EBRD-ის კავკასიის რეგიონული დირექტორი იცვლება - ხუციშვილი მომავალ და მოქმედ ხელმძღვანელებს შეხვდა

10 ივლისიდან 22 აგვისტოს ჩათვლით, Iveria Beach-ზე Black Sea Sidewind Sessions გაიმართება, რომლის ფარგლებშიც ყველასთვის საყვარელი მუსიკოსები დაუკრავენ. ღონისძიების მხარდამჭერები არიან SOLO და Mastercard.შეთავაზების ფარგლებში, SOLO მომხმარებლები Mastercard World Elite ბარათით ბილეთების შეძენისას 25%-იანი ფასდაკლებით ისარგებლებენ. ბილეთების შესაძენად ეწვიეთ ბმულს.კონცერტების განრიგი ასე გამოიყურება: 10 ივლისი – VakoMey & Haverdi 11 ივლისი – Moretz (Toy Tonics) & თემურიკო დიასამიძე 12 ივლისი – Martha Pinel (Toy Tonics) & Bonjourlan 17 ივლისი – Colectivo Miramar (Mexico) & Sandro Jorbenadze (Bene on Warmup) 18 ივლისი – Bedford Falls 24 ივლისი – Gome (Hamburg) & Soulidan (Beka on Warmup) 7 აგვისტო – Hazy Pockets (Berlin) & Sumo 15 აგვისტო – Moku Moku 22 აგვისტო – Kordz & Live Band ამასთან, 10 ივლისიდან 15 სექტემბრის ჩათვლით, Iveria Beach-ზე SOLO Mastercard World Elite ბარათით გადახდის შემთხვევაში მომხმარებლები ექსკლუზიური 25%-იანი ქეშბექით ისარგებლებენ. ქეშბექის მაქსიმალური ოდენობა 200 ლარს შეადგენს.შეთავაზებით სარგებლობისთვის გადახდა უნდა განხორციელდეს საქართველოს ბანკის POS-ტერმინალზე, ხოლო ქეშბექი მომხმარებელს მომენტალურად დაუბრუნდება.SOLO-ს შეთავაზებებისა და ღონისძიებების შესახებ დეტალური ინფორმაციის მისაღებად ეწვიეთ ვებგვერდს. (R)

1783599651

ტრენინგი აერთიანებს თეორიულ da პრაქტიკულ კომპონენტებს. ორი დღის განმავლობაში მონაწილეები გაეცნობიან ონლაინ გაყიდვების ძირითად პრინციპებს, პროდუქტის ონლაინ წარდგენისა და მომხმარებელთან კომუნიკაციის მეთოდებს, ასევე, იმუშავებენ საკუთარი ბიზნესის განვითარებაზე.პროგრამის ფარგლებში განსაკუთრებული ყურადღება დაეთმობა საქართველოს ბანკის Ads Manager-ს. მონაწილეები ისწავლიან შეთავაზების შექმნას, სამიზნე აუდიტორიის შერჩევასა და სარეკლამო ბიუჯეტის ეფექტიანად დაგეგმვას. ტრენინგი ასევე მოიცავს Facebook-სა და Instagram-ზე რეკლამის შექმნის პრაქტიკულ სესიებს, ასევე, საგადასახადო და საბუღალტრო საკითხებს.საქართველოს ბანკი აქტიურად განაგრძობს მცირე და საშუალო ბიზნესის მხარდაჭერას და მეწარმეებისთვის ისეთი საგანმანათლებლო შესაძლებლობების შექმნას, რომლებიც მათ ციფრული არხების ეფექტიან გამოყენებასა და ბიზნესის ზრდაში დაეხმარება.ტრენინგში მონაწილეობის მისაღებად გაიარეთ რეგისტრაცია საქართველოს ბანკის ვებგვერდზე.(R)

