საქართველოს სახელმწიფო ვალი $9.5 მილიარდამდე გაიზარდა

ვორქშოფის მიზანი იყო, საქართველოს ბანკის პარტნიორი ბიზნესების წარმომადგენლები საერთაშორისო გამოცდილებას გასცნობოდნენ და მიეღოთ პრაქტიკული ცოდნა, რაც მათ თანამედროვე ბიზნეს გარემოში გამოწვევების ეფექტურად მართვაში დაეხმარებათ.ღონისძიება ექსკლუზიურად საქართველოს ბანკის პარტნიორი ბიზნესებისთვის ჩატარდა და მონაწილეებს შესაძლებლობა ჰქონდათ მაკკინზის წარმომადგენელთან ერთად - გლობალური სტრატეგიული ხედვის გააზრებაზე, ხოლო კოკრეას მიერ ორგანიზებულ სესიაზე - პერსონალურ და ორგანიზაციულ ტრანსფორმაციაზე ემუშავათ.“საქართველოს ბანკი მრავალი წელია ბიზნესების საიმედო პარტნიორია, რომელიც მათ არამხოლოდ ფინანსურად უჭერს მხარს, არამედ სტრატეგიულ განვითარებაში ეხმარება. ჩვენი მიზანია, პარტნიორ ბიზნესებს მივცეთ საერთაშორისო გამოცდილება და ცოდნა, რომელსაც შემდგომ საკუთარ კომპანიებში გამოიყენებენ. წლებია ვთანამშრომლობთ საერთაშორისო კომპანიებთან - მაკკინზისთან და კოკრეასთან, რის შედეგადაც მივიღეთ უნიკალური გამოცდილება, პრაქტიკული ცოდნა და გლობალური ხედვა. გვსურდა, ეს გამოცდილება ჩვენი პარტნიორებისთვისაც გაგვეზიარებინა.ეს არის პირველი შემთხვევა, როდესაც ორი მსგავსი საერთაშორისო კომპანია ერთ სივრცეში ატარებს ვორქშოფს, სპეციალურად ჩვენი პარტნიორებისთვის. ის აერთიანებს საერთაშორისო გამოცდილებასა და პრაქტიკულ ინსტრუმენტებს, რაც ბიზნესებს შესაძლებლობას აძლევს სწრაფად და ეფექტურად მოერგონ თანამედროვე გამოწვევებს. ჩვენ აქ არ ვჩერდებით და ვაგრძელებთ ბიზნესების მხარდაჭერისკენ მიმართული ინიციატივების განხორციელებას“, - განაცხადა საქართველოს ბანკის გენერალური დირექტორის მოადგილემ, ზურაბ ქოქოსაძემ.(R)

