილების მიმართ მომხმარებელთა მზარდი მოლოდინები ბანკებს ინოვაციების დანერგვისკენ უბიძგებს, პარალელურად კი იზრდება უსაფრთხოების, მდგრადობისა და რეგულაციებთან შესაბამისობის უზრუნველყოფის მნიშვნელობა“, - განაცხადა Global Finance-ის დამფუძნებელმა და სარედაქციო დირექტორმა, ჯოზეფ ჯიარაპუტომ.

1792059928

უცხო ქვეყნის მოქალაქის მართვის ქვეშ არსებული ავტომობილის დეტალური დათვალიერების შედეგად, სატრანსპორტო საშუალების სალონში წინასწარ მოწყობილ სამალავებში, სხვადასხვა დასახელების 8 ცეცხლსასროლი იარაღი, 4 ცალი საბრძოლო ვაზნა და 8 ერთეული იარაღის მჭიდი აღმოაჩინეს.საქმის მასალები, შემდგომი რეაგირების მიზნით, საქართველოს შინაგან საქმეთა სამინისტროს გადაეცა.

1792055141

ტაილანდში, საერთაშორისო სავალუტო ფონდისა და მსოფლიო ბანკის წლიური შეხვედრების ფარგლებში, საქართველოს დელეგაციასთან შეხვედრის შემდეგ გაკეთებულ განცხადებაში მარნიქს ვან რეიმ, ყურადღება გაამახვილა გლობალურ გამოწვევებზე, მათ შორის ახლო აღმოსავლეთში მიმდინარე ომზე, ენერგომატარებლების მაღალ ფასზე, ინფლაციურ ზეწოლასა და უკრაინის ომის გავლენაზე.„მსოფლიო მნიშვნელოვანი გეოპოლიტიკური ცვლილებების წინაშეა. ჩვენ მხარს დავუჭერთ საქართველოს მისწრაფებას, მიიღოს ტექნიკური დახმარება. ამ ეტაპზე ქვეყანას საერთაშორისო სავალუტო ფონდის პროგრამა არ სჭირდება, თუმცა პოტენციალის განვითარებისა და ინსტიტუციური შესაძლებლობების გაძლიერებისთვის ტექნიკური დახმარება მნიშვნელოვანია", - აღნიშნა მან.მარნიქს ვან რეიმ ასევე ხაზი გაუსვა საქართველოს ეროვნული ბანკის პრეზიდენტის მონაწილეობას ცენტრალური ბანკების მმართველების დისკუსიაში და აღნიშნა, რომ ნათია თურნავა შეხვედრაზე სიტყვით გამოვა.ტაილანდში, სსფ-სა და მსოფლიო ბანკის წლიური შეხვედრების ფარგლებში, ნათია თურნავამ და ლაშა ხუციშვილმა დელეგაციასთან ერთად შეხვედრები გამართეს ასევე საერთაშორისო სავალუტო ფონდის მმართველი დირექტორის მოადგილე ბო ლისთან და სსფ-ის ახლო აღმოსავლეთისა და ცენტრალური აზიის დეპარტამენტის დირექტორ ჯიჰად აზურთან.

1792054888

ლონდონში ვიზიტად მყოფმა ზელენსკიმ აღნიშნა, რომ 100 მილი/საათში (160 კმ/სთ) მეტი სიჩქარით გადაადგილებისას Starlink-ის გათიშვამ მწყობრიდან გამოიყვანა უკრაინული დრონების უმეტესობა და შეასუსტა საჰაერო თავდაცვის სისტემები. უკრაინის პრეზიდენტის თქმით, ეს გადაწყვეტილება ფრონტზე დამატებით მსხვერპლსა და ადამიანების დაღუპვას გამოიწვევს.ილონ მასკის განმარტებით, შეზღუდვის გადაწყვეტილება მას არ მიუღია. სამხედრო ქსელ Starshield-ს აშშ-ის მთავრობა და სამხედრო უწყება აკონტროლებს, შესაბამისად, გამოყენებაზე ნებისმიერ ლიმიტს ვაშინგტონი და უშუალოდ პრეზიდენტი ტრამპი დააწესებენ.ვიზიტის ფარგლებში ზელენსკი ბრიტანეთის პრემიერ-მინისტრ ენდი ბერნემსა და მეფე ჩარლზ III-ს შეხვდა. ბერნემმა დაადასტურა, რომ ლონდონის მხარდაჭერა უკრაინისადმი უცვლელი რჩება, დააჩქარებს სამხედრო დახმარების მიწოდებას და ჩერნობილის ატომური ელექტროსადგურის დამცავი საფარის სარეაბილიტაციოდ 17 მილიონ ფუნტს გამოყოფს.

