საქართველოს კაპიტალის ბაზრის განვითარებაში საინვესტიციო ბანკი Oppenheimer ჩაერთვება

მხარეებმა ორმხრივი თანამშრომლობის მიმდინარე საკითხები მიმოიხილეს. ლაშა ხუციშვილმა JP Morgan-ის გუნდს მადლობა გადაუხადა ევროობლიგაციების რეფინანსირების პროცესში გაწეული მნიშვნელოვანი მხარდაჭერისთვის.შეხვედრის ერთ-ერთი მთავარი თემა სახაზინო ფასიანი ქაღალდების ადგილობრივი ბაზრის განვითარება იყო. მხარეებმა იმსჯელეს იმ სტრატეგიულ ნაბიჯებზე, რომლებიც ამ მიმართულებით სამომავლო გეგმების დასახვასა და ბაზრის ლიკვიდურობის გაზრდას ემსახურება.მოლაპარაკებებში ქართული მხრიდან ასევე მონაწილეობდნენ: გიორგი კაკაურიძე – ფინანსთა მინისტრის პირველი მოადგილე ეკატერინე გუნცაძე – ფინანსთა მინისტრის მოადგილე ირაკლი კაჭარავა – სახელმწიფო ვალის მართვის დეპარტამენტის ხელმძღვანელი JP Morgan-თან მჭიდრო კავშირი საქართველოსთვის სტრატეგიულად მნიშვნელოვანია, რადგან ის ხელს უწყობს ქვეყნის ფინანსური სისტემის მდგრადობასა და საერთაშორისო საინვესტიციო წრეებში ნდობის განმტკიცებას.

1774362792

24 მარტს ალბანეთის საარჩევნო ადმინისტრაციის წარმომადგენლებს ცენტრალური საარჩევნო კომისიის თავმჯდომარის მოადგილე გიორგი შარაბიძე შეხვდა. გიორგი შარაბიძემ საარჩევნო ადმინისტრაციებს შორის თანამშრომლობის გაძლიერებისა და გამოცდილების გაზიარების მნიშვნელობაზე ისაუბრა. მან დელეგაციის წევრებს ასევე გააცნო ელექტრონული არჩევნების დანერგვის მიმართულებით საქართველოს გამოცდილება.„დღეს საქართველოს ცენტრალური საარჩევნო კომისია მასპინძლობს კოლეგებს ალბანეთის საარჩევნო ადმინისტრაციიდან, რათა გავუზიაროთ ის გამოცდილება რაც ადმინისტრაციამ დააგროვა ბოლო ორი არჩევნების დროს ტექნოლოგიების იმპლემენტაციის თვალსაზრისით. ვიზიტის მიმდინარეობისას საქართველოს საარჩევნო ადმინისტრაცია კოლეგებს გაუზიარებს ყველა იმ ინფორმაციას, რომელიც ტექნოლოგიების დანერგვას და მასთან დაკავშირებულ ჯაჭვს უკავშირდება. მსგავსი ტიპის ვიზიტები პერმანენტულად ხორციელდება, რათა გაზიარდეს შესაბამისი ინფორმაცია საარჩევნო პროცედურებთან დაკავშირებით. ცესკო აგრძელებს ურთიერთობებს საერთაშორისო პარტნიორებთან, რომ უკეთესად უზრუნველყოს მათი ინფორმირება საქართველოში მიმდინარე საარჩევნო პროცესებთან დაკავშირებით“, - განაცხადა გიორგი შარაბიძემ შეხვედრის დასრულების შემდეგ.დღესვე, დელეგაციის წევრები ასევე შეხვდნენ საქართველოს ცენტრალური საარჩევნო კომისიის საარჩევნო პროცესების მართვის დეპარტამენტის უფროსს ეკა ცაბაშვილს, ელექტრონული ტექნოლოგიების მენეჯერ გიორგი სტურუასა, საარჩევნო ტექნოლოგიების უზრუნველყოფის განყოფილების უფროსს ნიკოლოზ იოვაძეს და ლოგისტიკის განყოფილების უფროსს ლევან დევიძეს. ორი დღის განმავლობაში, ცენტრალური საარჩევნო კომისიის წარმომადგენლები დელეგაციის წევრებს გაუზიარებენ ინფორმაციას საარჩევნო პროცესის დაგეგმარების, საარჩევნო აპარატურის ჩაწერის, საარჩევნო აპარატურის ლოგისტიკისა და სხვა მნიშვნელოვან საკითხებზე.ალბანეთის საარჩევნო ადმინისტრაციის წარმომადგენლებს საშუალება აქვთ ადგილზე გაეცნონ ამომრჩევლის ვერიფიკაციის, ხმის მიცემისა და დათვლის აპარატებს და მათი მუშაობის სპეციფიკას.„ჩვენთვის დიდი პატივია საქართველოს ვიზიტი, რომ გავიგოთ უფრო მეტი თქვენი ყოველდღიური საქმიანობის შესახებ. ჩვენი წარმომადგენლობა ალბანეთის საარჩევნო ადმინისტრაციაში საარჩევნო პროცესის ადმინისტრირებას უზრუნველყოფს და აქ იმისთვის ვართ, რომ უკეთ გავიგოთ საარჩევნო ლოგისტიკა როგორ არის ორგანიზებული ორივე მიმართულებით, როგორც საარჩევნო ტექნოლოგიების კუთხით ისე საარჩევნო პროცესის წარმართვისას“, - აღნიშნა ალბანეთის საარჩევნო ადმინისტრაციის ლოგისტიკის დეპარტამენტის ხელმძღვანელმა დანიელა ალიმეჰმეტიმ შეხვედრის მიმდინარეობისას.ალბანეთის საარჩევნო ადმინისტრაციის დელეგაციაში ლოგისტიკის დეპარტამენტის ხელმძღვანელი - დანიელა ალიმეჰმეტი, ამომრჩეველთა ელექტრონული რეგისტრაციისა და იდენტიფიკაციის სექტორის უფროსი - გერიონ ვეზული და საარჩევნო ლოგისტიკის კოორდინაციის სექტორის უფროსი - ენკელეჯდა ჩეჩო შედიან.სასწავლო ვიზიტი ალბანეთის საარჩევნო ადმინისტრაციასა და საქართველოს ცენტრალურ საარჩევნო კომისიასთან დადებული მემორანდუმის ფარგლებში ხორციელდება, რომელიც სხვა მნიშვნელოვან საკითხებთან ერთად საარჩევნო ტექნოლოგიების მიმართულებით გამოცდილების გაზიარებას ემსახურება.(R)

