BOG-ის ინოვაციური ბიბლიოთეკები ქმნის განათლებისა და შემეცნების შესაძლებლობას 18 000-ზე მეტი მოსწავლისთვის

უწყების ინფორმაციით, გასულ წელს, ქართული ღვინო ევროპის ქვეყნებიდან ყველაზე დიდი რაოდენობით პოლონეთში გაიყიდა, სადაც 6,8 მლნ ლიტრი ღვინო იყო ექსპორტირებული. მეორე ადგილზეა გერმანია - 1,3 მლნ ლიტრი, შემდეგ ლატვია - 1,2 მლნ ლიტრი, ლიეტუვა - 703,5 ათასი ლიტრი, დიდი ბრიტანეთი - 327,7 ათასი ლიტრი, ესტონეთი 271 ათასი ლიტრი და ა.შ."ექსპორტის ზრდა აღსანიშნავია მეღვინეობით სახელგანთქმულ ისეთ ქვეყანაში, როგორიც საფრანგეთია, სადაც ქართულ ღვინოზე, განსაკუთრებით კი, ქვევრის ღვინოზე, მოთხოვნა  მუდმივად მზარდია: 2025 წელს ექსპორტირებული იყო 133 ათასამდე ლიტრი; ზრდამ, 2024 წელთან შედარებით, 63% შეადგინა.ღვინის ეროვნული სააგენტოს საქმიანობის ერთ-ერთ ძირითად მიმართულებას საერთაშორისო ბაზრებზე ქართული ღვინის პოპულარიზაცია და ცნობადობის ამაღლება წარმოადგენს. ევროპის ქვეყნებიდან ქართული ღვინის სტრატეგიული ბაზრებია დიდი ბრიტანეთი, გერმანია და პოლონეთი, ასევე პრიორიტეტულია სკანდინავიის ქვეყნები, სადაც სააგენტო ბაზრების დივერსიფიცირების მიზნით, სარეკლამო-მარკეტინგულ კამპანიებს ახორციელებს. ღვინის ეროვნული სააგენტოს ფინანსური მხარდაჭერით, ქართული ღვინის კომპანიები მონაწილეობენ ევროპის ყველა მნიშვნელოვან ღვინისა და ალკოჰოლიანი სასმელების საერთაშორისო გამოფენებში", - ნათქვამია სააგენტოს მიერ გავრცელებულ ინფორმაციაში. 

