პაველ ჰერჩინსკის „ოცნებასთან“ მაღალი დონის შეხვედრები აღარ ექნება

„დაარსების პირველივე დღიდან ვიცოდით, რომ საქართველოს ფარგლებს გავცდებოდით და ცენტრალურ თუ აღმოსავლურ ევროპის ბაზრებზე გავიდოდით“, — აღნიშნავს გიორგი ტალახაძე, Ska Juice Bar-ის დამფუძნებელი და აღმასრულებელი დირექტორი.ოთხი წლის თავზე კი სწორედ ამ მიზნების განხორციელების დრო დადგა. როგორც გიორგი განმარტავს, მოცემულ ეტაპზე გარკვეულწილად ამოწურეს ადგილობრივი ბაზარი — „ისეთი კონცეფცია არ გვაქვს, რომელიც მასობრივ პროდუქციაზე კონცენტრირებული. ამიტომაც, თბილისში ჩვენი ობიექტების რაოდენობა სრულად მოიცავს Ska Juice Bar-ის მომხმარებლებს“. შესაბამისად, მეტი განვითარებისთვის პირვანდელი მიზნის ხორცშესხმა გადაწყვიტეს. ერთი წლის წინ ევროპის რამდენიმე ქალაქში ჩაატარეს მოკვლევა; შეისწავლეს ბაზრები, სადაც პოტენციურად გავიდოდნენ — ამ პროცესში „სკა ჯუს ბარს“ wolt დაეხმარა, როგორც გრძელვადიანი სტრატეგიული პარტნიორი.საბოლოო ჯამში, რამდენიმე მიზეზის გამო, პრაღაზე შეაჩერეს არჩევანი. პირველ რიგში, ამოსავალი წერტილი გეოგრაფია იყო — ვინაიდან პრაღა ევროპის ცენტრს წარმოადგენს, გაფართოების აქედან დაწყება გარკვეულწილად მარტივია. ამავდროულად, ევროპის სხვა ქალაქებთან შედარებით ყველაფერი იაფია — დაწყებული პროდუქტებით, დასრულებული ლოგისტიკური ხარჯებით.აქვე ისიც საგულისხმოა, რომ სტრატეგიული პარტნიორი, ვოლტი, ბაზრის წილით მოწინავე პოზიციას იკავებს. თანაც პრაღაში „სკა ჯუს ბარის“ მსგავსი კონცეფციის ობიექტები ნაკლებადაა  — შესაბამისად, ერთგვარ ახალ სიტყვას შეიტანენ და განვითარების დიდ პოტენციალსაც მოიპოვებენ.როგორც დასაწყისში აღვნიშნეთ, განვითარების ასეთ სწრაფსა და აქტიურ ტემპში თიბისის დიდი როლი აქვს. „სკა ჯუს ბარის არსებობის პირველივე დღეებიდან თიბისის უდიდესი როლი მიუძღვის ჩვენს განვითარებაში. პირველი სტარტაპ სესხი სწორედ აქ მოგვცეს, შემდეგ ყოველ ეტაპზე ხან საბრუნავი კაპიტალი დავიმატეთ, ხან — ახალი ფილიალის გასახსნელი. მუდმივად გვიჭერდნენ მხარს და ახლაც, როგორც ხედავთ, საქართველოს ფარგლებს გარეთ გაგვახსნევინეს ორი ფილიალი. ალბათ, სულ რამდენიმე ბიზნესია საქართველოდან ევროპაში გასული და ვფიქრობ, ბევრისთვის საინტერესოა, როგორ შეიძლება თიბისის დაფინანსებით ასეთი პროგრესის მიღწევა“.როგორც გიორგი აღნიშნავს, სამომავლოდ გაფართოების კიდევ უფრო დიდი გეგმები აქვთ, რაშიც თიბისი მაქსიმალურად უწყობს ხელს.

