თბილისში საცხოვრებელი ბინების ტრანზაქციების რაოდენობა 14%-ით გაიზარდა

ბუნებრივი აირის ფასი 6.9%-ით შემცირდა

გალტ&თაგარტის მტკიცებით, აღსანიშნავია, რომ რუსეთ-უკრაინის გაზის ტრანზიტის ხელშეკრულება მიმდინარე წლის ბოლოს იწურება, თუმცა გაზსადენის სამომავლო ბედი ჯერ კიდევ უცნობია. ევროკომისიის მიხედვით, ევროპა რუსული გაზისგან დამოუკიდებლობას ემხრობა და მზადაა უკრაინული ტრანზიტის შეწყვეტისთვის.მოთხოვნის მხარეს ევროპა თბილი ნოემბრის მოლოდინშია. თვის განმავლობაში კონტინენტზე ტემპერატურა 30 წლიან საშუალოზე თბილი იქნება, რაც ბუნებრივ აირზე მოთხოვნას შეამცირებს. დამატებით, არსებული მარაგების 95% სავსეა, როცა სამიზნე მაჩვენებელი გათბობის სეზონის დაწყებისას 90% არის. სავსე მარაგებს კონტინენტის ზამთრის მოხმარების თითქმის მესამედის უზრუნველყოფა შეუძლია.

სლოვაკეთი აზერბაიჯანულ გაზს მიიღებს – შეთანხმება გაფორმებულია

შეთანხმებას ხელი მხარეებმა ბაქოში მიმდინარე COP29–ის ფარგლებში მოაწერეს. შეთანხმების მთავარი მიზანი სლოვაკეთისთვის ბუნებრივი გაზის იმპორტის წყაროების დივერსიფიცირებაა აზერბაიჯანული რესურსის ხარჯზე, რაც შეამცირებს ქვეყნის დამოკიდებულებას ტრადიციულ მიმწოდებელზე.ახალი შეთანხმება 2023 წლის აპრილში ინიციირებული მემორანდუმის გაგრძელებაა, როდესაც SOCAR–მა ურთიერთშეთანხმების დოკუმენტი გააფორმა ბულგარეთის, რუმინეთის, უნგრეთის და სლოვაკეთის გაზის სატრანსპორტო სისტემების ოპერატორებთან. ეს მემორანდუმი აზერბაიჯანის მიერ ევროპის გაზმომარაგების მოცულობის ზრდას ითვალისწინებს მოდერნიზებული ქსელების მეშვეობით, რომელიც „სოლიდარობის წრის“ სახელით არის ცნობილი.SOCAR-SPP–ის შეთანხმება თანხვედრაშია აზერბაიჯანის სტრატეგიასთან, რომელიც ევროპის ბაზარზე ბუნებრივი გაზის მიწოდების გაზრდას ითვალისწინებს. 2021 წელს აზერბაიჯანი ევროპას გაზის სამხრეთის დერეფნით 8 მლრდ კბ/მ გაზი მიაწოდა და ამ მოცულობის 12 მლრდ–მდე გაზრდას გეგმავს მიმდინარე წლის ბოლოსთვის. ამ მიზნების მიღწევის მიმართულებით სლოვაკეთთან გაფორმებული შეთანხმება მნიშვნელოვან ნაბიჯად ასახელებენ ბაქოში. ეს შეთანხმება განსაკუთრებით აქტუალურია, რადგან წლის ბოლოს რუსეთ–უკრაინის კონტრაქტი ევროპის მიმართულებით რუსული რესურსის ტრანზიტის შესახებ ძალას კარგავს და უკრაინის ხელისუფლება აღარ აპირებს რუსულ გაზპრომთან აღნიშნული თანამშრომლობის გაგრძელებას. ამის გამო ცენტრალური ევროპის ქვეყნები აქტიურად ეძებენ ბუნებრივი გაზის ალტერნატიულ მიმწოდებლებს.აზერბაიჯანი სლოვაკეთს ამ კონტრაქტის თანახმად წელიწადში რა მოცულობის გაზს მიაწვდის, ჯერ ოფიციციალურად არავის დაუკონკრეტებია, თუმცა SOCAR–თან დაახლოებული წყაროს ცნობით, საუბარი შეიძლება იყოს წლიურად 500 მლნ კბ/მ–ის მიწოდებაზე. დღეის მდგომარეობით აზერბაიჯანი ბუნებრივი გაზით ევროპაში საბერძნეთს, იტალიას, ბულგარეთს, უნგრეთს, რუმინეთს, ხორვატიას და სლოვენიას ამარაგებს.

