დანიგანის აზრით, "ოცნებამ" პოლიტიკური ოპონენტები მიზანში ამოიღო

GCCA-მ თხილის და მოცვის ბაზრის მონიტორინგი განაახლა

"GCCA-ის მიერ მოცვის ბაზრის მონიტორინგის ფარგლებში მიღებული შედეგების მიხედვით, 2020-2024 წლებში, ქვეყნიდან ექსპორტირებულია 660%-ით მეტი მოცვი (4969 ტონა) ვიდრე 2020 წელს (654 ტონა). ღირებულებით ნაწილში კი ზრდამ შეადგინა 595%, 2020 წელს ექსპორტირებულია 11,4 მლნ. ლარის მოცვი, ხოლო 2024 წელს ექსპორტის მაჩვენებელი 78,420 მლნ. ლარამდე გაიზარდა.2020-2022 წლებში, შესაბამისი ბაზრის ექსპორტის დონე დაბალკონცენტრირებულია, ხოლო 2023-2024 წლებში ინდექსი მხოლოდ მცირედით აღემატება დაბალკონცენტრირებული ბაზრის მაქსიმალურ ზღვარს. ბაზრის ექსპორტის დონეზე მოქმედი კომპანიების რაოდენობა მზარდია. 2024 წლის მდგომარეობით ექსპორტს 51 კომპანია ახორციელებდა. 2020 -2024 წლის პერიოდში 5 მსხვილი კომპანიის წილი 54%-63%-ის არეალში იყო წარმოდგენილი.რაც შეეხება თხილის ბაზრის მონიტორინგის შედეგებს - 2020-2023 წლებში, ხუთი მსხვილი ექსპორტიორი ეკონომიკური აგენტის ჯამური წილი ბაზრის ექსპორტის დონეზე 37%-დან 47%-მდე მერყეობდა. საანგარიშო პერიოდში, თხილის ექსპორტი საქართველოდან ყველაზე დიდი ოდენობით ხორციელდებოდა იტალიაში (32%), რომელსაც მოჰყვება გერმანია (20%), სომხეთი (7%) და რუსეთი (4%).საქართველოდან 2020 წელს - 289,8 მლნ. ლარის ღირებულების 16 675 ტონა, 2021 წელს - 365.7 მლნ. ლარის ღირებულების 23 465 ტონა, 2022 წელს - 277.1 მლნ. ლარის ღირებულების 21 848 ტონა, ხოლო 2023 წელს - 219.2 მლნ ლარის ღირებულების 16 169 ტონა თხილის ექსპორტი განხორციელდა. ექსპორტიორი ეკონომიკური აგენტების რაოდენობა აღნიშნულ პერიოდში 65-80 ერთეულის ფარგლებში მერყეობდა",- აღნიშნულია GCCA-ს მიერ გავრცელებულ ინფორმაციაში.სააგენტოს მონიტორინგის ფარგლებში სწავლობს - პესტიციდებისა და აგროქიმიკატების, FMCG, საავტომობილო საწვავის და თამბაქოს ბაზრებს.

