GCCA-მა "ნიუ ვიჟენ უნივერსიტეტის" მიერ მცხეთის ჰოსპიტლის წილის შეძენა კონკურენტულ გარემოსთან თავსებადად ცნო

კერძოდ, Lion Finance Group-ის (BGEO LN) აქციები დაიხურა 102.50 ბრიტანულ ფუნტ სტერლინგში (GBP), +5.67% წინა კვირასთან შედარებით და +7.67% გასულ თვესთან შედარებით. ვაჭრობის მოცულობამ 207 ათას აქციაზე მეტი შეადგინა, GBP 97.55 - 103.20 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 56 ათასი აქცია შეადგინა.თიბისი ბანკის ჯგუფის (TBCG LN) აქციები დაიხურა 46.65 ბრიტანულ ფუნტ სტერლინგში (GBP), +9.76% წინა კვირასთან შედარებით და +17.21% გასულ თვესთან შედარებით. ვაჭრობის მოცულობამ 268 ათას აქციაზე მეტი შეადგინა, GBP 42.00 - 46.65 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 68 ათასი აქცია შეადგინა.Georgia Capital-ის (CGEO LN) აქციები დაიხურა 34.00 ბრიტანულ ფუნტ სტერლინგში (GBP), +2.56% წინა კვირასთან შედარებით და +8.97% გასულ თვესთან შედარებით. ვაჭრობის მოცულობამ 194 ათას აქციაზე მეტი შეადგინა, GBP 33.15 - 34.75 დიაპაზონში. ბოლო 4 კვირის განმავლობაში, საშუალო დღიური ვაჭრობის მოცულობამ 48 ათასი აქცია შეადგინა.

1771834818

ფულადი გზავნილები: პოზიტიური დინამიკა იანვარში2026 წლის იანვარში ფულადი გზავნილები წლიურად 16.6%-ით გაიზარდა და $282.6 მლნ  შეადგინა. ზრდა დაფიქსირდა ყველა ძირითადი დონორი ქვეყნიდან. გალტ & თაგარტის პროგნოზით, 2026 წელს ფულადი გზავნილები $3.8 მლრდ-ს მიაღწევს, რაც $200 მლნ-ით ზრდაა 2025 წლის ფაქტიურ მაჩვენებელთან შედარებით.საგარეო ვაჭრობა: 2026 წელი ექსპორტის მაღალი ზრდით დაიწყო2026 წლის იანვარში ექსპორტის მკვეთრი ზრდის და იმპორტი შემცირების შედეგად, სავაჭრო დეფიციტი საგრძნობლად შემცირდა. იანვარში, ექსპორტმა $480 მლნ შეადგინა, იმპორტმა – $1.1 მლრდ, ხოლო სავაჭრო დეფიციტი $649 მლნ იყო. ამასთან, ექსპორტის გეოგრაფიულ სტრუქტურაში აღსანიშნავია ევროკავშირის მიმართულება, რომელზეც ექსპორტის 16.1% მოდიოდა და სადაც ექსპორტი წლიურად 45.4%-ით გაიზარდა. დსთ-ის ქვეყნებზე ექსპორტის 46.7% მოდიოდა, თუმცა ამ მიმართულებით 13.4%-იანი წლიური კლება აღინიშნა. სხვა ქვეყნებში ექსპორტმა მთლიანი მოცულობის 37.2% შეადგინა, რაც წლიურად თითქმის გაორმაგებულ დონეს წარმოადგენს.უმუშევრობა: 2025 წელს უმუშევრობა 13.9%-ზე შენარჩუნდა2025 წლის მე-4 კვარტალში უმუშევრობის დონე წლიურად 0.9 პროცენტული პუნქტით შემცირდა და 13.3% შეადგინა. შედეგად, 2025 წელს უმუშევრობის დონემ 13.9% შეადგინა, რაც წინა წელთან შედარებით უცვლელია.ფულადი ბაზარი: ძლიერი მოთხოვნა ნარჩუნდება2026 წლის 17 თებერვალს ფინანსთა სამინისტრომ გრძელვადიანი ფასიანი ქაღალდების ერთი აუქციონი ჩაატარა. მოთხოვნა შეთავაზებას 4.4-ჯერ აღემატებოდა, ხოლო საშუალო შეწონილი საპროცენტო განაკვეთი 0.252 პროცენტული პუნქტით შემცირდა.

