საქართველოს მთლიანი საგარეო ვალი 2,2%-ით გაიზარდა

შეხვედრების მთავარი თემა საარჩევნო პროცესში ელექტრონული ტექნოლოგიების დანერგვა იყო. საარჩევნო ადმინისტრაციის წარმომადგენლებმა შეხვედრის მონაწილეებს დეტალური ინფორმაცია მიაწოდეს იმ მნიშვნელოვანი სიახლეების შესახებ, რომელიც საარჩევნო პროცესში ელექტრონული ტექნოლოგიების დანერგვას უკავშირდება, ასევე დეტალურად ისაუბრეს ელექტრონული ტექნოლოგიების და მასთან დაკავშირებით საქართველოს საარჩევნო ადმინისტრაციის გამოცდილების, საპილოტე რეჟიმში ჩატარებული არჩევნებისა და ამომრჩეველთა ინფორმირების კამპანიის შედეგების შესახებ. შეხვედრების ფარგლებში, ასევე გაიმართა იმიტირებული კენჭისყრაც საარჩევნო ტექნოლოგიების, მათ შორის ვერიფიკაციისა და ხმის დათვლის ელექტრონული აპარატების გამოყენებით.აღნიშნულ შეხვედრებში მონაწილეობა საარჩევნო ადმინისტრაციამ იმ 30 პარტიას შესთავაზა, რომლებსაც 26 ოქტომბრის არჩევნებისთვის რიგითი ნომრები მიენიჭათ. რაც შეეხება სადამკვირვებლო ორგანიზაციებს, ამ შემთხვევაში ცესკომ სასწავლო - საინფორმაციო შეხვედრებში მონაწილეობა იმ ადგილობრივი სადამკვირვებლო ორგანიზაციის წარმომადგენლებს შესთავაზა, რომლებმაც 2021 წლის არჩევნებისთვის ეთიკის კოდექსს მოაწერეს ხელი.30 პარტიიდან სასწავლო საინფორმაციო შეხვედრებში მონაწილეობის სურვილი 9, ხოლო 21 სადამკვირვებლო ორგანიზაციიდან 6-მა გამოთქვა.აღსანიშნავია, რომ საინფორმაციო სასწავლო შეხვედრებზე საარჩევნო ადმინისტრაციას განსაზღვრული ჰქონდა 15 400 წარმომადგენლის დასწრება, მათ შორის პარტიების 12 200, ხოლო სადამკვირვებლო ორგანიზაციების 3 200 წარმომადგენლის. შეხვედრაზე დასწრების სურვილი გამოთქვა პოლიტიკური პარტიის 1 592-მა და ადგილობრივი სადამკვირვებლო ორგანიზაციების 461-მა წარმომადგენელმა, თუმცა საბოლოო ჯამში ამ შესაძლებლობით მხოლოდ პოლიტიკური პარტიების 597-მა და სადამკვირვებლო ორგანიზაციების 277-მა წარმომადგენელმა ისარგებლა. შესაბამისად, შეხვედრებზე პოლიტიკური პარტიების და ადგილობრივ დამკვირვებელ ორგანიზაციათა ის რაოდენობაც არ გამოცხადდა, რაც მათ მიერვე მოწოდებულ ინფორმაციაში იყო ასახული. სამწუხაროა, რომ პოლიტიკური პარტიების და ადგილობრივ დამკვირვებელ ორგანიზაციათა უმრავლესობამ არ გამოიყენა შესაძლებლობა მიეღო კომპეტენტური და ამომწურავი ინფორმაცია საარჩევნო ელექტრონული ტექნოლოგიების და სხვა მნიშვნელოვანი საკითხების შესახებ.

