საქართველოს რკინიგზის წმინდა მოგებამ ₾112.3 მლნ შეადგინა

გარიგება დასრულდა აქციების ნასყიდობის ხელშეკრულებით გათვალისწინებული პირობების შესაბამისად. აქციების გადაცემის რეგისტრაცია უზბეკეთში, როგორც გარიგების დასრულების შემდგომი იმპლემენტაციის პროცესის ნაწილი, უახლოეს პერიოდშია მოსალოდნელი. გარიგების დასრულებას წინ უძღოდა უზბეკეთის რესპუბლიკის კონკურენციის განვითარების და მომხმარებელთა უფლებების დაცვის კომიტეტის მიერ აუცილებელი ნებართვის გაცემაც.ამ გარიგების განსახორციელებლად TBC Group-მა შექმნა ერთობლივი საწარმო (Joint Venture - JV) Titan Investments-თან, საერთაშორისო საინვესტიციო ჰოლდინგთან, რომელსაც მხარს უჭერენ უმაღლესი დონის საერთაშორისო ინსტიტუციური ინვესტორები, საოჯახო საინვესტიციო ოფისები და ახლო აღმოსავლეთის სუვერენული საინვესტიციო ფონდები. ერთობლივმა საწარმომ შეიძინა OLX UZ-ის 100%-იანი წილი, საიდანაც TBC Group ფლობს 50% + 1 აქციას, ხოლო Titan Investments დარჩენილ წილს.OLX UZ უზბეკეთის 10 ყველაზე მონახულებად ვებგვერდს შორისაა. პლატფორმას ყოველთვიურად 5 მილიონზე მეტი აქტიური მომხმარებელი ჰყავს და მასზე განთავსებულია 2 მილიონი აქტიური განცხადება მომსახურების, საქონლის, ავტომობილებისა და უძრავი ქონების კატეგორიებში. პლატფორმა ქვეყნის ინტერნეტის აქტიური მომხმარებლების 17%-ზე მეტს ემსახურება.OLX UZ საქმიანობას OLX-ის ბრენდის ქვეშ გააგრძელებს და დამოუკიდებელი, ღია განცხადებების პლატფორმის სტატუსს შეინარჩუნებს. დროთა განმავლობაში TBC Uzbekistan გეგმავს OLX UZ-ის მეშვეობით ფინანსური და საგადახდო მომსახურებების შეთავაზებას. „ეს წარმოადგენს ჩვენი ბიზნესის დივერსიფიკაციის სტრატეგიის თანმიმდევრული განხორციელების კიდევ ერთ მნიშვნელოვან ნაბიჯს. აღნიშნული გარიგება TBC-ს საშუალებას აძლევს შევიდეს სწრაფად მზარდ ახალ სექტორში, მოიზიდოს მილიონობით ახალი მომხმარებელი, გაზარდოს მომხმარებელთა ყურადღების წილი და შექმნას დამატებითი სინერგიები, რომლებიც გრძელვადიან პერსპექტივაში გააძლიერებს მომხმარებელთა ლოიალურობასა და ჩართულობას. ჩვენ შევინარჩუნებთ ყველაფერს, რაც OLX-ს უნიკალურსა და სანდოს ხდის - მის ღია და დამოუკიდებელ პლატფორმას და ამავდროულად შევქმნით ახალ პროდუქტებსა და მომსახურებებს მისი მომხმარებლებისთვის“, - განაცხადა TBC Uzbekistan-ის CEO-მ ნიკა ქურდიანმა.შეგახსენებთ, რომ კომპანიის შეძენაზე მოლაპარაკება 1 წლის განმავლობაში მიდიოდა. უზბეკეთის მარეგულირებელმა კონკურენციის დაცვის მიზნით რამდენიმე სავალდებულო პირობა დააწესა. კერძოდ, ახალ მფლობელებს ეკრძალებათ ჯგუფის სხვა პროდუქტების მეშვეობით OLX-ის გამოყენების პირობებზე დაუსაბუთებელი გავლენის მოხდენა, ასევე კონკურენტების კომერციული მონაცემების გამოყენება მათი საქმიანობის შეზღუდვის მიზნით.გარდა ამისა, კომპანიას არ ექნება უფლება, OLX-ის მომხმარებლებს გადახდისთვის მხოლოდ Payme-ის ან TBC Bank-ის სერვისების გამოყენება აიძულოს. ის ვალდებული იქნება უზრუნველყოს თანაბარი პირობები ყველა კონკურენტი საგადახდო სისტემისთვის.მარეგულირებელმა დაადგინა, რომ აღნიშნული მოთხოვნების შესრულების შემთხვევაში გარიგება მონოპოლიურ რისკებს არ შექმნის, რადგან მყიდველი მანამდე ქვეყნის ონლაინ-რეკლამის ბაზარზე წარმოდგენილი არ იყო.

