თიბისი ბიზნესი განაგრძობს ბიზნეს განათლების სერიებს

დღეს, 19 სექტემბერს, გამართულ სხდომაზე კომუნიკაციების კომისიამ "ქართული ოცნება - დემოკრატიული საქართველოს" საჩივარზე იმსჯელა, რომელიც რამდენიმე საკითხს ეხებოდა, კერძოდ:საჩივრის თანახმად, სასამართლო გადაწყვეტილებების მიუხედავად, „მთავარი არხი", „ტელეკომპანია პირველი" და „ფორმულა" კვლავ უარს აცხადებენ „ქართული ოცნება - დემოკრატიული საქართველოს" პოლიტიკური რეკლამის განთავსებაზე. ამასთან დანარჩენი მაუწყებლები კანონის შესაბამისად საკუთარ ბადეში ათავსებენ „ნაციონალური მოძრაობის" უფასო პოლიტიკურ რეკლამას. აღნიშნულიდან გამომდინარე საჩივრის ავტორი მიიჩნევს, რომ ირღვევა მიუკერძოებლობის, სამართლიანობის, თანაბრობისა და არადისკრიმინაციულობის პრინციპები.საჩივარში ასევე აღნიშნულია, რომ კომუნიკაციების კომისიამ იმსჯელა და უკანონოდ მიიჩნია „ევროპული საქართველოს", „კი ევროპას" და „მოქალაქეების" პოლიტიკური რეკლამები, რაც სასამართლომაც დაადასტურა, თუმცა „მთავარ არხზე", „ტელეკომპანია პირველსა" და „ფორმულაზე" კვლავ არის განთავსებული აღნიშნული სარეკლამო რგოლები.საჩივარში ასევე მითითებულია, რომ „საზოგადოებრივი მაუწყებლის აჭარის ტელევიზია და რადიოს" ეთერში უკანონოდ არის განთავსებული „ევროპული საქართველოს", „კი ევროპას" და „მოქალაქეების" პოლიტიკური რეკლამები, ხოლო „ევრონიუს ჯორჯიას" („სილქ მედია") ბადეში - „ევროპული საქართველოს" და „კი ევროპას" სარეკლამო რგოლები.მოქალაქეთა პოლიტიკურმა გაერთიანებამ „ქართული ოცნება - დემოკრატიული საქართველო" საჩივრით კომუნიკაციების კომისიას შემდეგი მოთხოვნებით მიმართა: „ქართული ოცნების" მიერ წარდგენილი უფასო პოლიტიკური რეკლამის განუთავსებლობის გამო „მთავარი არხი", „ტელეკომპანია პირველი" და „ფორმულა" დადგინდნენ სამართალდამრღვევად, მედიასაშუალებების უკანონო ქმედებებისა და საჩივარში აღნიშნული დისბალანსის შესახებ ეცნობათ სადამკვირვებლო მისიებს, ასევე საზოგადოებრივ მაუწყებლებს, სათემო მაუწყებლებსა და საერთო საეთერო მაუწყებლებს დაევალოთ სამაუწყებლო ბადიდან საარჩევნო სუბიექტების „ნაციონალური მოძრაობის", „კოალიცია ცვლილებისთვის გვარამია, მელია, გირჩი, დროა", „ძლიერი საქართველო, ლელო, ხალხისთვის, თავისუფლებისთვის" და „ევროპული დემოკრატების" უფასო პოლიტიკური რეკლამების ამოღება.ასევე „მთავარი არხის", „ტელეკომპანია პირველის", „ფორმულას" და საზოგადოებრივი მაუწყებლის მიმართ დადგინდეს დარღვევა „ევროპული საქართველოს", „მოქალაქეების" და „კი ევროპას" უფასო პოლიტიკური რეკლამის ეთერში განთავსების გამო, ხოლო „ევრონიუს ჯორჯია" იქნას ცნობილი სამართალდამრღვევად „ევროპული საქართველოს" და „კი ევროპას" უფასო პოლიტიკური რეკლამის ეთერში განთავსების გამო.კომუნიკაციების კომისიამ საკითხის განხილვისას „ქართული ოცნება - დემოკრატიული საქართველოს" სარეკლამო რგოლზე იმსჯელა და მიიჩნია, რომ ის არ ეწინააღმდეგება კანონმდებლობის მოთხოვნებს. შესაბამისად, მაუწყებლები ვალდებულნი არიან განათავსონ აღნიშნული რეკლამა წარდგენის შემთხვევაში. კომუნიკაციების კომისიის განმარტება გაიზიარა ასევე საქალაქო სასამართლომაც, რომელმაც პოლიტიკური რეკლამის განუთავსებლობა კანონდარღვევად ჩათვალა და „მთავარ არხს", „ტელეკომპანია პირველსა" და „ფორმულას" ჯარიმა დააკისრა. გამომდინარე იქიდან, რომ აღნიშნული მაუწყებლები კვლავ არ ათავსებენ „ქართული ოცნების" უფასო პოლიტიკურ რეკლამას, ირღვევა „საქართველოს საარჩევნო კოდექსი", რის გამოც კომუნიკაციების კომისიამ მაუწყებლებს სამართალდარღვევის ოქმები შეუდგინა.