აშშ-ის ვიცე-პრეზიდენტი უნგრეთს საპარლამენტო არჩევნებამდე ეწვევა

ქრთამის აღების ფაქტზე დაკავებულია სსიპ „გიორგი აბრამიშვილის სახელობის საქართველოს თავდაცვის სამინისტროს სამხედრო ჰოსპიტლის“ ქუთაისის სამედიცინო ცენტრის განყოფილების უფროსი.გამოძიებით დადგენილია, რომ ბრალდებულმა, წვევამდელთა ეროვნული სამხედრო სამსახურისთვის თავის არიდების მიზნით, 3 000 ლარის სანაცვლოდ, წვევამდელ პირზე ყალბი მონაცემების შემცველი სამედიცინო დასკვნის გაცემა უზრუნველყო, რის საფუძველზეც ეს უკანასკნელი სამხედრო ვალდებულებისგან გათავისუფლებას შეძლებდა.გამოძიების ფარგლებში, სასამართლოს განჩინებების საფუძველზე განხორციელებული ფარული საგამოძიებო მოქმედებების შედეგად, მოპოვებულია აღნიშნული დანაშაულებრივი ქმედების ამსახველი აუდიო და ვიდეომტკიცებულებები.გამოძიება მიმდინარეობს საქართველოს სისხლის სამართლის კოდექსის 338-ე მუხლის პირველი ნაწილით, რაც სასჯელის სახით ითვალისწინებს თავისუფლების აღკვეთას 6-დან 9 წლამდე ვადით.ფინანსთა სამინისტროს საგამოძიებო სამსახური მოუწოდებს საჯარო მოხელეებსა და მათთან დანაშაულებრივ გარიგებაში შესვლის მსურველ პირებს, თავი შეიკავონ მსგავსი უკანონო ქმედებებისგან. სამსახურის რეაგირება ნებისმიერ შემთხვევაში იქნება მკაცრი.

1775202108

საქსტატის მონაცემებით, ყოველთვიური ინფლაციის მაჩვენებლის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე: ტრანსპორტი: ჯგუფში ფასები გაიზარდა 2.9%-ით, რაც თვის ინფლაციაზე 0.33 პ.პ.-ით აისახა. ფასები, ძირითადად, მომატებულია პირადი სატრანსპორტო საშუალებების ექსპლუატაციაზე (4%) და სატრანსპორტო მომსახურებაზე (1.9%);სურსათი და უალკოჰოლო სასმელები: ჯგუფში ფასები გაიზარდა 0.9%-ით, რაც თვის ინფლაციაზე 0.32 პ.პ.