1771592190

ჟურნალისტმა გერმანელ კოლეგასთან, პაულ რონცჰაიმერთან პოდკასტში აღნიშნა, გასულ კვირას ზელენსკიმ პირად კაბინეტში შეხვედრა გამართა არა მინისტრებთან, არამედ უახლოეს მრჩევლებთან. იქ მან განაცხადა, რომ კონფლიქტის მოგვარების შესახებ მოლაპარაკებები ფაქტობრივად ჩავარდა და ახლა ქვეყანა ხანგრძლივი ომისთვის უნდა მოემზადოს.შეხვედრა გაიმართა პრეზიდენტის მიუნხენში გამგზავრების წინ, სადაც მან და მისმა გუნდმა უსაფრთხოების კონფერენციაში მიიღეს მონაწილეობა. კონფერენციაზე განიხილებოდა როგორც უკრაინის საერთაშორისო მხარდაჭერა, ისე სტრატეგიული ნაბიჯები რუსეთის აგრესიის საპასუხოდ.„რაც ჩემში ყველაზე დიდ სკეპტიციზმს იწვევს სწრაფი მშვიდობის შესახებ განცხადებების მიმართ, არის ზელენსკის პირად კაბინეტში გამართული შეხვედრა. იქ მან თქვა, რომ მოლაპარაკებები ჩაიშალა და ახლა მათ ომის კიდევ სამწლიანი გეგმა უნდა შეიმუშაონ“, - ამბობს ჟურნალისტი.პანჩევსკიმ ხაზგასმით აღნიშნა, რომ ზელენსკიმ ეს „პირდაპირ“ თქვა. პრეზიდენტის მრჩევლები ამ განცხადებებით შოკირებულნი დარჩნენ.„ყველა სრულ შოკში იყო. რა თქმა უნდა, არავის სურს სამწლიანი ომი. მანამდე ისინი (პრეზიდენტის ოფისის თანამშრომლები და სამუშაო ჯგუფი) ფაქტობრივად მუშაობდნენ გაზაფხულის ბოლოს ან ზაფხულის დასაწყისში არჩევნებისა და რეფერენდუმის ჩატარების გეგმაზე, როდესაც შეთანხმება, როგორიც არ უნდა ყოფილიყო ის, წარედგინებოდა ამომრჩეველს და შემდეგ ნახავდნენ, მიიღებდნენ თუ არა ისინი შეთანხმებულ პირობებს“, - დასძინა მან.ჟურნალისტმა აღნიშნა, რომ ზელენსკიმ მოულოდნელად „შიდა 180-გრადუსიანი შემობრუნება“ გააკეთა.„ეს ჩემში გარკვეულ სკეპტიციზმს იწვევს, რადგან მიუთითებს, რომ მას აღარ შეუძლია მოლაპარაკებების წარმოება. რაიმე მიზეზით - უბრალოდ არ ვიცი, რა არის ეს მიზეზი. ეს ჩემი წყაროა. მე ვიცნობ მის სამ უახლოეს მრჩეველს, რომლებმაც თავად არ იცოდნენ, ან თუ იცოდნენ, არ მითხრეს, რატომ შეიცვალა მან აზრი. ერთ-ერთი ვარაუდით, ტრამპმა უთხრა: "ბიჭო, ეს ჩემი ბოლო შეთავაზებაა. ამაზე უკეთესი აღარ იქნება. რაც დაგპირდი, არის ის, რისი შემოთავაზებაც შეგვიძლია". და ეს ზელენსკისთვის საკმარისი არ აღმოჩნდა“, - დაამატა პანჩევსკიმ.ამავდროულად, პრეზიდენტის ოფისში ჟურნალისტებს განუცხადეს, რომ პანჩევსკის განცხადებები „სისულელეა“.„არ ყოფილა არც ასეთი საუბარი მრჩევლებთან, არც ნეგატივი მოლაპარაკებების შესახებ და არც დავალება "კიდევ სამწლიან ომზე". ეს უბრალოდ სულელური ფეიკია“, - აღნიშნა პრეზიდენტის მრჩეველმა კომუნიკაციების საკითხებში, დმიტრო ლიტვინმა.სამშვიდობო მოლაპარაკებების მსვლელობის კომენტირებისას, ლიტვინმა გამოთქვა რწმენა, რომ დელეგაციები თებერვალშივე შეხვდებიან ერთმანეთს, თუმცა ეს მხოლოდ უკრაინაზე არ არის დამოკიდებული. დღეს პრეზიდენტს მოლაპარაკებების ჯგუფთან ექნება თათბირი.Axios წერს, რომ უკრაინის პრეზიდენტმა ვოლოდიმირ ზელენსკიმ თავის გუნდს კრემლის ხელმძღვანელ პუტინთან შეხვედრის ორგანიზება დაავალა. სახელმწიფოს მეთაურს მიაჩნია, რომ ეს საუკეთესო გზაა ტერიტორიების საკითხში პროგრესის მისაღწევად.თავად ზელენსკიმ განაცხადა, რომ ჟენევაში უკრაინის, აშშ-სა და რუსეთის მოლაპარაკებების დროს ორი ჯგუფი მუშაობდა - სამხედრო და პოლიტიკური. ტერიტორიების საკითხზე სამ მხარეს სამი განსხვავებული თვალსაზრისი ჰქონდა.24 თებერვალს 4 წელი სრულდება, რუსეთის მიერ უკრაინის წინააღმდეგ სრულმასშტაბიანი ომის დაწყებიდან.