მეტროსადგური „ვარკეთილი“ 12 ივლისიდან 45 დღით იკეტება

„პროექტით განსაზღვრულია საკმაოდ მოცულობითი სამუშაოების ჩატარება სპეციალური ტექნოლოგიური პროცესის დაცვით, რომელთა განხორციელებაც მგზავრების მოძრაობის პირობებში შეუძლებელია. უსაფრთხოებიდან გამომდინარე მივიღეთ გადაწყვეტილება, მეტროსადგური „ვარკეთილი“ 45 დღით დაიკეტოს“, - თქვა კალაძემ.მერის თქმით, პროექტი შპს „პრობილდ ექსპერტმა“ მოამზადა უცხოელი სპეციალისტების ჩართულობით. სადგურის ჭერზე აზბესტ-ცემენტის ფილების დემონტაჟის შემდეგ საჭირო გახდა რკინა-ბეტონის თაღის მდგრადობის დამატებითი კვლევები. კვლევები ჩატარდა ლევან სამხარაულის ექსპერტიზის ბიუროს რეკომენდაციით."მოთხოვნილი კვლევების ფარგლებში, დამატებით განხორციელდა: მოსაცდელი დარბაზის რკინა-ბეტონის თაღის მთელ ზედაპირზე ბეტონისა და არმატურის მდგომარეობის ლაბორატორიული შესწავლა; თაღის მიღმა სივრცეების სრული გეო-ტექნიკური სკანირება; საესკალატორო გვირაბში თუჯის სამაგრი დეტალების მდგომარეობის შესწავლა და სხვა; კვლევების შედეგების საფუძველზე მომზადდა რკინა-ბეტონის კონსტრუქციების რეაბილიტაციის პროექტი, რომელიც მოიცავს შემდეგ ძირითად სამუშაოებს: ჭერის კოროზირებული/დაზიანებული ზედაპირების გაწმენდა და დამუშავება; თაღის მიღმა არსებული სიცარიელეების შესაბამისი ტექნიკური ხსნარებით შევსება/დაჭირხვნა; თაღის ტემპერატურული ღარების/ნაკერების ჰერმეტიზაცია მიწისქვეშა წყლების ჟონვის პრევენციისათვის. დახრილ საესკალატორო გვირაბში თუჯის სამაგრი დეტალების რეაბილიტაცია“, - განაცხადა თბილისის მერმა.მისივე თქმით, აღნიშნული სადგურის მთლიანი სარეაბილიტაციო სამუშაოების დასრულება ნოემბერ-დეკემბერშია დაგეგმილი.„პროექტით განსაზღვრულია საკმაოდ მოცულობითი სამუშაოების ჩატარება სპეციალური ტექნოლოგიური პროცესის დაცვით, რომელთა განხორციელებაც მგზავრების მოძრაობის პირობებში შეუძლებელია. შესაბამისად, რკინა-ბეტონის თაღზე და საესკალატორო გვირაბში დამატებითი სარეაბილიტაციო სამუშაოების ვადის მინიმუმამდე დაყვანის მიზნით, მივიღეთ გადაწყვეტილება, მეტროსადგური „ვარკეთილი“ 12 ივლისიდან დაიკეტოს 45 დღით. შემდეგ გადავალთ უშუალოდ მოპირკეთების სამუშაოებზე. უსაფრთხოებიდან გამომდინარე საჭიროა, რომ სადგური 45 დღით იყოს დაკეტილი“, - აღნიშნა კახა კალაძემ.ვარკეთილის მეტროს რეაბილიტაცია 2016 წელს, დავით ნარმანიას მერობის დროს დაიწყო და 2017 წლის სექტემბერში დასრულდა. სამუშაოები მაშინ თითქმის 350 000 ლარი დაჯდა. პროექტზე შპს “ყვარელმშენი" მუშაობდა. 2018 წლის 30 იანვარს, რეაბილიტირებულ „ვარკეთილის“ მეტროსადგურში, ჭერი ჩამოინგრა. 2022 წელს მეტროსადგურის რეაბილიტაციაზე მორიგი ხელშეკრულება კომპანია “მამისონთან” გაფორმდა, თუმცა კომპანიის მხრიდან ვალდებულებების შეუსრულებლობის გამო, მალევე გაწყდა.ამის შემდეგ, მეტროსადგურ “ვარკეთილის” რეაბილიტაციაზე ₾13.4 მლნ-ის ღირებულების გამარტივებული შესყიდვის ხელშეკრულება 2023 წლის თებერვალში გაფორმდა. პროექტზე შპს “ბადა ქონსთრაქშენსი” მუშაობს, რომელმაც საესკალატორო გვირაბის და მგზავრთა ჩასასხდომი ბაქნის თაღზე აზბესტ/ცემენტის ფილები ჩამოხსნა. გაირკვა, რომ არსებული მდგომარეობის გამო საჭირო იყო იმ პროექტის განახლება, რომელზე დაყრდნობითაც უნდა განახლებულიყო სადგური. ლევან სამხარაულის სახელობის სასამართლო ექსპერტიზის ეროვნულმა ბიურომ 2024 წლის 2 დეკემბერს აცნობა, რომ მათ დასკვნის მხოლოდ ნაწილის მომზადება შეეძლოთ, რადგან: „რამდენიმე საკითხზე მსჯელობა ბიუროს ამ ეტაპზე არ შეუძლია შესაბამისი ხელსაწყო-მოწყობილობების არქონის გამო“. სწორედ ამის გამო შეარჩია თბილისის მერიის სატრანსპორტო კომპანიამ ბელარუსული შპს „პრობილდ ექსპერტი“ და მასთან 382 065 ლარის ღირებულების ხელშეკრულება დადო.