1725642494

სებ-ის სტატისტიკით, პარალელურად ბაზრიდან მაისში სებ-მა 300 მლნ ლარზე მეტი, 2 აუქციონით (16/05,28/05), ივნისში კი 172 მლნ ლარამდე ამოიღო, $60 მილიონიანი სავალუტო ინტერვენციით. ივლისში ინტერვენციისთვის არ მიუმართავს. BMatch-ზე წმინდა გაყიდვებმა $9.1 მილიონი შეადგინა.07/2024-ში სავალუტო ბაზარზე ყიდვა-გაყიდვის აქტივობები თითქმის მთლიანად სპოტ გარიგებებზე მოდის (97.5%)ეროვნული ბანკის წილი მთლიან ვაჭრობაში 0.1% -ია.

1725640483

შეხვედრის ძირითადი თემა 2024 წლის არჩევნები იყო. ცესკოს თავმჯდომარემ დელეგაციის წევრებს არჩევნების მაღალ პროფესიულ დონეზე, საერთაშორისო სტანდარტების შესაბამისად ჩასატარებლად საარჩევნო ადმინისტრაციის მიერ განხორციელებული და მიმდინარე საქმიანობები გააცნო. მან ასევე პარტიების რეგისტრაციის პროცესის შესახებ მიმდინარე მდგომარეობაზე და პარტიული სიების წარდგენის საკითხებზე ისაუბრა.შეხვედრის მიმდინარეობისას მხარეებმა ამავდროულად ისაუბრეს ადგილობრივი სადამკვირვებლო ორგანიზაციების რეგისტრაციისა და ელექტრონული არჩევნების ჭრილში ამომრჩეველთა ინფორმირების საკითხებზე. გიორგი კალანდარიშვილმა აღნიშნა, რომ საარჩევნო ადმინისტრაცია მიესალმება მიუკერძოებელი და ობიექტური სადამკვირვებლო მისიების არსებობას და დაკვირვებას, რაც არჩევნების მთლიანობის უზრუნველყოფისთვის მნიშვნელოვანი კომპონენტია.შეხვედრის მონაწილეებმა ასევე დეტალურად განიხილეს ელექტრონულ არჩევნებთან დაკავშირებული საკითხები. გიორგი კალანდარიშვილმა მათ გააცნო ამ მიმართულებით არსებული სიახლეები. ამასთან, დელეგაციის წევრებს შესაძლებლობა ჰქონდათ პირადად გამოეცადათ ვერიფიკაციისა და ხმის მთვლელი აპარატების მუშაობა და მონაწილეობა მიეღოთ იმიტირებულ კენჭისყრაში. ცესკოს თავმჯდომარემ აღნიშნა, რომ ტექნოლოგიებთან დაკავშირებით ამომრჩეველთა ინფორმირების ფართომასშტაბიანი კამპანია არჩევნებამდე წელიწადნახევრით ადრე დაიწყო და ამ დროისათვის ნახევარ მილიონზე მეტი ამომრჩეველია ინფორმირებული. მათ შორის, ქვეყნის მასშტაბით ჩატარდა საარჩევნო ტექნოლოგიების საყოველთაო დემონსტრირება. პროექტი როგორც თეორიულ, ისე პრაქტიკულ კომპონენტებს ითვალისწინებდა და პასუხობდა ეროვნულ დემოკრატიული ინსტიტუტის (NDI) წინასაარჩევნო პერიოდში გაცემულ რეკომენდაციას საარჩევნო ტექნოლოგიების ეროვნული მასშტაბით ტესტირების შესახებ.ამასთანავე, შეხვედრაზე ცესკოს ხელმძღვანელმა პირებმა ისაუბრეს საარჩევნო ადმინისტრაციის გამოწვევების შესახებ, მათ შორის საარჩევნო პროცესებთან დაკავშირებით დეზინფორმაციის გავრცელების საკითხებზე.აშშ-სა და ევროპის არასამთავრობო სექტორის, მედიის წარმომადგენლებსა და ყოფილ დიპლომატებთან შეხვედრა დღეს ცესკოში გაიმართა. დელეგაცია საქართველოში რონდელის ფონდის ხელშეწყობით იმყოფება. მათი ვიზიტის მიზანია გაეცნონ საქართველოში მიმდინარე პოლიტიკურ, ეკონომიკურ და სოციალურ საკითხებს. დელეგაცია შეხვედრებს მართავს ოფიციალურ პირებთან, პოლიტიკურ პარტიების, სამოქალაქო საზოგადოებისა და ექსპერტული წრეების წარმომადგენლებთან.შეხვედრა შავი ზღვის ფონდის საერთაშორისო თანამშრომლობისთვის/გერმანიის მარშალის ფონდის ინიციატივითა და საქართველოს სტრატეგიისა და საერთაშორისო ურთიერთობების კვლევის ფონდის (რონდელის ფონდი) ხელშეწყობით გაიმართა.

