ბაქო–თბილისის მატარებლით მგზავრობის ტარიფები ცნობილია

2026 წელს ბანკის მიზანია, სკოლის მოსწავლეებს, მათ მშობლებს, მასწავლებლებსა და სტუდენტებს გააზრებული ფინანსური გადაწყვეტილებების მიღებაში დაეხმაროს და ხელი შეუწყოს მათში სწორი ფინანსური ჩვევების ჩამოყალიბებას, რაც გრძელვადიან პერიოდში, მათ ეკონომიკურ სტაბილურობასა და სიძლიერეს განაპირობებს.გაეცანით საქართველოს ბანკის მიერ 2026 წლის I კვარტალში ფინანსური განათლების მიმართულებით განხორციელებული პროექტების შესახებ ინფორმაციას:ფინანსური განათლების სასერტიფიკატო კურსებიინიციატივის ფარგლებში, საქართველოს ბანკის მხარდაჭერით, გაიმართა ლევან ფავლენიშვილის ფინანსური განათლების სასერტიფიკატო ტრენინგები სამი ჯგუფისთვის - სტუდენტებისთვის, მასწავლებლებისთვის და მშობლებისთვის, რომლებშიც ჯამში 200-ზე მეტი მონაწილე ჩაერთო.ტრენინგის ფარგლებში მონაწილეები განიხილავდნენ ფინანსური განათლების მნიშვნელოვან და პრაქტიკულ თემებს, მათ შორის: ბიუჯეტირებას, ხარჯვის ემოციურ ფაქტორებს, ხარჯების მართვას, ანაბარსა და ინვესტირებას და სხვა.ფინანსური განათლების კურსები ადგილობრივ უნივერსიტეტებშიამასთან, საქართველოს ბანკმა ფინანსური განათლების მიმართულებით დაიწყო თანამშრომლობა უნივერსიტეტებთან. ინიციატივა მიზნად ისახავს, ფინანსური განათლების კურსის დანერგვას.პროექტის ფარგლებში კურსის ფორმატი, ხანგრძლივობა და შინაარსი ინდივიდუალურად განისაზღვრება უნივერსიტეტის მიერ. კურსის მიმდინარეობა მოიცავს მრავალფეროვან სწავლების ფორმებს, როგორებიცაა: ლექციები, დისკუსიები, ქეისების ანალიზი, პროექტებზე მუშაობა და ელექტრონული სწავლება. კურსის ფორმატი დაფუძნებულია თანამშრომლობაზე, დამოუკიდებელი აზროვნების წახალისებაზე და პრაქტიკული უნარების განვითარებაზე.საგანმანათლებლო მასალები sCoolApp-შიმოსწავლეების საყვარელ აპლიკაცია sCoolApp-ში კი განთავსდა სახალისო, მოსწავლეებზე მორგებული საგანმანათლებლო მასალები, რომლებიც OECD-ს რეკომენდაციების საფუძველზე შეიქმნა და მოიცავს ისეთ საკითხებს, როგორებიცაა: სურვილებისა და საჭიროებების გარჩევა, დაზოგვის მიზნების დასახვა, ფასების შედარება, მცირე ხარჯების გავლენა ბიუჯეტზე და ფინანსური გადაწყვეტილებების მნიშვნელობა და ა.შ.ამასთან, შეიქმნა ინტერაქციული თამაში Trivia-სთვის ფინანსური განათლების კრებული 2 ასაკობრივი კატეგორიისთვის. პირველ კვარტალში თამაშში 78 000-მდე უნიკალური მოთამაშე ჩაერთო.პარტნიორობებისაქართველოს ბანკი აქტიურად თანამშრომლობს პარტნიორებთან და მხარს უჭერს ფინანსური განათლების ინიციატივებს. მათ შორის, ეროვნულ ბანკთან თანამშრომლობით იმართება პროექტი “გახდი ფინედუს დესპანი მასწავლებელი”, რომელშიც საქართველოს ბანკის ფილიალების თანამშრომლები მონაწილეობენ.ინიციატივის ფარგლებში კი საქართველოს ბანკის თანამშრომლები 150-ზე მეტ სკოლას ესტუმრნენ და V–XII კლასის მოსწავლეებისთვის ფინანსური განათლების საკითხებზე სახალისო და ინტერაქციულ გაკვეთილები ჩაატარეს.საქართველოს ბანკის მიერ შექმნილი საგანმანათლებლო პროექტების შესახებ დეტალური ინფორმაციის მისაღებად ეწვიეთ ვებგვერდს: ganatleba.bog.ge(R)