„მთავარი არხის", „ტელეკომპანია პირველისა" და „ფორმულას" ეთერში განთავსებული „ევროპული საქართველოს", „მოქალაქეებისა" და „კი ევროპას" უფასო პოლიტიკური რეკლამის შესახებ, კომუნიკაციების კომისიის გადაწყვეტილება ასევე გაითვალისწინა სასამართლომ და მაუწყებლების მხრიდან კანონდარღვევა დაადასტურა. კომუნიკაციების კომისიისა და სასამართლოს გადაწყვეტილებების მიუხედავად, სარეკლამო რგოლები ეთერში კვლავ განთავსებულია, შესაბამისად ასევე საარჩევნო კოდექსის დარღვევისთვის აღნიშნული მაუწყებლების მიმართ კომისიამ კვლავ შეადგინა ადმინისტრაციული სამართალდარღვევის ოქმები.რაც შეეხება „აჭარის საზოგადოებრივი მაუწყებლის" ეთერში „ევროპული საქართველოს", „მოქალაქეების" და „კი ევროპას", ხოლო „სილქ მედიას" ეთერში „ევროპული საქართველოს" და „კი ევროპას" განთავსებულ სარეკლამო რგოლებს, კომუნიკაციების კომისიამ მაუწყებლების მხრიდან საარჩევნო კოდექსის დარღვევად შეაფასა, თუმცა გამომდინარე იქიდან, რომ აღნიშნულ მაუწყებლებს ამ ტიპის დარღვევა პირველად უფიქსირდებათ, კომისიამ წინა სამართალწარმოების პრაქტიკის შესაბამისად, ტელეკომპანიების მიმართ სამართალდარღვევის ოქმებს შეადგენს და სასამართლოს მიმართ მათი პასუხისმგებლობისგან გათავისუფლების შესახებ იშუამდგომლებს.რაც შეეხება საზოგადოებრივი მაუწყებლებისა და სხვა საერთო ეროვნული საეთერო მაუწყებლების ბადიდან საარჩევნო სუბიექტების „ნაციონალური მოძრაობის", „კოალიცია ცვლილებისთვის გვარამია, მელია, გირჩი, დროა", „ძლიერი საქართველო, ლელო, ხალხისთვის, თავისუფლებისთვის" და „ევროპული დემოკრატების" უფასო პოლიტიკური რეკლამების ამოღების საკითხს, კომუნიკაციების კომისიამ აღნიშნა, რომ უფასო სარეკლამო დროით სარგებლობა იმ სუბიექტების მიერ, ვისაც ეს კანონით ეკუთვნის უმნიშვნელოვანესია წინასაარჩევნო პროცესის დემოკრატიულად წარმართვისთვის. ასევე, კომუნიკაციების კომისია აცნობიერებს, იმ უარყოფით გავლენას, რასაც იწვევს ზოგიერთი მაუწყებლის მიერ, მათთვის კანონის სრული დაცვით წარდგენილი უფასო პოლიტიკური რეკლამის განუთავსებლობა და მიიჩნევს, რომ აღნიშნული იწვევს უთანასწორობას და დისკრიმინაციულ მიდგომას კონკრეტული საარჩევნო სუბიექტის მიმართ. ასევე, ცხადია რომ არ ხდება კანონის აღსრულება სასამართლოს გადაწყვეტილების მიუხედავად. თუმცა კომუნიკაციების კომისიას მიაჩნია, რომ დისკრიმინაციის აღმოფხვრა უნდა მოხდეს წარდგენილი სარეკლამო რგოლების კანონის სრული დაცვით განთავსებით და არა კანონის შესაბამისად განთავსებული სარეკლამო რგოლების ბადიდან ამოღებით. შესაბამისად, კომუნიკაციების კომისიამ ამ ნაწილში „ქართული ოცნება - დემოკრატიული საქართველოს" საჩივარი არ დააკმაყოფილა და მაუწყებლების მიმართ სამართალდარღვევის ოქმი არ შეადგინა.ასევე უნდა აღინიშნოს, რომ კომუნიკაციების კომისია განსაკუთრებით წინასაარჩევნო პერიოდში აქტიურ კომუნიკაციაშია სადამკვირვებლო მისიებთან, რომლებსაც წინასაარჩევნო მედიაგარემოს შესახებ დეტალურ ინფორმაციას აწვდის. 

