პრემიერ-მინისტრმა აღიარა, რომ წარსულში თავადაც იყო იმ იდეოლოგიის ერთგული, რომლითაც ქვეყანა 30 წლის განმავლობაში იკვებებოდა, თუმცა რეალობის დანახვის შემდეგ გააცნობიერა, რომ „ყარაბაღის მოძრაობის“ გაგრძელება მახე და ცდუნება იყო. მისი თქმით, ამ გზის გაგრძელება ქვეყანას ახალ ომებს, მსხვერპლსა და სახელმწიფოებრიობის დაკარგვას მოუტანდა.„სრული გულწრფელობით ვთქვი, რომ ჩვენ არ გვაქვს უფლება, ეს კონფლიქტი, ეს სისხლმდინარე ჭრილობა მომავალ თაობებს გადავცეთ. ჩვენ ჩვენს შვილებს მშვიდობა უნდა დავუტოვოთ. დიახ, ეს მე გამოვიჩინე სიმამაცე და ვუთხარი ხალხს, რომ ჩვენ არასწორი გზით მივდივართ. ამის წყალობით, ჩვენ ახლა უფრო მეტად სახელმწიფო ვართ, ვიდრე ოდესმე; უფრო დამოუკიდებლები ვართ, უფრო უსაფრთხო გარემოში და უფრო კეთილდღეობაში, ვიდრე ოდესმე“, - აღნიშნა ნიკოლ ფაშინიანმა.მთავრობის მეთაურმა ხაზგასმით აღნიშნა, რომ დღეისათვის სომხეთში მშვიდობაა დამყარებული და უკვე ორი წელია, რაც ქვეყნის საზღვრებზე მსხვერპლი და დაჭრილები არ ყოფილან, რაც დაღუპულთა ხსოვნისადმი უდიდესი პატივისცემაა.„ჩვენ გავათავისუფლეთ, მე გავათავისუფლე სომხეთის რესპუბლიკა. და მე ამას მივიჩნევ ჩემს უდიდეს სამსახურად, რომელიც ქვეყანას გავუწიე“, - განაცხადა ნიკოლ ფაშინიანმა გამოსვლის დასასრულს.სომხეთში საპარლამენტო არჩევნები 2026 წლის 7 ივნისს გაიმართება.

1780491254

აშშ-ის სავაჭრო წარმომადგენლობის (USTR) ოფისის მიერ მომზადებული 92-გვერდიანი ანგარიშის მიხედვით, ინდოეთი და ევროკავშირი მსოფლიოს იმ 60 ეკონომიკას შორის არიან, რომლებმაც იძულებითი შრომით წარმოებული პროდუქციის იმპორტის აკრძალვა ან მისი ეფექტური აღსრულება ვერ შეძლეს, რაც ვაშინგტონის შეფასებით, არაგონივრული პოლიტიკა და აშშ-ის კომერციისთვის ტვირთია.გამოცემის ინფორმაციით, USTR-მა არაკეთილსინდისიერი სავაჭრო პრაქტიკის გამოძიება (301-ე მუხლის ფარგლებში) მას შემდეგ დაიწყო, რაც თებერვალში აშშ-ის უზენაესმა სასამართლომ ტრამპის ადმინისტრაციის მიერ დაწესებული საგანგებო გლობალური ტარიფები გააუქმა.ახალი გეგმის მიხედვით, ამერიკული მხარე განიხილავს: ინდოეთიდან იმპორტზე: დამატებითი 12.5%-იანი ტარიფის დაწესებას (ქვეყანა მოხვდა იმ 54 ეკონომიკას შორის, რომლებსაც იძულებითი შრომით მიღებული პროდუქციის იმპორტის აკრძალვა საერთოდ არ გააჩნიათ); ევროკავშირიდან, კანადიდან, ეკვადორიდან, ინდონეზიიდან, მექსიკიდან და პაკისტანიდან იმპორტზე: 10%-იანი ტარიფის დაწესებას (აღნიშნულ ქვეყნებს აკრძალვა აქვთ, თუმცა მისი არაეფექტური აღსრულების გამო ისჯებიან). „ჩვენი ყველაზე მნიშვნელოვანი სავაჭრო პარტნიორების მხრიდან იძულებითი შრომით დამზადებული საქონლის იმპორტის პრობლემის მოუგვარებლობა მიუღებელია. ეს ქმნის დინამიკას, სადაც ამერიკელი მუშები იძულებულნი არიან გლობალურად არათანაბარ პირობებში იასპარეზონ“, - განაცხადა აშშ-ის სავაჭრო წარმომადგენელმა ჯეიმსონ გრირმა.ინდოეთის კომერციის სამინისტროში აცხადებენ, რომ შემოთავაზებული ტარიფები საბოლოო არ არის და ვაშინგტონი გადაწყვეტილების მიღებამდე საზოგადოებრივ აზრს გაითვალისწინებს, რისთვისაც კომენტარების მიღება 6 ივლისამდე გაგრძელდება. ნიუ-დელიში მიიჩნევენ, რომ ტარიფები აშშ-ის მხრიდან ზეწოლის ტაქტიკაა, რადგან USTR-ის გამოძიება ეხება არა თავად ინდოეთიდან იძულებითი შრომით ექსპორტირებულ საქონელს, არამედ იმას, ბლოკავს თუ არა ინდოეთი სხვა ქვეყნებიდან (მაგალითად, ჩინეთიდან) მსგავსი პროდუქციის იმპორტს.

