თბილისის მშრალი პორტი ოფიციალურად გაიხსნა

თიბისიმ შექმნა უნივერსიტეტისგან განსხვავებული სივრცე, სადაც სტუდენტები, არა მხოლოდ თეორიულ, არამედ პრაქტიკულ გამოცდილებას მიიღებენ და კამპუსის დასრულების შემდეგ შეძლებენ არჩეული მიმართულებით კონკურენტულ ბაზარზე დასაქმებას.თიბისი კამპუსის მონაწილე ნუგო თოფურია აღნიშნავს: „თიბისი კამპუსში ვისწავლე მეწარმეობა და ბიზნესის დაგეგმარება. ზოგადად, მაინტერესებს ყველაფერი, რაც სტარტაპების შექმნასა და მენეჯმენტს უკავშირდება. თიბისი კამპუსმა შემძინა რწმენა, რომ გონივრული იდეა არასოდეს უნდა დარჩეს განუხორციელებელი. სწორი დაგეგმარებისა და მოტივაციის პირობებში, ინვესტიციის მოპოვება და იდეის რეალობად ქცევა, სრულიად შესაძლებელი ხდება“.თიბისის გუნდის სპეციალისტების და მოწვეული პროფესიონალ ლექტორებთან მუშაობის პრაქტიკული გამოცდილება, თეორიულ ცოდნასთან ერთად, კამპუსის კურსდამთავრებულებს, აძლევს შესაძლებლობას, დარგში არსებული მაღალი კონკურენციის მიუხედავად, გაუმკლავდნენ თანამედროვე საბაზრო გამოწვევებს, დასაქმდნენ და მათთვის საინტერესო იდეები რეალობად აქციონ.როგორც ნუგო აღნიშნავს: „კურსი, რომელიც გავიარე ძალიან საინტერესო გამოცდილება იყო ჩემთვის. ყველაზე ღირებული ჩემთვის ის იყო, რომ ორი წარმატებული ბიზნესმენისგან მათი წარმატების ისტორია, რჩევები და მიდგომები მოვისმინეთ, რაც პირადად მე, საკუთარ საქმეში ძალიან დამეხმარა. კურსი იმდენად მომეწონა, რომ თიბისი კამპუსის ახალ ნაკადსაც შევუერთდი და ტექნოლოგიური პროექტების მართვის კურსზე ვაპირებ სწავლას“.ახალი თაობა ქმნის ახალ დღეს, ახალ მომავალს, ახალ ისტორიას, ამ გზაზე კი მათი ხელშეწყობა და განათლების მიღების ხელმისაწვდომობა თიბისისთვის ერთ-ერთ მთავარ პრიორიტეტია.განათლებით შენს ამბავს ქმნი, მთავარია გჯეროდეს შენი მიზნების. თიბისის განათლების პროგრამები კი გაძლევს შესაძლებლობას ისწავლო იქ, სადაც ხარ და სიახლეების მუდმივ ძიებაში გაიღრმაო ინტერესები და ცოდნა.