1726762955

ფესტივალზე 31 მოკლემეტრაჟიანი და 11 სრულმეტრაჟიანი ფილმი იქნება წარმოდგენილი.კინოფესტივალ ,,თაობის” აქტივობები ქალაქ ქუთაისში შემდეგ სივრცეებში ჩატარდება: აკაკი წერეთლის სახელმწიფო უნივერსიტეტის მულტიფუნქციური  ცენტრი; ,,კინოთეატრი საქართველო”; ი. გრიშაშვილის ქუჩა (თეთრ ხიდთან); აკაკი წერეთლის სახელობის ქალაქ ქუთაისის N1 საჯარო სკოლა. ფესტივალში  ყოველდღიურად 700-მდე ახალგაზრდა მიიღებს მონაწილეობას - ისინი დაესწრებიან სპეციალურად მათთვის შერჩეული ფილმების კინოჩვენებას, ჩაერთვებიან მოდელირებულ დისკუსიებსა და შემოქმედებით ჯგუფებთან შეხვედრებში. მოუსმენენ სხვადასხვა სფეროს პროფესიონალების ლექციებს, მონაწილეობას მიიღებენ მასტერკლასებში და ფესტივალის გამარჯვებულ ფილმებს გამოავლენენ.ღონისძიების ფარგლებში, 21 სექტემბერს, 15:00 საათზე, ქუთაისის პირველ სკოლაში გაიმართება ვორკშოპი, რომელსაც საქართველოს ბანკის და კომაროვის სკოლის ინიციატივით შექმნილი STEM სკოლის მასწავლებელი - მარეხ მაზანაშვილი გაუძღვება. შეხვედრაზე მოსწავლეები გაეცნობიან მომავლის ტექნოლოგიებს, გაიგებენ როგორ არის დაპროგრამებული ჭკვიანი მოწყობილობები, რა გზები არსებობს ინოვაციური იდეების განსახორციელებლად და სხვა.ამასთან, მონაწილეებს შესაძლებლობა ექნებათ, ეწვიონ ღონისძიების ტერიტორიაზე განთავსებულ საქართველოს ბანკის სტენდს და მიიღონ სპეციალური შეთავაზებები.ინფორმაციისთვის, ფესტივალი 20 სექტემბერს, 19:30 საათზე ი. გრიშაშვილის ქუჩაზე იტალიური ფილმის ,,ხვალინდელი დღეც გვაქვს" საჯარო ჩვენებით გაიხსნება. აღნიშნული კინოჩვენება იტალიის საელჩოს მხარდაჭერით გაიმართება.დახურვის ცერემონია კი 26 სექტემბერს, 20:00 საათზე, საქართველოს ტურიზმის ეროვნული ადმინისტრაციის მხარდაჭერით ჩატარდება, რომლის ფარგლებშიც, გამარჯვებული ფილმები გამოვლინდებიან, ხოლო ღონისძიება ქართული ჯგუფების კონცერტით დასრულდება.კინოფესტივალის შესახებ:„თაობა“ არის რეგიონში ყველაზე მასშტაბური ახალგაზრდული კინოფესტივალი, რომელიც 2018 წელს ქალაქ თბილისის მუნიციპალიტეტის ფინანსური მხარდაჭერით თბილისში დაარსდა. ის ხელს უწყობს ახალგაზრდა აუდიტორიის განვითარებას, მათი შესაძლებლობების წარმოჩენასა და საზღვარგარეთ ქართული კულტურის პოპულარიზაციას.კინოფესტივალი არაკომერციულია და მის ფარგლებში განხორციელებულ ღონისძიებებში მონაწილეობა სრულიად უფასოა.საერთაშორისო ახალგაზრდული კინოფესტივალი „თაობა“ არის ევროპის საბავშვო ფილმების ასოციაციის (European Children's Film Association) ერთადერთი წევრი საქართველოდან, ევროპული კინოაკადემიის „ახალგაზრდა აუდიტორიის ჯილდოს“ ქართველი პარტნიორი და თანამშრომლობს ათობით საერთაშორისო კინოფესტივალსა და კინოგანათლების ორგანიზაციასთან მსოფლიოს მასშტაბით.