1780477436

კომპანიის განცხადებით, Majorana 2-ის ერთ-ერთი მთავარი უპირატესობა ახალი მასალების არქიტექტურაა, რომელმაც კუბიტების – კვანტურ კომპიუტერში ინფორმაციის შენახვის უმცირესი ერთეულის – საიმედოობა წინა თაობის Majorana 1-თან შედარებით 1000-ჯერ გაზარდა.ამის შედეგად, კუბიტის საშუალო სიცოცხლის ხანგრძლივობა 20 წამამდე გაიზარდა, ხოლო ცალკეულ შემთხვევებში მისი ფუნქციონირება ერთ წუთამდეც ნარჩუნდება.„ეს გაუმჯობესება დაახლოებით იმ შემთხვევას ჰგავს, როცა მობილური ტელეფონის ბატარეა, რომელიც ჩვეულებრივ ერთ დღეში იცლება, ერთი დამუხტვით თითქმის სამი წლის განმავლობაში მუშაობდეს“, — აღნიშნულია კომპანიის განცხადებაში.Microsoft იმედოვნებს, რომ ახალი ტექნოლოგიის დახმარებით მასშტაბირებადი კვანტური კომპიუტერის შექმნას 2029 წლისთვის შეძლებს, რაც თავდაპირველ ვადებთან შედარებით ორჯერ უფრო ახლოსაა.კომპანიის წარმომადგენლების თქმით, ასეთი სისტემები მომავალში შესაძლოა გამოყენებულ იქნეს გლობალური ჯანდაცვის, სასურსათო უსაფრთხოების, მდგრადი განვითარების და ენერგეტიკის სფეროებში არსებული რთული ამოცანების გადასაჭრელად.შეგახსენებთ, მანამდე ჩინელმა მეცნიერებმა ხელოვნური ინტელექტისთვის განკუთვნილი ენერგოეფექტური ჩიპი შექმნეს, რომელიც, მათი მტკიცებით, ციფრულ ანალოგებზე 12-ჯერ სწრაფად მუშაობს.

1780476646

გემების გაცილების პროცესი იმ ფონზე მიმდინარეობს, როდესაც ირანთან კონფლიქტის დასასრულებლად წარმოებული მოლაპარაკებები ჩიხშია შესული, რის გამოც სტრატეგიულ საწყლოსნო დერეფანში ნაოსნობა კვლავ მაღალი რისკის ქვეშაა.სამხედრო ოფიციალურმა პირმა, რომელმაც ვინაობის გამჟღავნება ოპერატიული უსაფრთხოების მოტივით არ ისურვა, The New York Times-სთან საუბარში აღნიშნა, რომ დაფიქსირებულ შემთხვევებში გემების უმეტესობას გამორთული ჰქონდათ ტრანსპონდერები (ავტომატური საიდენტიფიკაციო სისტემები), რათა თავიდან აეცილებინათ ირანული მხარის მიერ მათი აღმოჩენა.უსაფრთხოების რისკები და ალტერნატიული მარშრუტიპენტაგონი უარს ამბობს დააზუსტოს გემების ტიპები ან ზუსტი მარშრუტები, თუმცა ანალიტიკოსების შეფასებით, აშშ-ის ძალების მიერ კოორდინირებული გზა ომანის სანაპირო ზოლთან უფრო ახლოს გადის. ოფიციალური პირების განცხადებით, ირანის ნებართვის გარეშე მისი სანაპიროს სიახლოვეს გამავალი გემები თითქმის 100%-იანი ალბათობით დგანან ირანული დრონებისა და რაკეტების თავდასხმის საფრთხის წინაშე.„მიუხედავად იმისა, რომ აშშ-ის ძალები სამხედრო ბადრაგირებას (ესკორტს) არ ახორციელებენ, ჩვენ ვაგრძელებთ კომუნიკაციასა და კოორდინაციას იმ კომერციულ გემებთან, რომელთაც სურთ უსაფრთხოდ გაიარონ ჰორმუზის სრუტე“, - ციტირებს გამოცემა ცენტრალური სარდლობის პრესსპიკერის კაპიტან ტიმ ჰოკინსის განცხადებას.მედიის ცნობით, მიუხედავად იმისა, რომ სამხედრო დახმარების შესახებ საზღვაო წრეებში ცნობილია, ვაშინგტონი ამას საჯაროდ ფართოდ არ აფიშირებს, რათა თავად ეს გემები არ გახდნენ ირანის სამიზნე ამერიკულ ძალებთან თანამშრომლობის გამო.ეკონომიკური გავლენა და გლობალური ენერგობაზარიირანთან მიმდინარე კონფლიქტმა გლობალურ ბაზრებზე ენერგორესურსების მიწოდების მკვეთრი შემცირება გამოიწვია. ომამდე ჰორმუზის სრუტის გავლით მსოფლიო ნავთობის 20% და ბუნებრივი აირის მნიშვნელოვანი წილი გადაიზიდებოდა. მიმდინარე წლის თებერვალში ირანზე აშშ-ის და ისრაელის იერიშებამდე, სრუტეს დღეში 100-ზე მეტი გემი კვეთდა, შესაბამისად, დღეში საშუალოდ 3 გემის გაცილება ნაოსნობის სრულ აღდგენას ვერ უზრუნველყოფს.თუმცა, ანალიტიკოსების შეფასებით, აშშ-ის მიერ შეთავაზებული ალტერნატივა მნიშვნელოვანი შეღავათია იმ გემთმფლობელებისთვის, რომელთა ეკიპაჟებიც კვირების განმავლობაში იყვნენ გაჭედილი სპარსეთის ყურეში, და რომელთაც არ სურთ ირანისთვის ბაჟის გადახდა ან მისგან ნებართვის მიღება.გასულ კვირას გავრცელებული ინფორმაციით, აშშ და ირანი ახლოს იყვნენ შეთანხმებასთან, რომელიც სრუტის გახსნას ითვალისწინებდა, თუმცა ოფიციალური პირების განცხადებით, პრეზიდენტმა დონალდ ტრამპმა ჩარჩო ხელშეკრულების პირობები გაამკაცრა.მაისის დასაწყისში ტრამპმა გამოაცხადა ფართომასშტაბიანი სამხედრო მისია „პროექტი თავისუფლება“, რომელიც მალევე შეწყდა - ნაწილობრივ საუდის არაბეთის მხრიდან წამოსული წინააღმდეგობის გამო.ამავდროულად, აპრილის შუა რიცხვებიდან აშშ ომანის ყურეში ახორციელებს ბლოკადას იმ გემების წინააღმდეგ, რომლებიც ირანის პორტებს სტუმრობდნენ. CENTCOM-ის მონაცემებით, მიმართულება უკვე შეეცვალა 116 გემს, რამაც თითქმის სრულად პარალიზება გაუკეთა ირანის ნავთობის ექსპორტს.მიუხედავად ამისა, თეირანი რეგიონში დიდ გავლენას ინარჩუნებს. საზღვაო მონაცემების კომპანია Kpler-ის სტატისტიკით, 1 მარტიდან 19 მაისამდე დაფიქსირებული 895 გადაკვეთიდან ნახევარზე მეტი კვლავ ირანის მარშრუტით განხორციელდა, რაც იმაზე მიანიშნებს, რომ ბევრი გემთმფლობელი ნაოსნობას უშუალოდ თეირანთან ათანხმებს.

