SOCAR-მა Italiana Petroli-ს აღმასრულებელ დირექტორად ლევან დავითაშვილი დანიშნა

ინიციატივის მიზანია ქართულ დიასპორასთან კავშირის გაღრმავება, ემიგრანტებისთვის მნიშვნელოვანი კულტურული გამოცდილებების შექმნა და ქართული კულტურის პოპულარიზაცია საერთაშორისო აუდიტორიაში.თანამშრომლობის ფარგლებში დაგეგმილია არაერთი კულტურული ღონისძიება, მათ შორის კონცერტები, ელექტრონული მუსიკის ფესტივალი, თეატრალური გასტროლები, კლასიკური მუსიკის საღამოები, ასევე საოპერო და სხვა კულტურული ღონისძიებები.კულტურული ღონისძიებების სერია ივნისიდან - სამეფო უბნის თეატრის გასტროლით დაიწყება და ის სხვადასხვა ასაკისა და ინტერესის მქონე აუდიტორიას მრავალფეროვან კულტურულ გამოცდილებას შესთავაზებს.„საქართველოს ბანკისთვის ემიგრანტების მხარდაჭერა და ქართული კულტურის პოპულარიზაცია მნიშვნელოვანი სტრატეგიული მიმართულებაა. Emolas Corporation-თან პარტნიორობა ამ ხედვის ბუნებრივი გაგრძელებაა და გვაძლევს შესაძლებლობას შევქმნათ ისეთი კულტურული გამოცდილებები, რომლებიც, ერთი მხრივ, გააძლიერებს კავშირს ემიგრანტებთან, ხოლო მეორე მხრივ, ხელს შეუწყობს ქართული კულტურის საერთაშორისო დონეზე პოპულარიზაციას და მისი ფართო აუდიტორიისთვის გაცნობას.  აღსანიშნავია, რომ Emolas Corporation-თან თანამშრომლობა ჩვენთვის ახალი არ არის, იანვარში კარნეგი ჰოლის ისტორიულ სცენაზე ქართული ნაციონალური ბალეტი სუხიშვილების წარმატებული კონცერტიც ამ პარტნიორობის ფარგლებში გაიმართა. სწორედ ამ გამოცდილებამ შექმნა საფუძველი თანამშრომლობის ახალ ეტაპზე გადასვლისთვის, რომელიც მრავალფეროვან კულტურულ პროექტებს მოიცავს. პირველ ეტაპზე დაგეგმილია სამეფო უბნის თეატრის გასტროლი სპექტაკლით „მოახლეები“, ხოლო წლის განმავლობაში არაერთი კულტურული ღონისძიება გაიმართება”, - განაცხადა საქართველოს ბანკის ფიზიკური პირების მარკეტინგის გუნდის უფროსმა, თამარ ნოზაძემ„საქართველოს ბანკთან პარტნიორობა ჩვენთვის ძალიან მნიშვნელოვანი ნაბიჯია. ეს თანამშრომლობა გვაძლევს შესაძლებლობას, გავაძლიეროთ კულტურული ინიციატივები აშშ-ში და ქართველ დიასპორას შევთავაზოთ მრავალფეროვანი და ხარისხიანი კულტურული გამოცდილებები. ამავდროულად, ვხედავთ მნიშვნელოვან პოტენციალს და გვჯერა, რომ ეს პროექტები ხელს შეუწყობს ქართული კულტურის საერთაშორისო პოპულარიზაციას“, - ამბობს სალომე ლილუაშვილი, Emolas Corporation-ის დამფუძნებელი.არ გამოგრჩეთ საქართველოს ბანკის და Emolas Corporation-ის პარტნიორობის ფარგლებში დაგეგმილი ღონისძიებები ამერიკაში და თვალი ადევნეთ სიახლეებს ამ ბმულზე: https://bankofgeorgia.ge/ka/emigrants/main  