1728035379

მისივე თქმით, ერევანსა და ბაქოს შორის მოლაპარაკებების გაჭიანურებით დასავლეთი სომხეთ–აზერბაიჯანის დარეგულირების პროცესის სათავეში მოქცევას გეგმავს. „დასავლეთს სურს რეგიონში საკუთარი სამშვიდობო ძალების განთავსება – დე–იურე გაეროს ეგიდით, დე–ფაქტო კიმ NATO-ს ჯარების“, – განაცხადა ბორტნიკოვმა.„ამავდროულად, შეიარაღების შეღავათიანი მიწოდების და უსაფრთხოების გარანტიის სანაცვლოდ დასავლეთი სომხეთის ხელისუფლებისგან კუხო–დან გასვლას ითხოვს. ეს კი ერევანს უფრო დამოკიდებულს გახდის ჩრდილოატლანტიკურ ალიანსზე, ბაქოსთან შემდგომი ურთიერთობების საკითხებში. ნატოელების შუამავლობის მანამდელ გამოცდილებებს თუ გავითვალისწინებთ, სამხრეთ კავკასიაში ბლოკის გამაგრება არ შეუწყობს ხელს რეგიონის სტაბილურობას“, – თქვა ბორტნიკოვმა.მისივე თქმით, სომხეთ–აზერბაიჯანის საზღვარზე შესული ევროკავშირის დამოუკიდებელი სამოქალაქო სადამკვირვებლო მისია სადაზვერვო საქმიანობითაა დაკავებული რუსეთისა და მისი პარტნიორების წინააღმდეგ. 

1728032346

საქართველოს ბანკი გამარჯვებულად 9 ნომინაციაში დასახელდა როგორც მსოფლიოს, ასევე რეგიონის მასშტაბით.„ფინტექის მიმართულებით ციფრული ტექნოლოგიების მუდმივი განვითარება და კიბერუსაფრთხოების მნიშვნელობის ზრდა სრულად ცვლის ციფრული საბანკო სერვისების მიმართულებას. Global Finance-ის საუკეთესო ციფრული ბანკის ჯილდო კი იმ ფინანსური ინსტიტუტების აღიარებას ემსახურება, რომლებიც ფინტექის სფეროში ახალ სტანდარტებს ქმნიან“, - აღნიშნავს ჯოზეფ ჯიარაპუტო, Global Finance-ის დამფუძნებელი და სარედაქციო დირექტორი.“Global Finance-ის ჯილდო ჩვენი ძალისხმევის დაფასებაა - შევქმნათ საუკეთესო ციფრული პროდუქტები ჩვენი მომხმარებლებისთვის. Global Finance-ის აღიარება და საქართველოს ბანკის საუკეთესოდ დასახელება ისეთ ბანკებს შორის, როგორებიც არის Bank of America, BBVA, Santander თუ სხვა, დიდი მიღწევაა, რომელიც გვაძლევს მოტივაციას, არ გავჩერდეთ. მინდა მადლობა გადავუხადო ჩვენი გუნდის თითოეულ წევრს ამ პროცესში შეტანილი წვლილისათვის. ჩვენ ერთად ვქმნით საუკეთესო ციფრულ ბანკს მსოფლიოში!“ - აღნიშნავს ლევან გომშიაშვილი, მარკეტინგის, ციფრული საბანკო მომსახურებისა და მომხმარებელთა გამოცდილების მართვის მიმართულების ხელმძღვანელი.გამარჯვებულების გამოსავლენად ჟიურის წევრები რამდენიმე კრიტერიუმით ხელმძღვანელობდნენ, მათ შორის იყო: ციფრული მომხმარებლების მოზიდვისა და მომსახურების სტრატეგიის სიძლიერე, ციფრული შეთავაზებების მრავალფეროვნებისა და მოხმარების მაჩვენებელი, ციფრული მომხმარებლების რაოდენობის ზრდა და მათი კმაყოფილება, მომხმარებელზე ორიენტირებული მიდგომები, ციფრული ბანკის ფუნქციურობა და სხვა.საქართველოს ბანკის მიერ წარდგენილ პროდუქტებსა და ფუნქციონალებს შორის კი იყო: Ads Manager-ის პლატფორმა, რომელიც შესაძლებლობას აძლევს ბიზნესებს, მონაცემების ანალიტიკაზე დაფუძნებული ბიზნეს შეთავაზებები 1.5 მილიონზე მეტ მომხმარებელს აჩვენონ მობილბანკში, sCoolApp-სა და Offers.bog.ge-ზე. ინფორმაციისთვის, საერთაშორისო გამოცემა Global Finance 1987 წელს დაარსდა და 160 ქვეყანაში ოპერირებს. იგი ათწლეულების განმავლობაში ფინანსურ სამყაროში სანდოობის სტანდარტად იქცა. გამოცემა ყოველწლიურად მთელი მსოფლიოდან საუკეთესო ფინანსურ ინსტიტუტებს გამოარჩევს და აჯილდოებს.