1783594001

 „საბა“ თიბისიმ და პოეტმა რატი ამაღლობელმა 2002 წელს დააფუძნეს. უკვე წლებია ის ყველაზე ავტორიტეტული პრემიაა ლიტერატურის დარგში. დაარსების დღიდან 100-ზე მეტმა მწერალმა და ლიტერატორმა 5000-ზე მეტი წიგნი განიხილა, 250-მდე პრემია გაიცა და 200-მდე ავტორი დაჯილდოვდა (მათგან არაერთი -ორჯერ და მეტჯერ). ლიტერატურული პრემია „საბას“ 2026 წლის ფინალისტები არიან: წლის საუკეთესო ლიტერატურული დებიუტი:1. არმაზ ახვლედიანი, „ცოცხალი კედელი“ (სულაკაურის გამომცემლობა)2. ლაშა ბაბილუა, „განგაშის იავნანა“ (კალმოსანი)3. ლიკა გლურჯიძე, „ევრიდიკე (არც ერთი პიესა)“ (სამეფო უბნის თეატრი)4. ბექა ლოხიშვილი, „ზულეიხანი არსად არ არის“ (მწიგნობარი)5. სანდრო მეტრეველი, „ორ ჯოკერში გახიშტული“ (ინტელექტი)6. ტატო მოდებაძე, „ქორწილამდე წასაკითხი“ (პალიტრა L)7. ქეთევან სამხარაძე, „ჰაიდე, რაზიე! (არც ერთი პიესა)“ (სამეფო უბნის თეატრი)8. თაკო წულაია, „არაფერი არ გვემართება“ (პალიტრა L)9. თინათინ ხუტურიძე, „უთხარით ქარებს“ (კალმოსანი) წლის საუკეთესო ლიტერატურული კრიტიკა:1. ქეთი ნიჟარაძე, „სახელისა და დიდების ფენომენი ანტიკურ ლიტერატურაში“ (პალიტრა L)2. ნანა ტრაპაიძე, „რეალობის ლიტერატურული აჩრდილები“ (ინტელექტი) წლის საუკეთესო პიესა:1. მარიტა ლიპარტელიანი, „რომანტიკოსები (არც ერთი პიესა)“ (სამეფო უბნის თეატრი)2. თემო რეხვიაშვილი, „პათეტიკური მონოლოგები“ (სულაკაურის გამომცემლობა)3. თამარ სუხიშვილი, „ქალღმერთი თითის წვერებზე (არც ერთი პიესა)“ (სამეფო უბნის თეატრი)4. დავით ხორბალაძე, „ტალახი“ (ღია სივრცე - ვიზუალური და საშემსრულებლო ხელოვნების ცენტრი) წლის საუკეთესო ესეისტიკა და დოკუმენტური პროზა:1. შოთა იათაშვილი, „მკვლელი მწერლები - დოკუმენტური ჰორორი“ (დიოგენე)2. გიორგი კაკაბაძე, „მიზეზთა ბუნება“ (ინტელექტი)3. გიორგი კეკელიძე, „სიკვდილის გაუქმება“ (პალიტრა L)4. ნოდარ ლადარია, „„ოთარაანთ ქვრივი“ - პარალელური წიგნი“ (ინტელექტი)5. არჩილ ქიქოძე, „პერუს დღიური“ (სულაკაურის გამომცემლობა) წლის საუკეთესო პროზაული კრებული:1. ცოტნე ავსაჯანიშვილი, „ქართლის ხეობებს ასდის ნისლები“ (ინტელექტი)2. ლაშა იმედაშვილი, „უკან, მომავალში“ (სულაკაურის გამომცემლობა)3. დავით ქართველიშვილი, „ცვილის ფიგურები“ (პალიტრა L)4. ალეკო შუღლაძე, „ქალი სამრეკლოზე“ (ინტელექტი)5. ნიკოლოზ ცისკარიშვილი, „ცნობიერების წყვდიადი“ (პალიტრა L) წლის საუკეთესო პოეტური კრებული:1. მინდია არაბული, „საუკუნო უკუნი“ (მატარებელი კომიქს)2. ბექა ახალაია, „Homo-მაგნატი“ (ჯადოსნური სახლი)3. ნინი ელიაშვილი, „ბავშვს სადაც უნდა იქ იდგება“ (კალმოსანი)4. თამარ ჟღენტი, „მელიას კუდი“ (ინტელექტი)5. ალეკო ცქიტიშვილი, „თავები“ (ინტელექტი)წლის საუკეთესო რომანი:1. არჩილ ქიქოძე, „ომი“ (სულაკაურის გამომცემლობა)2. ლექსო პაიკიძე, „GUATE“ (ბენდესი)3. გოგა ქობალია, „სიკვდილი პაპანაქება მზეში“ (ინტელექტი) წლის საუკეთესო ქართული თარგმანი:1. ლევან ბერძენიშვილი, ჰომეროსის „ოდისეა“ (სულაკაურის გამომცემლობა)2. თამარ გელაშვილი, ჯეიმზ ჯოისის „ღამისთევა ფინეგანისათვის“ (ინტელექტი)3. ლაშა გველესიანი, დევიდ ფოსტერ უოლესის „მოკლე ინტერვიუები ამაზრზენ კაცებთან“ (პოლინომიალი)4. ნანა გოგოლაშვილი, თომას მანის „იოსები და ძმანი მისნი (წიგნი I-II)“ (ინტელექტი)5. ასია დარბინიანი, კრებული, „თანამედროვე სომხური პროზა“ (პალიტრა L)6. კატია ვოლტერსი, იცხოკ (ისააკ) ბაშევის ზინგერის „მონა“ (პალიტრა L)7. თამარ კვიჟინაძე, იუნ ფოსეს „დილა და საღამო“ (პოლინომიალი)8. გიორგი ლობჟანიძე, ალი იბნ აბი ტალიბის „ნაჰჯ ალ-ბალაღა (გზა სრულქმნილი მჭევრმეტყველებისა)“ (ივანე ჯავახიშვილის სახელობის თბილისის სახელმწიფო უნივერსიტეტის გამომცემლობა)9. ნიკა სამუშია, სალმან რუშდის „კიშოტი“ (სულაკაურის გამომცემლობა)10. მაია ფანჯიკიძე, ჯენი ერპენბეკის „კაიროსი“ (ინტელექტი)11. რუსუდან ღვინეფაძე, ელიას კანეტის „დაბრმავება“ (სიესტა)12. ნინი ჩაკვეტაძე, ჰან კანგის „ვეგეტარიანელი“ (სულაკაურის გამომცემლობა)13. თაკო ჭილაძე და ლელა სამნიაშვილი, რეი ბრედბერის „ძენი და წერის ხელოვნება“ (პალიტრა L)14. თამარ ჯაფარიძე, მარგარეტ ეტვუდის „აღთქმები“ (პალიტრა L)(R)

