რუსეთში სამხედრო თვითმფრინავს ფრთოსანი რაკეტა ჩამოუვარდა

შემცირებულია დეპოზიტების პორტფელი, 100 მლნ ლარით. 1.476 მლრდ ლარამდე (2023 – 1.575 მლრდ, -6.3%Y.Y).ქართუს დეპოზიტების პორტფელის 1/2-ზე მეტი მიმდინარე ანგარიშებია, რომლის 80%-ზე მეტი სავალუტოა. დოლარიზაციის მაღალი კოეფიციენტი (80%) აქვს ვადიან ანაბრებსაც.ქართუ ბანკი უფრო მეტ იურიდიულ პირს ემსახურება ვიდრე ფიზიკურს, თუმცა დეპოზიტებში კომპანიების წილი შემცირებულია. 900 მლნ ლარს აღწევდა ერთი წლის წინ და  750 მლნ ლარამდეა შემცირებული, იურიდიული პირების დეპოზიტები 01.01.2025-ის მდგომარეობით, საცალო ანაბრები კი გაზრდილია 800 მლნ ლარამდე (2023 – 675 მლნ)

1737134217

ციფრულ ბანკს კლიენტის იდენტიფიკაცია/ვერიფიკაციის მოთხოვნები აქვს დარღვეული  3 კომპანიასთან, ასევე დოკუმენტების დამოწმების ნაწილში, რასაც ფინანსური მონიტორინგის სამსახური ავალდებულებს.იგნორირებნულია  სებ-ის  პრეზიდენტის  N48/04 ბრძანება, კლიენტის მიმართ პრევენციული ღონისძიებების ელექტრონული წესით განხორციელებაზე (დარღვეულია კლიენტის ელექტრონული იდენტიფიკაცია/ვერიფიკაციის პირობა).სათანადოდ არ არის შესწავლილი  გარიგების დეტალები, მხარეების შესახებ ინფორმაცია, კლიენტის რისკის დონე. დარღვეულია კლიენტის იდენტიფიკაციის პროცედურა.დამატებით დარღვევაა 2 კლიენტთან მიმართებით, გაძლიერებული პრევენციული ღონისძიებების არასათანადოდ ჩატარებაზე. საქმიანი ურთიერთობის მონიტორინგზე, არაა შესწავლილი ქონების და ფულადი სახსრების წარმომავლობა.1 კლიენტთან მიმართებით  დარღვეულია „უკანონო შემოსავლის ლეგალიზაციის და ტერორიზმის დაფინანსების რისკის შეფასების  სებ-ის მოთხოვნები.მე-2 კლიენტის ქეისს, რომელიც მაღალი რისკის კატეგორიაში გადის, არ ერთვის ხელმძღვანელობის დამატებითი ნებართვა. კანონი ითხოვს საქმიანი ურთიერთობის დამყარების ან გაგრძელების ნებართვა (მე-18 მუხლ დ))