1725629024

მოცემულ ეტაპზე ხელვაჩაურის მუნიციპალიტეტის სოფლების მიმართულებით გახსნილი სამარშრუტო ხაზების მარშრუტის ნომერი, მიმართულება და ტარიფები იხილეთ ჩამონათვალში:კირნათის ადმინისტრაციული ერთეული 400 მეტროს ავტოსადგური-კირნათი (შუშანეთი) – 1.00 ლ 401 მეტროს ავტოსადგური-მარადიდი – 1.00 ლ 402 მეტროს ავტოსადგური-სოფელი შუშანეთი (კირნათი) – 1.00 ლ მაჭახელას ადმინისტრაციული ერთეული 403 მეტროს ავტოსადგური-სოფელი ზედა ჩხუტუნეთი – 1.60 ლ 404 მეტროს ავტოსადგური-სოფელი ჩიქუნეთი – 1.60 ლ  აჭარისწყლის ადმინისტრაციული ერთეული 406 მეტროს ავტოსადგური-კიბე – 1.00 ლ 408 მეტროს ავტოსადგური-ევგენიძეები – 1.00 ლ  შარაბიძეების ადმინისტრაციული ერთეული 409 მეტროს ავტოსადგური-ზედა ერგე (ეკალაური)–1.00 ლ 410 მეტროს ავტოსადგური-ზემო ჯოჭო – 1.00 ლ 411 მეტროს ავტოსადგური-ქვედა ჯოჭო – 1.00 ლ 412 მეტროს ავტოსადგური-ვარშალომიძეები – 0.70 ლ 413 მეტროს ავტოსადგური-ზანაქიძეეები – 0.70 ლ 414 მეტროს ავტოსადგური-ზედა შარაბიძეები – 0.70 ლ თხილნარის ადმინისტრაციული ერთეული 416 მეტროს ავტოსადგური-ზედა თხილნარი – 1.00 ლ 417 მეტროს ავტოსადგური-თხილნარის მეურნეობა – 1.00 ლ 418 მეტროს ავტოსადგური-სიმონეთი – 1.00 ლ ჭარნალის ადმინისტრაციული ერთეული 420 მეტროს ავტოსადგური-ჭარნალი 0.60 ლარი 422 მეტროს ავტოსადგური-ჭარნალი (საგინაძეების დასახლება) – 1.00 ლარი 423 მეტროს ავტოსადგური-ახალსოფელი (ტეტემაძეების დასახლება) – 1.00 ლარი  ორთაბათუმის ადმინისტრაციული ერთეული 424 თბ. მოედანი-ორთაბათუმი – 0.50 ლ 425 თბ. მოედანი-კაპრეშუმი – 0.80 ლ 426 თბ. მოედანი-მასაურა – 0.80 ლ 427 თბ. მოედანი-ყოროლისთავი – 0.80 ლ 431 თბ. მოედანი-სამება (სალიბაური) – 0.60 ლ 431 თბ. მოედანი-სამება (ეკლესია) – 0.60 ლ   ახალშენის ადმინისტრაციული ერთეული 432 თბ. მოედანი-სოფელი ახალშენი მიქელაძეები – 0.60 ლ 433 