შიდა ვიზიტორების დანახარჯების კლების მიუხედავად, სექტორის შემოსავლები ₾268.5 მლნ-მდე გაიზარდა

ფასის მკვეთრი კლება მას შემდეგ მოხდა, რაც წინა სამი მცდელობა უშედეგოდ დასრულდა: კომპანია ვერ გაიყიდა ვერც 7.5 მლნ, ვერც 3.7 მლნ და ვერც 950 000 ლარად.„გლობალ ბრენდი“ ფონდმა 2017 წელს დააფუძნა აშშ-ში ქართული ღვინის ექსპორტის მიზნით, რისთვისაც შეიქმნა ბრენდი Lost Eden. პროექტი ბიზნესმენ ლევან გაჩეჩილაძის იდეას წარმოადგენდა. სხვა საინვესტიციო პროექტებისგან განსხვავებით, სადაც სახელმწიფო მინორიტარია, აქ ფონდმა 100%-იანი წილი დაიკავა, რითაც ბიზნეს რისკი სრულად საკუთარ თავზე აიღო.2020 წელს ფონდის მაშინდელი ხელმძღვანელი, დავით საგანელიძე განმარტავდა, რომ პროექტს 11%-იანი უკუგების (IRR) ვალდებულება ჰქონდა, რისი შეუსრულებლობის შემთხვევაშიც კომპანია აუქციონზე გაიყიდებოდა. ამავე პერიოდში ლევან გაჩეჩილაძე აცხადებდა, რომ სახელმწიფოს მიერ რისკის აღების მიუხედავად, პროექტის წარმატება ქვეყანას დიდ სარგებელს მოუტანდა.ფონდის 2020 წლის ფინანსური ანგარიშგების მიხედვით, „გლობალ ბრენდი“ არ იყო შემოსავლიანი და მასში ჩადებული ინვესტიცია გაუფასურებული იყო. ამჟამად კომპანიის ზუსტი ფინანსური მონაცემები საჯაროდ ხელმისაწვდომი არ არის – ფონდი მათ დაინტერესებულ პირებს მხოლოდ კონფიდენციალურობის შეთანხმების გაფორმების შემდეგ აცნობს.აუქციონი „AS IS“ (როგორც არის) პრინციპით ტარდება, რაც გულისხმობს, რომ მყიდველს არ უნდა ჰქონდეს პრეტენზია ქონების ან აქტივების ნაკლთან დაკავშირებით. რეესტრის მონაცემებით, კომპანიას უძრავი ქონება არ გააჩნია, ხოლო მოძრავი ქონებისა და მარაგების მოცულობა უცნობია.სააუქციონო პროცესი 4 მარტს დასრულდება.

1771930626

განცხადებაში ტელეკომპანია 2007 წლის მოვლენებს იხსენებს და ბრიტანეთის ხელისუფლებას ორმაგ სტანდარტში ადანაშაულებს. „იმედის“ მტკიცებით, მაშინ, როდესაც ქვეყანაში დემოკრატია ფეხქვეშ ითელებოდა და ტელევიზიაში სპეცრაზმი შეიჭრა, ლონდონს „ზოგადი შეშფოთებაც კი არ გამოუხატავს“ და კვლავ აგრძელებდა იმდროინდელი ხელისუფლების მხარდაჭერას.„ამ ფონზე, ბრიტანულ სანქციებს არავითარი ფასი არა აქვს. ტელეკომპანია „იმედი“ კიდევ უფრო ენერგიულად განაგრძობს საქართველოსა და სიტყვის თავისუფლების სამსახურში ყოფნას“, - ნათქვამია განცხადებაში."იმედი" აღნიშნავს, რომ ისინი მომავალშიც მაღალი პასუხისმგებლობით იმოქმედებენ საზოგადოების წინაშე.24 თებერვალს დიდმა ბრიტანეთმა „იმედსა“ და „POSTV“-ს სანქციები „რუსული დეზინფორმაციის გავრცელების“ ბრალდებით დაუწესა.სანქციების პაკეტი აქტივების გაყინვას, ფინანსური მომსახურების აკრძალვასა და დირექტორების დისკვალიფიკაციას ითვალისწინებს.ბრიტანული მხარის განცხადებით, აღნიშნული მედიასაშუალებები განზრახ ავრცელებდნენ მცდარ ინფორმაციას უკრაინაში მიმდინარე ომის შესახებ.