1779283509

დაგეგმილია $10 მლნ-მდე 2-წლიანი ობლიგაციების გამოშვება, ფიქსირებული განაკვეთით, 8%-8.5%. ნუტრიმაქსი ბაზარზეა 20009 წლიდან. მისი პარტნიორია ჰოლანდიურიTrouw Nutrition. ფლობს ფერმის ცხოველებისა და ფრინველების საკვების (feed mill) საწარმოს (წლიური სიმძლავრე 84 000 ტ).08/2021 -დან წარმოდგენილია  შვილობილი „ნუტრიმაქს პეტფუდით“, რომელიც ფლობს ექსტრუდირებული საკვების საწარმოს კომპანიონი ცხოველებისთვის (ძაღლი და კატა), ასევე თევზისთვის (სიმძლავრე 24 000 ტ). ოპერირებს მეზობელ ქვეყნებშიც (სომხეთი, აზერბაიჯანი, ყაზახეთი,უზბეკეთი, მოლდოვა).

1779282474

სწორედ ამ მიზნით, LEAF-თან თანამშრომლობის ფარგლებში, 25 მაისს, 17:00 საათზე  საერთაშორისო სასტიპენდიო პროგრამების ვებინარს მართავს. დასწრების მსურველებმა უნდა გაიარონ რეგისტრაცია ბმულზე.ვებინარზე მონაწილეებს შესაძლებლობა ექნებათ, მიიღონ ინფორმაცია საზღვარგარეთ სწავლის შესახებ; გაიგონ, როგორ შეუძლიათ მიიღონ სრული დაფინანსება Fulbright-ის, Chevening-ის, Miami Ad School-ისა და UWC პროგრამების ფარგლებში.შეხვედრას ჩაატარებენ გიორგი ჩავლეიშვილი, განათლების ცენტრ LEAF-ის დამფუძნებელი და ჯულიეტა პაკაცოშვილი, აკადემიური მრჩეველი.ღონისძიების შესახებ დეტალური ინფორმაციის მისაღებად ეწვიეთ ბმულს.ინფორმაციისთვის, განათლების ცენტრი LEAF 2008 წლიდან ეხმარება საზღვარგარეთ სწავლით დაინტერესებულ ახალგაზრდებს მსოფლიოს სხვადასხვა უნივერსიტეტებში ჩაბარებასა და დაფინანსების მოპოვებაში.ამასთან, საქართველოს საგანმანათლებლო ინიციატივების შესახებ დეტალური ინფორმაციის მისაღებად ეწვიეთ ვებგვერდს. (R)

1779277339

20 მაისს ეკონომიკის საკითხებში ევროკომისარმა ვალდის დომბროვსკისმა ევროკავშირის სახელით მოაწერა ხელი მემორანდუმს.შემდეგ ეტაპზე დოკუმენტის რატიფიცირება უკრაინის უმაღლესმა რადამ უნდა მოახდინოს.ეს გადაწყვეტილება უკრაინას მისცემს შესაძლებლობას, 2026 წელს საბიუჯეტო საჭიროებებისთვის €8,35 მლრდ მიიღოს.კიდევ €8,35 მლრდ-ს გამოყოფა იგეგმება Ukraine Facility-ის მექანიზმის ფარგლებში. ამჟამად მის რეგლამენტთან დაკავშირებით უკრაინულ მხარესთან მოლაპარაკებები მიმდინარეობს, რომელიც უახლოეს მომავალში უნდა დასრულდეს.მანამდე უკრაინული მედიისთვის ცნობილი გახდა, რომ ევროკავშირის 90-მილიარდიანი კრედიტიდან საბიუჯეტო მხარდაჭერის ნაწილის მისაღებად უკრაინამ უნდა გაატაროს მთელი რიგი რეფორმები, რომლებიც კანონის უზენაესობასა და კორუფციასთან ბრძოლას ეხება.„ევროპრავდას“ წყაროების ინფორმაციით, ამ მოთხოვნების საფუძველი გახდება გეგმის ელემენტები, რომელიც არაოფიციალური სახელწოდებით - „კაჩკა-კოსის 10 პუნქტი“ - არის ცნობილი. ერთ-ერთი პუნქტი ანტიკორუფციული სტრატეგიის მიღებას ითვალისწინებს. საუბარია რეფორმებზე კანონის უზენაესობისა და კორუფციასთან ბრძოლის სფეროში, რომელთა განხორციელებაშიც უკრაინა ამ დროისთვის საკმარის პროგრესს ვერ აჩვენებს.

