ადგილობრივი ექსპორტი 68.1%-ით გაიზარდა

გამოძიებით დადგინდა, რომ ბრალდებულმა, 2025 წელს, სახელმწიფო ტენდერის საფუძველზე გაფორმებული ხელშეკრულების ფარგლებში, 380 792 ლარის ღირებულების 24 177.3 კილოგრამი თევზის კონსერვი მიაწოდა სასაზღვრო პოლიციასა და შპს „სახელმწიფო კვებით უზრუნველყოფას“. აღნიშნული პროდუქცია განკუთვნილი იყო საქართველოს შინაგან საქმეთა და თავდაცვის სამინისტროების თანამშრომელთა კვებისთვის.საგამოძიებო მოქმედებების შედეგად, მათ შორის საწარმოს ჩხრეკისას, ამოღებულია 17 241 ერთეული ფალსიფიცირებული თევზის კონსერვი. ასევე დადგინდა, რომ პროდუქციის დამზადებისა და ნედლეულის შენახვის პირობები კრიტიკულად არ შეესაბამებოდა სურსათის უსაფრთხოების მოთხოვნებს.ამოღებულ პროდუქტებზე ჩატარებული ქიმიური და მიკრობიოლოგიური ექსპერტიზის დასკვნით, კონსერვი არ აკმაყოფილებს მიკრობიოლოგიურ სტანდარტებს და უვარგისია მოხმარებისთვის. რიგ შემთხვევებში ექსპერტიზის ჩატარება ვერ მოხერხდა, რადგან პროდუქცია მაღალი ტოქსიკურობის გამო საფრთხეს უქმნიდა თავად ექსპერტის სიცოცხლესა და ჯანმრთელობას.გარდა ამისა, დადგინდა, რომ კონსერვის შიგთავსი, თევზის ხორცის მასური წილითა და ენერგეტიკული ღირებულებით, არ შეესაბამება ეტიკეტზე მითითებულ მონაცემებს.საქმეზე გამოძიება მიმდინარეობს საქართველოს სისხლის სამართლის კოდექსის 197-ე მუხლის მე-3 ნაწილით, რაც 5-დან 7 წლამდე ვადით თავისუფლების აღკვეთას ითვალისწინებს.ფინანსთა სამინისტროს საგამოძიებო სამსახური აგრძელებს აქტიურ საგამოძიებო მოქმედებებს სიცოცხლისა და ჯანმრთელობისათვის საფრთხის შემცველი პროდუქციის გამოვლენისა და ამოღების მიზნით.

