ქართული რაგბის მხარდასაჭერად თიბისი 30 სექტემბერს ნაკრების მატჩის ღია...

სპორტის მოყვარულებს ეროვნული გუნდის გამხნევებისა და გულშემატკივრობის შესაძლებლობა თიბისის ფან-ზონებიდან ექნებათ. 30 სექტემბერს რიგით მეორე ღია ჩვენება ჩატარდება - ქუთაისში, 100–საფეხურიან კიბესთან. ფიჯი vs საქართველოს მატჩის პირდაპირ ტრანსლაციას აუდიტორიას ექსკლუზიურად საქართველოს პირველი არხი სთავაზობს.ადგილზე ნებისმიერი ასაკის გულშემატკივარი საქართველოს ეროვნული ნაკრების მატჩის ჩვენებაზე დასწრების გარდა, სხვადასხვა გასართობ, სპორტულ და არასპორტულ აქტივობებში ჩართვას შეძლებს. დიდი ეკრანი, რაგბის კუთხე, კვების ობიექტები და სათამაშო სივრცეები გულშემატკივრებისთვის მატჩამდე ორი საათით ადრე, თიბისის ღონისძიებაზე იქნება წარმოდგენილი.თარიღი & დრო: 30 სექტემბერი, 19:45 საათილოკაცია: ქუთაისი, აღმაშენებლის გამზირი 1, 100 საფეხურიანი კიბეთამაში: ფიჯი vs საქართველომეტი ინფორმაციისთვის ეწვიეთ ბმულს. ვუგულშემატკივროთ ჩვენს ეროვნულ ნაკრებს საფრანგეთში რაგბის მსოფლიო ჩემპიონატზე. #ერთადგავიმარჯვებთღონისძიების მხარდამჭერები: ქუთაისის მერია, საქართველოს პირველი არხი.

საპარლამენტო კომიტეტის სხდომაზე კონკურენციის სააგენტოს ანგარიში მოისმი...