1771834538

ინიციატივა მოიცავს ონლაინშეხვედრას, რომელთა მიმდინარეობისას მონაწილეები ფინანსებისა და მეწარმეობის საფუძვლებს, ფინანსური მიზნის დასახვას, წარმატებული მეწარმის თვისებებს, მენეჯმენტსა და სხვა მნიშვნელოვან საკითხებს გაეცნენ. ემიგრანტი ქალების მიერ განხორციელებული ფულადი გზავნილები საქართველოში დარჩენილი ოჯახებისთვის ხშირად შემოსავლის მთავარი ან ერთადერთი წყაროა. შესაბამისად, მათ შრომას არა მარტო ცალკეული ადამიანების კეთილდღეობისთვის, არამედ ქვეყნის ეკონომიკისთვისაც უმნიშვნელოვანესი როლი აქვს. ამავდროულად, ემიგრანტი ქალები გამომუშავებულ თანხებს უმეტესად მთლიანად საქართველოში გზავნიან და ფინანსური დანაზოგის გაკეთებას ვერ ახერხებენ, რის გამოც ემიგრაციაში, საკუთარი ოჯახებისგან შორს, განუსაზღვრელი დროით რჩებიან. მნიშვნელოვანია ისიც, რომ გამოგზავნილი თანხების ხარჯვის კონტროლიც მათთვის ფაქტიურად შეუძლებელია. შეხვედრებზე მიღებული ცოდნა მონაწილეებს თანხების გონივრულად დაზოგვაში, საკუთარი მიზნებისთვის გამოყენებასა და გონივრულად ინვესტირებაში დაეხმარება. მეწარმეობის უნარ-ჩვევების გაძლიერება კი ქალებსა და გოგოებს საშუალებას მისცემს, საკუთარ თავში აღმოაჩინონ და განავითარონ ახალი შესაძლებლობები და დაზოგილი თანხა საკუთარი საქმის დასაწყებად გამოიყენონ. საგულისხმოა, რომ ამ პროცესში ინტენსიურად ჩაერთნენ “კრისტალის” გუნდის წევრები, რომლებიც უშუალოდ ატარებენ ონლაინ შეხვედრებს და მონაწილეებს საკუთარ ცოდნასა და გამოცდილებას უზიარებენ.ემიგრანტი ქალებისა და გოგოების ფინანსური ცნობიერების ამაღლების ინიციატივა ეფუძნება პროექტ Buzz Georgia-ს, რომლის ფარგლებშიც, 2020-2024 წლებში, „კრისტალის“ დახმარებით, პიროვნული, სამეწარმეო და ეკონომიკური გაძლიერების ტრენინგების გავლის საშუალება 5000 -მდე ქალს მიეცა.„ქალებისა და გოგოების ფინანსური ცოდნითა და სამეწარმეო უნარებით გაძლიერება „კრისტალისთვის“ კორპორაციული სოციალური პასუხისმგებლობის მრავალწლიანი, სტრატეგიული მიმართულებაა. თუმცა, კონკრეტულად ემიგრაციაში მყოფი ქალებისა და გოგოების მხარდაჭერას კიდევ უფრო შორს მიმავალი მიზნები და ამოცანები აქვს: მნიშვნელოვანია, ამ ადამიანებს ჰქონდეთ ცოდნა, რომელიც დაეხმარება მათ, სწორად განკარგონ საკუთარი ფინანსები და აღმოაჩინონ ახალი გზები როგორც საკუთარი, ისე ოჯახების მატერიალური სტაბილურობისა და კეთილდღეობისთვის“, - აღნიშნავენ „კრისტალში“.''Lib.ge და კრისტალის თანამშრომლობა არაერთ ასპექტს მოიცავს. მათ შორის არის სხვადასხვა საგნის სწავლება ბავშვებისთვის, ეთნიკურად არაქართველი ჩვენი მოქალაქე მასწავლებლების გადამზადება და სხვა საგანმანათლებლო მიმართულებების მხარდაჭერა. მათ შორის ცალკე აღნიშვნის ღირსია ემიგრაციაში მცხოვრები ჩვენი თანამემამულეებისთვის ფინანსური მიმართულების ცნობიერების ამაღლების სემინარები. ასეთი საგნობრივი შეხვედრები, მით უფრო ამ ადამიანებისთვის უკიდერუსად სასურველი და საჭიროც კია'', - გიორგი კეკელიძე, Lib.ge-ს დამფუძნებელი.“კრისტალისა” და Lib.ge აკადემიის პარტნიორობას საფუძველი გასული წლის შემოდგომაზე ჩაეყარა. თანამშრომლობა სამ მიმართულებას მოიცავს და ემიგრანტი ქალებისა და გოგოების ფინანსური ცნობიერების ამაღლებასთან ერთად, სამცხე-ჯავახეთსა და ქვემო ქართლში მასწავლებელთა პროფესიული განვითარების მხარდაჭერასა და მოსწავლეებისთვის განათლების ხელმისაწვდომობის გაზრდას გულისხმობს. (R)