1778763775

ფოთის საჭადრაკო კლუბი დღეს მნიშვნელოვანი საგანმანათლებლო და სპორტული ცენტრია რეგიონში, სადაც სხვადასხვა ასაკის ბავშვები და ახალგაზრდები სწავლობენ როგორც ჭადრაკის თეორიას, ასევე პრაქტიკულ თამაშს.პარტნიორობის ფარგლებში იგეგმება ტურნირების მხარდაჭერა, წარმატებული მოჭადრაკეების წახალისება, თანამედროვე ინფრასტრუქტურის განვითარება და სხვადასხვა აქტივობის განხორციელება, რომელიც ახალგაზრდებს შეუწყობს ხელს აღმოაჩინონ ახალი შესაძლებლობები.აღსანიშნავია, რომ ფოთის საჭადრაკო კლუბში აღიზარდნენ წარმატებული მოჭადრაკეები, რომლებიც მსოფლიოსა და ევროპის ახალგაზრდული ჩემპიონატების პრიზიორები, საერთაშორისო ოსტატის ნორმის შემსრულებლები და საქართველოს ჩემპიონატების გამარჯვებულები გახდნენ და რომლებიც საერთაშორისო ტურნირებზე საქართველოს სახელით ასპარეზობენ.„დღეს ჩვენი მთავარი მიზანია, ფოთის საჭადრაკო კლუბმა კიდევ უფრო თანამედროვე, მრავალფეროვანი და ახალგაზრდებზე მორგებული გარემო შექმნას. სწორედ ამიტომ, საქართველოს ბანკთან პარტნიორობა ჩვენთვის განსაკუთრებულად მნიშვნელოვანია, რადგან ის გვაძლევს შესაძლებლობას, გავაძლიეროთ სასწავლო პროცესი, განვავითაროთ ინფრასტრუქტურა და ბავშვებსა და ახალგაზრდებს შევთავაზოთ მეტი შესაძლებლობა საკუთარი პოტენციალის გამოსავლენად. განსაკუთრებით მნიშვნელოვანია მსგავსი მხარდაჭერა რეგიონული კლუბებისთვის, რადგან ის არა მხოლოდ სასწავლო გარემოს აუმჯობესებს, არამედ ახალ თაობას დამატებით მოტივაციასა და განვითარების სტიმულს აძლევს. პარტნიორობის ფარგლებში გაგრძელდება და კიდევ უფრო მეტად აქტიურად გაიმართება როგორც საერთაშორისო, ასევე სხვადასხვა შიდა ტურნირი და ახალგაზრდული აქტივობა, რაც ხელს შეუწყობს ფოთში ჭადრაკის კიდევ უფრო პოპულარიზაციასა და განვითარებას“, - აღნიშნავს დათო კოდუა, ფოთის საჭადრაკო კლუბის დირექტორი.„საქართველოს ბანკისთვის ერთ-ერთი მთავარი პრიორიტეტი განათლებისა და საგანმანათლებლო ინიციატივების მხარდაჭერაა, რათა ახალგაზრდებს მისცეს შესაძლებლობა, სრულად გამოავლინონ და აითვისონ საკუთარი პოტენციალი. სწორედ ამიტომ, დავიწყეთ სტრატეგიული პარტნიორობა ფოთის საჭადრაკო კლუბთან, რომელიც  მიზნად ისახავს ჭადრაკის სფეროს, როგორც ინტელექტუალური განვითარების ინსტრუმენტის ხელშეწყობას, სასწავლო პროცესის გაძლიერებას და მოსწავლეებისთვის ხარისხიანი საგანმანათლებლო-სპორტული გარემოს შექმნას, რაც გრძელვადიან პერსპექტივაში რეგიონში ძლიერი საგანმანათლებლო და სპორტული ცენტრის ჩამოყალიბების საფუძველი გახდება. თანამშრომლობის ფარგლებში არაერთი საინტერესო ინიციატივის განხორციელება იგეგმება”, - აღნიშნავს ანი ლომთაძე, საქართველოს ბანკის კორპორატიული სოციალური პასუხისმგებლობის (CSR) მიმართულების ხელმძღვანელი.საქართველოს ბანკის მიერ განხორციელებული საგანმანათლებლო პროექტების შესახებ დეტალური ინფორმაცია ხელმისაწვდომია ვებგვერდზე.(R)