საკომიტეტო მოსმენას ესწრებოდნენ საქართველოს პარლამენტის წევრები, კონკურენციის ეროვნული სააგენტოს თანამშრომლები და დარგის ექსპერტები. შეხვედრაზე, სააგენტოს თავმჯდომარემ დეტალურად ისაუბრა მიმდინარე და დასრულებულ საქმეებზე, კონკურენციის კანონმდებლობის ფარგლებში მიღებულ შედეგებზე, აღსრულების მექანიზმებზე და არსებულ გამოწვევებზე. მისი განმარტებით, 2022 წელს, 3 მოკვლევა - დომინანტური მდგომარეობის ბოროტად გამოყენების, არაკეთილსინდისიერი კონკურენციის და შეთანხმებული ქმედების ფაქტებზე დასრულდა. ასევე, დასრულდა 3 ბაზრის მონიტორინგი, ხოლო 2 ახალი ბაზრის შესწავლა დაიწყო. უწყების მიერ გაცემულ იქნა 17 სავალდებულოდ შესასრულებელი რეკომენდაცია: 1 - საწვავის ბაზარზე; 2 - ჰოსპიტალურ სექტორში ოჯახის ექიმის მომსახურების ფარგლებში; 13 - ფარმაციის ბაზრის შესწავლის პროცესში და 1- მთარგმნელობითი-სათარჯიმნო მომსახურების სექტორში. ამავე პერიოდში, 6 კონცენტრაციაზე გაიცა თანხმობა. „2022 წელს, ჯანდაცვის სექტორში, ჩვენს მიერ გაცემული რეკომენდაციების დიდი ნაწილი უკვე შესრულებულია. კერძოდ, უკვე დანერგილია: ელექტრონული და გენერიკული რეცეპტები, ხარისხის სტანდარტები, რეფერენტული ფასები და ა.შ. დაშვებულ იქნა მედიკამენტების პარალელური იმპორტი თურქეთის რესპუბლიკიდან, რომლის შედეგადაც, დაახლოებით, 50-70%-იანი ფასების შემცირება დაფიქსირდა. რეფორმები გრძელდება, რათა თითოეულმა მომხმარებელმა მედიკამენტების სამართლიან და კონკურენტულ ფასად შეძენა შეძლოს. 2023 წელს,  ონკოლოგიურ მედიკამენტებთან დაკავშირებით, 5 კომპანიის მიმართებით დაწყებული მოკვლევა კი მიმდინარე რეჟიმშია.ყველასათვის ცნობილია, რომ 2022 წლის პირველი ნახევარი, ნავთობზე მაღალი ფასებით გამოირჩეოდა, რამაც ნავთობიმპორტიორი ქვეყნების ეკონომიკაზე და ინფლაციაზე მნიშვნელოვანი გავლენა მოახდინა. შესაბამისად, მონიტორინგის ფარგლებში მიღებული შედეგების თანახმად, სააგენტომ საქართველოში მოქმედი 5 საწვავის რეალიზატორი კომპანიის მიმართ მოკვლევა დაიწყო, რომელიც 2023 წელს დაასრულა. მოკვლევის ფარგლებში, ხუთ ეკონომიკურ აგენტს, ჯამში - 4 მილიონ ლარამდე დაეკისრა. ჩვენ ვაგრძელებთ ბაზრის  მონიტორინგს.  ამ დროისთვის, ბაზარი არის ნორმალიზებული და ის ექვემდებარება საბაზრო ფაქტორების გავლენებს, რომელიც საქართველოშიც აისახება.რამდენიმე დღის წინ, უწყებამ დაასრულა დემპინგის თემასთან დაკავშირებული პირველი საქმე. თემა ეხება ადგილობრივი ინდუსტრიის მხრიდან დაფიქსირებული განაცხადის საფუძველზე დაწყებულ შესწავლას, რომლის მიხედვითაც სომხეთიდან ხდებოდა ფილტრიანი სიგარეტების დემპინგური იმპორტი." - განაცხადა ირაკლი ლექვინაძემ სიტყვით გამოსვლისას.სააგენტოს თავმჯდომარემ ასევე ყურადღება გაამახვილა კინოთეატრების ბილეთების ონლაინ რეალიზაციის ბაზარზე მიმდინარე მოკვლევაზე, სადაც სააგენტოს მიმართვის საფუძველზე სასამართლომ, მოკვლევის დასრულებამდე, ერთ-ერთ ეკონომიკურ აგენტს ექსკლუზიური პირობის გამოყენება შეუჩერა. ირაკლი ლექვინაძის განმარტებით, დღეს ბაზარზე უკვე  არის რამდენიმე მოთამაშე და მომხმარებელს აქვს საშუალება თავად გააკეთოს არჩევანი სად იყიდოს მისთვის სასურველი ბილეთი. „2022 წელს, დავიწყეთ საფინანსო სექტორისთვის ძალიან აქტუალური თემის მონიტორინგი, რაც გულისხმობს საბანკო პროდუქტების რეალიზაციისას სადაზღვევო პროდუქტების მიწოდება/შეთავაზების ბაზრის შეფასებას. სადაზღვევო ბაზარი რეფორმების მოლოდინშია და, ვფიქრობ, ჩვენი უწყების მიერ მომზადებული შეფასება და რეკომენდაციები მის წარმატებულ განხორციელებას ხელს შეუწყობს, მიმდინარე რეჟიმშია ასევე მოცვის და თხილის ბაზრის მონიტორინგები.ვიცით, რომ 2022 წელს, ძალაში შევიდა მომხმარებელთა უფლებების დაცვის შესახებ კანონი და 1 ნოემბრიდან აღსრულების პროცესი დავიწყეთ. მომართვიანობა საკმაოდ მაღალია. მუდმივ რეჟიმში მიმდინარეობს შეხვედრები დაინტერესებულ მხარეებთან. 2022 წლის ნოემბრიდან - 2023 წლის აგვისტოს ჩათვლით, სააგენტოში 360 განაცხადი დაფიქსირდა, საიდანაც 209 განცხადებაზე საქმის შესწავლა დაიწყო. 10 თვის განმავლობაში, კონკურენციის სააგენტომ - მომხმარებლის სასარგებლოდ, პირობითი ვალდებულების აღების შესახებ 100 საქმეზე - 64 შეთანხმება გააფორმა. ამ დროისთვის, 52 საქმეზე გაფორმებულ 32 პირობით ვალდებულებასთან დაკავშირებით საკითხი სრულად ამოწურულია" - განაცხადა საქართველოს კონკურენციის ეროვნული სააგენტოს თავმჯდომარე, ირაკლი ლექვინაძემ საკომიტეტო მოსმენაზე.