1768478909

„როგორც მოგეხსენებათ, 2025 წლის 1 დეკემბერს დიდი ბრიტანეთის საჯარო წყაროებიდან დაფინანსებულმა ტელევიზიამ BBC გამოაქვეყნა ფილმი და დაკავშირებული სხვა პუბლიკაციები, რომლებიც შეიცავენ მძიმე, საზიანო და კატეგორიულ ბრალდებებს, მათ შორის, საქართველოს ხელისუფლების მხრიდან პირველი მსოფლიო ომის დროინდელი ქიმიური იარაღი „კამიტის“ თითქოსდა გამოყენების შესახებ. აღნიშნული ბრალდებები არის ცრუ, დაუსაბუთებელი და ცილისმწამებლური.ბრალდებების აბსურდულობა, დარღვევებისა და არაკეთილსინდისიერი ქმედებების ხასიათი და მასშტაბი, გვაფიქრებინებს, რომ საქმე გვაქვს პოლიტიკურ კამპანიასთან, რომლის მიზანია წინასწარ განსაზღვრული ყალბი ნარატივით საქართველოს ხელისუფლების რეპუტაციული დაზიანება. გამოყენებული მასალების სანდოობის ხარისხი და მათი საზოგადოებისთვის წარდგენის ფორმა კი ააშკარავებს, რომ პუბლიკაციები მიზნად ისახავს საზოგადოებრივი აღქმისა და პოლიტიკური ნარატივის ფორმირებას, და არა აუდიტორიის ინფორმირებას ზუსტი, დაბალანსებული და სათანადოდ წყაროებზე დაფუძნებული ჟურნალისტიკის გზით. აღნიშნული ყალბი ნარატივი შემდგომში გავრცელდა და გაძლიერდა მრავალი მაღალი რანგის უცხოელი ოფიციალური პირის თუ შიდა პოლიტიკური აქტორის მიერ და გამოიყენება როგორც პოლიტიკურად მოტივირებული თავდასხმის ინსტრუმენტი საქართველოს მმართველი პოლიტიკური პარტიის „ქართული ოცნების“ წინააღმდეგ.აქედან გამომდინარე, BBC-ის ცილისმწამებლური პუბლიკაციების გამოსვლის დღესვე ჩვენს მიერ გაცხადებული განზრახვის შესაბამისად, პარტია „ქართული ოცნება - დემოკრატიული საქართველოს“ სახელით გუშინ, ოფიციალური საჩივრით მივმართეთ BBC-ის.რაც შეეხება საჩივრის დასაბუთებას და ჩვენს მოთხოვნას.აღნიშნული ფილმი და თანმხლები პუბლიკაციები შეიცავს სერიოზულ და დაუდასტურებელ ბრალდებებს, რომლებიც არღვევს თავად BBC-ის სარედაქციო სტანდარტებს, დიდი ბრიტანეთის კომუნიკაციების მარეგულირებელი ბიუროს (ოფკომი) მაუწყებლობის კოდექსს და პასუხისმგებლობიანი ჟურნალისტიკის ფუნდამენტურ პრინციპებს.პირველ რიგში, საქმე გვაქვს სიზუსტის ვალდებულების უხეშ დარღვევასთან. BBC-იმ მის პუბლიკაციებში ფაქტად წარმოადგინა მტკიცება, თითქოს საქართველოს სამართალდამცავმა ორგანოებმა საპროტესტო აქციების დროს გამოიყენეს ქიმიური ნივთიერება „კამიტი“. ეს მტკიცება არ ეფუძნება არც ერთ გადამოწმებულ, დამოუკიდებელ ან სანდო წყაროს. პირიქით, ჩატარებული გამოძიების შედეგად დადასტურდა, რომ აღნიშნული ნივთიერება შინაგანს საქმეთა სამინისტროს არათუ არასდროს გამოუყენებია, ის მას მფლობელობაშიც არასდროს ჰქონია.BBC თავის პუბლიკაციებში ასევე მცდარად წარმოაჩენს ფაქტებს ისე, თითქოს შეკრებების მონაწილეები სამართალდამცავი ორგანოების მიმართ ძალადობრივ ქმედებებს არ ახორციელებდნენ, და მიუხედავად ამისა სამართალდამცავმა ორგანოებმა მაინც დაშალეს შეკრებები.გარდა ამისა, BBC ცრუდ და სანდო მტკიცებულებების გარეშე ამტკიცებს, თითქოს „ქართული ოცნების“ საპატიო თავმჯდომარე, ბიძინა ივანიშვილი, მონაწილეობდა 2024 წლის ნოემბერ-დეკემბერში გამართული ძალადობრივი შეკრებების დაშლასთან დაკავშირებულ გადაწყვეტილებების მიღების პროცესში.