1778761153

სტივენსს თითქმის 30-წლიანი გამოცდილება აქვს ფინანსური ინსტიტუტების სექტორში კორპორაციული ფინანსების მიმართულებით. მას მაღალი პოზიციები ეკავა, მათ შორის, UBS Investment Bank-ში, Deloitte Corporate Finance-სა და Keefe, Bruyette & Woods-ში, სადაც EMEA რეგიონში ბანკებსა და სხვა ფინანსურ მომსახურების კომპანიებს უწევდა კონსულტაციას სხვადასხვა სტრატეგიულ და კაპიტალის ბაზრებთან დაკავშირებულ ტრანზაქციებზე.ჯგუფის ცნობით, მას დიდი ხნის განმავლობაში ჰქონდა ახლო ურთიერთობა TBC ბანკთან, მათ შორის, 2014 წელს TBC Bank-ის პირველ საჯარო შეთავაზებაზე (IPO) ერთობლივი გლობალური კოორდინატორის როლში.TBC-ის ცნობით, ჯგუფის მოქმედი ფინანსური დირექტორი გიორგი მეგრელიშვილი, თანამდებობას 1 აგვისტოდან დატოვებს.TBC Bank-ის ფინანსური დირექტორის პოზიციაზე მეგრელიშვილის შემცვლელს კომპანია მოგვიანებით დაასახელებს.“მივესალმებით გაის, როგორც ჩვენი ჯგუფის ახალ ფინანსურ დირექტორს, ჯგუფის განვითარების მნიშვნელოვან ეტაპზე. მისი ღრმა გამოცდილება ფინანსურ ინსტიტუტებსა და კაპიტალის ბაზრებში, ჩვენი ბიზნესის სიღრმისეული ცოდნასთან ერთად, მნიშვნელოვანი იქნება ჩვენი სტრატეგიის განხორციელებისა და შემდგომი ზრდის შესაძლებლობების განვითარების პროცესში. ასევე მსურს მადლობა გადავუხადო გიორგის ჯგუფში შეტანილი წვლილისთვის და მომავალ საქმიანობაში წარმატებები ვუსურვო“, - აცხადებს ვახტანგ ბუცხრიკიძე, TBC PLC-ის CEO.მეგრელიშვილს მადლობას ჯგუფის სამეთვალყურეო საბჭოს თავმჯდომარე არნე ბარგრენიც უხდის და სტივენსის მოსვლით, მენეჯმენტის გუნდის გაძლიერებისა და საბჭოს პრიორიტეტების შესრულების გაუმჯობესების იმედი აქვს.შეგახსენებთ, მეგრელიშვილი ჯგუფს 2020 წელს შეუერთდა, ჯერ მაისში CFO-ს მოადგილედ, იმავე წლის ოქტომბრიდან კი CFO-დ გადაინაცვლა. თიბისიში მისვლამდე, ამსტერდამის Natwest Markets N.V.-ის კაპიტალის რისკისა და სტრესის ტესტირების სამსახურს ხელმძღვანელობდა.

1778757372

ციფრული ტრანსფორმაციის ეპოქაში მონაცემები ბიზნესისა და ეკონომიკის განვითარების ერთ-ერთ მთავარ რესურსად იქცა. შესაბამისად, ყოველდღიურად იზრდება მოთხოვნა პროფესიონალებზე, რომლებიც შეძლებენ მონაცემების დამუშავებას, ანალიზსა და მათზე დაფუძნებული სტრატეგიული გადაწყვეტილებების მიღებას, მაშინ როცა საქართველოს ბაზარზე კვალიფიციური სპეციალისტების საჭიროება კვლავ მნიშვნელოვან გამოწვევად რჩება.სწორედ ამ საჭიროების საპასუხოდ, თიბისი IT აკადემიამ თიბისის Data გუნდთან თანამშრომლობით შექმნა GetData პროგრამა, რომელზეც მიღება უკვე მეორედ გამოცხადდა. პირველი ნაკადის კურსდამთავრებულებიდან 10 სტუდენტი უკვე თიბისის თანამშრომელია.რაც შეეხება Quality Engineering & Test Automation კურსს, პროგრამული უზრუნველყოფის ხარისხი თანამედროვე ბიზნესის წარმატების ერთ-ერთი მთავარი საფუძველია. ხარისხის ინჟინერია დღეს ერთ-ერთ ყველაზე მოთხოვნად და პერსპექტიულ პროფესიად ითვლება, რადგან კომპანიებს სჭირდებათ სპეციალისტები, რომლებიც უზრუნველყოფენ პროგრამების გამართულ მუშაობას, შეცდომების დროულ აღმოჩენასა და პროცესების ავტომატიზაციას. აღნიშნულ პროგრამაზე მიღება თიბისი IT აკადემიაში უკვე მე-14-ედ მიმდინარეობს. პროგრამას ჯამში 300-ზე მეტი მონაწილე ჰყავს და თიბისის ხარისხის უზრუნველყოფის გუნდის 43% სწორედ IT აკადემიის კურსდამთავრებულია.თიბისი აგრძელებს ტექნოლოგიური განათლების ხელმისაწვდომობის ზრდას და იმ ადამიანების მხარდაჭერას, რომლებიც საკუთარ მომავალს ინოვაციებსა და მუდმივ განვითარებას უკავშირებენ. თუ გჯერა, რომ შენი მომავალი ტექნოლოგიებშია და გსურს კარიერის დაწყება ერთ-ერთ ყველაზე მოთხოვნად სფეროში დარეგისტრირდი IT აკადემიის პროგრამებზე.