1737128940

ილჰამ ალიევის თქმით, ეს ორივე ქვეყნის ინტერესებსა და მთელს რეგიონს ემსახურება.„განსაკუთრებული მნიშვნელობის არის ის პროექტები, რომლებსაც ერთობლივად ვახორციელებთ ნავთობის და ბუნებრივი აირის მიმართულებით. ეს ყველაფერი უზრუნველყოფს ენერგოუსაფრთხოებას ბევრი ქვეყნისთვის. მინდა ასევე აღვნიშნო, რომ საქართველოში ტრანზიტის წყალობით აზერბაიჯანული ბუნებრივი აირი 11 ქვეყანას მიეწოდება, ექსპორტი მზარდია, 25 მლრდ კუბური მეტრი იყო გასულ წელს მისი მოცულობა და 10% ექსპორტიდან საქართველოს წილია. იმ ინფორმაციის საფუძველზე, რომელიც მივიღე საქართველოში ბუნებრივი აირის მოხმარებაზე, 80% ამ აირიდან აზერბაიჯანიდან მოდის.ეს არის ნამდვილად აღსანიშნავი ფაქტი და განსაკუთრებული პროექტი. ეტაპობრივად, გეოგრაფია ჩვენი ბუნებრივი აირის ექსპორტის გაიზრდება, გაფართოვდება, როდესაც ახალი საბადოების ათვისება მოხდება მომდევნო წლებში. ახალი საბადოების აღმოჩენა მოხდება აზერბაიჯანში და ეტაპობრივად, ბუნებრივი აირის ექსპორტის მოცულობა მნიშვნელოვნად გაიზრდება. ამავდროულად, ჩვენ ვმუშაობთ მწვანე ენერგიის პროექტზე ერთად და ესეც ცხადყოფს იმას, რომ ჩვენ პასუხისმგებლობიანი მთავრობები ვართ იმდენად, რამდენადაც არსებობს ამის აუცილებლობა, ამ ტიპის ენერგიის აუცილებლობა ბაზარზე და იმ ინფორმაციის საფუძველზე, რომელიც დღეს მივიღე, მწვანე ენერგიის პროექტი წარმატებით ხორციელდება და ბევრი სხვა პროექტის მსგავსად, ეს პროექტიც წარმატებული იქნება უდავოდ. ამის დიდი შანსი არსებობს", -  განაცხადა აზერბაიჯანის პრეზიდენტმა.კობახიძე აზერბაიჯანის დედაქალაქს დელეგაციასთან ერთად დღეს, 17 იანვარს ეწვია, რომლის შემადგენლობაში "ოცნების" მიერ დანიშნული პირველი ვიცე-პრემიერი, ეკონომიკისა და მდგრადი განვითარების მინისტრი ლევან დავითაშვილი, "ოცნების" მთავრობის მიერ საგარეო საქმეთა მინისტრად დანიშნული მაკა ბოჭორიშვილი, ასევე "ქართული ოცნების" მიერ დანიშნული გარემოს დაცვისა და სოფლის მეურნეობის მინისტრი დავით სონღულაშვილი, კულტურის მინისტრი თინათინ რუხაძე და "ოცნების" მთავრობის ადმინისტრაციის უფროსი ლევან ჟორჟოლიანი არიან.მანამდე, 15 იანვარს, მედიაში გავრცელდა ინფორმაცია, რომ ირაკლი კობახიძეს არაბთა გაერთიანებულ საამიროებში ოფიციალური ვიზიტი გაუუქმეს. ვიზიტი მასპინძელმა მხარემ გადადო.კობახიძის ადმინისტრაციაში ვიზიტის გაუქმებას არ ადასტურებენ და ამბობენ, რომ ვიზიტი თვის ბოლოსაა და მისი თარიღი მოგვიანებით გახდება ცნობილი.ამასთან, საქართველო 2025 წელს დავოსის მსოფლიო ეკონომიკურ ფორუმსა და მიუნხენის უსაფრთხოების კონფერენციაში მონაწილეობას არ მიიღებს – არ მიიწვიეს.„კობახიძეს ამ დროისთვის მოსაწვევი არც ერთი ღონისძიებიდან არ მიუღია”, - აცხადებს „ოცნების” მთავრობის ადმინისტრაცია.დავოსის მსოფლიო ეკონომიკური ფორუმი 20-24 იანვარს შვეიცარიის ქალაქ დავოსში ტარდება. მასში 60 სახელმწიფო მეთაური და 130 ქვეყანა მონაწილეობს.მიუნხენის უსაფრთხოების კონფერენცია კი წელს 14-16 თებერვალსაა დაგეგმილი.

1737114143

საელჩოში აღნიშნავენ, რომ გამოხატვის თავისუფლებით სარგებლობისთვის ადამიანების მიზანში ამოღება ძირს უთხრის დემოკრატიას."აშშ-ის საელჩოსა და სხვა დიპლომატიური კორპუსის წარმომადგენლები დაესწრნენ საქართველოს იმ მოქალაქეების სასამართლო პროცესებს, რომლებიც დაკავების ან პატიმრობის დროს სავარაუდოდ პოლიციამ სცემა ან მათზე იძალადა.ადამიანების მიზანში ამოღება გამოხატვის თავისუფლებისა და ფუნდამენტური უფლებებით სარგებლობის გამო, ძირს უთხრის საქართველოში სამართალს, დემოკრატიასა და კანონის უზენაესობას", - აცხადებენ საელჩოში.