საქსტატი: მშპ 7.5%-ით გაიზარდა

საქსტატის მონაცემებით, 2025 წლის მაისში, წინა წლის შესაბამის პერიოდთან შედარებით, ზრდის მიმართულებით მნიშვნელოვანი წვლილი შეიტანა შემდეგმა დარგებმა: ინფორმაცია და კომუნიკაცია, დამამუშავებელი მრეწველობა, ვაჭრობა, ტრანსპორტი და დასაწყობება, მშენებლობა.კლების ტენდენცია დაფიქსირდა ენერგეტიკის სექტორში.

კობახიძე: საქართველო ეკონომიკური ზრდით რეგიონში და ევროპაში პირველია

პარლამენტში ირაკლი კობახიძის დღევანდელი გამოსვლიდან გავიგეთ ისიც, რომ თბილისის ახალი აეროპორტის აშენების ვადამ გადაიწია. შესაბამისად, ვაზიანში აშენებული აეროპორტი მგზავრებს 2028 წლის ნაცვლად 2031 წლიდან მოემსახურება. „მოსამზადებელი სამუშაოები არის უკვე დაწყებული. დავიწყებთ პარტნიორის შერჩევის პროცედურას და მომავალ წელს უკვე გვეყოლება პარტნიორი კომპანია. 2031 წელს უკვე ჩვენ შევძლებთ აეროპორტის გადატანას ვაზიანში“, - თქვა ირაკლი კობახიძემ და დაამატა, რომ ვაზიანში თბილისის ახალი საერთაშორისო აეროპორტი მინიმუმ 18 მლნ მგზავრზე იქნება გათვლილი.ირაკლი კობახიძის ძირითადი გზავნილები პარლამენტის ტრიბუნიდან კი ასე გამოიყურება:  ჩვენ ისტორიულად ერთმანეთთან ვაკავშირებდით ევროპას და აზიას, დასავლეთს და აღმოსავლეთს და ჩვენი სურვილია, რომ ეს პოტენციალი მაქსიმალურად ავითვისოთ ანაკლიის პორტის მშენებლობის პირველი ფაზა არაუგვიანეს 2029 წლისა დასრულდება და ჩაიდება 600 მილიონი დოლარის ინვესტიცია, პირველი ფაზის დასრულების შემდეგ, პორტი წელიწადში 600 ათასზე მეტ კონტეინერს მოემსახურება გასული 12 თვის განმავლობაში აშენდა 4 ახალი ჰიდროელექტროსადგური, ამ კუთხით კიდევ უფრო გააქტიურდება სამუშაოები, გვაქვს ამბიციური მიზანი - 2030 წლისთვის საქართველო გახდეს სრულად თვითკმარი ქვეყანა ენერგეტიკული თვალსაზრისით ტურიზმის სექტორი ვითარდება სწრაფი ტემპით, 2024 წელს რეკორდულად მაღალი - 4.4 მლრდ დოლარის შემოსავალი მიიღო ტურიზმიდან ჩვენმა ქვეყანამ, ვუმასპინძლეთ 7.4 მლნ საერთაშორისო მოგზაურს სრულდება რკინიგზის მოდერნიზაციის პროექტი, რის შემდეგაც რკინიგზის გამტარუნარიანობა გაიზრდება 27 000 000-დან 48 000 000 ტონამდე, ბაქო-თბილისი-ყარსის პროექტით გათვალისწინებული სამუშაოები თითქმის ბოლომდეა მიყვანილი 2024 წელს სიღარიბემ შეადგინა 9.4%, პირველად დაფიქსირდა ერთნიშნა მაჩვენებელი, გვაქვს ამბიციური მიზანი, რომ  2028 წლისთვის მაქსიმუმ 4%-მდე შემცირდეს სიღარიბე ჩვენს ქვეყანაში 2028 წლისთვის ჩვენი მიზანია, მაქსიმუმ 4%-მდე შემცირდეს უმუშევრობის დონე  ქვეყანაში,  გვინდა, რომ შევქმნათ 200 000 სამუშაო ადგილი,  ასევე გვაქვს ამბიციური მიზანი, რომ საშუალო ხელფასმა