თბ. მოედანი-სოფელი ზედა ახალშენი – 0.60 ლ 434 თბ. მოედანი-სოფელი სამება – 0.60 ლ 435 თბ. მოედანი-სოფელი სამება (II საჯარო სკოლის მიმართულება) – 0.60 ლ 436 თბ. მოედანი-სოფელი განახლება – 0.60 ლ 438 თბ. მოედანი-ჯიბინაური – 0.60 ლ 439 თბ. მოედანი-ახალშენი (დასახლება გორა) – 0.60 ლ  მახინჯაურის ადმინისტრაციული ერთეული 443 თბ. მოედანი-ქვედა განთიადი – 0.50 ლ 444 თბ. მოედანი-მახინჯაური (გოგირდის აბანო) – 0.50 ლ 445 თბ. მოედანი-ზედა განთიადი – 0.50 ლ 446 თბ. მოედანი-შუა მახინჯაური – 0.50 ლ ამასთან, სატრანსპორტო რეფორმის ფარგლებში ახალი მუნიციპალური სამარშრუტო ხაზი ამოქმედდა გონიოს მიმართულებით.სამარშრუტო ხაზზე იმოძრავებს #20 მიკროავტობუსი 11 წუთიანი ინტერვალით შემდეგი მიმართულებით:თბილისის მოედანი, ჭავჭავაძის ქ, აბუსერიძის ქ, აეროპორტის გზ, აფსაროსის ქ, კარანელის ქ (გონიო). უკუმიმართულება იგივე.მიკროავტობუსები მხოლოდ მუნიციპალური ავტობუსების მოსაცდელებთან გააჩერებენ.მიკროავტობუსები 07:00-დან 23:00 სთ-მდე იმოძრავებენ.მიმდინარე წლის 29 აგვისტოს, ბათუმის მერიამ გაავრცელა ინფორმაცია, რომ ბათუმის მუნიციპალური ავტოპარკი 100 ერთეული „EURO 5“-ის სტანდარტის მიკროავტობუსით განახლდა. მათივე თქმით, მიკროავტობუსების შესაძენად 12 528 100 ლარი დაიხარჯა, ახალ მიკროავტობუსებზე კი 250 მძღოლი დასაქმდა.62 ახალი მიკროავტობუსი ეტაპობრივად ჩაანაცვლებს ხელვაჩაურის მიმართულებებს და ქალაქთან დაკავშირებულ 64 სოფელს მოემსახურება. 38 ერთეული მიკროავტობუსით კი, დამატებით შეიქმნება ქალაქის 5 ახალი, საცდელი მარშრუტი, რომელიც ბათუმის მუნიციპალიტეტის ადმინისტრაციულ საზღვრებში, შემოერთებულ ტერიტორიებზე იმოძრავებს."წელსვე იგეგმება 25 ერთეული M3 კატეგორიის 12–მეტრიანი „EURO 5“-ის სტანდარტის ავტობუსის შემოყვანა", - ვკითხულობთ ბათუმის მერიის მიერ 29 აგვისტოს გავრცელებულ ინფორმაციაში.

