125 100 ლარის უაქციზო სიგარეტის შენახვა-გადაზიდვის ფაქტზე 1 პირი დააკავეს

მორიგი წყვილი თარიღი- 10/10, ტექნიკის მოყვარულთათვის ან მათთვისაა, ვინც iPhone 17-ის შესაძენად ყველაზე ხელსაყრელ დროს ელოდა.10/10- ში თიბისი განაწილებით შერჩეულ ტექნიკის მაღაზიებში შოპინგისას, მომხმარებლებს 17 ოქტომბრამდე, ერთგული ლარების ანგარიშზე 200 ლარი დაუბრუნდებათ: Zoommer iPlus icity iStore itechnics შეთავაზება ვრცელდება ნებისმიერ ტექნიკაზე, რომლის საფასურიც 3 000 ლარიდან იწყება. მათ შორის iPhone 17-ის მოდელებზე.“განაწილება” თიბისის გამორჩეული პროდუქტია, რომელიც ყველანაირი ინტერესისა და საჭიროებების მქონე მომხმარებლების სურვილების ასრულების გასამარტივებლად შეიქმნა. თიბისი განაწილებით სარგებლობის შემთხვევაში, მომხმარებლები პროდუქტის საფასურს არა ერთიანად, არამედ 4 თვეზე განაწილებით იხდიან. რაც მთავარია, გაძვირების გარეშე, ეფექტური 0%-ით. რაც იმას ნიშნავს, რომ იხდიან ზუსტად იმდენს, რამდენიც ნივთი ღირს.გაანაწილეთ წყვილ თარიღებში, რადგან ამ დროს ყველა სურვილი ჯადოსნურად მარტივად ხდება.შეთავაზების დამატებითი პირობებისთვის, ეწვიეთ ბმულს. 