1780297855

ნოემბერში ამერიკელთა თითქმის ნახევარი ამბობდა, რომ ფასები ყველაზე ცუდია მათ მეხსიერებაში. მაისის მონაცემებით, იგივეს კვლავ 53% აცხადებს. ნოემბერში ამერიკელთა 46% მიიჩნევდა, რომ ეკონომიკის მდგომარეობაზე სრული ან უდიდესი პასუხისმგებლობა ტრამპს ეკისრება - მაისისთვის ეს მაჩვენებელი პრაქტიკულად უცვლელია.ამჟამად, უმრავლესობა აცხადებს, რომ მათი ფინანსური მდგომარეობა მხოლოდ გაუარესდა მას შემდეგ, რაც ტრამპმა თანამდებობა დაიკავა, მათ შორის არის პრეზიდენტის ამომრჩეველთა 18%, ნათქვამია მაისის გამოკითხვაში, რომელიც Public First-მა ჩაატარა.POLITICO წერს, რომ მიგნებები ხაზს უსვამს იმას, თუ როგორ უჭირს ტრამპს ხელმისაწვდომობის შესახებ შუალედური არჩევნებისთვის მომგებიანი გზავნილის პოვნა, მიუხედავად იმისა, რომ მრავალი ინდიკატორით ეკონომიკა ჯანსაღად გამოიყურება. პრეზიდენტის მიდრეკილებამ, მოკავშირეების მოწოდებების მიუხედავად, გადაუხვიოს წინასწარ მომზადებულ სცენარს, კიდევ უფრო არია რესპუბლიკური პარტია. არაპოპულარული ირანის ომის ფონზე კი, რესპუბლიკელები ნოემბრის არჩევნებს უახლოვდებიან ამომრჩეველთა ფინანსური შიშებით, რაც მათთვის მყარ, ხანგრძლივ პოლიტიკურ გამოწვევად რჩება.ამერიკელთა უმრავლესობა მიიჩნევს, რომ ტრამპმა არ გააკეთა საკმარისი იმისათვის, რათა დაეცვა ისინი ომის ეკონომიკური შედეგებისგან, რამაც საწვავის, საკვებისა და ავიაბილეთების ფასების მკვეთრი ზრდა გამოიწვია. 60%-ზე მეტი, მათ შორის როგორც ტრამპის, ისე 2024 წელს ყოფილი ვიცე-პრეზიდენტის, კამალა ჰარისის ამომრჩეველთა უმრავლესობა აცხადებს, რომ ომმა მათთვის ყველაფერი გააძვირა.„[ჯო] ბაიდენის მთავარი გამოწვევა იყო ის, რომ ფასების ზრდისა და ინფლაციაზე ნერვიულობის პარალელურად, მისი ადმინისტრაციის პასუხი იყო, რომ ინფლაცია „გარდამავალი“ ხასიათის იყო“, - განაცხადა კევინ მადენმა, რესპუბლიკური პარტიის სტრატეგმა კომუნიკაციების დარგში.„ტრამპი მსგავსი პრობლემის წინაშე დგას. მაშინ, როდესაც ტარიფებისა და სავაჭრო პოლიტიკის, ასევე გლობალური კონფლიქტის გამო ფასები იზრდება, პასუხი, რომ ეს არის ტყუილი ან სიმართლეს არ შეესაბამება, ძალიან შეუსაბამო გზავნილია იმის გათვალისწინებით, რომ ამდენი ამომრჩეველი საკუთარ ბიუჯეტზე გრძნობს დარტყმას“, - დასძინა მან.ირანის ომი სულ უფრო მეტად ჩრდილავს ტრამპის ადმინისტრაციის შიდა ეკონომიკურ გზავნილებს, რადგან ოფიციალურ პირებს ხშირად უსვამენ კითხვებს ნავთობისა და საწვავის ფასებზე, ხოლო მერყევ შტატებში მყოფი რესპუბლიკელები სულ უფრო მეტად ნერვიულობენ, რომ გაჭიანურებულმა კონფლიქტმა შესაძლოა დააზიანოს მათი შანსები სენატისა და წარმომადგენელთა პალატის ნგემბრის საკვანძო არჩევნებში.გამოკითხვა აჩვენებს, რომ რესპუბლიკელების მცდელობები, ეკონომიკური ბრალი ბაიდენს გადააბარონ, რეზონანსს ვერ ჰპოვებს: ამერიკელთა მხოლოდ 28% ამბობს, რომ ყოფილ პრეზიდენტს ეკისრება სრული ან უდიდესი პასუხისმგებლობა აშშ-ის მიმდინარე ეკონომიკურ მდგომარეობაზე, მაშინ როდესაც თითქმის ნახევარი ბრალის დიდ ნაწილს ტრამპს აკისრებს.„რაც უფრო მალე დასრულდება ომი, მით უკეთესი იქნება ტრამპისთვის შუალედურ არჩევნებში, რადგან საწვავის ფასი პირდაპირ კავშირშია ხელმისაწვდომობის აღქმასთან“, - აღნიშნა ფლორიდაში ბაზირებულმა რესპუბლიკელმა სტრატეგმა, რომელმაც ანონიმურობის პირობით ისაუბრა.