1785143976

IOI მსოფლიოში ერთ-ერთი ყველაზე პრესტიჟული ყოველწლიური ტექნოლოგიური და სამეცნიერო ოლიმპიადაა, რომელიც წელს 9-16 აგვისტოს უზბეკეთის დედაქალაქ ტაშკენტში გაიმართება. კონკურსზე უფროსკლასელები სხვადასხვა ქვეყნიდან ალგორითმულ აზროვნებასა და პროგრამირების მიმართულებით მიღებულ ცოდნას ურთულესი ამოცანების ამოხსნის პროცესში გამოცდიან. საქართველოს სახელით ოლიმპიადაზე ვლადიმირ კომაროვის თბილისის ფიზიკა-მათემატიკის N199 საჯარო სკოლის და საინფორმაციო ტექნოლოგიების ცენტრ „მზიურის“ ოთხი მოსწავლე იასპარეზებს: ვლადიმერი ფრანგიშვილი, ანდრია ვასაძე, მათე რეხვიაშვილი, ნიკოლოზ მელიქიშვილი.ნაკრები გუნდის კანდიდატები ინფორმატიკის ეროვნული ოლიმპიადის შედეგების საფუძველზე შეირჩევა, რომელსაც საინფორმაციო ტექნოლოგიების სწავლების და ინფორმატიკის ოლიმპიადების მხარდამჭერი ასოციაცია ატარებს.საქართველოს ინფორმატიკის ნაკრები საერთაშორისო ოლიმპიადისთვის სპეციალურად შემუშავებულ ინტენსიურ პროგრამას გადის. პირველი ეტაპი ივნისში თბილისის ფიზიკა-მათემატიკის N199 საჯარო სკოლაში გაიმართა, ხოლო დასკვნითი ნაწილი ივლისში ბაკურიანის სასწავლო-საწვრთნელ ბანაკში, სადაც მონაწილეებმა ოლიმპიადის ფორმატზე მორგებული ალგორითმული ამოცანები და პრაქტიკული ქეისები დაამუშავეს. საბოლოო მოსამზადებელი ეტაპი 1-7 აგვისტოს, თიბისის მხარდაჭერით, ბიზნესისა და ტექნოლოგიების უნივერსიტეტში, „ტექ ოლიმპიადების ჰაბის“ ფარგლებში ჩატარდება. ნაკრებს მენტორობას პროფესორი გიორგი მანდარია, ბაქარ გამეზარდაშვილი და თარაშ დოლაბერიძე უწევენ.ინფორმატიკის საერთაშორისო ოლიმპიადა IOI ერთ-ერთი ოლიმპიადაა, იმ ხუთ ოლიმპიადას შორის, რომელიც განათლების, მეცნიერებისა და ახალგაზრდობის სამინისტროს მიერ პრიორიტეტულადაა აღიარებული. აღნიშნულ ოლიმპიადაზე საქართველო გუნდებს წარადგენს 1996 წლიდან. ნაკრები გუნდი ინფორმატიკის ეროვნული სასწავლო ოლიმპიადების შედეგებისა და დამატებითი შესარჩევი ტურების საფუძველზე შეირჩევა. საერთაშორისო სასწავლო ოლიმპიადებისთვის საქართველოს ნაკრები გუნდების წევრების შერჩევა, მომზადება და მონაწილეობა საქართველოს განათლების, მეცნიერების და ახალგაზრდობის სამინისტროს მხარდაჭერით, შოთა რუსთაველის საქართველოს ეროვნული სამეცნიერო ფონდის ადმინისტრირებით ხორციელდება.განათლებისა და ტექნოლოგიური ეკოსისტემის გაძლიერება თიბისისთვის ერთ-ერთი სტრატეგიული პრიორიტეტია. სწორედ ამიტომ, კომპანია აგრძელებს ისეთი ინიციატივების მხარდაჭერას, რომლებიც ახალგაზრდებს თანამედროვე ტექნოლოგიების მიმართულებით განვითარების შესაძლებლობას აძლევს, აძლიერებს მათ პრაქტიკულ უნარებს და საერთაშორისო წარმატებისთვის ამზადებს.(R)