1737113753

გლობალურ რეიტინგში საქართველო ინგლისური ენის ცოდნით, რეგიონის ყველა სახელმწიფოს უსწრებს. საქართველოს შემდეგ, 35 პოზიციას იკავებს ბელარუსი. სომხეთი არის 38-ე პოზიციაზე, მოლდოვა 39-ზე, უკრაინა კი მე-40-ზე. რაც შეეხება რუსეთს, EF ინგლისური ენის ცოდნის გლობალურ რეიტინგში იგი 44–ე პოზიციას იკავებს. თურქეთი 65-ს ხოლო აზერბაიჯანი 86-ეს.

1737112848

„NATO-მ ჯერ კიდევ 2008 წელს გადაწყვიტა, რომ უკრაინა და საქართველო გახდებიან ალიანსის წევრები. NATO-მ, მათ შორის აშშ-მა და გერმანიამ, თავისი სიტყვა უნდა შეასრულონ“, - წერს მიხელსონი X-ზე. NATO decided back in 2008 that Ukraine and Georgia would become a member of the alliance. NATO, including the US and Germany, should keep its word. https://t.co/PpnkMgDSR1 — Marko Mihkelson (@markomihkelson) January 17, 2025 ცნობისთვის, უკრაინის პრეზიდენტმა ვოლოდიმირ ზელენსკიმ გუშინ, 16 იანვარს განაცხადა, რომ შეერთებული შტატები, გერმანია, უნგრეთი და სლოვაკეთი უკრაინის NATO-ში გაწევრიანებას მხარს არ უჭერენ.„ისინი გულწრფელები იყვნენ: არ სურდათ ჩვენი NATO-ში ხილვა. ეს ოთხი ქვეყანა, სხვადასხვა მიზეზების გამო, უკრაინას NATO-ში ჯერ ვერ ხედავენ“, - აღნიშნა ზელენსკიმ.

1737106041

„თელასში“ აცხადებენ, რომ პროექტები თბილისის ელექტრომომარაგების ხარისხისა და საიმედოობის გაუმჯობესებაზე იყო ორიენტირებული.საინვესტიციო პროგრამის ფარგლებში სამუშაოები ჩატარდა მაღალი და დაბალი ძაბვის ქვესადგურების და საკაბელო ელექტროგადამცემი ხაზების 110/35/10/6/04 ქსელის ძირითადი აღჭურვილობის რეკონსტრუქციისა და მოდერნიზების მიზნით. მიმდინარეობს SCADA-ს სისტემის დანერგვისა და ახალი ქვესადგური „კრწანისის“ მშენებლობის პროექტის მოსამზადებელი სამუშაოები.ძირითადი მოწყობილობების რეკონსტრუქცია და მოდერნიზაცია განხორციელდა ქვესადგურებში „მახათა“, „სანაპირო“, „დიღომი-2“, „აეროპორტი“, „ნავთლუღი-2“, „საბურთალო-1“. ქვესადგურში „დიღომი-2“ შეიცვალა ძალოვანი ტრანსფორმატორები T1 და T2. დასრულდა ოთხი ცენტრალური გამანაწილებელი პუნქტის სრული რეკონსტრუქცია-მოდერნიზაცია: ცგპ-0417, ცგპ-0080, ცგპ-5060 და ცგპ-3614. ასევე ჩატარდა რეკონსტრუქცია-მოდერნიზების სამუშაოები 35-კვ ელექტროგადამცემ ხაზებზე „ლილო-1-2“, 110-კვ ელექტროგადამცემ ხაზებზე „დიღომი-102“, „დიღომი-103“ და საკაბელო ელექტროგადამცემ ხაზებზე ჯამური სიგრძით 136 კმ.2024 წელს თელასმა 3,757 მლრდ კვტ*სთ ელექტროენერგია გაანაწილა, რაც 8.5%-ით (293 მლნ კვტ*სთ-ით) აღემატება 2023 წელს განაწილებული ელექტროენერგიის მოცულობას. კომპანია აღნიშნულ მატებას ქვეყანაში ეკონომიკური აქტივობისა და ახალი აბონენტთა რაოდენობის ზრდას უკავშირებს.სს თელასის აბონენტთა რაოდენობა გასული წლის ბოლოს, 4%-ით (29,8 ათასი აბონენტით) გაიზარდა y.y და 780.7 ათასი აბონენტი შეადგინა, საიდანაც 699.1 ათასი - ფიზიკური პირია, ხოლო 81.6 ათასი – იურიდიული პირი.2024 წლის მონაცემებით კომპანიის ელექტროგადამცემი ხაზების საერთო სიგრძემ 7,153 კმ შეადგინა, რაც 4.4%-ით (299 კმ-ით) აღემატება 2023 წლის მაჩვენებელს (6,854 კმ). კომპანიის ელექტროგადამცემი ხაზების საერთო სიგრძე ქსელის განვითარების, რეკონსტრუქციისა და მოდერნიზების სამუშაოების ჩატარების შედეგად გაიზარდა.თელასმა 2024 წლის საოპერაციო მაჩვენებლები გამოაქვეყნა.