1749122205

კალაძეს მიაჩნია, რომ ოპოზიცია მიიღებს თუ არა არჩევნებში მონაწილეობას, „ამას არსებითი მნიშვნელობა არ აქვს“.„გამოთქვეს ვითომ მზადყოფნა, რომ შეიძლება თბილისი წავართვათო. მიიღონ მონაწილეობა და ვინ რას წაართმევს, მაგას ვნახავთ“, - თქვა კალაძემ.ირაკლი კობახიძეს რაც შეეხება, მან დღეს ჟურნალისტის კითხვას, იქნება თუ არა კახა კალაძე თბილისის მერობის კანდიდატი, უპასუხა: "ჩემი პოზიცია არაერთგზის დავაფიქსირე, კახა კალაძე არის უალტერნატივო თბილისის მერის პოზიციაზე". ჟურნალისტმა ამ პასუხის შემდეგ, კობახიძეს კიდევ ერთი კითხვა დაუსვა, „მიდის თუ არა ბიზნესში დედაქალაქის მერი, ვინაიდან კახა კალაძის გუშინდელი განცხადება წასვლა–არწასვლასთან დაკავშირებით ბუნდოვანი იყო და მედიაში გავრცელდა ინფორმაცია, რომ მან შპს "კალა კაპიტალი" დააფუძნა“.„100% არ ვიცი, 99.9%... ეს ადამიანი იქნება ჩვენი მერობის კანდიდატი. გუნდში ეს სულისკვეთება არის. ჩემი პირადი დამოკიდებულებაა, რომ ის აბსოლუტურად უალტერნატივოა თბილისის მერის პოზიციაზე. დანარჩენი როგორ გითხრათ, შემიძლია დავიფიცო“, - აღნიშნა პრემიერმა.კახა კალაძემ მის შესახებ გავრცელებული ინფორმაცია, რომ კომპანია "კალა კაპიტალი" დააფუძნა, დაადასტურა."ეს არის ძველი ავტომობილების რესტავრაცია და საერთაშორისო არენაზე მათი გაყვანა, რამდენად გამოგვივა, არ ვიცი - ეს არის ჩემი ჰობი, ბავშვობიდან გატაცება იყო", - თქვა დედაქალაქის მერმა. კითხვაზე, „არის თუ არა დარღვევა „კორუფციის შესახებ კანონის“, როდესაც კალაძეს ბიზნესშიც აქვს წილი“, კალაძემ აღნიშნა, რომ ეს არ არის პირველი კომპანია, რომელიც მის საკუთრებაშია.

1749119410

დანიგანი აღნიშნავს, მისი გაწვევა მის მთავრობას არ მოუთხოვია.ამასთან, მისი განცხადებით, განაგრძობს "დაუღალავ შრომას ჩვენ შორის კავშირების გასამყარებლად, სანამ ივლისში საქართველოს დავტოვებ".„მას შემდეგ რაც, როგორც დიპლომატი, შეერთებულ შტატებს ოცდაცამეტი წლის განმავლობაში წარმოვადგენდი, მივიღე პირადი გადაწყვეტილება, გავიდე პენსიაზე. საქართველოში აშშ-ის ელჩად ყოფნა ჩემი კარიერის უდიდესი პატივი და პრივილეგიაა. მე სამუდამოდ ვიამაყებ იმ მნიშვნელოვანი საქმით, რაც გასწია ამერიკის მთავრობის შესანიშნავმა გუნდმა როგორც ვაშინგტონში, ისე აქ, თბილისში, აშშ-ის საელჩოში, ჩვენს ქვეყნებსა და ხალხებს შორის პარტნიორობის გასაძლიერებლად.ეს სრულიად პირადი გადაწყვეტილებაა. ჩემი გაწვევა ჩემს მთავრობას არ მოუთხოვია.მე და ჩემი ოჯახი ბედნიერები ვართ, რომ გამოვცადეთ ქართველი ხალხის გასაოცარი სიკეთე და სითბო. არ აქვს მნიშვნელობა ამ საოცრად ლამაზი ქვეყნის რომელ მხარეში ვმოგზაურობდით, ყველგან გვხვდებოდნენ შეუდარებელი ქართული სტუმართმოყვარეობით. ჩვენ აღფრთოვანებული ვართ თითოეული ქართველის გულით, სულითა და ენთუზიაზმით. დღეს, როგორც არასდროს, დარწმუნებული ვარ, რომ ის ძირეული ღირებულებები, რაც ამერიკელებსა და ქართველებს აერთიანებს, უზრუნველყოფს ჩვენი განსაკუთრებული პარტნიორობისა და მეგობრობის გაგრძელებას.მე განვაგრძობ დაუღალავ შრომას ჩვენ შორის კავშირების გასამყარებლად, სანამ ივლისში საქართველოს დავტოვებ”, - ნათქვამია განცხადებაში.