1779275491

ფესტივალის სცენაზე წელს კლასიკური მუსიკის საერთაშორისო ვარსკვლავები წარდგებიან, მათ შორის: ჯანანდრეა ნოზედა, ლიზა ბათიაშვილი, პინკას ცუკერმანი, სერგეი ბაბაიანი, მარკ-ანდრე ჰამელინი, ნიკოლაი შეპს-ცნაიდერი, დავით ხრიკული და პან-კავკასიური ახალგაზრდული ორკესტრი.თიბისი, როგორც კულტურული და საგანმანათლებლო ინიციატივების აქტიური მხარდამჭერი, უკვე წლებია ხელს უწყობს საქართველოში საერთაშორისო მნიშვნელობის პროექტების განხორციელებას. კლასიკური მუსიკის მხარდაჭერა თიბისისთვის განსაკუთრებით მნიშვნელოვანია, რადგან მსგავსი ინიციატივები ქვეყნის კულტურულ ცხოვრებას კიდევ უფრო მრავალფეროვანსა და ხელმისაწვდომს ხდის, ხოლო ახალგაზრდა მუსიკოსებისა და მსმენელებისთვის საერთაშორისო გამოცდილების გაზიარების შესაძლებლობას ქმნის.წინასწარი გაყიდვების ფარგლებში, მხოლოდ თიბისი კონცეპტ და WM Visa ბარათის მომხმარებლები ბილეთებს 20%-იანი ფასდაკლებით შეიძენენ. ხოლო 28 მაისიდან კი 15%-იანი ფასდაკლებით ისარგებლებენ.ფესტივალის შესახებ დეტალური ინფორმაციისა და ბილეთების შესაძენად ეწვიეთ Tsinandali Festival.(R)

1779274383

მთავრობის 945-ე განკარგულების თანახმად, აღნიშნული ფული მიიმართება დონორი ორგანიზაციების მიერ დაფინანსებული პროექტების თანამონაწილეობაზე. მათ შორის არის 500 კილოვოლტიანი ელექტროგადამცემი ხაზები (ეგხ) „წყალტუბო-ახალციხე-თორთუმი“ და „ჯვარი-წყალტუბო“, „ჩრდილოეთის რგოლი“ (ნამახვანი-წყალტუბო-ლაჯანური), „ხელედულა-ლაჯანური-ონი“, ასევე გურიისა და კახეთის ელექტროგადაცემის ინფრასტრუქტურის გაძლიერების პროექტები.სსე–ს ინფორმაციით, 500 კვ ეგხ „ჯვარი-წყალტუბოს“ პროექტს თურქული კომპანია Bozlar Yapi ახორციელებს. პროექტზე მუშაობა 2021 წელს დაიწყო და მისი დასრულება 4Q27-ში იგეგმება. რაც შეეხება 220 კვ ელექტროგადამცემ ხაზებს „ხელედულა-ლაჯანური“ და „ონი-ლაჯანური“, მათ მშენებლობაზე €25.6 მლნ-ის ღირებულების ხელშეკრულება ინდურ KEC International Limited-თან არის გაფორმებული და სამუშაოები 2029 წლის იანვარში უნდა დასრულდეს.აღნიშნული ინფრასტრუქტურული სამუშაოები ხორციელდება „ელექტროენერგეტიკული ქსელის გაუმჯობესების მასშტაბური საინვესტიციო პროგრამის“ (ENIP) ფარგლებში, რომელიც ევროკავშირის, სსე-სა და გერმანიის განვითარების ბანკის (KfW) პარტნიორობით მიმდინარეობს.პროგრამის ჯამური ბიუჯეტი €270 მლნ-ს შეადგენს, რაც მოიცავს გერმანიის მთავრობის (KfW-ს მეშვეობით) და ევროპის რეკონსტრუქციისა და განვითარების ბანკის (EBRD) დაფინანსებას, ასევე ევროკავშირის სამეზობლო საინვესტიციო პლატფორმის (EU NIP) $9.9 მლნ-ს ოდენობის გრანტს.პროგრამა, რომლის რეალიზაციაც 2021 წელს დაიწყო და 2028 წელს სრულდება, ითვალისწინებს 7 ქვესადგურისა და 540 კილომეტრზე მეტი სიგრძის ელექტროგადამცემი ხაზების მშენებლობა-გაფართოებას იმერეთის, გურიის, რაჭის, სვანეთისა და კახეთის რეგიონებში.