მეორე მნიშვნელოვანი პრობლემა არის მიუკერძოებლობის დარღვევა. პროგრამა ავითარებს აშკარად ერთმხრივ ნარატივს და საქართველოს ხელისუფლებას წარმოაჩენს როგორც ძალადობრივი ქმედებების ორგანიზატორს, „პრორუსულს“, „რუსული ინტერესების მხარეს მდგომს“ და ა.შ. ამავე დროს, იგნორირებულია ხელისუფლების პოზიცია, სამართალდამცავი ორგანოების ოფიციალური განმარტებები და ის კონტექსტი, რომელიც აუცილებელია მოვლენების ობიექტურად გასაანალიზებლად.მესამე საკითხი ეხება სამართლიანობისა და პასუხის უფლების უგულებელყოფას. BBC-მ საქართველოს ხელისუფლებას მძიმე ბრალდებებთან დაკავშირებით მიმართა ეთერამდე მხოლოდ რამდენიმე დღით ადრე. ეს პრაქტიკა ეწინააღმდეგება თავად BBC-ის სარედაქციო წესებს, რომლებიც მძიმე და რეპუტაციისთვის დამაზიანებელი ბრალდებების შემთხვევაში ითხოვს რეალურ კომუნიკაციას ადეკვატური ვადის დაცვით.ასევე მნიშვნელოვანია აღინიშნოს ცილისწამების ელემენტები. პროგრამაში გამოყენებულია კონკრეტული პირების განცხადებები, რომელთა სანდოობა, ინტერესთა კონფლიქტი და წარსული არ არის გამჟღავნებული აუდიტორიისთვის. შედეგად, მაყურებელი იღებს დამახინჯებულ სურათს, სადაც ვარაუდები და ჰიპოთეზები წარმოდგენილია როგორც დადასტურებული ფაქტები.საჩივარი სრულად ეყრდნობა BBC-ის სარედაქციო პრინციპებს, ბრიტანეთის კომუნიკაციის ბიუროს მაუწყებლობის კოდექსს, ასევე ადამიანის უფლებათა ევროპული სასამართლოს პრაქტიკას, რომელიც მკაფიოდ ადგენს, რომ მძიმე ბრალდებების გავრცელებისას ჟურნალისტს ეკისრება უმაღლესი სიზუსტის, გადამოწმებისა და სამართლიანობის ვალდებულება.ჩვენი საჩივრით მოთხოვნილი გვაქვს: ფილმისა და მასთან დაკავშირებული მასალების აღება შესაბამისი პლატფორმებიდან BBC-ის მხრიდან საჯარო და მკაფიო ბოდიშის მოხდა, ფაქტობრივი საფუძვლის გარეშე ვარაუდისა და მტკიცებისთვის, თითქოს საქართველოს სამართალდამცავმა ორგანოებმა გამოიყენეს „კამიტი“ ფაქტობრივი საფუძვლის გარეშე ინფორმაციის გავრცელებისთვის, თითქოს საქართველოს სამართალდამცავმა ორგანოებმა ფიზიკური ძალა გამოიყენეს იმ პირობებში, როდესაც შეკრებების მონაწილეები მათზე თავდასხმას არ ახორციელებდნენ ფაქტობრივი საფუძვლის გარეშე გაკეთებული მტკიცებისთვის, თითქოს „ქართული ოცნების“ ინტერესები რუსეთის ინტერესებთან თანხვედრაშია ფაქტობრივი საფუძვლის გარეშე ინფორმაციის გავრცელებისთვის, თითქოს „ქართული ოცნების“ საპატიო თავმჯდომარე მონაწილეობდა ძალადობრივი შეკრებების დაშლის შესახებ გადაწყვეტილებებში აქვე განვმარტავ, რომ დიდი ბრიტანეთის კანონმდებლობის შესაბამისად დაწესებულია გასაჩივრების თანმიმდევრობა, რომლის მიხედვითაც დაზარალებულმა ჯერ უნდა მიმართოს თავად მედიას, რაც ჩვენ ჩვენი გუშინდელი საჩივრით გავაკეთეთ.თუ BBC თავად არ გამოასწორებს დარღვევას, შემდეგი ეტაპი არის ბრიტანეთის კომუნიკაციების ბიუროსადმი (ოფკომს) მიმართვა. თუ იქაც არ აღმოიფხვრა დარღვევა, ამის შემდეგ გვექნება შესაძლებლობა მივმართოთ დიდი ბრიტანეთის სასამართლოს.საქართველოს წინააღმდეგ ამ საძაგელი კამპანიის მხილებისთვის ჩვენ ყველა სამართლებრივ საშუალებას გამოვიყენებთ, მათ შორის, ადამიანის უფლებათა ევროპულ სასამართლოსადმი მიმართვის უფლებას“, - განაცხადა პაპუაშვილმა.