1759915220

2025 წლის 9 თვის (იანვარი-სექტემბერი) მონაცემებით „საერთაშორისო გამჭვირვალობა - საქართველომ“ 180-ზე მეტი საჯაროდ დაფიქსირებული ასეთი შემთხვევა აღრიცხა, მათგან ნახევარზე მეტი – ბოლო 5 თვეში.ორგანიზაცია ამ პერიოდში განსაკუთრებით საგანგაშოდ მიიჩნევს „ბათუმელებისა“ და „ნეტგაზეთის“ დამფუძნებლის, მზია ამაღლობელის დაკავებასა და მისთვის 2-წლიანი პატიმრობის მისჯას.TI ხაზს უსვამს, რომ მედიის წარმომადგენლების მიმართ ძალადობისა და პროფესიულ საქმიანობაში ხელშეშლის საგანგაშო ტენდენციასთან ერთად სახიფათო პრაქტიკის სახე შეიძინა „ქართული ოცნების“ მხრიდან სასამართლო სისტემისა და სამართალდამცველი ორგანოების პარტიული ინტერესების შესაბამისად ჟურნალისტების წინააღმდეგ გამოყენებამ.„ეს ყველაზე თვალსაჩინოდ და ნათლად ვლინდება ჟურნალისტების გახშირებულ უკანონო დაკავებებსა და დაჯარიმებაში, მანდატურების მხრიდან არასათანადო დამოკიდებულებაში და ჟურნალისტების მიმართ ჩადენილი დანაშაულების გამოუძიებლობაში”, – წერს TI.„საერთაშორისო გამჭვირვალობა - საქართველო” აღნიშნავს, რომ 2025 წელს, ტენდენციის სახე ჰქონდა მედიის წარმომადგენლებისთვის სასამართლო პროცესების გადაღებისას სხვადასხვა ტიპის დაბრკოლების შექმნასა და ჟურნალისტების სასამართლო დარბაზებიდან გაძევებას, რაც საბოლოოდ პროცესების ვიდეო და ფოტოგადაღებების სრული აკრძალვით დაგვირგვინდა.„ამან მნიშვნელოვნად შეაფერხა და გაართულა სასამართლოებში ჟურნალისტური საქმიანობის განხორციელება და ისედაც დახურული სისტემა საზოგადოებისთვის კიდევ უფრო ჩაკეტილი გახადა. მიმდინარე წელი საგანგაშო იყო დამოუკიდებელი, კრიტიკული მედიის წინააღმდეგ არაერთი შემზღუდავი კანონის მიღების თვალსაზრისითაც, რითაც ისედაც მწირი ფინანსური და ტექნიკური რესურსების მქონე მედიის საქმიანობა კიდევ უფრო გაართულა, რიგ შემთხვევებში კი – შეუძლებელიც გახადა”, – წერს TI.ორგანიზაცია მიუთითებს, რომ 2025 წელი დრამატულად რთული იყო რეგიონული მედიისთვისაც. „რეგიონულ მაუწყებელთა ალიანსის“ ინფორმაციით, ფინანსური სირთულეების გამო, მიმდინარე წელს, 21 რეგიონული მაუწყებლიდან ყოველდღიურ ახალ ამბებს ვეღარ აწარმოებს 17.„მათ შორის, წლის დასაწყისში, მრავალწლიანი ოპერირების შემდეგ, მაუწყებლობა სრულად შეაჩერეს ტელეკომპანიებმა – „ბორჯომმა და „TV 25-მა“ (აჭარა), ასევე ახალციხის ტელევიზია „მეცხრე არხი ახალციხემ“. ამასთან, მფლობელებს შორის უთანხმოების შედეგად, 2025 წლის თებერვალში ჯერ მაუწყებლობა დროებით შეაჩერა, მაისში კი სრულად დაიხურა ქვეყნის ერთ-ერთი წამყვანი კრიტიკული ტელევიზია „მთავარი არხი”. – წერია მიმოხილვაში.„საერთაშორისო გამჭვირვალობა-საქართველომ“ მედიის წინააღმდეგ სხვადასხვა ტიპის ძალადობისა და ხელშეშლის შემთხვევები 5 კატეგორიად დაყო. ესენია: მედიის წარმომადგენლებზე ფიზიკური თავდასხმა და ძალადობა ჟურნალისტების ადმინისტრაციული წესით დაჯარიმება მმართველი გუნდისა და პროსამთავრობო მედიის თავდასხმა კრიტიკულ მედიაზე კრიტიკულად განწყობილი თანამშრომლების დევნა საზოგადოებრივ მაუწყებელში უცხოელი ჟურნალისტებისთვის ქვეყანაში შემოსვლის აკრძალვა „მედიის მიმართ ამგვარი მიდგომა ავტორიტარული რეჟიმებისთვის დამახასიათებელი თავისებურებაა, როდესაც თავისუფალი, გავლენებისგან დამოუკიდებელი მედია თავდასხმისა და რეპრესიების მთავარი სამიზნეა. სწორედ ამგვარი რეჟიმების მხრიდან არის გამოყენებული არაპროპორციულად მაღალი ჯარიმებიც, რაც მაგალითად, ბელარუსსა და რუსეთის ფედერაციაში ქმედითი ინსტრუმენტი აღმოჩნდა ჟურნალისტების საქმიანობის შეზღუდვისა და, ზოგადად, საპროტესტო ტალღის ჩასახშობად”, – წერს ორგანიზაცია.