ბაზარი  ცვალებადია. ნოემბერში 180 მლნ-მდე კლება აღინიშნა. ოქტომბერში ასევე შემცირდა 105 მლნ-ით. ოქტომბრის თვის მიმოხილვით, საბანკო სისტემაში შიდა სამთავრობო კონვერტაციებით, ეროვნული ბანკის წმინდა სავალუტო გაყიდვებმა 56.5 მლნ აშშ დოლარი შეადგინა. სავალუტო აუქციონებით ეროვნულმა ბანკმა 213.4 მლნ აშშ დოლარი გაყიდა. BMatch მექანიზმით, სებ-ის თვის წმინდა გაყიდვები $377.7 მილიონია. მთლიანობაში შიდა სამთავრობო კონვერტაციებით, სავალუტო ინტერვენციებით და BMatch -ით, წმინდა უცხოური აქტივები დაახლოებით 647.6 მლნ აშშ დოლარით შემცირდა. ოქტომბერში ლარის ლიკვიდობის 370 მლნ-მდე ზრდა აღინიშნა. მ.შ. 2 მლრდ-მდე სისტემას ერთდღიანი სესხებით მიეწოდა. სხვა ოპერაციებით, მ.შ. სავალუტო აუქციონებით და Bmatch-ზე გაყიდვებით, კი 1.6 მლრდ ლარზე მეტი მოაკლდა.  ნოემბერში 70 მლნ-ით გაეზარდადეკემბერში სისტემას, 740 მლნ  ლარით კლებაა, მ.შ. მთავრობის ოპერაციებით, 1.2 მლრდ-მდე.დეკემბერში რეფინანსირების სესხებით სექტორს ₾500 მილიონის ლიკვიდური მიეწოდა. რეფინანსირების სესხების ნაშთი, 01.01.2025-ისთვის ₾4.45 მლრდ-მდეა. ერთდღიანი სესხების ნაშთი ₾ 2.1 მლრდ-მდე. 

1736510280

PACE-ს განცხადებაში ვკითხულობთ, რომ ვიზიტის მიზანია, შეაფასოს საქართველოს, როგორც ევროსაბჭოს წევრი სახელმწიფოს მიერ ნაკისრ ვალდებულებებთან შესაბამისობა, განსაკუთრებით 2024 წლის 26 ოქტომბრის არჩევნების შემდეგ მიმდინარე პოლიტიკური კრიზისისა და ევროპის კავშირში გაწევრიანების მოლაპარაკებების შეჩერების ფონზე.ვიზიტის ფარგლებში თანამომხსენებლები შეხვდებიან ყველა ძირითადი პოლიტიკური პარტიის ხელმძღვანელობას, ხელისუფლების შესაბამის წარმომადგენლებს და ინსტიტუტებს, ასევე სამოქალაქო საზოგადოებას და საერთაშორისო თანამეგობრობას.PACE-ს განცხადებაში ვკითხულობთ, რომ ეს არის მონიტორინგის მისიის რეგულარული ვიზიტი და არ უნდა იქნეს აღქმული, როგორც ლეგიტიმაციის პოლიტიკური მხარდაჭერა ან თანხმობა იმათ პოზიციებზე, ვისაც თანამომხსენებლები შეხვდებიან.ევროსაბჭოს საპარლამენტო ასამბლეა აცხადებს, რომ შეხვდებიან ზოგიერთ დაკავებულ დემონსტრანტს, რომელთა მიმართ წარდგენილი ბრალი და დაკავება შეშფოთებას იწვევს.PACE აღნიშნავს, რომ ამ კონტექსტში, ასამბლეის პრეზიდენტმა, თანამომხსენებლებთან კონსულტაციის შემდეგ, 2024 წლის 23 დეკემბერს მოითხოვა ვენეციის კომისიის გადაუდებელი აზრი ადმინისტრაციულ სამართალდარღვევათა კოდექსთან დაკავშირებით, განსაკუთრებით შეკრების თავისუფლების ნაწილში.