1774360107

ევერესტის საგაზაფხულო სეზონზე რეგისტრაცია მიმდინარეობს და 27 მარტამდე გაგრძელდება.პირველი ტური ონლაინ გაიმართება და მასში მონაწილეობას II, III, IV, V და VI კლასის მოსწავლეები მიიღებენ. ამისათვის, მათ 27 მარტამდე უნდა დაწერონ ბმულზე.ინფორმაციისთვის, ტესტირება ხელმისაწვდომია ნებისმიერ დროს და დრო შეზღუდული არ არის.ევერესტის ოლიმპიადის მეორე ტური დასწრებული ფორმატით 28 და 29 მარტს ჩატარდება. შედეგები კი 4 მაისს გამოქვეყნდება.ტესტირება გაიმართება შემდეგ ლოკაციებზე:28 მარტითბილისი: ისანი - სკოლა შავნაბადა; დიდი დიღომი - სკოლა ინტელექტირუსთავი; ყვარელი; გორი; საჩხერე; თერჯოლა; ფოთი; ლანჩხუთი; ბათუმი; ამბროლაური.29 მარტითბილისი:  საბურთალო - მაღლივის ბიბლიოთეკა; ნახალოვკა - კერძო სკოლა ლამპარიქუთაისი; სენაკი; ზუგდიდი; ახალციხე.რეგისტრაციისთვის და ევერესტის ოლიმპიადის შესახებ დეტალური ინფორმაციისთვის ეწვიეთ ვებგვერდს.  (R)