1771587560

ღვინის ეროვნული სააგენტოს თავმჯდომარის, ლევან მეხუზლას განცხადებით, ახალი რეგულაცია პირდაპირ კავშირშია წარმოების მაღალ სტანდარტებთან. მისი თქმით, ღვინის მწარმოებლებისთვის კარგად არის ცნობილი, რომ ხარისხიანი პროდუქტის მისაღებად გადამწყვეტია ვაზის ნერგების ხარისხი, გაშენების ექსპოზიცია, ნიადაგის შემადგენლობა და ვაზის ჯიშების სწორი შერჩევა.„კომერციული ვენახების გაშენების დროს ყველაფერი უნდა შეესაბამებოდეს იმ სტანდარტს, რაც საშუალებას იძლევა, მივიღოთ ხარისხიანი ყურძნის მოსავალი და, შესაბამისად, ხარისხიანი ღვინო. თუ ამ ყველაფერს მეწარმე გაითვალისწინებს, მას არ შეექმნება გაშენების თანხმობის მიღებაში დაბრკოლება. მსოფლიო გლობალურ ბაზარზე ღვინის მოხმარების კლების და ბაზარზე არსებული მაღალი კონკურენციის ფონზე, ეს არის ერთადერთი გზა, რომ მოხდეს უმაღლესი ხარისხის პროდუქტის წარმოება“, - აღნიშნა ლევან მეხუზლამ.კანონპროექტის თანახმად, ვენახის გაშენებაზე თანხმობა განიმარტება, როგორც საჯარო სამართლის იურიდიული პირის - ღვინის ეროვნული სააგენტოს მიერ გაცემული დოკუმენტი. ეს დოკუმენტი ფიზიკურ ან იურიდიულ პირს აძლევს უფლებას, გააშენოს სამეწარმეო ვენახი.ამასთან, აღნიშნული თანხმობა უფასოდ გაიცემა.სააგენტოს თავმჯდომარემ განმარტა, რომ ვენახების გაშენებაზე თანხმობის გაცემის პრაქტიკა სიახლეს არ წარმოადგენს საერთაშორისო ასპარეზზე და ის წარმატებით მოქმედებს ევროკავშირის ყველა ღვინის მწარმოებელ ქვეყანაში. ცვლილების მიზანია ადგილობრივი და საერთაშორისო ბაზრების მოთხოვნათა გათვალისწინება, რაც აუცილებელია ხარისხიანი ყურძნისეული წარმოშობის ალკოჰოლიანი სასმელების რეალიზაციისთვის.მნიშვნელოვანია დაზუსტება, რომ ვენახების გაშენების თანხმობის აღება მოუწევთ მხოლოდ იმ პირებს, რომლებიც კომერციულ საქმიანობას გეგმავენ. რეგულაცია არ ეხება იმ ფიზიკურ პირებს, რომლებიც ვენახის გაშენებას მხოლოდ პირადი მოხმარებისთვის აპირებენ.ღვინის ეროვნულ სააგენტოში აღნიშნავენ, რომ ამრიგად, სახელმწიფო ცდილობს შექმნას სისტემა, რომელიც ხელს შეუწყობს ქართული ღვინის, როგორც ქვეყნის სტრატეგიული პროდუქტის, იდენტობის დაცვასა და მის მყარ პოზიციონირებას გლობალურ ბაზარზე.

1771583799