1768476881

კერძოდ, სულხან გვალიამ, რომელიც ამჟამად ასრულებს LFG-სა და საქართველოს ბანკის ფინანსური დირექტორის (CFO) მოვალეობას, 2026 წლის მარტიდან გადაწყვიტა დატოვოს აღმასრულებელი რანგის პოზიცია და  ჯგუფში 20-წლიანი საქმიანობის შემდეგ, “ცხოვრების ახალ ეტაპზე გადავიდა“. იგი დარჩება ჯგუფის სხვადასხვა შვილობილი კომპანიის, მათ შორის სომხეთში მოქმედი საბანკო შვილობილი კომპანიის — Ameriabank-ის, სამეთვალყურეო საბჭოების არაღმასრულებელ წევრად.სულხან გვალიას გიორგი შაგიძე შეცვლის, რომელიც დაინიშნება ჯგუფის ფინანსურ დირექტორად (Group CFO), პასუხისმგებელი იქნება ჯგუფის ფინანსებზე და საერთაშორისო ზრდაზე, და ამავე დროს გახდება საქართველოს ბანკის გენერალური დირექტორის მოადგილე და ფინანსური დირექტორი (მარეგულირებლის თანხმობის მიღების პირობით).გიორგი ჯგუფს მოლდოვის უდიდესი ბანკის, maib-ის, გენერალური დირექტორის პოზიციიდან უერთდება. 2021 წლიდან იგი ხელმძღვანელობდა ბანკის მასშტაბურ აგილურ და ციფრულ ტრანსფორმაციას, გააძლიერა ციფრული შესაძლებლობები, დანერგა მომხმარებელზე ორიენტირებული კულტურა და უზრუნველყო ძლიერი და სტაბილური ფინანსური შედეგები, ბაზრის წილისა და ციფრული ჩართულობის მნიშვნელოვანი ზრდის პარალელურად. ამ ყოვლისმომცველმა ტრანსფორმაციამ მნიშვნელოვნად გააძლიერა ბანკის ინსტიტუციური მდგრადობა და გრძელვადიანი ღირებულება, - ასე ახასიათებს ჯგუფი მას.შაგიძის საბანკო გამოცდილება მოიცავს TBC Bank Group-ის გენერალური დირექტორის მოადგილისა და ფინანსური დირექტორის პოზიციებს, სადაც მან მნიშვნელოვანი როლი ითამაშა ჯგუფის IPO-ში და უზბეკეთში გაფართოების საწყის ეტაპებში. მან ასევე იმუშავა Barclays PLC-ში გლობალური ოპერაციების აღმასრულებელ პოზიციაზე. გიორგი ფლობს კემბრიჯის უნივერსიტეტის MBA ხარისხს, არის CFA-ის ქარტიის მფლობელი და სტენფორდის ბიზნესის უმაღლესი სკოლის Stanford Executive Program-ის კურსდამთავრებული.ამასთან, გიორგი გურეშიძე, რომელიც 2025 წლის მარტიდან წარმატებით ხელმძღვანელობს საქართველოს ბანკის მასობრივი საცალო ბანკინგის მიმართულებას, დაწინაურდა გენერალური დირექტორის მოადგილის პოზიციაზე (მარეგულირებლის თანხმობის მიღების პირობით).„მინდა მადლობა გადავუხადო სულხანს ერთგული სამსახურისა და ჩვენი წარმატებისთვის შეტანილი ფასდაუდებელი წვლილისთვის. იგი იყო აღმასრულებელი გუნდის მნიშვნელოვანი წევრი, რომელიც წარმატებით ხელმძღვანელობდა ფინანსურ ფუნქციას და დიდ როლს ასრულებდა ჩვენი ბიზნესისა და კორპორაციული კულტურის ჩამოყალიბებაში. მოხარული ვარ, რომ ის ჯგუფში არაღმასრულებელი როლით დარჩება“, - აცხადებს ჯგუფისა და საქართველოს ბანკის გენერალური დირექტორი, არჩილ გაჩეჩილაძე.ის შაგიძის მისვლასაც ეხმიანება და აცხადებს, რომ მისი ახალი როლი კონცენტრირებული იქნება ფინანსური ფუნქციის გაძლიერებასა და საერთაშორისო ზრდის შესაძლებლობების რეალიზებაზე. „დარწმუნებული ვარ, მისი ხედვა, ლიდერული თვისებები და რეგიონის სიღრმისეული ცოდნა მნიშვნელოვნად გაამდიდრებს ჩვენს გუნდს“.