1771591943

„საბაჟო წესების დარღვევის ფაქტზე შპს „ბათუმის ნავთობტერმინალის“ თანამშრომლების მიმართ აღძრული სისხლის სამართლის საქმე 2026 წლის 4 თებერვალს, აჭარის ავტონომიური რესპუბლიკის პროკურატურის შესაბამისი დადგენილების საფუძველზე შეწყდა, სისხლის სამართლის კანონმდებლობით გათვალისწინებული ქმედების არარსებობის გამო“, — ნათქვამია რედაქციის მოთხოვნის საპასუხოდ მიღებულ წერილში.კითხვაზე, თუ სად იმყოფება ის სამი თანამშრომელი, რომლებზეც საუბარია, კომპანიაში ასე უპასუხეს: „შპს „ბათუმის ნავთობტერმინალის“ ყველა თანამშრომელი იმყოფება სამუშაო ადგილზე. კომპანია ოპერაციულ საქმიანობას ახორციელებს შტატგარეშე რეჟიმში, საქართველოს კანონმდებლობის ფარგლებში“.შეგახსენებთ, რომ 2025 წლის 4 დეკემბერს საქართველოს ფინანსთა სამინისტროს საგამოძიებო სამსახურმა გამოაქვეყნა პრესრელიზი, სადაც ნათქვამი იყო, რომ შპს „ბათუმის ნავთობტერმინალის“ ხელმძღვანელობამ საბაჟო პროცედურების გვერდის ავლით ტერმინალის რეზერვუარებში განათავსა და ფარულად განკარგა 15 მლნ ლარზე მეტი ღირებულების, 10 ათას ტონაზე მეტი არადეკლარირებული ნედლი ნავთობი. ვრცელდებოდა ინფორმაცია სამი პირის დაკავების შესახებ.„ყაზმუნაიგაზში“, რომელიც „ყაზტრანსოილის“ მშობელი კომპანიაა, მაშინ პირდაპირი პასუხი არ გაუციათ და აღნიშნეს, რომ „ტერმინალისა და მისი თანამშრომლების უფლებები და კანონიერი ინტერესები სრულად არის უზრუნველყოფილი“, და რომ კომპანია თავს იკავებდა დამატებითი კომენტარებისგან გამოძიების საიდუმლოების შენახვის მოთხოვნის გათვალისწინებით. 2026 წლის იანვრის შუა რიცხვებში Forbes Kazakhstan-მა პასუხი მიიღო „ყაზტრანსოილისგან“, ხოლო საქართველოს ფინანსთა სამინისტროს საგამოძიებო სამსახურმა რედაქციის მოთხოვნა პასუხის გარეშე დატოვა.შპს „ბათუმის ნავთობტერმინალი“ 100%-ით ეკუთვნის ნავთობსადენების კომპანია „ყაზტრანსოილს“. ჯგუფმა აქტივი 2008 წლის თებერვალში 325 მილიონ დოლარად შეიძინა. ტერმინალის ფლობა ხორციელდებოდა რამდენიმე კომპანიის მეშვეობით, რომლებიც შემდგომში ლიკვიდირებულ იქნა, ხოლო მფლობელობის სტრუქტურას რესტრუქტურიზაცია ჩაუტარდა. 2017 წლის აგვისტოდან „ყაზტრანსოილი“ „ბათუმის ნავთობტერმინალს“ პირდაპირ ფლობს.ყაზახეთისთვის ტერმინალი წარმოადგენს საექსპორტო გასასვლელს შავ ზღვაზე. ტერმინალის მეშვეობით „ყაზტრანსოილი“ ფლობს და მართავს საწარმოო აქტივებს საქართველოში. „ბათუმის ნავთობტერმინალს“ ეკუთვნის შპს „ბათუმის საზღვაო ნავსადგურის“ მართვის ექსკლუზიური უფლება (ვადით 2055 წლამდე).