მოსწავლეებისთვის საქართველოს ბანკის საგანმანათლებლო პროექტებზე მიღება უკვე დაიწყო:STEM სკოლასაქართველოს ბანკისა და კომაროვის STEM სკოლაში გაზაფხულის სემესტრზე მიღება უკვე მიმდინარეობს და 2 მარტამდე გაგრძელდება.STEM სკოლა  VII-XI კლასის მოსწავლეებისთვის შექმნილი პროექტია, რომლის ფარგლებშიც, მოსწავლეები იღებენ თეორიულ და პრაქტიკულ ცოდნას მეცნიერების, მათემატიკის, ინჟინერიისა და ტექნოლოგიების მიმართულებით.გაკვეთილები ონლაინ ტარდება, რაც შესაძლებლობას აძლევს მოსწავლეებს ნებისმიერი კუთხიდან ჩაერთონ სასწავლო პროცესში. ამასთან, საქართველოს ბანკი ყოველწლიურად საუკეთესო შედეგის მქონე 60 მოსწავლეს სწავლის საფასურს 100%-ით, ხოლო 30-ს - 50%-ით უფინანსებს.ინფორმაციისთვის, STEM სკოლა უკვე 2000-მდე მოსწავლეს აერთიანებს, რომელთაგან 300-ზე მეტი საქართველოს ბანკის სტიპენდიატია.STEM სკოლაში რეგისტრაციისთვის ეწვიეთ ვებგვერდს.Code ITპროგრამირებით დაინტერესებული მოსწავლეებისთვის, Code IT-ზე მიღება დაიწყო. პროგრამაზე სწავლის მსურველებმა, 22 თებერვლამდე უნდა გაიარონ რეგისტრაცია ბმულზე.Code IT საქართველოს ბანკის, ICT-ის ასოციაციის და საქართველოს ინოვაციების და ტექნოლოგიების სააგენტოს (GITA) თანამშრომლობით შექმნილი პროექტია და მასში მონაწილეობის მიღება 14-18 წლის ახალგაზრდებს შეუძლიათ.პროექტის ფარგლებში, შეხვედრები საქართველოს 9 ტექნოპარკსა (თბილისი, ბათუმი, ზუგდიდი, სენაკი, ოზურგეთი, კასპი, გურჯაანი, ახმეტა, თელავი) და 6 დამატებით ლოკაციაზე (მესტია, გორი, საგარეჯო, პანკისი, რუსთავი, ფოთი) იმართება.Code-IT-ის ფარგლებში, ინტერაქციული სწავლების მეთოდით მიმდინარეობს და პროგრამაზე სწავლა სრულად არის დაფინანსებული.ევერესტიმოსწავლეებისთვის განათლების კიდევ უფრო მეტი შესაძლებლობის შესაქმნელად, საქართველოს ბანკი საქართველოში ყველაზე მასშტაბური ევერესტის მათემატიკის ოლიმპიადის გენერალური სპონსორია.ევერესტის საგაზაფხულო სეზონზე რეგისტრაცია 23 თებერვალს დაიწყება და 27 მარტამდე გაგრძელდება.პირველი ტური ონლაინ გაიმართება და მასში მონაწილეობის მიღება II, III, IV, V და VI კლასის მოსწავლეებს შეეძლებათ. მეორე ტური კი დასწრებული ფორმატით 28 და 29 მარტს ჩატარდება. რეგისტრაციისთვის და ევერესტის ოლიმპიადის შესახებ დეტალური ინფორმაციისთვის ეწვიეთ ვებგვერდს.ეს ყველაფერი საქართველოს ბანკის მიერ განხორციელებული პროექტების მხოლოდ ნაწილია. მეტი ინფორმაციის მისაღებად ეწვიეთ ვებგვერდს ganatleba.bog.ge(R)