1737105540

აზერბაიჯანის პრემიერ-მინისტრმა ალი ასადოვმა მადლობა გადაუხადა ირაკლი კობახიძეს COP29-ის კონფერენციაში აქტიური მონაწილეობისთვის და აღნიშნა, რომ აზერბაიჯანი აფასებს საქართველოს წვლილს გლობალური მასშტაბის კლიმატის ცვლილებებთან ბრძოლაში.„გასული წლის განმავლობაში ორჯერ იმყოფებოდით აზერბაიჯანში. თქვენთან როგორც მარტში, ასევე ნოემბერში COP29-ის ფარგლებში შეხვედრები ძალიან კარგად მახსენდება. ვისარგებლებ შემთხვევით და მადლობას გადაგიხდით აქტიური მონაწილეობისთვის COP29-ის ფარგლებში. ჩვენ დიდად ვაფასებთ საქართველოს წვლილს გლობალური მასშტაბის კლიმატის ცვლილებებთან ბრძოლაში. დღეს ჩვენ ეკონომიკური თანამშრომლობის მთავრობათაშორისი კომისიის მე-10 საიუბილეო სხდომას ვატარებთ. დარწმუნებული ვარ, რომ ჩვენი მსჯელობები მიღებული გადაწყვეტილებები და ოქმები, ასევე ორმხრივი დოკუმენტები ხელს შეუწყობს ჩვენს ქვეყნებს შორის ურთიერთობების კიდევ უფრო განვითარებას", - განაცხადა ალი ასადოვმა.მისივე თქმით, ირაკლი კობახიძის ვიზიტის ფარგლებში დაგეგმილია საქართველოს საელჩოს ახალი შენობისთვის გამოყოფილი მიწის ნაკვეთის დათვალიერება.„აღნიშნული მიწის ნაკვეთი გამოყოფილია აზერბაიჯანის რესპუბლიკის პრეზიდენტის დავალებითა და მინისტრთა კაბინეტის გადაწყვეტილებით. ის ბაქოს ცენტრში, ქალაქის ერთ-ერთ ულამაზეს ადგილზე მდებარეობს", - აღნიშნა აზერბაიჯანის პრემიერმა.ალი ასადოვის თქმით, დანიშვნიდან ცოტა ხნის შემდეგ აზერბაიჯანში კობახიძის ვიზიტი კიდევ ერთხელ ადასტურებს ქვეყნებს შორის არსებული ურთიერთობების პატივისცემას.„დარწმუნებული ვარ, რომ თქვენი ვიზიტი ქვეყნებს შორის ურთიერთობების განვითარებაში მნიშვნელოვან წვლილს შეიტანს. 2024 წელი, როგორც აზერბაიჯანის, ასევე საქართველოს პოლიტიკურ ცხოვრებაში ძალიან მნიშვნელოვანი წელი იყო. აზერბაიჯანის ისტორიაში პირველად, ქვეყნის სუვერენულ ტერიტორიაზე საპრეზიდენტო და საპარლამენტო არჩევნები ჩატარდა. საქართველოშიც ჩატარდა საპარლამენტო და საპრეზიდენტო არჩევნები. ორივე ქვეყანაში ჩატარებული არჩევნების შედეგები აზერბაიჯანელი და ქართველი ხალხების ნების გამომხატველი იყო. მინდა ვისარგებლო შემთხვევით და პრემიერ-მინისტრის თანამდებობაზე ხელახლა დანიშვნა და საქართველოს ახალი მთავრობის ჩამოყალიბება კიდევ ერთხელ მოგილოცოთ. დარწმუნებული ვარ, რომ ჩვენი ხელისუფლებები, კონსტრუქციულად და მჭიდროდ იმუშავებენ და ჩვენი ხალხების განვითარებას და კეთილდღეობას ხელს შეუწყობენ. დანიშვნიდან ცოტა ხნის შემდეგ აზერბაიჯანში თქვენი ვიზიტი კიდევ ერთხელ ადასტურებს ჩვენს ქვეყნებს შორის არსებული ურთიერთობების პატივისცემას თქვენი მხრიდან და ჩვენ დიდად ვაფასებთ ამას", - განაცხადა ალი ასადოვმა.