მედიის წარმომადგენლებზე ფიზიკური თავდასხმა და ძალადობა8 სექტემბერს, თბილისში, „ქართული ოცნების“ თბილისის მერობის კანდიდატის, კახა კალაძის საარჩევნო შტაბთან მისულ მოქალაქეებზე „ქართული ოცნების“ მხარდამჭერების ძალადობის გაშუქებისას, ჯამში 7 ჟურნალისტი დაზარალდა: „ოცნების“ მხარდამჭერები თავს დაესხნენ და სცემეს უნგრელ ჟურნალისტს – ლასლო მეზეშს, რომელსაც სამედიცინო დახმარება დასჭირდა; ჟურნალისტურ საქმიანობაში ხელი შეუშალეს და ტელეფონი წაართვეს ონლაინ გამოცემა „პუბლიკას“ ჟურნალისტებს – ალექსანდრე ქეშელაშვილსა და ქეთო მიქაძეს; „ქართული ოცნების“ მხარდამჭერმა ხელში ჩაარტყა, შემდეგ კი შეაფურთხა „პუბლიკას“ რედაქტორს, ლიკა ზაკაშვილს. პოლიციელმა აგინა და ფიზიკური შეურაცხყოფა მიაყენა ონლაინ გამოცემა „ნეტგაზეთის“ ჟურნალისტს, ქეთევან ხუციშვილს; წყალი შეასხეს „OC მედიას“ დირექტორს, მარიამ ნიკურაძეს და „სტუდია მონიტორის“ ჟურნალისტს, ქეთი თუთბერიძეს. 3 სექტემბერს „ქართული ოცნების” თბილისის მერობის კანდიდატის, კახა კალაძის საარჩევნო შტაბის გახსნისას, პოლიციელმა პროფესიულ საქმიანობაში ხელი შეუშალა და ხელი გადაუგრიხა „პუბლიკას“ რედაქტორს, ლიკა ზაკაშვილს. ივლისში, პოლიციის ერთ-ერთ განყოფილებაში სიუჟეტის მოსამზადებლად მისული „ტვ პირველის“ ჟურნალისტი პოლიციის უფროსმა ოთახში ჩაკეტა და თავისუფლება უკანონოდ აღუკვეთა. 3 ივნისს, სპეცდანიშნულების რაზმის ერთ-ერთი წარმომადგენელი თავს დაესხა „ტვ პირველის“ ოპერატორს. 25 მაისს, ხელვაჩაურის საკრებულოს თანამშრომლებმა ხელი გაარტყეს და საკრებულო ძალის გამოყენებით დაატოვებინეს „აჭარა თაიმსის“ დამფუძნებელს, სულხან მესხიძეს. 12 მაისს, ქვემო ქართლის რწმუნებულის ყოფილი მოადგილე, გიორგი შინჯიკაშვილი ფიზიკურად გაუსწორდა „ტვ პირველის“ ქალ ჟურნალისტს, მარიამ მაკასარაშვილს. 7 მაისს, პოლიციამ ერთ-ერთ ფოტოჟურნალისტს პროფესიულ საქმიანობაში ხელი შეუშალა და ძალის გამოყენებით მოაშორა იმ სივრცეს, სადაც „ქართული ოცნების“ ყრილობა მიმდინარეობდა. მმართველი გუნდისა და პროსამთავრობო მედიის თავდასხმა კრიტიკულ მედიაზე2025 წელს კიდევ უფრო გაძლიერდა კრიტიკულ მედიაზე „ქართული ოცნების“ წარმომადგენლებისა და პროსამთავრობო მედიის თავდასხმებისა და დისკრედიტაციის მცდელობის შემთხვევები: 21 სექტემბერს, დედაქალაქის მოქმედმა მერმა და „ქართული ოცნების“ გენერალურმა მდივანმა, კახა კალაძემ „ტვ პირველის“ კითხვას, თუ „ვინ მფარველობს „ოცნების“ იმ მხარდამჭერებს, რომლებიც მშვიდობიან მომიტინგეებს ფიზიკურად უსწორდებიან”, ასე უპასუხა: „თქვენ ხართ, ვინც ძალადობთ. მერე გიკვირთ მიკროფონ რომ გირტყამენ თავში. ზრდილობიანები უნდა იყოთ“. 9 სექტემბერს, „ქართული ოცნების“ პარლამენტის თავმჯდომარემ, შალვა პაპუაშვილმა გამოცემა „ნეტგაზეთი“ ძალადობის ორგანიზებაში დაადანაშაულა, იმის გამო, რომ ამ უკანასკნელმა „ქართული ოცნების“ მერობის კანდიდატის, კახა კალაძის საარჩევნო შტაბთან დაგეგმილი საპორტესტო აქციის შესახებ ინფორმაცია გაავრცელა. 5 სექტემბერს, „ქართული ოცნების“ პრემიერმინისტრმა, ირაკლი კობახიძემ „ტვ პირველი“ ოპოზიციური პარტია „ლელოს“ ლიდერისგან, მამუკა ხაზარაძისგან არალეგალური თანხის მიღებაში დაადანაშაულა. 2025 წლის ივლისში, „ქართული ოცნების“ პრემიერმინისტრმა, ირაკლი კობახიძემ განაცხადა, რომ „ტვ პირველის“ საინფორაციო სამსახურის უფროსი და ყოველკვირეული საგამოძიებო გადაცემა „ნოდარ მელაძის შაბათის“ წამყვანი, ნოდარ მელაძე კონკრეტული ინფორმაციის გავრცელებისთვის დირექტივებსა და დაფინანსებას კორუფციაში ეჭვმიტანილი „ქართული ოცნების“ ყოფილი თანაგუნდელებისგან იღებდა. მანვე მელაძეს „კორუმპირებული“, „ფულზე გაყიდული“ და „კორუფციის ბედკრული შვილი“ უწოდა, რაც ცილისწამების მკაფიო მაგალითია. 2025 წლის ივლისში, ირაკლი კობახიძემ აჭარის ავტონომიური რესპუბლიკის მთავრობის ყოფილი თავმჯდომარის, თორნიკე რიჟვაძის სავარაუდო თვითმკვლელობის მცდელობა „ტვ პირველისა“ და „ფორმულას“ მიერ მომზადებულ სიუჟეტებს დაუკავშირა, რითაც ჟურნალისტური საქმიანობა და კონკრეტული თანამდებობის პირების შესახებ საგამოძებო მასალების მომზადება თვითმკვლელობის წახალისებას დაუკავშირა რაც განსაკუთრებული სიმძიმის ბრალდება და სარედაქციო დამოუკიდებლობაში ჩარევის პირდაპირი მცდელობაა. 