1736507264

2024 წელის ქართული ღვინის TOP5 საექსპორტო ბაზარი: რუსეთი - $176.26 მლნ; პოლონეთი - $15.17 მლნ; ყაზახეთი - $9.76 მლნ; ჩინეთი - $8.2 მლნ; გერმანია - $5.57 მლნ. ამერიკის ღვინის ეკონომისტთა ასოციაცია (AAWE) UN Comtrade-ს კვლევის თანახმად, 2000 – 2023 წლებში 1 ლიტრი ქართული ღვინის ყველაზე დაბალი საშუალო საექსპორტო ფასი პოლონეთში იყო და იგი შეადგენდა 6.78 ლარს, ასოციაციის ცნობით, პოლონეთში ქართული ღვინის მთლიანი ექსპორტის 6,7% გადის. შემდეგი ქვეყანაა რუსეთი, სადაც მოცულობით გადის ყველზე ბევრი ღვინო – მთლიანი ექსპორტის 69.6%. ამ ქვეყანაში გასული 1 ლიტრი ქართული ღვინის საშუალო ფასი საკმაოდ დაბალია და 7.26 ლარს შეადგენს.საქსტატის ინფორმაციით, 2024 წელს რუსეთში ყველაზე მეტი რაოდენობის ღვინო შემდეგმა კომპანიებმა გაიტანეს (კომპანიები რეიტინგის მიხედვით არ არის დალაგებული): სს ბადაგონი; შპს "წინანდლის ძველი მარანი"; შპს GVMT Group; შპს ალკოჰოლური სასმელების კომპანია ალავერდი; შპს ასკანელი ძმები; შპს დუგლაძეების ღვინის კომპანია; შპს კახური ტრადიციული მეღვინეობა; შპს კახური ღვინის მარანი; შპს კომპანია ბესინი; შპს შალვინო. 2024 წელს, რთველის ფარგლებში გადამუშავდა უპრეცედენტო რაოდენობის - 320 ათას ტონამდე ყურძენი, რაც დაახლოებით 45%-ით აღემატება გასული წლის ანალოგიურ მაჩვენებელს.2024 წლის ყურძნის გადამუშავების პროცესში, ჯამში, ჩართული იყო ღვინის მწარმოებელი 600 დიდი კომპანია, საშუალო და მცირე მარანი.

1736504009

სადაზღვევო კომპანია JPMorgan–ის ანალიტიკოსებმა ანგარიში გამოაქვეყნეს, რომლის თანახმად ლოს-ანჯელესის რაიონში ხანძრით გამოწვეული  ეკონომიკური დანაკარგის ღირებულება $50 მლრდ–ს უტოლდება, ხოლო დაზღვეული ზარალი $20 მლრდ–ს გადააჭარბებს, თუ ხანძრის ჩაქრობა ვერ მოხერხდება.ხანძრის შედეგად 10 ადამიანი დაიღუპა, დაზიანდა და მთლიანად განადგურდა 2 000–ზე მეტი სახლი, საწარმო და სხვა დანიშნულების ნაგებობები.მანამდე, 2018 წელს, ამერიკის ისტორიაში ყველაზე მსხვილი სადაზღვევო ზარალმა $10 მლრდ–ს მიაღწია, როდესაც ხანძარმა კალიფორნიის შტატის ბიუტის ოლქი გადაწვა. 