1749119368

მისი თქმით, ოპტიმიზაცია პრემიერ-მინისტრის მიერ დაანონსებული სახელმწიფო საწარმოთა რეფორმის პირველი ნაწილია, რომლის საბოლოო მიზანია, სახელმწიფო საწარმოების მოგებაზე გასვლა.„სახელმწიფო საწარმოები უნდა იყვნენ არა თვითკმარი, არამედ უნდა გავიდნენ მოგებაზე, რაც არის მათი პირველადი და მთავარი ამოცანა. მათ უნდა შეძლონ სესხების აღება, ინფრასტრუქტურული პროექტების განხორციელება და ბიუჯეტში ფულის შეტანა. ეს არის საბოლოო მიზანი და ამ მიზანს ემსახურება ის პირველი ნაბიჯი, რომელიც უკვე გადაიდგა და რომელიც გულისხმობს საწარმოთა ოპტიმიზაციას", - განაცხადა ლევან ჟორჟოლიანმა.სახელმწიფო საწარმოების რეფორმა საერთაშორისო სავალუტო ფონდის მისიის დასკვნაში გაწერილ რეკომენდაციებშიც მოხვდა, რასთან დაკავშირებითაც პრემიერმა კობახიძემ ვრცელი კომენტარი გააკეთა: „სახელმწიფო საწარმოების სრულფასოვანი რეფორმა არის მსოფლიო ბანკის და საერთაშორისო სავალუტო ფონდის ერთ-ერთი მოთხოვნა. ძლივს ისეთ რაღაცას გვთხოვენ უცხოელები, რაც სახელმწიფოს ინტერესებს შეესატყვისება და ვფიქრობ, არ იქნება ჩვენი მხრიდან სწორი, არ შევასრულოთ შესაბამისი რეკომენდაციები, ამიტომ ვიწყებთ უკვე პროცესს, რომლის საფუძველზეც განხორციელდება სახელმწიფო საწარმოების სრულფასოვანი რეფორმა, რაც გულისხმობს მენეჯმენტის ცვლილებას, სისტემის გაჯანსაღებას, დახვეწას, გაუმჯობესებას“.