1728032180

ღონისძიების ფარგლებში, თიბისი კაპიტალის კვლევების მიმართულების ხელმძღვანელმა - ირინა კვახაძემ, საცხოვრებელი უძრავი ქონების შესახებ, კვლევა წარადგინა.კვლევის თანახმად, 2024 წელს თბილისის უძრავი ქონების ბაზარზე მდგომარეობა სტაბილურია. 2024 წლის 8 თვის განმავლობაში, თბილისში საცხოვრებელი უძრავი ქონების გაყიდვებმა წლიურად 2%-ით იკლო. ამ პერიოდში 25 102 ბინა გაიყიდა. მთაწმინდის გარდა, თბილისის ყველა უბანში ყველაზე დიდი მოთხოვნა 50-75 კვ.მ ფართობის ბინებზეა.რაც შეეხება ბათუმს, 2024 წლის პირველ 8 თვეში აქ ტრანზაქციები წლიურად 14%-ით შემცირდა, რაც ძირითადად მაღალი საბაზისო ეფექტით და მოთხოვნის ნორმალიზებითაა გამოწვეული. აღნიშნულ პერიოდში, ბათუმში 9117 ბინა გაიყიდა. პირველ ზოლში - 35 კვ.მ-მდე ფართობის ბინების, ცენტრში და გარეუბნებში კი 50-75 კვ.მ ფართობის აპარტამენტების გაყიდვები ჭარბობს. ბათუმის პროექტებში ბინები ძირითადად საინვესტიციო მიზნითაა შეძენილი, რასაც უცხოელი მყიდველების მაღალი წილიც ადასტურებს.2024 წლის პირველ 7 თვეში საშუალო გასაყიდი ფასი თბილისში წლიურად 4%-ითაა გაზრდილი და ფასმა 1201$ შეადგინა. ბათუმში კი ფასი 6%-ითაა წლიურად გაზრდილი და 1184$ შეადგინა. მომდევნო თვეებში თბილისისა და ბათუმის უძრავი ქონების ფასებში  მნიშვნელოვანი ცვლილებები არაა მოსალოდნელი.თბილისში უძრავი ქონება კვლავ რჩება მაღალი ამონაგების მქონე საინვესტიციო აქტივად. 2024 წლის აგვისტოში ამონაგებმა  გრძელვადიან საშუალო მაჩვენებელს 1.4 პროცენტული პუნქტით გადააჭარბა და 9.8% შეადგინა.თბილისის უძრავი ქონების ბაზარზე პოტენციური მიწოდება ისევ მაღალ დონეზეა, თუმცა 2024 წლის 8 თვის განმავლობაში, თბილისში გაცემული ნებართვები წლიურად 7%-ით შემცირდა. წელს 891 000 ფართობზე გაიცა მშენებლობის უფლება, საიდანაც ყველაზე დიდი წილი - 28% დიდ დიღომზე, ყველაზე პატარა წილი - 14% კი ისანზე მოდის.კვლევას გაეცანით ბმულზე.

1728031492

ჰაკათონი ყოველწლიურად, ერთდროულად იმართება მსოფლიოს 300-მდე სხვადასხვა ქალაქში და გლობალურად აერთიანებს ათასობით მონაწილეს. წლევანდელი ჰაკათონის მთავარი თემაა “The Sun Touches Everything".  ორი დღის განმავლობაში, მონაწილეები ინტენსიურად იმუშავებენ და საკითხის ირგვლივ მწვავე პრობლემას, ნასას მონაცემებზე დაყრდნობით, მოუნახავენ ინოვაციურ გადაწყვეტას. შემდეგ ეტაპზე, ადგილობრივი ჰაკათონის გამარჯვებულები ნამუშევრებს გლობალურ დონეზე წარადგენენ და Nasa Space Apps Challenge-ის მთავარ ჰაკათონზე მიიღებენ მონაწილეობას.საკუთარ პროექტებზე გუნდურად მუშაობის გარდა,  მონაწილეებს შესაძლებლობა აქვთ, ჰაკათონის განმავლობაში დაესწრონ ვორქშოპებს ქვეყნის წამყვანი სპეციალისტების ხელმძღვანელობით.Nasa Space Apps Challenge 2024-ის ორგანიზატორები არიან სტარტაპ ბიურო და საქართველოს ეროვნული უნივერსიტეტი - სეუ.