1771832854

გამოძიებით დადგინდა, რომ ბრალდებულებმა, მატერიალური სარგებლის მიღების მიზნით, უკანონოდ შეინახეს და შემდგომი რეალიზაციისთვის გადაზიდეს აქციზური მარკით სავალდებულო დართვას დაქვემდებარებული სხვადასხვა დასახელების (BELUGA, GREY GOOSE, NEFT, ABSOLUT, СНЕЖНЫЙ БАРС, SVEDSKAY) ალკოჰოლური სასმელი, რომლის სავარაუდო ღირებულება 140 000 ლარს აღემატება.საგამოძიებო სამსახურმა ბრალდებულები უაქციზო პროდუქციის შენახვა-გადაზიდვის ფაქტზე დააკავა. ამ ეტაპზე გრძელდება საგამოძიებო მოქმედებები დანაშაულში შესაძლო მონაწილე სხვა პირების გამოვლენისა და მხილების მიზნით.საქმეზე გამოძიება საქართველოს სისხლის სამართლის კოდექსის მე-200 მუხლის მე-2 ნაწილის „გ“ ქვეპუნქტითა და მე-3 ნაწილით მიმდინარეობს, რაც სასჯელის სახით 6-დან 8 წლამდე ვადით თავისუფლების აღკვეთას ითვალისწინებს.

1771832719

სწორედ ამ მიზნით, საქართველოს ბანკმა თანამშრომლობა გააფორმა კავკასიის განახლებადი ენერგიის ჰოლდინგთან (CCEH). ხელშეკრულების საფუძველზე, 2025 წელს ბანკმა განახლებადი ენერგიის მწარმოებლისგან იმ ოდენობის წარმოშობის სერტიფიკატი შეიძინა, რა რაოდენობის ელ. ენერგიაც წლის განმავლობაში მოიხმარა. კავკასიის განახლებადი ენერგიის ჰოლდინგი (CCEH) არის საერთაშორისო საინვესტიციო ჰოლდინგური კომპანია, რომელიც დაარსდა 2015 წელს და ამ დროიდან წარმატებით ოპერირებს საქართველოს ბაზარზე. კომპანიის ინვესტორებს წარმოადგენენ ამერიკის შეერთებული შტატებისა და დასავლეთ ევროპის წამყვანი საფინანსო ინსტიტუტები. CCEH-ის საქმიანობის მთავარი მიმართულება სუფთა და განახლებადი ენერგიის განვითარებაა საქართველოში.„გვწამს, რომ ყოველი ასეთი ინიციატივა წვლილს შეიტანს სუფთა ენერგიის განვითარებაში, მხარს უჭერს მწარმოებლებს და შედეგად ხელს უწყობს ქვეყნის ეკონომიკურ წინსვლასა და მდგრად მომავალთან მიახლოებას. ჩვენი მიზანია თანამშრომლობა გავაძლიეროთ ქვეყნის მწვანე გარდაქმნისთვის, რადგან განახლებადი ენერგია დღეს აუცილებელი და პასუხისმგებლიანი არჩევანია. გვახარებს საქართველოს ბანკთან თანამშრომლობის კიდევ უფრო მეტად გაღრმავება“, - აღნიშნავს ნინო მაღრაძე, CCEH კომერციული მიმართულების ხელმძღვანელი.„წარმოშობის სერტიფიკატების შეძენა საქართველოს ბანკისთვის განახლებადი ენერგიის მხარდაჭერის მნიშვნელოვან და პრაქტიკულ მექანიზმს წარმოადგენს. ამ ინიციატივის ფარგლებში, ჩვენ ხელს ვუწყობთ საქართველოში განახლებადი ენერგიის წარმოებისა და განვითარების წახალისებას, რაც სრულად შეესაბამება ბანკის მდგრადი განვითარების სტრატეგიას. გარემოზე ზემოქმედების შემცირება ჩვენი ოპერაციების მნიშვნელოვანი ნაწილია და ამ მიმართულებით მუშაობას მომავალშიც გავაგრძელებთ“, - აღნიშნავს ანა ოსაძე, საქართველოს ბანკის ESG და მდგრადობის მიმართულების ხელმძღვანელი.ინფორმაციისთვის, წარმოშობის სერტიფიკატი ელექტრონული დოკუმენტია, რომელიც ადასტურებს, რომ მომხმარებლისთვის მიწოდებული ელექტროენერგიის კონკრეტული მოცულობა განახლებადი წყაროებიდან არის მიღებული. სერტიფიკატები გამოიყენება განახლებადი ენერგიის წყაროების განვითარების მხარდასაჭერად, რათა ხელი შეუწყოს მიმწოდებლებისა და მომხმარებლების მიერ განახლებული ენერგიის მოხმარებას. აღნიშნული ინიციატივა ორგანიზაციის მიერ გარემოსთვის მიყენებული ნეგატიური ზეგავლენის შემცირებას ისახავს მიზნად.(R) 