1771588647

გამოძიებით დადგინდა, რომ ბრალდებულმა, 2025 წელს, სახელმწიფო ტენდერის საფუძველზე გაფორმებული ხელშეკრულების ფარგლებში, 380 792 ლარის ღირებულების 24 177.3 კილოგრამი თევზის კონსერვი მიაწოდა სასაზღვრო პოლიციასა და შპს „სახელმწიფო კვებით უზრუნველყოფას“. აღნიშნული პროდუქცია განკუთვნილი იყო საქართველოს შინაგან საქმეთა და თავდაცვის სამინისტროების თანამშრომელთა კვებისთვის.საგამოძიებო მოქმედებების შედეგად, მათ შორის საწარმოს ჩხრეკისას, ამოღებულია 17 241 ერთეული ფალსიფიცირებული თევზის კონსერვი. ასევე დადგინდა, რომ პროდუქციის დამზადებისა და ნედლეულის შენახვის პირობები კრიტიკულად არ შეესაბამებოდა სურსათის უსაფრთხოების მოთხოვნებს.ამოღებულ პროდუქტებზე ჩატარებული ქიმიური და მიკრობიოლოგიური ექსპერტიზის დასკვნით, კონსერვი არ აკმაყოფილებს მიკრობიოლოგიურ სტანდარტებს და უვარგისია მოხმარებისთვის. რიგ შემთხვევებში ექსპერტიზის ჩატარება ვერ მოხერხდა, რადგან პროდუქცია მაღალი ტოქსიკურობის გამო საფრთხეს უქმნიდა თავად ექსპერტის სიცოცხლესა და ჯანმრთელობას.გარდა ამისა, დადგინდა, რომ კონსერვის შიგთავსი, თევზის ხორცის მასური წილითა და ენერგეტიკული ღირებულებით, არ შეესაბამება ეტიკეტზე მითითებულ მონაცემებს.საქმეზე გამოძიება მიმდინარეობს საქართველოს სისხლის სამართლის კოდექსის 197-ე მუხლის მე-3 ნაწილით, რაც 5-დან 7 წლამდე ვადით თავისუფლების აღკვეთას ითვალისწინებს.ფინანსთა სამინისტროს საგამოძიებო სამსახური აგრძელებს აქტიურ საგამოძიებო მოქმედებებს სიცოცხლისა და ჯანმრთელობისათვის საფრთხის შემცველი პროდუქციის გამოვლენისა და ამოღების მიზნით.