2025 წლის ივლისში, იგივე გზავნილები გაიმეორა „ქართული ოცნების“ საპარლამენტო უმრავლესობის მაშინდელმა ლიდერმა და სუს-ის ამჟამინდელმა ხელმძღვანელმა, მამუკა მდინარაძემაც და თქვა, რომ „ლევან ხაბეიშვილი [ნაციონალური მოძრაობის ყოფილი თავმჯდომარე], ნოდარ მელაძე, „ტვ პირველი“ და ა.შ. ვიღაცების შეკვეთით რაღაც კორუფციულ ჩანართებს აზღვევენ“. მანვე ხაზი გაუსვა, რომ თორნიკე რიჟვაძის მისამართით კორუფციული ბრალდებები წამოსული იყო „ნაცმედიის“ და „ნაცჟურნალისტების“ მხრიდან“. 29 ივლისს, ცნობილი გახდა, რომ „ქართული ოცნების“ დამფუძნებლისა და საპატიო თავმჯდომარის, ბიძინა ივანიშვილის მიერ დაფუძნებული ბანკი „ქართუ“ „ტვ პირველს“ სასამართლოშ უჩივის. 18 ივლისს, „ქართული ოცნების“ დეპუტატმა, თეა წულუკიანმა განაცხადა, რომ „ტვ პირველის“ წამყვანსა და ჟურნალისტს, ნანუკა ჟორჟოლიანს ცილისწამებისთვის სასამართლოში უჩივის. 27 ივნისს, „ქართული ოცნების“ პრემიერმინისტრის, ირაკლი კობახიძის საპარლამენტო მოხსენებაზე არ შეუშვეს ონლაინმედიის წარმომადგენლები. 11 ივნისს, მამუკა მდინარაძემ „აგენტურული მედიის წარმომადგენელი“ უწოდა „ტვ პირველის“ ჟურნალისტს, მაკა ანდრონიკაშვილს. მდინარაძის ეს განცხადება უცვლელად გაავრცელა პროსამთავრობო „იმედმა“. 19 მაისს, „ქართული ოცნების“ პარლამენტის თავმჯდომარემ, შალვა პაპუაშვილმა ევროკავშრის ბიუჯეტიდან დაფინანსებულ პროპაგანდისტულ მედიებად მოიხსენია ონლაინგამოცემები – „პუბლიკა“ და „on.ge“ და ისინი კოორდინირებულ მოქმედებებში დაადანაშაულა. 14 მაისს, „ქართული ოცნების“ პარლამენტის თავმჯდომარის, შალვა პაპუაშვილის წლიურ მოხსენებისას საკანონმდებლო ორგანოში არ შეუშვეს ონლაინ მედია. 7 მაისს, „ქართული ოცნების“ ყრილობაზე დასწრების უფლება ასევე არ მისცეს ონლაინ მედიის წარმომადგენლებს. 26 სექტემბერს, პროსამთავრობო „POSTV-მ“ გაავრცელა ინფორმაცია, თითქოს „ტვ პირველის“ ტერიტორიაზე, საიდუმლო შეხვედრებისთვის „კოალიციას ცვლილებებისთვის“ გადაეცა ოთახი, სადაც კანონსაწინააღმდეგო ქმედებები იგეგმება. 26 სექტემბერს, პროსამთავრობო POSTV-მ გაავრცელა ინფორმაცია, თითქოს ტელეკომპანია „ფორმულას“ განსაკუთრებულ დავალებათა დეპარტამენტის ახალი ხელძღვანელის შესახებ ნეგატიური სიუჟეტის მომზადება დაევალა. 12 სექტემბერს, პროსამთავრობო „იმედმა“ ონლაინაგამოცემა „ნეტგაზეთ/ბათუმელები“ უცხოეთიდან დაფინანსებულ მედიასაშუალებად წარმოაჩინა, რომელიც „ქართველ და უკრაინელ სპეცსამსახურებს შორის… უკრაინის მხარეს იჭერს და უკრაინელების მხილებაში, ჩვენების მიმცემის ნაცვლად სუს-ს ადანაშაულებს!“ 10 ივლისს, მედიაპლატფორმა Chai Khana-მ განაცხადა, რომ პროსამთავრობო „იმედმა“ გამოცემის შესახებ გაავრცელა დეზინფორმაცია, თითქოს Chai Khana-მ ევროკომისიისგან 31 947 ევრო მიიღო და კონტრაქტის მიხედვით, ჯამში 532 117 ევროს მიიღებს, რაც სიმართლეს არ შეესაბამება. ჟურნალისტების ადმინისტრაციული წესით დაჯარიმება2025 წელს, სახიფათო სახე მიიღო მედიის წარმომადგენლების ადმინისტრაციული წესით დაჯარიმებამ ე.წ. გზის გადაკეტვის საბაბით, ასევე ქართული ოცნების წარმომადგენლების საჩივრების საფუძველზე ჟურნალისტების სოციალურ ქსელში გამოქვეყნებული სტატუსების გამო დაჯარიმებამ, რაც მმართველი გუნდის მხრიდან გამოხატვის თავისუფლების შეზღუდვისა და ცენზურის დაწესების საგანგაშო მცდელობაზე მიუთითებს.ივნისში, Facebook-ზე გამოქვეყნებული პოსტების გამო ქართული ოცნების დეპუტატების საჩივრების საფუძველზე, სასამართლომ 3 000-4 000 ლარის ოდენობის თანხებით დააჯარიმა 6 ჟურნალისტი: „ფორმულას“ წამყვანი, ვახო სანაია „ტვ პირველის“ წამყვანი, ვიკა ბუკია „ფორმულას“ თანადამფუძნებელი, დირექტორი და წამყვანი, მიშა მშვილდაძე „ტვ პირველის“ წამყვანი, ეკა მიშველაძე „ტვ პირველის“ წამყვანი, ნანუკა ჟორჟოლიანი „მთავარი არხის“ ყოფილი წამყვანი და ჟურნალისტი, დეა მამისეიშვილი ამასთან, ივნისში, ე.