შემოსავლების სამსახურმა „ყაზბეგის“ საბაჟოზე ₾3 მლნ-მდე არადეკლარირებული თანხა აღმოაჩინა

შეთავაზების დეტალური პირობები იხილეთ ბმულზე.თიბისიმ და Mastercard-მა დამატებით, გათამაშებაც მოუმზადეს მომხმარებლებს. 24 აგვისტოდან 3 სექტემბრის ჩათვლით, ნებისმიერ რეგიონში, საერთაშორისო ონლაინ პლატფორმებზე თიბისის ნებისმიერ Mastercard ბარათით განხორციელებულ მინიმუმ 100-ლარიან გადახდაზე, შესაძლებლობა გექნებათ, დასაჩუქრდეთ Amazon-ის ვაუჩერებით. შეთავაზების დასრულებისას, პირველი 50 მომხმარებელი, რომელსაც ყველაზე მეტი ტრანზაქცია ექნება განხორციელებული, Amazon-ის 100-დოლარიანი, ხოლო მომდევნო 150 მომხმარებელი - 50-დოლარიანი ვაუჩერებით დაჯილდოვდება.  გამარჯვებულები ტრანზაქციების განხორციელების რიგითობის მიხედვით გამოვლინდებიან.შეთავაზების დეტალური პირობები იხილეთ ბმულზე.აიღეთ, თიბისის Mastercard ბარათები მარტივად, პირდაპირ მობაილბანკიდან და ჩაერთეთ კამპანიაში.(R)

1787650627

საქმე მომხმარებლების მიერ კომპანიისგან შეძენილ ტურისტულ პაკეტს შეეხებოდა, რომლის ერთ-ერთ მთავარ კომპონენტს იტალიის ქალაქ ბოლონიაში კანიე უესტის კონცერტზე დასწრება წარმოადგენდა. კონცერტის გაუქმების შემდეგ, ვინაიდან ტურისტულმა პაკეტმა თავდაპირველი მიზნობრივი დანიშნულება დაკარგა, მომხმარებლებმა ხელშეკრულებიდან გასვლა და გადახდილი თანხის სრულად დაბრუნება მოითხოვეს, თუმცა მოვაჭრემ მათ მოთხოვნაზე უარი განაცხადა.სააგენტოს შეფასებით, მომხმარებლების მიერ შეძენილი იყო ტურისტული პაკეტი, რომლის შეთავაზების პირობებიდანაც იკვეთებოდა, რომ კონცერტზე დასწრება ტურისტული მომსახურების არსებით მიზანს წარმოადგენდა. შესაბამისად, ღონისძიების გაუქმებამ გამოიწვია მომხმარებელთა ინტერესის დაკარგვა ტურისტული პაკეტის მიმართ და მათ წარმოეშვათ ხელშეკრულებიდან გასვლისა და გადახდილი თანხის სრულად დაბრუნების მოთხოვნის უფლება.GCCA-ის გადაწყვეტილებით, შპს „თრეველფაის" დაევალა, ერთი თვის ვადაში აღადგინოს მომხმარებელთა დარღვეული უფლებები და სავაჭრო პოლიტიკა კანონის მოთხოვნებს შეუსაბამოს.კანონის თანახმად, სააგენტოს გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს შეიძლება, დაეკისროს ჯარიმა წინა ფინანსური წლის წლიური ბრუნვის არაუმეტეს 2%-ის ოდენობით. ამასთან, დარღვევის 12 თვის განმავლობაში განმეორებით ჩადენის შემთხვევაში, ჯარიმა ორმაგდება.

