ISFED-ის თქმით, 23 უბანზე იმაზე მეტი კაცი ამომრჩეველი მივიდა, ვიდრე სიაში იყო რეგისტრირებული

სტანდარტულად, ყველაზე პრობლემური ლარის ქეისი იყო, გასული წლის აგვისტომდე.თებერვლის მდგომარეობით, აშშ  დოლარში დენომინირებული ავტოსესხების 3.3% - 0.7 მლნ ლარის ეკვივალენტია უმოქმედო. ევროში 0.7% - 0.3 მლნ ლარისსებ-ის სტატისტიკით, ლარის პორტფელში, მხოლოდ 1.1%-ია (1.7 მლნ ლარის)  გაფუჭებული, იგივე უმოქმედო (არასტანდარტული და უიმედო).სებ-ის ინტერტაქტიული სტატისტიკით, დოლარსა და ევროში,  53.5 მლნ ლარის ავტოსესხებია გაცემული. ლარში 216 მლნ-ის.ამას ემატება ავტომობილით უზრუნველყოფილი 170 მლნ -ის პორტფელი, რომლის 80% ლარშია გაცემულიბანკებს სატრანსპორტო სესხებს ძირითადად შვილობილი სალიზინგო კომპანიებით გასცემენ განაკვეთი 28%-45%-ის ფარგლებშია. კომერციული ბანკი კი ძირითადად ავტოსაგანვადებო კრედიტებს გასცემს. ამ სეგმენტში მსხვილაქტივებიანი ბანკები ოპერირებენ.

15:26

 2020 წელს გაიცა პირველი აქტივების მმართველის, ხოლო 2021 წელს პირველი საინვესტიციო ფონდის რეგისტრაცია. შემდეგი სამი წლის განმავლობაში, საინვესტიციო ფონდების მართვის ქვეშ არსებული აქტივების ჯამური მოცულობა წელიწადში საშუალოდ 59%-ით იზრდებოდა და 2024 წლის ბოლოს 200 მილიონ ლარს გადააჭარბა.  ამავე პერიოდში, მნიშვნელოვნად გაიზარდა  აქტივების მმართველი კომპანიებისა და საინვესტიციო ფონდების რაოდენობაც: 2024 წლის 31 დეკემბრის მდგომარეობით ბაზარზე ოპერირებდა 8 აქტივების მმართველი კომპანია და 19 საინვესტიციო ფონდი.აქვე აღსანიშნავია საინვესტიციო ფონდების სტრატეგიების მრავალფეროვნება, ბაზარზე წარმოდგენილია როგორც სასესხო და ფიქსირებული შემოსავლის ინსტრუმენტებში ინვესტიციის განმახორციელებელი ფონდები, ასევე კერძო და ვენჩურული კაპიტალის, „შერეული“ და სხვა ტიპის ფონდები.