1771929360

მისი თქმით, „ირანის თავდაცვისა და შეიარაღებული ძალების მხარდაჭერის სამინისტროში 24 თებერვალს სომხეთის თავდაცვის მინისტრის სურენ პაპიკიანის დახვედრის საზეიმო ცერემონია გაიმართა, სამხედრო ორკესტრისა და საპატიო ყარაულის თანხლებით“.ვიზიტი რეგიონში აშშ–ის შეიარაღებული ძალების უპრეცედენტო კონცენტრაციის ფონზე მიმდინარეობს. ამერიკის ოფიციალური პირები არ გამორიცხავენ ირანზე სამხედრო იერიშის მიტანას.

1771928211

კურტომ აღნიშნა, რომ ევროპა ამჟამად უკრაინის მთავარი ფინანსური და სამხედრო მხარდამჭერია და ეს დახმარება კიდევ უფრო უნდა გაფართოვდეს. მისივე თქმით, პარტნიორებთან ერთად იქმნება „მსურველთა კოალიცია“ და ინოვაციური უსაფრთხოების მოდელი, რომლის მიზანიც საქართველოს ევროპულ უსაფრთხოების სისტემასთან მიერთებაა. „ევროპისთვის საქართველოსთან მიმართებით გეგმა „ბ“ არ არსებობს“, - განაცხადა ელჩმა.სანქციების გვერდის ავლის საკითხზე საუბრისას, ოლივიე კურტომ გამოიყენა მეტაფორა და აღნიშნა, რომ არსებული „ბზარები და ხვრელები“ საქართველოს ხელისუფლებასთან ერთად სისტემატურად უნდა შეივსოს. ელჩის თქმით, რუსეთის ომის მანქანის დასუსტება მხოლოდ კოლექტიური და გრძელვადიანი ძალისხმევითაა შესაძლებელი, რაშიც საქართველოც მონაწილეობს.„საქართველო ნამდვილად თანამშრომლობს ყველა დასავლურ ქვეყანასთან სანქციების გვერდის ავლის თავიდან აცილების მცდელობაში. ჩვენ გავაგრძელებთ მუშაობას, რათა აღმოვფხვრათ ხვრელები, თუ ისინი არსებობს“, - აღნიშნა ოლივიე კურტომ და დასძინა, რომ ამ პროცესში სიმშვიდისა და ცივი გონების შენარჩუნებაა საჭირო.ელჩმა ასევე იმედი გამოთქვა, რომ საქართველო კიდევ უფრო პროაქტიური იქნება ამ კოლექტიურ ძალისხმევაში, რადგან საქმე საერთო ევროპულ უსაფრთხოებას ეხება.

1771927542

ზურაბიშვილის თქმით, მშვიდობა მანამდე ვერ იარსებებს, სანამ რუსეთი საკუთარ საზღვრებს არ ცნობს.„ძვირფასო ვოლოდიმირ, ძვირფასო უკრაინელო მეგობრებო, ამ დღეს, 24 თებერვალს, მინდა თქვენთან ერთად გავიზიარო ეს ძალიან მძიმე მომენტი, რომელიც დაუსრულებელი ომიდან ოთხი წლის შესრულებას აღნიშნავს. ამ დროის განმავლობაში თქვენ აჩვენეთ, რამდენად მამაცია უკრაინელი ხალხი, რამდენად გამძლე ხართ და როგორ შეგიძლიათ გაუძლოთ ყველაფერს, რაც რუსულმა იმპერიალიზმმა დამართა თქვენს ქვეყანას. ჩვენ ამ ტრაგედიას თქვენთან ერთად ვიზიარებთ, თუმცა ასევე ვიცით, რომ ეს ომი თქვენ არ წაგიგიათ, სინამდვილეში რუსეთმა წააგო იგი და ვერ შეძლო თავისი საომარი მიზნების მიღწევა. 4 წლის შემდეგ, ამ თითქოსდა დიდმა იმპერიამ, ვერ მოახერხა თქვენი მუხლებზე დაჩოქება და ეს ძალიან დიდი წარმატებაა. გისურვებთ, რომ მშვიდობა ძალიან მალე დადგეს, მაგრამ ნამდვილი მშვიდობა, რომელიც პატივს სცემს უკრაინელი ხალხის ნებას, პატივს სცემს უკრაინის სუვერენიტეტს და მის ტერიტორიულ მთლიანობას.ჩვენთვის, ქართველებისთვისაც, ეს თარიღი ძალიან მნიშვნელოვანია. 1921 წლის 25 თებერვალს, რუსეთი თავს დაესხა საქართველოს, როგორც 2022 წლის 24 თებერვალს უკრაინას დაესხა თავს. ასე რომ, თებერვალი არის თვე, როდესაც რუსული იმპერიალიზმი თითქოს ცოცხლობს, მაგრამ ამას დასასრული ექნება. ვფიქრობ, რომ უკრაინაში, რუსული ოკუპაციის დასრულებასთან ერთად ჩვენ ყველანი უნდა გავხდეთ მოწმენი, რუსული ოკუპაციის დასრულებისა სხვაგანაც, „სამხრეთ ოსეთში“, აფხაზეთის რეგიონში, დნესტრისპირეთში და ყველგან, სადაც რუსეთი საკუთარ საზღვრებს სცდება, რადგან მშვიდობა ვერ იარსებებს, სანამ რუსეთი არ აღიარებს საკუთარ საზღვრებს. დიდება უკრაინას!“, - განაცხადა სალომე ზურაბიშვილმა.24 თებერვალს რუსეთ-უკრაინის ომის დაწყებიდან ოთხი წელი გავიდა.