1736502615

განცხადებას ხელს აწერენ გერმანიის „თავისუფალი დემოკრატიული პარტიის“ საპარლამენტო ჯგუფის საგარეო პოლიტიკის პრესსპიკერი ულრიხ ლეხტე, „ქრისტიან-დემოკრატიული კავშირის“ (CDU) და „ქრისტიან-სოციალური კავშირის“ (CSU) საპარლამენტო ჯგუფის საგარეო პოლიტიკის პრესსპიკერი იურგენ ჰარდტი, გერმანიის სოციალ-დემოკრატიული პარტიის საპარლამენტო ჯგუფის საგარეო პოლიტიკის პრესსპიკერი ნილს შმიდი და ალიანსი 90/მწვანეთა საპარლამენტო ჯგუფის საგარეო პოლიტიკის პრესსპიკერი დებორა დიურინგი.განცხადების თანახმად, „ქართული ოცნების“ ეს გადაწყვეტილება წარმოადგენს გადახვევას საქართველოს ყველა წინა მთავრობის პოლიტიკიდან და ასევე, ევროკავშირში ინტეგრაციისკენ ქართველი ხალხის აბსოლუტური უმრავლესობის მისწრაფებებიდან.„არსებობს ძალაუფლების მქონე პირების მხრიდან რეპრესიების გაზრდის რისკი. ღრმად შეშფოთებულნი ვართ იმ ქართველების უფლებების შეზღუდვით, რომლებიც გაბედულად გამოდიან ქუჩაში მათი ევროპული და დემოკრატიული მომავლისთვის, რათა გააპროტესტონ „ქართული ოცნების“ განზრახვა, მოახდინოს ევროკავშირში ინტეგრაციის პროცესის ტორპედირება. მკაცრად ვგმობთ დემონსტრანტების მიმართ ძალადობის გამოყენებას. მოვუწოდებთ შესაბამის ორგანოებს, შეწყვიტონ ძალადობა მშვიდობიანი დემონსტრანტების წინააღმდეგ და დაუყოვნებლივ შეწყვიტონ აქციის მონაწილეების დაკავება. ვიმეორებთ, რომ მშვიდობიანი შეკრების უფლება არის ფუნდამენტური უფლება, რომელიც მკაცრად უნდა იქნას დაცული. ძალადობის ყველა ფაქტი უნდა გამოიძიონ და პასუხისმგებელი პირები ანგარიშვალდებული უნდა გახდნენ“, - აღნიშნულია განცხადებაში.გერმანელი დეპუტატები ხაზს უსვამენ, რომ ფედერალური მთავრობა მხარს უჭერს მიზანმიმართულ სანქციებს ევროკავშირის დონეზე იმ პირების წინააღმდეგ, ვინც პასუხისმგებელია მშვიდობიანი დემონსტრანტების წინააღმდეგ ადამიანის უფლებების სერიოზულ დარღვევაზე.„ეროვნული დონეზე ქვეყანაში შესვლის აკრძალვა უკვე დაწესებულია ცხრა ძირითადი პასუხისმგებელი პირის მიმართ. მივესალმებით იმ ფაქტს, რომ ორმხრივი თანამშრომლობა გამოცდას გადის და რომ მრავალი მხარდაჭერის ღონისძიება უკვე შეჩერებულია.ვიმეორებთ მტკიცე მხარდაჭერას ქართველი ხალხის ლეგიტიმური ევროპული მისწრაფებების, კეთილდღეობისა და დემოკრატიისკენ სწრაფვის მიმართ. მტკიცედ ვდგავართ საქართველოში დემოკრატების გვერდით და გავაგრძელებთ საქართველოს სამოქალაქო საზოგადოების დახმარებას, რომ ქვეყანა უკან დემოკრატიულ და ევროპულ გზაზე დააბრუნონ. ახლა საჭიროა პლურალისტური პროცესი დემოკრატიული პრინციპების აღდგენისა და კონსოლიდაციის მიზნით, რომლის დასრულების შემდეგ შეიძლება ჩატარდეს თავისუფალი და სამართლიანი საპარლამენტო არჩევნები“, - აღნიშნულია განცხადებაში.დეკემბერში ჩატარებული გამოკითხვის თანახმად, გერმანელი ამომრჩევლების 31% მხარს უჭერს ოპოზიციურ ბლოკს „ქრისტიან–დემოკრატიული კავშირი“ და „ქრისტიან–სოციალისტური კავშირი“. შოლცის პარტიას კი ამომრჩეველთა მხოლოდ 17% უჭერს მხარს. მემარჯვენე რადიკალურ პარტიას „ალტერნატივა გერმანიისთვის“ 20%–იანი მხარდაჭერა აქვს, „მწვანეებს“ 11% უჭერს მხარს. დანარჩენ სუბიექტებს 5–8% უჭერს მხარს. არჩევნებზე ხმების ასეთი გადანაწილების შემთხვევაში, ქრისტიან–დემოკრატებს და ქრისტიან–სოციალისტებს მთავრობის ფორმირების შესაძლებლობა ეძლევათ, რომელსაც ბლოკის წარმომადგენელი ჩაუდგება სათავეში და ეს იქნება „ქრისტიან–დემოკრატიული კავშირის“ ლიდერი ფრიდრიხ მერცი. ეს უკანასკნელი უკრაინას დიდი სიშორის რაკეტების TAURUS მიწოდებას ჰპირდებოდა. 

1736498800

გამოცემის თქმით, ევროკომისიის მაღალჩინოსნებს დაავალეს გადახედონ ყველა იმ ზომას, რომელიც პრეზიდენტმა ჯო ბაიდენმა მიიღო ბოლო ოთხი წლის განმავლობაში, რათა დადგინდეს, თუ როგორ შეიძლება აისახოს მათი შესაძლო გაუქმება ევროპის კავშირზე.ბრიუსელი შიშობს, რომ ტრამპმა შესაძლოა უარი თქვას ამ გადაწყვეტილებებზე მხოლოდ იმიტომ, რომ ბაიდენმა მიიღო ისინი და არ იფიქროს იმაზე, თუ რა გავლენა ექნება ასეთი ნაბიჯების ევროპელ მოკავშირეებზე.ამავდროულად, ამან შესაძლოა საერთაშორისო ურთიერთობები და ვაჭრობა თავდაყირა დააყენოს.ასევე, ევროკავშირის ოფიციალური პირები იმედოვნებენ, რომ ტრამპი შეინარჩუნებს სანქციებს რუსეთის წინააღმდეგ, რათა გამოიყენოს ისინი, როგორც პოტენციური ბერკეტი ცეცხლის შეწყვეტის შესახებ მოლაპარაკებების დროს. როგორც FT აღნიშნავს, ახალი პრეზიდენტისთვის დამახასიათებელია ძველი პრეზიდენტების პერიოდის განკარგულებების გადახედვა. ასე გააკეთა ტრამპმა 2017 წელს, როცა გააუქმა პრეზიდენტ ბარაკ ობამას მიერ გამოცხადებული „დათბობა“ კუბაში და ასევე მაშინ, როცა გამოვიდა "პარიზის კლიმატის" შეთანხმებიდან. ერთი წლის შემდეგ იგი გამოვიდა ობამას ადმინისტრაციის დროს დადებული ირანის ბირთვული შეთანხმებიდან.

1736496551