1749118605

კონფერენცია, რომლის მთავარ თემასაც წარმოადგენს „საინფორმაციო-საკომუნიკაციო ტექნოლოგიები და დეზინფორმაციის გავლენა საარჩევნო პროცესზე“, ცენტრალური საარჩევნო კომისიის თავმჯდომარე გიორგი კალანდარიშვილმა, საქართველოს პარლამენტის იურიდიული კომიტეტის თავმჯდომარე არჩილ გორდულაძემ, სახალხო დამცველმა ლევან იოსელიანმა და იუსტიციის სამინისტროს სახელმწიფო სერვისების განვითარების სააგენტოს თავმჯდომარე რუსუდან კოხოძემ გახსნეს. მათ საკუთარ გამოსვლებში ხაზი გაუსვეს იმ ფაქტს, რომ განსახილველ საკითხებთან დაკავშირებით მსჯელობა დროული და მნიშვნელოვანია, რის შემდეგაც მონაწილეებს კონფერენციის თემებთან დაკავშირებით თავიანთი ხედვა გაუზიარეს. ლევან იოსელიანმა და რუსუდან კოხოძემ დეტალურად ისაუბრეს იმ საქმიანობის შესახებ, რასაც მათი უწყებები საკუთარი კომპეტენციის ფარგლებში საარჩევნო პროცესთან მიმართებაში ახორციელებენ.კონფერენციის ფარგლებში სხვადასხვა ქვეყნების საარჩევნო ადმინისტრაციების და საერთაშორისო ორგანიზაციების წარმომადგენლები ისეთ მნიშვნელოვან თემებზე იმსჯელებენ, როგორიცაა: საარჩევნო პროცესში ტექნოლოგიების გამოყენება - მსოფლიოში არსებული პრაქტიკა და მიღებული გამოცდილება, არჩევნების მოდერნიზება და ელექტრონული სერვისების დანერგვა, დეზინფორმაციული კამპანიის წარმოება და მისი პოტენციური გავლენა არჩევნების შედეგებზე, ამ კუთხით არსებული გამოწვევები და მათი გადაჭრის გზები.ცესკოს თავმჯდომარე გიორგი კალანდარიშვილმა საარჩევნო პროცესში ელექტრონული ტექნოლოგიების გამოყენების მიმართულებით საქართველოს გამოცდილებაზე, გამოწვევებსა და სამომავლო გეგმებზე დეტალურად ისაუბრა. მან კონფერენციის მონაწილეებს აღნიშნულ თემაზე პრეზენტაცია წარუდგინა.„საერთაშორისო კონფერენცია, რომელსაც ყოველ წელს ვმასპინძლობთ, გვაძლევს საშუალებას სხვადასხვა ქვეყნის წარმომადგენლებთან ერთად ვიმსჯელოთ და ერთმანეთს გავუზიაროთ პროფესიული გამოცდილება სხვადასხვა მნიშვნელოვან საკითხზე. ამჯერად ვისაუბრებთ ორ თემაზე. პირველი - საარჩევნო პროცესში ელექტრონული ტექნოლოგიების დანერგვა და მეორე დეზინფორმაცია და მასთან დაკავშირებული გამოწვევები. როგორც ყოველთვის კონფერენცია არის მასშტაბური, მასში მონაწილეობას იღებენ სხვადასხვა ქვეყნის საარჩევნო ადმინისტრაციების წარმომადგენლები და მიმდინარეობს ექსპერტული და პროფესიული განხილვები. 2024 წლის პარლამენტის არჩევნებზე საარჩევნო ადმინისტრაციამ წარმატებით განახორციელა საარჩევნო ელექტრონული ტექნოლოგიების ინტეგრირება და მიიღო მნიშვნელოვანი გამოცდილება, თუმცა სხვადასხვა ქვეყნების გამოცდილების, მათი რეკომენდაციებისა და კარგი პრაქტიკის გაზიარება მნიშვნელოვან როლს შეასრულებს 2025 წლისა და შემდგომი არჩევნების ადმინისტრირების პროცესში. ის ფაქტი, რომ წლევანდელ კონფერენციაზე განსახილველი თემების მიმართ არის განსაკუთრებული ინტერესი, ადასტურებს რომ ეს საკითხები ყველას საერთო გამოწვევაა და მნიშვნელოვანია ჩვენ ერთად ვიპოვოთ საუკეთესო გამოსავალი ამ საკითხების ეფექტიანად გადასაჭრელად“, - აღნიშნა ცესკოს თავმჯდომარემ.კონფერენციის ფარგლებში ცესკოს იურიდიული დეპარტამენტის/აპარატის უფროსმა საარჩევნო ადმინისტრაციის ელექტრონულ სერვისებსა და არჩევნების მართვის პროგრამებზე ისაუბრა, ელექტრონული ტექნოლოგიების მენეჯერმა გიორგი სტურუამ კი მონაწილეებს საქართველოში 2024 წლის არჩევნებზე გამოყენებული საარჩევნო ტექნოლოგიები გააცნო.კონფერენციის მეორე დღე დეზინფორმაციასთან დაკავშირებულ თემებს დაეთმობა. ცესკოს თავმჯდომარის მოადგილე გიორგი შარაბიძე შეხვედრის მონაწილეებს დეზინფორმაციასთან დაკავშირებით საქართველოს საარჩევნო ადმინისტრაციის გამოცდილების, არსებული გამოწვევებისა და დეზინფორმაციასთან ბრძოლის მიმართულებით გაწეული საქმიანობის შესახებ პრეზენტაციას წარუდგენს.კონფერენცია 5-6 ივნისს გაიმართება და მასში 22 ქვეყნის საარჩევნო ადმინისტრაციის,  სხვადასხვა სახელმწიფო სტრუქტურისა და  საქართველოს საარჩევნო ადმინისტრაციის 100-მდე წარმომადგენელი იღებს მონაწილეობას.(R)

