26 მაისი საქართველოს დამოუკიდებლობის დღეა!

50-მდე მონაწილე ქართული კომპანია ორი დღის განმავლობაში ასობით პოტენციურ პარტნიორს, საშუალო და მსხვილი ბიზნესის წარმომადგენელს შეხვდა და მათ საკუთარი პროდუქტი თუ მომსახურება გააცნო. კონფერენცია მნიშვნელოვანი პლატფორმა აღმოჩნდა მათთვის, ვისაც უზბეკეთის მზარდ ბაზარზე პოზიციონირება აქვს დაგეგმილი.უზბეკეთის მრავალმილიონიანი ბაზარი საერთაშორისო ინვესტორებისთვის ახლახან გაიხსნა, როდესაც ქვეყანაში რიგი საკანონმდებლო ცვლილებები გატარდა. განსაკუთრებით გაიზარდა ციფრულ პროდუქტებზე მოთხოვნა. ეს შესაძლებლობა კარგად დაინახა პროფესიონალთა გუნდმა, რომელსაც საქართველოში 8-წლიანი გამოცდილება აქვს და გამოფენაზე ორი კომპანიით იყო წარმოდგენილი.„ორივე კომპანია: ,,ელექტრაფეი’’ – საგადახდო სერვისების პროვაიდერი და ,,კოინმანია’’ – ვირტუალური აქტივის მომსახურების პროვაიდერი (VASP) ლიცენზირებულია საქართველოს ეროვნული ბანკის მიერ. დაინტერესებულ პირებს გავაცანით ორი პროდუქტი: კრიპტოსაფულე და კრიპტოს კონვერტაციით გადახდის სერვისი. მომხმარებელი ირჩევს მისთვის სასურველს ვირტუალურ აქტივს, ხოლო ბიზნესი იღებს თანხას ეროვნულ ვალუტაში. მიუხედავად იმისა, რომ კრიპტოსერვისები კომპლექსური დარგია, ჩვენი სერვისები სიმარტივითა და მოქნილობით გამოირჩევა. ჩვენი პროდუქტი მორგებულია როგორც ბიზნესის, ისე - ფიზიკური პირების ინტერესებსა და ტექნოლოგიურ საჭიროებებს. ვფიქრობთ, უზბეკეთის ბაზარზე კონკურენტუნარიანი ვიქნებით“, - თათული ქოჩაკიძე.ბიზნესკონფერენცია საინტერესო და ერთგვარი მოტივატორი აღმოჩნდა კომპანია „ვეზირისთვის“, რომელიც ქართულ ბაზარზე 30 წელია ოპერირებს ტელეკომუნიკაციის, IT და უსაფრთხოების მიმართულებით.„გამოფენაზე წარმოდგენილები ვართ პარტნიორ ამერიკულ კომპანიასთან ერთად. გვქონდა შეხვედრები რამდენიმე მსხვილი ბანკის წარმომადგენელთან. ‘’ვეზირი’’ ეხმარება კომპანიებს უსაფრთხოების სისტემების დანერგვაში, როგორიცაა ვიდეომეთვალყურეობა, დაშვების კონტროლი, სახის ამოცნობა, ხანძრის სისტემები. საქართველოში რამდენიმე სავაჭრო ცენტრის უსაფრთხოება ჩვენ მიერ არის უზრუნველყოფილი. ამჟამად, თიბისის სათავო ოფისზე ვმუშაობთ. უზბეკეთმა ახლახან დაამტკიცა AI განვითარების სტრატეგია და გვინდა ხელოვნური ინტელექტის პროდუქტების პოპულარიზაცია მოვახდინოთ“, - დავით ანთაძე.ღონისძიების ერთ-ერთი მონაწილე, „კონსიერჟ თბილისი“ პრემიალურ სეგმენტს ყველა „დახურული კარის“ გაღებას ჰპირდება.„ჩვენ ვქმნით გამოცდილებას და შთაბეჭდილებებს. თითოეულ მომხმარებელს მასზე მორგებულ თავგადასავალს  და აღმოჩენებს ვპირდებით. მას შეუძლია მოხვდეს დახურულ  ელიტურ წვეულებაზე, ან სურვილის შემთხვევაში, ყველაზე უკაცრიელ ადგილას. სპეციალურად ბაზარზე შემოვიყვანეთ ღამის კონსიერჟი. ჩვენ შერეულ სეგმენტზე ვმუშაობთ. უზბეკეთის ბაზარი იმითაც გამოირჩევა, რომ არ უყვართ ბევრი ფიქრი გადაწყვეტილების მიღების დროს, ძალიან მალე უნდათ კონკრეტული პროდუქტი. ჩვენ კი დიდი გამოცდილებით და ცოდნით შემოვდივართ აზიურ ბაზარზე“, - ნინო სხირტლაძე.კვლევა და კვლევაზე დაფუძნებული გადაწყვეტილებები ბიზნესში წარმატების მნიშვნელოვანი პირობაა. სწორედ ამიტომ ეწვია ტაშკენტს „ანოვას“ გუნდი.“ჩვენ ვეხმარებით ბიზნესის განვითარებას იმ კუთხით, რომ მათ ისეთ ინფორმაციას ვაწვდით, რაც გადაწყვეტილების მიღებისთვის სჭირდებათ. „ანოვას“ პროდუქტით მსხვილი ბიზნესი ინტერესდება და მრავალპროფილურ კვლევას ვატარებთ. თავს ვიწონებთ და ნამდვილად გვაქვს ამბიცია, რომ ჩვენი ექსპერტიზითა და გამოცდილებით ბიზნესებს ღირებულ პროდუქტს ვთავაზობთ. უზბეკური ბაზარი არის ახალი გახსნილი და ბევრი თავისუფალი ნიშაა.სადაც ბიზნესი ვითარდება, იქ კვლევისა და კონსულტაციის საჭიროება ჩნდება. შესაბამისად, ჩვენი მომსახურებაც აქტუალური ხდება“, - ხათუნა მაღლაკელიძე.

