სექტემბერში საქართველოს ეკონომიკა 6%-ით, 9 თვეში - 7.4%-ით გაიზარდა - საქსტატი

ნებართვების თითქმის სამი მეოთხედი ნაწილი მოდის ქვეყნის ოთხ რეგიონზე, კერძოდ, ჩასატარებელი სამშენებლო სამუშაოების 48.1% მოდის თბილისზე, 8.9% - ქვემო ქართლის რეგიონზე, 8.2% - კახეთის რეგიონზე და 7.8% - აჭარის ავტონომიურ რესპუბლიკაზე.აღსანიშნავია, რომ 2026 წლის იანვარ-სექტემბერში ნებართვები გაიცა მრავალფუნქციური საცხოვრებელი კომპლექსების, სავაჭრო ობიექტების, სასტუმროების, სამრეწველო საწარმოების, სასოფლო-სამეურნეო დანიშნულების ობიექტებისა და სხვა შენობა-ნაგებობების მშენებლობაზე.საქსტატის მონაცემებით, 2026 წლის იანვარ-სექტემბერში ექსპლუატაციაში მიღებულ იქნა 2 543.6 ათასი კვ.მ ფართობის (წინა წლის შესაბამის პერიოდთან შედარებით 2.8%-ით მეტი) 2 307 ობიექტი (წინა წლის შესაბამის პერიოდთან შედარებით 5.9%-ით ნაკლები).ექსპლუატაციაში მიღებული ობიექტების ორ მესამედზე მეტი მოდის ქვეყნის ოთხ რეგიონზე, კერძოდ, 32.5% მოდის თბილისზე, 13.9% - მცხეთა-მთიანეთის რეგიონზე, 12.2% - კახეთის რეგიონზე და 8.6% - ქვემო ქართლის რეგიონზე.

1793347106

აზერბაიჯანის პრემიერ-მინისტრმა ხაზი გაუსვა სავაჭრო-ეკონომიკური ურთიერთობების დადებით დინამიკას. კერძოდ, მიმდინარე წლის 9 თვის მონაცემებით, ორ ქვეყანას შორის სავაჭრო ბრუნვა 40%-ზე მეტით გაიზარდა და $1 მილიარდს მიაღწია, ხოლო აზერბაიჯანის მიერ საქართველოში განხორციელებული ინვესტიციების ჯამური მოცულობა დაახლოებით $4 მილიარდს შეადგენს.ალი ასადოვის თქმით, ერთობლივი მეგაპროექტები, მათ შორის სამხრეთის გაზის დერეფანი და ევროპაში მწვანე ენერგიის დერეფნის პროექტი, რეგიონისა და ევროპის ენერგოუსაფრთხოების მნიშვნელოვანი გარანტია. ტრანსპორტისა და ტრანზიტის მიმართულებით პრიორიტეტად რჩება შუა დერეფნის განვითარება. ამ კუთხით ასადოვმა განსაკუთრებით გამოყო ბაქო-თბილისი-ყარსის რკინიგზის ექსპლუატაციაში შესვლა და მისი გამტარუნარიანობის 5 მილიონ ტონამდე გაზრდა.სიტყვით გამოსვლისას ყურადღება გამახვილდა კულტურულ და საგანმანათლებლო კავშირებზეც. აზერბაიჯანის პრემიერმა აღნიშნა, რომ ახლო მომავალში იგეგმება ჰეიდარ ალიევის სახელობის თბილისის პროფესიული აზერბაიჯანული დრამატული თეატრის ახალი შენობის მშენებლობის დაწყება. მან ასევე ხაზი გაუსვა ორ ქვეყანაში მცხოვრები ეთნიკური ჯგუფებისთვის მშობლიურ ენაზე განათლების უზრუნველყოფის მნიშვნელობას.