1787650256

გამოფენა The Europe-Uzbekistan Association for Economic Cooperation (EuroUZ)-ისა და უზბეკეთის სავაჭრო სამრეწველო პალატის პარტნიორობით ხორციელდება, რაც ქართულ კომპანიებს კიდევ უფრო ფართო საერთაშორისო ბიზნესსაზოგადოებასთან დაკავშირების შესაძლებლობას მისცემს.მისი მიზანია საქართველოსა და უზბეკეთს შორის ბიზნესკავშირების გაღრმავება, კომპანიებისთვის ახალი ბაზრის გაცნობა და საერთაშორისო პარტნიორობების შექმნის ხელშეწყობა. გამოფენა JW Marriott Tashkent-ში გაიმართება, ის 2,000-მდე კორპორაციული სექტორის წარმომადგენელს მოიზიდავს და მასში სხვადასხვა ინდუსტრიის 50-მდე ქართული კომპანია მიიღებს მონაწილეობას.„საქართველო - უზბეკეთი აბრეშუმის გზა“ ქართულ კომპანიებს შესაძლებლობას აძლევს, უზბეკეთის ბიზნესგარემოსა და ბაზრის პოტენციალს გაეცნონ, მონაწილეობა მიიღონ B2B შეხვედრებში და შეხვდნენ ადგილობრივ და საერთაშორისო კომპანიების წარმომადგენლებსა თუ ინვესტორებს. ამასთან ერთად, მათ აქვთ შესაძლებლობა, რომ დაამყარონ ახალი საქმიანი კავშირები და საკუთარი პროდუქტი თუ მომსახურება საერთაშორისო აუდიტორიას გააცნონ.“ბოლო წლებში, უზბეკეთის მიმართ ინვესტორების ინტერესი მნიშვნელოვნად არის გაზრდილი, ამას მონაწილეთა მრავალფეროვნებაც მოწმობს. წლევანდელ გამოფენაში ისეთი მსხვილი კომპანიები იღებენ მონაწილეობას, როგორიც არის იმობილიარე, თეგეტა მოტორსი, სოფტგენი, ვეზირი, თბილისი ბულვარი, მანდეი, ასკანელი და სხვა.  იმისათვის, რომ წლევანდელი ბიზნეს გამოფენის მასშტაბები გაგვეზარდა, გადავწყვიტეთ, დავპარტნიორებულიყავით ადგილობრივ მსხვილ ინსტიტუციებთან, როგორიც არის EuroUz და უზბეკეთის სავაჭრო პალატა. გამოფენა მონაწილე კომპანიებს სთავაზობს განახლებულ კონცეფციას, კერძოდ, სტუმრობა შესაძლებელი იქნება მხოლოდ ბიზნეს სექტორის წარმომადგენლებისთვის, რაც უზრუნველყოფს მიზნობრივი აუდიტორიის არსებობას. ამასთან ერთად, უშუალოდ მონაწილე კომპანიების საჭიროებების გათვალისწინებით დაორგანიზდება როგორც ინდივიდუალური B2B, ასევე Round table სტილის შეხვედრები და ადგილობრივ კომპანიებში ვიზიტები. ვფიქრობთ, რომ მოცემული ფორმატი ხელს შეუწყობს ქართულ კომპანიებს უფრო სიღრმისეულად გაიცნონ უზბეკეთის ბაზარი და ჩამოაყალიბონ ბიზნესკავშირები”, - განაცხადა გაყიდვების ასოციაციის პრეზიდენტმა, დავით ჩიკვაიძემ.„საქართველოს ბანკისთვის ქართული ბიზნესის საერთაშორისო განვითარებისა და ახალი ბაზრების ათვისების ხელშეწყობა ბიზნესის მხარდაჭერის ერთ-ერთი მნიშვნელოვანი მიმართულებაა. ბანკი ბიზნესებს ფინანსურ რესურსებთან ერთად ისეთი შესაძლებლობების შექმნაშიც ეხმარება, რომლებიც მათ ახალი პარტნიორების მოძიებაში, საერთაშორისო ბაზრებზე გასვლასა და საქმიანობის გაფართოებაში უწყობს ხელს. საერთაშორისო ბიზნესგამოფენის მხარდაჭერით კი SOLO Business-ის მომხმარებლებს ვაძლევთ შესაძლებლობას, გაიცნონ უზბეკეთის ბაზარი, დაამყარონ ახალი საქმიანი კავშირები და საკუთარი ბიზნესის გაფართოების პერსპექტივები განიხილონ. გვჯერა, რომ მსგავსი პლატფორმები ქართული ბიზნესის განვითარებას კიდევ უფრო შეუწყობს ხელს და საერთაშორისო შესაძლებლობების რეალურ ბიზნესპარტნიორობებად ქცევაში დაეხმარება“, - განაცხადა საქართველოს ბანკის მცირე და საშუალო ბიზნესის მიმართულების ხელმძღვანელმა, თორნიკე კუპრაშვილმა.თუ გსურთ, თქვენი კომპანია გახდეს საერთაშორისო ბიზნესგამოფენის მონაწილე და გაეცნოთ უზბეკეთის ბაზრის შესაძლებლობებს, დარეგისტრირდით გამოფენაზე (მონაწილეობა ფასიანია): https://forms.gle/8ZbuQPpGqhbWi1nP6 (R)