1778754479

შეხვედრა, რომელსაც წინ უსწრებდა დიპლომატიური კონტაქტების კვირები და ბაზრების მოლოდინები, ფოკუსირებულია სავაჭრო ურთიერთობებზე, ტექნოლოგიურ შეზღუდვებზე და რეგიონულ უსაფრთხოებაზე. თუმცა ანალიტიკოსები ამბობენ, რომ მთავარი კითხვა ასე ჟღერს: ეს არის რეალური გარდატეხის მცდელობა, თუ უბრალოდ სტრატეგიული „დროის მოგება“ ორივე მხარისთვის.მთავარი გზავნილებიტრამპმა შეხვედრის დაწყებისას განაცხადა, რომ აშშ მზად არის „გააღრმაოს ეკონომიკური თანამშრომლობა, თუ პირობები სამართლიანი იქნება“ და ხაზი გაუსვა ამერიკული კომპანიებისთვის ჩინეთის ბაზარზე „რეალური წვდომის“ აუცილებლობას.სი ძინპინმა თავის მხრივ აღნიშნა, რომ „კონფრონტაცია არ ემსახურება არცერთ მხარეს“ და რომ „ურთიერთპატივისცემასა და სტაბილურობას“ უნდა დაეფუძნოს ორმხრივი ურთიერთობები.ორივე ლიდერის განცხადებები ზომიერი და ფრთხილი იყო, რაც, ანალიტიკოსების აზრით, მიანიშნებს, რომ ამ ეტაპზე უფრო მნიშვნელოვანი პროცესის დაწყებაა, ვიდრე კონკრეტული შეთანხმებების გაფორმება.სავაჭრო ბალანსი და ტექნოლოგიური დაპირისპირებააშშ-სა და ჩინეთს შორის სავაჭრო ბრუნვა კვლავ ასობით მილიარდ დოლარს შეადგენს, თუმცა ურთიერთობა ბოლო წლებში ტარიფების, სანქციებისა და ტექნოლოგიური შეზღუდვების ფონზე დაძაბული რჩება.ვაშინგტონი ცდილობს შეზღუდოს ჩინეთის წვდომა მოწინავე ჩიპებზე და ხელოვნური ინტელექტის ტექნოლოგიებზე, მაშინ როდესაც პეკინი ამტკიცებს, რომ მსგავსი ზომები „ეკონომიკურ ზეწოლას“ წარმოადგენს.ანალიტიკოსების შეფასებით, თუ მხარეები შეთანხმდებიან ნაწილობრივ ტარიფების შემცირებაზე ან ტექნოლოგიური ექსპორტის რეჟიმის გადახედვაზე, ეს ბაზრებზე სწრაფ პოზიტიურ რეაქციას გამოიწვევს. თუმცა ამ ეტაპზე კონკრეტული ნაბიჯები არ გამოცხადებულა.ირანი, უკრაინა და უსაფრთხოების განზომილებამოლაპარაკებების ჩრდილში რჩება გლობალური უსაფრთხოების საკითხებიც. ვაშინგტონი ჩინეთისგან უფრო აქტიურ ქმედებებს ელოდება ირანთან დაკავშირებულ პროცესებში და უკრაინის ომთან მიმართებით.პეკინი კი ცდილობს წარმოაჩინოს თავი, როგორც სტაბილურობის მხარდამჭერი ძალა, თუმცა დასავლეთში კვლავ არსებობს ეჭვი, რომ ჩინეთი სტრატეგიულად სარგებლობს დასავლეთის რესურსების გადანაწილებით.შედეგებიშეხვედრის პირველადი შედეგი უფრო პოლიტიკური სიგნალია, ვიდრე ხელშესახები შეთანხმება. ოფიციალური კომუნიკაცია ტონს არბილებს და „სტაბილიზაციაზე“ მიანიშნებს; ბაზრებმა ფრთხილი ოპტიმიზმით უპასუხეს; კონკრეტული ეკონომიკური პაკეტი ან შეთანხმება ჯერ არ გამოცხადებულა. დიპლომატიური წყაროების შეფასებით, მხარეები ცდილობენ თავიდან აიცილონ ურთიერთობების კიდევ უფრო გაუარესება, განსაკუთრებით აშშ-ის შიდა პოლიტიკური ციკლისა და ჩინეთის ეკონომიკური გამოწვევების ფონზე.აშშ-ჩინეთის ურთიერთობები ბოლო ათწლეულში კონკურენციის ფაზაში შევიდა: სავაჭრო ომებიდან ტექნოლოგიურ შეზღუდვებამდე და ინდო-წყნარი ოკეანის რეგიონში სამხედრო ბალანსის საკითხებამდე.ტრამპის ადმინისტრაციის პერიოდში დაწყებული ტარიფების პოლიტიკა დღემდე მნიშვნელოვან გავლენას ახდენს ორმხრივ ეკონომიკურ ურთიერთობებზე. ჩინეთის ეკონომიკა სულ უფრო ნელდება და უძრავი ქონების სექტორის პრობლემებს ებრძვის, რაც პეკინს სტაბილური საგარეო პოლიტიკის შენარჩუნებისკენ უბიძგებს.ორივე ლიდერმა აჩვენა მზადყოფნა დიალოგისთვის, თუმცა სისტემური კონკურენცია ტექნოლოგიებში, უსაფრთხოებაში და გლობალურ გავლენაში უცვლელი რჩება.ახლა მთავარი კითხვა არის არა ის, დაიწყება თუ არა დიალოგი, არამედ, გადაიქცევა თუ არა ის რეალურ ეკონომიკურ და პოლიტიკურ შეთანხმებებად.