1761037873

პროექტის ჯამური ღირებულება $28 მლნ-ია, საქართველოს ბანკის მიერ განხორციელებული ფინანსური ინვესტიცია კი $16.4 მლნ-ს შეადგენს. პროექტის ფარგლებში ლისზე, 4,558 კვ.მ ფართობზე მულტიფუნქციური საცხოვრებელი კომპლექსის მშენებლობა მიმდინარეობს, რომელიც ბიზნეს ცენტრსა და საცხოვრებელ სივრცეებს გააერთიანებს.„ქრონომეტრი დეველოპერული კომპანიაა, რომელსაც ზურგს უმაგრებს ჯგუფში შემავალი სამშენებლო კომპანია „დაგი“. არაერთი უკვე განხორციელებული დეველოპერული პროექტის შემდეგ, დღეს, ახლებური ხედვით და ახალი ბრენდით - ქრონომეტრით შემოვდივართ დეველოპერულ ბაზარზე. მთელი ქვეყნის მასშტაბით „დაგის“ 20 წლის განმავლობაში 600-ზე მეტი კომერციული თუ ინფრასტრუქტურული პროექტი აქვს განხორციელებული. სწორედ ამ ცოდნით, გამოცდილებით და თანამედროვე სტანდარტების სრული დაცვით ვახორციელებთ ახალ ბიზნესკლასის მულტიფუნქციური პროექტს ლისზე. მომხმარებლებს ვთავაზობთ მოქნილ და დინამიკურ საცხოვრებელ და სამუშაო სივრცეებს. ჩვენს ჯგუფში შემავალ კომპანიებს საქართველოს ბანკთან მრავალწლიანი თანამშრომლობა აკავშირებს. მოხარულები ვართ, რომ ეს პარტნიორობა გრძელდება და საქართველოს ბანკი ჩვენი ბიზნესის დეველოპერული მიმართულებით განვითარებასა და გაძლიერებაში აქტიურად გვიწყობს ხელს. დღეს გაფორმებული მემორანდუმიც ამის დასტურია. ვიმედოვნებ, რომ სამომავლოდ კიდევ არაერთ პროექტს განვახორციელებთ ერთობლივად“, - განაცხადა ქრონომეტრის დირექტორმა, დავით გულორდავამ.„საქართველოს ბანკსა და „დაგი ჯგუფს“ შორის მრავალწლიანი თანამშრომლობა ნდობასა და საერთო ხედვაზეა დაფუძნებული. „ქრონომეტრთან“ დღეს გაფორმებული მემორანდუმი ამ პარტნიორობის ახალ ეტაპს წარმოადგენს. აღნიშნული ინიციატივა მნიშვნელოვანია არა მხოლოდ ბიზნესისთვის, არამედ მომხმარებლებისთვისაც, რადგან მათ ეძლევათ შესაძლებლობა მარტივად და ხელსაყრელი პირობებით შეიძინონ საცხოვრებელი თანამედროვე, მულტიფუნქციურ კომპლექსში. საქართველოს ბანკი რჩება ბიზნესისთვის საიმედო პარტნიორად და აქტიურად აგრძელებს ისეთი პროექტების მხარდაჭერას, რომლებიც მომხმარებლებისთვის ახალ შესაძლებლობებს ქმნის“, - განაცხადა ერეკლე ვაშაყმაძემ, საქართველოს ბანკის კორპორაციული საბანკო მომსახურების დეპარტამენტის დირექტორის მოადგილემ.