1728030117

აღნიშნულ პერიოდში, GCCA-ის გადაწყვეტილებით, მომხმარებელთა ჯგუფის უფლების 65 დარღვევის ფაქტი დადასტურდა - 132 საქმეზე. GCCA-ის მიერ დაკისრებული ვალდებულების შეუსრულებლობის გამო 42 მოვაჭრეს - 71 საქმეზე ჯარიმა დაეკისრა, ჯამში - 43 701 ლარი. მომხმარებლის სასარგებლოდ, პირობითი ვალდებულების აღების შესახებ 125 საქმეზე - 108 შეთანხმება გაფორმდა, რაც ნიშნავს, რომ მოვაჭრეებმა აიღეს ვალდებულება - საქმიანობის შიდა პოლიტიკა შეცვალონ და იმ მომხმარებელთა უფლებები აღადგინონ, რომელთაც, სავარაუდოდ, მათი სავაჭრო პოლიტიკის შედეგად ზიანი მიადგა. მომხმარებლის მიერ შემოსული განაცხადების 68% ონლაინ ვაჭრობის ფაქტს ეხება, ხოლო 32% ნივთის ადგილზე შეძენის შემთხვევას. რეგიონების მიხედვით, 85%-ით თბილისი ლიდერობს, შემდეგ ადგილს იკავებს აჭარა 4%, რომელსაც მოჰყვება იმერეთი 2%, სამეგრელო ზემო სვანეთი 2% და სხვა რეგიონები.მომხმარებლის მიერ სააგენტოში შემოსული განაცხადების მიხედვით, თანხის უკან დაბრუნების მოთხოვნაზე დაფიქსირდა 211, ნაკლიანი ნივთის შეკეთებასა ან დაბრუნებაზე  197, ნაკლოვანი მომსახურებისას უფლების აღდგენაზე 107, დადგენილ ვადაში საქონლის მიწოდებაზე 39, ნივთის უპირობოდ დაბრუნებაზე 23, ფასის მითითებაზე 15, ხოლო სხვა დანარჩენზე 47.საანგარიშო პერიოდში, 73%-ს საბითუმო და საცალო ვაჭრობის სექტორი იკავებს, ტრანსპორტი და დასაწყობება 12%-ს, ხელოვნება, გართობა და დასვენება 4%, ხოლო სხვა სახის საქმიანობა 11%-ს.მომხმარებლის უფლებების დარღვევის დადასტურების შემთხვევაში აუცილებელია შეავსოთ სპეციალური განაცხადის ფორმა - https://gcca.gov.ge/index.php?m=401 და გამოაგზავნოთ ელფოსტაზე consumer@gcca.gov.ge. დაზუსტებული ინფორმაციის მისაღებად შეგიძლიათ დარეკოთ GCCA-ის ცხელ ხაზზე 15 20 