1768467003

2026 წლის 21 იანვრიდან სახელმწიფო დეპარტამენტი დროებით აჩერებს ყველა საიმიგრაციო ვიზის გაცემას ათეულობით ქვეყანაზე, რომელთა შორის არის საქართველო.„სახელმწიფო დეპარტამენტის ვებგვერდიდან (Travel. State. Gov): ინფორმაცია საიმიგრაციო ვიზების შესახებ იმ ქვეყნის მოქალაქეებისთვის, რომლებიც საზოგადოებრივი სარგებლის გამოყენების მაღალ რისკს წარმოადგენენბოლო განახლება: 2026 წლის 14 იანვარსპრეზიდენტმა ტრამპმა მკაფიოდ განაცხადა, რომ იმიგრანტები უნდა იყვნენ ფინანსურად თვითკმარნი და არ უნდა წარმოადგენდნენ ფინანსურ ტვირთს ამერიკელი გადასახადის გადამხდელებისთვის. სახელმწიფო დეპარტამენტი ახორციელებს ყველა პოლიტიკის, რეგულაციისა და სახელმძღვანელო დოკუმენტის სრულ გადახედვას, რათა უზრუნველყოს, რომ მაღალი რისკის მქონე ქვეყნებიდან ჩამოსული იმიგრანტები არ გამოიყენებენ სოციალურ დახმარებას შეერთებულ შტატებში და არ გახდებიან საჯარო ტვირთი.2026 წლის 21 იანვრიდან სახელმწიფო დეპარტამენტი დროებით აჩერებს ყველა საიმიგრაციო ვიზის გაცემას შემდეგი ქვეყნების მოქალაქეებისთვის:ავღანეთი, ალბანეთი, ალჟირი, ანტიგუა და ბარბუდა, სომხეთი, აზერბაიჯანი, ბაჰამის თანამეგობრობა, ბანგლადეში, ბარბადოსი, ბელარუსი, ბელიზი, ბუტანი, ბოსნია და ჰერცეგოვინა, ბრაზილია, მიანმარი, კამბოჯა, კამერუნი, კაბო ვერდე, კოლუმბია, კოტ დივუარი, კუბა, კონგოს რესპუბლიკა, დომინიკის თანამეგობრობა, ეგვიპტე, ერიტრეა, ეთიოპია, ფიჯი, გამბია, საქართველო, განა, გრენადა, გვატემალა, გვინეა, ჰაიტი, ირანი, ერაყი, იამაიკა, იორდანია, ყაზახეთი, კოსოვო, ქუვეითი, ყირგიზეთი, ლაოსი, ლიბანი, ლიბერია, ლიბია, მოლდოვა, მონღოლეთი, მონტენეგრო, მაროკო, ნეპალი, ნიკარაგუა, ნიგერია, ჩრდილოეთ მაკედონია, პაკისტანი, კონგოს დემოკრატიული რესპუბლიკა, რუსეთი, რუანდა, სენტ-კიტსი და ნევისი, სენტ-ლუსია, სენტ ვინსენტი და გრენადინები, სენეგალი, სიერა ლეონე, სომალი, სამხრეთ სუდანი, სუდანი, სირია, ტანზანია, ტაილანდი, ტოგო, ტუნისი, უგანდა, ურუგვაი, უზბეკეთი და იემენი.ხშირად დასმული შეკითხვებირა ბედი ეწევა ჩემს საიმიგრაციო ვიზის გასაუბრების თარიღს?საიმიგრაციო ვიზა აპლიკანტებს, რომლებიც ზემოთ აღნიშნული ქვეყნების მოქალაქეები არიან, შეუძლიათ განაცხადის წარდგენა და გასაუბრებაზე დასწრება. დეპარტამენტი გააგრძელებს გასაუბრების თარიღების ჩანიშვნას, თუმცა პაუზის პერიოდში ამ მოქალაქეებზე საიმიგრაციო ვიზები არ გაიცემა.არსებობს თუ არა გამონაკლისები?ორმაგი მოქალაქეობის მქონე პირებზე, რომლებიც განაცხადს წარადგენენ იმ ქვეყნის მოქმედი პასპორტით, რომელიც ზემოთ ჩამოთვლილ სიაში არ შედის, ეს პაუზა არ გავრცელდება.ექნება თუ არა გავლენა ამ პაუზას ჩემს ამჟამად მოქმედ ვიზაზე?არა. ამ მითითების ფარგლებში არც ერთი საიმიგრაციო ვიზა არ გაუქმებულა. შეერთებულ შტატებში შესვლასთან დაკავშირებული შეკითხვებით, გთხოვთ, მიმართოთ შიდა უსაფრთხოების დეპარტამენტს (DHS).ეს პაუზა ვრცელდება თუ არა ტურისტულ ვიზებზე?არა. ეს პაუზა ვრცელდება მხოლოდ საიმიგრაციო ვიზა აპლიკანტებზე. ტურისტული ვიზები არასაიმიგრაციო ვიზებია“, - ნათქვამია ინფორმაციაში.