1726756490

On-Time logistics company ახალი კომპანიაა, რომელიც ქართულ ბაზარზე ოპერირებს და მისი საქმიანობის ძირითად მიმართულებას თურქეთის ბაზრიდან მედიკამენტების იმპორტი წარმოადგენს. პროდუქტის ტრანსპორტირება თურქეთიდან საქართველოში და, საქართველოს გავლით, ცენტრალური აზიის მიმართულებით ხდება.Tegeta Truck & Bus-თან პარტნიორობა ადასტურებს, რომ რეგიონში MAN-ის ყველაზე სანდო და უკონკურენტო პარტნიორი სწორედ „თეგეტაა”. ავტოინდუსტრიის ლიდერი კომპანია თეგეტასა და მსოფლიო ბრენდ MAN-ის პარტნიორობა 2006 წელს დაიწყო. ხარისხზე, ექსკლუზიურობაზე, კომფორტსა და სანდოობაზე დამყარებული 18-წლიანი პარტნიორობის გარანტად კი ღირებულებების თანხვედრა იქცა.ბექა ბერიძე, Tegeta Truck & Bus-ის დირექტორი: „მთავარი კრიტერიუმი რატომაც  საერთაშორისო კომპანიამ თანამშრომლობისთვის Tegeta Truck & Bus შეარჩია, არის სანდოობის მაღალი ხარისხი და გერმანულ ბრენდთან MAN-თან ხანგრძლივი პარტნიორობა. ჩვენ, საერთაშორისო სტანდარტების შესაბამისად, ყოველწლიურად ვავითარებთ როგორც გაყიდვების, ისე - სერვისის ინფრასტრუქტურას. „თეგეტას“ სერვისცენტრები აღჭურვილია თანამედროვე, ევროპული ტექნოლოგიებით. აღსანიშნავია, რომ „თეგეტა მოტორსის“ ფილიალები საქართველოს ყველა რეგიონშია განთავსებული, რაც იმას ნიშნავს, რომ ნებისმიერი პრობლემა, რომელიც ავტომობილს ქვეყნის ტერიტორიაზე გადაადგილებისას შესაძლოა შეექმნას, უმოკლეს ვადებში მოგვარდება. ჩვენ  საერთაშორისო სტანდარტების შესაბამისად  გადამზადებული მექანიკოსები გვყავას, რომლებიც ყოველწლიურად MAN-ის შესაბამის ტრენინგებს გადიან“.MAN-ის სატვირთო ავტომობილები აეწყო On-Time logistics company-ის მოთხოვნებისა და საჭიროებების შესაბამისად. ეს იყო პირველი შემთხვევა, როცა ფარმაცევტული კომპანიის წარმომადგენლებთან ერთად, MAN-ის კონფიგურატორში მანქანის სხვადასხვა მახასიათებელი დეტალურად განისაზღვრა. კომპანიის საქმიანობის გათვალისწინებით, დიზაინში უფრო მეტად თეთრი ფერი სჭარბობს. სატვირთოები აღჭურვილია, სტანდარტულთან შედარებით, მძლავრი ძრავებით, შეჯახების საწინააღმდეგო, ავტომატური დამუხრუჭების სისტემით. უმაღლესი კომპლექტაციის GX კაბინებით, რომლებიც მძღოლზე მორგებული დეტალებით არის დაკომპლექტებული.On-Time logistics company-ისთვის გადაცემული თითოეული სატვირთო არის ეკოლოგიურად სუფთა, EURO 6 ემისიის ტიპის. ეს არის გარემოსდაცვითი სტანდარტების სისტემა, რომელიც ავტომობილების გამონაბოლქვ აირებში მავნე ნივთიერებების გამოყოფის მოთხოვნებს არეგულირებს. EURO 6 ტექნიკით კომპანიას თავისუფლად შეუძლია ოპერირება ნებისმიერ ქვეყანაში. EURO 6-ის ნებისმიერი მანქანა აკმაყოფილებს ევროკავშირის უმაღლეს სტანდარტებს, მათ შორის უსაფრთხოების მიმართულებით.Tegeta Truck & Bus-ი საერთაშორისო ფარმაცევტულ კომპანია On-Time logistics company-სთან თანამშრომლობის გაფართოებას გეგმავს.  მოლაპარაკებები დამატებით კიდევ 20 ერთეული სატვირთო ავტომობილის შესყიდვაზე მიმდინარეობს. პროცესში MAN-ი აქტიურად არის ჩართული.საქართველოში გერმანულ ბრენდს „თეგეტა ჰოლდინგში“ შემავალი კომპანია Tegeta Truck & Bus წარმოადგენს. კომპანია ბაზარზე 2006 წლიდან ოპერირებს და მომხმარებელს სთავაზობს  სატვირთოების, ავტობუსების, მიკროავტობუსების, დიზელსა და ბუნებრივ აირზე მომუშავე სპეციალური დანიშნულების ტექნიკის ფართო სპექტრს.

