GE EN
სხვა სიახლეები
ენერგეტიკულ ბირჟაზე სიმულაციური ვაჭრობა იწყება

ენერგეტიკული ბირჟა კომპანიებს შესაბამის ტრენინგზე იწვევს, სადაც მათ გააცნობს დღიურ ბაზარზე ვაჭრობის მარეგულირებელ ძირითად ნორმებს; დღიურ ბაზარზე ფასწარმოქმნისა და  ფასის შეთავაზების პრინციპებს; დღიური ბაზრის პლატფორმას და მომხმარებლის გზამკვლევს; სიმულაციური ვაჭრობისათვის მომზადების ეტაპებს (განცხადების წარმოდგენა, რეგისტრაცია).ენერგეტიკულმა ბირჟამ მოქმედება 31 მარტიდან უნდა დაიწყოს. რეფორმა გასულ წელს უნდა ამოქმედებულიყო, თუმცა რამდენჯერმე გადავადდა. სენბი - ენერგეტიკული ბირჟა - წარმოადგენს დღით ადრე და დღიური ბაზრების ლიცენზირებულ, ერთადერთ ოპერატორს საქართველოში. ბირჟაზე საბაზრო ფასს განსაზღვრავს ელექტროენერგიაზე მოთხოვნა და მისი მიწოდება. თავის მხრივ, მოთხოვნასა და მიწოდებას განსაზღვრავენ მონაწილეები, რომლებიც ბაზარზე ათავსებენ ელექტროენერგიის ყიდვისა და გაყიდვის განაცხადებს. მონაწილეებს შესაძლოა ჰქონდეთ მოტივაცია და შესაძლებლობა, მოახდინონ ზემოქმედება საბაზრო ფასზე, ელექტროენერგიის ყიდვისა თუ გაყიდვის შეთავაზებების ცვლილების გზით, გაავრცელონ შეცდომაში შემყვანი სიგნალები და ა.შ.

1675336624

საპენსიო სააგენტოს სერვისების მიღება იუსტიციის სახლებში იქნება შესაძლე...

პირველ ეტაპზე განხორციელდება ტექნიკური ხასიათის სამუშაოები, დაიწყება  წინა ხაზის თანამშრომელთა გადამზადება, რის შედეგადაც  საპენსიო სააგენტოს 5 სერვისით სარგებლობა იუსტიციის  სახლის ყველა ფილიალში იქნება შესაძლებელი.თანამშრომლობის ფარგლებში, სერვისზე ხელმისაწვდომობის გეოგრაფიული არეალი მთელ საქართველოს დაფარავს და 117 ფილიალში იქნება წარმოდგენილი, რაც მომხმარებელს შესაძლებლობას მისცემს, სასურველი მომსახურება სახლთან ახლოს მიიღოს.თბილისის ცენტრალურ იუსტიციის სახლში ხელშეკრულებას ხელი  მოაწერეს იუსტიციის სახლის თავმჯდომარე ლაშა ლობჯანიძემ და საპენსიო სააგენტოს დირექტორმა გიორგი დანელიამ, განიხილეს ის  ძირითადი გამოწვევები, რომლებიც სერვისების იუსტიციის სახლში ინტეგრაციით დაიძლევა.საპენსიო სააგენტოს სერვისებით  სარგებლობა მომხმარებელს უკვე მიმდინარე წლის მარტიდან მთელი საქართველოს მასშტაბით იუსტიციის სახლის ყველა ფილიალში შეეძლება.

1675336552

კადიროვის 26 წლის ძმისშვილი ქონებისა და მიწების მინისტრად დაინიშნა

რესპუბლიკის მეთაურის ძმისშვილი მანამდე ერთ–ერთი რაიონის ხელმძღვანელის, ჩეჩნეთის უშიშროების საბჭოს ხელმძღვანელის, ფიზკულტურის და სპორტის მინისტრის თანამდებობებს იკავებდა. რამზან კადიროვს თავისი ძმისშვილი საკუთარი მამის ახმატ კადიროვის ორდენით ჰყავს დაჯილდოებული.