მიაღწიოს 3 500 ლარს პროგრამის - „აწარმოე საქართველოში"  ფარგლებში დაფინანსდა 1 500 მეწარმე სუბიექტი და შეიქმნა 10 ათასზე მეტი სამუშაო ადგილი, საკრედიტო საგარანტიო სქემის სახელმწიფო პროგრამით დაფინანსდა 292 პროექტი, შეიქმნა 3 300-ზე მეტი სამუშაო ადგილი ისტორიულ მინიმუმზეა უმუშევრობა ჩვენს ქვეყანაში - გასული წლის ბოლოსთვის უმუშევრობამ შეადგინა 13,9%, ეს არის ისტორიული მინიმუმი დამოუკიდებლობის აღდგენის შემდეგ საქართველო პირველ ადგილზეა ბიუჯეტის გამჭვირვალობის კუთხით საერთაშორისო ინდექსებში, ეს მნიშვნელოვანი ფაქტორი ხელს უწყობს სწორი ფისკალური მონაცემების შენარჩუნებას ჩვენ გავაორმაგეთ და კიდევ უფრო მეტად გავზარდეთ ოთხი წლის განმავლობაში ჩვენი ქვეყნის ნომინალური ეკონომიკა დოლარში, წლის ბოლოს პირველად, ჩვენი ეკონომიკა 100 მილიარდ ლარს გადააჭარბებს ინვესტიციების მოზიდვის კუთხით ერთ-ერთი ყველაზე შთამბეჭდავი მიღწევა იყო არაბული, Emaar-ის ინვესტიცია - ეს არის 6 მილიარდი დოლარის ღირებულების პროექტი, რომელიც საქართველოში განხორციელდება ეკონომიკაზე დგას ჩვენი მოსახლეობის სოციალური მდგომარეობის გაუმჯობესება, ჩვენი დემოკრატიული სისტემის და ჩვენი საგარეო პოლიტიკური პოზიციების განმტკიცება, გვაქვს ძალიან კარგი ტენდენციები, მაღალი ეკონომიკური ზრდა, მთავარია, ყველაფერი გავაკეთოთ, რომ ზრდის მაღალი ტემპი შევინარჩუნოთ იუსტიციის სახლების რაოდენობამ ქვეყნის მასშტაბით 125 შეადგინა, 2012 წელს კი, მხოლოდ 12 იუსტიციის სახლი ფუნქციონირებდა, მიწის სისტემური რეგისტრაციის რეფორმის ფარგლებში აიზომა 810 ათასი მიწის ნაკვეთი, საიდანაც 553 ათასი დარეგისტრირდა საანგარიშო პერიოდის განმავლობაში განხორციელდა 437 კილომეტრი საერთაშორისო და შიდასახელმწიფოებრივი მნიშვნელობის გზის რეაბილიტაცია, გაიხსნა 84,4 კილომეტრი მაგისტრალური გზა, წინა ხელისუფლებამ 9 წლის განმავლობაში მხოლოდ 68 კილომეტრი მაგისტრალური გზა ააშენა წლის ბოლომდე 24-საათიანი წყალმომარაგებით უზრუნველყოფილი იქნება გაერთიანებული წყალმომარაგების კომპანიის დაფარვის არეალში მყოფი 31 ქალაქი, 2026 წელს დაემატება 14 ქალაქი, 2027 წელს 3 ქალაქი და წყალმომარაგებით ისარგებლებს უკლებლივ ყველა ქალაქი ქვეყნის მასშტაბით 2024 წელს, რთველი ჩატარდა წარმატებულად, ჩაბარდა 325 000 ტონა ყურძენი, რაც უპრეცედენტო მაჩვენებელია, ექსპორტიდან მიღებულმა შემოსავლებმა შეადგინა 276 მლნ დოლარი, მევენახეების შემოსავალმა კი - 485 მლნ ლარი, დარგის მხარდაჭერა მომავალშიც გაგრძელდება სოფლის მეურნეობის განვითარებაში გვაქვს მნიშვნელოვანი მიღწევები - აგრობიზნესის გამოშვება გაიზარდა გასულ წელს 1 მილიარდი ლარით, აგროსასურსათო