თეთრი სახლის პრესსპიკერმა კუშ დესაიმ განაცხადა, რომ პრეზიდენტი „ღიად საუბრობდა მოკლევადიან შეფერხებებზე“ და ფოკუსირებულია საკუთარი ეკონომიკური დღის წესრიგის განხორციელებაზე.„როგორც კი ჰორმუზის სრუტეში მოძრაობა კვლავ ნორმალიზდება, ამერიკელები ისევ დაინახავენ საწვავის ფასების მკვეთრ ვარდნას, რეალური ხელფასების ზრდას, ინფლაციის შემცირებას და ტრილიონობით ინვესტიციის შემოდინების გაგრძელებას“, - ნათქვამია დესაის განცხადებაში.ტრამპის ამომრჩევლები ბევრად უფრო მეტად მიიჩნევენ, რომ პრეზიდენტმა მიიღო საკმარისი ზომები ირანის კონფლიქტიდან გამომდინარე ხარჯების შესამცირებლად, ვიდრე ჰარისის ამომრჩევლები, თუმცა მისი საკუთარი მხარდამჭერებიც კი ორად არიან გაყოფილი: 43%ამბობს, რომ მან საკმარისი გააკეთა, ხოლო 43% მიიჩნევს, რომ - არა.ეს არის აშკარა ნიშანი, რომელიც ასახავს უფრო ფართო განხეთქილებას რესპუბლიკურ პარტიაში ომის ირგვლივ, რადგან ზოგიერთი კონსერვატორი, როგორიცაა მედიაფიგურა ტაკერ კარლსონი და ყოფილი კონგრესმენი მარჯორი ტეილორ გრინი, ღიად უპირისპირდებიან ამ კონფლიქტს. მიუხედავად ამისა, ტრამპის ამომრჩევლები ბევრად უფრო მეტ მზაობას გამოხატავენ, ვიდრე ჰარისის ამომრჩევლები და ზოგადად ამერიკელები - იმის თაობაზე, რომ აშშ-მა უნდა გააგრძელოს ჩართულობა ირანში იმ შემთხვევაშიც კი, თუ ეს გაზრდის ხარჯებს, რაც ხაზს უსვამს პრეზიდენტის მიმართ მათ ნდობას. ტრამპის ამომრჩეველთა უმრავლესობამ (42%) აირჩია ეს ვარიანტი, ჰარისის ამომრჩეველთა 11 პროცენტთან და ყველა რესპონდენტის 22 პროცენტთან შედარებით.მაგრამ ხუთშაბათმა ახალი იმედგაცრუება მოუტანა ადმინისტრაციას: ინფლაციამ მიაღწია უმაღლეს დონეს მას შემდეგ, რაც ტრამპი თეთრ სახლში დაბრუნდა, ხოლო ეკონომიკა წლის პირველ კვარტალში იმაზე ნელი ტემპით გაიზარდა, ვიდრე მანამდე იყო ნავარაუდები, იტყობინება მთავრობა.გამოკითხვის მიხედვით, ამერიკელთა თითქმის ნახევარი ხელმისაწვდომობის ზოგად გამოწვევებში კვლავ ინფლაციას ადანაშაულებს, მაშინ როდესაც დაახლოებით მეოთხედი მიიჩნევს, რომ მათი პრობლემების მთავარი მიზეზი საზღვარგარეთ მიმდინარე კონფლიქტებია.POLITICO წერს, რესპონდენტთა აბსოლუტური უმრავლესობა აცხადებს, რომ ყოველდღიური მოხმარების საგნების, როგორიცაა საწვავი, საკვები და მედიკამენტები - ფასები გარკვეულწილად ან მნიშვნელოვნად გაიზარდა მათ რეგიონში მას შემდეგ, რაც ტრამპმა თანამდებობა დაიკავა, მათ შორის არიან ის ადამიანებიც, ვინც მას მისცა ხმა. რესპუბლიკელი სტრატეგები მიირჩნევენ, რომ ომის დასრულებამ შესაძლოა გააუმჯობესოს ამერიკელთა აღქმა ეკონომიკაზე, მაგრამ რაც უფრო დიდხანს გაჭიანურდება კონფლიქტი, მით უფრო გაუჭირდება პარტიას ამომრჩეველთა შეხედულებების შეცვლა. ეკონომიკურმა ექსპერტებმა უკვე გააფრთხილეს მოსახლეობა, რომ საწვავის ფასები მაღალ ნიშნულზე შენარჩუნდება კიდევ მინიმუმ რამდენიმე თვის განმავლობაში, რადგან გლობალური ეკონომიკა კონფლიქტის გამო დიდ დარტყმას განიცდის.„თუ შეძლებთ საწვავის ფასების დაბრუნებას კონფლიქტამდელ დონეზე და იმ 16-18 საარჩევნო ოლქში მცხოვრები ადამიანები, რომლებიც გადაწყვეტენ ამ არჩევნების ბედს სამ ან ოთხ შტატში, თავს კარგად იგრძნობენ, მაშინ ბევრად უკეთეს მდგომარეობაში იქნებით, ვიდრე დღეს ბევრს ჰგონია“, - აღნიშნა რესპუბლიკელმა სტრატეგმა.