1726755347

Seamless Europe 2024 მიუნხენში გაიმართა. ღონისძიებამ მსოფლიოს სხვადასხვა ქვეყნიდან 4,000 -ზე მეტი მოწვეული სტუმარი, 300 სპიკერი და 200 გამოფენის მონაწილე გააერთიანა. მათ შორის, ისეთი კომპანიების წარმომადგენლები, როგორიცაა :  Deutsche Bank, European Central Bank, Nestle, Kiko Milano, Douglas,  Ikea, Shein, Alibaba.com, J.P Morgan, Signify, Volkswagen Group, Mercedes Pay, Ernst & Young, და სხვა.მსოფლიოს მასშტაბით მიწვეულ სპიკერებს შორის იყვნენ საქართველოს ბანკის წარმომადგენელები, რომლებმაც სხვადასხვა პანელურ დისკუსიაში მიიღეს მონაწილეობა. გიორგი კინწურაშვილმა, ციფრული საბანკო ეკოსისტემის სამსახურის უფროსმა, ორ პანელურ დისკუსიაში მიიღო მონაწილეობა და ისაუბრა ისეთ თემებზე, როგორებიცაა გადახდების მონაცემების მონეტიზაციის და მომხმარებლის გამოცდილების პერსონალიზაციის სტრატეგიები. მან საქართველოს ბანკის მაგალითზე გადახდების ანალიტიკის, ედს მენეჯერის და მომხმარებელზე მორგებული შეთავაზებების მოდელები განიხილა. ლუკა ქობალია Digital Cluster Product Owner-ია, რომელმაც მონაწილეობა მიიღო პანელურ დისკუსიაში თემაზე: „მომხმარებელთა გაძლიერება: თანამედროვე მომხმარებლისთვის მეტი სიცხადისა და კომფორტის შეთავაზება". გიორგი გვაზავა ვირტუალური აქტივების მიმართულების ხელმძღვანელია, რომელმაც ტრადიციული ბაზრის გარდაქმნაზე ისაუბრა.  „მოხარულები ვართ, რომ გვქონდა შესაძლებლობა, მონაწილეობა მიგვეღო Seamless 2024 - ზე და საერთაშორისო აუდიტორიისთვის გაგვეცნო ის ციფრული პროდუქტები, ინოვაციები და ტექნოლოგიები, რომელიც საქართველოს ბანკში წარმატებით შევიმუშავეთ და უახლოეს მომავალში დავნერგავთ. ღონისძიებაზე, პანელური დისკუსიის ფორმატში, ვისაუბრეთ და საქართველოს ბანკის მაგალითზე განხვიხილეთ ისეთი საკითხები როგორებიცაა: გადახდების მონაცემების მონეტიზაციების სტრატეგიები, როგორ შევქმნათ პერსონალიზებული სამომხმარებლო გამოცდილება და როგორ შევთავაზოთ მომხმარებლებს მეტი კომფორტი. ასევე ვისაუბრეთ გადახდებისა და  ტრადიციული ბაზრის შესაძლებლობებსა და მის სამომავლო ტრანსფორმაციაზე. ჩვენი გუნდი აქტიურ რეჟიმში მუშაობს, რათა მომხმარებლებს უკეთესი სამომხმარებლო გამოცდილება შევუქმნათ. მსგავს ღონისძიებებში მონაწილეობა კი ძალიან მნიშვნელოვანია, რადგან, ერთი მხრივ, ჩვენს ინოვაციურ პროდუქტებს ვაცნობთ ფართო აუდიტორიას, მეორე მხრივ კი, ეს ღონისძიება საერთაშორისო კომპანიების გამოცდილების გაცნობის შესაძლებლობას გვაძლევს“, - განაცხადეს საქართველოს ბანკის წარმომადგენლებმა. 