1728029748

FAO-მ 10 ფერმერული საველე სკოლა შექმნა ქვეშეთში, არახვეთში, ჯაღმიანში, ბენიან-ბეგონსა და ბედონში. აღნიშნულ ფორმატში, ადგილობრივი თემების წარმომადგენლებს მერძევეობის, მეფუტკრეობისა და ბოსტნეულის წარმოების მიმართულებით თანამედროვე პრაქტიკების შესწავლის შესაძლებლობა მიეცათ.ამ ვიზიტის ფარგლებში, პროექტში ჩართულ ფერმერებს შეხვდნენ FAO საქართველოს გუნდის წევრები, რომლებმაც მათ მცირე ზომის წარმოებაში სურსათის უვნებლობის სტანდარტების გაუმჯობესებისთვის საჭირო სასოფლო-სამეურნეო ხელსაწყოები გადასცეს.შეხვედრა მერძეული მიმართულებით მომუშავე ფერმერებთანვიზიტის ფარგლებში, მერძეული მიმართულებით მომუშავე ფერმერებმა, რომელთა უმეტესობა ქალია, მიიღეს ცხოველის მოვლისთვის საჭირო ნივთები, რაც ზრდის წარმოებას და აუმჯობესებს წარმოებული რძის პროდუქტის ხარისხსა და უვნებლობას.მათ, ასევე, პროექტის ფარგლებში, გადაეცათ ცურის მოვლის საშუალებები, ციფრული თერმომეტრები, მასტიტის ტესტის კომპლექტები, ქიმოზინი - მაღალი ხარისხის კვეთები, ყველის ფორმები, მინერალის ბლოკები, ხბოს საკვებურები, პირუტყვის საკვები, და ხელთათმანები.FAO-ს ვეტერინარებმა გაუზიარეს ცოდნა აღნიშნული ხელსაწყოების გამოყენების შესახებტრენინგის 53 მონაწილეს არახვეთიდან, ქვეშეთიდან, ჯაღმიანიდან, კაიშაურნიდან, სეთურებიდან, ზაქათკარიდან, ბენიან-ბეგონიდან და ბედონიდან. მერძეული მიმართულებით მომუშავე ფერმერებისთვის ჩატარებული საგანმანათლებლო შეხვედრები მოიცავდა თემებს, როგორიცაა მასტიტის მკურნალობა, ჰიგიენისა და წველის კარგი პრაქტიკები, რძე და მისი შემადგენლობა, ცხოველთა დაავადებები და პარაზიტები.ამასთანავე, მერძეული ფერმერული საველე სკოლების ფარგლებში, მონაწილეებმა ევროპული ყველის წარმოებაც შეისწავლეს. შედეგად, მათ უკვე აქვთ საჭირო ცოდნა და ხელსაწყოები, რომ საქართველოში შედარებით ძვირადღირებულ რძის პროდუქტზე არსებული მზარდი მოთხოვნის შესაბამისადაც აწარმოონ ყველის ნაირსახეობები.ბოსტნეულის მწარმოებელთა მედეგობის მხარდაჭერაFAO საქართველოს წარმომადგენლებმა პროექტში ჩართულ ფერმერებს ასევე გადასცეს სასუქები და საჩითილე კასეტები, რაც მათი ადგილობრივი წარმოების რაოდენობისა და ხარისხის ზრდას შეუწყობს ხელს. ბოსტნეულის მწარმოებლებმა ასევე მიიღეს სამი მოტობლოკი, რომლებიც ნიადაგის დამუშავებისას საზიაროდ გამოიყენება პროექტში ჩართული ფერმერების მიერ.  აღნიშნული აგრეგატი განსაკუთრებით ეფექტურია მაღალმთიან რეგიონში მცხოვრები თემებისთვის, სადაც მცირე ზომის ნაკვეთებზე მოზრდილი სახნავი თუ სხვა ტიპის  აგრეგატების ტრანსპორტირება რთულია.ფერმერულ საველე სკოლებში ბოსტნეულის 35 ფერმერი დაესწრო ADB-ის დაფინანსებულ FAO-ს ტრენინგებს და შეისწავლა თანამედროვე პრაქტიკები ჩითილებისა და კარტოფილის წარმოებისა და კომპოსტირების მიმართულებით. შედეგად, მათ ახლა უფრო მეტი იციან სასოფლო-სამეურნეო წარმოებისთვის ისეთი ფუნდამენტური მნიშვნელობის საკითხებზე როგორებიცაა ნიადაგისა და ირიგაციის მართვა, სარეველა მცენარეების, მავნებლებისა და დაავადებების კონტროლი.ადრეული მომწიფებით, უხვნალექიანობისა და ვირუსის მიმართ გამძლეობით გამორჩეული ჰოლანდიური კარტოფილის ექვსი განსხვავებული სახეობის გამოსაცდელად, FAO საქართველოს აგრონომებმა ასევე შექმნეს საცდელი ნაკვეთები. ამგვარად, ადგილობრივი ფერმერები შეძლებენ გაიგონ თუ რომელი სახეობის კარტოფილი ხარობს უკეთ ადგილობრივ კლიმატურ პირობებში.  შესაბამისად, FAO-ს მხარდაჭერით შექმნილი საცდელი ნაკვეთები გზაა გაუმჯობესებული წარმოებისთვის, რომელიც ითვალისწინებს ადგილობრივ გარემოს, რაც განსაკუთრებით მნიშვნელოვანია მუდმივად ცვალებადი კლიმატის გათვალისწინებით, გლობალური დათბობის პირობებში სასოფლო-სამეურნეო საქმიანობის მედეგობის უზრუნველსაყოფად.