აზერბაიჯანის პრემიერის თქმით, გასული დროის განმავლობაში ორ ქვეყანას შორის სტრატეგიული პარტნიორობა ხარისხობრივად ახალ საფეხურზე გადავიდა.„პატივცემულო პრემიერ-მინისტრო, საქართველოსთან ურთიერთობების განვითარება აზერბაიჯანის საგარეო პოლიტიკის ერთ-ერთი პრიორიტეტია. გასული დროის განმავლობაში ჩვენი სტრატეგიული პარტნიორობა ხარისხობრივად ახალ საფეხურზე გადავიდა. ეს თანამშრომლობა ყველა მნიშვნელოვან სფეროს მოიცავს და გააჩნია ფართო იურიდიული ბაზა, აქ შედის 140-მდე დოკუმენტი.ჩვენს ქვეყნებს შორის აქტიური პოლიტიკური დიალოგი არსებობს. საერთაშორისო ორგანიზაციების ფარგლებში ერთმანეთს ყოველთვის მხარს ვუჭერთ. ჩვენ რთულ პერიოდებში ყოველთვის ერთმანეთის გვერდით ვართ. აღნიშნული ტრადიცია დღესაც გრძელდება. ტერიტორიული მთლიანობის თემაზე ურთიერთმხარდაჭერა განსაკუთრებით მინდა აღვნიშნო.ჩვენი ეკონომიკური სავაჭრო თანამშრომლობა ყოველთვის ძალიან მნიშვნელოვანია. საქართველო აზერბაიჯანის ერთ-ერთი უმთავრესი სავაჭრო პარტნიორია. მართალია, გასულ წელს ჩვენი სავაჭრო ბრუნვა ცოტათი შემცირებულია, მაგრამ დარწმუნებული ვარ, რომ ეს დროებით ხასიათს ატარებს. ეკონომიკური პოტენციალის მთლიანად რეალიზაციისთვის საჭირო ნაბიჯები უნდა გადავდგათ. ეს საკითხი, რა თქმა უნდა, ყურადღების ცენტრში იქნება", -  აღნიშნა ალი ასადოვმა.ამასთან, აზერბაიჯანის პრემიერ-მინისტრმა ალი ასადოვმა საქართველო-აზერბაიჯანის ეკონომიკური თანამშრომლობის მთავრობათაშორისი კომისიის მე-10 სხდომის გახსნისას განაცხადა, რომ "ინვესტიციების სფეროში თანამშრომლობას ძალიან კარგი დინამიკა გააჩნია, აზერბაიჯანელი ინვესტორები დაინტერესებულნი არიან საქართველოს ეკონომიკაში უფრო მეტი ინვესტიციის ჩადებით".ალი ასადოვის თქმით, აზერბაიჯანი საქართველოში უდიდეს ინვესტიციას ახორციელებს.„SOCAR საქართველოში თავის საქმიანობას წარმატებით ახორციელებს. კომპანია ყოველთვის საქართველოს ეკონომიკაში უდიდეს ინვესტიციას დებს და ქვეყნის ერთ-ერთი უდიდესი გადამხდელია. ასევე, SOCAR საქართველოში პერიოდულად სოციალურ პროექტებსაც ახორციელებს და ამ მიმართულებითაც გააგრძელებს თავის საქმიანობას.