1774357512

ექსპრეს ლომბარდში ოქროს შეფასება ყველაზე მაღალია, რაც მომხმარებლებს საშუალებას აძლევს საკუთარი ნივთის სანაცვლოდ მიიღონ მაქსიმალური ფინანსური რესურსი. შეფასების ტარიფები სრულად საჯაროა და ხელმისაწვდომია კომპანიის შესაბამის გვერდებზე, რის შედეგადაც მომხმარებლებს შეუძლიათ თავად გადაამოწმონ პირობები და შეადარონ ბაზარზე არსებული შეთავაზებები.შეფასება ხორციელდება სერტიფიცირებული ექსპერტების მიერ, თანამედროვე ტექნოლოგიების გამოყენებით, ნივთის დაზიანების გარეშე - ოქრო არ იქლიბება და არ კარგავს თავდაპირველ იერსახეს.პროცესის გამჭვირვალობას უზრუნველყოფს ვებგვერდზე ხელმისაწვდომი ონლაინ კალკულატორი, რომლის საშუალებითაც მომხმარებელს შეუძლია წინასწარ განსაზღვროს, რა თანხის მიღებაა შესაძლებელი საკუთარი ოქროს სანაცვლოდ.ექსპრეს ლომბარდის მომსახურება ხელმისაწვდომია 24/7 რეჟიმში, მთელი ქვეყნის მასშტაბით. მომხმარებლებს შეუძლიათ მარტივად მოძებნონ მათთან ახლომდებარე ფილიალი და ისარგებლონ სერვისით მათთვის სასურველ დროს.დამატებითი ინფორმაციისთვის დაუკავშირდით 24საათიან ცხელ ხაზზე: *3939ვებგვერდი: expresslombard.ge(R)

1774357272

ღონისძიების გახსნაზე საქართველოს პრემიერ-მინისტრმა ირაკლი კობახიძემ ისაუბრა ბოლო წლების განმავლობაში ადგილობრივი კაპიტალის ბაზრის განვითარების კუთხით მიღწეულ შედეგებსა და განხორციელებულ რეფორმებზე. მისი თქმით, საქართველო მსოფლიოს სთავაზობს სტაბილურ, პროგნოზირებად და კონკურენტულ გარემოს ინვესტიციებისა და ბიზნესის გაფართოებისთვის, ამ წინსვლის მთავარი მაჩვენებელი კი, ფინანსური სექტორის სტაბილურობა და ეროვნული ვალუტის სიმტკიცეა.როგორც სიტყვით გამოსვლისას ნათია თურნავამ აღნიშნა, საქართველოს საფინანსო სექტორი მყარი, მდგრადი და სტაბილურია. სექტორი გადამწყვეტ როლს თამაშობს პირდაპირი უცხოური ინვესტიციების მოზიდვაში. ორი უმსხვილესი ბანკი, მათ შორის "თიბისი ბანკი", წარმოდგენილია ლონდონის საფონდო ბირჟაზე, რაც კიდევ უფრო განამტკიცებს საფინანსო სისტემის ძლიერ მაჩვენებლებს. სების პრეზიდენტის განცხადებით, საფინანსო სექტორის შემდგომი დივერსიფიკაცია, განსაკუთრებით კაპიტალის ბაზრების განვითარების კუთხით ,არსებითად მნიშვნელოვანია დაფინანსების წყაროების გასაფართოებლად და გრძელვადიანი, მდგრადი ზრდის მხარდასაჭერად.