1771831738

ზელენსკიმ BBC-ის განუცხადა, რომ პუტინს მესამე მსოფლიო ომი უკვე დაწყებული აქვს და ერთადერთი პასუხი ინტენსიური სამხედრო და ეკონომიკური ზეწოლაა, რათა მან უკან დაიხიოს.„მჯერა, რომ პუტინმა ის უკვე დაიწყო. საკითხავი მხოლოდ ისაა, კიდევ რამდენი ტერიტორიის მითვისებას შეძლებს და როგორ შევაჩეროთ იგი... რუსეთს სურს მსოფლიოს თავს მოახვიოს ცხოვრების განსხვავებული წესი და შეცვალოს ის ყოფა, რომელიც ხალხმა თავად აირჩია“.რუსეთის მოთხოვნას, რაც შეეხება, რომ უკრაინამ ჩააბაროს დონეცკის აღმოსავლეთ რეგიონის ის 20%, რომელსაც ჯერ კიდევ აკონტროლებს - ქალაქების ხაზი, რომელთაც უკრაინა „ციხესიმაგრე-ქალაქებს“ უწოდებს - ისევე როგორც დამატებითი მიწები ხერსონისა და ზაპორიჟიას სამხრეთ რეგიონებში? - BBC-ის ჟურნალისტმა ზელენსკის ჰკითხა, არის თუ არა ეს გონივრული მოთხოვნა, თუკი ის ცეცხლის შეწყვეტამდე მიგვიყვანს?„მე ამას სხვანაირად ვხედავ. ამას მხოლოდ მიწად არ აღვიქვამ. ამაში ვხედავ მიტოვებას - ჩვენი პოზიციების დასუსტებას, იქ მცხოვრები ასიათასობით ჩვენი ადამიანის ბედის ამარა დატოვებას. აი, ასე ვხედავ ამას. და დარწმუნებული ვარ, რომ ეს „უკან დახევა“ ჩვენს საზოგადოებას გახლეჩს“.BBC-ის ჟურნალისტი მორიგ კითხვაზე: მაგრამ განა ეს არ არის გადასახდელად მისაღები ფასი, თუკი ის პუტინს დააკმაყოფილებს? გგონიათ, რომ ეს მას დააკმაყოფილებს? - ზელენსკი პასუხობს, „ეს მას, ალბათ, გარკვეული ხნით დააკმაყოფილებს... მას პაუზა სჭირდება... მაგრამ როგორც კი ძალებს აღიდგენს - ჩვენი ევროპელი პარტნიორები ამბობენ, რომ ამას სამიდან ხუთ წლამდე დასჭირდება, ჩემი აზრით კი, ძალების აღდგენას ორ წელზე მეტს არ მოანდომებს - მერე საით წავა? ჩვენ არ ვიცით, მაგრამ ის, რომ მას ომის გაგრძელება მოუნდება, ფაქტია“. ტრამპის ფაქტორი და გამარჯვების ხედვააშშ-ის პრეზიდენტმა დონალდ ტრამპმა ჟენევაში ცეცხლის შეწყვეტის ბოლო მოლაპარაკებების წინა დღეს განაცხადა, რომ „უკრაინას ურჩევნია მოლაპარაკებების მაგიდასთან სწრაფად დაჯდეს“. ის კვლავ უფრო მეტად უკრაინაზე აჭერს ხელს, ვიდრე რუსეთზე. დასავლელი დიპლომატები გასული ზაფხულიდან მოყოლებული მიანიშნებენ, რომ ტრამპი ეთანხმება პუტინს იმაში, რომ უკრაინის მხრიდან ტერიტორიული დათმობები არის ცეცხლის შეწყვეტის გასაღები, რომელიც ტრამპს იდეალურ შემთხვევაში მომავალ ზაფხულამდე სურს.BBC წერს, თეთრი სახლის გარეთაც ბევრი ანალიტიკოსი მიიჩნევს, რომ უკრაინა ომს ვერ მოიგებს და მოსკოვისთვის დათმობების გარეშე მას წააგებს. ზელენსკის BBC-ის ჟურნალისტმა ჰკითხე, ჰქონდათ თუ არა ტრამპსა და სხვებს სიმართლის მარცვალი?„ახლა სად ხართ?