1771926634

თიბისი ტექსკოლის განახლებულ პროგრამას, გაზაფხულის და შემოდგომის სემესტრების პარალელურად, ორი ახალი მიმართულება ემატება: „თიბისი ტექსკოლის ელჩები“ და ხელოვნური ინტელექტის სპეციალური კურსი.„თიბისი ტექსკოლის ელჩები“ ტექსკოლის კურსდამთავრებულებს შესაძლებლობას აძლევს, საქართველოს სხვადასხვა რეგიონში, თავად გახდნენ ცოდნის გამავრცელებლები და რთული ტექნოლოგიური საკითხები თანატოლებისთვის, პრეზენტაციის ტექნიკებისა და ხელოვნური ინტელექტის გამოყენებით, მარტივ და გასაგებ ფორმატში გადაიტანონ. „თიბისი ტექსკოლის ელჩები“, რომელსაც თიბისი ჯეოლაბთან და ბაქსვუდითან თანამშრომლობით ახორციელებს, თანატოლთა სწავლების საერთაშორისო მოდელებზეა დაფუძნებული და რეგიონებში ტექნოლოგიური ინიციატივების გაძლიერებას ისახავს მიზნად.2026 წლის კიდევ ერთი სიახლე ხელოვნური ინტელექტის კურსია, რომელიც უფროსკლასელებს აძლევს შესაძლებლობას, დაეუფლონ მომავლის ერთ-ერთ ყველაზე მოთხოვნად უნარს და AI, იდეის შექმნიდან, მის ტექნიკურ განხორციელებამდე გამოიყენონ. კურსი პრაქტიკულ სწავლებაზეა დაფუძნებული და ვებ მენეჯმენტის, გრაფიკული დიზაინისა თუ AI პროგრამირების მიმართულებით მიღებული ცოდნის საფუძველზე, მოსწავლე კურსს რეალური ციფრული პროდუქტის შექმნით დაასრულებს.თიბისი ტექსკოლის სამთვიან ონლაინ კურსებზე უფროსკლასელები პროფესიონალ ლექტორებთან ერთად შეისწავლიან - პროგრამირებას, ვებგვერდის და მობილური აპლიკაციების შექმნასა, გრაფიკულ და UI/UX დიზაინს, სოციალურ მედია მარკეტინგსა და ხელოვნურ ინტელექტს. ტექსკოლაში მონაწილეობა საქართველოს ნებისმიერი რეგიონიდანაა შესაძლებელი. თიბისი ტექსკოლას უკვე 2000-მდე კურსდამთავრებული ჰყავს. არ გამოგრჩეთ ტექსკოლის გაზაფხულის სემესტრის რეგისტრაცია, რომელიც 9 მარტს დაიწყება.მთავარია გჯეროდეს საკუთარი მიზნების, ინტერესების და შესაძლებლობების - სწორედ ეს რწმენა ხდება პირველი ნაბიჯი წარმატებისკენ. თიბისის უფასო საგანმანათლებლო პროგრამებზე მიღებული ცოდნით, იქნება ეს თიბისი ტექსკოლა, კამპუსი, IT აკადემია, ტექ ოლიმპიადების ჰაბი, AI სტუდენტური კლუბი თუ განათლების სხვა შესაძლებლობები, შექმნი პირველ ციფრული პროექტებს, აღმოაჩენ საკუთარ ძლიერ მხარეებს და ტექნოლოგიურ სამყაროში საკუთარ ისტორია თავად დაწერ.(R)