ნათია თურნავას თქმით, საქართველოში კაპიტალის ბაზრის განვითარება ბოლო წლებში მნიშვნელოვნად დაჩქარდა, ხოლო 2025 წელი ძლიერი და ხელშესახები პროგრესის კიდევ ერთი დასტური იყო. „2025 წლის ბოლოსთვის, მიმოქცევაში არსებული საჯარო კორპორაციული ობლიგაციების მოცულობა წლიურად 33.3%-ით გაიზარდა და 2.7 მილიარდ ლარს მიაღწია. გასული წელი ასევე გამოირჩეოდა ემისიის ყველაზე მაღალი აქტივობით - წლის განმავლობაში, ისტორიაში პირველად, 1.58 მილიარდი ლარის მოცულობის ახალი ემისია განხორციელდა. არანაკლებ მნიშვნელოვანია ისიც, რომ ბაზრის სავალუტო შემადგენლობა კიდევ უფრო დაბალანსდა.2025 წელს ახალი ემისიების დაახლოებით 66% ლარში იყო დენომინირებული, წლის ბოლოსთვის მიმოქცევაში არსებული საჯარო კორპორაციული ობლიგაციების 54% ასევე ლარში იყო განთავსებული. ეს მნიშვნელოვანი მოვლენაა არა მხოლოდ ზომის, არამედ მდგრადობის, ბაზრის სიმწიფისა და ნდობის თვალსაზრისითაც", - აღნიშნა სიტყვით გამოსვლისას სების პრეზიდენტმა. მისივე განცხადებით, ადგილობრივი კორპორაციული ემისიების მნიშვნელოვანი წილი მოდის საკრედიტო რეიტინგის მქონე ემიტენტებზე (2025 წელს ახალი ემისიების 79%), რაც ინვესტორთა მხრიდან გამჭვირვალობასა და რისკების შეფასებაზე გაზრდილ მოთხოვნას ასახავს.ნათია თურნავა ასევე შეეხო საქართველოს სახელმწიფო ობლიგაციების წარმატებით განთავსებას და აღნიშნა, რომ გასულ წელს, საქართველოს მთავრობასთან, კერძოდ ფინანსთა სამინისტროსთან ერთად, არაერთი შეხვედრა გაიმართა ინვესტორებთან სხვადასხვა ქვეყანაში. შედეგები მნიშვნელოვანია-ევრობონდების წარმატებული ემისიის დროს ინვესტორთა მოთხოვნამ შეთავაზებულ თანხას 5.5-ჯერ გადააჭარბა.წლევანდელმა კონფერენციამ ერთ სივრცეში გააერთიანა საერთაშორისო საინვესტიციო ბანკები, ინვესტორები, ემიტენტები და მარეგულირებლები. პრეზენტაციებსა და პანელურ დისკუსიებში მონაწილეობდნენ მსოფლიოს წამყვანი ფინანსური ინსტიტუტების წარმომადგენლები, მათ შორის: J.P. Morgan, Citi, Morgan Stanley, ICBC Standard Bank, Oppenheimer, Ashmore, Aberdeen, Vontobel, MetLife Investment Management, EBRD, ADB, IFC, Fitch Ratings, S&P Global, Baker McKenzie, Latham & Watkins.