1778752786

აღნიშნული გადაწყვეტილება ქვეყანაში საგრანტო სისტემის გაუქმებასა და სახელმწიფო უნივერსიტეტებში სწავლის სრული დაფინანსების ახალ მოდელზე გადასვლას უკავშირდება.განათლების მინისტრის მოადგილის ზვიად გაბისონიას განცხადებით, მერიის პროგრამა, რომლის ბიუჯეტი დაახლოებით 3 მილიონ ლარს შეადგენს, აქამდე სოციალურად დაუცველი სტუდენტების სწავლის საფასურს ფარავდა. მას შემდეგ, რაც სახელმწიფო უმაღლეს სასწავლებლებში სწავლა უფასო გახდა, აღნიშნული რესურსი, დიდი ალბათობით, სტუდენტთა სტიპენდიების მხარდაჭერას მოხმარდება. ოპტიმალური მოდელის შესამუშავებლად მერია სამინისტროსთან და უნივერსიტეტებთან ერთად აგრძელებს მუშაობას.პარალელურად, პარლამენტი დაჩქარებული წესით განიხილავს საკანონმდებლო ცვლილებებს იმ სტუდენტებისთვის, რომლებმაც სწავლა 2025 წლის 17 დეკემბრამდე დაიწყეს. ახალი ინიციატივის თანახმად, მათ არა მხოლოდ შეუნარჩუნდებათ უკვე მოპოვებული დაფინანსება 2030-2031 სასწავლო წლის ჩათვლით, არამედ მიეცემათ მისი მოპოვებისა და გაუმჯობესების შესაძლებლობაც ძველი პირობებით. სამინისტროში განმარტავენ, რომ უმაღლესი განათლების მხარდაჭერისთვის განკუთვნილი ყველა პროგრამა მაქსიმალურად შენარჩუნდება სასტიპენდიო სისტემის გასაძლიერებლად.