1793346526

აღნიშნული რაოდენობიდან საერთაშორისო ვიზიტორების მიერ განხორციელებული ვიზიტების რაოდენობამ 2.6 მილიონი შეადგინა, რაც 3.3%-ით მეტია 2025 წლის ანალოგიური პერიოდის მაჩვენებელზე.3Q26-ში საერთაშორისო ვიზიტორების რაოდენობამ 2.2 მილიონს მიაღწია, რაც 3.1%-ით მეტია წინა წლის ანალოგიური პერიოდის მაჩვენებელზე.საანგარიშო პერიოდში, საერთაშორისო ვიზიტორების მიერ განხორციელდა 2.1 მილიონი ტურისტული ტიპის ვიზიტი, რაც 4.7%-ით მეტია წინა წლის ანალოგიური პერიოდის მაჩვენებელზე.საერთაშორისო ვიზიტორების 82.1% მხოლოდ ტურისტები იყვნენ. მხოლოდ ექსკურსანტების წილმა 14.3% შეადგინა, ხოლო ვიზიტორების 3.6% იყო როგორც ტურისტი, ასევე ექსკურსანტი.საქსტატის მონაცემებით 3Q26-ში ვიზიტორების ყველაზე დიდი რაოდენობა, 596.8 ათასი, დაფიქსირდა რუსეთის ფედერაციიდან, რაც ვიზიტორების ჯამური რაოდენობის 26.7%-ს შეადგენდა. მეორე ადგილზე იყო თურქეთი 14.5%-იანი წილით, ხოლო მესამეზე - სომხეთი 11%-იანი წილით.ვიზიტების ყველაზე დიდი რაოდენობა განხორციელდა რუსეთის ფედერაციის (695.8 ათასი), თურქეთისა (398.1 ათასი) და სომხეთის (316.2 ათასი) მოქალაქეების მიერ.ვიზიტორების უმრავლესობა (44.5%) მიეკუთვნებოდა 31-50 წლამდე ასაკობრივ კატეგორიას, ქალების რაოდენობა კი ვიზიტორების მთლიანი რაოდენობის 48.8%-ს შეადგენდა. 3Q26-ში ვიზიტების ყველაზე დიდი ნაწილი (58.8%) განხორციელდა დასვენების, გართობისა და რეკრეაციის მიზნით.ვიზიტების უმრავლესობა განხორციელდა თბილისსა და აჭარის ა/რ-ში, შესაბამისად, 1 349.5 ათასი და 1 291.0 ათასი ვიზიტი.3Q26-ში განხორციელებული ვიზიტებისას გათეული ღამეების საშუალო რაოდენობამ 6.4 ღამე შეადგინა, რაც 3Q25-ში დაფიქსირებულ მაჩვენებელზე (6.3 ღამე) 2.2%-ით მეტია. განხორციელებული ვიზიტების 76.7% წარმოადგენდა განმეორებითი ხასიათის ვიზიტს.3Q26-ში განხორციელებული ვიზიტებისას გაწეული ხარჯები ₾5.7 მილიარდს გაუტოლდა, რაც 8.2%-ით ნაკლებია წინა წლის ანალოგიური პერიოდის მაჩვენებელზე. ვიზიტზე საშუალო ხარჯი 3Q25-თან შედარებით 11.1%-ით შემცირდა და 2 194.4 ლარი შეადგინა.