1783591937

ფესტივალის სტუმრებს ტერიტორიაზე დახვდებათ გასართობი ზონები და ისინი მთელი დღის განმავლობაში მრავალფეროვან აქტივობებში ჩართვას შეძლებენ. ღონისძიებაზე წარმოდგენილი იქნება „თეგეტა მოტორსის“ პარტნიორი საერთაშორისო ბრენდების - Bridgestone,  Michelin, Petronas, Shell, Motul, Varta, ATE და Champion  - სპეციალური სივრცეები, სადაც სტუმრები, კომპანიების პროდუქციის გაცნობა-შეძენასთან ერთად, სხვადასხვა ინტერაქციულ გამოცდილებას მიიღებენ.თორნიკე ჩახვაშვილი, „თეგეტა რითეილის“ მთავარი ოფიცერი: „Tegeta Fest-ის იდეა ავტოსპორტის ირგვლივ სრულიად ახალი გამოცდილების შექმნაა. გვინდოდა, ჩემპიონატის მორიგი ეტაპი მხოლოდ რბოლა არ ყოფილიყო და სტუმრებს შესაძლებლობა ჰქონოდათ, მთელი დღე ინტერაქციულ, გასართობ და ტექნოლოგიურ გარემოში გაეტარებინათ. ჩვენი პარტნიორი ბრენდების ჩართულობით ფესტივალი აერთიანებს იმას, რაც ავტოინდუსტრიას ყველაზე მეტად ახასიათებს - ინოვაციას, ხარისხსა და ემოციას.ავტოსპორტის მხარდაჭერა „თეგეტა მოტორსისთვის“ ერთჯერადი ინიციატივა არ არის. წლების განმავლობაში კომპანია აქტიურად მონაწილეობს ქართული ავტო- და მოტოსპორტის განვითარებაში და მხარს უჭერს ისეთ ღონისძიებებს, რომლებიც სპორტის პოპულარიზაციას, ახალი თაობის ჩართულობასა და საავტომობილო კულტურის განვითარებას უწყობს ხელს“.ფესტივალის კონცეფცია რეალური ავტორბოლის პიტ-სტოპის იდეას ეფუძნება - იმ რამდენიმე წამს, როდესაც ტექნოლოგია, სისწრაფე და გუნდური მუშაობა გამარჯვებას განსაზღვრავს. ამ გამოცდილებას სხვადასხვა აქტივობა  გააცოცხლებს, რათა სტუმრებმა ავტოსპორტის ემოციები არა მხოლოდ ტრიბუნიდან, არამედ უშუალოდ თავადაც შეიგრძნონ.ღონისძიების ფარგლებში სტუმრები შეძლებენ, ჩაერთონ მრავალფეროვან აქტივობებში: შეამოწმონ რეაქციის სისწრაფე, გამოცადონ პროფესიონალური რბოლის სიმულატორი, შეადარონ სარბოლო და სამოქალაქო ავტომობილების სამუხრუჭე სისტემების შესაძლებლობები და სხვა ინტერაქციული გამოცდილება მიიღონ. დასწრება თავისუფალია.სპეციალურად ბავშვებისთვის მოეწყობა  სივრცე, სადაც ისინი პატარა მრბოლელებად იქცევიან - ბალანს-ბაიკებითა და პულტიანი სარბოლო ავტომობილებით გაერთობიან, ასევე სხვა სახალისო აქტივობებში ჩაერთვებიან.სტუმრებს ფესტივალის ტერიტორიაზე დახვდებათ კვებისა და სასმელების ზონა, დასასვენებელი სივრცეები და VIP-ტერასა, საიდანაც ავტორბოლის კომფორტულად ყურება იქნება შესაძლებელი.ავტოსპორტის მხარდაჭერა „თეგეტა მოტორსისთვის“ მნიშვნელოვანი მიმართულებაა. კომპანია უკვე წლებია, ხელს უწყობს როგორც პროფესიონალური შეჯიბრებების განვითარებას, ისე ისეთი ღონისძიებების ორგანიზებას, რომლებიც საავტომობილო კულტურის პოპულარიზაციასა და საზოგადოების ჩართულობის ზრდას ემსახურება. ამ ხედვის გაგრძელებაა ფესტივალიც, რომლის მიზანი ავტოსპორტის მოყვარულთათვის ახალი სივრცის შექმნა და ღონისძიების ყოველწლიურ ტრადიციად ჩამოყალიბებაა.--თეგეტა მოტორსის შესახებ: თეგეტა ჰოლდინგში შემავალი კომპანია თეგეტა მოტორსი 1995 წლიდან ოპერირებს ბაზარზე მსუბუქი, სატვირთო და სპეციალური დანიშნულების სერვისის მიმართულებით. ავტოინდუსტრიის ლიდერი კომპანია მომხმარებელს ავტომომსახურების სრულ სპექტრს სთავაზობს, როგორც მსუბუქი და სატვირთო ავტომობილების, ისე ავტობუსებისა და მიკროავტობუსების, ასევე სპეციალური დანიშნულების ტექნიკის მიმართულებით. კომპანიას მთელი ქვეყნის მასშტაბით 28 ფილიალი აქვს, რომლებიც 500 000-მდე საცალო და 35 000-მდე კორპორაციულ მომხმარებელს ემსახურება. თეგეტა მოტორსი 300-მდე მსოფლიო ბრენდის წარმომადგენელია საქართველოში, მათ შორის არის Bridgestone, Michelin, Varta, Shell, Motul, Hengst და სხვა.