1726754537

„თავიდან ჩემი ინიციატივა იყო, ყველა გავერთიანებულიყავით. ნუ, რადგან ეს არ გამოდის მე კიდევ ერთხელ ვუბრუნდები ინიციატივას „ახლების“ მიმართ, რომ ჩვენ მაინც გავერთიანდეთ... „ნაციონალური მოძრაობა“ ამ არჩევნებში ყველა ვარიანტში პირველ ადგილზე გავა, ეჭვი არ მეპარება“, - განაცხადა მიხეილ სააკაშვილმა სასამართლო სხდომაზე.სააკაშვილის თქმით ის ასევე მიესალმება „ლელოსი“ და გახარიას  გაერთიანებას. "მივესალმები მიუხედავად ბევრი კითხვისა იმიტომ რომ, რა თქმა უნდა, ეს არის სწორი მიმართულებით გადადგმული ნაბიჯი“, - თქვა საქართველოს მე-3 პრეზიდენტმა.სააკაშვილმა ბიძინა ივანიშვილის მიერ გაკეთებულ ბოლო დროინდელ განცხადებაზეც ისაუბრა და სასამართლო პროცესზე ჩართვისას თქვა: "ეს კაცი თვითონ ჩაიკეტა გალიაში და მეც ჩამკეტა. მან კარგად იცის რამხელა მხარდაჭერა მაქვს, როგორ მიყვარს ჩემი ხალხი და როგორ ვუყვარვარ ჩემს ხალხს. თვითონ არის გალიაში ჩაკეტილი იმიტომ, რომ ძალიან კარგად იცის თუ როგორ ეზიზღებათ. ამ ზიზღსაც დამსახურება უნდოდა და სიყვარულსაც, რომელიც ჩვენ მოვიპოვეთ დამსახურება უნდა.დღეს აქტუალურია ბოდიშების მოხდა. საქართველო არასდროს არ მოიხდის ბოდიშს. დღევანდელ მსოფლიოში სისუსტისა და ბოდიშების მოხდის დრო არ არის. დღეს არის სიძლიერის და საკუთარი სიმართლის გატანის დრო... საქართველოს ჰყოლია სუსტი მმართველები, მაგრამ ისტორიაში არასდროს ჰყოლია მოღალატე მმართველები".ცნობისთვის, პარტია „ახალი“ „ნაციონალური მოძრაობის“ ყოფილმა თავმჯდომარემ ნიკა მელიამ და „მთავარი არხის“ ყოფილმა გენერალურმა დირექტორმა, ნიკა გვარამიამ პატიმრობიდან გათავისუფლების შემდეგ შექმნეს. მომავალი საპარლამენტო არჩევნებისთვის პარტიამ შექმნა „კოალიცია ცვლილებისთვის“, რომელშიც გაერთიანებულები არიან: „დროა“, „გირჩი - მეტი თავისუფლება“ და „რესპუბლიკური პარტიის“ წევრი ხათუნა სამნიძე.