-ით აისახა. ფასები გაიზარდა ქვეჯგუფებზე: ხილი და ყურძენი (3.1%), ბოსტნეული და ბაღჩეული (2.2%), შაქარი, ჯემი და სხვა ტკბილეული (2.1%), ზეთი და ცხიმი (1.7%), პური და პურპროდუქტები (1%), ხორცი და ხორცის პროდუქტები (0.7%), მინერალური და წყაროს წყალი, უალკოჰოლო სასმელები და ნატურალური წვენები (0.4%), ყავა, ჩაი და კაკაო (0.3%), თევზეული (0.2%). ამასთან, ფასები შემცირდა რძის, ყველის და კვერცხის ქვეჯგუფზე (-1%);ალკოჰოლური სასმელები, თამბაქო: ფასები გაიზარდა 1.4%-ით. შესაბამისად, ჯგუფის წვლილმა თვის ინდექსში 0.09 პ.პ. შეადგინა. ფასები გაიზარდა როგორც ალკოჰოლურ სასმელებზე (2.6%), ისე თამბაქოს ნაწარმზე (0.6%).წლიური ინფლაციის ფორმირებაზე ძირითადი გავლენა იქონია ფასების ცვლილებამ შემდეგ ჯგუფებზე:სურსათი და უალკოჰოლო სასმელები: ჯგუფში ფასები გაიზარდა 7.5%-ით, რაც წლიურ ინფლაციაზე 2.57 პ.პ.-ით აისახა. ფასები მომატებულია ქვეჯგუფებზე: თევზეული (21.2%), ხილი და ყურძენი (13.4%), პური და პურპროდუქტები (9.6%), ხორცი და ხორცის პროდუქტები (9.6%), ზეთი და ცხიმი (7.7%), შაქარი, ჯემი და სხვა ტკბილეული (5.3%), ბოსტნეული და ბაღჩეული (4.9%), რძე, ყველი და კვერცხი (4.5%), ყავა, ჩაი და კაკაო (3.8%), მინერალური და წყაროს წყალი, უალკოჰოლო სასმელები და ნატურალური წვენები (2.1%);ტრანსპორტი: ჯგუფში ფასები გაიზარდა 4%-ით, რაც წლიურ ინფლაციაზე 0.49 პ.პ.-ით აისახა. ფასები გაიზარდა სატრანსპორტო მომსახურებაზე (7.3%) და პირადი სატრანსპორტო საშუალებების ექსპლუატაციაზე (5.7%); სხვადასხვა საქონელი და მომსახურება: ჯგუფში ფასები გაიზარდა 9.8%-ით, რაც 0.48 პ.პ.-ით აისახა მთლიან ინდექსზე. ფასები, ძირითადად, მომატებულია ქვეჯგუფებზე: პირადი ნივთები, სხვა კატეგორიებში ჩაურთველი (58.1%), დაზღვევა (8.5%), პირადი ჰიგიენა (4.3%);ალკოჰოლური სასმელები, თამბაქო: ჯგუფში ფასები გაიზარდა 6.2%-ით, რაც 0.39 პ.პ.-ით აისახა მთლიან ინდექსზე. მოცემულ პერიოდში ფასები გაზრდილია როგორც თამბაქოს ნაწარმზე  (8%), ისე ალკოჰოლურ სასმელებზე (4.6%).