პროდუქციის ექსპორტის მოცულობამ შეადგინა 1,7 მილიარდი დოლარი, რაც რეკორდული მაჩვენებელია სკოლამდელი და ზოგადი განათლების ბიუჯეტი გაიზარდა 419 მილიონი ლარით, 30-30 მილიონი ლარით გაიზარდა უმაღლესი და პროფესიული განათლების ბიუჯეტი, რაც უზრუნველყოფს შესაბამისი პროგრამების გაფართოებას და განათლების ხარისხის შემდგომ გაუმჯობესებას 2 120 ჰა ფართობზე განხორციელდა ტყის აღდგენა-განაშენიანების ღონისძიებები, უმკაცრესი ზომები იქნება მიღებული ტყის უკანონო ჭრის წინააღმდეგ, ტყე არის ერთ-ერთი მნიშვნელოვანი სიმდიდრე, რომელიც აქვს ჩვენს ქვეყანას ადამიანებზე ზრუნვა არ იყო წინა ხელისუფლების პრიორიტეტი, ჩვენი ხელისუფლების პირობებში 4-ჯერ და მეტად არის გაზრდილი დანახარჯები ჯანდაცვის სფეროში, მოსახლეობის ჯიბიდან გადახდები 2012 წლის შემდეგ 73%-დან 41%-მდე შემცირდა, გრძელდება ყველა წარმატებული ჯანდაცვის პროგრამის განხორციელება 70 წლამდე ასაკის პენსიონერებისათვის პენსია გახდა 350 ლარი, 70 წელს გადაცილებული პენსიონერებისთვის 450 ლარი, 76-დან 95 მილიონამდე გაიზარდა სოციალური რეაბილიტაციისა და ბავშვზე ზრუნვის სახელმწიფო პროგრამის ბიუჯეტი, 2024 წელს 2022 დევნილი ოჯახი დაკმაყოფილდა საცხოვრებელი ფართებით დასრულდა 71 საბავშვო ბაღის და 110 სკოლის მშენებლობა-რეაბილიტაცია, მიმდინარეობს 243 საბავშვო ბაღის და 296 სკოლის მშენებლობა-რეაბილიტაცია, აშენდა ერთი და მიმდინარეობს 4 ახალი პროფსასწავლებლის მშენებლობა 27 მილიონიდან 49 მილიონ ლარამდე გაიზარდა კულტურის სფეროს დაფინანსება, დაფინანსდა 470 სხვადასხვა პროექტი, ჩატარდა 194 გამოფენა და კულტურული ღონისძიება, განხორციელდა 70 კულტურული მემკვიდრეობის ძეგლის რეაბილიტაცია პოლიციისთვის შევიძინეთ 143 ახალი ავტოსატრანსპორტო საშუალება, საგანგებო სიტუაციების მართვის სამსახურისთვის კი - 69 მაღალი გამავლობის ავტომანქანა, ვზრუნავთ პოლიციელების სოციალური პირობების გაუმჯობესებაზე, ამ ნაწილში ერთ-ერთი მნიშვნელოვანი პროექტი იყო 1 100-ბინიანი პოლიციის ქალაქის მშენებლობა თბილისში 70 ათას მაყურებელზე გათვლილი ახალი სტადიონის პროექტზე მუშაობა მიმდინარეობს, სამშენებლო სამუშაოები სექტემბერში დაიწყება საჯარო მოხელეთა ხელფასების ზრდა პრიორიტეტია - წელსაც უზრუნველყოფილ იქნა საჯარო მოხელეებისათვის ხელფასების 10%-ით მატება ჩვენი ერთ-ერთი უმნიშვნელოვანესი ამოცანაა ქვეყნის მასშტაბით მულტიფუნქციური სპორტული ინფრასტრუქტურის განვითარება, მზად ვართ, სასკოლო და არასასკოლო ინფრასტრუქტურა დავუთმოთ ინვესტორებს 20-წლიანი ვადით, საიდანაც 10 წლის განმავლობაში სიმბოლურ ფასს გადაიხდიან, გვინდა, მაქსიმალურად წავახალისოთ ინვესტორების