1726751453

ამასთან, მოლოდინების ცვლილებისას, როგორც უკვე არაერთხელ ითქვა, ეს ფაქტორი ლარის გამყარების მიმართულებით იმოქმედებს. საბაზო სცენარს რაც შეეხება, რომელიც 2024 წლის ბოლოსათვის აშშ დოლართან ლარის გაცვლითი კურსის დაახლოებით 2.8 ნიშნულს, ხოლო შემდგომ ლარის გამყარებას ითვალისწინებს, დღევანდელი გადასახედიდანაც, ის უცვლელია. ისევე როგორც, ჩვენი აზრით, საშუალოვადიან პერიოდში საერთაშორისო ბაზრებზე აშშ დოლარის დასუსტების შედარებით მაღალი ალბათობა.სხვა მაკროეკონომიკური მაჩვენებლების მხრივ, აღსანიშნავია, რომ აგვისტოში გაზრდილია სების სავალუტო რეზერვები, რაც, წინასწარი მონაცემებით, ვალუტის შესყიდვას უნდა უკავშირდებოდეს. თავისთავად, ამ მხრივ, ჯერჯერობით სექტემბრის ოპერატიული ინფორმაცია არაა ხელმისაწვდომი. ამასთან, თიბისის არხებით განხორციელებულ ტრანზაქციებზე დაყრდნობით, ეკონომიკის მაღალი ზრდა სექტემბერშიც ფიქსირდება. 

1726747684

"შარშან, დეკემბერში, როდესაც საქართველოს მიენიჭა კანდიდატის სტატუსი, - ეს იყო არა ჯილდო, არამედ ქართველი ხალხის წახალისება - იმ ხალხისა, რომელსაც არ სურს "რუსკი მირი" და სურს დემოკრატია, მშვიდობა და კეთილდღეობა. ევროკავშირი სწორედ ასეთია, ბიძინა ივანიშვილი და მისი პარტია კი მანიპულირებს ხალხის მოსაზრებებით და ისე იქცევა, როგორც ანტიევროპული ძალა. მათი ყველა ქმედება ეწინააღმდეგება ევროკავშირის ფასეულობებს. ასე რომ, შეუძლებელია, ბიძინა ივანიშვილს მისცე ხმა და ევროკავშირში გაწევრიანების იმედი გქონდეს.პირველ რიგში ქართველმა ხალხმა უნდა თქვას თავისი სიტყვა და იმედი მაქვს, რომ ბევრი ადამიანი მივა არჩევნებზე; განსაკუთრებით კი ახალგაზრდები, იმიტომ რომ საქმე სწორედ მათ მომავალს ეხება, თუ სად იცხოვრებენ ისინი, სად გაზრდიან საკუთარ შვილებს - აგრესიულ რუსეთთან თუ ევროკავშირში, სადაც მათი მშვიდობა გარანტირებული იქნება.არ მინდა პროგნოზები გავაკეთო, მაგრამ, თუ არჩევნები არ იქნება სამართლიანი და თუ ქართველი ხალხისგან ევროკავშირის წევრობაზე გზავნილი მკაფიო არ იქნება, მაშინ ამერიკის შეერთებული შტატები და ევროკავშირი კოორდინირებულად მიიღებენ გადაწყვეტილებებს; და მეც მათ შორის ვიქნები, ვინც მხარს დაუჭერს ამ სანქციებს იმ ადამიანების წინააღმდეგ, ვინც არღვევს დემოკრატიულ კანონებსა და პრინციპებს", - ამბობს ევროპარლამენტარი რასა იუკნევიჩიენე.