1775200203

საქართველოში ტექნოლოგიური ოლიმპიადები ჯერ კიდევ 1990-იანი წლებიდან ტარდება. მიუხედავად იმ პერიოდის სირთულეებისა, ქართველი მოსწავლეები საერთაშორისო ასპარეზზე მნიშვნელოვან წარმატებებს აღწევდნენ. ამ დრომდე ქვეყანამ 11 ოქროს, 21 ვერცხლისა და 66 ბრინჯაოს მედალი მოიპოვა. ოლიმპიადებში მონაწილე ახალგაზრდები მსოფლიოს წამყვან უნივერსიტეტებსა და ტექნოლოგიურ კომპანიებში აგრძელებენ კარიერას.თიბისი, როგორც ტექნოლოგიური კომპანია და განათლების მხარდამჭერი ბრენდი საქართველოში, აქტიურად ქმნის შესაძლებლობებს ახალი თაობისთვის. სწორედ ამ ხედვის გაგრძელებაა ტექნოლოგიური ოლიმპიადების ჰაბის დაარსება, რომლის ფარგლებშიც, თიბისი ახალი თაობის საერთაშორისო წარმატების მთავარი მხარდამჭერია.ჰაბი დღეს აერთიანებს როგორც ეროვნულ, ისე საერთაშორისო ოლიმპიადებს. მათ შორის ინფორმატიკის მსოფლიო ოლიმპიადას (IOI), ხელოვნური ინტელექტის საერთაშორისო ოლიმპიადას (IOAI), ევროპის გოგოების (EGOI) და ახალგაზრდულ (EJOI) ოლიმპიადებს, ასევე საქართველოს მოსწავლეთა ოლიმპიადას ინფორმატიკაში.ტექ ოლიმპიადების ჰაბის შექმნა მრავალწლიანი გამოცდილების გაგრძელებაა, რომლის უკან დგას არაერთი პროფესიონალი და ენთუზიასტი, მათ შორისაა გიორგი მანდარია, რომელიც უკვე სამი ათწლეულია საქართველოს ტექნოლოგიური ტალანტების აღზრდას ემსახურება.“იმ წლებში, როდესაც საქართველოში შესაძლებლობები ფაქტობრივად არ არსებობდა, მაინც მჯეროდა, რომ საქართველო თავის სათქმელს იტყოდა საერთაშორისო ასპარეზზე.“ - გიორგი მანდარია, საქართველოს ტექ ოლიმპიადების ჰაბის ხელმძღვანელი.ჰაბის შექმნით, ოლიმპიადების ორგანიზების, ნაკრების მომზადებისა და საერთაშორისო ასპარეზზე გამგზავრების პროცესი უფრო სტრუქტურირებული და ხელმისაწვდომი გახდა. პროექტი ასევე მიზნად ისახავს ტექნოლოგიური განათლების პოპულარიზაციას და წარმატების ისტორიების ფართო საზოგადოებისთვის გაცნობას.„განათლებაა ის ძალა, რომელიც მომავალს ქმნის, სწორედ ამიტომ ვქმნით და მხარს ვუჭერთ ინიციატივებს, რომლებიც ახალ თაობას რეალურ შესაძლებლობებს აძლევს. ტექნოლოგიური ოლიმპიადების ჰაბი არის პლატფორმა, რომელიც აერთიანებს გამოცდილებას, ცოდნას და ახალ შესაძლებლობებს,  რათა საქართველოდან კიდევ უფრო მეტი წარმატებული ისტორია დაიწეროს გლობალურ ტექნოლოგიურ სივრცეში“ - მარიამ თევზაძე, თიბისის საგანმანათლებლო პროექტების ლიდი.მთავარია გჯეროდეს საკუთარი მიზნების, ინტერესების და შესაძლებლობების - სწორედ ეს რწმენა ხდება პირველი ნაბიჯი წარმატებისკენ. თიბისის უფასო საგანმანათლებლო პროგრამებზე მიღებული ცოდნით, იქნება ეს - თიბისი ტექსკოლა, კამპუსი, IT აკადემია, ტექ ოლიმპიადების ჰაბი, AI სტუდენტური კლუბი თუ განათლების სხვა შესაძლებლობები - შექმნი პირველ ციფრული პროექტებს, აღმოაჩენ საკუთარ ძლიერ მხარეებს და ტექნოლოგიურ სამყაროში საკუთარ ისტორია თავად დაწერ.(R)

1775198977

ვაჭრობის შედეგების თანახმად, Brent–ის მარკის ნავთობის ფასმა, ივნისში მიწოდების პირობით, ბარელზე $141,37 შეადგინა.აზერბაიჯანული ნავთობის ფასი თურქეთის ჯეიჰანის პორტში, FOB პირობებით, 11,07 დოლარით ანუ 8,92%-ით გაიზარდა და ბარელზე 135,15 დოლარი შეადგინა.აზერბაიჯანის სახელმწიფო ბიუჯეტში მიმდინარე წლისთვის ნავთობის ფასი 65 დოლარის დონეზეა გათვლილი.Azeri Light-ის მინიმალური ფასი 2020 წლის 21 აპრილს დაფიქსირდა ($15,81 ბარელზე), ხოლო მაქსიმალური – 2008 წლის ივლისში ($149,66 ბარელზე).