1793345743

ღონისძიება ასტანას საერთაშორისო ფინანსური ცენტრის (AIFC) ორგანიზებით, საქართველოს ეროვნულ ბანკთან, გლობალურ ფინანსურ და ტექნოლოგიურ ქსელთან (GFTN) და ITS-თან პარტნიორობით გაიმართა. მისი მიზანი საქართველოსა და ყაზახეთს შორის ფინანსური თანამშრომლობის გაღრმავება, კაპიტალის ბაზრებზე ტრანსსასაზღვრო წვდომის გაფართოება და ინვესტორებისთვის ახალი შესაძლებლობების შექმნა იყო.მისასალმებელ სიტყვაში ეკატერინე მიქაბაძემ საქართველოსა და ყაზახეთს შორის არსებული მჭიდრო ეკონომიკური ურთიერთობებისა და ფინანსური სექტორის თანამშრომლობის გაძლიერების მნიშვნელობაზე ისაუბრა.ეროვნული ბანკის პირველმა ვიცე-პრეზიდენტმა ყურადღება გაამახვილა საქართველოსა და ყაზახეთის მარეგულირებელ ორგანოებს შორის თანამშრომლობაზეც. მისი თქმით, ასტანას ფინანსური სერვისების მარეგულირებელ ორგანოსთან (AFSA) გაფორმებული შეთანხმება კაპიტალის ბაზრებზე ორმხრივი წვდომის გაუმჯობესებისა და საზედამხედველო თანამშრომლობის გაძლიერების მნიშვნელოვანი საფუძველია.„ეს ინიციატივები ასახავს ჩვენს საერთო მიზანს: გავაძლიეროთ რეგიონული ფინანსური დაკავშირებულობა, წავახალისოთ ტრანსსასაზღვრო ინვესტიციები და დავაახლოოთ საქართველოსა და ყაზახეთის ფინანსური ბაზრები“, - აღნიშნა ეკატერინე მიქაბაძემ.ეკატერინე მიქაბაძემ ყურადღება გაამახვილა აქტივების მართვის სექტორში არსებულ პროგრესზეც. მისი განცხადებით, საქართველოს სახელმწიფო ობლიგაციების ინდექსების საერთაშორისო პლატფორმებზე, მათ შორის Bloomberg-ზე, გამოქვეყნება მნიშვნელოვანი ნაბიჯია საერთაშორისო ინვესტორებისთვის ქართული ფასიანი ქაღალდების ხილვადობისა და ხელმისაწვდომობის გასაუმჯობესებლად. მან ასევე ისაუბრა საქართველოს კაპიტალის ბაზრის განვითარებაზე.„2025 წელი რეკორდული იყო საჯარო კორპორატიული ობლიგაციების ემისიის კუთხით - ახალმა ემისიებმა 1.57 მილიარდ ლარს მიაღწია, რომელთა უმეტესობაც ლარში იყო დენომინირებული. ეს ასახავს ადგილობრივ ვალუტაში დაფინანსების მზარდ როლს და როგორც ემიტენტების, ისე ინვესტორების ნდობას ჩვენი ბაზრის მიმართ“, - განაცხადა ეროვნული ბანკის ვიცე-პრეზიდენტმა.AIFC Connect: Tbilisi 2026-ის ერთ-ერთი მთავარი თემა იყო „ორმხრივი წვდომისა და აღიარების პროექტი“ - ინიციატივა, რომელიც მიზნად ისახავს პრაქტიკული მექანიზმების ჩამოყალიბებას AIFC-სა და საქართველოში მოქმედი ფინანსური ინსტიტუტებისა და ბაზრის სხვა მონაწილეებისთვის ბაზრებზე ორმხრივი წვდომის გასამარტივებლად.ინიციატივის მნიშვნელოვანი საფუძველია საქართველოს ეროვნულ ბანკსა და AFSA-ს შორის 2026 წლის 9 სექტემბერს ხელმოწერილი ურთიერთგაგების მემორანდუმი. შეთანხმება ითვალისწინებს კაპიტალის ბაზრებზე ორმხრივი წვდომის ხელშეწყობას, საზედამხედველო თანამშრომლობის გაძლიერებასა და მარეგულირებელ ორგანოებს შორის ინფორმაციის გაცვლის ხელშეწყობას.AIFC Connect: Tbilisi 2026-ში მონაწილეობდნენ საქართველოსა და ყაზახეთის მარეგულირებელი ორგანოების, ბანკების, საინვესტიციო კომპანიების, საფონდო ბირჟებისა და სხვა ფინანსური ინსტიტუტების წარმომადგენლები. 