1780055604

ევროკომისრები პარასკევს შეიკრიბებიან, რათა იმსჯელონ ბლოკისა და პეკინის მომავალ ურთიერთობებზე. განხილვა მიმდინარეობს იმ ფონზე, როდესაც საფრანგეთის მეთაურობით ეროვნული მთავრობები ითხოვენ ზომების მიღებას საკუთარი მრეწველობის დასაცავად აგრესიული სავაჭრო პრაქტიკისგან, ხოლო სხვები, მათ შორის მსხვილი ექსპორტიორი გერმანია, სიფრთხილისკენ მოუწოდებენ, რადგან შიშობენ, რომ შესაძლოა დაკარგონ წვდომა ჩინეთის უზარმაზარ ბაზარზე.ეს დებატები მას შემდეგ დაიგეგმა, რაც ოფიციალურ პირებს დაევალათ ახალი ბერკეტების შემუშავება ერთიანი ბაზრის დასაცავად იაფი საქონლის მოზღვავებისგან. სავაჭრო მონაცემები აჩვენებს, რომ ევროკავშირის სავაჭრო დეფიციტმა ჩინეთთან საქონლის ნაწილში გასულ წელს €360 მლრდ-ს მიაღწია (2024 წლის €312 მილიარდიდან), ხოლო 1Q26-ში ეს მაჩვენებელი კიდევ უფრო მკვეთრად გაიზარდა.შიდა პროცესებში გარკვეულმა სამმა ოფიციალურმა პირმა POLITICO-ს ანონიმურობის პირობით განუცხადა, რომ ფონ დერ ლაიენი და მისი აპარატის ხელმძღვანელი ბიორნ ზაიბერტი პეკინის მიმართ ბევრად უფრო მკაცრი მიდგომის მომხრენი არიან და არგუმენტების გასამყარებლად არსებულ ეკონომიკურ პრობლემებს იყენებენ.„დღევანდელმა დებატებმა უნდა დაადასტუროს ევროპაში მზარდი კონსენსუსი იმის შესახებ, რომ აუცილებელია რეაგირება „ჩინურ შოკზე 2.0“ (China Shock 2.0)“, - განუცხადა POLITICO-ს ევროკავშირის მრეწველობის ხელმძღვანელმა სტეფან სეჟურნემ. - „მიმაჩნია, რომ ჩინეთთან კონსტრუქციული დიალოგის გზა ჯერ კიდევ არსებობს, მაგრამ ჩვენ ვერ მივცემთ უფლებას, რომ ევროპა გახდეს მსხვერპლი მტაცებლური სტრატეგიისა, რომელიც ანადგურებს ჩვენს მრეწველობას. საჭიროა ახალი ინსტრუმენტები, ახალი ზომები და ახალი პოლიტიკური ნება“.კომისრებისგან მოსაზრებების მოსმენის შემდეგ, ფონ დერ ლაიენი 15 ივნისს საფრანგეთში დაგეგმილ „დიდი შვიდეულის“ (G7) სამიტზე სხვა ლიდერებს შეხვდება, რათა განიხილონ ჩინური ჭარბი წარმოება, რომელიც საექსპორტო ბაზრებს ტბორავს. ამის შემდეგ, ის პრეზიდენტებისა და პრემიერ-მინისტრების მხარდაჭერის მოპოვებას შეეცდება ევროპულ საბჭოზე, რომელიც 18 ივნისს ბრიუსელში იწყება.კიდევ ორი ​​ოფიციალური პირის თქმით, ამ ეტაპზე დისკუსიებიდან წერილობითი წინადადებები არ მომზადდება, რაც კომისიას მისცემს დროს, უფრო მეტად დახვეწოს თავისი გეგმები. კონკრეტული ზომები შესაძლოა წარდგენილ იქნეს სექტემბერში, ფონ დერ ლაიენის ყოველწლიური მოხსენებისას.ევროკავშირის უსაფრთხოების კვლევების ინსტიტუტის უფროსი ანალიტიკოსის ტიმ რულიგის თქმით, რომელიც მანამდე კომისიას პეკინთან ურთიერთობის საკითხებში კონსულტაციას უწევდა, ფონ დერ ლაიენს ჩინეთის მიმართ გამკაცრება ბევრად ადრე სურდა.„მას ნამდვილად მოუწია ამ საკითხის წინ წამოწევა“, - თქვა რულიგმა და დასძინა, რომ ფონ დერ ლაიენმა „ეკონომიკისა და უსაფრთხოების ურთიერთკავშირი ბევრად უფრო ადრე დაინახა, ვიდრე სხვა ეროვნულმა პოლიტიკოსებმა“.ცვალებადი პოზიციებიგერმანია დიდი ხანია სიფრთხილით ეკიდება ნებისმიერ ქმედებას, რამაც შეიძლება გამოიწვიოს ჩინეთის საპასუხო რეაქცია და ზიანი მიაყენოს მის მიწოდების ჯაჭვებს. ეკონომიკის მინისტრმა კატერინა რაიხემ ამ კვირაში პეკინში ვიზიტისას განაცხადა, რომ ბერლინს სურს შეინარჩუნოს ბალანსი საექსპორტო ინდუსტრიების მხარდაჭერასა და იმ შიდა წარმოების დაცვას შორის, რომელიც ჩინეთის მხრიდან კონკურენციის საფრთხის წინაშე დგას.„ბრიუსელში ჩვენ მხარს ვუჭერთ დაბალანსებულ მიდგომას, ისეთს, რომელიც აერთიანებს ეფექტიან დამცავ ინსტრუმენტებს ექსპორტისთვის მუდმივ ღიაობასთან“, - განაცხადა რაიხემ, რომელიც ქრისტიან-დემოკრატი კანცლერის, ფრიდრიხ მერცის პარტიული მოკავშირეა.მიუხედავად ამისა, ბერლინის მზარდი შეშფოთება იმის გამო, თუ როგორ აზარალებს იმპორტი გერმანიის ერთ დროს დომინანტურ სამრეწველო სექტორს, ამცირებს მის წინააღმდეგობას უფრო მკაცრი პოზიციის მიმართ.