1775197743

ბრიტანეთის საგარეო საქმეთა მინისტრმა ივეტ კუპერმა განაცხადა, რომ ირანის მოქმედებები ამ მარშრუტს მთელ მსოფლიოზე ზეწოლის ინსტრუმენტად აქცევს. მისი თქმით, თეირანმა „საერთაშორისო საზღვაო გზა ხელში ჩაიგდო, რათა მსოფლიო ეკონომიკა მძევლად აქციოს“.კონფლიქტის დაწყებიდან სრუტეში 25-ზე მეტი ინციდენტი დაფიქსირდა. დაახლოებით 2000 გემი ბლოკირებული აღმოჩნდა, მათ ბორტზე კი ათობით ათასი მეზღვაურია. ამან უკვე გამოიწვია ენერგომატარებლების მიწოდების შეფერხება და ფასების რეკორდული ტემპით ზრდა.კუპერმა შედეგების მასშტაბზეც გაამახვილა ყურადღება: „ეს გავლენას ახდენს აზიაში გათხევადებული ბუნებრივი გაზის (LNG) მიწოდებაზე, აფრიკაში სასუქების ექსპორტზე და მსოფლიოში საავიაციო საწვავის მიწოდებაზე“. მანვე დასძინა, რომ კრიზისი ცხოვრების ღირებულებაზეც აისახება, მათ შორის საწვავის ფასებსა და იპოთეკურ განაკვეთებზე.ამასთან, ლონდონი დიპლომატიურ მიდგომაზე ამახვილებს ყურადღებას. მინისტრის თქმით, სამიტი „დიპლომატიურ ზომებზეა კონცენტრირებული და არა სამხედრო ვარიანტებზე“, თუმცა მოკავშირეები ნაოსნობის დაცვის მიზნით კოალიციის შექმნასაც განიხილავენ.აშშ უფრო გადამწყვეტ ნაბიჯებს ითხოვს. პრეზიდენტმა დონალდ ტრამპმა განაცხადა, რომ მოკავშირეებმა „სიმამაცე უნდა გამოიჩინონ“ და მარშრუტზე კონტროლი თავად უზრუნველყონ.„შედით სრუტეში და უბრალოდ დაიცავით ის“, — თქვა მან.კრიზისის ფონზე, ბოლო კვირებში Brent-ის ფასი ბარელზე 73 დოლარიდან 115 დოლარამდე გაიზარდა, რაც მსოფლიო ეკონომიკასა და სხვადასხვა ქვეყნის მთავრობებზე ზეწოლას ზრდის.მანამდე ბრიტანეთის პრემიერ-მინისტრმა კირ სტარმერმა განაცხადა, რომ მზადდება საერთაშორისო შეხვედრა ჰორმუზის სრუტეში ნაოსნობის აღდგენის საკითხზე.ჰორმუზის სრუტეს, რომლის გავლითაც მსოფლიო ნავთობის მოხმარების დაახლოებით 20% (დაახლოებით 20 მილიონი ბარელი დღეში) გადის, ნავთობის მიწოდების თვალსაზრისით სტრატეგიული მნიშვნელობა აქვს, თუმცა ამჟამად იქ მოძრაობა თითქმის შეჩერებულია.