მგზავრთა შიდა გადაყვანის და საერთაშორისო გადაზიდვების ნებართვებზე განა...

თანამშრომლობის ფარგლებში, 2024 წლის 1–ლი დეკემბრიდან, იუსტიციის სახლებში დაიწყება ქვეყნის შიდა რეგულარული სამგზავრო გადაყვანის, ასევე, საერთაშორისო საავტომობილო სატვირთო გადაზიდვის საქმიანობის ნებართვების მოპოვების მიზნით შესაბამისი განცხადებების მიღება.სერვისებზე ხელმისაწვდომობა იუსტიციის სახლის ყველა ფილიალში იქნება შესაძლებელი, რაც დაინტერესებულ პირებს შესაძლებლობას მისცემს ქვეყნის მასშტაბით მიიღონ ზემოაღნიშნული მომსახურება.ხსენებული ნებართვები სსიპ სახმელეთო ტრანსპორტის სააგენტოს მიერ გაიცემა 3 წლის ვადით და მათი მიზანია ხელი შეეწყოს მგზავრთა გადაყვანისა და მომსახურების პირობების გაუმჯობესებას, საგზაო უსაფრთხოების დონის ამაღლებას, საავტომობილო სფეროში კონკურენტუნარიანი გარემოსა და ეფექტიანი მონიტორინგის სისტემის შექმნას, ასევე, ევროკავშირთან ასოცირების ხელშეკრულებით ნაკისრი ვალდებულების შესრულებას და საერთაშორისო საავტომობილო სატვირთო გადაზიდვის პროცესის განვითარებას. 

"ფლანგვის დეტექტორი": დედოფლისწყაროს წყალმომარაგების პროექტი 2022-ში უ...

"ფლანგვის დეტექტორი" წერს, რომ რეგიონალური განვითარებისა და ინფრასტრუქტურის სამინისტროს ინფორმაციის თანახმად, 2012-2020 წლებში წყალმომარაგების ინფრასტრუქტურის გაუმჯობესებაზე ₾1.5 მილიარდი გამოიყო და 48 სხვადასხვა მუნიციპალიტეტში განხორციელდა 750-ზე მეტი პროექტი. 2021-2025 წლებში წყლის ინფრასტრუქტურის განვითარების საინვესტიციო პროექტებში 2.5 მლრდ ლარის ღირებულების ინვესტიცია განხორციელდება.თუმცა არის შემთხვევები, როდესაც თანხების დახარჯვის მიუხედავად, სამუშაოები ხარვეზებით სრულდება, პროექტი განსაზღვრულ ვადებში არ მთავრდება და მოსახლეობა კვლავ უწყლოდ რჩება. მსგავსი შემთხვევების შესახებ ფლანგვის დეტექტორი წარსულშიც წერდა. ამგვარი სამუშაოების მაგალითია გორის, საგარეჯოსა და ლანჩხუთის მერიების მიერ განხორციელებული სამუშაოები, რომლის ფარგლებშიც წყალმომარაგების გაუმჯობესების მიზნით ბიუჯეტიდან თანხები დაიხარჯა, თუმცა პროექტები რიგი პრობლემებით ხასიათდებოდა და მოსახლეობას წყალზე წვდომის პრობლემა ჰქონდა.