„ყველა აქტორი; ჩინეთი, კომისია, ყველა აცნობიერებს გერმანიის ცენტრალურ როლს ამ პროცესში. ახლა ისინი თავად გრძნობენ წნეხს, რაც გარკვეულ იმპულსს ქმნის“, - განმარტა რულიგმა.თუმცა, ყველა დედაქალაქი ერთი მიმართულებით არ მოძრაობს. ევროკავშირის მსხვილ წევრ ქვეყნებს შორის აზრთა სხვადასხვაობა გაჩნდა: ესპანეთი - ევროკავშირის კიდევ ერთი ეკონომიკა, რომელიც მხარს უჭერს ღია ვაჭრობასა და ინვესტიციებს ჩინეთთან - დისტანცირდება საფრანგეთის მიერ ინიციირებული ერთობლივი ინიციატივისგან, რომელიც უფრო მკაცრი სავაჭრო ზომების მიღებას გულისხმობს.ახალი ინსტრუმენტები ითვალისწინებს დამცავი გამოძიებების დაწყებას, რაც ბევრად უფრო ძლიერ პრევენციულ მექანიზმს ქმნის, ვიდრე არსებული ანტიდემპინგური თუ ანტისუბსიდირების ბაჟები. კრიტიკოსების შეფასებით, ძველი მიდგომები არასაკმარისია, რაც ციფრებითაც დასტურდება: 2024 წელს ჩინურ ელექტრომობილებზე 35%-იანი ტარიფების დაწესების საპასუხოდ, აზიელმა მწარმოებლებმა აქცენტი პლაგ-ინ ჰიბრიდებზე გადაიტანეს და ბაზარი ამჯერად დაბეგვრისგან თავისუფალი მოდელებით გააჯერეს.ესპანეთის ეკონომიკის მინისტრმა კარლოს კუერპომ ხუთშაბათს საჯაროდ უარყო საფრანგეთის მიერ ინიციირებული პოზიციის დოკუმენტი და განაცხადა, რომ ეს საკითხი მხოლოდ ტექნიკურ და არა პოლიტიკურ დონეზე იყო განხილული. მიუხედავად ამისა, მან დასძინა, რომ ევროკავშირმა „ნაბიჯები უნდა გადადგას“ და „ჩინეთის ხელისუფლებასთან დიალოგი აწარმოოს“.კითხვა, რომლის წინაშეც ახლა გერმანია დგას, არის ის, მზად არის თუ არა შეუერთდეს საფრანგეთს, სხვა ქვეყნებსა და კომისიას, „რათა დაიცვას ევროპული შიდა ბაზარი ჩინური საქონლის იმ მოზღვავებისგან, რომელიც ჩვენკენ მოდის“, - განაცხადა ევროპული რეფორმების ცენტრის (Centre for European Reform) მთავარმა ეკონომისტმა, სანდერ ტორდუამ.„ჩინეთის ბაზარი ახლა განსაკუთრებულად ჩაკეტილია გერმანიისა და ევროპისთვის“, - განუცხადა ტორდუამ POLITICO-ს პოდკასტს Brussels Playbook Week Ender. მისი თქმით, ეს განპირობებულია არა მხოლოდ მაღალი ტარიფებით, არამედ იმითაც, რომ ბაზარი „ისე ძლიერადაა გადაჯერებული, რომ დასავლური კომპანიებისთვის, რომლებმაც... მოგება უნდა ნახონ, ძალიან რთულია ჩინეთში მოგებიანი ექსპორტის განხორციელება“.ახალი ინსტრუმენტებითავად ფონ დერ ლაიენის გუნდის წევრებიც ვერ მივიდნენ ჯერჯერობით სრულ კონსენსუსამდე. სეჟურნე მკაცრი ზომების ყველაზე აქტიური საჯარო მხარდამჭერია. კლიმატის საკითხებში ევროკომისარმა ვოპკე ჰუკსტრამაც განუცხადა POLITICO-ს, რომ ის ამ საკითხში „რადიკალური მიდგომის“ მომხრეა: „რასაც [პარასკევს] დისკუსიის ნაწილად ვაქცევ, არის ის, რომ მაწუხებს ჩვენი მნიშვნელოვანი დამოკიდებულება ჩინეთზე, სადაც თითქმის იგივე ისტორია გვაქვს, რაც რუსეთთან გვქონდა“.თუმცა, სხვები, მაგალითად ტერეზა რიბერა, დებატებში უფრო დაბალანსებულ პოზიციას იკავებენ და ჩინეთთან მუშაობისთვის მეტ მზაობას გამოხატავენ. ისინი მიიჩნევენ, რომ თანამშრომლობა უფრო მეტად ემსახურება ევროპის ინტერესებს, ვიდრე პოტენციური კონფრონტაცია.ვინაიდან დებატები მხოლოდ ახლა იწყება, მთავარი კითხვა შეიძლება იყოს – შეძლებს თუ არა ევროკავშირი თავისი სავაჭრო თავდაცვის მობილიზებას დროულად, რათა მოიგერიოს ჩინური ექსპორტის ნაკადი, რომელიც - აშშ-ის ბაზრიდან პრეზიდენტ დონალდ ტრამპის პროტექციონისტული ტარიფების გამო უკვე განდევნილი - ახლა ევროკავშირის უფრო ღია ბაზრისკენ გადამისამართდა.„ჩვენი უდიდესი გამოწვევა აუცილებლად ინსტრუმენტების ნაკლებობა არ არის. საკითხავი ისაა, როგორ შევქმნათ და ავამოქმედოთ ისინი“, - განუცხადა MERICS-ის ანალიტიკური ცენტრის წარმომადგენელმა გჟეგოჟ სტეცმა Brussels Playbook Week Ender-ის პოდკასტს.„ძალიან მნიშვნელოვანია, რომ შევქმნათ სანდო ევროპული შეკავების მექანიზმი“, - დასძინა სტეცმა. – „ეს არის ერთ-ერთი საკითხი, რომელზეც პეკინთან გვიწევს ბრძოლა“.

