ვინ იქნება ფასების შემსწავლელ დროებით საგამოძიებო კომისიაში

„საქართველოს სახალხო დამცველმა ლევან იოსელიანმა 4 თებერვალს რუსთავის მე-12 ნახევრად ღია და დახურული ტიპის პენიტენციური დაწესებულება მოინახულა.სახალხო დამცველი შეხვდა დაწესებულების ადმინისტრაციას, გაეცნო პატიმართა საცხოვრებელ პირობებს, გაესაუბრა დაწესებულებაში მყოფ პატიმრებს: ბაჩო ახალაიას, პაატა ბურჭულაძეს, მურთაზ ზოდელავას, გრიგოლ ლილუაშვილს, მიხეილ სააკაშვილს, ირაკლი ღარიბაშვილს და ლევან ხაბეიშვილს.სახალხო დამცველი რეგულარულად ახორციელებს პენიტენციური დაწესებულებების მონიტორინგს და პატიმართა უფლებებზე ზედამხედველობას“, – ნათქვამია სახალხო დამცველის აპარატის გავრცელებულ ინფორმაციაში.

1770204722

კობახიძეს თქმით, ტექნიკური მიმართულებები, არა თუ უნდა მიიჩქმალოს, პირიქით, ყველაფერი უნდა გაკეთდეს იმისთვის, რომ ტექნიკური მიმართულებები გაძლიერდეს.როგორც კობახიძე აღნიშნავს, თსუ-სა და სტუ-ს გაერთიანების პროცესში, გამორჩეული ყურადღება დაეთმობა ტექნიკურ მიმართულებას, ჩამოყალიბდება ცალკე სკოლად, რომელსაც ექნება თავისი ავტონომიის მაღალი ხარისხი.„ყველა ვხედავთ, რომ განათლების სისტემა არის არა თუ მძიმე მდგომარეობაში, არამედ უმძიმეს მდგომარეობაში. ჩვენ წამოვიწყეთ რეფორმა, განვსაზღვრეთ 7 პრობლემა და ამის საფუძველზე განვსაზღვრეთ 7 პასუხი. თქვენ თუ გამახსენებთ, რომელიმე ამ თემასთან დაკავშირებით თუ გამოვიდა ვინმე რაიმე კონკრეტული წინადადებით, რაიმე კონსტრუქციული გზავნილებით?! - ასეთი არაფერი. იყო ერთადერთი ზოგადი, უხეში განცხადებები ყოველგვარი კონკრეტიკის გარეშე. ჩვენ მზად ვართ აქაც დისკუსიისთვის, თუ ვინმეს ექნება რაიმე არგუმენტი იმასთან დაკავშირებით თუ რა უნდა გაკეთდეს, ან არ უნდა გაკეთდეს, მაგალითად, ინფრასტრუქტურა უნდა გაუმჯობესდეს თუ არა, რესურსების ოპტიმიზაცია არის საჭირო თუ არა, არის თუ არა საჭირო, რომ ისედაც მწირი ადამიანური რესურსები მაქსიმალურად ოპტიმალურად გამოვიყენოთ. შეგვიძლია ამაზეც ვიმსჯელოთ. გვაქვს თუ არა სახელმძღვანელოები ძირითად საგნებში, ვიმსჯელოთ ამაზე. საუბარი რომ არის ბრენდებზე და ა.შ. აქ მთავარი რა არის? დამოუკიდებლობის აღდგენის შემდეგ, ამდენი წელი გავიდა. მანამდეც მუშაობდა განათლების სისტემა და დღემდე მაგალითად, იურიდიული მიმართულება რომ ავიღოთ, ძირითად საგნებშიც კი ნახევარზე მეტში არ გვაქვს ჩვენ მაღალი სტანდარტების სახელმძღვანელოები. ეს ხომ უნდა გამოსწორდეს?! თუ ვინმეს მიაჩნია, რომ არ უნდა გამოსწორდეს, ამაზეც ვიდებატოთ, მზად ვარ ოპონენტებთან ვისაუბრო ამ თემებთან დაკავშირებით. იმდენად თვალსაჩინოა პრობლემები, რომელთა წინაშეც განათლების სისტემა და კონკრეტული უნივერსიტეტები დგას, რომ არ ვიცი. მე ვფიქრობ, რომ აქ ძალიან მყარია ჩვენი არგუმენტები. მეორე მხარეს არის ცარიელი უხეში განცხადებები ყოველგვარი დეტალიზაციის და კონკრეტიკის გარეშე.