1787649588

ცესკოს ხელმძღვანელი პირები არჩევნებს ყაზახეთის რესპუბლიკის ცენტრალური საარჩევნო კომისიის მიწვევით, საერთაშორისო დამკვირვებლის სტატუსით, აკვირდებოდნენ.ვიზიტის ფარგლებში დელეგაციების წევრები საარჩევნო უბნების გახსნას, პროცესის მიმდინარეობას და უბნების დახურვას დედაქალაქის მასშტაბით დააკვირდნენ. ასევე შეხვდნენ ყაზახეთის ცენტრალური საარჩევნო კომისიის თავმჯდომარეს და წევრებს, სადაც ყველა იმ საქმიანობის შესახებ მიიღეს ინფორმაცია, რომელიც საარჩევნო ადმინისტრაციამ საპარლამენტო არჩევნების ჩასატარებლად განახორციელა. როგორც ცესკოს თავმჯდომარე გიორგი კალანდარიშვილმა აღნიშნა არჩევნებს ადმინისტრირება 70 000-ზე მეტმა ადმინისტრატორმა, 12 000-ზე მეტ უბანზე გაუწია, შესაბამისად არჩევნებისთვის მზადების პროცესში ძალიან დიდი სამუშაო განხორციელდა. მისი თქმით, პროცესი ორგანიზებულობით, ადმინისტრირების კარგი ხარისხითა და ამომრჩეველთა ინფორმირებულობით გამოირჩეოდა.„საარჩევნო უბნებზე დაკვირვებამ მოგვცა შესაძლებლობა, უშუალოდ გავცნობოდით კენჭისყრის ორგანიზებისა და ადმინისტრირების პროცესს. ჩვენი დაკვირვების ფარგლებში პროცესი გამოირჩეოდა ორგანიზებულობით, კომისიის წევრების მზადყოფნით და ამომრჩეველთა ინფორმირებულობის სათანადო დონით. ამასთან, როგორც საერთაშორისო დამკვირვებლები, ხაზს ვუსვამთ, რომ ჩვენი დაკვირვება ქვეყნის მასშტაბით ჩატარებული არჩევნების სრულფასოვანი შეფასების საფუძველს არ წარმოადგენს. ასეთი ვიზიტების მთავარი ღირებულება არის გამოცდილების გაზიარება და პროფესიული დიალოგის გაძლიერება საარჩევნო ადმინისტრაციებს შორის“, - განაცხადა გიორგი კალანდარიშვილმა.ვიზიტის ფარგლებში ცესკოს თავმჯდომარე და მდივანი ხელოვნური ინტელექტის ინოვაციების ცენტრში იმყოფებოდნენ, სადაც ყაზახეთის რესპუბლიკის ხელოვნური ინტელექტისა და ციფრული განვითარების მინისტრის პირველ მოადგილეს, როსტისლავ კონიაშკინს შეხვდნენ. ცესკოს წარმომადგენლებმა მინისტრის მოადგილესთან ისაუბრეს ისეთ მნიშვნელოვან საკითხზე როგორიცაა სამთავრობო სერვისებსა და არჩევნებში სხვადასხვა ელექტრონული საშუალებების გამოყენება. ყაზახურმა მხარემ ცესკოს ხელმძღვანელ პირებს ამ კუთხით საკუთარი გამოცდილება გაუზიარა. გარდა ამისა, საქართველოს ცესკოს თავმჯდომარემ და მდივანმა ორმხრივი შეხვედრები გამართეს სხვადასხვა ქვეყნების საარჩევნო ადმინისტრაციებთან, რომლის ფარგლებშიც განიხილეს სამომავლო თანამშრომლობის პერსპექტივები. მათ ასევე შეხვედრა გამართეს ყაზახეთში საქართველოს საელჩოს წარმომადგენლებთან, კონსულ თემურ ტარტარაშვილთან და საგანგებო და სრულუფლებიან დესპანთან ყაზახეთის რესპუბლიკაში ირაკლი მესხელთან. საპარლამენტო არჩევნები ყაზახეთში 23 აგვისტოს გაიმართა. საქართველოს საარჩევნო ადმინისტრაციის გარდა პროცესს მონიტორინგი 22 ქვეყნის საარჩევნო ადმინისტრაციის 60-მდე დელეგატმა გაუწია.ახალი კონსტიტუციის ფარგლებში, ყაზახეთში, პირველ საყოველთაო არჩევნებში ერთპალატიანი პარლამენტის 145 დეპუტატი პროპორციული სისტემის საფუძველზე აირჩიეს.