1775196654

გაცვლითი კურსის ანალიზისას, ტრადიციულად, ლარი/ აშშ დოლართან დარდება. ამიტომაც, გასაკვირი არაა, რომ ბევრი, თავდაპირველად გაკვირვებით და მცირედი სკეპტიციზმითაც კი ხვდება იმ ფაქტს, რომ, სინამდვილეში, ლარი /ევროსთან უფრო სტაბილურია.თიბისი კაპიტალის მკითხველმა კარგად იცის, რომ დოლართან ლარის მერყეობა მხოლოდ მოკლევადიან პერიოდშია უფრო დაბალი. ერთი წლის და უფრო ხანგრძლივი პერიოდის ჭრილში კი პირიქითაა.იმავე დასკვნის საშუალებას იძლევა რეგიონის სხვა ვალუტების ანალიზიც.მიზეზები : საქართველოს ეკონომიკის ციკლები ევროკავშირის ეკონომიკის ციკლებთან გაცილებით მჭიდრო კავშირშია. ამდენად, ეკონომიკური ზრდაც, როგორც წესი, უფრო მაღალია, როდესაც ევრო შედარებით მყარია; აშშ დოლარი ქვეყნის მთავარი ტრანზაქციული ვალუტა კი არის, თუმცა ეს არ ნიშნავს ფუნდამენტურ მაკროეკონომიკურ ცვლადებთან უფრო მეტ სიახლოვეს. ევროკავშირი სავალუტო შემოდინებების მთავარ წყაროდ რჩება, ხოლო სხვა ძირითადი ეკონომიკური პარტნიორების დიდი ნაწილი (ნავთობის ექსპორტიორები, მეზობელი ქვეყნები) აგრეთვე ევროკავშირის ეკონომიკურ ციკლებთან მეტად თანხვედრაშია. ისტორიულად ამის მიზეზს, მათ შორის, აშშ დოლარსა და ნავთობის ფასებს შორის უარყოფითი კორელაცია წარმოადგენდა, თუმცა 2022 წლის შემდეგ ეს კავშირი დასუსტებულია; აშშ დოლარის უსაფრთხო აქტივის სტატუსი წარსულში გლობალური რეცესიის ან/და მომატებული რისკის დროს მის გამყარებას მოიაზრებდა, რაც დოლარში გამოსახული შემოსავლების  ვარდნის დამატებით გაუარესებას იწვევდა. ბოლო პერიოდში, როგორც ჩვენს არაერთ პუბლიკაციაში იყო აღნიშნული, ეს სტატუსი გარკვეულწილად შეცვლილია.  მთლიანობაში, ევროსთან ლარის შედარებითი სტაბილურობა თიბისი კაპიტალის დაფინანსების ოპტიმალური სავალუტო სტრატეგიის ერთ-ერთ ფუნდამენტურ კომპონენტს წარმოადგენს. სხვა თანაბარ პირობებში, ეს ნიშნავს, ევროში მეტი სესხის აღების ოპტიმალურობას. ახლო აღმოსავლეთის მოვლენების ფონზე დღის წესრიგში დგება აშშ დოლარის უსაფრთხო აქტივის სტატუსის პოტენციური გადააზრება.სავალუტო სტრატეგია საშუალო და გრძელვადიან ინდიკატორებზე კი დგება. თუმცა, შესაძლებელია, მოკლევადიანი ინდიკატორები გრძელვადიანი პროგნოზების ცვლილების საჭიროებაზეც მიუთითებდეს.ამდენად, გასაანალიზებელია მსოფლიო ბაზრების რეაქცია მიმდინარე მოვლენების მიმართ. არის თუ არა საჭირო რეკომენდაციების კორექტირება.უფრო კონკრეტულად, ბოლო თვეში აშშ დოლარი გლობალურად მყარდება. ეს მოკლევადიანია თუ ისევ უსაფრთხო აქტივის სტატუსის გაძლიერებას უკავშირდება, კვლავ ოქროს ფასის ანალიზი დაგვეხმარება.ნოემბრის პუბლიკაციაში ფასების მაშინდელი ზრდა დიდწილად სტრუქტურულ ფაქტორებს ასახავდა, რაც აშშ დოლარისთვის ნეგატიურია, ევროსთვის პოზიტიური.ჩნდება კითხვა, ხომ არ მიუთითებს ფასების კლება საპირისპირო ტენდენციაზე, რაც აშშ დოლარში ნაკლები სესხის რეკომენდაციის წინაპირობა იქნებოდა. საინვესტიციო ბანკის პასუხი უარყოფითია. და აი რატომ:   ფასები მცირდება არა მხოლოდ ოქროზე, არამედ ნებისმიერ უსაფრთხო აქტივზე. მ.