ფინანსთა სამინისტრო ქონების გადასახადის პრინციპებს ძირეულად ცვლის

როგორც სონღულაშვილმა აღნიშნა, საკითხი ერთიან კონტექსტში იქნება განხილული და წარმოდგენილი და ამიტომ პარლამენტის მიერ ცალკეული ინიციატივების მიღება მიზანშეწონილი არ არის.რაც შეეხება დეპუტატ რომან გოცირიძის მიერ ინიციირებული პროექტს, ის ქონების გადასახადით დაბეგვრის კრიტერიუმებისა და განაკვეთების ახლებურად ჩამოყალიბებას ითვალისწინებს. როგორც ინიციატორმა აღნიშნა, მოქმედი ნორმა ჯერ კიდევ 20 წლის წინ მიიღეს და ინფლაციისა და შემოსავლების ზრდის გათვალისწინებით, მოძველებულია.გოცირიძის მიერ პარლამენტისთვის შეთავაზებული პროექტის მიხედვით, ფიზიკური პირის დასაბეგრ ქონებაზე გადასახადის წლიური განაკვეთი დიფერენცირება გადასახადის გადამხდელის ოჯახის მიერ საგადასახადო წლის განმავლობაში მიღებული შემოსავლების მიხედვით უნდა განისაზღვროს. კერძოდ, 150 000 ლარამდე შემოსავლის მქონე ოჯახებისთვის იყოს საგადასახადო პერიოდის ბოლოსთვის დასაბეგრი ქონების საბაზრო ღირებულების არანაკლებ 0.05 პროცენტისა და არაუმეტეს 0.1 პროცენტის; 150 000-დან 500 000 ლარამდე შემოსავლის მქონე ოჯახებისთვის - საგადასახადო პერიოდის ბოლოსთვის დასაბეგრი ქონების საბაზრო ღირებულების არანაკლებ 0.4 პროცენტისა და არაუმეტეს 0.6 პროცენტის. 500 000 ლარზე მეტი შემოსავლის მქონე ოჯახებისთვის კი - საგადასახადო პერიოდის ბოლოსთვის დასაბეგრი ქონების საბაზრო ღირებულების არანაკლებ 0.8 პროცენტისა და არაუმეტეს 1 პროცენტის.“აქედან გამომდინარე, იცვლება მოქმედი რედაქციით არსებული 100 000 ლარამდე შემოსავლის ზღვარი და საგადასახადო განაკვეთი, რომელიც შეადგენდა არანაკლებ 0.05 პროცენტს და არა უმეტეს 0.2 პროცენტს. ასევე, იცვლება 100 ლარის ან მეტი შემოსავლის ზღვარი და საგადასახადო განაკვეთი, რომელიც იყო არანაკლებ 0.8 პროცენტისა და არა უმეტეს 1 პროცენტის.საგადასახადო ცვლილების თანახმად, შესაბამისი დაბეგვრის ობიექტის მიხედვით ქონების გადასახადისგან თავისუფლდება ფიზიკური პირის დასაბეგრი ქონება (გარდა მიწისა), თუ ამ პირის ოჯახის მიერ მიმდინარე კალენდარული წლის წინა წლის განმავლობაში მიღებული შემოსავლები არ აღემატება 60 000 ლარს. შესაბამისად, ამჟამად მოქმედი 40 000 ლარიანი ზღვარი 60 000 ლარამდე იზრდება“, - განმარტა გოცირიძემ კანონპროექტის წარდგენისას.