1768465620

„ასეთი გეგმა არ მაქვს“, – უპასუხა ტრამპმა სააგენტო REUTERS-ს კითხვაზე, აპირებს თუ არა პაუელის გათავისუფლებას თანამდებობიდან.„ჩვენ ახლა ჰაერში გამოკიდებულ მდგომარეობაში ვართ მასთან დაკავშირებით და გადავწყვეტთ, რას გავაკეთებთ. დეტალებზე არ ვისაუბრებ. ძალიან ადრეა, ძალიან ადრეა“, – განაცხადა ტრამპმა.მანამდე პრეზიდენტი დონალდ ტრამპი მკაცრად აკრიტიკებდა ჯერომი პაუელს, რომელსაც „კრეტინი“ უწოდა და განაცხადა, რომ მან შესაძლოა უახლოეს მომავალში დატოვოს თანამდებობა.ფედრეზერვის ხელმძღვანელობის ვადა პაუელს მაისში ეწურება, თუმცა მას შეუძლია 2028 წლამდე არ გადადგეს მმართველთა საბჭოს თავმჯდრომარეობიდან.

1768464278

მებაჟე ოფიცრის მიერ, ეჭვის საფუძველზე, უცხო ქვეყნის მოქალაქეების, როგორც ფიზიკური, ასევე მათი ბარგის დეტალური დათვალიერების შედეგად, სამგზავრო ჩანთაში და სხეულზე მალულად განთავსებული 78 აბი აკრძალული მედიკამენტები („მეტამფეტამინი" და „პრეგაბალინი"), ასევე 2 გრამზე მეტი ნარკოტიკული საშუალება ,,კოკაინი" გამოავლინეს.საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს შესაბამის სამსახურს გადაეცა.