ამჯერად დედოფლისწყაროს პროექტზე გიამბობთ, რომელიც ჯერ კიდევ 2022 წელს უნდა დასრულებულიყო, თუმცა ჯერაც დაუსრულებელია.2023 წელს შპს „საქართველოს გაერთიანებული წყალმომარაგების კომპანიის“ დირექტორის მოადგილემ, აკაკი მშვიდობაძემ ინტერვიუში აღნიშნა, რომ დედოფლისწყაროს მუნიციპალიტეტში 6 ინფრასტრუქტურული პროექტი მიმდინარეობდა, რომელთა დასრულება 2023 წლის ბოლოსთვის იგეგმებოდა, სამუშაოების დასრულების შედეგად კი 7,500-ზე მეტი ბენეფიციარი ისარგებლებს საერთაშორისო სტანდარტების შესაბამისი უწყვეტი წყალმომარაგებით, ხოლო 15,000-ზე მეტი ბენეფიციარი ისარგებლებს გაუმჯობესებული წყალმომარაგებით.ერთ-ერთი ამგვარი პროექტზე მუშაობა 2020 წელს დაიწყო, როდესაც შპს საქართველოს გაერთიანებული წყალმომარაგების კომპანიამ 13,512,463 ლარის ღირებულების ტენდერი გამოაცხადა. შესყიდვის ობიექტი დედოფლისწყაროს მუნიციპალიტეტის სოფლების (ფიროსმანი, სამთაწყარო, თავწყარო, ჭოეთი, საბათლო, არბოშიკი) წყალმომარაგების სისტემის საპროექტო-სამშენებლო სამუშაოების სახელმწიფო შესყიდვა იყო.ტენდერში მონაწილეობა 5-მა კომპანიამ მიიღო, თუმცა საბოლოო ჯამში კომპანია ერთობლივი საქმიანობის ამხანაგობა “ჯეითუნ საქართველოს ფილიალი და შპს საბა”-მ გაიმარჯვა, რომელმაც შემსყიდველს სამუშაოების განხორციელება 10,999,997 ლარად შესთავაზა. აღსანიშნავია, რომ კიდევ ერთმა კომპანიამ უფრო დაბალი ფასის შეთავაზება განახორციელა, თუმცა ტენდერიდან მისი დისკვალიფიკაცია მოხდა."ფლანგვის დეტექტორი"-ს ინფორმაციით, კომპანიასა და საქართველოს გაერთიანებული წყალმომარაგების კომპანიას შორის ხელშეკრულება 2021 წელს გაფორმდა და თავდაპირველი ხელშეკრულების თანახმად, კომპანიას საპროექტო მომსახურება ხელშეკრულების გაფორმებიდან 6 თვეში უნდა დაესრულებინა, ხოლო სამშენებლო სამუშაოები – 12 თვეში. ჯამში სრულიად ვალდებულებების შესასრულებლად კონტრაქტორ კომპანიას 18 თვე ჰქონდა. ე.ი. სამუშაოები 2022 წლის აგვისტოში უნდა დასრულებულიყო.კონტრაქტის გაფორმებიდან დღემდე ხელშეკრულებაში 14-ჯერ შევიდა ცვლილება. მათ შორის ცვლილებები შეეხებოდა სამუშაოების დასრულების ვადებს. ბოლოს ხელშეკრულებაში ცვლილებები 2024 წლის 31 მაისს განხორციელდა. ბოლო ცვლილების შედეგად კვლავ გადაიწია სამუშაოების დასრულების თარიღმა და მიმდინარე მონაცემებით სამუშაოების დასრულება 2024 წლის დეკემბრისთვის იგეგმება.სამუშაოების დასრულების ცვლილებების ისტორია სამუშაოების დასრულების ვადა პირველად 2022 წლის ოქტომბერში შეიცვალა, როდესაც დედოფლისწყაროს სამ სოფელში: საბათლო, სამთაწყარო და ფიროსმანში სამუშაოების დასრულების ვადამ 12 აგვისტოდან 31 დეკემბრამდე გადაიწია. მიუხედავად სამუშაოების დასრულების 4 თვით გადაწევისა, ის დაგეგმილ დროს მაინც ვერ დასრულდა და ნაცვლად იმისა, რომ შემსყიდველს კომპანიისთვის პირგასამტეხლო დაეკისრებინა, 2023 წლის იანვარში წყალმოამრაგების კომპანიამ კვლავ გადაუწია მიმწოდებელს სამუშაოების დასრულების თარიღი და ის 2023 წლის 30 მარტით განისაზღვრა. 