1793343753

უფლებადამცველი ორგანიზაციის შეფასებით, ოპოზიციური ხმების შეზღუდვა 2024 წლის სადავო საპარლამენტო არჩევნების, ფართომასშტაბიანი პროტესტის, რეპრესიული კანონმდებლობისა და პოლიტიკური პატიმრების რაოდენობის ზრდის ფონზე მიმდინარეობს, რაც ქვეყანას კიდევ უფრო მეტად უბიძგებს ავტორიტარიზმისკენ.განცხადებაში აღნიშნულია, რომ „ქართული ოცნება“ ოპოზიციას კონსტიტუციური წესრიგისთვის ძირის გამოთხრაში ადანაშაულებს, რასაც ოპოზიციური პარტიები სრულად უარყოფენ და პროცესს პოლიტიკურად მოტივირებულად მიიჩნევენ. ნორვეგიის ჰელსინკის კომიტეტი მოუწოდებს ევროპულ ქვეყნებსა და საერთაშორისო ინსტიტუტებს, მხარი დაუჭირონ საქართველოს მოსახლეობას, მოითხოვონ მსგავსი ქმედებების შეჩერება და უზრუნველყონ, რომ პოლიტიკურ ოპოზიციასა თუ სამოქალაქო საზოგადოებას თავისუფლად, დაშინების შიშის გარეშე საქმიანობის შესაძლებლობა ჰქონდეთ.

1793338740

სწორედ ამ მიზნით, არქიტექტურის სტუდენტებისთვის პროფესიული განვითარების ხელშეწყობის მიზნით, საქართველოს ბანკი გიორგი ჩახავას სახელობის სასტიპენდიო პროგრამას ახორციელებს.საქართველოს ბანკის სათავო ოფისის ავტორის, ცნობილი ქართველი არქიტექტორის, გიორგი ჩახავას სახელობის სტიპენდია სტუდენტებს აძლევს შესაძლებლობას, მიიღონ სწავლის სრული დაფინანსება ექვს პარტნიორ უნივერსიტეტში, მათ შორის:  ილიას სახელმწიფო უნივერსიტეტი თავისუფალი უნივერსიტეტი აპოლონ ქუთათელაძის სახელობის თბილისის სახელმწიფო სამხატვრო აკადემია საქართველოს ტექნიკური უნივერსიტეტი ბათუმის შოთა რუსთაველის სახელმწიფო უნივერსიტეტი საქართველოს უნივერსიტეტი გიორგი ჩახავას სახელობის სასტიპენდიო პროგრამაზე რეგისტრაცია უკვე დაწყებულია. დაინტერესებულ სტუდენტებს პროგრამის პირობებისა და მონაწილეობის შესახებ დეტალური ინფორმაციის მიღება და განაცხადის შევსება შეუძლიათ ვებგვერდზე.საქართველოს ბანკის საგანმანათლებლო პროექტების შესახებ მეტი ინფორმაციის მისაღებად ეწვიეთ ვებგვერდს: ganatleba.bog.ge(R)