1771587560

ღვინის ეროვნული სააგენტოს თავმჯდომარის, ლევან მეხუზლას განცხადებით, ახალი რეგულაცია პირდაპირ კავშირშია წარმოების მაღალ სტანდარტებთან. მისი თქმით, ღვინის მწარმოებლებისთვის კარგად არის ცნობილი, რომ ხარისხიანი პროდუქტის მისაღებად გადამწყვეტია ვაზის ნერგების ხარისხი, გაშენების ექსპოზიცია, ნიადაგის შემადგენლობა და ვაზის ჯიშების სწორი შერჩევა.„კომერციული ვენახების გაშენების დროს ყველაფერი უნდა შეესაბამებოდეს იმ სტანდარტს, რაც საშუალებას იძლევა, მივიღოთ ხარისხიანი ყურძნის მოსავალი და, შესაბამისად, ხარისხიანი ღვინო. თუ ამ ყველაფერს მეწარმე გაითვალისწინებს, მას არ შეექმნება გაშენების თანხმობის მიღებაში დაბრკოლება. მსოფლიო გლობალურ ბაზარზე ღვინის მოხმარების კლების და ბაზარზე არსებული მაღალი კონკურენციის ფონზე, ეს არის ერთადერთი გზა, რომ მოხდეს უმაღლესი ხარისხის პროდუქტის წარმოება“, - აღნიშნა ლევან მეხუზლამ.კანონპროექტის თანახმად, ვენახის გაშენებაზე თანხმობა განიმარტება, როგორც საჯარო სამართლის იურიდიული პირის - ღვინის ეროვნული სააგენტოს მიერ გაცემული დოკუმენტი. ეს დოკუმენტი ფიზიკურ ან იურიდიულ პირს აძლევს უფლებას, გააშენოს სამეწარმეო ვენახი.ამასთან, აღნიშნული თანხმობა უფასოდ გაიცემა.სააგენტოს თავმჯდომარემ განმარტა, რომ ვენახების გაშენებაზე თანხმობის გაცემის პრაქტიკა სიახლეს არ წარმოადგენს საერთაშორისო ასპარეზზე და ის წარმატებით მოქმედებს ევროკავშირის ყველა ღვინის მწარმოებელ ქვეყანაში. ცვლილების მიზანია ადგილობრივი და საერთაშორისო ბაზრების მოთხოვნათა გათვალისწინება, რაც აუცილებელია ხარისხიანი ყურძნისეული წარმოშობის ალკოჰოლიანი სასმელების რეალიზაციისთვის.მნიშვნელოვანია დაზუსტება, რომ ვენახების გაშენების თანხმობის აღება მოუწევთ მხოლოდ იმ პირებს, რომლებიც კომერციულ საქმიანობას გეგმავენ. რეგულაცია არ ეხება იმ ფიზიკურ პირებს, რომლებიც ვენახის გაშენებას მხოლოდ პირადი მოხმარებისთვის აპირებენ.ღვინის ეროვნულ სააგენტოში აღნიშნავენ, რომ ამრიგად, სახელმწიფო ცდილობს შექმნას სისტემა, რომელიც ხელს შეუწყობს ქართული ღვინის, როგორც ქვეყნის სტრატეგიული პროდუქტის, იდენტობის დაცვასა და მის მყარ პოზიციონირებას გლობალურ ბაზარზე.

1771583799