შ. შვეიცარიულ ფრანკზე, რომელსაც კრიზისებისას გამყარება ახასიათებს ხოლმე. ასე იყო ახლო აღმოსავლეთში შარშანდელი ესკალაციისას   არ შეინიშნება აშშ-ის საფონდო ბირჟაზე განწყობების მნიშვნელოვანი გაუარესება. როგორც ჩანს, ინვესტორებისთვის უსაფრთხო აქტივების ძიება ამჟამად ნაკლებ პრიორიტეტულია   საპირისპიროდ, გაზრდილია საპროცენტო განაკვეთები, რაც ინფლაციურ რისკებთან და შესაბამისად, ცენტრალური ბანკების მკაცრ მონეტარულ პოლიტიკის შენარჩუნება/გამკაცრების მოლოდინს უკავშირდება   ეს კი ოქროზე უარყოფითად მოქმედებს  კონფლიქტის დეესკალაციის შესახებ ბაზრის რეაქცია ერთმნიშვნელოვან მიუთითებს, რომ მთავარ საფრთხე ინფლაციის ზრდაა.TBC კაპიტალს ბაზრის ქცევა აფიქრებინებს, რომ თუ ორიენტირი უსაფრთხო აქტივის ძიებაა, მაშინ ოქრო მყისიერად კი არ გაძვირდებოდა, ნიუსების საპასუხოდ. აშშ-ის პრეზიდენტის განცხადება იქნებოდა ეს კონფლიქტის დასრულების ალბათობის ზრდაზე თუ მოლაპარაკების დაწყების თაობაზე.ამასთან, აშშ დოლარის, აშშ-ის სახაზინო ობლიგაციების შემოსავლიანობის და ოქროს ფასის დინამიკა დიდწილად იმეორებს 2022 წლის ტენდენციებს. მაშინ უკრაინაზე რუსეთის თავდასხმას ოქროს გაძვირება მოჰყვა. თუმცა, მალევე, ინფლაციური მოლოდინების ზრდასთან ერთად, განაკვეთები გაიზარდა და აშშ დოლარი გამყარდა, ოქროს ფასი კი შემცირდა. 2022 -ის ბოლოს, როდესაც აშშ-ში ინფლაცია შენელდა, დოლარი კვლავ გაუფასურდა, ოქრო კი გაძვირდა.პუბლიკაციის სრულ ვერსიაში მოხმობილია ოქროს ფასზე შესაძლო მოქმედი რამდენიმე მოკლევადიანი ფაქტორი, მათ შორისაა სპეკულაციური აქტივობა, კომპიუტერული ალგორითმები და ინვესტორების მხრიდან (ცენტრალური ბანკების ჩათვლით) ფასების შარშანდელი ზრდის შედეგად მიღებული მოგების რეალიზაცია.ამდენად, თუ აშშ დოლარის გამყარება უსაფრთხო აქტივის სტატუსის გაძლიერებით არ არის განპირობებული, რას ვიტყოდით სხვა საშუალო და გრძელვადიან ფაქტორებზე? ფისკალური პოლიტიკა; ოქროზე ინსტიტუციური მოთხოვნის ზრდა; ცენტრალური ბანკების მიერ რეზერვების დივერსიფიკაცია; აშშ-ის ფედერალური სარეზერვო სისტემის დამოუკიდებლობის დასუსტება,  - ყველა ეს სტრუქტურული ფაქტორი, TBC კაპიტალის შეფასებით, აშშ დოლარისთვის უარყოფითი რჩება.დოლარის წამყვანი პოზიცია, ნავთობის ფასის სწორედ დოლარში დენომინირებას უკავშირდება. ცვალებადი გეოპოლიტიკურ გარემოში ამ ფაქტორის შესაძლო დასუსტებაც საყურადღებოა.რას ნიშნავს ეს ყოველივე? - TBC კაპიტალის პროგნოზი ომი რომ დასრულდება, ევრო გამყარდება (მით უფრო რომ მანამდეც აშშ დოლართან ზედმეტად გაუფასურებული რჩებოდა). ამდენად, აშშ დოლარის პერსპექტივა საშუალოვადიან პერიოდში კვლავ შედარებით სუსტია, რაც დოლარში დაკრედიტების ზრდის მხარდამჭერი ფაქტორია       რასაკვირველია სხვადასხვა გადაწყვეტილებისას, მოკლევადიანი მიზნებისთვის მეტი სიფრთხილეა მიზანშეწონილი. როგორია სასესხო კალათის ოპტიმალური სტრუქტურა? ინდივიდუალური შეფასება ყოველთვის უფრო ზუსტია, თუმცა სარეკომენდაციოც საყურადღებო და სასარგებლოა, რომელიც  გასული კვირისTBC კაპიტალის მოკლე პუბლიკაციაშია