1771925777

უკრაინაში რუსეთის სრულმასშტაბიანი შეჭრის 4 წლისთავისადმი მიძღვნილ პანელურ დისკუსიაზე ფიშერმა აღნიშნა, რომ სანქციების ვრცელი პაკეტი, რომელიც რუსული ნავთობისა და მისი მიმღები პორტების წინააღმდეგ იყო მიმართული, უნგრეთისა და სლოვაკეთის ვეტოს გამო ჩავარდა.ელჩმა კრიტიკულად შეაფასა საქართველოს ხელისუფლების მოკავშირეობა უნგრეთთან და აღნიშნა, რომ სწორედ ამ ქვეყანამ დაბლოკა ყულევის პორტთან დაკავშირებული სანქციები. „უნგრეთი არის თქვენი "საუკეთესო მეგობარი" ევროკავშირში, რომელიც ხელისუფლებამ აირჩია მოკავშირედ - კიდევ ერთხელ დაფიქრდით, ეს [გაწევრიანება] ასე არ მოხდება", - განაცხადა პეტერ ფიშერმა.მისივე თქმით, ევროკავშირი სანქციების დაწესებისას მხოლოდ ვარაუდებით არ ხელმძღვანელობს და ყულევის შემთხვევაშიც წარმოდგენილი იყო კონკრეტული მტკიცებულებები, თუმცა პროცესი ორი ქვეყნის პოზიციამ შეაფერხა.