1787646177

საქართველოს ბანკისთვის სოციალური მედია მომხმარებელთან კომუნიკაციის ერთ-ერთი მთავარი არხია. ბანკის მიერ დანერგილი სისტემების საშუალებით შესაძლებელია სოციალური მედიის გავლენის გაზომვა მომხმარებლის პირველი ინტერაქციიდან კონკრეტული საბანკო პროდუქტის გამოყენებამდე.ამასთან, სოციალური მედიისა და ციფრული ჩართულობის გუნდში დანერგილია ხელოვნურ ინტელექტზე დაფუძნებული კონტენტის შექმნის სისტემა, რომელიც ბანკს შესაძლებლობას აძლევს, სწრაფად მოერგოს სოციალური მედიის პლატფორმებისა და მომხმარებლის ქცევის ცვლილებებს და შექმნას სხვადასხვა აუდიტორიაზე მორგებული კონტენტი.„ეს აღიარება განსაკუთრებით მნიშვნელოვანია, რადგან ასახავს მიდგომას, რომელსაც წლებია, ვავითარებთ. სოციალური მედია ჩვენთვის მხოლოდ საკომუნიკაციო არხი არ არის. ეს არის სივრცე, სადაც კონტენტი, მონაცემები და მომხმარებლის გამოცდილება ერთიანდება და საბოლოოდ გაზომვად ბიზნესშედეგს ქმნის. მუდმივად ვცდილობთ, ვიყოთ იქ, სადაც ჩვენი მომხმარებლები არიან, გავიგოთ მათი საჭიროებები და შევქმნათ მათზე მორგებული კონტენტი.ჩემთვის ჯილდოს ყველაზე მნიშვნელოვანი ნაწილი ის გუნდია, რომელიც ამ შედეგის უკან დგას. გუნდი, რომელიც დაუღალავი შრომით, წლებია, ქმნის სოციალური მედიის სტანდარტს ქვეყანაში და თავადვე ცდილობს მის კიდევ უფრო მაღლა აწევას. მიუხედავად დაგროვილი გამოცდილებისა და კომპეტენციისა, მუდმივად ვეძებთ სიახლეს, ვსწავლობთ და ვვითარდებით, რათა ყოველი შემდეგი შედეგი წინაზე უკეთესი იყოს. Global Finance-ის ეს ჯილდო სოციალური მედიისა და ციფრული ჩართულობის გუნდების ერთობლივი შრომის საერთაშორისო აღიარება და მოტივაციაა, რომ მიღწეულზე არ გავჩერდეთ“, - განაცხადა ნინუცა ოქროპირიძემ, საქართველოს ბანკის კონტენტის მიმართულების ხელმძღვანელმა. Global Finance მსოფლიოს საუკეთესო ციფრულ ბანკებს უკვე 27-ე წელია ავლენს. გამარჯვებულები ფასდებიან ისეთი კრიტერიუმებით, როგორებიცაა ციფრული მომხმარებლების მოზიდვისა და მომსახურების სტრატეგიის სიძლიერე, ციფრული სერვისების გამოყენების მაჩვენებელი, ციფრული მომხმარებლების ზრდა, პროდუქტების მრავალფეროვნება, ციფრული ინიციატივებით მიღებული ხელშესახები სარგებელი და ვებ და მობილური პლატფორმების დიზაინი და ფუნქციონალი.გამარჯვებულებს ტექნოლოგიური და საკონსულტაციო გლობალური კომპანიის, Infosys-ის ექსპერტებისგან შემდგარი ჟიური აფასებს, საბოლოო გადაწყვეტილებას კი Global Finance-ის რედაქტორები იღებენ. 1987 წელს დაარსებული Global Finance 196 ქვეყანაში 50 000-ზე მეტ მკითხველს აერთიანებს და რეგულარულად ავლენს საუკეთესო ბანკებსა და ფინანსური სერვისების პროვაიდერებს მსოფლიოს მასშტაბით.(R)