შეხვედრა მეფუტკრეებთანმეფუტკრეობა ხადას ხეობის სასოფლო-სამეურნეო მემკვიდრეობის ნაწილია. აღნიშნულ ტერიტორიაზე რამდენიმე ადგილობრივი მეფუტკრე აწარმოებს უნიკალურ თაფლს, რომელიც მნიშვნელოვანია თემების მედეგობისთვის. მეფუტკრეობა ამ ფერმერებისთვის შემოსავლის ერთ-ერთ წყაროს წარმოადგენს და დამტვერვით ეკოსისტემის შენარჩუნებას უწყობს ხელს.თაფლის სექტორში გაუმჯობესებული წარმოებისა და სურსათის უვნებლობის შესახებ ADB-ის მხარდაჭერილ FAO-ს ტრენინგებს ოთხი მეფუტკრე დაესწრო. მათ ასევე გადაეცათ მეფუტკრეების დამცავი აღჭურვილობა, რაც მათ ფუტკრის უსაფრთხო და ადეკვატური მოვლის საშუალებას აძლევს.ვიზიტის ფარგლებში, FAO საქართველოს ვეტერინარებმა და ადგილობრივმა მეფუტკრეებმა კვლავ გაცვალეს თავიანთი ცოდნა და გამოცდილებები. მათ ისაუბრეს სურსათის უვნებლობასთან დაკავშირებულ პრაქტიკებზე, რაც FAO-ს ადგილობრივ საჭიროებებზე მორგებული ტრენინგების განუყოფელი ნაწილია.საგანმანათლებლო მოდულების დასრულების აღსანიშნავად, ტრენინგებში მონაწილე მეფუტკრეებს რეფრაქტომეტრები და ვაროას შესამოწმებელი ჭიქები გადაეცათ. საქართველოში ვაროა ერთ-ერთი ყველაზე გავრცელებული მავნებელია მეფუტკრეობაში. შესამოწმებელი ჭიქები მეფუტკრეებს დაეხმარება მონიტორინგი აწარმოონ დუშეთის მუნიციპალიტეტში არსებული ვაროას წინააღმდეგ. რეფრაქტომეტრები კი ფერმერებს თაფლში წყლის შემცველობის დადგენაში გამოადგებათ.შეჯამებაგასული ერთი წლის განმავლობაში, FAO, ADB-ის ფინანსური მხარდაჭერით, ქვეშეთში, არახვეთში, ჯაღმიანში, ბენიან-ბეგონსა და ბეგონში შექმნილი საველე სკოლების მეშვეობით ადგილობრივ ფერმერულ თემებს დაეხმარა საჭირო ტექნიკური და პრაქტიკული ცოდნის გაზიარებით წარმოებისა და სურსათის უვნებლობის გაუმჯობესების შესახებ. მიღებული ცოდნითა და ხელსაწყოებით, ჯამში 72 ადგილობრივი ფერმერი ახლა უკეთ არის აღჭურვილი საკუთარი მედეგობისა და ბაზარზე კონკურენტუნარიანობის გასაუმჯობესებლად. FAO-ს მიერ გაზიარებული ინფორმაციის, უნარებისა და ხელსაწყოების გამოყენებით, დუშეთში მცხოვრები ფერმერები ახლა უფრო მეტი,  უვნებელი რძის პროდუქტის, თაფლისა და ბოსტნეულის მოყვანას შეძლებენ.ციტატები“ADB-ის მხარდაჭერით, FAO მცირე ფერმერებს დაეხმარა. აღსანიშნავია, რომ ადგილობრივ მწარმოებლებს ახლა შეუძლიათ ქვეყნის ბაზრისთვის უფრო მეტად კონკურენტუნარიანი პროდუქტის წარმოება იმ ცოდნის, უნარებისა და ხელსაწყოების გამოყენებით, რომლებიც მათ პროექტის ფარგლებში გადავეცით”, განაცხადა FAO-ს პროგრამის მენეჯერმა გუიდო აგოსტინუჩიმ.“მოხარულები ვართ შესანიშნავი პარტნიორობით FAO-თან, რადგანაც ამგვარად წინ მივიწევთ ADB-პრიორიტეტის - საქართველოში კლიმატ-გონივრული სოფლის მეურნეობის პრაქტიკების ხელშეწყობის, განხორციელების კუთხით. ჩვენ მხარს ვუჭერთ საქართველოს განსაკუთრებით სოფლებსა და მთიან რეგიონებში მცხოვრებ თემებს ეკონომიკური შესაძლებლობების შექმნაში, კეთილდღეობის გაუმჯობესებასა და კლიმატის ცვლილების მიმართ მათი მედეგობის უზრუნველყოფაში”, ამბობს ლესლი ბერმან ლამი, ADB-ის დირექტორი საქართველოში.__აზიის განვითარების ბანკის მხარდაჭერით, FAO ქალ ფერმერებზე ფოკუსირებულ ფერმერთა საველე სკოლებს აორგანიზებს ადგილობრივი თემებისთვის ქვეშეთში, არახვეთში, ჯაღმიანში, ბენიენ-ბეგონსა და ბეგონში. პროექტის მიზანია მათი ხელშეწყობა ბოსტნეულის, თაფლისა და რძის პროდუქტის მცირე წარმოების განვითარების ხელშეწყობა და ადგილობრივ ფერმერთა მედეგობის გაძლიერება.