1783586976

ახალი ანგარიშით, ADB-ის წევრ ქვეყნებში 2026 წელს, ჯამურად, 4.9%-იანი ზრდაა მოსალოდნელი, რაც აპრილის პროგნოზთან შედარებით 0.2 პ.პ.-ით ნაკლებია. ბანკი მაჩვენებლების კლებას ახლო აღმოსავლეთში მიმდინარე კონფლიქტებს, ენერგეტიკულ ბაზრებზე არსებულ შეფერხებებსა და საწვავის ფასების მატებით გამოწვეულ ინფლაციურ რისკებს უკავშირებს. რაც შეეხება მომდევნო, 2027 წელს, გლობალური ზრდის პროგნოზი უცვლელად, 5.1%-ზე ნარჩუნდება, რაც ამ წნეხის ეტაპობრივ შესუსტებაზე მიანიშნებს.კავკასიისა და ცენტრალური აზიის რეგიონში 2026 წელს ეკონომიკის 3.8%-იანი, ხოლო 2027 წელს 4.2%-იანი ზრდაა პროგნოზირებული. რეგიონული მაჩვენებლების გაუარესება ძირითადად რამდენიმე მეზობელი ქვეყნის ხარჯზე მოხდა: სომხეთი: ზრდის პროგნოზი 5.5%-დან 5%-მდე შემცირდა, რაც რუსეთის მიერ დაწესებულ ახალ სავაჭრო შეზღუდვებს უკავშირდება. თურქეთი: პროგნოზი 3.6%-დან 3.1%-მდე შემცირდა საწვავისა და სასუქების მაღალი ფასების გამო. თურქმენეთი: მოლოდინები შემცირდა 6.3%-მდე, რადგან ირანის გვერდის ავლით ალტერნატიული სავაჭრო მარშრუტების გამოყენებამ ტრანსპორტირების ხარჯები გაზარდა. რეგიონის სხვა ქვეყნებისთვის, საქართველოს მსგავსად, ADB-მ მოლოდინები უცვლელად დატოვა. აზერბაიჯანისთვის ეკონომიკური ზრდის პროგნოზი კვლავ 2%-ია, ყაზახეთისთვის - 4.8%, ხოლო უზბეკეთისთვის - 6.7%.მიუხედავად იმისა, რომ საქართველოს მშპ-ის ზრდის ტემპი სტაბილური რჩება, ბანკმა ქვეყნისთვის ინფლაციის პროგნოზი გადახედა და აპრილში ნავარაუდები 3.8%-დან მაჩვენებელი 4.9%-მდე გაზარდა.აზიის წამყვან ეკონომიკებს შორის, ბანკმა ინდოეთის ზრდის მოლოდინი 6.9%-დან 6.6%-მდე შეამცირა, ხოლო ჩინეთისა (4.6%) და ინდონეზიის (5.2%) პროგნოზები უცვლელი დატოვა.

1783586720

შეხვედრისას მხარეებმა განიხილეს საქართველოს სტაბილური მაკროეკონომიკური გარემო და წარმატებული მონეტარული პოლიტიკა, ასევე იმსჯელეს კაპიტალის ბაზრის განვითარების, ინვესტორებისთვის საქართველოს საინვესტიციო გარემოს წარმოჩენისა და ერთობლივი პროექტების განხორციელების პერსპექტივებზე, მათ შორის საქართველოს ეროვნულ ბანკსა და ლონდონის საფონდო ბირჟას შორის თანამშრომლობის გაღრმავების შესაძლებლობებზე.ეკატერინე მიქაბაძემ ხაზგასმით აღნიშნა, რომ საქართველოს ეროვნული ბანკი აქტიურად უწყობს ხელს ფინანსური ბაზრების განვითარებას, გამჭვირვალობისა და საუკეთესო საერთაშორისო პრაქტიკის დანერგვას, რაც ქვეყნის კაპიტალის ბაზრის შემდგომი გაძლიერებისა და უცხოური ინვესტიციების მოზიდვის მნიშვნელოვანი წინაპირობაა.შეხვედრაზე ასევე აღინიშნა, რომ ქართული კომპანიები წარმატებით არიან წარმოდგენილნი ლონდონის საფონდო ბირჟაზე, რაც ქვეყნის ფინანსური სექტორის განვითარებისა და საერთაშორისო ფინანსურ ბაზრებზე ინტეგრაციის მნიშვნელოვანი დასტურია. განსაკუთრებით ხაზი გაესვა საქართველოს ბანკის მიერ FTSE 100 ინდექსში გაწევრიანებას, რაც საქართველოს კერძო სექტორისთვის მნიშვნელოვანი საერთაშორისო აღიარებაა.მხარეებმა მომავალში თანამშრომლობის კონკრეტული მიმართულებების განსაზღვრისა და ერთობლივი ინიციატივების განხორციელებისთვის მზადყოფნა გამოთქვეს.შეხვედრას ასევე ესწრებოდნენ სების სხვადასხვა მიმართულების ხელმძღვანელები. 