1726746966

GBC გახარია "საქართველოსთვის" პოსტს სრულად გთავაზობთ:"მადლობას ვუხდით და კიდევ ერთხელ ვუდასტურებთ პატივისცემას საქართველოს პრეზიდენტს, რომელსაც მნიშვნელოვანი როლი აქვს დღეს ქვეყანაში მიმდინარე პოლიტიკურ პროცესებში. სწორედ მისი ინიციატივითა და მოწვევით ვიყავით ჩართული ამ რამდენიმე დღის განმავლობაში მიმდინარე პოლიტიკურ დისკუსიაში.ასევე, მადლობას ვუხდით “ლელოს” დისკუსიაში მონაწილეობისთვის.ჩვენი პოლიტიკური გუნდისთვის სახელმწიფოსა და ჩვენი მოქალაქეების საერთო ეროვნული ინტერესები ყოველთვის იდგა უფრო მაღლა, ვიდრე რაიმე სახის პარტიული ან/და პერსონალური ინტერესი.ასე იყო წარსულში - ჩვენი ხელისუფლებაში ყოფნის დროს, ასეა დღეს - ოპოზიციაში, ასე იქნება მომავალში.აქედან გამომდინარე, ჩვენ გვერდზე გადავდეთ ჩვენი პარტიული ინტერესები და ყველაფერი დავთმეთ, სანაცვლოდ მეორე მხარემ ითხოვა ვადა შიდა კოალიციური შეთანხმებისთვის. ჩვენდა სამწუხაროდ, როგორც ჩანს, მეორე მხარემ შიდა კონსესუსს ვერ მიაღწია.საარჩევნო დრო კონკრეტული გადაწყვეტილებების მისაღებად უკვე შეზღუდულია, შესაბამისად, ამ ეტაპზე შეთანხმების მიღწევა ვერ მოხერხდა.ჩვენსა და “ლელოს” შორის დაწყებული დისკუსია გვიჩენს პოზიტიურ მოლოდინებს, მომდევნო მოწვევის პარლამენტში თანაშრომლობასთან დაკავშირებით.ჩვენი პოლიტიკური მიზანია „ოცნების“ ხელისუფლებიდან გაშვება „ნაციონალური მოძრაობის“ დაბრუნების გარეშე, ქვეყანაში მშვიდობის უზრუნველყოფა და პოლარიზაციის დასრულება".ცნობისთვის, პრეზიდენტმა სალომე ზურაბიშვილმა საპარლამენტო არჩევნების წინ ერთ საარჩევნო სუბიექტად გაერთიანებისკენ მოუწოდა გიორგი გახარიას და მამუკა ხაზარაძის პარტიებს.ხაზარაძისა და გახარიას პირველი შეხვედრა 17 სექტემბერს გაიმართა. მას შემდეგ ოპოზიციური პარტიების ლიდერები ერთმანეთს რამდენჯერმე შეხვდნენ.ოთხშაბათს, მამუკა ხაზარაძემ ჟურნალისტებთან თქვა, რომ გიორგი გახარიას მათთან „თანაბარ, სწორუფლებიან პარტნიორად“ შესვლა შესთავაზა. „ვის რა ზომა, წონა აქვს ამ კოალიციაში, ეს არ არის მთავარი“, - დააზუსტა მან. ამ დროისთვის ცნობილია, რომ „ლელოს“ საარჩევნო ნომრით და სიით არჩევნებში ასევე მონაწილეობას მიიღებენ ალეკო ელისაშვილის, ანა დოლიძის და ლევან ცუცქირიძის პოლიტიკური პარტიები.გუშინ, 18 სექტემბერს, გიორგი გახარიამ ჟურნალისტებს განუცხადა, რომ „მამუკას უნდა შეეთანხმებინა თავის გუნდთან და როგორც ჩანს ჯერჯერობით ვერ მოახერხა. ვნახოთ, დაველოდებით“.გახარიამ ასევე დააზუსტა, რომ ხაზარაძის პარტიასთან უთანხმოება არ უკავშირდება პარტიულ სიაში ადგილების განაწილებას.

1726745814