მაგისტრალური ქსელი წლისგან იცლება

ოთხშაბათს, 27 სექტემბერს, აღმაშენებლის ხეივანზე  ჯორჯიან უოთერ ენდ ფაუერის წყალსადენის ქსელი ავარიულად დაზიანდა. კომპანიის ტექნიკური ჯგუფი ადგილზეა მობილიზებული და ქსელი დაზიანებული მონაკვეთის აღსადგენად მოსამზადებელი სამუშაოები მიმდინარეობს. დაზიანების სირთულიდან გამომდინარე,  აღდგენითი სამუშაოები მთელი ღამის განმავლობაში ინტენსიურ რეჟიმში შესრულდება.აღნიშნულთან დაკავშირებით, აუცილებელია მაგისტრალური ქსელის წყლისგან დაცლა, რის გამოც, დღეს, 27 სექტემბერს, საღამოს 21:00 საათიდან ხვალ, 28 სექტემბრის დილის 12:00 საათამდე წყალმომარაგება შეეზღუდება:საბურთალოს რაიონში: სოფელ დიღომში - ფარნავაზის,ჩხიკვაძის, ჭელიძის, ხატაეთის, შერმადინის, ჯანიაშვილის, გორგასლის, გიორგიწმინდის, მიხეილ მესხისა და მიმდებარე  ქუჩებს.ჟღენტის,  შავგულიძის,  თოფურიას, სანდრო ეულის, ნადირაძის, ქავთარაძის, მინდელის და მიმდებარე ქუჩებს. ნუცუბიძის ქუჩის ნაწილს, ვაჟა ფშაველას და ყაზბეგის გამზირების ნაწილს. ჩახავას, მაღალაშვილის, გეგეჭკორის, ბარათაშვილის, სხირტლაძის, ლორთქიფანიძის, ქუთათელაძის, ჩხეიძის, ზაქარიაძის, თავაძის, ბუაჩიძის, გელოვანის, მიქელაძის, გამრეკელის, გურიელის, ნადარეიშვილის, დელისის, ჯებაშვილის, ზალდასტანიშვილების, აფხაიძის, ჩიქოვანის, მეგრელაძის, ბუდაპეშტის, ალასანიას, გაზაფხულის, თავხელიძის და მიმდებარე ქუჩებს.  ვაჟა ფშაველას I,II, III, IV, V, VI, VII კავრტლებსა და ნუცუბიძის III მიკრო რაიონს.ჯორჯიან უოთერ ენდ ფაუერი ბოდიშს უხდის მომხმარებლებს დისკომფორტისთვის.წყალმომარაგების შეზღუდვისა და აღდგენის შესახებ ინფორმაციას, ჯორჯიან უოთერ ენდ ფაუერი აბონენტებს წინასწარ, SMS-შეტყობინების სახით უგზავნის. დეტალური ინფორმაციის მოძიება შესაძლებელია კომპანიის ცხელი ხაზის - 2 93 11 11, ფეისბუქისა და ვებგვერდის მეშვეობით

თბილისის სატრანსპორტო კომპანია ავტობუსის მძღოლის პოზიციაზე 400 ვაკანსი...

„უკვე შევიძინეთ 160 ერთეული 18-მეტრიანი ავტობუსი, რომლებიც ამჟამად დამზადების პროცესშია. მათი შემოყვანა და სხვადასხვა მარშრუტზე გაშვება 2024 წლის განმავლობაში მოხდება. ამის გათვალისწინებით, თბილისის სატრანსპორტო კომპანიამ დაიწყო აღნიშნული ავტობუსების მართვისთვის საჭირო E კატეგორიის მოწმობის მისაღებად კომპანიაში ამჟამად მომუშავე მძღოლების გადამზადება. მათ ნაცვლად, აუცილებელი გახდება, შეივსოს 8, 10 და 12-მეტრიანი ავტობუსების მძღოლების ვაკანტური ადგილები“, – აღნიშნა კახა კალაძემ.მისი თქმით, აღნიშნულ ვაკანსიაზე თანამდებობრივი სარგო შეადგენს 2 500 – 3 000 ლარს გამომუშავებით.„ვისაც სურვილი აქვს დასაქმების, უნდა მიმართოს თბილისის სატრანსპორტო კომპანიას. შესაბამისი გასაუბრებისა და სტაჟირების გავლის შემდეგ, ყველა ადამიანს, განურჩევლად სქესისა, შესაძლებლობა ექნება, დასაქმდეს M3 კატეგორიის ავტობუსის მძღოლის პოზიციაზე. ვაკანსია ცხადდება 400 მძღოლზე. მოცემულ ვაკანსიაზე თანამდებობრივი სარგო შეადგენს 2 500 – 3 000 ლარს გამომუშავებით“, – განაცხადა დედაქალაქის მერმა.