1728028271

მინისტრის მოადგილის ინფორმაციით, მსოფლიო ბანკის ახალი რეიტინგის მიხედვით საქართველო 50 შეფასებულ ქვეყანას შორის მესამე ადგილს იკავებს და წინ უსწრებს ისეთ ქვეყნებს, როგორიცაა პორტუგალია, უნგრეთი, სლოვაკეთი, ხორვატია, მონტენეგრო და სხვ. ამასთან, მისი თქმით, საქართველომ B-READY-ში გადაუსწრო ჰონკონგსა და ახალ ზელანდიას, რომლებიც Doing Business-ის რეიტინგში უსწრებდნენ საქართველოს.„აღნიშნული რეიტინგი აფასებს ქვეყანაში ბიზნესის კეთებისთვის მარეგულირებელ და საოპერაციო გარემოს და ამ მიმართულებით კიდევ ერთხელ დასტურდება, რომ საქართველო როგორც საინვესტიციო, ისე ბიზნეს კლიმატით არის მიმზიდველი როგორც საერთაშორისო, ისე ადგილობრივი ინვესტორებისთვის,“ - განაცხადა ვახტანგ ცინცაძემ.„ჩვენი მიზანია, რომ გავაგრძელოთ ბიზნესისა და საინვესტიციო კლიმატის შემდგომი გაუმჯობესება, ამ მიმართულებით საქართველოს მთავრობა არაერთ რეფორმას ახორციელებს, რომელიც საქართველოს ეკონომიკას სტრუქტურულად ახალ დონეზე გადაიყვანს,“ - აღნიშნა მინისტრის მოადგილემ.აღსანიშნავია, რომ B-READY - ის რეიტინგის მიზანია კერძო სექტორის განვითარებისთვის ბიზნეს გარემოს რაოდენობრივი და ხარისხობრივი შეფასება. მისი ინდიკატორები აერთიანებს კომპანიის სასიცოცხლო ციკლის სამივე ეტაპს: ბიზნესის დაწყება, ბიზნესის ოპერირება/გაფართოება და ბიზნესის დახურვა. საქართველო 10-დან 7 ინდიკატორში მსოფლიოს პირველ ათეულშია. კერძოდ, საქართველო პირველ პოზიციაზეა „ბიზნესის მდებარეობისა“ და „შრომის“ ინდიკატორებში, მე-2 პოზიციას იკავებს „დავების გადაწყვეტის“ ინდიკატორში, მე-6 ადგილზეა „გადასახადებისა“ და „გადახდისუუნარობის“ ინდიკატორებში, მე-7 პოზიციაზე „ფინანსური სერვისების“ და მე-10 პოზიციაზე „საერთაშორისო ვაჭრობის“ მხრივ.

1728028059