არავითარი ტექნიკურის და ჰუმანიტარულის გაერთიანება სინამდვილეში არ ხდება. თვითონ საქართველოს ტექნიკურ უნივერსიტეტში ტექნიკურ მიმართულებებს ეთმობა პროგრამების ნახევარზე ნაკლები. სტუდენტების ნახევარზე ნაკლები სწავლობს ტექნიკურ დისციპლინებს საქართველოს ტექნიკურ უნივერსიტეტში. შესაბამისად, მოხდა რა?! 90-იანი წლებიდან მოყოლებული, როცა გაჩნდა ეს პრობლემები, ტექნიკური მიმართულება საკუთარ უნივერსიტეტში იქცა ერთგვარ გერად. ეს არის დღევანდელი მდგომარეობა და ვიღაცას თუ არ უნდა ამის გამოსწორება, ეს არასწორია. ჩვენ ვფიქრობთ, რომ ტექნიკურ მიმართულებას განსაკუთრებული ყურადღება უნდა მიექცეს. დღეს არის უზარმაზარი პრობლემები. თქვენ რომ ნახოთ გამოშვება მაგალითად, მშენებლობის, ინჟინერიის მიმართულება და ა.შ. წელიწადში ხდება, მაგალითად, 300-400-500 სტუდენტის გამოშვება. არის მიმართულებები, სადაც ერთი ინჟინერი არ არსებობს ქვეყანაში. საჯარო და კერძო სექტორს აქვს უზარმაზარი პრობლემები და გვეუბნებიან, რომ ეს არ უნდა გამოსწორდეს. რა თქმა უნდა, ეს ყველაფერი უნდა გამოსწორდეს. ტექნიკური მიმართულებები, არა თუ უნდა, მიიჩქმალოს, პირიქით, ყველაფერი უნდა გაკეთდეს იმისთვის, რომ ტექნიკური მიმართულებები გავაძლიეროთ. დღეს ტექნიკური მიმართულებების წილი სტუდენტების რაოდენობაში შეიძლება არის დაახლოებით, 10%. ამ დროს, რომ ნახოთ განვითარებული ქვეყნები, მესამედია დაახლოებით, მათი წილი. ეს ხომ უნდა შეიცვალოს, გამოსწორდეს. თუ ტექნიკური მიმართულება დარჩება გერად საქართველოს ტექნიკურ უნივერსიტეტში ამას, რა თქმა უნდა, არაფერი ეშველება. ამიტომ ჩვენ ვაპირებთ, რომ გაერთიანების პირობებში ცალკე გამორჩეული ყურადღება დაეთმობა ტექნიკურ მიმართებას, ჩამოყალიბდება ცალკე სკოლად, რომელსაც ექნება თავისი ავტონომიის მაღალი ხარისხი და შესაბამისად, შესაბამისადვე, ეს უზრუნველყოფს იმას, რომ ჩვენ გვეყოლება ბევრად მეტი კადრი და ბევრად მეტი მაღალკვალიფიციური კადრი ტექნიკური მიმართულებით, ვიდრე გვყავდა მთელი ამ წლების განმავლობაში. ამას სჭირდება კარგად გააზრებული რეფორმა. ჩვენ გვაქვს გააზრებული და ოპოზიცია გამოდის ყოველგვარი არგუმენტების გარეშე. საჭიროა ყველაფერთან დაკავშირებით არგუმენტებით ვისაუბროთ,“ - განაცხადა კობახიძემ.გარდა ამისა, ის ილიაუნის რექტორად ნინო დობორჯგინიძის არჩევას გამოეხმაურა და განაცხადა, რომ „უნივერსიტეტების პოლიტიზება წინა ხელისუფლების ხელწერა იყო“.მისივე თქმით, ხელისუფლების მიდგომაა, რომ არც ერთი უნივერსიტეტი არ უნდა იყოს პოლიტიზებული.„უნივერსიტეტების პოლიტიზება იყო ჩვენი წინამორბედების, წინა ხელისუფლების ხელწერა. პოლიტიზებული იყო უკლებლივ ყველა უნივერსიტეტი. ისინი შევიდნენ, მათ შორის, კერძო სექტორში. დააფუძნეს საკუთარი კერძო უნივერსიტეტი, მათ შორის, ერთ ლარად მიყიდეს უნივერსიტეტები, რომლებიც შემდეგ გარდაიქმნა კერძო უნივერსიტეტებად. უნივერსიტეტების პოლიტიზება არის ჩვენი ოპონენტების ხელწერა. არც ერთი უნივერსიტეტი არ უნდა იყოს პოლიტიზებული. ეს არის ჩვენი მიდგომა და რა თქმა უნდა, ეს მიდგომა უნდა იყოს ბოლომდე გატარებული,“ - აღნიშნა კობახიძემ.