1749118094

გამორჩეულ მასწავლებლებთან დაკავშირებული მოგონებების გასაცოცხლებლად და გასახსენებლად, საქართველოს ბანკი კამპანიას ახორციელებს, რომლის ფარგლებშიც ნებისმიერ მსურველს აძლევს შესაძლებლობას, საკუთარი ისტორია ვებგვერდზე mastsavlebeli.bog.ge გააზიაროს.პლატფორმაზე უკვე შემოვიდა 1000-მდე ისტორია:„ჩემი საყვარელი მასწავლებელი თამარი ქართულს გვასწავლის. ის არ არის მხოლოდ მასწავლებელი. ის არის ჩვენი მეგზური სიტყვებისა და ლიტერატურის ჯადოსნურ სამყაროში. როდესაც კლასში შემოდის, მთელი ოთახი თითქოს ნათდება. მისი ხმა მშვიდია და თბილი. თამარ მასწავლებელი ძალიან კეთილია. არასდროს გაგვიბრაზდება უსამართლოდ და ყოველთვის ცდილობს, გაგვიგოს. როცა ვინმეს რამე გაუჭირდება, გვერდით დაუდგება და ისე აუხსნის, რომ ყველაზე რთული საკითხიც მარტივი ხდება. ის გვასწავლის, რომ სიტყვებს ძალა აქვს, რომ უნდა ვთქვათ სიმართლე, ვიყოთ თავაზიანები და დავაფასოთ ერთმანეთი“.“დათიამ ქალაქი მიატოვა, სოფელში დაბრუნდა და მწყემსობა დაიწყო. როცა დანგრეული ბიბლიოთეკა იპოვა, ღამ-ღამობით ჩუმად ძვრებოდა ღობეზე, ტომრებით გამოჰქონდა წიგნები და განადგურებისგან იცავდა, მერე ყველაფერი გააკეთა იმისთვის, რომ სოფელს ახალი ბიბლიოთეკა ჰქონოდა. ბავშვები წიგნთან მიიყვანა, ბიბლიოთეკა აქცია სიცოცხლის და სიყვარულის სივრცედ.  მერე დაწყო მასწავლებლობა, სიყვარული, სითბო და სწორი ღირებულებები სასკოლო ოთახშიც შეიტანა და ბავშვების უსაყვარლეს მასწავლებლად იქცა. დათია მწერალია, მისი მოთხრობები ზუსტად ისეთი გამჭვირვალე, ადამიანური და გულწრფელია, როგორიც თვითონ“.თქვენც მოგვიყევით თქვენი მასწავლებლის შესახებ, რომელმაც თქვენს ცხოვრებაში გარდამტეხი როლი შეასრულა და წარუშლელი მოგონებები დაგიტოვათ.ინფორმაციისთვის, მასწავლებლის ეროვნული ჯილდო საქართველოში 2017 წლის 13 მაისს დაწესდა. ინიციატივა გლობალური კამპანიის – „The Global Teacher Prize“-ის ნაწილია, რომლის მიზანიც მასწავლებლების პროფესიის პოპულარიზაციაა. მასწავლებლის ეროვნული ჯილდოს მხარდამჭერები არიან: გენერალური სპონსორი – გუდავაძე-პატარკაციშვილის ფონდი; მთავარი მხარდამჭერი – საქართველოს ბანკი.