14:41

ლაშა ხუციშვილმა სააგენტოს როლზე აღნიშნა, მოსახლეობის სოციალური დაცვისა და ეკონომიკის განვითარებაში.  სააგენტოს თანამშრომლებს მიულოცა და მადლობა გადაუხადა.ხუციშვილმა აღნიშნა, 2024 წლის ბოლოსთვის სააგენტოს აქტივების მოცულობა ₾6.1 მლრდ-ს, ხოლო ჯამურმა დაგენერირებულმა ამონაგებმა ₾1.44 მლრდ-ს მიაღწია. 2024 წლის ბოლოსთვის საპენსიო სქემაში გაწევრიანებული იყო 1.4 მილიონამდე ადამიანი და დაგროვებითი პენსიით სარგებლობდა 15 ათასზე მეტი პირი (პენსიის სახით გაიცა ₾61.1 მლნ). დინამიკური პორტფელის ამონაგებმა 2024 წელს 13.6% შეადგინა, ხოლო ამავე პერიოდში დაბალანსებული და კონსერვატიული პორტფელების ამონაგების შესაბამისად 12.8% და 11.6% იყო.„საპენსიო სქემის უფრო და უფრო მეტი მოსარგებლე (სქემაში მონაწილეთა ასაკის გათვალისწინებით) მომდევნო წლებში იგრძნობს მნიშვნელოვან სარგებელს, რაც აისახება თითოეული მოქალაქის კეთილდღეობაზე. აღნიშნული პირველ რიგში მნიშვნელოვანია საპენსიო ასაკის მოსახლეობის უკეთესი სოციალური გარანტიების კუთხით და ასევე უზრუნველყოფს ფისკალურ მდგრადობას, რადგან დაგროვებითი სქემა ღირსეული საპენსიო სქემის შექმნისთვის უმნიშვნელოვანესია, სახელმწიფოს მიერ დაფინანსებულ სოციალურ (ე.წ. პირველი სვეტის) პენსიასთან ერთად", - განაცხადა ფინანსთა მინისტრმა ლაშა ხუციშვილმა.როგორც მან აღნიშნა, საპენსიო სააგენტოს მიერ განხორციელებული თითოეული ღონისძიება, გონივრულად დაბანდებული და მართული საპენსიო აქტივები, სასიცოცხლოდ მნიშვნელოვანია ქვეყნის მოქალაქეების კეთილდღეობისათვის.მისივე თქმით ასევე, გასათვალისწინებელია საპენსიო ფონდის, როგორც ფინანსური რესურსის მნიშვნელობა დანაზოგებისა და ქვეყნის ფინანსური სისტემისათვის.ფინანსთა მინისტრმა ისაუბრა  სააგენტოს როგორც მენეჯმენტის, ისე თითოეული თანამშრომლის პროფესიონალიზმზე, რამაც დიდი როლი ითამაშა საპენსიო რეფორმისა და საპენსიო სისტემის მიმართ ნდობის ჩამოყალიბებაში.„საპენსიო სქემისა და სააგენტოს მიმართ გაზრდილი ნდობა და საზოგადოებასთან სწორი კომუნიკაცია, მნიშვნელოვანია და ამ მიზნით განსაკუთრებული როლი ენიჭება ფინანსური განათლების მიმართულებას და მოქალაქეთა ცნობიერების ამაღლებას დანაზოგების, ინვესტიციების, ამონაგების, რისკის და სხვა ფინანსური ინსტრუმენტების მიმართულებით. სააგენტოს ამ მიმართულებით არაერთი აქტივობა აქვს განხორციელებული, თუმცა მნიშვნელოვანია რომ მსგავსი აქტივობები კიდევ უფრო აქტიურად გაგრძელდეს მომავალში.მან ახლად შერჩეული საბჭოს წევრებს წარმატებები უსურვა საქმიანობაში და იმედი გამოთქვა, რომ  საპენსიო სააგენტო  მომავალ წლებშიც კვლავ წარმატებით განაგრძობს საქმიანობას.