1770203564

მთელი სეზონის განმავლობაში, 9 მონაწილე ფინალში მოსახვედრად ერთმანეთს ეჯიბრებოდა, ბოლო ეპიზოდში კი მხოლოდ 2 მონაწილე - ვერიკო ბაზალი (Veriko Bazali) და ომარ კაკუშაძე (WildDoc) გადავიდა.ფინალისტების გამოვლენა ჟიურისა და მაყურებლების შეფასების საფუძველზე მოხდა. პროექტის გამარჯვებული ვერიკო ბაზალი გახდა. მას საქართველოს ბანკისგან გადაეცა ფულადი პრიზი 20 000 ლარის ოდენობით.“ჩემი პირველი ემოცია სიხარულთან ერთად უდიდესი პასუხისმგებლობის შეგრძნება იყო. გახდე Creator-ის გამარჯვებული ნიშნავს, რომ ადამიანები გენდობიან და შენი სჯერათ. ეს ის მომენტია, როცა არ გაქვს უფლება გაჩერდე. გარდა ამისა, ახლა უფრო მეტი ყურადღებაა შენზე, თუ რას და როგორ გააკეთებ - ხარისხი, სიხშირე, საინტერესო შინაარსი. ეს, ერთი მხრივ, გამოწვევაა და, მეორე მხრივ, პასუხისმგებლობა და ნდობა, რომელიც ჟიურიმ და მაყურებელმა გამომიცხადა - რაც ჩემთვის ძალიან დასაფასებელია და ძალიან მადლიერი ვარ ამის. ამ პროექტმა კიდევ ერთხელ დამარწმუნა შესაძლებლობებში და გამარჯვებამ მომცა ძალა და თავდაჯერება, ვაკეთო ის, რაც მინდა - ამისათვის კი საჭიროა, გადადგა პირველი ნაბიჯები და შემდეგ არ გაჩერდე”, - აღნიშნავს ვერიკო ბაზალი.ინფორმაციისთვის, Creator-ის პროექტში დამწყებ იუთუბერებს აფასებდნენ, გამოცდილებას უზიარებდნენ და ახალ დავალებებს აძლევდნენ უკვე კარგად გამოცდილი და ცნობილი კრეატორები: დათო ალავიძე (ჰიტა), გიორგი მახარაშვილი (საეჭვო კაცი) და ნიკა კაკოიშვილი (კაკო). ამასთან, მუდმივ ჟიურისთან ერთად ყოველ ეპიზოდს ჰყავდა მოწვეული სტუმარი, იუთუბერი მენტორი, რომელიც დამწყებ კრეატორებს საკუთარ გამოცდილებასა და რჩევებს უზიარებდა და დავალების შესრულებაში ეხმარებოდა.ფინალური ეპიზოდის სანახავად, ეწვიეთ ბმულს: https://www.youtube.com/@argacherde(R)