1725628049

ევროგაერთიანების პრეს–სამსახურის განცხადების თანახმად, დეკლარაციაში მოცემულია მართლმსაჯულების უმნიშვნელოვანესი საკითხების გადაჭრის პრინციპები, რომლებიც უკრაინაში მიმდინარე კონფლიქტს უკავშირდება. ევროკავშირის წევრი ქვეყნების და დამკვირვებელი ქვეყნების იუსტიციის მინისტრებმა დოკუმენტი ლიეტუვის თავმჯდომარეობით გამართულ შეხვედრაზე მიიღეს და ის სარეკომენდაციო ხასიათისაა.საქართველოსა და სომხეთის გარდა დეკლარაციას ხელს აწერენ ლიეტუვა, ლატვია, ესტონეთი, უკრაინა და მოლდოვა. ასევე აშშ, კანადა, გერმანია, საფრანგეთი, დიდი ბრიტანეთი და სხვა ქვეყნები.ამასთან, დოკუმენტის მხარდაჭერისგან თავი შეიკავეს აზერბაიჯანმა, თურქეთმა, უნგრეთმა, ბოსნია და ჰერცეგოვინამ, სლოვაკეთმა და სერბეთმა. 

1725626024

მისი თქმით, ისინი ძალიან შეშფოთებულები არიან მოვლენების ბოლოდროინდელი განვითარებით საქართველოში და მისი ევროპული მომავლის ბედით."ეს არის ჩვენთვის კარგი შესაძლებლობა, გავაჟღეროთ ორი ძალიან მკაფიო გზავნილი - პირველია ის, რომ ჩვენ ველით, რომ არჩევნები ოქტომბრის ბოლოს იქნება სამართლიანი და თავისუფალი. ეს არის გადამწყვეტი არჩევნები დემოკრატიისა საქართველოს ევროპული მომავლისთვის. საქართველოს გადასაწყვეტია რა გზით წავიდეს და ჩვენ ნამდვილად პატივს ვცემთ ამ არჩევნების შედეგებს", - განაცხადა ნილს შმიდმა.შმიდმა მოუწოდა საქართველოს თითოეულ მოქალაქეს, მიიღოს მონაწილეობა ამ არჩევნებში. მისი თქმით, ისინი ყურადღებით დააკვირდებიან იმას, თუ როგორ ჩატარდება ოქტომბრის არჩევნები."მეორე გზავნილი შემდეგია, მთავრობის მიმდინარე პოლიტიკის პირობებში არ არსებობს ვარიანტი, რომ საქართველო გახდეს ევროკავშირის წევრი, ამის შესახებ ნათლად განაცხადა ევროკავშირმა ევროინტეგრაციის პროცესის შეჩერებით. ევროკავშირში გაწევრიანების ნებისმიერი პროცესის გადაწყვეტისთვის საჭიროა პარლამენტის თანხმობა, ჩვენი პარტიები წარმოადგენს გერმანიის ბუნდესტაგის უდიდეს უმრავლესობას, ახლანდელი პოლიტიკის ფონზე საქართველო ვერ მიიღებს გერმანიის პარლამენტის თანხმობას გაწევრიანების მოლაპარაკებების გახსნაზე. ყველამ იცის ის 9 ნაბიჯი რომელიც საქართველომ უნდა შეასრულოს ევროკავშირში გაწევრიანების მოლაპარაკებების დასაწყებად, მინდა გითხრათ, რომ ჩვენ უნდა დავამატოთ მეათე ნაბიჯი და ეს უნდა იყოს უცხოელი აგენტების შესახებ კანონის გაწვევა, რომელიც აშკარად წინააღმდეგობაშია ევროპულ სტანდარტებთან", - თქვა მან."როდესაც ევროკავშირის ერთ-ერთი ჩინოსანი გამოდის და აკრიტიკებს კანონს, რომლის ერთადერთი მიზანი არის ლგბტ პროპაგანდის შეზღუდვა, ეს არის ჩვენთვის უკიდურესად შემაშფოთებელი", - ამის შესახებ საქართველოს პრემიერ-მინისტრმა ირაკლი კობახიძემ ჟურნალისტებს ქუთაისში, ქუთაისის საერთაშორისო უნივერსიტეტში (KIU) პირველ კურსდამთავრებულთა გამოსაშვებ ცერემონიაზე სიტყვით გამოსვლის დასრულების შემდეგ განაცხადა.