1768462145

დამატებით, მცირე კლება ფიქსირდება HHI ინდექსსა და წამყვანი კომპანიების საბაზრო წილებში. ამასთან, სახეზეა პროდუქტზე საშუალო ფასების ზრდის ტენდენცია: 2020-2022 წლებში საშუალო ფასის კლების შედეგად, ყველაზე დაბალი ფასი 2022 წელს - კგ-ზე ₾13-მდე დაფიქსირდა.ექსპორტის ღირებულება 2024 წლისათვის ₾17-მდე გაიზარდა, ხოლო 2025 წელს 1 კგ-ის ფასმა ₾23.4 შეადგინა, რაც წინა წლის 10 თვის მაჩვენებელთან შედარებით 35%-იანი ზრდაა.სააგენტოს შეფასებით, თხილის ბაზარზე არ იკვეთება კონკურენციის კანონმდებლობის დარღვევის რისკები - ბაზრის ექსპორტის დონე ხასიათდება კონცენტრაციის დაბალი ხარისხით, ექსპორტიორი ეკონომიკური აგენტების სიმრავლით და ადგილი არ აქვს დომინანტურ მდგომარეობას.კონკურენტული გარემოს შეფასების მიზნით, საქართველოს კონკურენციისა და მომხმარებლის დაცვის სააგენტომ თხილის ბაზრის მონიტორინგი 2023 წელს დაიწყო. საქართველოდან თხილის ექსპორტი ყველაზე დიდი ოდენობით იტალიაში ხორციელდება, შემდეგ მოდის - გერმანია, ესპანეთი, სომხეთი და სხვ.GCCA თხილის, ისევე როგორც სხვა სტრატეგიულად მნიშვნელოვანი ბაზრების მონიტორინგს განაგრძობს.

1768462039

ოთხშაბათს, 14 იანვარს, ოვალურ კაბინეტში გამართულ შეხვედრაზე ტრამპმა აღნიშნა, რომ რუსეთის პრეზიდენტი ვლადიმერ პუტინი მზად არის დაასრულოს უკრაინაში თითქმის ოთხწლიანი ომი. აშშ-ის პრეზიდენტის თქმით, უკრაინის პრეზიდენტი ვოლოდიმირ ზელენსკი უფრო მეტ თავშეკავებას იჩენს. „ვფიქრობ, პუტინი მზად არის შეთანხმებისთვის, უკრაინა კი — ნაკლებად“, - განაცხადა ტრამპმა.Reuters-ის ჟურნალისტის კითხვაზე, თუ რატომ ვერ მოხერხდა აშშ-ის ეგიდით მიმდინარე მოლაპარაკებების შედეგად მეორე მსოფლიო ომის შემდგომ ევროპაში ყველაზე მასშტაბური სახმელეთო კონფლიქტის მოგვარება, ტრამპმა მოკლედ უპასუხა: „ზელენსკი“.Reuters წერს, რომ პრეზიდენტის ეს კომენტარი მიანიშნებს უკრაინის ლიდერის მიმართ განახლებულ უკმაყოფილებაზე. ზელენსკისა და ტრამპს შორის ურთიერთობა კარგა ხანია არასტაბილურია, თუმცა, ტრამპის პრეზიდენტობის პირველ წელს გარკვეული გაუმჯობესება შეიმჩნეოდა.კითხვაზე, თუ რატომ თვლის ტრამპი, რომ მოლაპარაკებებს ზელენსკი აბრკოლებს, ტრამპმა დეტალების დაკონკრეტების გარეშე აღნიშნა: „იცით, მე უბრალოდ ვფიქრობ, რომ მას უჭირს ამის მიღწევა“.თავის მხრივ, ზელენსკი საჯაროდ გამორიცხავს ნებისმიერ ტერიტორიულ დათმობას და აცხადებს, რომ ქვეყნის კონსტიტუციის თანახმად, კიევს არ აქვს უფლება უარი თქვას საკუთარ მიწებზე.

1768457400