1761037325

სომხური მედიის ცნობით, მძღოლები არ აპირებენ უცხოური სატვირთოების გატარებას აღნიშნულ მარშრუტებზე, ვიდრე არ გადაწყდება რუსეთის ტერიტორიაზე მათი დაშვების პრობლემა.ორშაბათს მათ საპროტესტო აქცია გამართეს, თუმცა დასმულ კითხვებზე პასუხი ვერც მთავრობისგან მიიღეს, ვერც საგარეო სამინისტროსგან და ვერც რუსეთის საელჩოდან სომხეთში. სწორედ ამის შემდეგ მიიღეს მძღოლებმა გზების გადაკეტვის გადაწყვეტილება. 

1761034396

სამართალდამრღვევ მოქალაქეს, 3 შეფუთვად დაფასოებული ნარკოტიკული საშუალება სხეულზე მალულად ჰქონდა განთავსებული.საქმის მასალები შემდგომი რეაგირების მიზნით, საქართველოს შინაგან საქმეთა სამინისტროს გადაეცა.

1761033220

საფოსტო და საკურიერო საქმიანობით დაკავებული საწარმოების შემოსავლების 80.2% ამანათების მიწოდებიდან არის მიღებული, რომლის 72.6% საერთაშორისო გზავნილებზე მოდიოდა, 27.4% კი – ადგილობრივ გზავნილებზე.ამასთან, საფოსტო და საკურიერო საქმიანობით დაკავებული საწარმოების შემოსავლების 11.7% წერილობით კორესპოდენციებზე მოდიოდა, რომლის 44% საერთაშორისო იყო, ხოლო 56% – ადგილობრივი.