2023 წლის 30 მარტს, ნაცვლად დასრულებული სამუშაოების ჩაბარებისა, წყალმომარაგების კომპანიამ ისევ გადაუწია დასრულების თარიღი მიმწოდებელს და სამუშაოების დასრულების ახალ ვადაც 2023 წლის 30 მაისი განისაზღვრა. ვადაგადაცილებისთვის პირგასამტეხლო არც ამ ჯერზე დაკისრებია კომპანიას. 2023 წლის მაისში ხელშეკრულებაში კიდევ ერთი ცვლილება შევიდა და სამუშაოების დასრულების თარიღად 2023 წლის 31 ივლისი განისაზღვრა. 2023 წლის 31 ივლისს ხელშეკრულებაში მორიგი ცვლილება შევიდა და სამუშაოების დასრულების ვადად 2023 წლის 31 ოქტომბერი განისაზღვრა. არც ამ შემთხვევაში დაკისრებია კომპანიას პირგასამტეხლო სამუშაოების არაჯეროვნად შესრულების გამო. 2023 წლის 31 ოქტომბერს ხელშეკრულებაში შევიდა რიგით მეათე ცვლილება, რომელიც უკვე მეექვსედ ცვლიდა სამუშაოების დასრულების ვადას და ის 2023 წლის 20 დეკემბრით განისაზღვრა. უკანასკნელი  4 ცვლილება კი  ისევ  ხელშეკრულებაში სამუშაოების დასრულების ვადის გადაწევას ეხებოდა, რომლის თანახმადაც საბოლოო თარიღად  2024 წლის 31 დეკემბერი განისაზღვრა. საყურადღებოა რომ სამუშაოების დასრულების ვადის გადაწევა ყველა შემთხვევაში შაბლონური პროცედურით ხორციელდებოდა, რა დროსაც წყალმომარაგების კომპანიისა და მიმწოდებელი კომპანიის დირექტორები თანხმდებოდნენ ვადის გადაწევაზე, თუმცა წყალმომარაგების კომპანიის დირექტორის მოადგილის მოხსენებითი ბარათების საფუძველზე, რომელთა შინაარსიც ჩვენთვის უცნობია.აღსანიშნავია, რომ კომპანიას უკვე ჩარიცხული აქვს სახელშეკრულებო თანხის 78% (8,570,000 ლარი), თუმცა კომპანიის საიტზე დედოფლისწყაროს პროექტი ჯერ კიდევ მიმდინარე პროექტებშია მითითებული და თარიღების მუდმივი ცვლილებების ისტორიის  გავითვალისწინებთ უცნობია, კიდევ რამდენ ხანს იქნება მიმდინარე პროექტების სიაში.კომპანიებიამხანაგობა “ჯეითუნ საქართველოს ფილიალი და შპს საბას” ,რომელიც წყალმომარაგების სამუშაოებს ახორციელებს, 14 სახ. შესყიდვაში აქვთ მონაწილეობა მიღებელი. სახ. სტრუქტურებთან გაფორმებული ხელშეკრულების ღირებულება ჯამში 64 მილიონ ლარზე მეტს (64,533 037.5 ლარი) შეადგენს.ამხანაგობა, რეალურად ერთობლივი საქმიანობის 2 კომპანიას აერთიანებს, ჯეითუნ საქართველოს ფილიალს და შპს საბას. მიმდინარე მონაცემებით, ჯეითურ საქართველოს ფილიალის მესაკუთრე თურქული კომპანია სააქციო საზოგადოება ჯეითუნ ინშაათ სანაი ვე თიჯარეთ-ია.