“ - უპასუხა კითხვითვე ზელენსკიმ. „დღეს თქვენ ხართ კიევში, ჩვენი სამშობლოს დედაქალაქში, თქვენ ხართ უკრაინაში. ამისთვის ძალიან მადლობელი ვარ. წავაგებთ? რა თქმა უნდა, არა, რადგან ჩვენ უკრაინის დამოუკიდებლობისთვის ვიბრძვით“.ზელენსკის ხშირად უთქვამს, რომ უკრაინას შეუძლია მოგება, მაგრამ როგორი იქნება გამარჯვება? რა თქმა უნდა, მისი თქმით, გამარჯვება უკრაინელებისთვის ნორმალური ცხოვრების აღდგენასა და მკვლელობების დასრულებას ნიშნავს. თუმცა, გამარჯვების უფრო ფართო ხედვა, რომელიც მან წარმოადგინა, გლობალურ საფრთხეს ეხებოდა, რომელიც, მისი თქმით, პუტინისგან მოდის.„მჯერა, რომ პუტინის დღეს შეჩერება და მისი მხრიდან უკრაინის ოკუპაციის აღკვეთა მთელი მსოფლიოს გამარჯვებაა. რადგან პუტინი უკრაინაზე არ გაჩერდება“.BBC-ის ჟურნალისტი: თქვენ ხომ არ ამბობთ, რომ გამარჯვება მთელი ტერიტორიის დაბრუნებაა?ზელენსკი: „ჩვენ ამას გავაკეთებთ. ეს აბსოლუტურად ნათელია. ეს მხოლოდ დროის საკითხია. ამის დღეს გაკეთება ნიშნავს უამრავი ადამიანის - მილიონობით ადამიანის დაკარგვას, რადგან [რუსული] არმია დიდია და ჩვენ გვესმის ასეთი ნაბიჯების ფასი. თქვენ არ გეყოფათ ხალხი, მათ დაკარგავთ და რა არის მიწა ხალხის გარეშე? სიმართლე გითხრათ, არაფერი. ასევე არ გვაქვს საკმარისი იარაღი. ეს მხოლოდ ჩვენზე არ არის დამოკიდებული, არამედ ჩვენს პარტნიორებზეც. ასე რომ, ამ მომენტისთვის ეს შეუძლებელია, მაგრამ 1991 წლის სამართლიან საზღვრებთან დაბრუნება უდავოდ არის არა მხოლოდ გამარჯვება, არამედ სამართლიანობა. უკრაინის გამარჯვება ჩვენი დამოუკიდებლობის შენარჩუნებაა, ხოლო მთელი მსოფლიოსთვის სამართლიანობის გამარჯვება - ჩვენი ყველა მიწის დაბრუნება“. ურთიერთობა ვაშინგტონთანერთი წლის წინ ზელენსკი თეთრ სახლს ეწვია და მიიღო ისეთი დახვედრა, რომელიც ერთ-ერთმა მაღალი რანგის დასავლელმა დიპლომატმა BBC-ის აღუწერა, როგორც წინასწარ დაგეგმილი საჯარო „დიპლომატიური ძარცვა“ დონალდ ტრამპისა და მისი ვიცე-პრეზიდენტის, ჯეი დი ვენსის მხრიდან. მათ არგუმენტებს, მსოფლიო მედიის თანდასწრებით, მილიონობით ადამიანი ადევნებდა თვალს.ტრამპი, რომელიც ახლახან მეორე ვადით იქნა არჩეული, უგზავნიდა სიგნალს მსოფლიოს, რომ მხარდაჭერის ერა, რომლის იმედიც ზელენსკის და უკრაინას პრეზიდენტ ჯო ბაიდენისგან ჰქონდათ, დასრულდა. NATO-ს წევრები უკვე გაფრთხილებულნი იყვნენ ახალი ადმინისტრაციის მიერ. ვენსი კი ახალი დაბრუნებული იყო ევროპიდან, სადაც დასავლეთ ევროპას ტრანსატლანტიკური ალიანსის სიმტკიცეზე ილუზიები დაუმსხვრია.