მოსწავლეებისთვის საქართველოს ბანკის საგანმანათლებლო პროექტებზე მიღება უკვე დაიწყო:STEM სკოლასაქართველოს ბანკისა და კომაროვის STEM სკოლაში გაზაფხულის სემესტრზე მიღება უკვე მიმდინარეობს და 2 მარტამდე გაგრძელდება.STEM სკოლა  VII-XI კლასის მოსწავლეებისთვის შექმნილი პროექტია, რომლის ფარგლებშიც, მოსწავლეები იღებენ თეორიულ და პრაქტიკულ ცოდნას მეცნიერების, მათემატიკის, ინჟინერიისა და ტექნოლოგიების მიმართულებით.გაკვეთილები ონლაინ ტარდება, რაც შესაძლებლობას აძლევს მოსწავლეებს ნებისმიერი კუთხიდან ჩაერთონ სასწავლო პროცესში. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს.ინფორმაციისთვის, STEM სკოლა უკვე 2000-მდე მოსწავლეს აერთიანებს, რომელთაგან 300-ზე მეტი საქართველოს ბანკის სტიპენდიატია.STEM სკოლაში რეგისტრაციისთვის ეწვიეთ ვებგვერდს.Code ITპროგრამირებით დაინტერესებული მოსწავლეებისთვის, Code IT-ზე მიღება დაიწყო. პროგრამაზე სწავლის მსურველებმა, 22 თებერვლამდე უნდა გაიარონ რეგისტრაცია ბმულზე.Code IT საქართველოს ბანკის, ICT-ის ასოციაციის და საქართველოს ინოვაციების და ტექნოლოგიების სააგენტოს (GITA) თანამშრომლობით შექმნილი პროექტია და მასში მონაწილეობის მიღება 14-18 წლის ახალგაზრდებს შეუძლიათ.პროექტის ფარგლებში, შეხვედრები საქართველოს 9 ტექნოპარკსა (თბილისი, ბათუმი, ზუგდიდი, სენაკი, ოზურგეთი, კასპი, გურჯაანი, ახმეტა, თელავი) და 6 დამატებით ლოკაციაზე (მესტია, გორი, საგარეჯო, პანკისი, რუსთავი, ფოთი) იმართება.Code-IT-ის ფარგლებში, ინტერაქციული სწავლების მეთოდით მიმდინარეობს და პროგრამაზე სწავლა სრულად არის დაფინანსებული.ევერესტიმოსწავლეებისთვის განათლების კიდევ უფრო მეტი შესაძლებლობის შესაქმნელად, საქართველოს ბანკი საქართველოში ყველაზე მასშტაბური ევერესტის მათემატიკის ოლიმპიადის გენერალური სპონსორია.ევერესტის საგაზაფხულო სეზონზე რეგისტრაცია 23 თებერვალს დაიწყება და 27 მარტამდე გაგრძელდება.პირველი ტური ონლაინ გაიმართება და მასში მონაწილეობის მიღება II, III, IV, V და VI კლასის მოსწავლეებს შეეძლებათ. მეორე ტური კი დასწრებული ფორმატით 28 და 29 მარტს ჩატარდება. რეგისტრაციისთვის და ევერესტის ოლიმპიადის შესახებ დეტალური ინფორმაციისთვის ეწვიეთ ვებგვერდს.ეს ყველაფერი საქართველოს ბანკის მიერ განხორციელებული პროექტების მხოლოდ ნაწილია. მეტი ინფორმაციის მისაღებად ეწვიეთ ვებგვერდს ganatleba.bog.ge(R)