1749117334

ამჯერად, „კრისტალი“ ციფრული ტრანსფორმაციის ფარგლებში ახალ ეტაპზე გადადის და მომხმარებელთა გამოცდილების გაუმჯობესების მიზნით Optio-ს CRM პლატფორმას ნერგავს, რომელიც ხელოვნურ ინტელექტის გამოყენებუთ ხელს უწყობს მომხმარებლების საჭიროებების უკეთ აღქმას და მათზე მაქსიმალურად მორგებული მომსახურების მიწოდებას.Optio-ს პლატფორმა კრისტალს საშუალებას აძლევს, ერთ სივრცეში გააერთიანოს მომხმარებელთა მონაცემები, დააკვირდეს ქცევით ტენდენციებს და მათი ანალიზის საფუძველზე შექმნას მეტად პერსონალიზებული, მიზნობრივი შეთავაზებები და ეფექტური კომუნიკაციის ფორმა.„საბანკო ტრანსფორმაცია კიდევ უფრო მეტ პასუხისმგებლობას გვაკისრებს ჩვენს მომხმარებლებთან ურთიერთობაში. იმისთვის, რომ უკეთ მოვემსახუროთ მათ, კარგად უნდა ვახერხებდეთ მათი საჭიროებების ანალიტიკას. სწორედ ეს შესაძლებლობა მოგვცა Optio-მ — მოქნილი, ინტელექტუალური და მონაცემებზე ორიენტირებული გადაწყვეტილებით“, - აღნიშნავს კრისტალის გენერალური დირექტორი ილია რევია.როგორც Optio-ს აღმასრულებელი დირექტორი, შოთა გიორგობიანი აცხადებს: „კრისტალი ყოველთვის გამოირჩეოდა მომხმარებელზე ორიენტირებულობით. ჩვენთვის დიდი პატივია მათთან თანამშრომლობა და იმ პროცესში მონაწილეობა, რაც საბოლოოდ მომხმარებლებს მეტად პერსონალიზებულ და მიზნობრივ ფინანსურ მომსახურებას შესთავაზებს“.კრისტალის  სტრატეგია - პერსონალიზებულ მომსახურებაზე ორიენტაცია, მომხმარებლების შესაძლებლობების გაძლიერება და ტექნოლოგიური განვითარება, საფინანსო ბაზარზე კონკურენტული უპირატესობის ახალ ფორმას ქმნის, რომელიც სარგებელს მოუტანს როგორც კრისტალს, ასევე მის 130 000 -ზე მეტ მომხმარებელს.კრისტალისთვის ტექნოლოგიური განვითარების პრიორიტეტულობა განსაკუთრებით იზრდება საბანკო ტრანსფორმაციის პროცესში, რომელსაც კომპანია ამჟამად გადის და 16 ივნისიდან მომხმარებლებს სრულ საბანკო სერვისებს შესთავაზებს.პარტნიორობა Optio-სთვისაც მნიშვნელოვანი ეტაპია — ტექნოლოგიური პლატფორმა სულ უფრო მეტ ფინანსურ ინსტიტუტს ეხმარება მარკეტინგის მიმართულებით, მომხმარებელთა ჩართულობის გაზრდასა და ინოვაციების დანერგვაში.

1749117036

სააქციე კაპიტალის შემცირების მიზნით, ჯგუფმა $25 მლნ-იანი აქციების გამოსყიდვისა და გაუქმების პროგრამა დამატებითი $25 მლნ-ით მ.წ.-ის 11 მარტს გაზარდა.გაუქმების შედეგად, ჩვეულებრივი აქციების საერთო რაოდენობამ 37 223 619 შეადგინა, აქედან გაუქმების მომენტში ხმის უფლება 37 193 619-ს ჰქონდა, რამდენიმე დღეში კი 30 000 აქცია ხაზინაში არსებულ, გაუქმების მოლოდინში მყოფ 30 000 აქციას შეუერთდა.პროგრამა შეესაბამება სამეთვალყურეო საბჭოს მიერ 2024 წლის 17 მაისს გამოცხადებულ განზრახვას — 2026 წლის ბოლომდე გამოყოს არანაკლებ ₾300 მლნ კაპიტალის დაბრუნებისთვის. არსებული აქციების გამოსყიდვისა და გაუქმების პროგრამისთვის დამატებულმა $25 მლნ-მა საერთო თანხა ₾251 მლნ-მდე გაზარდა, რაც განკუთვნილია აქციების გამოსყიდვისთვის აღნიშნული 300-მილიონიანი კაპიტალის დაბრუნების პაკეტის ფარგლებში. აქედან უკვე 11 მარტისთვის გამოყენებული იყო ₾176 მლნ. 

1749116972