1761033161

ორგანიზაციის მოწოდებები ცესკოს მიმართ, რბილად რომ ვთქვათ, მის კომპეტენციას აყენებს კითხვის ნიშნის ქვეშ. ვინაიდან წარმოუდგენელია, ორგანიზაციამ, რომელიც როგორც მინიმუმ გასული წლის საპარლამენტო არჩევნებს აკვირდებოდა საქართველოში, არ იცოდეს, რომ არჩევნებზე დამკვირვებელთა რეგისტრაციის კრიტერიუმები და მათი უფლებები საჯაროა და განთავსებულია ცესკოს ოფიციალურ ვებგვერდზე. იგივე შეიძლება ითქვას იმ ხარჯებთან მიმართებაში, რომელიც ცესკოს მიერ მოწვეულ საზღვარგარეთის საარჩევნო ადმინისტრაციების წარმომადგენელთა ვიზიტებს უკავშირდება. აქ საგულისხმოა ის ფაქტიც, რომ საარჩევნო ადმინისტრაცია არჩევნებზე დაკვირვებისა და გამოცდილების გაზიარების მიზნით, როგორც წესი, იწვევს მხოლოდ მის კოლეგებს საზღვარგარეთიდან და არა საერთაშორისო სადამკვირვებლო ორგანიზაციებს. ამ პრაქტიკის შესაბამისად მონაწილეობს საქართველოს ცესკოც მსგავსი ტიპის არაერთ მისიაში - ეს ფაქტიც კომპეტენტურმა სადამკვირვებლო ორგანიზაციამ უნდა იცოდეს.გაუგებარია, რა მიზანს ემსახურება EPDE-ს კიდევ ერთი მოწოდება საქართველოს საარჩევნო ადმინისტრაციისადმი, სადაც ის ითხოვს რომ ცესკომ „რეკომენდაცია გაუწიოს საარჩევნო ადმინისტრაციის წარმომადგენლებს, თავი შეიკავონ სტანდარტებზე დაფუძნებული მისიის გარეშე განხორციელებული საჯარო თვისებრივი შეფასებებისგან“.  გვინდა შევახსენოთ EPDE-ის წარმომადგენლებს, რომ საარჩევნო პროცესზე დაკვირვებისთვის სხვა ქვეყნების საარჩევნო ადმინისტრაციების მოწვევა არა მხოლოდ ქართული, არამედ საერთაშორისო კარგი პრაქტიკაა. თუმცა, მაგალითად  გასულ წელს,  მაშინ, როცა EPDE თავად აკვირდებოდა საარჩევნო პროცესს, აღნიშნული ფაქტი არ გაუპროტესტებია და არც რაიმე ტიპის დარღვევად ჩაუთვლია. აქედან გამომდინარე, გაუგებარია რატომ იქცა პრობლემად დღეს ის, რაც გასულ წლებში არ მიიჩნეოდა ასეთად. უფრო მეტიც, EPDE-ს ე.წ. „ფეიქ დამკვირვებელთა“ სიაში მოხვდნენ ჩვენი კოლეგები საზღვარგარეთიდან, რომლებსაც მისიის ფარგლებში საერთოდ არ გაუკეთებიათ რაიმე ტიპის შეფასება, ნაწილმა კი მხოლოდ პროფესიული კუთხით, ტექნიკურ ნაწილში შეაფასა პროცესი. ამდენად გაუგებარია, რომელი სტანდარტით ხელმძღვანელობს EPDE, როცა ჩვენ კოლეგებს სხვადასხვა ქვეყნებიდან „ფეიქ დამკვირვებლებად“ მოიხსენიებს, თუნდაც მხოლოდ მათი ქვეყანაში ყოფნის ფაქტის გამო.ცესკოს მიმართ EPDE-ს კიდევ ერთი მოწოდებაა ,,შეუერთდეს დაინტერესებულ მხარეებს დროული და სრულმასშტაბიანი ODIHR-ის მოწვევების წასახალისებლად და მომავალ საარჩევნო ციკლში ძლიერი ადგილობრივი სადამკვირვებლო ორგანიზაციების სადამკვირვებლო პროცესის ხელშესაწყობად“. კომპეტენტურმა სადამკვირვებლო ორგანიზაციამ უნდა იცოდეს, რომ  საარჩევნო პროცესზე დაკვირვების მიზნით ოდირის მოწვევა სცილდება საარჩევნო ადმინისტრაციის