წ. გზის გადაკეტვის საბაბით, 5 000 ლარით მეორედ დააჯარიმეს, ტელეკომპანია ფორმულას ჟურნალისტი, ანამარია გელიტაშვილი, რომელიც საპროტესტო აქციაზე პროფესიულ მოვალეობას ასრულებდა. იმავე საბაბით, ასევე 5 000 ლარით დაჯარიმდა ფოტოგრაფი, გოგა ჩანადირიც.მაისში, ასევე გზის გადაკეტვისთვის დააჯარიმეს ჟურნალისტი, ნათია გოგსაძე და „პუბლიკას“ ჟურნალისტი, მარიამ ქვაშბაია.ამასთან, შსს-მ არ დააკმაყოფილა გამოცემა „აპრილის“ რედაქტორის, ხატია ღოღობერიძისა და „OC მედიას“ დამფუძნებლის, მარიამ ნიკურაძის საჩივრები და ძალაში დატოვა მათთვის იმავე საფუძვლით გამოწერილი 5 000-5 000-ლარიანი ჯარიმები.მოსამართლე რომეო ტყეშელაშვილმა კი ერთ-ერთი სინდისის პატიმრის სასამართლო სხდომაზე სკამზე უნებართვოდ დაჯდომისთვის 200 ლარით დააჯარიმა „რადიო თავისუფლების“ ჟურნალისტი, ნინო თარხნიშვილი. მოგვიანებით, თარხნიშვილისთვის დაკისრებული ჯარიმა სააპელაციო სასამართლომ გააუქმა.კრიტიკულად განწყობილი თანამშრომლების დევნა საზოგადოებრივ მაუწყებელშიTI წერს, რომ 2025 წელს კულმინაციური სახე მიიღო და კიდევ უფრო მკაფიოდ გამოვლინდა საქართველოს „საზოგადოებრივ მაუწყებელში“, რომელიც სახელმწიფო ბიუჯეტიდან ათეულობით მილიონი ლარით ფინანსდება, სახელისუფლებო ინტერესებისა და გავლენების გაძლიერების სწრაფი დინამიკა. მიმდინარე წელს არხზე არსებული ცენზურის შესახებ მაუწყებლის არაერთმა თანამშრომელმა ისაუბრა და მენეჯმენტი სარედაქციო პოლიტიკაში ჩარევის მცდელობებში ამხილა, რის შემდეგაც მათი ღია დევნა და შევიწროება დაიწყო.ონლაინ პლატფორმა „მაყურებლის“ მონაცემებით, მხოლოდ მიმდინარე წელს, „საზოგადოებრივი-მაუწყებლიდან“ მოქმედი მენეჯმენტის პოლიტიკისადმი კრიტიკულად განწყობილი 30-მდე თანამშრომელი გაუშვეს.ასევე, დახურეს ერთ-ერთი ყველაზე სახალხო გადაცემა „რეალური სივრცე“, რომელიც საზოგადოებისთვის კრიტიკულად მნიშვნელოვან საკითხებს მიმოიხილავდა და ტრიბუნას განსხვავებული შეხედულებების რესპონდენტებს უთმობდა.უცხოელი ჟურნალისტებისთვის ქვეყანაში შემოსვლის აკრძალვა2025 წელს გაგრძელდა იმ უცხოელი ჟურნალისტებისს ქვეყანაში შემოსვლაზე უარის თქმის მავნე პრაქტიკა, რომლებიც საქართველოში მიმდინარე საპროტესტო აქციებს აშუქებდნენ.29 სექტემბერს, საქართველოში შემოსვლაზე უარი უთხრეს იტალიელ ჟურნალისტს, ჯაკომო ფერარას.3 აგვისტოს ცნობილი გახდა, რომ საქართველოში ასევე არ შემოუშვეს ფრანგი ფოტოგრაფი ჰიშამ ელ ბოუჰმიდი.ივნისში, ქვეყანაში აგრეთვე არ შემოუშვეს ფრანგი ჟურნალისტი, მარილიზ ვინიო.მაისში, ქვეყანაში შემოსვლაზე უარი უთხრეს დამოუკიდებელ ბრიტანელ ჟურნალისტს, ვილ ნილს, რომელიც საქართველოში 2022 წლიდან ცხოვრობდა.„ამგვარი სია გაცილებით ფართოა და მხოლოდ ამით არ შემოიფარგლება, თუმცა მათი აბსოლუტური უმრავლესობა სამომავლო ვიზიტებისას მსგავსი შეფერხებების პრევენციის მიზნით, ინფორმაციის გახმაურებისგან თავს იკავებს და ამბავს მხოლოდ ვიწრო ჟურნალისტურ წრეებში ჰყვება.მთლიანობაში, მედიის წარმომადგენლებისა და ჟურნალისტების დევნის მავნე პრაქტიკა „ქართული ოცნების“ იმ რეპრესიული პოლიტიკის გაგრძელებაა, რომლის მიზანიც ქვეყანაში თავისუფალი სივრცის მოსუფთავება და გაქრობაა.თუმცა, უამრავი სირთულის, გამოწვევისა და არაერთი შემზღუდავი კანონის მიღების მიუხედავად, რომელთა მიზანიც დამოუკიდებელი მედიის საბოლოო გაჩუმებაა, ქვეყნისთვის ამ გარდამტეხ მომენტში, ქართული კრიტიკული მედია მყარად იბრძვის ძალადობრივი სისტემის წინააღმდეგ,მწირი რესურსების პირობებშიც კი, კვლავ აგრძელებს საზოგადოების ინფორმირებას და პროსამთავრობო ტელევიზიების პროპაგანდისტული საინფორმაციო ველის დაბალანსებას”, – წერს TI.