1770196298

„უცხოური აგენტების“ კანონი და სამოქალაქო სექტორიანგარიშის მიხედვით, 2025 წლის მარტში მიღებული „უცხოური აგენტების“ კანონი ეგზისტენციალურ საფრთხეს უქმნის ქვეყნის სამოქალაქო საზოგადოებას. კანონმდებლობა ითვალისწინებს: სავალდებულო რეგისტრაციას: ყველა ორგანიზაცია და ფიზიკური პირი, რომელიც უცხოურ დაფინანსებას იღებს, ვალდებულია დარეგისტრირდეს სახელმწიფო რეესტრში. მკაცრ სანქციებს: რეგისტრაციაზე უარის თქმა იწვევს სისხლისსამართლებრივ ჯარიმას 10,000 ლარამდე ან 5 წლამდე პატიმრობას. ფინანსურ კონტროლს: აპრილის ცვლილებებით, ნებისმიერი უცხოური გრანტის მისაღებად საჭიროა მთავრობის წინასწარი თანხმობა. აგვისტოში ხელისუფლებამ „საბოტაჟის“ ბრალდებით გაყინა შვიდი წამყვანი არასამთავრობო ორგანიზაციის (მათ შორის ISFED, IDFI, „საფარი“) საბანკო ანგარიშები, იმ მოტივით, რომ მათი ფონდები 2024 წლის აქციებზე პოლიციის წინააღმდეგ ძალადობრივ ქმედებებს ხმარდებოდა.შეკრების თავისუფლება და პოლიციის ძალის გადამეტებაHRW ხაზს უსვამს პოლიციის მხრიდან „ბრუტალური და გადამეტებული ძალის“ გამოყენებას მშვიდობიანი დემონსტრანტების წინააღმდეგ. დაკავებები: ოქტომბრის მუნიციპალური არჩევნების დღეს, პრეზიდენტის სასახლესთან მომხდარი არეულობისას, 60-ზე მეტი პირი დააკავეს კონსტიტუციური წესრიგის შეცვლის მცდელობის ბრალდებით. საკანონმდებლო გამკაცრება: ადმინისტრაციული პატიმრობის ვადა 15-დან 60 დღემდე გაიზარდა. ასევე, კრიმინალიზებულია საჯარო მოხელეების „სიტყვიერი შეურაცხყოფა“. ანგარიშვალდებულება: ივნისში ხელისუფლებამ გააუქმა სპეციალური საგამოძიებო სამსახური, რამაც, ანგარიშის თანახმად, სამართალდამცავთა მიერ ჩადენილ დანაშაულებზე რეაგირების მექანიზმი შეასუსტა. მედია და გამოხატვის თავისუფლებაანგარიშში აღწერილია თავდასხმა დამოუკიდებელ მედიაზე: მაუწყებლობის კანონი: აიკრძალა მაუწყებლების უცხოური დაფინანსება და გაფართოვდა კომუნიკაციების კომისიის ძალაუფლება. სასამართლო დავები: მმართველმა პარტიამ საჩივრები შეიტანა ტელეკომპანიების, „ფორმულასა“ და „TV პირველის“ წინააღმდეგ ტერმინების — „რეჟიმი“ და „უკანონო მთავრობა“ — გამოყენების გამო. ჟურნალისტების დევნა: აგვისტოში გამოცემა „ბათუმელებისა“ და „ნეტგაზეთის“ დამფუძნებელს, მზია ამაღლობელს, 2-წლიანი პატიმრობა მიესაჯა პოლიციელისთვის სილის გაწვნის ბრალდებით, რაც საერთაშორისო საზოგადოებამ პოლიტიზებულ განაჩენად შეაფასა. პოლიტიკური ოპოზიცია და გენდერული საკითხებიHRW ყურადღებას ამახვილებს რვა ოპოზიციონერი პოლიტიკოსის დაპატიმრებაზე, რომლებიც სააკაშვილის დროინდელი დანაშაულების შემსწავლელ კომისიას ბოიკოტს უცხადებდნენ. ასევე, სექტემბერში ქრთამისა და გადატრიალების მცდელობის ბრალდებით დააკავეს ლევან ხაბეიშვილი.გარდა ამისა, ხელისუფლებამ გააუქმა პარლამენტის გენდერული თანასწორობის საბჭო და ყველა კანონიდან ამოიღო ტერმინები „გენდერი“ და „გენდერული თანასწორობა“.ევროკავშირის რეაქციაბრიუსელმა საქართველოს ევროინტეგრაციის პროცესი „დე ფაქტო შეჩერებულად“ გამოაცხადა. იანვარში შეჩერდა უვიზო მიმოსვლა დიპლომატიური პასპორტების მფლობელთათვის. ნოემბრის ანგარიშში ევროკომისიამ საქართველოს უწოდა „კანდიდატი ქვეყანა მხოლოდ სახელით“ და აღნიშნა, რომ ქვეყანა ევროპულ გზას მნიშვნელოვნად აცდა.