1774355668

უცხო ქვეყნის მოქალაქეების მართვის ქვეშ არსებული ავტომობილების დეტალური დათვალიერების შედეგად, მებაჟეებმა ჯამში 1170 კოლოფი არადეკლარირებული სიგარეტი ამოიღეს.შემოსავლების სამსახურის ინფორმაციით, სამართალდამრღვევებს აქციზურ მარკირებას დაქვემდებარებული საქონელი სპეციალურად მოწყობილ სამალავებში ჰქონდათ განთავსებული, კერძოდ: მსუბუქი ავტომობილების საბურავებში სალონის წინა პანელში საწვავის ავზში ორივე ფაქტთან დაკავშირებით საქმის მასალები შემდგომი რეაგირების მიზნით ფინანსთა სამინისტროს საგამოძიებო სამსახურს გადაეცა.

1774354363

გლობალურ ეკონომიკაში რეგიონის მზარდი როლის ფონზე, გაიზარდა კაპიტალის ბაზრების მიმართ ინტერესიც - ამ პროცესების საპასუხოდ კონფერენციამ ერთ სივრცეში გააერთიანა საერთაშორისო საინვესტიციო ბანკები, ინვესტორები, ემიტენტები და მარეგულირებლები.თიბისი კაპიტალის მოწვევით, საქართველოს ესტუმრნენ და კონფერენციაში მონაწილეობდნენ მსოფლიოს წამყვანი ფინანსური ინსტიტუტების წარმომადგენლები, მათ შორის: J.P. Morgan, Citi, Morgan Stanley, ICBC Standard Bank, Oppenheimer, Ashmore, Aberdeen, Vontobel, MetLife Investment Management, EBRD, ADB, IFC, Fitch Ratings, S&P Global, Baker McKenzie, Latham & Watkins.კაპიტალის ბაზრების საერთაშორისო კონფერენცია წელს გაფართოებული ფორმატით ჩატარდა - იმსჯელეს გლობალურ და რეგიონულ ტენდენციებსა და საინვესტიციო შესაძლებლობებზე. განსაკუთრებული აქცენტი გაკეთდა საქართველოსა და უზბეკეთზე: მიმოიხილეს საქართველოს კაპიტალის ბაზარი, რომლის მოცულობაც ბოლო ოთხი წლის განმავლობაში გასამმაგდა და 3 მილიარდ ლარს მიაღწია. ასევე, იმსჯელეს უზბეკეთში მიმდინარე ეკონომიკურ ტრანსფორმაციაზე, რომელიც ახალ საინვესტიციო შესაძლებლობებს ქმნის ინვესტორებისთვის.“ფასიანი ქაღალდების მიმართ მზარდი ინტერესის ფონზე კაპიტალის ბაზრების საერთაშორისო კონფერენცია უკვე ტრადიციად ჩამოყალიბდა. წელს ღონისძიებას 450-ზე მეტი პარტნიორი და საერთაშორისო ექსპერტი დაესწრო, მათ შორის, მსოფლიოს წამყვანი ბანკებიდან.საქართველოში კაპიტალის ბაზარი მნიშვნელოვნად გააქტიურდა: ბოლო ხუთი წლის საშუალო წლიური ზრდა 29%-ს შეადგენდა, გასულ წელს კი 19%-ით გაიზარდა და საჯარო და კერძო განთავსებების ჯამურმა მოცულობამ 2.9 მილიარდ ლარს მიაღწია. ადგილობრივ ბაზარზე თიბისი კაპიტალი სტაბილურად ინარჩუნებს ლიდერის პოზიციას და 56%-იანი წილი უჭირავს. რაც შეეხება საერთაშორისო ობლიგაციებს, 2018 წლიდან დღემდე საქართველოდან 16 ევროობლიგაციაა განთავსებული, საიდანაც თიბისი კაპიტალმა 12 ტრანზაქციაში მიიღო მონაწილეობა.კაპიტალის ბაზრების კონფერენციის ფარგლებში საერთაშორისო პარტნიორებთან გამოცდილების გაზიარებით და წარმატებული მაგალითების განხილვით ჩვენ ხელს ვუწყობთ საქართველოში კაპიტალის ბაზრის ზრდასა და გაძლიერებას”, - გიორგი თხელიძე, თიბისის გენერალური დირექტორი.“საქართველოს საფინანსო სექტორი კვლავ მყარი, მდგრადი და სტაბილურია, და ისევ გადამწყვეტ როლს თამაშობს პირდაპირი უცხოური ინვესტიციების მოზიდვაში.ამავდროულად, საფინანსო სექტორის შემდგომი დივერსიფიკაცია - განსაკუთრებით კაპიტალის ბაზრების განვითარების გზით - არსებითად მნიშვნელოვანია დაფინანსების წყაროების გასაფართოებლად და გრძელვადიანი, მდგრადი ზრდის მხარდასაჭერად.საქართველოში კაპიტალის ბაზრის განვითარება ბოლო წლებში მნიშვნელოვნად დაჩქარდა, ხოლო 2025 წელი ძლიერი და ხელშესახები პროგრესის კიდევ ერთი წელი იყო.2025 წლის ბოლოსთვის, მიმოქცევაში არსებული საჯარო კორპორაციული ობლიგაციების მოცულობა წლიურად 33.3%-ით გაიზარდა და 2.7 მილიარდ ლარს მიაღწია. გარდა ამისა, 2025 წელი გამოირჩეოდა ემისიის ყველაზე მაღალი აქტივობით ისტორიაში - წლის განმავლობაში 1.58 მილიარდი ლარის მოცულობის ახალი ემისია განხორციელდა”, - ნათია თურნავა, საქართველოს ეროვნული ბანკის პრეზიდენტი.ღონისძიების ფარგლებში მონაწილეებმა პირისპირ შეხვედრები გამართეს საერთაშორისო ბანკებთან და ინსტიტუციურ ინვესტორებთან, რაც ხელს უწყობს რეგიონის კაპიტალის ბაზრების გაძლიერებას, ქვეყნის საინვესტიციო პოტენციალის ზრდასა და ახალი საერთაშორისო ინვესტორების მოზიდვას.(R)