შპს საბა 2006 წელს დაარსებული კომპანიაა, რომელიც სახელმწიფო ტენდერებში აქტიურ მონაწილეობას 2014 წლიდან იწყებს. 2014-2022 წლებში კომპანიამ 13 ტენდერში გაიმარჯვა, ხელშეკრულებების ჯამური ღირებულება 90 მილიონი ლარია (89,068,143.9 ლარი). კომპანიის ყველაზე მსხვილ შემსყიდველებს სწორედ საქართველოს წყალმომარაგების კომპანია და მუნიციპალური განვითარების ფონდი წარმოადგენს. აღსანიშნავია ისიც, რომ შპს საბას მესაკუთრეები რუსეთ-საქართველოს ორმაგი მოქალაქეობის მქონე პირები არიან. კერძოდ არჩილ ხაბურძანია, რომელიც ამავე დროს “ჯეითუნ საქართველოს ფილიალს და შპს საბას” ამხანაგობის დირექტორიცაა, კომპანიის 33% წილს, ხოლო თენგიზ ნარსია 67% წილს ფლობენ.დროის მოკლე ინტერვალში მიღებული კოლოსალური რაოდენობის სახელმწიფო შესყიდვებისა და სამუშაოების არაჯეროვნად შესრულების მიუხედავად, საჯარიმო სანქციების გამოუყენებლობა აღნიშნულ კომპანიასთან მიმართებაში აჩენს გონივრულ ეჭვს, რომ მათ მიმართ შემსყიდველ საჯარო უწყებებს ლოალური დამოკიდებულება გააჩნიათ. ამ ეჭვს ამყარებს ისიც, რომ შპს საბას მიერ მოგებული 13 ტენდერიდან შვიდში მან უკონკურენტო გარემოში გაიმარჯვა.ადგილობრივი მოსახლეობის  წუხილიაღსანიშნავია ისიც, რომ აღნიშნული პრობლემის მოუგვარებლობა ძალიან დიდ დისკომფორტს უქმნის ადგილობრივ მოსახლეობას. სწორედ დედოფლისწყაროს ერთ-ერთი მკვიდრის მიერ მოწოდებული ინფორმაციის შემდეგ დაინტერესდა ფლანგვის დეტექტორი აღნიშნული საკითხით, სადაც ზემოთ ნახსენები არა ერთი საეჭვო გარემოება გამოიკვეთა.ადგილობრივებისთვის მიწერილ წერილში წყალმომარაგების კომპანია სამუშაოების დასრულების ვადად 2024 წლის იანვარს ასახელებდა და აღნიშნავდა რომ სამუშაოების უკვე დასრულების ეტაპზე იყო. მიუხედავად ამისა, ჩვენთვის უკვე კარგადაა ცნობილი, რომ სამუშაოების დასრულების ვადამ კვლავ გადასწია და ის 2024 წლის 31 დეკემბრითაა განსაზღვრული.  წარსული გამოცდილებებიდან გამომდინარე, ადგილობრივ მოსახლეობას უჩნდებოდათ გონივრული ეჭვი, რომ წყალმომარაგების სამუშაოები საუკეთესო შემთხვევაში 2024 წლის საპარლამენტო არჩევნების წინ დასრულდებოდა. თუმცა, აღნიშნული პრობლემა არც წინასაარჩევნო პერიოდში მოგვარებულა და მოსახლეობა კვლავაც ვერ სარგებლობს ხარისხიანი წყლამომარაგებით.წყარო: სახ. შესყიდვის კოდი: NAT200016463 შპს საბას სახ. შესყიდვები: https://shorturl.at/ijlvJ

საბურავების უტილიზაციისა და მანქანების ჯართში ჩაბარების წესის ამოქმედე...