1675332689

ევროპის სარკინიგზო გაერთიანებამ სამოქმედო გეგმა დაამტკიცა

„საქართველოს რკინიგზის“ ცნობით, გაერთიანების ხელმძღვანელმა, ალბერტო მაცოლამ დელეგატებს 2023-ში განსახორციელებელი პროექტების ჩამონათვალი გააცნო: მათ შორისაა ევროპის სარკინიგზო მიმოსვლის მოცულობების გაზრდა, ეკოლოგიური მდგრადობა და მწვანე სტატუსის შენარჩუნება, სარკინიგზო სექტორისთვის დამატებითი ინვესტიციების მოძიება, ერთიანი საბილეთო სისტემის შექმნა, კერძო ინვესტიციების მოზიდვა და ასევე სოციალური საკითხები, კერძოდ ქალების როლის გაძლიერება და მათი ჩართვა რკინიგზის სფეროში.გენერალური ასამბლეა დისკუსიის რეჟიმში გაიმართა. ღონისძიების დასასრულს დელეგატებმა მომდევნო წლის სამოქმედო გეგმა დაამტკიცეს.

1675331160

NDI: ყოველ მეორე გამოკითხულს ბოლო 6 თვეში კომუნალურებისთვის საკმარისი...

მოქალაქეთა უმრავლესობა ოჯახის შემოსავალს, ძირითადად, საკვებზე, კომუნალურ გადასახადებზე, წამლებსა და სესხებზე ხარჯავს. ყოველი მესამე ამბობს, რომ წინა წელთან შედარებით საჭმელსა და წამლებზე ნაკლებს ხარჯავს.ყოველი მეორე ამბობს, რომ ფინანსურ პრობლემებთან გამკლავების მიზნით, გაზისა და ელ. ენერგიის მოხმარება შეზღუდა. სოფლის მოსახლეობის, ასევე 55+ ასაკის მოქალაქეების უმრავლესობამ გაზისა და ელ. ენერგიის მოხმარება შეზღუდა.ფინანსური სირთულეების გამო, მოსახლეობის უმრავლესობამ დასვენებისა და შოპინგის ხარჯები შეამცირა. უმრავლესობის აზრით, მათ ოჯახს კომფორტული ცხოვრებისთვის ყოველთვიურად 3000 ლარამდე შემოსავალი ეყოფოდა. ხოლო თბილისელები, ახალგაზრდები, უმაღლესი განათლების მქონე და დასაქმებული ადამიანები უფრო მეტად ამბობენ, რომ კომფორტულად ცხოვრებისთვის თვეში 3000 ლარზე მეტი სჭირდებათ. 

1675326746

აშშ–ის სახელმწიფო მდივანს კავკასიის საკითხებში ახალი მრჩეველი ჰყავს

„ამ თანამდებობაზე ბონო რეგიონის ლიდერებთან იმუშავებს, რათა დაიძრას სამშვიდობო პროცესი სომხეთსა და აზერბაიჯანს შორის და გადაწყდეს რუსეთის მიერ საქართველოს სუვერენული ტერიტორიების ოკუპაციის საკითხი“, – ნათქვამია ამერიკის საგარეო პოლიტიკური უწყების განცხადებაში.ბლინკენი ამბობს, რომ „ეს დანიშვნა ადასტურებს იმ უდიდეს მნიშვნელობას, რომელსაც აშშ საქართველოს სუვერენიტეტსა და ტერიტორიულ მთლიანობას ანიჭებს“, ასევე ჟენევის საერთაშორისო დისკუსიებს საქართველოს საკითხზე – „ერთადერთ საერთაშორისო ფორმატზე, რომელიც რუსეთის მიერ საქართველოს ტერიტორიის 20%–ის ოკუპაციას ეძღვნება“.განცხადებაში აღნიშნულია, რომ ბონოს მდიდარი დიპლომატიური გამოცდილება აქვს. კერძოდ, იგი აშშ–ის წარმომადგენელი იყო ატომური ენერგიის საერთაშორისო სააგენტოში და გაეროში.გასულ წელს აშშ–ის სახელმწიფო მდივნის მრჩევლის თანამდებობა კავკასიაში მოლაპარაკებების საკითხებში ფილიპ რიკერმა დაიკავა. მიმდინარე წლის იანვარში გავრცელდა ინფორმაცია, რომ იგი ტოვებს თანამდებობას და დიპლომატიურ სამსახურს. 

1675326511