1774351361

ღონისძიებას დაესწრებიან ინვესტორები, საერთაშორისო საფინანსო ინსტიტუტების, მარეგულირებელი ორგანოებისა და პარტნიორი ორგანიზაციების წარმომადგენლები, რომელთა მონაწილეობითაც გაიმართება პანელური დისკუსიები მდგრადი და ინკლუზიური ეკონომიკის განვითარებაში საფინანსო სექტორის როლის შესახებ.პანელურ დისკუსიებში მონაწილეობას მიიღებენ საერთაშორისო დონის ექსპერტები და საერთაშორისო ფინანსური ინსტიტუტების წარმომადგენლები, მათ შორის: ვირჯინია მერტინ ჰერიცი, J&P Morgan-ის ESG კვლევის მეთოდოლოგიებისა და ინტეგრაციის გლობალური მიმართულების ხელმძღვანელი;  ელენ ვუდ-გაში, S&P Global-ის მდგრადი გადაწყვეტების სპეციალისტი; ლილიანა პოცო (Liliana Pozzo), საერთაშორისო ფინანსური კორპორაციის - IFC-ის ევროპის მენეჯერი მდგრადი დაფინანსების სერვისების მიმართულებით;  ანდრეას ბერკოფი, ევროპის საინვესტიციო ბანკის (EIB) დაფინანსების  უფროსი ოფიცერი;  ზოი პაი, EBRD-ის ასოცირებული დირექტორი და ფინანსური ინსტიტუტების სექტორის ხელმძღვანელი გარემოს და მდგრადი განვითარების მიმართულებით; ლესლი ბერმან ლაჰმი, აზიის განვითარების ბანკის (ADB) საქართველოს მიმართულების ხელმძღვანელი.  „მდგრადი განვითარების 2025 წლის ანგარიშის წარდგენა ჩვენთვის მნიშვნელოვანი მოვლენაა, რადგან ის ასახავს ჩვენს მტკიცე ერთგულებას მდგრადი პრინციპების მიმართ. ანგარიში, სახელწოდებით „სტრატეგიიდან პოზიტიური გავლენის შექმნამდე“, დეტალურად აჩვენებს იმ გაზომვად შედეგებსა და კონკრეტულ ნაბიჯებს, რომლებსაც საქართველოს ბანკი ქვეყანაში ინკლუზიური და მწვანე ეკონომიკის ხელშესაწყობად დგამს. ჩვენთვის საამაყოა, რომ წამყვან საერთაშორისო პარტნიორებთან ერთად გვაქვს შესაძლებლობა, განვიხილოთ მიღწევები და ვისაუბროთ მომავალ გეგმებზე, რომლებიც საქართველოს გრძელვადიან და მდგრად განვითარებას ემსახურება”, - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.ინფორმაციისთვის, მდგრადი განვითარების დოკუმენტი ასახავს საქართველოს ბანკის სტრატეგიას, მიღწევებსა და გაზომვად შედეგებს გარემოსდაცვითი, სოციალური და მმართველობითი (ESG) მიმართულებით. ბანკის ESG მიმართულება მოიცავს ისეთ პროექტებსა და ინიციატივებს, როგორებიცაა: მდგრადი დაფინანსების პროდუქტები, პროექტები და სერვისები, განახლებადი ენერგიის პროექტები, ენერგოეფექტურობა, კლიმატგონივრული სოფლის მეურნეობა, ენერგოეფექტური მშენებლობა და სხვა. ამასთან, მხარს უჭერს ქალ მეწარმეებს, მცირე და საშუალო ბიზნესების განვითარებას, ფინანსურ რესურსებზე ხელმისაწვდომობას, ფინანსურ განათლებასა და ფინანსურ ინკლუზიურობას. გარდა ამისა, ბანკი აქტიურად ახორციელებს ღონისძიებებს ორგანიზაციის მიერ საოპერაციო საქმიანობის შედეგად, გარემოსთვის მიყენებული უარყოფითი გავლენის შესამცირებლად, კერძოდ, გარდა ენერგოეფექტური ღონისძიებებისა, ბანკის ელექტროენერგიის მოხმარების 88% რეგიონებში მზის ენერგიით მარაგდება.ამასთან, საქართველოს ბანკი განათლების, კულტურის, სპორტისა და დაცული ტერიტორიების მთავარი მხარდამჭერია. აღნიშნული ინიციატივები მიზნად ისახავს ახალგაზრდებისთვის შესაძლებლობების შექმნას, ეროვნული კულტურული მემკვიდრეობის შენარჩუნებასა და ჯანსაღი ცხოვრების წესის პოპულარიზაციას, რაც ქვეყნის გრძელვადიანი და მდგრადი განვითარების საწინდარია.(R)

1774347749