1759915028

მებაჟე ოფიცრის მიერ, უცხო ქვეყნის მოქალაქის ბარგის რენტგენო ინსპექტირების სკანერით დათვალიერების შედეგად, აღმოჩენილი იქნა საეჭვო შიგთავსი, რის შემდეგაც მოხდა ბარგის სპეციალური სტიკერით ნიშანდება და ის დამატებით, ფიზიკურ დათვალიერებას დაექვემდებარა.უფლებამოსილი პირის მიერ, უცხო ქვეყნის მოქალაქის, ბარგის დეტალური დათვალიერებისას, გამოვლინდა სპეციალურ კონტროლს დაქვემდებარებული ფარმაცევტული პროდუქტი, რომლის შემოტანაც ნებადართულია მხოლოდ შესაბამისი სამედიცინო დოკუმენტაციის საფუძველზე.აღნიშნულმა სამართალდამრღვევმა მოქალაქემ კანონმდებლობით გათვალისწინებული სავალდებულო დოკუმენტაცია ვერ წარმოადგინა.საქმის მასალები შემდგომი რეაგირების მიზნით, შინაგან საქმეთა სამინისტროს შესაბამის სამსახურს გადაეცა.

1759912736

2025 წლის იანვარში, საცალო ფასების ზრდა დაფიქსირდა, როგორც ბენზინის, ასევე დიზელის ტიპის საწვავზე. ფასის ზრდამ მსხვილი კომპანიების შემთხვევაში 3-10 თეთრი, ხოლო მცირე ქსელების შემთხვევაში 10-20 თეთრი შეადგინა.2025 წლის მარტის მეორე ნახევრიდან კი საცალო ფასები შემცირდა - საერთო ჯამში, მსხვილი კომპანიების დონეზე, რეგულარის ტიპის საწვავის საცალო ფასი შემცირდა 26-28 თეთრით, პრემიუმის 17-26 თეთრით, ხოლო დიზელის 18-29 თეთრით. მცირე ქსელების შემთხვევაში, ამავე პერიოდში, ფასების ზრდა, ისევე როგორც შემცირება, მსხვილ კომპანიებთან შედარებით, განხორციელდა შედარებით მყისიერად.GCCA-ის ინფორმაციით, 2025 წლის ივნისიდან დღემდე, მსხვილი კომპანიების საცალო ფასები გაიზარდა საშუალოდ 15-20 თეთრით, ხოლო მცირე ქსელების შემთხვევაში ზრდა უფრო მეტი ოდენობით დაფიქსირდა დიზელის ტიპის საწვავზე - 25 თეთრამდე.2025 წლის პირველ ნახევარში, საწვავის საცალო ფასების შემცირება განპირობებული იყო ნედლი ნავთობის და შესაბამისად პლატსის დაბალი ფასით. კერძოდ, ნედლი ნავთობის ფასი 2025 წლის მაისის დასაწყისში შემცირდა 56 აშშ დოლარამდე, რაც 2021 წლის შემდეგ ყველაზე დაბალი მაჩვენებელია. აღნიშნულის შემდეგ, ნედლი ნავთობის ფასი გაიზარდა და შესაბამისად, გაიზარდა იმპორტირებული საწვავის თვითღირებულებაც, რაც აისახა საცალო ფასზეც.მსხვილი კომპანიების მარაგები ლოგისტიკურ პროცესებთან ერთად, არის ის ფაქტორი, რაც განაპირობებს საერთაშორისო ბაზარზე მიმდინარე მოვლენების დაგვიანებულ ასახვას ფასების კლების და მათ შორის ზრდის შემთხვევაშიც. ასევე, მარაგები არის ფაქტორი, რის გამოც მცირე ქსელები უფრო მოქნილად რეაგირებენ ამგვარ ფაქტორებზე, როგორც ფასების ზრდის, ასევე შემცირების კუთხით.2025 წელს, საავტომობილო საწვავის საცალო ფასების დინამიკა თანხვედრაშია ევროპული საწვავის მომწოდებელი ძირითადი ქვეყნების, რუმინეთის და ბულგარეთის საცალო ფასების დინამიკასთან, ლარის გაცვლითი კურსის გათვალისწინებით.

1759912622

მოსავლის დაბინავების პროცესში 40-მდე ღვინის კომპანია უკვე იყო ჩართული.ღვინის საწარმოებს ყურძენი 400-მდე მევენახემ ჩააბარა, რომელთა შემოსავალმა ₾4,7 მლნ-ს მიაღწია.მიმდინარე წელს, რაჭა-ლეჩხუმში, საპროგნოზო მოსავალი 2 000 ტონის ფარგლებშია. რთველის პროცესში კერძო სექტორის ჩართულობის სტიმულირების და მოსავლის ორგანიზებულად დაბინავების მიზნით, მთავრობის გადაწყვეტილებით, რაჭის რეგიონში სუბსიდირების პროგრამა ხორციელდება. სუბსიდიას მიიღებს ყველა ის კომპანია, რომელიც შეიძენს და გადაამუშავებს ხვანჭკარას მიკროზონაში მოწეულ არანაკლებ 3 ტონა ალექსანდროულისა და მუჯურეთულის ჯიშის ყურძენს და მევენახეს არანაკლებ 8 ლარს გადაუხდის.სახელმწიფო სუბსიდიის ოდენობა, რომელსაც რაჭა-ლეჩხუმის რეგიონში ღვინის კომპანიები მიიღებენ, შეადგენს 4 ლარს, როგორც 1 კგ ალექსანდროულის, ასევე, 1 კგ მუჯურეთულის ჯიშის ყურძენზე.რთველი 2025-ის ორგანიზებულად ჩატარების მიზნით, ქალაქ ამბროლაურში რთველის საკოორდინაციო შტაბი ამოქმედდა. დამატებითი ინფორმაციის მიღება შესაძლებელია გარემოს დაცვისა და სოფლის მეურნეობის სამინისტროს ცხელ ხაზზე - 1501.8 ოქტომბრის მონაცემებით, საქართველოში გადამუშავებულია 238 ათასამდე ტონა ყურძენი.