1778747276

ეს არის The POLITICO Poll-ის სასტიკი შეფასება, რომელიც Public First-მა ჩაატარა. გამოკითხვაში მონაწილეობა მიიღო 2000-ზე მეტმა ადამიანმა გაერთიანებული სამეფოს მასშტაბით, გასულ კვირას გამართული ადგილობრივი არჩევნების შემდეგ.POLITICO წერს, რომ იმ ფონზე, როდესაც ბრიტანეთის პრემიერ-მინისტრი თავის პოსტს ძალზე სუსტად ეჭიდება, რესპონდენტთა მხოლოდ 6%-მა განაცხადა, რომ ლეიბორისტებმა ქვეყანა უკეთესობისკენ იმაზე მეტად შეცვალეს, ვიდრე ამის იმედი ჰქონდათ. მიუხედავად ამისა, 31% მიიჩნევს, რომ სტარმერმა და მისმა გუნდმა ქვეყანა სწორი მიმართულებით შეცვალეს, „მაგრამ არა საკმარისად“, ნახევარზე მეტი - 56% - ამბობს, რომ ლეიბორისტებმა 2024 წელს ძალაუფლების მოპოვების შემდეგ ან საერთოდ არაფერი შეცვალეს, ან ქვეყანა უარესობისკენ წაიყვანეს.თითქმის ამდენივემ – 53%-მა განაცხადა, რომ ლეიბორისტებს ხელახალი არჩევის რეალური შანსი არ აქვთ, როდესაც არ უნდა ჩატარდეს შემდეგი არჩევნები.ნაიჯელ ფარაჯის ნაციონალისტური პარტიის Reform UK-ის შემთხვევაში კი, ვერდიქტი მკვეთრად უფრო პოზიტიურია. ფარაჯი არა მხოლოდ აშკარად უფრო პოპულარულია, ვიდრე სტარმერი, მისი პარტია აღიქმება როგორც ძალა, რომელიც უფრო წარმატებით გაუმკლავდება ბრიტანეთის წინაშე არსებულ ძირითად გამოწვევებს - მოსახლეობის 65%-ს სჯერა, რომ „რეფორმისტებს“ ახლა ხელისუფლების მოპოვების „რეალური შანსი“ აქვთ.შედეგები მიუთითებს, რომ ფარაჯის Reform UK-მა შეძლო გარღვევა და საზოგადოების თვალში ბევრად უფრო სანდო პოლიტიკურ მოძრაობად იქცა, ვიდრე 2024 წლის არჩევნებამდე იყო.„ლეიბორისტულმა პარტიამ კამპანია აწარმოვა „ცვლილებების“ დაპირებით, მაგრამ ახლა ძალიან ცოტა ადამიანი გრძნობს, რომ მათ ეს დაპირება შეასრულეს“, - განაცხადა სებ რაიდმა, Public First-ის კვლევების ხელმძღვანელმა. – „აქედან გამომდინარე, მათ გზა გაუხსნეს „რეფორმისტებს“, რათა ამ უკანასკნელთ საკუთარ თავზე მოირგონ ცვლილებების ნარატივი“.გამოკითხვა იმ დროს ქვეყნდება, როდესაც სტარმერი საკუთარი პარტიის შიგნით დაუნინგ სტრიტიდან მისი გაძევებისკენ მიმართული კამპანიის წინაშე დგას. თვეების განმავლობაში მიმდინარე სკანდალებისა და შეცდომების შემდეგ, რაც გასულ კვირას უელსში, შოტლანდიასა და ინგლისის ადგილობრივ საბჭოებში მძიმე მარცხით დასრულდა, სტარმერის კოლეგები მისი ჩანაცვლების გეგმას აწყობენ. თუმცა, ცუდი ამბავი მისთვის, ვინც პრემიერის პოსტს დაიკავებს, არის ის, რომ კვლევის თანახმად, ლეიბორისტული პარტიის იმიჯი სერიოზულად არის შელახული.მხოლოდ 21%-ს სჯერა, რომ ლეიბორისტებს სტარმერის ლიდერობით შეუძლიათ ამ ვარდნიდან ამოსვლა, ხოლო თითქმის ყოველი მესამე - 30% მიიჩნევს, რომ პარტია მდგომარეობას ვერ გამოასწორებს, თუ პრემიერ-მინისტრი არ შეიცვლება. იმ შემთხვევაშიც კი, თუ ლეიბორისტები სტარმერს ჩაანაცვლებენ, 38% ამბობს, რომ პარტია მაინც ვერ შეძლებს პოზიციების აღდგენას.„ლეიბორისტების ნებისმიერ ახალ ლიდერს დასჭირდება საზოგადოების დარწმუნება იმაში, რომ ისინი მართლაც რაღაც ახალს სთავაზობენ“, - თქვა რაიდმა. – „ლეიბორისტების დარჩენილი მხარდამჭერების უმეტესობა ფიქრობს, რომ მათ 2024 წელს ისედაც შეუძლებელი ამოცანა იკისრეს. აქედან გამომდინარე, მდგომარეობა კიდევ უფრო რთულად გამოიყურება“.გაერთიანებული სამეფოს წინაშე არსებულ საკვანძო გამოწვევებთან ბრძოლაში, ლეიბორისტები ახლა ყველა მიმართულებით ჩამორჩებიან Reform UK-ს.როდესაც ინგლისში რესპონდენტებს ჰკითხეს, რომელი პარტია „შეასრულებდა სამუშაოს საუკეთესოდ“, „რეფორმისტებმა“ ლეიბორისტებს აჯობეს: ცხოვრების ხარჯების შემცირებაში (27% vs 23%); არალეგალურ მიგრაციასთან ბრძოლაში (48% vs 19%); კრიმინალთან გამკლავებაში (34% vs 23%) და ეკონომიკის გაუმჯობესებაში (25% vs 23%). საერთაშორისო ურთიერთობების სფეროშიც კი, სადაც სტარმერმა ქება დაიმსახურა, ლეიბორისტები ახლა ჩამორჩებიან „რეფორმისტებს“: ირანის კრიზისზე რეაგირებისას (28% vs 26%) და აშშ-ის პრეზიდენტ დონალდ ტრამპთან ურთიერთობისას (34% vs 25%). ეს ციფრები ბოლო ორი წლის განმავლობაში არსებული სურათის დრამატულ ცვლილებას წარმოადგენს.2024 წლის მაისში, ლეიბორისტების გამარჯვებამდე ორი თვით ადრე, სტარმერის პარტია უსწრებდა ფარაჯის გუნდს ისეთ საკითხებში, თუ ვინ უკეთ გაუმკლავდებოდა ცხოვრების ხარჯებს (რეფორმისტები 8%, ლეიბორისტები 42%); კრიმინალს (რეფორმისტები 10%, ლეიბორისტები 36%) და მიგრაციასაც კი (რეფორმისტები 16%, ლეიბორისტები 35%).„2024 წლის არჩევნებამდე „რეფორმისტები“ შესაძლოა მხოლოდ საპროტესტო ხმებად ყოფილიყვნენ აღქმულნი“, - ამბობს რაიდი. – „ორი წლის შემდეგ, ისინი არა მხოლოდ ადგილობრივ არჩევნებს იგებენ, არამედ ეროვნულ საკითხებზე ჩატარებულ გამოკითხვებშიც ლიდერობენ. მათ გარღვევა მოახდინეს, როგორც მემარჯვენე ფლანგის სანდო პარტიამ“.