12:46

TBC Digital რეგისტრირებულია უზბეკეთში და მართავს TBC PLC-ის ბიზნესს უზბეკეთში, რომელიც ოპერირებს როგორც TBC Uzbekistan.2021 წლის 30 სექტემბერს გამოცხადებული შეთანხმების თანახმად, EBRD-მ და IFC-მ TBC PLC-ის უზბეკურ შვილობილ ბანკთში, TBC Bank-ის (TBC UZ) წილში შევიდნენ, რათა ხელი შეეწყოთ მისი ზრდისთვის. TBC PLC-მ შეინარჩუნა TBC UZ-ის 60%-იანი მფლობელობა, ხოლო EBRD-სა და IFC-ს თითოეულმა შეიძინა 20%-იანი წილი.ერთობლივი საწარმო რეგულირდებოდა აქციონერთა ხელშეკრულებით, რომელიც მოიცავდა საბჭოსა და აქციონერთა მნიშვნელოვან საკითხებს. გარდა ამისა, შეთანხმების მიხედვით, EBRD-სა და IFC-ს ჰქონდათ put ოფციონი (მათი აქციების გაყიდვის უფლება) TBC PLC-ს მიმართ, ხოლო TBC PLC-ს - call ოფციონი (მათი აქციების შეძენის უფლება).ახლა კი, TBC PLC, EBRD და IFC შეთანხმდნენ აღნიშნული სტრუქტურის რეორგანიზაციაზე, რომლის შედეგადაც როგორც TBC UZ, ასევე Payme JSC (TBC PLC-ს 100%-იანი შვილობილი და უზბეკეთის წამყვანი გადახდების აპლიკაცია) სრულად იქნება TBC Digital-ის საკუთრებაში. შედეგად კი, TBC PLC-ი დაიკავებს TBC Digital-ის 79.7%-იან წილს, ხოლო EBRD და IFC თითოეულს დაახლოებით 10.15%-ს.აქამდე არსებული მართვის მექანიზმები TBC UZ-ისთვის გაუქმდება და მათი ანალოგიური ფორმატი გადატანილი იქნება TBC Digital-ზე. კერძოდ, გაფორმდება ახალი აქციონერთა ხელშეკრულება TBC PLC-ს, EBRD-სა და IFC-ს შორის, რომელიც მოიცავს საბჭოსა და აქციონერთა საკვანძო საკითხებს.გარდა ამისა, EBRD-მ და IFC-მ ასევე გააფორმეს ახალი ოფციონური შეთანხმება TBC PLC-სთან. ეს დოკუმენტი ითვალისწინებს, რომ EBRD-სა და IFC-ს ექნებათ უფლება, მეხუთე წლიდან თავიანთი აქციები TBC Digital-ში TBC PLC-ს მიყიდონ. გადახდა განხორციელდება TBC PLC-ს ახალი აქციებით, ან, საჭიროების შემთხვევაში, ნაღდი ანგარიშსწორებით. TBC PLC-ს ექნება call ოფციონი მერვე წლიდან, რის მიხედვითაც მას შეეძლება EBRD-სა და IFC-ს მიერ დარჩენილი აქციების გამოსყიდვა ნაღდი ფულით.ახალი შეთანხმებები ძალაში შევა რეგისტრაციის შესაბამისი პროცედურების დასრულების შემდეგ, რაც მომდევნო სამი თვის განმავლობაშია მოსალოდნელი."მოხარული ვართ, რომ EBRD და IFC რჩებიან ჩვენს მტკიცე პარტნიორებად და მხარს უჭერენ TBC Uzbekistan-ს. ისინი ჩვენი ისტორიის განუყოფელი ნაწილი არიან ცენტრალური აზიის ყველაზე მჭიდროდ დასახლებულ ქვეყანაში, სადაც TBC წარმატებით ავითარებს ციფრულ ბანკინგს და ბოლო ექვსი წლის განმავლობაში შესანიშნავ შედეგებს აღწევს. TBC Digital-ის შექმნა გააძლიერებს სინერგიას, გააუმჯობესებს მმართველობას და შექმნის მეტ ღირებულებას ჩვენი აქციონერებისთვის. ეს კიდევ უფრო მეტად დააჩქარებს TBC-ს სწრაფ და მდგრად ზრდას უზბეკეთში”, - აცხადებს TBC PLC-ის CEO, ვახტანგ ბუცხრიკიძე.„TBC Digital გააერთიანებს უზბეკეთში არსებულ ყველა ოპერაციას, გაამარტივებს მართვის სტრუქტურას და გააერთიანებს ციფრული განვითარების სტრატეგიულ მიზნებს. ჩვენი მომდევნო ფოკუსი იქნება საცალო მომხმარებლებისა და მცირე და საშუალო ბიზნესების ფინანსური მომსახურების გაფართოება. TBC-მ ახლახან წარადგინა ქვეყნის პირველი სრულად ციფრული საბანკო მომსახურება მცირე და საშუალო ბიზნესებისთვის. გაუმჯობესებული ფინანსური ხელმისაწვდომობა ციფრული ინსტრუმენტებისა და ქაღალდზე დაფუძნებული პროცესების შემცირების მეშვეობით გადამწყვეტი მნიშვნელობისაა უზბეკეთის ფინანსური ეკოსისტემის დინამიური და ინკლუზიური განვითარებისათვის. TBC Uzbekistan გახდა ტრანსფორმაციული მოთამაშე ბაზარზე, რომელიც ცხადყოფს, რომ ციფრული ბანკინგი წარმატებით ვითარდება ეკონომიკურ რეფორმებში. მისი წარმატება ხაზს უსვამს მომხმარებელზე ორიენტირებული ინოვაციების მნიშვნელობას, რაც სექტორის მასშტაბით მოდერნიზაციის კატალიზატორია“, - აცხადებს EBRD-ის ფინანსური ინსტიტუტების მართვის დირექტორი, ფრანსის მალიჟი."IFC-ს მიზანია უზბეკეთში ციფრული ფინანსური ინკლუზიისა და მდგრადი ეკონომიკური ზრდის ხელშეწყობა. TBC Uzbekistan-ის ოპერაციების TBC Digital-ის ქვეშ გაერთიანებით, ჩვენ ვაძლიერებთ ციფრული მომსახურების უპირატესობებს, რათა გავაფართოვოთ ფინანსებზე წვდომა ინდივიდებისა და მცირე, საშუალო და მიკრო ბიზნესებისთვის მთელი ქვეყნის მასშტაბით. გვჯერა, რომ ეს ნაბიჯი TBC-ს შესაძლებლობას მისცემს, უზრუნველყოს ინოვაციური ფინანსური გადაწყვეტილებები და დამატებით მხარი დაუჭიროს უზბეკეთის ეკონომიკურ განვითარებას", - აცხადებს IFC-ის რეგიონული ინდუსტრიული ხელმძღვანელი ფინანსური ინსტიტუტების მიმართულებით, მომინა აიჯაზუდინი. 