1779271793

„მოხარული ვართ სანდროს ჯგუფში დაბრუნებით. მას გააჩნია საცალო ბანკინგის ღრმა ექსპერტიზისა და სხვადასხვა ბაზარზე ძლიერი შესრულების უნარების უნიკალური კომბინაცია. დარწმუნებული ვარ, მისი ლიდერობა კიდევ უფრო გააძლიერებს ჩვენს საცალო ბანკინგს საქართველოში“, - აცხადებს ბუცხრიკიძე.„სანდრო არის ფართოდ აღიარებული საბანკო მენეჯერი, რომელსაც აქვს ზრდის, ინოვაციისა და ოპერაციული ეფექტიანობის უზრუნველყოფის ძლიერი გამოცდილება. საცალო ბანკინგში მისი ფართო გამოცდილება მას იდეალურ კანდიდატად აქცევს ჩვენი საცალო საბანკო ბიზნესის განვითარების შემდეგი ეტაპის სათავეში ჩასადგომად“, -  ასე აფასებს თხელიძე რთველაძის დაბრუნებას.შეგახსენებთ, სანდრო რთველაძე ინიშნება JSC TBC Bank-ის საცალო საბანკო მიმართულების დირექტორის მოადგილედ (Deputy CEO, Retail Banking), საქართველოს ეროვნული ბანკის თანხმობის მიღების შემდგომ. გეგმის მიხედვით, ის ბანკს 2026 წლის 6 ივლისიდან შეუერთდება ან მოგვიანებით, საჭიროების შემთხვევაში, შესაბამისი მარეგულირებელი დამტკიცებების დასრულების შემდეგ. ამ პოზიციაზე ის უხელმძღვანელებს ბანკის საცალო მომხმარებლებისთვის განკუთვნილ პროდუქტებს, სერვისებსა და არხებს.სანდრო Ipoteka Bank-იდან უერთდება JSC TBC Bank-ს, სადაც, მმართველი საბჭოს თავმჯდომარის რანგში, წარმატებით უხელმძღვანელა OTP Group-ის უზბეკური შვილობილი ბანკის ტრანსფორმაციასა და გაჯანსაღებას. მანამდე ის იყო TBC Uzbekistan-ის, ჯგუფის ციფრული ბანკის, გენერალური დირექტორი (CEO), ასევე ეკავა მაღალი მენეჯერული პოზიციები OTP Bank Russia-ში, Liberty Bank-სა და Bayport Management Africa-ში. მას აქვს საცალო და ციფრული ბანკინგის სფეროში 10 წელზე მეტი მაღალი მენეჯერული გამოცდილება.

1779271150

ანგარიშის მიხედვით, 2025 წლის 31 დეკემბრის მონაცემებით, საქართველოში სულ 8,592 პატიმარი ირიცხებოდა (მათ შორის საბოლოო განაჩენამდე პატიმრობაში მყოფი პირებიც). ეს ნიშნავს, რომ ქვეყანაში ყოველ 100 000 მოსახლეზე 231.9 პატიმარი მოდის, რაც ევროპის საშუალო მაჩვენებელს (110 პატიმარი) მნიშვნელოვნად აღემატება და კლასიფიცირებულია, როგორც „ძალიან მაღალი“ ნიშნული.კლების ტენდენცია, ამნისტია და შეწყალება მიუხედავად მაღალი საერთო მაჩვენებლისა, ანგარიშში ხაზგასმულია პატიმართა რაოდენობის შემცირების დინამიკა: 2015-2025 წლებში პატიმრების საერთო რაოდენობა 15.5%-ით შემცირდა 2024-2025 წლებში კლებამ 11% შეადგინა ევროსაბჭო ამ კლებას, მათ შორის, ჰუმანურ აქტებს უკავშირებს - დოკუმენტის თანახმად, 2024 წელს საქართველომ 953 ამნისტია და 688 ინდივიდუალური შეწყალება გამოაცხადა.პატიმართა დემოგრაფიული პროფილი კვლევა დეტალურად აღწერს ქართულ ციხეებში მყოფთა სტრუქტურას: ასაკი: პატიმართა საშუალო ასაკი 39 წელია. ამასთან, 50 წლის ან უფროსი ასაკის მსჯავრდებულთა წილი შეფასებულია როგორც „მაღალი“. არასრულწლოვნები: 2025 წლის 31 იანვრისთვის სისტემაში 74 არასრულწლოვანი ირიცხებოდა (საერთო რაოდენობის 0.9%). ქალები: პატიმართა საერთო მასის მხოლოდ 4.4%-ს (377 პატიმარი) შეადგენენ, რაც „დაბალ“ მაჩვენებლად ითვლება. უცხოელები: მსჯავრდებულთა 11.9% (1,020 პატიმარი) უცხო ქვეყნის მოქალაქეა. ეს მონაცემი „ძალიან დაბალია“ ევროპულ მედიანურ მაჩვენებელთან (17%) შედარებით. ანგარიში ეხება საპატიმროების ტევადობასაც. საქართველოში სასჯელაღსრულების სისტემა ჯამში 12,332 ადგილს მოიცავს. ამჟამად სიმჭიდროვე ყოველ 100 ადგილზე 69.7 პატიმარია, რაც იმას ნიშნავს, რომ სისტემაში საერთო გადატვირთულობა არ ფიქსირდება.ქვეყანაში სულ 2,918 საკანია, სადაც ერთ საკანზე საშუალოდ 2.9 პატიმარი მოდის. ამასთან, ევროსაბჭო აღნიშნავს, რომ საქართველოში ღამის გათევა ინდივიდუალურ (ცალკეულ) საკნებში სტანდარტს არ წარმოადგენს.

1779269775