1775140620

ექსპოზიცია აერთიანებს ორ ახლადგამოვლენილ სამოგზაურო ალბომს - „Mon Voyage En Asie“ და „Mon Voyage En Russie“, რომლებიც 1830-იან წლებში სამხრეთ კავკასიაში ჩატარებული სამეცნიერო ექსპედიციის ფარგლებში შესრულებულ 62 აკვარელსა და გრაფიკულ ჩანახატს მოიცავს.პირველადი შეფასებით, ნამუშევრები დაკავშირებულია შვეიცარიელ ნატურალისტსა და არქეოლოგთან - ფრედერიკ დუბუა დე მონპერესთან (1798–1850). ალბომების გამოვლენა და მათი სამეცნიერო მიმოქცევაში ჩართვა კი მნიშვნელოვან სიახლეს წარმოადგენს როგორც თბილისის, ისე მთლიანად კავკასიის ისტორიის კვლევისთვის.ალბომებში ასახული მარშრუტი მოიცავს აფხაზეთს, სამეგრელოს, იმერეთს, ქართლს, თბილისს, ფასანაურს, ყაზბეგს, სომხეთსა და ყაბარდოს. განსაკუთრებული მნიშვნელობა ენიჭება თბილისის ამსახველ სერიას, რომელიც ქალაქის გარდამტეხ პერიოდს ასახავს, როდესაც შუა საუკუნეების ურბანული სტრუქტურა ჯერ კიდევ შენარჩუნებულია და იმპერიული მოდერნიზაციის პროცესი მხოლოდ იწყება.გალერეა ვერე თანამედროვე ქართველი მხატვრების ნამუშევრებს აერთიანებს. იგი დამთვალიერებელს სთავაზობს შერჩეულ ხელოვნების ნიმუშებს  გამოფენა-გაყიდვის ფორმატში. საქართველოს ბანკი კი, როგორც კულტურისა და შემოქმედებითი ინიციატივების მხარდამჭერი, აგრძელებს მსგავსი პროექტების ხელშეწყობას და კულტურული მემკვიდრეობის პოპულარიზაციას.გამოფენა 19:00 საათზე გაიხსნება. გამოფენის კურატორები არიან: ცირა ელისაშვილი და ეკა კიკნაძე. გალერეა ვერეს მისამართია: თბილისი, ჯანაშიას 9.(R)

1775139131

„შემიძლია დავადასტურო, რომ გენერალური მდივანი მომავალ კვირას ვაშინგტონში იქნება დიდი ხნის წინ დაგეგმილი ვიზიტით“, - განაცხადა NATO-ს პრესსპიკერმა ელისონ ჰარტმა. ვიზიტი თეთრი სახლის ოფიციალურმა წარმომადგენელმაც დაადასტურა. მგზავრობის შესახებ დამატებითი დეტალები ამ დროისთვის უცნობია.ტრამპმა განაცხადა, რომ განიხილავს აშშ-ის გაყვანას დასავლური სამხედრო ალიანსიდან, რადგან ევროპელი წევრები უარს ამბობენ ჰორმუზის სრუტის ბლოკირების მოსახსნელად გემების გაგზავნაზე.ოთხშაბათს, თეთრ სახლში სააღდგომო სადილზე შეკრებილი მოკავშირეების წინაშე გამოსვლისას, ტრამპმა გააკრიტიკა საფრანგეთი, გაერთიანებული სამეფო და აშშ-ის სხვა მოკავშირეები და მათ „ქაღალდის ვეფხვი“ უწოდა.NATO, რომელიც აერთიანებს ევროპის ქვეყნებს, აშშ-სა და კანადას, 1949 წელს საბჭოთა თავდასხმის საფრთხის დასაპირისპირებლად შეიქმნა და მას შემდეგ დასავლეთის უსაფრთხოების ქვაკუთხედს წარმოადგენს.„NATO-ში რამდენიმე ძალიან ცუდი მოკავშირე გვყავდა“, - თქვა ტრამპმა. „იმედია, ისინი არასოდეს დაგვჭირდება. მე არ ვფიქრობ, რომ დაგვჭირდებიან“.

1775136783