მას შემდეგ, ზელენსკი, რომელიც გავრცელებული ინფორმაციით ბრიტანეთის ეროვნული უსაფრთხოების მრჩევლის, ჯონათან პაუელისგან იღებდა რჩევებს, ტრამპთან საჯარო დაპირისპირებას ერიდება. აშშ-ის პრეზიდენტმა თითქმის მთლიანად შეაჩერა უკრაინისთვის სამხედრო დახმარების მიწოდება. თუმცა, აშშ კვლავ აწვდის სასიცოცხლოდ მნიშვნელოვან სადაზვერვო ინფორმაციას, ხოლო ევროპული ქვეყნები მილიარდებს ხარჯავენ ამერიკელებისგან იარაღის შესაძენად უკრაინისთვის გადასაცემად.უკრაინის პრეზიდენტს BBC-ის ჟურნალისტმა ჰკითხა ტრამპის ხშირად წინააღმდეგობრივ განცხადებებზე და შეახსენა მის მიერ ნათქვამი სიცრუე, თითქოს ზელენსკი დიქტატორია, რომელმაც ომი დაიწყო - რაც ზუსტად იმეორებს ვლადიმერ პუტინის მტკიცებებს. ზელენსკის გაეცინა:„მე არ ვარ დიქტატორი და ომი არ დამიწყია, ესაა და ეს“.მაგრამ შეგიძლიათ ენდოთ ტრამპს? ჰკითხა ჟურნალისტმა მას, თუკი მისგან უსაფრთხოების გარანტიას მიიღებდა, შეასრულებდა თუ არა ის სიტყვას? ის ხომ ადამიანია, რომელიც აზრს ხშირად იცვლის.„საუბარია არა მხოლოდ პრეზიდენტ ტრამპზე, არამედ ამერიკაზე. ჩვენ ყველანი პრეზიდენტები ვართ შესაბამისი ვადებით. ჩვენ გვინდა გარანტიები, მაგალითად, 30 წლით. პოლიტიკური ელიტები შეიცვლება, ლიდერები შეიცვლება“.იგი გულისხმობდა, რომ აშშ-ის უსაფრთხოების გარანტიებს ვაშინგტონში კონგრესის თანხმობა სჭირდება, რათა ისინი მყარი იყოს. „მათ კონგრესში მიზეზთა გამო ეყრება კენჭი. ეს მხოლოდ პრეზიდენტებს არ ეხება. კონგრესია საჭირო. რადგან პრეზიდენტები იცვლებიან, ინსტიტუტები კი რჩება.“ სხვა სიტყვებით რომ ვთქვათ, დონალდ ტრამპი შეიძლება არასაიმედო იყოს, მაგრამ ის იქ სამუდამოდ არ იქნება.არჩევნები და შიდა გამოწვევებიზელენსკი ამბობს, რომ უსაფრთხოების ეს გარანტიები ძალაში უნდა შევიდეს მანამ, სანამ ის აშშ-ის კიდევ ერთ მოთხოვნას განიხილავს - ზაფხულისთვის საყოველთაო არჩევნების ჩატარებას. ეს მოთხოვნა ეხმიანება რუსულ ნარატივს, თითქოს ზელენსკი არალეგიტიმური პრეზიდენტია. ტრამპს არ მოუთხოვია არჩევნები რუსეთში, სადაც პუტინი პირველად მე-20 საუკუნის ბოლო დღეს გახდა ლიდერი.ზელენსკიმ აღნიშნა, რომ ჯერ არ გადაუწყვეტია, იყრის თუ არა კვლავ კენჭს, როდესაც არჩევნები ჩატარდება: „შეიძლება კენჭი ვიყარო, შეიძლება - არა“.არჩევნები 2024 წელს უნდა ჩატარებულიყო, თუმცა მათი ჩატარება შეუძლებელი იყო საომარი მდგომარეობის გამო, რომელიც რუსეთის სრულმასშტაბიანი შეჭრის შემდეგ შემოიღეს. გადადებული არჩევნების ჩატარება, მისი თქმით, ტექნიკურად შესაძლებელია, თუკი ექნებათ დრო კანონის შესაცვლელად, მაგრამ მას მანამდე უსაფრთხოების გარანტიები სჭირდება.ზელენსკიმ ჩამოთვალა იმდენი პოტენციური პრობლემა არჩევნების ჩატარებასთან დაკავშირებით (მილიონობით ლტოლვილი საზღვარგარეთ და რუსეთის მიერ ოკუპირებული ტერიტორიები), რომ BBC-ის ჟურნალისტმა ვარაუდი გამოთქვა, რომ რეალურად ის ამ იდეის წინააღმდეგი იყო.