1771580132

ნებართვის არარსებობის შესახებ ინფორმაცია პირველად გამოცემა The Times-მა გაავრცელა. გაზეთის ცნობით, გაერთიანებული სამეფოს თავშეკავების გამო, დონალდ ტრამპმა უკან წაიღო მხარდაჭერა კირ სტარმერის მიერ დადებული შეთანხმების მიმართ, რომელიც ჩაგოსის კუნძულების (მათ შორის დიეგო გარსიას) მავრიკისთვის გადაცემას ითვალისწინებდა.აშშ-ის სამხედრო გეგმები ირანზე დარტყმის შესახებ ითვალისწინებს დიეგო გარსიაზე მდებარე ბრიტანულ-ამერიკული სამხედრო ბაზის, ასევე გლოცესტერშირში მდებარე ფეირფორდის (RAF Fairford) სამხედრო-საჰაერო ბაზის გამოყენებას, სადაც განთავსებულია ამერიკული მძიმე ბომბდამშენების ფლოტი.ლონდონსა და ვაშინგტონს შორის არსებული მრავალწლიანი შეთანხმებების თანახმად, პენტაგონს ამ ორი ობიექტიდან, ისევე როგორც გაერთიანებულ სამეფოში მდებარე სხვა ბაზებიდან, სადაც ამერიკული თვითმფრინავები და პერსონალია განთავსებული, ოპერაციების დაწყება მხოლოდ ბრიტანეთის მთავრობის წინასწარი თანხმობით შეუძლია.The Times-ის ცნობით, ირანის წინააღმდეგ პოტენციურ დარტყმასთან დაკავშირებით ეს თანხმობა ჯერ არ გაცემულა იმ შეშფოთების გამო, რომ მსგავსი მისია შესაძლოა საერთაშორისო სამართლის დარღვევა იყოს.აშშ-ს პრეზიდენტმა დონალდ ტრამპმა ხუთშაბათს, 19 თებერვალს განაცხადა, რომ მსოფლიო „ალბათ, მომდევნო 10 დღის განმავლობაში“ შეიტყობს, მიაღწევს თუ არა აშშ შეთანხმებას ირანთან მისი ბირთვული ამბიციების დასასრულებლად, თუ სამხედრო მოქმედებებს მიმართავს. მან ახლო აღმოსავლეთში ძალების მობილიზება მოახდინა - მათ შორის ორი გიგანტური ავიამზიდი, დამხმარე ხომალდები და გამანადგურებლები, რათა გაზარდოს ისლამური რესპუბლიკის წინააღმდეგ მნიშვნელოვანი სამხედრო ოპერაციის დაწყების შესაძლებლობები მოლაპარაკებების ჩავარდნის შემთხვევაში.სამშაბათს საღამოს ტრამპი ტელეფონით ესაუბრა ბრიტანეთის პრემიერ-მინისტრს. განხილულ თემებს შორის იყო ირანის კრიზისი, თუმცა არა ჩაგოსის კუნძულების საკითხი.მიუხედავად ამისა, მომდევნო დღეს პრეზიდენტმა სტარმერი ჩაგოსის კუნძულების შეთანხმების გამო კვლავ გააკრიტიკა, იმის მიუხედავადაც კი, რომ მისმა საკუთარმა სახელმწიფო დეპარტამენტმა მხარი დაუჭირა გაერთიანებული სამეფოს გადაწყვეტილებას ტერიტორიის მავრიკისთვის გადაცემისა და დიეგო გარსიას იჯარით აღების შესახებ.სოციალურ ქსელში გამოქვეყნებულ პოსტში ტრამპმა პირდაპირ ახსენა დიეგო გარსიასა და ფეირფორდის მნიშვნელობა ირანის წინააღმდეგ აშშ-ის სამხედრო ოპერაციებისთვის და მიანიშნა, თუ რატომ იქნებოდა საერთაშორისო სამართლის ფარგლებში ბრიტანეთის მიერ ასეთი ნებართვის გაცემა, იმის გათვალისწინებით, რომ თავად გაერთიანებული სამეფოც შეიძლება საფრთხის ქვეშ აღმოჩნდეს.„თუ ირანი გადაწყვეტს არ დადოს შეთანხმება, შესაძლოა შეერთებული შტატებისთვის აუცილებელი გახდეს დიეგო გარსიასა და ფეირფორდის აეროდრომის გამოყენება, რათა აღიკვეთოს პოტენციური თავდასხმა უკიდურესად არასტაბილური და საშიში რეჟიმის მხრიდან“, - დაწერა ტრამპმა თავის Truth Social პლატფორმაზე.„თავდასხმა, რომელიც პოტენციურად შეიძლება განხორციელდეს გაერთიანებულ სამეფოზე, ისევე როგორც სხვა მეგობარ ქვეყნებზე“.შემდეგ მან დასძინა: „ჩვენ ყოველთვის მზად ვიქნებით, გვსურს და შეგვიძლია ვიბრძოლოთ გაერთიანებული სამეფოსთვის, მაგრამ ისინი უნდა დარჩნენ ძლიერები "ვოკიზმისა" და მათ წინაშე არსებული სხვა პრობლემების წინაშე“.

1771579298

2026 წლის იანვარში ათი უმსხვილესი ქვეყნის წილმა საქართველოს მთლიან ადგილობრივ ექსპორტში 74.5% შეადგინა. ამ მხრივ, უმსხვილესი საექსპორტო პარტნიორები არიან: ჩინეთი - $64.2 მლნ თურქეთი - $49.3 მლნ რუსეთი - $34.8 მლნ საქსტატის მონაცემებით, 2026 წლის იანვარში ადგილობრივი ექსპორტის ათეულში პირველ ადგილზე ნავთობი და ნავთობპროდუქტები არის წარმოდგენილი $56.2 მლნ-ით, აღნიშნული სასაქონლო ჯგუფის წილი მთლიანი ადგილობრივი ექსპორტის 18%-ს შეადგენს. მეორე ადგილზეა ძვირფასი ლითონების მადნები და კონცენტრატები, $51 მლნ-ით (მთლიანი ადგილობრივი ექსპორტის 16.3%), ხოლო მესამე ადგილს იკავებს სპილენძის მადნები და კონცენტრატები $24 მლნ-ით (მთლიანი ადგილობრივი ექსპორტის 7.7%).

1771577093