1783585181

ღონისძიების მიზანი პარტნიორებისთვის თიბისი კაპიტალის უახლესი მაკროეკონომიკური და სექტორული შეფასებების გაზიარება იყო. როგორც საინვესტიციო ბანკი და ეკონომიკური მრჩეველი, თიბისი კაპიტალი რეგულარულად ამზადებს კვლევებსა და ანალიტიკურ მიმოხილვებს, რომლებიც ბიზნესს, ინვესტორებს, საერთაშორისო პარტნიორებსა და გადაწყვეტილების მიმღებ პირებს ეკონომიკური გარემოს შეფასებასა და ინფორმირებული გადაწყვეტილებების მიღებაში ეხმარება.პრეზენტაციის ფარგლებში განხილული ძირითადი თემები იყო მსოფლიო ეკონომიკის განვითარების ტენდენციები და მათი გავლენა გლობალურ ბაზრებზე, საქართველოს ეკონომიკის მიმდინარე მდგომარეობა და განვითარების პერსპექტივები, ასევე საცხოვრებელი უძრავი ქონების, ტურიზმისა და ლოგისტიკის სექტორებში არსებული ტენდენციები და განვითარების პერსპექტივები. შეხვედრაზე განსაკუთრებული ყურადღება დაეთმო იმ გლობალურ და ადგილობრივ ფაქტორებს, რომლებიც გავლენას ახდენს ეკონომიკურ აქტივობასა და საინვესტიციო გარემოზე.თიბისი კაპიტალი საქართველოს წამყვანი საინვესტიციო ბანკია, რომელიც კორპორატიულ, ინსტიტუციურ და საერთაშორისო პარტნიორებს საინვესტიციო ბანკინგის, საბროკერო, კვლევით და საკონსულტაციო მომსახურებას სთავაზობს. კომპანიის მაკროეკონომიკური, სექტორული და კაპიტალის ბაზრის კვლევები წარმოადგენს მნიშვნელოვან ანალიტიკურ საფუძველს ბიზნესისთვის, ინვესტორებისა და საერთაშორისო პარტნიორებისთვის ეკონომიკური გარემოს შეფასებისა და სტრატეგიული გადაწყვეტილებების მისაღებად.(R)