1793282844

ღონისძიების მთავარი პარტნიორია GitHub, პლატფორმა, რომელიც მსოფლიოს წამყვან დეველოპერებსა და ორგანიზაციებს პროგრამული უზრუნველყოფის შექმნის, თანამშრომლობისა და ინოვაციების განვითარების შესაძლებლობას აძლევს.შეხვედრაზე თიბისის, GitHub-ისა და Microsoft-ის წარმომადგენლებმა განიხილეს, როგორ ცვლის AI ციფრული პროდუქტების შექმნასა და ორგანიზაციების მუშაობას. პროგრამა მოიცავდა თემატურ სესიებს, პრაქტიკულ დემოებსა და პანელურ დისკუსიას. GitHub-თან პარტნიორობა გამოცდილების გაზიარებიდან პრაქტიკულ მუშაობაში გადაიზარდა: CO-CREATE INNOVATION-ის დასრულების შემდეგ, AI Literacy-სა და თიბისი ტექის ორგანიზებით, შიდა ჰაკათონი ჩატარდა, სადაც თიბისის გუნდებმა AI-ის შესაძლებლობები კონკრეტულ გადაწყვეტებზე მუშაობისას გამოსცადეს.როგორც რეგიონის წამყვანი ტექნოლოგიური კომპანია, თიბისი ინოვაციების განვითარებასთან ერთად განსაკუთრებულ მნიშვნელობას ანიჭებს ტექნოლოგიური განათლების ხელშეწყობასა და ხელოვნური ინტელექტის შესახებ ცოდნის გაზიარებას. ამ მიზნით, კომპანია აქტიურად მუშაობს როგორც საკუთარი გუნდების კომპეტენციების განვითარებაზე, ისე ფართო საზოგადოებისა და საგანმანათლებლო სივრცეების ცნობიერების ამაღლებაზე. საერთაშორისო პარტნიორებთან თანამშრომლობა, გამოცდილების გაზიარება და პრაქტიკული ინიციატივები თიბისის შესაძლებლობას აძლევს, ხელი შეუწყოს AI-ის პასუხისმგებლიან და ეფექტიან გამოყენებას, ახალი ცოდნის პრაქტიკაში დანერგვას და ისეთი ტექნოლოგიური ეკოსისტემის განვითარებას, რომელიც ადამიანებსა და ორგანიზაციებს მომავლის შესაძლებლობების ათვისებაში დაეხმარება.(R)