1787642906

სპეცოპერაცია სამშაბათს დილიდანვე დაიწყო. ანტიკორუფციული კომიტეტისა და სამართალდამცავი უწყებების წარმომადგენლებმა ჩხრეკა ერთდროულად რამდენიმე ათეულ მისამართზე ჩაატარეს. ოჯახის წევრები: ჩხრეკა ჩატარდა ოპოზიციური ფრაქცია „სომხეთის“ (Hayastan) ლიდერ რობერტ ქოჩარიანის, მისი უფროსი ვაჟის - სედრაკის, ასევე უმაღლესი საბჭოს (პარლამენტის) დეპუტატის, ლევონ ქოჩარიანის საცხოვრებელ სახლებში. დაკავების ადგილი: თავდაპირველად გავრცელდა ინფორმაცია, რომ ექსპრეზიდენტი ეროვნული უსაფრთხოების სამსახურში (NSS) გადაიყვანეს, თუმცა მოგვიანებით ქოჩარიანის აპარატის ხელმძღვანელმა დაადასტურა, რომ იგი უშუალოდ ანტიკორუფციულ კომიტეტში იმყოფება. ბიზნეს-ობიექტები: საგამოძიებო და საპროცესო მოქმედებები ჩატარდა ქოჩარიანების ოჯახთან დაკავშირებულ მსხვილ ბიზნეს-აქტივებშიც. სამართალდამცავები შევიდნენ კომპანია Toyota-ს ერევნის ოფისში, ელიტურ ფიტნეს-კლუბ Orange Fitness-ში, გასართობ ცენტრ Play City-ში, ასევე ამ ორგანიზაციების ხელმძღვანელთა კერძო სახლებში. საგამოძიებო მოქმედებებს წინ უძღოდა მწვავე სიტყვიერი დაპირისპირება სომხეთის პარლამენტში პრემიერ-მინისტრ ნიკოლ ფაშინიანსა და ექსპრეზიდენტის ვაჟს, ლევონ ქოჩარიანს შორის.ფაშინიანმა ღიად დააყენა ეჭვქვეშ ქოჩარიანების ოჯახის მულტიმილიონიანი ქონების წარმომავლობა და განაცხადა, რომ სახელმწიფოსთვის უკანონოდ მიტაცებული აქტივების დაბრუნების პროცესი შეუქცევადია:„საიდან იშოვეთ ეს ქონება? ფიქრობთ, რომ თქვენი მილიონები თქვენმა შვილებმა და შვილიშვილებმა უნდა იპოვონ? პირდაპირ გეუბნებით - ეს ასე არ მოხდება. ეს არ არის პირადი შურისძიება, ეს პოლიტიკური და სამართლებრივი პასუხისმგებლობაა. ყველაფერი, ეტაპობრივად, სომხეთის რესპუბლიკას დაუბრუნდება“, - განაცხადა ფაშინიანმა.საპასუხოდ, ლევონ ქოჩარიანმა ხელისუფლება „მართლმსაჯულების პოლიტიკური იარაღად გამოყენებასა“ და შერჩევით მიდგომაში დაადანაშაულა და აღნიშნა, რომ ქონების ჩამორთმევის საკითხი მხოლოდ დამოუკიდებელი სასამართლოს პრეროგატივაა.რობერტ ქოჩარიანი სომხეთში პრორუსული პოლიტიკური ფლანგის მთავარი ლიდერია. იგი აქტიურად აკრიტიკებს ფაშინიანის მთავრობის საგარეო კურსს და მოსკოვთან მჭიდრო სტრატეგიული ალიანსის აღდგენას ითხოვს. ოპოზიციური ფრაქცია „სომხეთი“ მომხდარს პოლიტიკურ დევნად და ოპოზიციურ სპექტრზე ზეწოლად აფასებს, ხოლო ანტიკორუფციული კომიტეტი აცხადებს, რომ საქმის დამატებით დეტალებს საზოგადოებას უახლოეს ხანში მიაწვდის.