1770195867

ორი ქვეყნის ლიდერი არაბთა გაერთიანებული საამიროების დედაქალაქში ადამიანური დაძმობილებისათვის „ზაიედის 2026 წლის ჯილდოს“ მისაღებად ჩავიდა. ორივე ლიდერი 2026 წლის ლაურეატად ორ ქვეყანას შორის სამშვიდობო პროცესში შეტანილი წვლილისთვის დასახელდა. ახლა ბაქოსა და ერევნისაგან უკვე არსებული შეთანხმებების იმპლემენტაციას ელოდებიან, მათ შორის სამშვიდობო შეთანხმების ხელმოწერას. გაფართოებულ შეხვედრას სომხეთის მხრიდან ესწრებოდნენ: ვიცე-პრემიერი - მჰერ გრიგორიანი, საგარეო საქმეთა მინისტრი არარატ მირზოიანი, უშიშროების საბჭოს მდივანი არმენ გრიგორიანი და პარლამენტის ვიცე-სპიკერი რუბენ რუბინიანი.აზერბაიჯანულ მხარეს წარმოადგენდნენ: ვიცე-პრემიერი შაჰინ მუსტაფაევი, საგარეო საქმეთა მინისტრი ჯეიჰუნ ბაირამოვი, პრეზიდენტის თანაშემწე ჰიქმეთ ჰაჯიევი და პრეზიდენტის სპეციალური დავალებათა ელჩი ელჩინ ამირბეკოვი.ამასთან, ბაქოში აცხადებენ, რომ „ტრამპის მარშრუტის“ გახსნა რეგიონში სატრანზიტო შესაძლებლობებს შეუმცირებს რუსეთს და ირანს და ასევე, ჩინეთის გავლენებს შეზღუდავს. ბაქოში დარწმუნებული არიან, რომ „ტრამპის მარშრუტი“ სამხრეთ კავკასიის ყველა ქვეყნის პოზიციებს გააძლიერებს, რომლებიც დასავლეთზე არიან ორიენტირებული, მათ შორის საქართველოსაც. როგორც აზერბაიჯანში აღნიშნავენ, TRIPP–ის სრულფასოვანი ამოქმედების შემთხვევაშიც საქართველოს მიმართულება შეუცვლელი დარჩება ტრანზიტისთვის შავი ზღვისა და ევროკავშირის მიმართულებით, მულტიმოდალური ტვირთების გადასაზიდად, ენერგეტიკული და ციფრული დერეფნებისთვის.

1770192015

შპს „აი-სი-ი"-ის საქმიანობის სფეროს ლიფტებისა და გათბობა-გაგრილების დანადგარების მიწოდება-მონტაჟი წარმოადგენს.GCCA-ის მიერ შესწავლილი ბაზრის ანალიზის ფარგლებში დადგინდა, რომ 2025 წელს ლიფტების იმპორტის ბაზარზე 251 ეკონომიკური აგენტი ოპერირებდა და ბაზრის საერთო მოცულობამ 84 616 166.3 ლარი შეადგინა, ხოლო ბაზრის კონცენტრაციის HHI ინდექსი 475.5 ერთეულს გაუტოლდა. რაც შეეხება გათბობა-გაგრილების დანადგარ-მოწყობილობებისა და მათთან დაკავშირებული აქსესუარების იმპორტს, 2025 წელს ბაზარზე 264 ეკონომიკური აგენტი მოქმედებდა, ბაზრის მოცულობამ - 199 145 493.6 ლარი შეადგინა, ხოლო ბაზრის კონცენტრაციის HHI ინდექსი 1134.1 ერთეულს გაუტოლდა.შესაბამისად, როგორც ლიფტების, ასევე გათბობა-გაგრილების დანადგარ-მოწყობილობების ბაზარი იმპორტის დონეზე დაბალკონცენტრირებულია. სამიზნე კომპანიის საბაზრო წილი ორივე შემთხვევაში მცირეა. ამასთან, გათბობა-გაგრილების დანადგარ-მოწყობილობების ბაზარზე უმნიშვნელოა ბაზრის კონცენტრაციის ინდექსის ცვლილების მაჩვენებელი (ΔHHI), ხოლო ლიფტების ბაზრის იმპორტის დონეზე კონცენტრაციის ინდექსი არ შეიცვლება.GCCA-სთვის წინასწარ სავალდებულო წერილობით შეტყობინებას ექვემდებარება კონცენტრაცია, თუ მისი მონაწილე პირების ჯამური ერთობლივი შემოსავალი, საქართველოს ტერიტორიაზე, წინა ფინანსური წლის მდგომარეობით, 20 მლნ ლარს აღემატება და ამასთან, კონცენტრაციის მონაწილე მინიმუმ ორი პირიდან თითოეულის ერთობლივი შემოსავალი 5 მლნ ლარზე მეტია. GCCA-ის გვერდის ავლით, მის მიერ შეტყობინების განხილვამდე, ან უარყოფითი დასკვნის მიუხედავად, სავალდებულო შეტყობინებას დაქვემდებარებული კონცენტრაციის განხორციელების შემთხვევაში, შეტყობინების წარდგენის ვალდებულების მქონე პირი ჯარიმდება.