მთავრობის მეთაურის თქმით, ევროპა ნიშნავს ტრადიციულ ფასეულობებს, ქრისტიანულ ფასეულობებს და თუ ვინმეს სხვანაირად უნდა წარმოაჩინოს ევროპა, ეს არის კატეგორიულად მიუღებელი.საქართველოში ვიზიტით მყოფმა გერმანიის ბუნდესტაგის წევრმა ულრიხ ლეჰტემ კი განაცხადა, რომ სამი დღე იყვნენ საქართველოში, შეხვდნენ არასამთავრობოებს, ოპოზიციურ პარტიებს."სამწუხაროდ, ხელისუფლება არ შეგვხვდა, ჩვენი სურვილის მიუხედავად. ჩვენ ვითხოვეთ შეხვედრა უმაღლეს დონეზეც, მეორე და მესამე დონეებზეც, მაგრამ უარი მივიღეთ. დრო რატომღაც ვერ გამონახეს, მიუხედავად იმისა, რომ ჩვენი ვიზიტი კვირების წინ იყო დაგეგმილი. იმედის მაქვს, არჩევნების შემდეგ დემოკრატიისკენ სვლა გაგრძელდება ძლიერი მთავრობით", - თქვა ულრიხ ლეჰტემ.ულრიხ ლეჰტემის საპასუხოდ ირაკლი კობახიძემ ჟურნალისტებთან განაცხადა, რომ ბუნდესტაგის დელეგაციის წევრებთან მისი შეხვედრა არ არის მიზანშეწონილი, რადგან რამდენიმე თვის წინ ბუნდესტაგის წევრი რადიკალური ოპოზიციის მიერ მოწყობილ აქციაში მონაწილეობდა და ჩართული იყო რევოლუციის მცდელობაში."თქვენ გახსოვთ, იყო ბუნდესტაგის ერთ-ერთი წევრი ჩამოსული საქართველოში, მას შეხვდა ჩვენი გუნდის ერთ-ერთი წევრი პარლამენტარი და ამის შემდეგ, რამდენიმე საათში ის აღმოჩნდა რადიკალური ოპოზიციის მიერ მოწყობილ აქციაზე პირდაპირ სცენაზე იყო ასული და  ჩართული იყო რევოლუციურ მცდელობაში. ასეთი აქტები არის მიუღებელი, ასეთ ფონზე ჩვენთვის შეხვედრები არის მიუღებელი, ამ შემთხვევაშიც ჩვენი გუნდის ერთ-ერთი წევრი შეხვდება ბუნდესტაგის დელეგაციას, იმისათვის, რომ გაუზიაროს ჩვენი სათქმელი, თუმცა რამდენად იქნება ეს შედეგიანი, გამოჩნდება", - განაცხადა საქართველოს პრემიერ-მინისტრმა.როგორც მთავრობის მეთაურმა აღნიშნა, რამდენიმე თვის წინ ბუნდესტაგის წევრი რადიკალური ოპოზიციის მიერ მოწყობილ აქციაზე პირდაპირ სცენაზე იყო ასული  და ჩართული იყო რევოლუციურ მცდელობაშიასევე, გერმანიის ბუნდესტაგის წევრმა, დებორა დურინგმა თბილისში გამართულ პრესკონფერენციაზე თქვა, რომ ადრე რეგიონში საქართველო ლიდერი იყო, მაგრამ ახლა სამწუხაროდ საპირისპირო მიმართულებით დაიწყო სვლა და ფსკერზე აღმოჩნდა."მინდა გითხრათ, რომ უცხოელი აგენტების შესახებ კანონით საქართველო ვერ გაწევრიანდება ევროკავშირში. ჩვენ არ მივცემთ ხმას საქართველოსთან ევროკავშირში გაწევრიანების შესახებ მოლაპარაკებების გახსნას, სანამ ეს კანონი და ასევე კანონი ადამიანის უფლებების შესახებ გაუქმებული არ იქნება", - განაცხადა დებორა დურინგმა.2024 წლის მაისში თბილისში ოფიციალური ვიზიტით მყოფმა გერმანიის ბუნდესტაგის საგარეო ურთიერთობათა კომიტეტის თავმჯდომარემ მიხაელ როთმა განაცხადა, რომ საქართველოს მთავრობის წევრები მას და დელეგაციის სხვა წევრებს არ შეხვდნენ.როთი მაშინ მხოლოდ ნიკოლოზ სამხარაძეს შეხვდა „სამხარაძემ მიგვიღო არა პარლამენტში, არამედ „ქართული ოცნების” ოფისში“, - წერდა ის.