1783584856

აღნიშნული განთავსებით დასრულდა საქართველოს კაპიტალის ბაზრების ისტორიაში ყველაზე მსხვილი მწვანე ობლიგაციების პროგრამა, რომლის ჯამური მოცულობა $82 მლნ-ს შეადგენს. პროგრამის ფარგლებში კომპანიამ სექტორში პირველმა მოიპოვა შენობების საერთაშორისო EDGE Advanced სერტიფიკატი. სერტიფიკატი მიენიჭა როგორც გლდანისა და საბურთალოს სითი მოლებს, ასევე საბურთალოს ბიზნეს ცენტრს, სითი თაუერსს.მოცემული ემისია აი ჯი დეველოფმენტ ჯორჯიას რიგით მერვე ობლიგაციების განთავსებაა ბოლო ხუთი წლის განმავლობაში, რაც მას საქართველოს კაპიტალის ბაზრის ერთ-ერთ ყველაზე აქტიურ და გამოცდილ ემიტენტად აქცევს. აღსანიშნავია, რომ ტრანზაქციაში 150-ზე მეტმა ფიზიკურმა და იურიდიულმა ინვესტორმა მიიღო მონაწილეობა, რაც ბაზრის მხრიდან მაღალ ინტერესსა და კომპანიის მიმართ არსებულ ნდობაზე მიუთითებს.“მადლობას ვუხდით აი ჯი დეველოფმენტ ჯორჯიას მრავალწლიანი ნდობისა და წარმატებული თანამშრომლობისთვის. ჩვენთვის განსაკუთრებით მნიშვნელოვანია, რომ სწორედ გალტ & თაგარტის ექსკლუზიური მხარდაჭერით წარმატებით დასრულდა საქართველოს კაპიტალის ბაზრის ისტორიაში ყველაზე მსხვილი მწვანე ობლიგაციების პროგრამა. ჩვენი დახმარებით ემიტენტმა ბაზარს შესთავაზა კიდევ ერთი ინოვაციური პროდუქტი - პირველი EDGE Advanced სერტიფიკატი და პირველი მწვანე ობლიგაცია უძრავი ქონების სექტორის მოთამაშისგან საქართველოს კაპიტალის ბაზრებზე. ეს მნიშვნელოვანი პრეცედენტია როგორც მდგრადი ფინანსების განვითარების, ისე ადგილობრივი კაპიტალის ბაზრის გაძლიერების მიმართულებით. მოხარული ვართ, რომ კომპანიასთან ერთობლივი, ნაყოფიერი მუშაობის შედეგად, შევძელით ამ მასშტაბური ტრანზაქციის წარმატებით განხორციელება და გვჯერა, რომ მომავალში აი ჯი დეველოფმენტ ჯორჯიასთან თანამშრომლობის ფარგლებში ბაზარს კიდევ არაერთ მსგავს, ინოვაციური გარიგებას და პროდუქტს შევთავაზებთ”, - განაცხადა გიორგი კუპრაშვილმა, გალტ & თაგარტის გენერალურმა დირექტორმა.„82 მილიონი აშშ დოლარის მწვანე ობლიგაციების პროგრამის წარმატებით დასრულება აი ჯი დეველოფმენტ ჯორჯიასთვის მნიშვნელოვანი ეტაპია. ეს არის შედეგი იმ სტრატეგიული ხედვისა და თანმიმდევრული მუშაობისა, რომელსაც კომპანია წლების განმავლობაში ახორციელებს როგორც კაპიტალის ბაზრის შესაძლებლობების ეფექტიანად გამოყენების, ისე მდგრადი განვითარების პრინციპების საკუთარ საქმიანობაში ინტეგრირების მიმართულებით.