1780042495

როგორც ცნობილია, სპეციალური წარმომადგენელი შესაძლოა ევროკავშირის ინტერესების საერთაშორისო დონეზე წარმოჩენასა და ინდუსტრიული პოლიტიკის ფორმირებაზე იყოს პასუხისმგებელი, თუმცა მისი რეალური უფლებამოსილებები ჯერჯერობით დაზუსტებული არ არის.ამ ინიციატივაზე გასულ კვირას ურსულა ფონ დერ ლაიენმა ევროპული ინდუსტრიული მრგვალი მაგიდის ფარგლებში მსხვილი კომპანიების ხელმძღვანელებთან შეხვედრის დროს ისაუბრა.„გიგაფაბრიკები“ და კონკურენცია აშშ-თანევროკავშირში ვარაუდობენ, რომ ახალ წარმომადგენელს მხოლოდ საგარეო ფუნქცია, მაგალითად, სილიკონის ველთან ურთიერთობა არ ექნება. მისგან ასევე ელიან, რომ ხელოვნური ინტელექტის სფეროში ევროკავშირის ინდუსტრიულ პოლიტიკას ახალი იმპულსი მიეცემა.საუბარია ე.წ. AI „გიგაფაბრიკების“ შექმნაზეც, მასშტაბურ ცენტრებზე, სადაც მოწინავე AI-ტექნოლოგიები უნდა განვითარდეს.თუმცა, ინიციატივა უკვე გააკრიტიკა ევროპულმა ბიზნესმა, რომელიც პროექტების ნელ ტემპსა და არასაკმარის დაფინანსებაზე მიუთითებს.AI-ის რეგულირების ახალი ეტაპიაღნიშნული განცხადება მას შემდეგ გაკეთდა, რაც ევროკავშირის კანონმდებლებმა ხელოვნური ინტელექტის აქტის (AI Act) რეფორმა დაასრულეს. ეს ევროკავშირის მთავარი კანონი იქნება, რომელიც ხელოვნური ინტელექტის ტექნოლოგიების რეგულირებას ეხება.მანამდე კი რომის პაპმა ლეო XIV–მ თავის პირველ ენციკლიკაში განაცხადა, რომ ხელოვნური ინტელექტი ტექნოლოგიური კორპორაციების მონოპოლიური კონტროლისგან უნდა გათავისუფლდეს. მან ასევე გააკრიტიკა ომები და AI-ზე დაფუძნებული იარაღის გამოყენების საფრთხეებზე ისაუბრა.

1779953158

გამოფენის ფარგლებში რობოტი ახლომდებარე ჩაის პლანტაციაში გადაიყვანეს, სადაც იგი ჩაის ფოთლების მაღალი სიზუსტით შეგროვებას სწავლობდა. დემონსტრაციამ აჩვენა, როგორ შეიძლება თანამედროვე ტექნოლოგიების გამოყენება ტრადიციულ ინდუსტრიებში, მათ შორის ჩაის წარმოებაში.ლუნცზინი ჩინეთში მწვანე ჩაის ერთ-ერთ ყველაზე ცნობილ სახეობად ითვლება.ჩინეთი აქტიურად ავითარებს რობოტექნოლოგიებს და ინტელექტუალურ რობოტებს სატრანსპორტო სისტემაში, მრეწველობაში, მომსახურების სფეროსა და ურბანულ ინფრასტრუქტურაში ნერგავს.ქვეყანა ავტომატიზაციასა და ხელოვნური ინტელექტის ტექნოლოგიებზე აკეთებს აქცენტს და რობოტექნოლოგიას ეკონომიკური და ტექნოლოგიური განვითარების ერთ-ერთ მთავარ მიმართულებად განიხილავს.მაისის დასაწყისიდან რობოტები ჰანჯოუში საგზაო მოძრაობის რეგულირებაშიც მონაწილეობენ. მანამდე კი გავრცელდა ინფორმაცია, რომ ჩინეთმა რობოტებისთვის „პასპორტების“ გაცემაც დაიწყო.