კომპეტენციას. ამის მიუხედავად, საარჩევნო ადმინისტრაციამ არაერთხელ გამოთქვა მზადყოფნა ეთანამშრომლა მისიასთან. აქვე გვინდა შევახსენოთ EPDE-ს წარმომადგენლებს, რომ ქართული არჩევნების ისტორიაში ყოფილა პრაქტიკა (2008 წ.), როცა ეუთო/ოდირს სადამკვირვებლო მისიამ ქვეყანაში ჩამოსვლა და საარჩევნო პროცესზე დაკვირვება დაახლოებით იმ ვადებში შეძლო, რა ვადაც მათ 4 ოქტომბრის არჩევნებზე ჰქონდათ მისიის ფორმირებისთვის.ამასთან, საქართველოს საარჩევნო ადმინისტრაცია განსხვავებით თავად EPDE-სგან, არ ახდენს სადამკვირვებლო ორგანიზაციების სეგრეგაციას რაიმე ნიშნით. ამ კონტექსტში უნდა აღინიშნოს, რომ გაუგებარია, რატომ მიიჩნევს EPDE „ძლიერ“ სადამკვირვებლო ორგანიზაციად მაგალითად ISFED-ს, რომელმაც როგორც ყველასთვის ცნობილია 2020 წლის საპარლამენტო არჩევნებზე პარალელური დათვლის არასწორი შედეგი გამოაქვეყნა, ხოლო 2024 წელს, როცა ნათელი გახდა, რომ მისი მონაცემი ოფიციალურ მონაცემებთან თანხვედრაში იყო, საერთოდ არ გამოაქვეყნა ის. ისმის კითხვა - იმიტომ ხომ არ არის ISFED მათთვის უპირობოდ სანდო, რომ ის EPDE-ს წევრია. საინტერესოა, რომელ საერთაშორისო სადამკვირვებლო სტანდარტს აკმაყოფილებს პარალელური დათვლის შედეგებით მანიპულირება, ისევე როგორც საინტერესოა დასახელებულ ფაქტებთან დაკავშირებით ჰქონდა თუ არა წუხილი EPDE-ს და გამოხატა თუ არა ეს რაიმე საჯარო ფორმით.კატეგორიულად ვაცხადებთ, რომ საარჩევნო ადმინისტრაცია სადამკვირვებლო ორგანიზაციების რეგისტრაციას ახორციელებს კანონის დაცვით და 4 ოქტომბრის არჩევნებზე ყველა მსურველს, ვინც კანონით დადგენილ კრიტერიუმებს აკმაყოფილებდა, ჰქონდა საშუალება დაკვირვებოდა საარჩევნო პროცესს. შესაბამისად მივიჩნევთ, რომ ამ საკითხით მანიპულირება და სადამკვირვებლო ორგანიზაციების სხვადასხვა ნიშნით დაყოფა, მათ შორის მათი „ფეიქ დამკვირვებლებად“ მოხსენიება, პროცესის მიზანმიმართულ დაზიანებას ისახავს მიზნად.შევახსენებთ EPDE-ს, რომ 4 ოქტომბრის არჩევნები ჩატარდა მაღალპროფესიულ დონეზე და მას აკვირდებოდა როგორც ადგილობრივი, ისე საერთაშორისო სადამკვირვებლო ორგანიზაციები. რაც ყველაზე მნიშვნელოვანია არჩევნების შედეგები აღიარეს მასში მონაწილე პოლიტიკურმა პარტიებმა.საქართველოს ცენტრალური საარჩევნო კომისია კიდევ ერთხელ მოუწოდებს EPDE-ს — იმოქმედოს საკუთარი სახელწოდებისა და დეკლარირებული ღირებულებების შესაბამისად: უზრუნველყოს ობიექტურობა, მიუკერძოებლობა და პატივი სცეს სახელმწიფოთა სუვერენულ ინსტიტუციებს.აღვნიშნავთ, რომ EPDE-ს განცხადებები ვერ ჩაითვლება სანდოდ და აღიქმება როგორც საარჩევნო პროცესის მიზანმიმართული დაზიანების მცდელობა, რათა გადაიფაროს წარმატებით ჩატარებული არჩევნები და შეარყიოს საზოგადოების ნდობა საქართველოს საარჩევნო ადმინისტრაციისა და არჩევნების ლეგიტიმურობის მიმართ. (R)