„თუ ეს ომის დასრულების პირობაა, მოდით გავაკეთოთ. მე ვთქვი: 'სიმართლე გითხრათ, თქვენ მუდმივად აყენებთ არჩევნების საკითხს". პარტნიორებს ვუთხარი: "თქვენ ერთი რამ უნდა გადაწყვიტოთ: ჩემი თავიდან მოცილება გინდათ თუ არჩევნების ჩატარება? თუ არჩევნების ჩატარება გინდათ, მაშინ ჩაატარეთ ეს არჩევნები პატიოსნად. ჩაატარეთ ისე, რომ უკრაინელმა ხალხმა ცნოს ისინი, უპირველეს ყოვლისა. და თქვენ თავადაც უნდა აღიაროთ, რომ ეს ლეგიტიმური არჩევნებია“.იარაღი და მომავალივოლოდიმირ ზელენსკის უკრაინაშიც ჰყავს ოპონენტები და მკაცრი კრიტიკოსები. მის მთავრობას გასულ შემოდგომაზე კორუფციულმა სკანდალმა დაარტყა, რასაც მისი უახლოესი მრჩევლის წასვლა მოჰყვა. თუმცა, ახალი გუნდით, ზელენსკი კვლავ სარგებლობს მხარდაჭერის ისეთი რეიტინგით, რომელზეც დასავლეთ ევროპის ლიდერების უმეტესობას მხოლოდ ოცნება შეუძლია.იგი ზოგჯერ აღიზიანებს მოკავშირეებს მეტი და უკეთესი აღჭურვილობის მუდმივი მოთხოვნით. ერთ-ერთი ბრალდება, რომელიც მას ოვალურ კაბინეტში ტრამპმა და ვენსმა წაუყენეს, იყო ის, რომ იგი არ იყო საკმარისად მადლიერი. მისი სიის ბოლო პუნქტია ნებართვა ამერიკული იარაღის ლიცენზიით წარმოებაზე, მათ შორის Patriot-ის საჰაერო თავდაცვის რაკეტების.„დღეს საკითხი საჰაერო თავდაცვაა. ეს ყველაზე რთული პრობლემაა. სამწუხაროდ, ჩვენი პარტნიორები ჯერ კიდევ არ გვაძლევენ ლიცენზიებს სისტემების თვითონ საწარმოებლად, მაგალითად, Patriot-ის სისტემების, ან თუნდაც რაკეტების იმ სისტემებისთვის, რომლებიც უკვე გვაქვს. ჯერჯერობით ამაში წარმატებას ვერ მივაღწიეთ“.ჟურნალისტი: რატომ არ აკეთებენ ამას?ზელენსკი: „არ ვიცი. პასუხი არ მაქვს“.BBC-თან ინტერვიუს დასასრულს ზელენსკიმ უკრაინულიდან ინგლისურზე გადაინაცვლა. BBC-ის ჟურნალისტმა კი მას ჰკითხა, უნდა მოვემზადოთ თუ არა კიდევ უფრო ხანგრძლივი ომისთვის უკრაინაში?„არა, არა, არა, ეს ორი პარალელური გზაა... თქვენ ჭადრაკს ეთამაშებით ბევრ ლიდერს და არა რუსეთს. არ არსებობს ერთი სწორი გზა. უნდა აირჩიოთ ბევრი პარალელური ნაბიჯი, პარალელური მიმართულება. და ერთ-ერთ ამ პარალელურ გზას, ვფიქრობ, მოჰყვება წარმატება. ჩვენთვის წარმატება პუტინის შეჩერებაა“.ჟურნალისტი: მაგრამ ვლადიმერ პუტინი ხომ არ აპირებს ამ ომის დასრულებას? თუ მასზე კოლოსალური ზეწოლა არ იქნება, ის კი არ ჩანს ასეთ ზეწოლის ქვეშ.ზელენსკი: „კი და არა. ვნახოთ. კი და არა. მას არ უნდა, მაგრამ "არ უნდა" არ ნიშნავს, რომ არ გააკეთებს. ღმერთმა ინებოს. ღმერთმა ქნას, წარმატებულები ვიყოთ. გმადლობთ“.ზელენსკიმ ეს თქვა თუ არა, ფოტოები გადაიღო, BBC-ის გუნდს ხელი ჩამოართვა და ოთახიდან გავიდა.