1785143436

2026 წლის საზაფხულო ბანაკების პროექტის ფარგლებში, ცენტრალური საარჩევნო კომისიის (ცესკო) თავმჯდომარე გიორგი კალანდარიშვილი ანაკლიის ახალგაზრდულ ბანაკს ეწვია და მის მონაწილეებს შეხვდა.შეხვედრა ცესკოს თავმჯდომარემ და ახალგაზრდობის სააგენტოს ხელმძღვანელის მოადგილემ ანზორ მეგრელიშვილმა გახსნეს.გიორგი კალანდარიშვილმა ახალგაზრდებთან არჩევნების მნიშვნელობაზე, დემოკრატიულ პროცესებში მათი აქტიური მონაწილეობის როლსა და საარჩევნო საკითხებზე ინფორმირების მნიშვნელობაზე ისაუბრა.ცესკოს თავმჯდომარემ ასევე ისაუბრა დეზინფორმაციის გავლენაზე საარჩევნო პროცესზე და აღნიშნული ერთ-ერთ მნიშვნელოვან გამოწვევად შეაფასა. მან მონაწილეებს საარჩევნო ადმინისტრაციის სტრატეგია გააცნო, რომელიც დეზინფორმაციის პრევენციასა და საზოგადოების დროულ და ობიექტურ ინფორმირებას ისახავს მიზნად.შეხვედრის ფარგლებში ახალგაზრდებს შესაძლებლობა ჰქონდათ გასცნობოდნენ საარჩევნო ადმინისტრაციის ჟურნალს „არჩევნები 360 გრადუსით“, რომელიც მკითხველს აქტუალურ საარჩევნო თემებზე მრავალმხრივ და ამომწურავ ინფორმაციას სთავაზობს.ანაკლიის ახალგაზრდულ ბანაკში გამართულ შეხვედრას 200-ზე მეტი ახალგაზრდა დაესწრო.აღსანიშნავია, რომ საზაფხულო ბანაკების პროექტის ფარგლებში საარჩევნო ადმინისტრაციის ხელმძღვანელი პირები და წარმომადგენლები კიდევ არაერთ საინფორმაციო შეხვედრას გამართავენ, როგორც ანაკლიაში, ასევე სხვა ლოკაციებზეც, რაც ხელს შეუწყობს ახალგაზრდების საარჩევნო განათლებისა და ინფორმირებულობის გაძლიერებას. (R)