მისი თქმით, პანდემიის გამო რამდენიმე წლით გადავადებული რეგლამენტის ამოქმედების ახალი თარიღის განსაზღვრასთან ერთად, შესაბამისმა სამსახურებმაერთი წლის განმავლობაში ამ საქმიანობით დაკავებული მეწარმე-სუბიექტების ახალი რეგულაციის შესახებ ინფორმირება უნდა უზრუნველყონ.„2020 წლის 28 თებერვალს თბილისის საკრებულომ დედაქალაქის მერიის ინიციატივით დაამტკიცა ახალი დადგენილება - მეორეული საბურავების, შავი და ფერადი ლითონების ჯართის, ექსპლუატაციიდან გამოსული სატრანსპორტო საშუალებებისა და მათი ნაწილების, ადვილად აალებადი, ფეთქებადი ან ამტვერებადი მასალების განთავსებისა და რეალიზაციის წესი. აღნიშნული წესის შესაბამისად გაიწერა რეგლამენტი, კერძოდ, ის არეალები, სადაც მსგავსი ტიპის საქმიანობა, პროდუქციის განთავსება და რეალიზაცია საერთოდ დაუშვებელია. ასევე, იქ, სადაც ეს დაშვებულია, განისაზღვრა ტექნიკური რეგლამენტი, იმისთვის, რომ დაცული იყოს მიმდებარე ტერიტორიაზე დასახლებული მოქალაქეების უსაფრთხოება და უზრუნველყოფილი იყოს მათი ჯანსაღი ცხოვრება. დღეს მოქმედი რედაქციით, ამ წესს პირველი იანვრიდან უწევს ამოქმედება, რისთვისაც ჩვენი ეკონომიკური სექტორი მზად არ არის, თუმცა მას განუსაზღვრელი დროით ვერ გადავავადებთ“, - განაცხადა კახა კალაძემ.თბილისის მერმა აღნიშნული საკითხის გადაწყვეტაში აქტიური ჩართულობა ვიცე-მერს ირაკლი ხმალაძეს, ასევე, თბილისის მუნიციპალური ინსპექციისა და გამგეობების წარმომადგენლებს დაავალა.„მინდა, დავავალო ვიცე-მერს, მუნიციპალურ ინსპექციას, ასევე გამგეობებს, ჩაერთონ ამ საკითხის გადაწყვეტაში. განსაზღვრეთ აღნიშნული წესის რეალურად ამოქმედების თარიღი, თუმცა შემიძლია, გითხრათ, რომ ეს უნდა იყოს 2026 წლის პირველი იანვარი. მომდევნო ერთი წელი მოქალაქეებს ექნებათ საშუალება, ინფორმაციულად მიიღონ ყველა სიახლე და გადაწყვეტილება, თუ როგორი სივრცეებია საჭირო, როგორ უნდა მოხდეს ამ ყველაფრის განთავსება, იქ, სადაც დასაშვებია, ხოლო სადაც პრობლემას წარმოადგენს, იქ მსგავსი საქმიანობა უნდა შეიზღუდოს“, - განაცხადა კახა კალაძემ.თბილისის მერის თქმით,  ახალ რეგულაციასთან მეწარმე-სუბიექტების ადაპტირების მიზნით, შესაბამისი  საინფორმაციო კამპანიის ჩატარება მუნიციპალურმა ინსპექციამ უნდა უზრუნველყოს.„მუნიციპალურმა ინსპექციამ უნდა აღწეროს ის ობიექტები და თითოეული მეწარმე სუბიექტი, რომელიც დაკავებულია ზემოთ ჩამოთვლილი საქმიანობით, რათა  ჩავატაროთ საინფორმაციო კამპანია და შევატყობინოთ, ვის რა ღონისძიებების გატარება უწევს. ამისთვის უნდა განვუსაზღვროთ გონივრული ვადა.  მას შემდეგ, რაც ეს ეტაპი დასრულდება, საზოგადოებას ვაცნობოთ, რა სამუშაოები ჩატარდა და როდის ამოქმედდება ეს დადგენილება. მომდევნო ერთი წელი საკმარისი იქნება და თუ რამე დამატებითი ჩართულობა იქნება საჭირო, მზად ვართ, ყველა მეწარმეს გვერდით დავუდგეთ, დავეხმაროთ და გავაკეთოთ ისე, როგორც სწორია. არის შემთხვევები, როდესაც მეორადი საბურავები საცხოვრებელი კორპუსების სარდაფებშია განათვასებული, რაც უდიდეს პრობლემას წარმოადგენს ყველანაირი თვალსაზრისით. ამიტომ, გარკვეული საფრთხეები რომ ავიცილოთ თავიდან, ეს ყველაფერი ერთხელ და სამუდამოდ უნდა მოვაწესრიგოთ“, - აღნიშნა დედაქალაქის მერმა.