1778747001

დიპლომატიური წარმომადგენლობის ცნობით, ეს ნაბიჯი მიუთითებს ორივე ქვეყნის მზადყოფნაზე, გააფართოონ ეკონომიკური კავშირები და ხელი შეუწყონ სამხრეთ კავკასიაში მდგრად მშვიდობასა და კეთილდღეობას. ვაშინგტონი დადებითად აფასებს სომხეთსა და თურქეთს შორის თანამშრომლობის გაღრმავებისკენ მიმართულ ძალისხმევას, რომელიც რეგიონის ყველა ხალხისთვის სარგებლის მომტანი იქნება.ერთი დღით ადრე თურქეთის საგარეო საქმეთა სამინისტროს ოფიციალურმა წარმომადგენელმა განაცხადა, რომ ანკარამ და ერევანმა დაასრულეს მზადება ორ ქვეყანას შორის პირდაპირი ვაჭრობის დაწყებისთვის.მისი თქმით, 2022 წლიდან მიმდინარე ურთიერთობების ნორმალიზაციის პროცესის ფარგლებში, 2026 წლის 11 მაისის მდგომარეობით, პირდაპირი ვაჭრობის დაწყებისთვის აუცილებელი მზადება დასრულებულია. ამასთან, გრძელდება საჭირო ტექნიკური სამუშაოები საერთო საზღვრის გახსნასთან დაკავშირებით.

1778746177