ამავდროულად, აზერბაიჯანის ინვესტორების საქართველოში საქმიანობასთან დაკავშირებით ზოგიერთი საკითხების მოგვარებაზე საქართველოს მთავრობის იმედი გვაქვს. აღნიშნული საკითხების დადებითად მოგვარება ინვესტიციების სფეროში თანამშრომლობას უფრო გააძლიერებს და გააფართოებს, რადგან აზერბაიჯანელი ინვესტორები დაინტერესებულნი არიან საქართველოს ეკონომიკაში უფრო მეტი ინვესტიციის ჩადებით. ჩვენც, თავის მხრივ, საქართველოს კომპანიების აზერბაიჯანულ ბაზარზე საქმიანობის უზრუნველყოფისთვის საჭირო პირობებს ვქმნით. აზერბაიჯანში აქტიურად მოქმედი 650-ზე მეტი ქართული კაპიტალის მქონე კომპანია არსებობს. აზერბაიჯანის მთავრობა ამის შემდეგაც ქართული კომპანიების ჩვენს ქვეყანაში საქმიანობისთვის საჭირო პირობებს შექმნის", -  განაცხადა აზერბაიჯანის პრემიერ-მინისტრმა.მისივე თქმით, აღნიშნულმა პროექტებმა შეცვალა რეგიონის ენერგეტიკული და სატრანსპორტო რუკა.„აქ განსაკუთრებით უნდა აღინიშნოს სამხრეთის დერეფანი. ჩვენი ქვეყნები ამ სტრატეგიული პროექტის განხორციელებაში მნიშვნელოვან როლს ასრულებენ. „სოკარის" მიერ საქართველოს ბაზარზე გაზის მიწოდება გრძელდება. ნავთობისა სფეროშიც ჩვენი თანამშრომლობა წარმატებით გრძელდება. ბაქო-თბილისის-ჯეიჰანის ბაზით გასულ წელს 30 მლნ ტონამდე ნავთობის ტრანსპორტირება განხორციელდა. ყულევის ტერმინალსა და მასთან ახლომდებარე ნავთობის გადამუშავების ქარხანას შორის თანამშრომლობის საკითხი ამჟამად აქტუალურია. ამასთან დაკავშირებით უკვე ხელშეკრულება გაფორმდა და ახლო მომავალში ყულევის ტერმინალიდან ნედლი ნავთობისა და ნავთობპროდუქტების გადაზიდვა დაიწყება.ამავდროულად, დღეს ჩვენ ერთად ევროპაში მწვანე ენერგეტიკის ხიდს ვაშენებთ. შავი ზღვის წყალქვეშა ენერგეტიკული კაბელის პროექტი აზერბაიჯანში, საქართველოში, რუმინეთსა და უნგრეთში ხორციელდება. ეს პროექტი ევროპის ენერგეტიკული უსაფრთხოებისთვის მნიშვნელოვან ფაქტორს წარმოადგენს", - აღნიშნა ალი ასადოვმა.15 იანვარს, მედიაში გავრცელდა ინფორმაცია, რომ ირაკლი კობახიძეს არაბთა გაერთიანებულ საამიროებში ოფიციალური ვიზიტი გაუუქმეს. ვიზიტი მასპინძელმა მხარემ გადადო.კობახიძის ადმინისტრაციაში ვიზიტის გაუქმებას არ ადასტურებენ და ამბობენ, რომ ვიზიტი თვის ბოლოსაა და მისი თარიღი მოგვიანებით გახდება ცნობილი.ამასთან, საქართველო 2025 წელს დავოსის მსოფლიო ეკონომიკურ ფორუმსა და მიუნხენის უსაფრთხოების კონფერენციაში მონაწილეობას არ მიიღებს – არ მიიწვიეს.„კობახიძეს ამ დროისთვის მოსაწვევი არც ერთი ღონისძიებიდან არ მიუღია”, - აცხადებს „ოცნების” მთავრობის ადმინისტრაცია.დავოსის მსოფლიო ეკონომიკური ფორუმი 20-24 იანვარს შვეიცარიის ქალაქ დავოსში ტარდება. მასში 60 სახელმწიფო მეთაური და 130 ქვეყანა მონაწილეობს.მიუნხენის უსაფრთხოების კონფერენცია კი წელს 14-16 თებერვალსაა დაგეგმილი.

1737104345