1771580132

ნებართვის არარსებობის შესახებ ინფორმაცია პირველად გამოცემა The Times-მა გაავრცელა. გაზეთის ცნობით, გაერთიანებული სამეფოს თავშეკავების გამო, დონალდ ტრამპმა უკან წაიღო მხარდაჭერა კირ სტარმერის მიერ დადებული შეთანხმების მიმართ, რომელიც ჩაგოსის კუნძულების (მათ შორის დიეგო გარსიას) მავრიკისთვის გადაცემას ითვალისწინებდა.აშშ-ის სამხედრო გეგმები ირანზე დარტყმის შესახებ ითვალისწინებს დიეგო გარსიაზე მდებარე ბრიტანულ-ამერიკული სამხედრო ბაზის, ასევე გლოცესტერშირში მდებარე ფეირფორდის (RAF Fairford) სამხედრო-საჰაერო ბაზის გამოყენებას, სადაც განთავსებულია ამერიკული მძიმე ბომბდამშენების ფლოტი.ლონდონსა და ვაშინგტონს შორის არსებული მრავალწლიანი შეთანხმებების თანახმად, პენტაგონს ამ ორი ობიექტიდან, ისევე როგორც გაერთიანებულ სამეფოში მდებარე სხვა ბაზებიდან, სადაც ამერიკული თვითმფრინავები და პერსონალია განთავსებული, ოპერაციების დაწყება მხოლოდ ბრიტანეთის მთავრობის წინასწარი თანხმობით შეუძლია.The Times-ის ცნობით, ირანის წინააღმდეგ პოტენციურ დარტყმასთან დაკავშირებით ეს თანხმობა ჯერ არ გაცემულა იმ შეშფოთების გამო, რომ მსგავსი მისია შესაძლოა საერთაშორისო სამართლის დარღვევა იყოს.აშშ-ს პრეზიდენტმა დონალდ ტრამპმა ხუთშაბათს, 19 თებერვალს განაცხადა, რომ მსოფლიო „ალბათ, მომდევნო 10 დღის განმავლობაში“ შეიტყობს, მიაღწევს თუ არა აშშ შეთანხმებას ირანთან მისი ბირთვული ამბიციების დასასრულებლად, თუ სამხედრო მოქმედებებს მიმართავს. მან ახლო აღმოსავლეთში ძალების მობილიზება მოახდინა - მათ შორის ორი გიგანტური ავიამზიდი, დამხმარე ხომალდები და გამანადგურებლები, რათა გაზარდოს ისლამური რესპუბლიკის წინააღმდეგ მნიშვნელოვანი სამხედრო ოპერაციის დაწყების შესაძლებლობები მოლაპარაკებების ჩავარდნის შემთხვევაში.სამშაბათს საღამოს ტრამპი ტელეფონით ესაუბრა ბრიტანეთის პრემიერ-მინისტრს. განხილულ თემებს შორის იყო ირანის კრიზისი, თუმცა არა ჩაგოსის კუნძულების საკითხი.მიუხედავად ამისა, მომდევნო დღეს პრეზიდენტმა სტარმერი ჩაგოსის კუნძულების შეთანხმების გამო კვლავ გააკრიტიკა, იმის მიუხედავადაც კი, რომ მისმა საკუთარმა სახელმწიფო დეპარტამენტმა მხარი დაუჭირა გაერთიანებული სამეფოს გადაწყვეტილებას ტერიტორიის მავრიკისთვის გადაცემისა და დიეგო გარსიას იჯარით აღების შესახებ.სოციალურ ქსელში გამოქვეყნებულ პოსტში ტრამპმა პირდაპირ ახსენა დიეგო გარსიასა და ფეირფორდის მნიშვნელობა ირანის წინააღმდეგ აშშ-ის სამხედრო ოპერაციებისთვის და მიანიშნა, თუ რატომ იქნებოდა საერთაშორისო სამართლის ფარგლებში ბრიტანეთის მიერ ასეთი ნებართვის გაცემა, იმის გათვალისწინებით, რომ თავად გაერთიანებული სამეფოც შეიძლება საფრთხის ქვეშ აღმოჩნდეს.„თუ ირანი გადაწყვეტს არ დადოს შეთანხმება, შესაძლოა შეერთებული შტატებისთვის აუცილებელი გახდეს დიეგო გარსიასა და ფეირფორდის აეროდრომის გამოყენება, რათა აღიკვეთოს პოტენციური თავდასხმა უკიდურესად არასტაბილური და საშიში რეჟიმის მხრიდან“, - დაწერა ტრამპმა თავის Truth Social პლატფორმაზე.„თავდასხმა, რომელიც პოტენციურად შეიძლება განხორციელდეს გაერთიანებულ სამეფოზე, ისევე როგორც სხვა მეგობარ ქვეყნებზე“.შემდეგ მან დასძინა: „ჩვენ ყოველთვის მზად ვიქნებით, გვსურს და შეგვიძლია ვიბრძოლოთ გაერთიანებული სამეფოსთვის, მაგრამ ისინი უნდა დარჩნენ ძლიერები "ვოკიზმისა" და მათ წინაშე არსებული სხვა პრობლემების წინაშე“.

1771579298

კერძოდ, ანალიტიკოსები რუსეთის ხელისუფლებას ოკუპირებული ცხინვალის რეგიონის გავლით საერთაშორისო სატრანსპორტო მაგისტრალის „ჩრდილოეთი–სამხრეთი“ ფარგლებში რკინიგზისა და ავტომაგისტრალის მშენებლობის შესაძლებლობის განხილვას სთავაზობენ, რითაც რუსეთის სრულ კონტროლს დაქვემდებარებული სატრანსპორტო კვანძი შეიქმნება.„რუსეთის საგარეო საქმეთა საბჭოს“ ანალიტიკოსები სცენარების სახით ხელისუფლებას სთავაზობენ რუსეთსა და „სამხრეთ ოსეთს“ შორის სამოკავშირეო სახელმწიფოს ჩამოყალიბებას, ან „სამხრეთ ოსეთის“ სტატუსის შენარჩუნებას ურჩევენ, როგორც საერთაშორისო საბაჟო კონტროლს დაქვემდებარებული ტერიტორიის, რასაც 2011 წელსაც განიხილავდნენ.კრემლის ანალიტიკოსების იდეის თანახმად, ახალმა მაგისტრალმა რაჭის ტერიტორიაც, კერძოდ სოფელი გლოლა და ონი უნდა გაიაროს, შემდეგ ქვაისაში ჩავიდეთ, ცხინვალის და თბილისის გავლით სადახლომდე, შემდეგ სომხეთში და აქედან კი ირანში უნდა გაგრძელდეს. რუსმა ანალიტიკოსებმა კრემლისთვის სასურველი სატრანზიტო მაგისტრალის რუკაც კი შეადგინეს: 