1771824540

ინიციატივის მიზანი ბავშვებთან და მოზარდებთან მომუშავე სპეციალისტებისთვის ხარისხიან განათლებაზე ხელმისაწვდომობის გაზრდაა. შესაბამისად, ბაზრობის ფარგლებში, შემოსული თანხა მოხმარდება სპეციალისტების გადამზადებას - ვორქშოფებსა და ტრენინგებს, რომლებიც ხელს შეუწყობს ახალი თაობისთვის უკეთესი გარემოს შექმნას.საქართველოს ბანკი, როგორც განათლების მთავარი მხარდამჭერი, Healo-ის ინიციატივის პარტნიორია.ღონისძიება სტუმრებს 12:00 საათიდან 20:00 საათამდე უმასპინძლებს.პროექტის შესახებ დეტალური ინფორმაციის მისაღებად, ეწვიეთ ვებგვერდს.(R)

1771602470

TBC Uzbekistan-მა, რომელიც აერთიანებს ციფრულ ბანკს TBC Bank, გადახდის სერვის payme-ს, განვადების სერვის TBC Nasiya-ს, ციფრულ სადაზღვევო კომპანიას TBC Sugʻurta-ს და SaaS პლატფორმა BILLZ-ს, მნიშვნელოვნად გაზარდა საოპერაციო შემოსავლები და მომხმარებელთა რიცხვი, რაშიც მნიშვნელოვანი წვლილი მიუძღვის TBC Biznes მიმართულების გააქტიურებას.საოპერაციო შემოსავალი წლის განმავლობაში გაიზარდა 64%-ით და მიაღწია 3.17 ტრილიონ სუმს (დაახლოებით $257.31 მლნ), ხოლო წმინდა მოგებამ შეადგინა 581 მლრდ სუმი (დაახლოებით $47.46 მლნ).სესხების პორტფელი გაიზარდა 41%-ით და შეადგინა 11.4 ტრილიონი სუმი (დაახლოებით $931.15 მლნ), ხოლო დეპოზიტების მოცულობა გაიზარდა 38%-ით და იყო 6.68 ტრილიონი სუმი (დაახლოებით $545.27 მლნ).ეკოსისტემის გავლით შესრულებული გადახდები საანგარიშო პერიოდში 61%-ით გაიზარდა და 114.45 ტრილიონი სუმი შეადგინა (დაახლოებით $9.35 მლრდ). TBC Bank-ისა და payme-ს წილი ქვეყნის მასშტაბით შესრულებულ ტრნაზაქციებში 20%-ს შეადგენდა.2025-ის ბოლოს, TBC-ის უზბეკეთში რეგისტრირებული მომხმარებლების რაოდენობა გახდა 23 მილიონი, ხოლო თვეში აქტიური აუდიტორია 6 მილიონი იყო.TBC Bank-ს 2025 წლის ბოლოსთვის გამოშვებული ჰქონდა 950 ათასი დებეტური ბარათი TBC Salom და 146 ათასი საკრედიტო ბარათი TBC Osmon, ხოლო 2026 წლის თებერვლამდე დებეტური ბარათების რაოდენობამ გადააჭარბა 1 მილიონს.TBC Sugʻurta-ს (TBC დაზღვევა) საშუალებით გაფორმდა 400 000+ სადაზღვევო პოლისი, ხოლო TBC Nasiya-ს სერვისი გააჩნია 140 000 თვეში აქტიურ მომხმარებელს.POS სესხების პორტფელი გაიზარდა 47%-ით და შეადგინა 1.29 ტრილიონი სუმი (დაახლოებით $105.35 მლნ). payme plus და TBC Plus-ის მომსახურებით კი 708 000 მომხმარებელი სარგებლობს.ანგარიშში აღნიშნულია, რომ TBC Biznes მიმართულების განვითარება წარმოადგენს ეკოსისტემის ძირითად პრიორიტეტს.2025 წლის დეკემბერში ბიზნეს-კლიენტების რაოდენობა იყო 55 000, ხოლო ბიზნეს-სესხების პორტფელი 1.83 ტრილიონი სუმი (დაახლოებით $149.47 მლნ). BILLZ პლატფორმის ინტეგრაციამ ხელი შეუწყო საწარმოების შესაძლებლობას ავტომატიზაციის მენეჯმენტში, პროდუქციის მარაგებში, გადახდების მიღებაში, ანალიზსა და ფინანსირების მოზიდვაში. პლატფორმაზე რეგისტრირებულია 3.5 ათასი ბრენდი და 5.5 ათასი მაღაზია, წლის ბრუნვამ შეადგინა 17.5 ტრილიონი სუმი (დაახლოებით $1.43 მლრდ).2026 წლის თებერვლის მდგომარეობით კი, ჩართულია მობილური აპლიკაცია და ბიზნესის გამოწერის სერვისიც.TBC-ს უზბეკეთში ხელოვნური ინტელექტი საკმაოდ კარგად აქვს ინტეგრირებული, მათ შორის, 2025 წლის 31 დეკემბრის მდგომარეობით, AI აგენტები აწარმოებდნენ პრობლემური კრედიტების ადრეულ დაგვიანებაზე ზარების 90%-ს, ხოლო გაყიდვების AI ბოტი თვეში 100 000 ინტერაქციულ ზარს ახორციელებდა.TBC Bank-ის აპლიკაციაში დაინერგა გაყიდვების ხმოვანი ბოტი და AI ასისტენტი ლოლა Friends & Family რეჟიმში. ტექნოლოგიური პლატფორმა გაუმჯობესდა DORA-ს კლასიფიკაციით “elite” დონეზე, დანერგილია ერთიანი CRM სისტემა, განახლდა payme-სა და TBC Bank-ის აპლიკაციების დიზაინი.უზბეკეთში, TBC-ის კლიენტის კმაყოფილების ინდექსი CSI არის 4.8.„2025 წელი იყო TBC Uzbekistan-ისთვის კიდევ ერთი განსაკუთრებული შედეგების წელი. ჩვენ ვაჩვენეთ ზრდა ყველა ძირითადი მიმართულებით და გავაგრძელებთ ლიდერობის გაძლიერებას საცალო სექტორში. მნიშვნელოვანი მიღწევები გვაქვს TBC Biznes-ის განვითარებაში, ბიზნეს-სესხების პორტფელი იზრდება და ეკოსისტემის ორი მიმართულების მოდელი აძლიერებს სინერგიას მომხმარებლებსა და მომწოდებლებს შორის. 2026 წელს გავაგრძელებთ AI-ის გამოყენების მასშტაბირებას და კლიენტთა სერვისის განვითარებას, რაც დაეხმარება ეკოსისტემას ახალ დონეზე აყვანაში”, - აცხადებს TBC Uzbekistan-ის CEO ნიკა კურდიანი.*თანხები დაანგარიშებულია დღევანდელი უზბეკეთის სუმის ოფიციალური გაცვლითი კურსით დოლართან: 1 UZS = $0.00008168. 

1771601855