მიერ სპორტული ინფრასტრუქტურის განვითარება ქართული ჯარი  ჩვენი განსაკუთრებული სიამაყეა, ჩვენი სახელმწიფოებრიობის, ჩვენი სახელმწიფოს ერთ-ერთი უმთავრესი სიმბოლო, ყველაფერს გავაკეთებთ, რომ მაქსიმალურად გაგრძელდეს ზრუნვა ჯარის განვითარებაზე და თითოეული ჯარისკაცის სოციალური პირობების გაუმჯობესებაზე საქართველოს მთავრობის თითოეული ნაბიჯი ემსახურებოდა ჩვენი ქვეყნის ეროვნული ინტერესების დაცვას, ჩვენს ქვეყანაში მშვიდობისა და სტაბილურობის უზრუნველყოფას, რის გარეშეც აზრი არ აქვს არც ეკონომიკის განვითარებას, არც ჯანდაცვის მიმართულებაზე, არც კულტურასა და სპორტზე ზრუნვას ყველაფერს გავაკეთებთ იმისთვის, რომ ხელი შევუწყოთ ნდობის აღდგენას, განვახორციელებთ სამშვიდობო ინიციატივებს, ეს არის ჩვენი ერთ-ერთი უმთავრესი პრიორიტეტი აშშ-სთან ურთიერთობა არის ჩვენთვის ძალიან მნიშვნელოვანი პრიორიტეტი, მზად ვართ, აღვადგინოთ სტრატეგიული პარტნიორობა კონკრეტული გზამკვლევით, სადაც ასახული იქნება სარგებელი ორივე ქვეყნისთვის, ველოდებით შემხვედრ ნაბიჯებს ჩვენი ამოცანაა პოლიტიკური და სავაჭრო-ეკონომიკური კავშირების მაქსიმალურად  გაღრმავება ჩინეთთან, ყველაფერს გავაკეთებთ,  რომ სტრატეგიული პარტნიორობის შეთანხმება  კონკრეტულ შედეგებში აისახოს მომავალშიც  ნარკოტიკებთან ბრძოლა ჩვენი ერთ-ერთი უმთავრესი პრიორიტეტია, შეურიგებელი ვიქნებით ნარკორეალიზატორების მიმართ, არ შეიძლება, ვინმემ არალეგალური ან ლეგალური ფორმით განახორციელოს ნარკოტიკების რეალიზაცია ჩვენს ქვეყანაში და სწორედ ამიტომ სახელმწიფო უზრუნველყოფს ფსიქოტროპული პრეპარატების იმპორტს და განახორციელებს ჩანაცვლებით პროგრამას გვაქვს ამბიციური მიზანი, რომ საქართველო შევიდეს მსოფლიო სამეულში კორუფციის სიმცირის თვალსაზრისით, ამისთვის კონკრეტული ნაბიჯები გადაიდგა - ქვეყნდება მთავრობის ყველა აქტი, ხელმისაწვდომია საჯარო მოხელეთა დეკლარაციები, ჩვენ უარი ვთქვით მთავრობის მხრიდან უძრავი ქონების პირდაპირი მიყიდვის პრაქტიკაზე ძალადობრივი ჯგუფები დაუპირისპირდნენ სახელმწიფოებრივ ინტერესებს, სუვერენიტეტს და ეს ყველაფერი განხორციელდა გარე ჩარევის საფუძველზე - მადლობა ყველა ძალოვან სტრუქტურას, რომელმაც წარმატებით უზრუნველყო ამ თავდასხმის აღკვეთა მინდა, კიდევ ერთხელ მადლობა გადავუხადო ბატონ ბიძინა ივანიშვილს, მშვიდობისა და სტაბილურობის შენარჩუნება, ეკონომიკისა და სხვადასხვა დარგის განვითარება, ყველა ეს მიღწევა არის პირადად ბატონი ბიძინა ივანიშვილის დამსახურება, რომელმაც 2012 წელს რადიკალურად შეცვალა ხელისუფლების მიდგომა საკუთარი ქვეყნისა და ხალხის მიმართ მთავარი მადლობა ეკუთვნის ქართველ ხალხს, რომ არა ქართველი