12:37

შეთავაზებები, რომლებიც საქართველოს ბანკის ბიზნეს მობილბანკში შეგიძლიათ აღმოაჩინოთ, მოიცავს ფასდაკლებებსა და უფასო სერვისებს ფინანსურ, ტექნოლოგიურ, ლოჯისტიკურ თუ სხვა მიმართულებებზე. მათ შორისაა:1. 30%-იანი ფასდაკლება სოციალური მედიის მართვის მომსახურებაზე — MartexMartex ციფრული მარკეტინგული სააგენტოა, რომელიც ორიენტირებულია მცირე და საშუალო ბიზნესის, სტარტაპერების მომსახურებასა და მხარდაჭერაზე. იგი საქართველოს ბანკის სასტარტო ბიზნეს ნაკრების მფლობელებს 30%-იან ფასდაკლებას სთავაზობს სოციალური მედიის მართვის მომსახურებაზე.2. 25%-იანი ფასდაკლება ბუღალტრულ სერვისებზე — Antsენთების მიზანია, პრემიუმ ხარისხის ბუღალტრული და საგადასახადო მომსახურება ხელმისაწვდომი გახადოს თითოეული ბიზნესისთვის. კომპანია საქართველოს ბანკის ბიზნესმომხმარებლებს ბუღალტრული და საგადასახადო მხარის გამართვას, გაციფრულებასა და საერთაშორისო სტანდარტებთან შესაბამისობაში მოყვანას სთავაზობს. გარდა ამისა, მომხმარებლები მიიღებენ საგადასახადო ექსპერტების რჩევებს მათი ტრანზაქციების ეფექტურად დასაგეგმად და სამართავად.3. 20%-მდე ფასდაკლება Onway-ის საკურიერო მომსახურებაზე — OnwayOnway საკურიერო კომპანიაა, რომელიც ციფრული პლატფორმისა და ლოგისტიკური სოფტის საშუალებით პასუხობს როგორც კერძო, ისე კორპორატიული მომხმარებლების საჭიროებებს. კომპანია საქართველოს ბანკის ბიზნეს მომხმარებლებისთვის აწესებს 20%-მდე ფასდაკლებას წერილობითი კორესპონდენციის, ასევე მცირე და დიდი ზომის ამანათების გადაზიდვაზე საქართველოს მასშტაბით.4. უფასო სერვისები Glaze-ისგანGlaze საქართველოს ბანკის მომხმარებლებს სთავაზობს პლატფორმაზე სრულიად უფასოდ რეგისტრაციას და 3 თვე უფასო მომსახურებას. Glaze არის შეკვეთებისა და გადახდების გადაწყვეტა კაფეებისთვის, ღონისძიებების ადგილებისთვის და სასტუმროებისთვის.Glaze მომხმარებლებს სთავაზობს სერვის ორ პაკეტს: Glitter და Sparkle. ორივე პაკეტი მოიცავს ულიმიტო შეკვეთებს, ულიმიტო პროდუქტების დამატებას და განთავსებას პლატფორმაზე. ორივე სერვისის მიღება სრულიად უფასოდ შეუძლიათ საქართველოს ბანკის მომხმარებლებს პირველი 6 თვის განმავლობაში.5. Quick Shipper-ის უფასო სერვისები 2 თვის განმავლობაშიQuickShipper ციფრული პლატფორმაა, რომელიც ბიზნესებს ნებისმიერი არხით გაყიდული პროდუქტის მომხმარებლამდე მიტანასა და შეკვეთების ეფექტურად მართვაში ეხმარება. QuickShipper-ის სპეციალური შეთავაზება საქართველოს ბანკის ბიზნეს მომხმარებლებისთვის კი შემდეგნაირია: 2 თვე უფასოდ გამოიყენებთ QuickShipper-ის ციფრულ პლატფორმას საკუთარი კურიერების სამართავად; 3-ჯერ უფასოდ მოგემსახურებათ QuickShipper-ის ნებისმიერი პარტნიორი კომპანიის კურიერი. გარდა ამისა, საქართველოს ბანკი მომხმარებლებს ათობით სხვა ბიზნესის პროდუქტებსა და მომსახურებაზე შეღავათებსა და სპეციალურ პირობებს სთავაზობს. გაიგეთ მეტი შეთავაზებების შესახებ საქართველოს ბანკის ბიზნეს მობილბანკიდან.მეტი ინფორმაციისთვის ეწვიეთ ბმულს ან გადმოწერეთ საქართველოს ბანკის ბიზნეს მობილბანკი.