1785138150

ჩატარებული ოპერატიულ-სამძებრო ღონისძიებებისა და საგამოძიებო მოქმედებების შედეგად დადგინდა, რომ ბრალდებულებს შენიღბულად ჰქონდათ მოწყობილი ონლაინგათამაშების ობიექტი, საიდანაც, შესაბამისი ნებართვის გარეშე, ინტერნეტის მეშვეობით, უცხოური ინტერნეტკაზინოების ვებგვერდებზე, პირდაპირი ტრანსლაციის („სტრიმინგის“) სახით, გადაიცემოდა აზარტული და მომგებიანი თამაშების მიმდინარეობა.საგამოძიებო სამსახურის ინფორმაციით, ობიექტის ლეგალურად ფუნქციონირების შემთხვევაში, სახელმწიფო ბიუჯეტში სანებართვო მოსაკრებლის სახით 100 000 ლარი უნდა გადახდილიყო.ამჟამად ინტენსიურად მიმდინარეობს საგამოძიებო მოქმედებები აღნიშნულ დანაშაულებრივ ქმედებაში მონაწილე სხვა პირების გამოვლენის მიზნით.გამოძიება მიმდინარეობს საქართველოს სისხლის სამართლის კოდექსის 192-ე მუხლის მე-2 ნაწილის „ა“ ქვეპუნქტით (უკანონო სამეწარმეო საქმიანობა ჯგუფურად), რაც სასჯელის სახით ითვალისწინებს თავისუფლების აღკვეთას 3-დან 5 წლამდე ვადით.

1785137095

მხოლოდ ივნისში, Bmatch პლატფორმაზე განხორციელებული ინტერვენციების შედეგად, სების წმინდა შესყიდვებმა $612.6 მლნ შეადგინა. ჯამურად კი, 2026 წლის იანვარ-ივნისში ეროვნული ბანკის წმინდა შესყიდვებმა $2 მლრდ-ს მიაღწია.2026 წლის პირველ ნახევარში სების მიერ Bmatch-ით განხორციელებული სავალუტო ინტერვენციების დინამიკა თვეების მიხედვით ასე გამოიყურება: იანვარი: წმინდა შესყიდვა - $86.6 მლნ  თებერვალი: წმინდა შესყიდვა - $429.3 მლნ  მარტი: წმინდა გაყიდვა - $16.2 მლნ აპრილი: წმინდა შესყიდვა - $333.3 მლნ  მაისი: წმინდა შესყიდვა - $632.9 მლნ  ივნისი: წმინდა შესყიდვა - $612.6 მლნ ეროვნულ ბანკში აღნიშნავენ, რომ საერთაშორისო სავალუტო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია. ბანკის გაცხადებული პოლიტიკის შესაბამისად, სებ რეზერვების შევსებაზეა კონცენტრირებული და ქვეყნის მარაგებს ყოველთვის ზრდის, როდესაც ამის შესაძლებლობას ბაზარი იძლევა.სავალუტო ბაზარზე განხორციელებული ოპერაციების შესახებ განახლებულ მონაცემებს საქართველოს ეროვნული ბანკი 2026 წლის 25 აგვისტოს გამოაქვეყნებს.

1785135336

საქართველოს რკინიგზას უახლოეს პერიოდში კომფორტული და თანამედროვე მოძრავი შემადგენლობები ეყოლება. კომპანია 10 ახალ სამგზავრო მატარებელს შეიძენს. ამასთან, აქტიურად მიმდინარეობს არსებული ხუთი მატარებლის კაპიტალური შეკეთება.საქართველოს რკინიგზის ფილიალ მგზავრთა გადაყვანების დირექტორმა ასევე ყურადღება გაამახვილა მაღალი რისკის ადგილებში ლიანდაგების გასწვრივ დამცავი ღობეების მონტაჟზე, როგორც სარკინიგზო ლიანდაგის უკანონო გადაკვეთის შემთხვევების პრევენციის საშუალებაზე.დაჩი ცაგურიას განმარტებით, ლიანდაგის გადაკვეთა კატეგორიულად აკრძალულია. “ძალიან მნიშვნელოვანია ყველამ გავითავისოთ, რომ ლიანდაგზე გადასვლა, გადაკვეთა, სიარული, სეირნობა, სურათებისა და ვიდეოების გადაღება კატეგორიულად აკრძალულია. ეს არის ძალიან სახიფათო და ყველას ვთხოვთ, რომ გაუფრთხილდნენ საკუთარ და სხვის ჯანმრთელობას“, - აღნიშნა დაჩი ცაგურიამ.