1761029193

პროექტი ლადო ასათიანის ოჯახისა და ცაგერის ისტორიული მუზეუმის ინიციატივით განხორციელდა. სახლ-მუზეუმის განახლებული კონცეფციის ავტორია აკა მორჩილაძე. პროექტის კურატორია მარიამ კაკაბაძე.ლადო ასათიანის სახლ-მუზეუმი სოფ. ბარდნალაში დაარსდა 1971 წელს და უკვე ნახევარ საუკუნეზე მეტია რაც ლეჩხუმის ერთ-ერთ მნიშვნელოვან კულტურულ ცენტრს წარმოადგენს. სწორედ აქ გაატარა პოეტმა ბავშვობა და სიყმაწვილე - გარემოში, რომელმაც დიდი კვალი დატოვა მის შემოქმედებაში.მუზეუმის განახლებული ექსპოზიცია მიზნად ისახავს პოეტის პიროვნებისა და შემოქმედების ავთენტურ, ცენზურისგან თავისუფალ წარმოდგენას. ახალი კონცეფცია აქცენტს აკეთებს ასათიანის ოჯახის ისტორიაზე, საბჭოთა ეპოქის რეალობასა და იმ პირად ტრაგიზმზე, რომელიც პოეტის ცხოვრებას თან სდევდა.განახლებული მუზეუმი ერთდროულად წარმოგვიდგენს, როგორც ლადო ასათიანის შემოქმედებით სამყაროს, ასევე იმ გარემოს, რომელშიც ის ცხოვრობდა, დასავლურ-ქართული  ყოფის, შინაური ატმოსფეროსა და ლეჩხუმური კულტურის ელემენტებით.ახალი ექსპოზიცია მოიცავს ფოტოებს, დოკუმენტებს, საარქივო მასალას, წიგნებსა და  პირად ნივთებს, რომელიც პოეტის ცხოვრების სხვადასხვა პერიოდს ასახავს.პროექტის მიზანია ლადო ასათიანის სახლ-მუზეუმი იქცეს არა მხოლოდ მემორიალურ ადგილად, არამედ ცოცხალ კულტურულ სივრცედ, რომელიც აერთიანებს წარსულსა და თანამედროვეობას.თიბისი, როგორც კულტურის ერთგული მხარდამჭერი, განსაკუთრებულ მნიშვნელობას ანიჭებს საქართველოს კულტურული ფასეულობების დაცვასა და მათ თანამედროვე კულტურულ ცხოვრებაში ინტეგრაციას, რისი ნათელი გამოხატულებაც არის ლადო ასათიანის სახლ-მუზეუმის განახლების მხარდაჭერა. პროექტი აერთიანებს წარსულსა და თანამედროვეობას, ინარჩუნებს ისტორიულ მეხსიერებას და ახალ სიცოცხლეს სძენს ქვეყნის კულტურულ გარემოს.

1761027697

აგვისტოში ბანკის კლიენტების მიმდინარე ანგარიშებზე, ვადიან და მოთხოვნამდე ანაბრებზე ვალუტის წილი გაიზარდა, 1.018 მლრდ ლარამდე (ეკვივალენტი). ივლისის ბოლოს უცხოურ ვალუტაში 1.003 ლარის ეკვივალენტი იყო. სექტემბრის მდგომარეობით, ანაბრების პორტფელის დოლარიზაციის კოეფიციენტი 81.2%-ია.ქართუს მაღალი დოლარიზაციის შესაბამისად სებ-ში ყველაზე მეტის დარეზერვება უწევს. უცხ. ვალუტაში მოზიდულ სახსრებზე სარეზერვო მოთხოვნა ლარიზაციის ჩარჩოზეა მორგებული. ამ ჩარჩოშია კაპიტალის მოთხოვნაც, საკრედიტო პორტფელის დოლარიზაციის მიხედვით (არაჰეჯირებული სავალუტო საკრედიტო რისკის ბუფერი). რაც მეტია, მით მეტი მოეთხოვება.40%-მდე, რისკი წონა 40%-ს უტოლდება. ყოველ დამატებით 1%პ.პ.-ზე კი 3%-ით მეტი.ქართუს სესხების დოლარიზაცია 57%-ია.ბანკის დაკრედიტება წლიურად 9%-ით გაზრდილია. მოგება 7%-ით.ქართუს 8 თვის წმინდა მოგება 28.7 მილიონი ლარია (01.09.2024 - 26.8 მლნ; +7%Y.Y). S&P -მა სექტემბრის ბოლოს ბანკს რეიტინგი გაუუმჯობესა.

1760970180