ჩვენთვის განსაკუთრებით მნიშვნელოვანია, რომ ამ პროგრამის ფარგლებში აი ჯი დეველოფმენტ ჯორჯია გახდა პირველი კომპანია საქართველოში კომერციული უძრავი ქონების სექტორში, რომელმაც საერთაშორისო EDGE Advanced სერტიფიკატი მოიპოვა. ეს მიღწევა მხოლოდ აღიარება არ არის. ის ადასტურებს, რომ მაღალი ხარისხის კომერციული პროექტების განვითარება შესაძლებელია ენერგოეფექტურობის, გარემოსდაცვითი პასუხისმგებლობისა და საერთაშორისო სტანდარტების სრულად გათვალისწინებით.მდგრადი განვითარება არ არის მხოლოდ ცალკეული ინიციატივა. ეს არის ჩვენი გრძელვადიანი სტრატეგიის მნიშვნელოვანი ნაწილი. მწვანე ობლიგაციების პროგრამა სწორედ ამ ხედვის გაგრძელებაა. მისი მიზანი იყო არა მხოლოდ ფინანსური რესურსის მოზიდვა, არამედ ისეთი პროექტების მხარდაჭერა, რომლებიც ქმნის გრძელვადიან ღირებულებას ჩვენი ინვესტორებისთვის, მომხმარებლებისთვის და ყველა იმ მხარისთვის, რომელიც ჩვენი საქმიანობის შედეგით სარგებლობს.ამ წარმატებაში განსაკუთრებული როლი შეასრულა გალტ & თაგარტმა, როგორც პროგრამის ექსკლუზიურმა პარტნიორმა. მათი პროფესიონალიზმი, ჩართულობა და პროცესისადმი მაღალი პასუხისმგებლობით მიდგომა ამ ტრანზაქციის წარმატების ერთ-ერთი მნიშვნელოვანი საფუძველი იყო. მრავალწლიანი თანამშრომლობა და ნდობაზე დაფუძნებული პარტნიორობა კიდევ ერთხელ აჩვენებს, თუ რამდენად მნიშვნელოვანია ძლიერი პროფესიული ურთიერთობები მსგავსი მასშტაბის პროექტების განხორციელებისას.დარწმუნებული ვართ, რომ ეს ტრანზაქცია კიდევ ერთი მნიშვნელოვანი ნაბიჯია აი ჯი დეველოფმენტ ჯორჯიას განვითარების გზაზე და ამავე დროს მნიშვნელოვანი წვლილია საქართველოში მდგრადი ფინანსებისა და კაპიტალის ბაზრის შესაძლებლობების შემდგომ გაძლიერებაში”, - განაცხადა ლევან მესხელმა, აი ჯი დეველოფმენტ ჯორჯიას გენერალურმა დირექტორმა.აი ჯი დეველოფმენტ ჯორჯია საქართველოში სავაჭრო და ბიზნეს ცენტრების მიმართულებით ერთ-ერთი უმსხვილესი და მრავალწლიანი გამოცდილების მქონე კომპანიაა. მისი პორტფელი აერთიანებს ორ წამყვან სავაჭრო ცენტრს – სითი მოლი საბურთალოსა და სითი მოლი გლდანს, ასევე ბიზნეს ცენტრ სითი თაუერს. კომპანიის სავაჭრო მოლები წლებია 100%-იანი დატვირთვით ფუნქციონირებს.(R)

1783582457