1785133823

მისი თქმით, სამგზავრო მიმართულებით ინფრასტრუქტურის განახლება უახლოეს პერიოდში დასრულდება. მალე ამოქმედდება თბილისი-ახალციხის რეისი, ასევე მიმდინარეობს ხუთი მატარებლის კაპიტალური რემონტი და მოდერნიზება. ლაშა აბაშიძის განცხადებით, უახლოეს მომავალში ყველა რეისი თანამედროვე მატარებლებით შესრულდება.რაც შეეხება სატვირთო მიმართულებას, საქართველოს რკინიგზამ 45 ახალი მაგისტრალური სატვირთო ელმავლის შესყიდვის მიზნით საერთაშორისო ტენდერი უკვე გამოაცხადა.„გვეყოლება აბსოლუტურად ახალი, თანამედროვე ელმავლები. ეს მნიშვნელოვნად გააუმჯობესებს სატვირთო გადაზიდვების მიმართულებას, რაც რკინიგზას და სატვირთო გადაზიდვებს უფრო სწრაფსა და ეფექტურს გახდის. ამასთანავე, კომპანიას გაეზრდება შემოსავალი, რომლითაც ახალი პროექტები დაფინანსდება“, - აღნიშნა ლაშა აბაშიძემ.

1785126900

პროექტი „ტრანსკასპიური სატრანსპორტო დერეფნის - საქართველოს ხელმისაწვდომობისა და ტრანსპორტის გაუმჯობესების პროექტის“ ფარგლებში და მსოფლიო ბანკისა და აზიის განვითარების ბანკის ფინანსური მხარდაჭერით ხორციელდება.საქართველოს რკინიგზის მაგისტრალური სატვირთო ელმავლების პარკის მნიშვნელოვანი ნაწილის ექსპლუატაციის ვადა იწურება. ახალი ელმავლების შესყიდვით კომპანია განაახლებს სალოკომოტივო პარკს, გაზრდის საოპერაციო შესაძლებლობებს, გააუმჯობესებს სატვირთო გადაზიდვების ეფექტიანობასა და საიმედოობას, რაც მას მზარდი სატვირთო ნაკადების უფრო ეფექტიანად მომსახურების შესაძლებლობას მისცემს.ახალი მაგისტრალური სატვირთო ელმავლების შესყიდვა საქართველოს რკინიგზის გრძელვადიანი განვითარების ხედვის, მათ შორის 10-წლიანი განვითარების სტრატეგიის, პრაქტიკული განხორციელების ერთ-ერთი უმნიშვნელოვანესი პროექტია. მას განსაკუთრებული მნიშვნელობა აქვს ტრანსკასპიური საერთაშორისო სატრანსპორტო მარშრუტის - შუა დერეფნის განვითარებისთვის.ახალი ელმავლები ხელს შეუწყობს საქართველოს სატრანზიტო პოტენციალის გაძლიერებასა და ქვეყნის, როგორც რეგიონული სატრანსპორტო და ლოგისტიკური კვანძის, კონკურენტუნარიანობის ზრდას.სატენდერო პროცესს საქართველოს რკინიგზა მსოფლიო ბანკის შესყიდვების პროცედურების შესაბამისად ახორციელებს.ახალი ელმავლების შესყიდვასთან ერთად, პროექტი ხაშურში, საქართველოს რკინიგზის კუთვნილ ტერიტორიაზე, თანამედროვე სტანდარტების შესაბამისი ელმავლების ტექნიკური მომსახურების ახალი დეპოს მშენებლობას ითვალისწინებს.ტენდერში გამარჯვებული კომპანია საკუთარი ხარჯებით დააპროექტებს, ააშენებს და თანამედროვე ტექნოლოგიური აღჭურვილობით უზრუნველყოფს ახალ დეპოს.

1785049020