1759912523

სების 2025 წლის აგვისტოს  მონაცემებით, ბანკებს კაპიტალისა და ლიკვიდობის ჯანსაღი მაჩვენებლები აქვთ.სების მონაცემებით, 2025 წლის აგვისტოში, სესხების წლიურმა ზრდამ, გაცვლითი კურსის ეფექტის გამორიცხვით, 14.8% შეადგინა, რაც რეგულატორი მნიშვნელოვანწილად, ბიზნეს სესხების ზრდას უკავშირებს.ეროვნული ბანკის მეორე კვარტალის მონაცემებით, სესხების მთლიან შიდა პროდუქტთან ფარდობა გრძელვადიანი ტრენდის ქვემოთ ნარჩუნდება, ხოლო ფარდობის გაპი უარყოფითია.სების ანალიტიკოსების აზრით, 2025 წლის პირველ ნახევარში არსებულმა ძლიერმა ეკონომიკურმა ზრდამ სესხების მშპ-თან ფარდობის გაპის დახურვის ტემპი შეანელა, თუმცა სესხების მშპ-თან ფარდობა განაგრძობს მის გრძელვადიან დონესთან ეტაპობრივ დაახლოებას. შესაბამისად, მიმდინარე ეტაპზე კაპიტალის კონტრციკლური ბუფერის ციკლური კომპონენტის ცვლილების საჭიროება არ იკვეთება. ამასთან, კომერციული ბანკები განაგრძობენ კაპიტალის კონტრციკლური ბუფერის ნეიტრალური კომპონენტის ეტაპობრივ დაგროვებას.