1771577056

როგორც მინისტრმა განმარტა, პირველ ეტაპზე გადამოწმდებიან ის ოჯახები, რომელთა შემთხვევაშიც არსებობს მაღალი ალბათობა, რომ ისინი შემწეობის მიღების პირობებს ვეღარ აკმაყოფილებენ. ერთ-ერთ მთავარ ინდიკატორად, რაც ოჯახის გადამოწმების საფუძველი გახდება, ბოლო სამი თვის განმავლობაში ყოველთვიურად 2000 ლარზე მეტი შემოსავლის მიღება განისაზღვრა.მიხეილ სარჯველაძემ ხაზგასმით აღნიშნა, რომ 2000-ლარიანი შემოსავალი არ ნიშნავს სტატუსის ავტომატურ გაუქმებას, არამედ ეს არის სიგნალი სამინისტროსთვის, რომ ოჯახის ეკონომიკური მდგომარეობა ხელახლა შეფასდეს.სოციალური მდგომარეობის შესამოწმებლად სახელმწიფო ათეულობით კრიტერიუმს იყენებს. მინისტრის განმარტებით, სისტემა კომპლექსურია და მხოლოდ ერთი რომელიმე ნივთი ან შემოსავალი საბოლოო სურათს არ ქმნის.„ამ სისტემაში მონაწილეობს ათეულობით კრიტერიუმი, მათ შორის კომუნალური გადასახადების მოცულობა და სხვა ფაქტორები. ზოგ შემთხვევაში სტატუსის შენარჩუნებას ჯანმრთელობის პრობლემა ან შშმ პირის სტატუსი განაპირობებს. მთლიანობაში, რა სურათიც იქმნება, სწორედ ის იძლევა საფუძველს გადაწყვეტილებისთვის. თუ ოჯახს პოზიტიური დინამიკა აქვს და მდგომარეობა გაიუმჯობესა, ის ბუნებრივია, აღარ უნდა რჩებოდეს ბაზაში“, - განაცხადა სარჯველაძემ.უწყების ხელმძღვანელმა განმარტა, რომ სამინისტროს ამოცანა ბიუჯეტის დაზოგვა არ არის. მისი თქმით, რეფორმის მთავარი მიზანია, რომ სახელმწიფო რესურსი მაქსიმალურად ეფექტიანად განაწილდეს და თითოეული თეთრი იმ ადამიანების მხარდაჭერას მოხმარდეს, ვისთვისაც ეს კრიტიკულად მნიშვნელოვანია.მინისტრის თქმით, სწორი დაჯგუფება საშუალებას მისცემს სახელმწიფოს, უფრო მეტი შესაძლებლობა და რესურსი მიმართოს მათკენ, ვინც რეალურად იმყოფება მძიმე ფინანსურ და ეკონომიკურ მდგომარეობაში.შეგახსენებთ, რომ სოციალურად დაუცველი ოჯახების ბაზის აქტიური გადამოწმების შესახებ გადაწყვეტილება ჯანდაცვის სამინისტრომ რამდენიმე დღის წინ დააანონსა.