1779952368

ერთ-ერთი ასეთი პროექტია შვედური სოციალური ქსელი W Social. პლატფორმის შემქმნელები აცხადებენ, რომ მთავარ აქცენტს მონაცემთა უსაფრთხოებაზე, მუშაობის გამჭვირვალობასა და ბოტების არარსებობაზე აკეთებენ.კომპანიის მმართველის ანა ცაიტერის განცხადებით, W Social „ახალი, დამოუკიდებელი და ობიექტური სოციალური ქსელია“, რომელიც ევროპული კანონმდებლობის, ევროპული ინფრასტრუქტურისა და ევროპელი მფლობელების საფუძველზე ფუნქციონირებს.მისივე თქმით, პროექტის მთავარი მიზანი ევროპაში თავისუფალი კომუნიკაციისა და „დემოკრატიის დაცვისთვის“ ციფრული პლატფორმის შექმნაა.იდენტიფიკაცია ბოტების წინააღმდეგპლატფორმის დეველოპერები აცხადებენ, რომ W Social-ში ბოტები და ფეიკ-ანგარიშები არ იარსებებს. ამისთვის მომხმარებლებს რეგისტრაციისას პირადობის დამადასტურებელი დოკუმენტით იდენტიფიკაციის გავლა მოუწევთ. შემქმნელების მტკიცებით, შემოწმების დასრულების შემდეგ მონაცემები წაიშლება.ანა ცაიტერის თქმით, პროექტში ინვესტიციები გერმანიის, შვეიცარიის, იტალიისა და ბელგიის კომპანიებმა და კერძო ინვესტორებმა განახორციელეს.კიდევ ერთი ევროპული პროექტი – Wediumევროპაში პარალელურად კიდევ ერთი სოციალური ქსელი – Wedium ვითარდება, რომელიც ბერლინელმა დეველოპერებმა 2025 წლის ბოლოს წარადგინეს.W Social და Wedium ერთმანეთისგან ტექნიკური მიდგომით განსხვავდებიან. Wedium დახურული, ცენტრალიზებული სისტემით მუშაობს, ისე, როგორც სილიკონის ველის სოციალური ქსელების უმეტესობა. ხოლო W Social ღია და დეცენტრალიზებული პლატფორმის სახით იქმნება, რაც მომხმარებლებს სხვა ციფრულ სისტემებთან ურთიერთობისა და შეტყობინებების გაცვლის შესაძლებლობას მისცემს.

1779697516

"მოსალოდნელია, რომ ფონ დერ ლაიენი შეხვდება ბალტიისპირეთის ქვეყნების სახელმწიფოთა და მთავრობების მეთაურებს საპასუხო რეაქციის კოორდინაციის მხარდასაჭერად", - განუცხადა POLITICO-ს ვიზიტის შესახებ ინფორმაციის მქონე სამმა ოფიციალურმა პირმა, რომლებსაც ანონიმურობის პირობით მიეწოდათ დეტალების გაზიარების უფლება.ლიეტუვაში ასევე გაემგზავრება ევროკომისარი თავდაცვის საკითხებში ანდრიუს კუბილიუსი."გარდა ბალტიისპირეთის ქვეყნებისადმი „სოლიდარობის გამოხატვისა“, ვიზიტი ფოკუსირებული იქნება ერთობლივი თავდაცვის შესაძლებლობების გაძლიერებაზე ევროკომისიის წამყვანი დაფინანსებისა და დაგეგმვის სქემების მეშვეობით", - განაცხადა ერთ-ერთმა ოფიციალურმა პირმა.ლიეტუვამ ოთხშაბათს საჰაერო განგაში გამოაცხადა მას შემდეგ, რაც ბელარუსის საზღვართან ახლოს გზააბნეული დრონი დაფიქსირდა, რის შედეგადაც NATO-ს ბალტიის საჰაერო პატრულირების მისია გააქტიურდა.ეს ინციდენტი მოჰყვა იმ შემთხვევას, როდესაც ამ თვის დასაწყისში ორმა უკრაინულმა დრონმა, რომლებიც რუსეთისთვის იყო განკუთვნილი, ლატვიაში ნავთობის ცარიელ საცავზე ჩამოვარდა, რამაც გამოიწვია კრიზისი, რომელსაც მმართველი კოალიციის დაშლა მოჰყვა. გასულ კვირას კი NATO-ს გამანადგურებელმა ესტონეთის საჰაერო სივრცეში დრონი ჩამოაგდო.„რუსეთის საჯარო მუქარები ბალტიისპირეთის ჩვენი ქვეყნების მიმართ სრულიად მიუღებელია“, - განაცხადა ფონ დერ ლაიენმა გასულ კვირას სოციალურ ქსელში გამოქვეყნებულ შეტყობინებაში. „რუსეთი და ბელარუსი პირდაპირ პასუხისმგებლობას ატარებენ დრონებზე, რომლებიც საფრთხეს უქმნის ადამიანების სიცოცხლესა და უსაფრთხოებას ჩვენს აღმოსავლეთ ფლანგზე. ევროპა უპასუხებს ერთიანობითა და სიძლიერით“. Russia’s public threats against our Baltic States are completely unacceptable.Let there be no doubt.A threat against one Member State is a threat against our entire Union.Russia and Belarus bear direct responsibility for drones endangering the lives and security of people… — Ursula von der Leyen (@vonderleyen) May 20, 2026 ბალტიისპირეთის სამმა ქვეყანამ გააფრთხილა პარტნიორები, რომ მოსკოვი ცდილობს ეს ინციდენტები უკრაინასა და მის ევროკავშირელ მოკავშირეებს შორის განხეთქილების ჩამოსაგდებად გამოიყენოს. მათ ერთობლივი განცხადება გაავრცელეს, რომელშიც უარყვეს „რუსეთის აშკარა დეზინფორმაციული კამპანია და მისი შეთხზული ბრალდებები საჰაერო სივრცის დარღვევის შემდეგ, რასაც რუსეთი უსირცხვილოდ იყენებს საკუთარი სამხედრო წარუმატებლობების შესანიღბად“.ევროკავშირმა თებერვალში აამოქმედა გეგმა ფრონტის ხაზის ქვეყნების გასაძლიერებლად იმ შეშფოთების ფონზე, რომ უკრაინაში რუსეთის ომი და ჰიბრიდული ტაქტიკა ადგილობრივი ეკონომიკის დაზიანების რისკს შეიცავს. ევროკომისია ასევე მუშაობს გეგმებზე, რათა დაეხმაროს ქვეყნებს საჰაერო თავდაცვის შესაძლებლობების გაძლიერებაში ერთობლივი შესყიდვებისა და განვითარების სქემების მეშვეობით.

1779690857