1725624515

გზირიშვილმა აღნიშნა, რომ სები, სხვა მარეგულირებლებთან ერთად, აქტიურად იყო ჩართული მომხმარებლის დაცვის ეროვნული სტრატეგიის შემუშავებაში, რაც ხელს შეუწყობს ქვეყანაში მომხმარებელთა უფლებების დაცვის მაღალი სტანდარტის დამკვიდრებასა და ამ მიმართულებით დაგროვილი ცოდნისა და საუკეთესო პრაქტიკის გაზიარებას. მისი თქმით, ბოლო წლების განმავლობაში, სებ-ში მომხმარებლების მომართვიანობა ზრდის ტენდენციით ხასიათდება, რაც საკუთარი უფლებების დაცვის შესახებ მომხმარებელთა ცნობიერების ამაღლებაზე მიუთითებს.„აქტიურად ვმუშაობთ ნორმატიული ბაზის შემუშავებისა და მუდმივი დახვეწის, მომხმარებლებთან ურთიერთობის ფორმატის მოწესრიგების, გამჭვირვალობისა და ინფორმაციის გამჟღავნების მაღალი სტანდარტის დაწესების მიმართულებით. აღნიშნული, თავის მხრივ, მომხმარებლებს მაქსიმალურად ინფორმირებული გადაწყვეტილების მიღებაში ეხმარება და საფინანსო სექტორში კიდევ უფრო კონკურენტული გარემოს დამკვიდრებას უწყობს ხელს", - აღნიშნა ლაშა გზირიშვილმა.ოთხწლიანი სტრატეგია საკანონმდებლო, ინსტიტუციურ და პრაქტიკულ ცვლილებებს, მომხმარებლებისა და ბიზნესის ცნობიერების ამაღლებას, საერთაშორისო და ადგილობრივ ორგანიზაციებთან თანამშრომლობის გაუმჯობესებას ითვალისწინებს.მომხმარებლის უფლებების დაცვის პირველი ეროვნული სტრატეგიის დოკუმენტი საქართველოს კონკურენციისა და მომხმარებლის დაცვის სააგენტოს ინიციატივით და სექტორის მარეგულირებელი უწყებების - ეროვნული ბანკის, კომუნიკაციების კომისიის, სემეკის, დაზღვევის სახელმწიფო ზედამხედველობის სამსახურის და სურსათის ეროვნული სააგენტოს ჩართულობით მომზადდა. სამუშაო პროცესში მონაწილეობდნენ ევროკავშირის მიერ დაფინანსებული TWINNING-ის პროექტში ჩართული საერთაშორისო ექსპერტები, საჯარო უწყებების, არასამთავრობო ორგანიზაციების წარმომადგენლები, ბიზნესასოციაციის წევრები და სხვა დაინტერესებული მხარეები.

1725624415

ამის შესახებ რუსეთის ცენტრალური ბანკის საფინანსო ბაზრების რისკების მიმოხილვაშია ნათქვამი.რეგულატორის მონაცემებით, აგვისტოში რუბლი იუანთან 1,8%–ით, ხოლო აშშ დოლართან 5,6%–ით გაუფასურდა.საანალიზო თვის უმეტეს პერიოდში ნაღდი ვალუტის ბაზარზე ვითარება სტაბილური იყო, მაგრამ პერიოდის ბოლოსთვის დოლარის ყიდვა/გაყიდვას შორის სხვაობა 4,11 რუბლს შეადგენდა. ევროს შემთხვევაში კი – 4,17 რუბლი.რუსეთის ბანკის მონაცემებით, ამასთან, აგვისტოში რუსმა ექსპორტიორებმა ვალუტის წმინდა გაყიდვა 1%–ით შეამცირეს $11,9 მლრდ–მდე. გარდა ამისა, კომპანიები მანამდე დაგროვილ დამატებით ვალუტას ყიდდნენ, დივიდენდების გასაცემად.უკრაინის შეიარაღებული ძალები რუსეთის კურსკის ოლქში 6 აგვისტოს შეიჭრნენ და რამდენიმე კვირაში 1 300 კვადრატული კილომეტრის ფართობი დაიკავეს. მათი კონტროლი დამყარდა დაახლოებით 100 დასახლებულ პუნქტზე. 

1725622685