1787641380

გამოცემის ცნობით, აღნიშნული თანხა აუცილებელია არა მხოლოდ შეიარაღებისა და საჰაერო თავდაცვის სისტემების შესასყიდად, არამედ სამხედროების ხელფასების გადასახდელად, დაღუპულთა ოჯახების კომპენსაციებისა და 2027 წლის დასაწყისისთვის ჯარის აუცილებელი მარაგებით უზრუნველსაყოფად.„ჩვენ არ გთხოვთ, იომოთ ჩვენ ნაცვლად. მიეცით უკრაინას ყველაფერი ამ ომის შესაჩერებლად, იმაზე სწრაფად, ვიდრე პუტინი მომდევნოს დაიწყებს“, - განაცხადა პრეზიდენტმა ვოლოდიმირ ზელენსკიმ ე.წ. „მსურველთა კოალიციის“ შეხვედრაზე, რომელსაც კიევში დიდი ბრიტანეთის პრემიერ-მინისტრი ენდი ბერნჰემი და ევროპელი ლიდერები ესწრებოდნენ.ფინანსური დეფიციტი მას შემდეგ წარმოიშვა, რაც უკრაინის თავდაცვის სამინისტრომ წლის მეორე ნახევრისთვის განკუთვნილი ხარჯები პირველ ნახევარში აითვისა, ხოლო ევროკავშირის 90 მილიარდი ევროს ოდენობის სესხის გაცემა უნგრეთის მიერ შექმნილი ბარიერების გამო შეყოვნდა.POLITICO-სთან საუბრისას თავდაცვის ყოფილმა მინისტრმა, მიხაილო ფედოროვმა განმარტა, რომ ათვისებული სახსრებით უკრაინამ ოპტიკურ-ბოჭკოვანი და საშუალო რადიუსის დარტყმის დრონები, ასევე გადამჭერები შეიძინა, რაც ახლა წლის მეორე ნახევარში კომპენსირებას საჭიროებს.ევროკომისიამ უკრაინისთვის ევროკავშირის 90-მილიარდიანი პაკეტიდან 6.1 მილიარდი ევროს ოდენობის ახალი თავდაცვითი შესყიდვები დაამტკიცა, თუმცა ეს თანხა არსებულ საჭიროებებს ვერ ფარავს.უკრაინის პრეზიდენტის განცხადებით, მომავალი წლის „ნორმალური დასაწყისისთვის“ დამატებით €6.8-დან €8.5 მილიარდამდეა საჭირო, ხოლო სამხედროების ხელფასებსა და სხვა მიმდინარე ხარჯებს კიდევ €17 მილიარდი სჭირდება.საერთაშორისო დაფინანსების მიღებას აფერხებს შიდა პოლიტიკური პროცესებიც. უკრაინის უმაღლეს რადაში ამჟამად 24 საკანონმდებლო რეფორმაა შეჩერებული, რომლებზეც დასავლური დახმარების გაცემაა მიბმული. შექმნილი ვითარების ფონზე, ვოლოდიმირ ზელენსკი ევროპული ფონდებიდან კუთვნილი თანხების მეორე ნაწილის ვადაზე ადრე გამოყოფას ითხოვს.

1787640712

შედეგად, ივლისის მდგომარეობით, საქართველოს მთლიანი საერთაშორისო რეზერვების მოცულობამ $7.5 მლრდ-ს გადააჭარბა.ცენტრალურ ბანკში განმარტავენ, რომ საერთაშორისო რეზერვები ქვეყნის მაკროეკონომიკური სტაბილურობის მნიშვნელოვანი გარანტორია, რის გამოც სებ-ი მუდმივად კონცენტრირებულია რეზერვების შევსებაზე, როდესაც ამის შესაძლებლობას სავალუტო ბაზრის კონიუნქტურა იძლევა.ჯამურად, 2026 წლის იანვარ-ივლისში ეროვნული ბანკის წმინდა შესყიდვებმა $2,56 მლრდ შეადგინა.2026 წლის 7 თვის მიხედვით, სებ-ის სავალუტო ინტერვენციების დინამიკა თვეების ჭრილში ასე გამოიყურება: იანვარი: $86.6 მლნ-ის წმინდა შესყიდვა თებერვალი: 429.3 მლნ-ის წმინდა შესყიდვა მარტი: $16.2 მლნ-ის წმინდა გაყიდვა აპრილი: $333.3 მლნ-ის წმინდა შესყიდვა მაისი: $632.9 მლნ-ის წმინდა შესყიდვა ივნისი: $612.6 მლნ-ის წმინდა შესყიდვა ივლისი: $488.2 მლნ-ის წმინდა შესყიდვა სავალუტო ბაზარზე განხორციელებული ოპერაციების შესახებ განახლებულ მონაცემებს საქართველოს ეროვნული ბანკი 2026 წლის 25 სექტემბერს გამოაქვეყნებს.

1787639588