1771924874

„ის თავის აუდიტორიას, რომელიც უმეტესად საქართველოშია, აწვდის და აწვდიდა განზრახ მცდარ ინფორმაციას უკრაინაში რუსეთის სრულმასშტაბიანი შეჭრის შესახებ, რაც წარმოადგენს იმ პოლიტიკის ან ქმედების მხარდაჭერას ან ხელშეწყობას, რომელიც ახდენს უკრაინის დესტაბილიზაციას, ან ძირს უთხრის და საფრთხეს უქმნის უკრაინის ტერიტორიულ მთლიანობას, სუვერენიტეტსა და დამოუკიდებლობას.კერძოდ, იგი რეგულარულად ავრცელებს ინფორმაციას იმის შესახებ, რომ უკრაინის მთავრობა და პრეზიდენტი ზელენსკი არალეგიტიმურები არიან, უკრაინა დასავლეთის „მარიონეტია“, უკრაინა კორუმპირებული ქვეყანაა და რომ უკრაინა და დასავლეთი საქართველოს დესტაბილიზაციას ცდილობენ“, – აცხადებს დიდი ბრიტანეთი.სანქციების თანახმად, ორივე პროპაგანდისტულ ტელევიზიას შეეხება: აქტივების გაყინვა; სატრასტო (ნდობით აღჭურვილი) მომსახურების აკრძალვა; დირექტორის პოზიციის დაკავების აკრძალვა: აქტივების გაყინვა ნიშნავს, რომ იბლოკება პირის ყველა საბანკო ანგარიში, ქონება და ფინანსური რესურსი და მას მათზე წვდომა აღარ აქვს.სატრასტო მომსახურებასთან დაკავშირებული სანქციები კრძალავს სანქცირებული პირისთვის სატრასტო მომსახურების გაწევას, მაგალითად, ქონების მართვას სხვისი სახელით. ეს შეზღუდვა მიზნად ისახავს სანქციების გვერდის ავლის გზების ჩაკეტვას. შედეგად, სანქცირებული პირი ვერ გამოიყენებს იურიდიულ სტრუქტურებს (სატრასტო ფონდებს), რათა მესამე პირების მეშვეობით დამალოს თავისი რეალური აქტივები ან მართოს ქონება ისე, რომ მისი სახელი პირდაპირ არ ფიგურირებდეს.დირექტორის პოზიციის დაკავების აკრძალვა: ეს სანქცია უკრძალავს პირს, იყოს ნებისმიერი კომპანიის დირექტორი ან მონაწილეობდეს კომპანიის მართვაში დიდი ბრიტანეთის იურისდიქციის ფარგლებში. თუ პირი უკვე არის რომელიმე კომპანიის დირექტორი, ის იძულებულია დატოვოს პოსტი. ეს მნიშვნელოვნად აზიანებს პირის რეპუტაციას და ბიზნესგავლენას საერთაშორისო დონეზე.სანქციები ტელეკომპანიების შემთხვევაში იმუშავებს ასე: ბრიტანულ კომპანიებს (მაგალითად, სარეკლამო სააგენტოებს ან ტექნიკური აღჭურვილობის მომწოდებლებს) აეკრძალებათ არხებთან თანამშრომლობა. არხების ხელმძღვანელ პირებს, რომლებიც მოხვდებიან სიაში, შეეზღუდებათ საერთაშორისო ბიზნესსაქმიანობა. თუმცა, ამ ეტაპზე სანქციების სიაში კონკრეტული ადამიანიები დასახელებული არ არიან. ნებისმიერი ტრანზაქცია, რომელიც გაივლის ბრიტანულ საბანკო სისტემაში, შესაძლოა დაყადაღდეს. გიორგი ბურჯანაძე განმარტავს, რას გულისხმობს დიდი ბრიტანეთის მიერ ტელეკომპანია POSTV-სა და „იმედის“ მიმართ დაწესებული სანქციებიბურჯანაძე Facebook-ზე წერს, რომ ბრიტანეთთან დაკავშირებულმა ბანკებმა უნდა გაუყინონ ტელევიზიებს ანგარიშები და აღარ მოემსახურონ, ასევე, ბრიტანეთთან დაკავშირებით კომპანიის წილების გადაცემა და ქონების ამ გზით მართვა გამოირიცხება, ამასთან, აიკრძალება ბრიტანეთის მოქალაქის ჩართვა კომპანიის მართვაში.„დიდმა ბრიტანეთმა Imedi TV და PosTV დაასანქცირა რუსული სასანქციო რეჟიმით შემდეგი მიზეზების გამო: 1) განზრახ ავრცელებს და წარსულში ავრცელებდნენ ქართული აუდიტორიისთვის შეცდომაში შემყვან ინფორმაციას რუსეთის უკრაინაში სრულმასშტაბიან შეჭრაზე. აღნიშნული შეფასებულია, როგორც უკრაინის დესტაბილიზაციის გამომწვევი და მისი ტერიტორიული მთლიანობისა და სუვერენიტეტისთვის საფრთხის შემცველი; 2) რეგულარულად ავრცელებდნენ ინფორმაციას, რომ უკრაინული მთავრობა და პრეზიდენტი ზელენსკი არიან არალეგიტიმურები და რომ უკრაინა არის დასავლეთის „მარიონეტი“, რომ უკრაინა არის კორუფციული ქვეყანა და რომ უკრაინა და დასავლეთი მიზნად ისახავენ საქართველოს დესტაბილიზაციას.სამ კომპონენტს მოიცავს ეს სანქცია: 1) Asset Freeze - ბრიტანეთთან დაკავშირებულმა ბანკებმა უნდა გაუყინონ ანგარიშები და აღარ მოემსახურონ; 2) Trust Services Sanctions - გამორიცხავს ბრიტანეთთან დაკავშირებით კომპანიის წილების გადაცემას და ქონების ამ გზით მართვას. 3) Director disqualification - კრძალავს ბრიტანეთის მოქალაქის ჩართვას კომპანიის მართვაში. ეს სანქცია გამოქვეყნდა რუსეთის უკრაინაში შეჭრის 4 წლის თავზე" ,- წერს გიორგი ბურჯანაძე სოციალურ ქსელში.ტეკლეკომპანია „იმედი“ წინა მფლობელმა, ირაკლი რუხაძემ 6 თებერვალს 1000 ლარად გაყიდა.ხელშეკრულების მიხედვით, კომპანიის მყიდველია „პრაიმ მედია გლობალი“, რომლის დირექტორიც ილია მიქელაიშვილია. შეთანხმებით, მყიდველი იღებს ვალდებულებას, უახლოესი 3 თვის ვადაში  კომპანიის 50% გადავიდეს არხის გენერალური დირექტორის, მაკა ლომიძისა და მისი 4 მოადგილის მფლობელობაში. როგორც ლომიძე, ისე ვასილ კალანდარიშვილი, ირაკლი ჩიხლაძე, ნათია სონღულაშვილი და მაია ჩოგიშვილი მიიღებენ 10-10 პროცენტს.POSTV-ს რაც შეეხება, – მის 24-24%-იან წილებს შალვა რამიშვილი და თემურ ჭარელაშვილი ფლობენ, ხოლო „ქართული ოცნების“ დეპუტატი ვიქტორ ჯაფარიძე ფლობს 52%-ს. მის წილებს ამჟამად ზაზა მარიდაშვილი მართავს.

1771923600