1770189215

„გზავნილის გაგზავნა ჩემი ყოველდღიურობის ნაწილია და არასდროს მიფიქრია, რომ ამას დამატებითი სარგებელი მოჰყვებოდა. როცა გავიგე, რომ სუპერპრიზის გამარჯვებული გავხდი, თავიდან მართლა ვერ დავიჯერე, ძალიან გამიხარდა. ჩემთვის ეს დიდი მხარდაჭერა და სასიამოვნო მოულოდნელობაა - მით უფრო მაშინ, როცა სამშობლოსგან შორს ცხოვრობ”, - გვიზიარებს გამარჯვების ემოციებს ვაჟა სინჯარაძე.გათამაშებაში 25 ათასზე მეტი მომხმარებელი ჩაერთო. მის ფარგლებში სულ 63 გამარჯვებული გამოვლინდა. 62 მათგანმა 1,000 ლარი, ხოლო ერთმა - სუპერპრიზი 10,000 ლარი მოიგო. ჯამურად კი  72,000 ლარი გათამაშდა.გათამაშებაში მონაწილეობა შეეძლო ყველას, ვინც საკუთარ თავს გზავნილს გაუგზავნიდა და მას საქართველოს ბანკის მობილბანკში გაანაღდებდა.  წესები მარტივი იყო: ყოველი მიღებული 150 ლარი (ან მისი ეკვივალენტი სხვა ვალუტაში) ერთ ბილეთს წარმოადგენდა, ბილეთები კი ავტომატურად გროვდებოდა.„მოხარულები ვართ, რომ გზავნილის კამპანიაში ამდენი ადამიანი ჩაერთო და სუპერპრიზიც გათამაშდა. მსგავსი წამახალისებელი  ინიციატივები მომხმარებლებს შესაძლებლობას აძლევს ყოველდღიური ფინანსური ოპერაციების განხორციელებისას დამატებითი სარგებელი მიიღონ. წლის განმავლობაში კიდევ არაერთი წამახალისებელი კამპანია არის დაგეგმილი, რომელიც სპეციალურად ემიგრანტებზე იქნება მორგებული”, - აცხადებენ საქართველოს ბანკში.თუ ქვეყნის საზღვრებს გარეთ ცხოვრობთ, შემოუერთდით Facebook ჯგუფს და პირველებმა გაიგეთ საქართველოს ბანკის მიერ, სპეციალურად ემიგრანტებისთვის, დაგეგმილი წამახალისებელი კამპანიების, შეთავაზებებისა და კულტურული ღონისძიებების შესახებ. (R)

1770188997

პროექტის მიმდინარეობას ოთხშაბათს ადგილზე გაეცნო კომპანიის გენერალური დირექტორი, ლაშა აბაშიძე. სამუშაოები 3-კილომეტრიან მონაკვეთს მოიცავს და მასში 200-მდე თანამშრომელი და მძიმე ტექნიკაა ჩართული.ძირითადი დეტალები: სიჩქარის ზრდა: რეაბილიტაციის დასრულების შემდეგ, აღნიშნულ მონაკვეთზე მატარებლების მოძრაობის მაქსიმალური სიჩქარე 100 კმ/სთ-მდე გაიზრდება. სტრატეგიული მიზანი: ინფრასტრუქტურული გაჯანსაღება პირდაპირ აისახება მგზავრობის ხანგრძლივობაზე. კომპანიის გეგმის მიხედვით, ზაფხულის სეზონისთვის თბილისიდან ბათუმის მიმართულებით მგზავრობის დრო საგრძნობლად შემცირდება. მასშტაბი: სამუშაოები ეხება როგორც სამგზავრო, ისე სატვირთო გადაზიდვებს. „ინფრასტრუქტურული გაჯანსაღება მთელი ქვეყნის მასშტაბით აქტიურად მიმდინარეობს. ეს ერთი მხრივ ხელს შეუწყობს სიჩქარეების მატებას, ხოლო მეორე მხრივ - მგზავრებისთვის მეტი კომფორტის შექმნას", - განაცხადა ლაშა აბაშიძემ.

1770188037