1793280725

შეთანხმების საფუძველზე შეიქმნება საქართველო-სინგაპურის ფინტექის სტიპენდიანტთა პროგრამა (Georgia-Singapore Fintech Scholars Programme), რომელიც ქართველ სტუდენტებს შესაძლებლობას მისცემს აკადემიური და პრაქტიკული ცოდნა მიიღონ სინგაპურში, მსოფლიოს ერთ-ერთ წამყვან ფინტექ ეკოსისტემაში.საქართველო-სინგაპურის ფინტექის მომავალ ლიდერთა სასტიპენდიო პროგრამის შექმნის შესახებ შეთანხმება სინგაპურში საქართველოს პრემიერ-მინისტრის ირაკლი კობახიძის ვიზიტის ფარგლებში გაფორდა. მისი დეტალები გუშინ „თბილისის ფინანსური სამიტის" ფარგლებში გახდა ცნობილი. წლევანდელი სამიტის განსაკუთრებული სიახლე სწორედ საგანმანათლებლო კომპონენტია, რადგან ფინანსური და ტექნოლოგიური სექტორის განვითარება უშუალოდაა დაკავშირებული კვალიფიციური კადრების მომზადებასა და ახალგაზრდებისთვის ახალი შესაძლებლობების შექმნასთან. პროგრამის მონაწილეები სინგაპურის ერთ-ერთ წამყვან უნივერსიტეტში ისწავლიან და შესაძლებლობა ექნებათ გაეცნონ სინგაპურის, როგორც მსოფლიოს ერთ-ერთი უმნიშვნელოვანესი ფინანსური ცენტრის ფინტექ ეკოსისტემას.საქართველო-სინგაპურის გაცვლითი პროგრამა მომავალი წლიდან დაიწყება. იგი თსუ-ს ბიზნესისა და STEM მიმართულებების საუკეთესო სტუდენტებს შესაძლებლობას მისცემს ერთი სემესტრი გაატარონ Singapore Management University-ში (SMU). პროგრამა მხოლოდ აკადემიური სწავლებით არ შემოიფარგლება და სტუდენტების პროფესიული განვითარების მრავალმხრივ შესაძლებლობებს მოიცავს. აღნიშნული ითვალისწინებს სპეციალურად შემუშავებულ სასწავლო აქტივობებს, ფინტექ ინდუსტრიასთან უშუალო თანამშრომლობასა და მენტორობას სინგაპურში ყოფნის მთელი პერიოდის განმავლობაში. მისი წარმატებით დასრულების შემთხვევაში მონაწილეებს მიეცემათ შესაძლებლობა, სტაჟირება გაიარონ პარტნიორ ორგანიზაციებში.ამასთან, სტიპენდიატები გახდებიან GFTN-ის გლობალური ქსელის „ცოდნის წრის" წევრები. ეს არის საერთაშორისო პროფესიული ქსელი, რომელიც მონაწილეებს ცოდნის გაზიარებისა და კარიერული განვითარების შესაძლებლობებს სთავაზობს. პროგრამას Tether და Pave Bank აფინანსებენ.მხარეებს  შორის ოფიციალური მემორანდუმის გაფორმების ცერემონიას კომპანია Tether-ის გაფართოების დირექტორი მარკო დალ ლაგო, განათლებისა და მეცნიერების მინისტრის მოადგილე ზვიად გაბისონია და ეროვნული ბანკის პირველი ვიცე-პრეზიდენტი ეკატერინე მიქაბაძე ესწრებოდნენ. სებ-ის პირველი ვიცე-პრეზიდენტის განცხადებით მისასალმებელია, რომ საქართველოსა და სინგაპურს შორის მნიშვნელოვანი საგანმანათლებლო და პროფესიული თანამშრომლობა ახალ ეტაპზე სწორედ „თბილისის ფინანსური სამიტის" ფარგლებში გადავიდა.„ახალგაზრდებში ფინანსურ და ეკონომიკური წიგნიერებაზე ზრუნვა საქართველოს ეროვნული ბანკის ერთ-ერთი მთავარი პრიორიტეტია. გვჯერა, რომ ახალგაზრდა თაობისთვის საფუძვლიანი ფინანსური ცოდნის მიცემა, ეკონომიკური პროცესების სიღრმისეული გააზრების ხელშეწყობა აუცილებელია  როგორც ჯანსაღი ფინანსური სისტემის, ასევე ინკლუზიური და მდგრადი ეკონომიკის ჩამოსაყალიბებლად. ჩვენ აქტიურად ვთანამშრომლობთ საქართველოში მოქმედ უნივერსიტეტებთან, რათა დავეხმაროთ სტუდენტებს მათთვის თანამედროვე ტენდენციების, საუკეთესო გამოცდილებისა და უახლესი მონაცემების გაზიარების გზით. ეს პროგრამა არა მხოლოდ ქართველ სტუდენტებს გაუხსნის ახალ შესაძლებლობებს, არამედ კიდევ უფრო გააღრმავებს საქართველოსა და სინგაპურს შორის თანამშრომლობას ფინანსური ინოვაციების, განათლებისა და ადამიანური კაპიტალის განვითარების მიმართულებით", - განაცხადა სებ-ის პირველმა ვიცე-პრეზიდენტმა ეკატერინე მიქაბაძემ.შეგახსენებთ, რომ  მასშტაბური საერთაშორისო ღონისძიება წელს თბილისში, „შერატონ გრანდ მეტეხი პალასში", უკვე მეორედ გაიმართა. სამიტის თანაორგანიზატორები არიან საქართველოს ეროვნული ბანკი, საქართველოს ეკონომიკისა და მდგრადი განვითარების სამინისტრო და სინგაპურის გლობალური ფინანსური და ტექნოლოგიური ქსელის (GFTN). ერთობლივად ორგანიზებულ სამიტზე  მონაწილეობდნენ საქართველოს მთავრობის პირველი პირები, მსოფლიოს სხვადასხვა ქვეყნიდან მოწვეული ფინტექ ინდუსტრიისა და ფინანსური სექტორის ლიდერები, საერთაშორისო კომპანიებისა და ინოვაციური ტექნოლოგიების სფეროს წარმომადგენლები. სამიტის მიზანია ფინანსური ტექნოლოგიების განვითარება, საერთაშორისო თანამშრომლობის გაღრმავება და საქართველოს, როგორც რეგიონული ფინანსური და ტექნოლოგიური პლატფორმის, როლის განმტკიცება.

1793274444