1792053393

2025 წლის დასასრულისთვის საფინანსო მომსახურების საქმიანობით დაკავებული საწარმოების სალაროში განთავსებული იყო ₾3.1 მლრდ ნაღდი ფულის სახით. ამავე დროს, ფიქსირებული და არაწარმოებული აქტივების ნარჩენმა (საბალანსო) ღირებულებამ ₾2.9 მლრდ შეადგინა.2025 წელს საფინანსო მომსახურების საქმიანობით დაკავებულ საწარმოებში დასაქმებულთა საშუალო წლიური რაოდენობა 42.7 ათასს შეადგენდა, რომელთაგან 65.6% ქალი იყო.2025 წელს სადაზღვევო კომპანიების მიერ (პირდაპირი დაზღვევის საქმიანობის მიხედვით) გამომუშავებულმა პრემიამ (ბრუტო) ₾1.3 მლრდ შეადგინა, საიდანაც 42% სამედიცინო (ჯანმრთელობის) დაზღვევაზე მოდიოდა, 11.3% – ქონების დაზღვევაზე, 9.6% – სიცოცხლის დაზღვევაზე, 6.4% – სახმელეთო ტრანსპორტის გამოყენებასთან დაკავშირებულ სამოქალაქო პასუხისმგებლობის დაზღვევაზე, 1.4% – უბედური შემთხვევის დაზღვევაზე, ხოლო დანარჩენი (29.3%) სხვა სახის დაზღვევაზე განაწილდა.2025 წელს სადაზღვევო კომპანიების მიერ ანაზღაურებული დამდგარი სადაზღვევო ზარალი (ბრუტო) ₾763.9 მლნ-ით განისაზღვრა, რომლის 56.6% სამედიცინო (ჯანმრთელობის) დაზღვევაზე მოდიოდა, 6.3% – ქონების დაზღვევაზე, 5.4% – სიცოცხლის დაზღვევაზე, 5% – სახმელეთო ტრანსპორტის გამოყენებასთან დაკავშირებულ სამოქალაქო პასუხისმგებლობის დაზღვევაზე, ხოლო დანარჩენი (26.7%) სხვა სახის დაზღვევაზე განაწილდა.

1792050545

ამ ეტაპზე რეგისტრაცია რამდენიმე სასტიპენდიო პროგრამაზე მიმდინარეობს, მათ შორისაა:საქართველოს ბანკის სტიპენდიები ადგილობრივ უნივერსიტეტებშისაქართველოს ბანკი ბაკალავრიატის სტუდენტებს 23 პარტნიორ უნივერსიტეტში სწავლის სრული ან ნაწილობრივი დაფინანსების მიღების შესაძლებლობას აძლევს. პროგრამა ახალგაზრდებს სწავლის გაგრძელებისა და აკადემიური მიზნების მიღწევაში ეხმარება.პროგრამაზე რეგისტრაცია დაიწყო. დეტალური ინფორმაციისა და განაცხადის პირობების გასაცნობად ეწვიეთ საქართველოს ბანკის სტიპენდიების გვერდს.გიორგი ჩახავას სახელობის სტიპენდია მომავალი არქიტექტორებისთვისსაქართველოს ბანკის სათავო ოფისის ავტორის, გიორგი ჩახავას სახელობის სტიპენდია არქიტექტურისა და მასთან დაკავშირებული სფეროების სტუდენტებისთვისაა განკუთვნილი. პროგრამის ფარგლებში, ოთხ პარტნიორ უნივერსიტეტში სტუდენტებს სწავლის სრული ან ნაწილობრივი დაფინანსების მიღება შეუძლიათ.პროგრამაზე რეგისტრაცია უკვე დაიწყო. დეტალური ინფორმაციისთვის ეწვიეთ სტიპენდიის გვერდს.AI სტიპენდია გოგოებისთვისხელოვნური ინტელექტის მიმართულებით ცოდნის მიღებისა და ახალი პროფესიული შესაძლებლობების აღმოჩენის მიზნით, საქართველოს ბანკი პარტნიორ ორგანიზაციებთან და აკადემიებთან ერთად გოგოებისთვის სპეციალურ AI სასტიპენდიო პროგრამას ახორციელებს.პროგრამაზე რეგისტრაცია დაიწყო. მონაწილეობის პირობებისა და განაცხადის შესავსებად ეწვიეთ AI სტიპენდიის გვერდს.სტიპენდია პროფესიულ აკადემიებში - ახალი უნარებისა და შესაძლებლობებისთვისიმ ადამიანებისთვის, რომლებსაც პროფესიის შეცვლა, ახალი უნარების შეძენა ან კვალიფიკაციის ამაღლება სურთ, საქართველოს ბანკი პროფესიული განათლების სასტიპენდიო პროგრამას ახორციელებს და საქართველოს ნებისმიერ მოქალაქეს აძლევს შესაძლებლობას, ახალი პროფესიები 20-მდე პარტნიორ აკადემიაში სრული დაფინანსებით შეისწავლონ. პროგრამაში მონაწილეობის მსურველთათვის რეგისტრაცია მალე დაიწყება. დეტალური ინფორმაციისთვის ეწვიეთ პროგრამის გვერდს.საქართველოს ბანკის სტიპენდია მოსწავლეებისთვის პროფესიულ აკადემიებში - შეისწავლეთ თქვენთვის საინტერესო მიმართულება უფასოდპროფესიულ აკადემიებში, სასტიპენდიო პროგრამის ფარგლებში, საქართველოს ბანკი სკოლის მოსწავლეებსაც აძლევს შესაძლებლობას, დაეუფლონ მათთვის საინტერესო პროფესიებსა და ახალ უნარებს. ინიციატივის ფარგლებში, მოსწავლეებს შეუძლიათ აირჩიონ სასურველი კურსი ბანკის პარტნიორ აკადემიებში და მიიღონ სწავლის საფასურის 100%-იანი დაფინანსება. მიმართულებები მოიცავს ვებპროგრამირებას, გრაფიკულ და UI/UX დიზაინს, IT პროექტების მართვას, პროგრამირების საფუძვლებს, ხელოვნურ ინტელექტსა და სხვა საინტერესო სფეროებს. დეტალური ინფორმაციისა და განაცხადის შესავსებად ეწვიეთ ვებგვერდს.ეს საქართველოს ბანკის საგანმანათლებლო ინიციატივების მხოლოდ ნაწილია. მიმდინარე პროგრამებისა და მათი პირობების შესახებ დეტალური ინფორმაციის მისაღებად შეგიძლიათ ეწვიეთ ვებგვერდს:  ganateleba.bog.ge(R)

1792048192