1771576300

მინისტრმა ყურადღება გაამახვილა ბაზაში არსებულ სტატისტიკასა და იმ „ანომალიურ შემთხვევებზე“, რომლებიც გადამოწმების პროცესის შეფერხებამ გამოიწვია. სარჯველაძის თქმით, კორონავირუსის პანდემიის შემდეგ მოქმედებდა ე.წ. მორატორიუმი, რის გამოც ოჯახების ინსპექტირება პრაქტიკულად არ ხორციელდებოდა. შედეგად, ბაზაში დღემდე რჩებიან ადამიანები, რომელთა ეკონომიკური მდგომარეობა მნიშვნელოვნად გაუმჯობესდა.„ბაზაში დღეს რეგისტრირებულია და შემწეობას იღებს ოჯახი, რომელსაც ბოლო 3 თვეში მიღებული აქვს რამდენიმე ათეული ათასი ლარის შემოსავალი. ფიქსირდება შემთხვევები, როდესაც ოჯახს ერთი წლის განმავლობაში შეძენილი აქვს რამდენიმე ათეულ ათას ლარად ღირებული ავტომანქანები, მათ შორის 2024 წელს გამოშვებული მოდელები. ფაქტია, სოციალურად დაუცველთა ბაზა შესაბამისობაში ვერ მოდიოდა იმ ეკონომიკურ წარმატებასთან, რომელიც ქვეყანას ბოლო წლებში ჰქონდა“, - განაცხადა მიხეილ სარჯველაძემ.მინისტრის ინფორმაციით, დღეისათვის სოციალურად დაუცველთა ბაზაში 185 ათასზე მეტი ოჯახი (დაახლოებით 710 ათასი ადამიანი) ფიქსირდება. მისივე თქმით, 2012 წლის შემდეგ შემწეობის მისაღები ქულა ორჯერ გაიზარდა, რაც უფრო მეტი ოჯახის დახმარებას ისახავდა მიზნად, თუმცა ამავდროულად, აღნიშნული თემა არაერთხელ გამხდარა „არაკეთილსინდისიერი პოლიტიკური სპეკულაციების“ საგანი ოპოზიციის მხრიდან. სარჯველაძის განმარტებით, ქულა რომ არ გაზრდილიყო, შემწეობის მიმღებთა რაოდენობა დღეს 120 ათასი იქნებოდა.გადამოწმების პროცესს სოციალური მომსახურების სააგენტო განახორციელებს. მინისტრმა ხაზგასმით აღნიშნა, რომ ბაზიდან პირთა ამოღება ავტომატურად მათ სამართლებრივ პასუხისმგებლობას არ ნიშნავს, თუმცა სიყალბის გამოვლენის შემთხვევაში, რეაგირება მკაცრი იქნება.„ეს პროცესი იქნება მკაცრი მონიტორინგის ქვეშ. შევეცდებით, არცერთი სამართალდარღვევა, თუკი ასეთი გამოვლინდება, არ დარჩეს სათანადო რეაგირების გარეშე. ჩვენი ამოცანაა, წერტილი დაესვას მანიპულაციებს და სახელმწიფო რესურსი მიიმართოს მათკენ, ვისაც სახელმწიფოს მხრიდან მხარდაჭერის აუცილებლობა მართლაც აქვს“, - აღნიშნა მინისტრმა.როგორც ბრიფინგზე ითქვა, უწყება გეგმავს მონაცემთა ბაზა მაქსიმალურად დააახლოოს რეალურ სურათს, რათა გამოირიცხოს შეძლებელი ოჯახების მხრიდან სოციალური პაკეტებით სარგებლობის შემთხვევები.

1771574022

წინა წლის შესაბამის თვესთან შედარებით ადგილობრივი ბაზრისთვის წარმოებული სამრეწველო პროდუქციის მწარმოებელთა ფასების ინდექსი 5%-ით გაიზარდა. სამთო მოპოვებითი მრეწველობისა და კარიერების დამუშავების ჯგუფზე ფასები 5.1%-ით შემცირდა, დამამუშავებელი მრეწველობის პროდუქციაზე ფასები 6%-ით გაიზარდა, ელექტროენერგიის, აირის, ორთქლისა და კონდიცირებული ჰაერის ჯგუფზე 2.2%-ით, ხოლო წყალმომარაგების, კანალიზაციის, ნარჩენების მართვით და რეკულტივირებით მომსახურების ჯგუფზე დაფიქსირდა ფასების 3.1%-იანი ზრდა.

1771573372