1759911976

ფასიანი ქაღალდების საპროცენტო განაკვეთი TIBR 3M + 4%-ით განისაზღვრა, რაც 2024 წლის დეკემბრის ემისიასთან შედარებით 0.25 პ.პ.-ით გაუმჯობესებული მაჩვენებელია.ინვესტორთა მოთხოვნამ გამოშვებული ობლიგაციების მოცულობას გადააჭარბა. ემისიაში მონაწილეობა ადგილობრივმა ინსტიტუციურმა ინვესტორებმა მიიღეს, რაც კომპანიის მიმართ არსებული მაღალი ნდობის დადასტურებაა.კომპანია მოზიდულ თანხებს გასულ წელს გამოშვებული ობლიგაციების ნაწილობრივ რეფინანსირებისა და სხვა ფინანსური ვალდებულებების დაფარვისთვის გამოიყენებს.„თიბისი კაპიტალსა და „ემბისის“ შორის მეორე თანამშრომლობა შედგა: მიკრობანკთან ერთად აპრილში ₾60 მლნ-ის ობლიგაციების პროგრამა დავამტკიცეთ, რომლის ფარგლებშიც ბოლო ტრანში განვახორციელეთ. ფასიან ქაღალდებზე ინვესტორების მაღალი ინტერესი ადასტურებს, რომ ეს პარტნიორობა წარმატებულია.  მოხარული ვარ, რომ კომპანიას დაფინანსების მოზიდვაში დავეხმარეთ და ამ ნაბიჯით საქართველოს ფასიანი ქაღალდების ბაზრის განვითარებასაც შევუწყვეთ ხელი. მიმდინარე წელს თიბისი კაპიტალის ჩართულობით უკვე 14 წარმატებული ტრანზაქცია განხორციელდა, როგორც ადგილობრივ, ასევე კაპიტალის საერთაშორისო ბაზრებზე. შედეგად, კომპანია ბაზრის ლიდერის პოზიციას ინარჩუნებს“, - ოთარ შარიქაძე, თიბისი კაპიტალის დირექტორი.„განსაკუთრებულ მნიშვნელობას ვანიჭებთ იმ ფაქტს, რომ „ემბისი“ პირველი მიკრობანკია ბაზარზე, რომლის ინვესტორი საქართველოს საპენსიო ფონდია. ეს ემისია 60 მილიონი ლარის ობლიგაციების პროგრამის ბოლო ტრანშია.  “ემბისის“მიმართ მაღალი ნდობის დადასტურებაა ის ფაქტი, რომ ემისიაში მონაწილეობა ადგილობრივმა ინსტიტუციურმა ინვესტორებმა მიიღეს და ინვესტორთა მოთხოვნამ გამოშვებული ობლიგაციების მოცულობას გადააჭარბა. საქართველოს საპენსიო ფონდის მხარდაჭერა “ემბისის“ ფინანსურ სტაბილურობასა და საინვესტიციო პოტენციალზე მიუთითებს და მისი შემდგომი განვითარებისთვის ახალ შესაძლებლობებს ქმნის. ასევე, ხაზი მინდა გავუსვა იმ ფაქტსაც, რომ აღნიშნული პროექტის ფარგლებში „ემბისიმ“ მოიპოვა სააგენტოს „აწარმოე საქართველოში“ გრანტი 200 ათასი ლარის მოცულობით.  გრანტის სახით მიღებული თანხა ემისიასთან დაკავშირებული ხარჯების დაფარვას მოხმარდა“, - გია პეტრიაშვილი, “ემბისის” გენერალური დირექტორი.“მინდა, მივულოცო კომპანიას „ემბისი“ ობლიგაციების წარმატებით გამოშვება კაპიტალის ბაზრის მხარდაჭერის პროგრამის ფარგლებში. ეს კიდევ ერთხელ ადასტურებს კერძო სექტორის მზაობასა და ინტერესს, გამოიყენოს კაპიტალის ბაზარი, როგორც დაფინანსების ალტერნატიული წყარო. აღსანიშნავია, რომ „ემბისი“ პირველი მიკრობანკია საქართველოში, რომელმაც აღნიშნული სახელმწიფო პროგრამით ისარგებლა. ვგეგმავთ, მომავალშიც აქტიურად დავუჭიროთ მხარი ადგილობრივ კომპანიებს ზრდის ახალ ეტაპზე გადასვლაში, რადგან ჩვენი სააგენტოსთვის ფინანსებზე ხელმისაწვდომობის გაუმჯობესება ერთ-ერთი სტრატეგიული მიმართულებაა“, - მიხეილ ხიდურელი, სააგენტო „აწარმოე საქართველოში“, დირექტორი."ემბისი" პირველი ფინანსური ინსტიტუტია საქართველოში, რომელმაც მიკრობანკის ლიცენზია მიიღო. კომპანიის ძირითადი საქმიანობა მოიცავს მიკრო, მცირე და საშუალო ბიზნესის დაკრედიტებას. „ემბისი“ საქართველოს 8 რეგიონში, 17 სერვისცენტრითაა წარმოდგენილი და მომხმარებლებს მრავალფეროვან საკრედიტო პროდუქტებსა და სერვისებს სთავაზობს. წამყვანი ევროპული სარეიტინგო სააგენტო Scope Rating-სგან “ემბისის” მინიჭებული აქვს B+ საკრედიტო რეიტინგი სტაბილური პერსპექტივით (B+ Stable).(R)

1759909113

თბილისის აბრეშუმის გზის ფორუმი 22-23 ოქტომბერს მეხუთედ ჩატარდება და მას 2000-მდე დელეგატი დაესწრება. ფორუმი რეგიონული და გლობალური დაკავშირებადობის გასაძლიერებლად დიალოგისა და თანამშრომლობისთვის უმნიშვნელოვანეს პლატფორმას წარმოადგენს.თბილისის აბრეშუმის გზის ფორუმში მონაწილეობას მიიღებენ მაღალი რანგის პოლიტიკური პირები, ბიზნეს სექტორისა და საერთაშორისო ორგანიზაციების წარმომადგენლები, რეგიონის ქვეყნების პრემიერ-მინისტრები და ვიცე-პრემიერები, ასევე დარგობრივი მინისტრები, წამყვანი გლობალური კომპანიებისა და საერთაშორისო საფინანსო ინსტიტუტების ხელმძღვანელები და საერთაშორისო რანგის ექსპერტები.პირველად, თბილისის აბრეშუმის გზის ფორუმის ფარგლებში, 23 ოქტომბერს თბილისის ფინანსური სამიტი გაიმართება, რომელიც თავისი მასშტაბით უპრეცედენტოა. ფინანსური სამიტს ეკონომიკისა და მდგრადი განვითარების სამინისტრო და საქართველოს ეროვნული ბანკი სინგაპურში დაფუძნებულ ორგანიზაციასთან – Global Finance and Technology Network (GFTN) – პარტნიორობით ჩაატარებენ.ფორუმის ფარგლებში პანელურ სესიებზე განხილულ იქნება ისეთი მნიშვნელოვანი მიმართულებები, როგორიცაა საერთაშორისო ვაჭრობა და არსებული გამოწვევები, ტრანსპორტი და ლოგისტიკა, შუა დერეფნის განვითარება, ენერგეტიკა, ციფრული ტრანსფორმაცია და სხვ. ცალკე პანელური სესია მიეძღვნება საქართველოს საინვესტიციო კლიმატისა და შესაძლებლობების განხილვას.„თბილისის აბრეშუმის გზის ფორუმი" პირველად 2015 წელს გაიმართა და მისი მნიშვნელობისა და მასშტაბურობის გამო ორ წელიწადში ერთხელ ტარდება.

1759906800