ხალხი, მისი სიბრძნე, მხარდაჭერა, ვერცერთი შედეგი ვერ იქნებოდა მიღწეული, ქართველი ხალხის დამსახურებაა, რომ ქვეყანას აქვს მშვიდობა და აგრძელებს სტაბილურ განვითარებას მხოლოდ ენერგეტიკისა და რკინიგზის სახელმწიფო საწარმოებში ოპტიმიზაციის ხარჯზე ჩვენ მოვახერხეთ 60 მლნ ლარზე მეტის დაზოგვა წლიურ ჭრილში, რასაც კონკრეტული პროექტების განხორციელებისკენ მივმართავთ, ოპტიმიზაციის რესურსი კიდევ არსებობს და ამ მიმართულებით მუშაობა გაგრძელდება ვიღაცებმა, არასწორმა ადამიანებმა, უცხოელებმა, ქართველებმა მიიჩნიეს, რომ გარე რყევების საფუძველზე სახელმწიფო იყო დასუსტებული და შეიძლებოდა დაპირისპირებოდნენ,  დღეს გვაქვს სრულიად ახალი რეალობა,  არასდროს დავუშვებთ თვითნებობას და ძალადობას სახელმწიფოს წინააღმდეგ აქტიურად ვმუშაობთ, რომ მაქსიმალურად დაიხვეწოს საჯარო შესყიდვების და ინფრასტრუქტურული სამუშაოების ხარჯეფექტიანობის, ხარისხის ზედამხედველობის პრაქტიკა, გავაძლიერეთ მთავრობის ადმინისტრაციაში ეფექტიანობის დეპარტამენტი, ყველა უწყება იქნება ჩართული, რომ მაქსიმალურად დავაზღვიოთ კორუფციის რისკებისგან ჩვენი სახელმწიფო

„მზის ენერგია საქართველოს ელექტროენერგიის სისტემაში" - თიბისი კაპიტალმ...

კონფერენციაზე სპეციალურ სტუმრად მოწვეული იყო სპიკერი სომხეთიდან - ჰაკობ ხოცანიანი, რომელიც კომპანია Shtigen Ventures-ს წარმოადგენს და მზის ენერგიის მიმართულებით მნიშვნელოვანი გამოცდილება გააჩნია.თიბისი კაპიტალის კვლევის მიხედვით, მსოფლიოში ბოლო ათი წლის განმავლობაში მზის ენერგიის დადგმული სიმძლავრეები მნიშვნელოვნად გაიზარდა და გლობალურად მზის ენერგიის წილმა განახლებადი ენერგიის წყაროებში 42% შეადგინა. სიმძლავრეების მნიშვნელოვანი ზრდა ტექნოლოგიებზე ფასის შემცირებამ გამოიწვია - 2010 წელთან შედარებით მზის პანელების საშუალო ფასი გლობალურად 89%-ით არის შემცირებული.მზის სადგურებზე მოთხოვნა იზრდება საქართველოშიც, რაც სიმძლავრის აუქციონებსა და პირდაპირ მოლაპარაკებებში კერძო სექტორის აქტიურობით დასტურდება. კვლევა საქართველოში მზის ენერგიის პოტენციალსაც მიმოიხილავს და მიუთითებს, რომ მზის სადგურებისთვის ოპტიმალური ლოკაცია სამცხე-ჯავახეთი, ქვემო ქართლი და შიდა ქართლია.თიბისი კაპიტალის გუნდის წევრებმა კონფერენციაზე ის ფაქტორებიც განიხილეს, რომელთა გათვალისწინება მზის ენერგიაში ინვესტირებამდეა აუცილებელი.ღონისძიების ფარგლებში გაიმართა პანელური დისკუსიაც, რომელშიც მონაწილეობდნენ თიბისის, სახელმწიფო და კერძო სექტორის წარმომადგენლები.მზის ენერგიის შესახებ კონფერენციას კერძო და საჯარო სექტორის წარმომადგენლები, ასევე, დაინტერესებული ინვესტორები ესწრებოდნენ.