12:23

აღნიშნული ფუნქციონალის  გამოყენებისთვის ბიზნესებმა უნდა მონიშნონ, როგორი შეთავაზების გაკეთება სურთ. მაგალითისთვის, თუ სურთ  შეთავაზების ფარგლებში,  ყოველ ოთხშაბათს, მომხმარებლებმა გადახდილი თანხის 20% დაიბრუნონ, ამას შეთავაზების სახით შექმნიან.  ეს ბიზნესებს შესაძლებლობას აძლევს, პროცესი უფრო ავტომატიზებული გახადონ, რადგან არ მოუწევთ რამდენიმე შეთავაზების შექმნა.  ასევე, მათ შეუძლიათ აარჩიონ ის დღე როცა განსაკუთრებით სჭირდებათ კონკრეტულ სეგმენტში გაყიდვების ზრდა.ბიზნესის სპეციფიკიდან გამომდინარე, ყოველკვირეული შეთავაზებების გარდა, ბიზნესებს შეუძლიათ  შექმნან ყოველთვიური შეთავაზებაც  (მაგალითად, თვის ყოველ 15 რიცხვში). ეს ყოველივე ბიზნესებს შესაძლებლობას აძლევს, მომხმარებლებს სხვადასხვა აქცია სისტემატურად შესთავაზონ და ამით კიდევ უფრო გაზარდონ ლოიალურობა.აღსანიშნავია, რომ Ads მენეჯერის ბიზნეს მომხმარებლებს შესაძლებლობას აძლევს, საქართველოს ბანკის 1 500 000-ზე მეტ ციფრულ მომხმარებელს საკუთარი პროდუქტი თუ სერვისი სრულიად უფასოდ  გააცნოს და ამით  გაყიდვები გაზარდოს.შეთავაზების შექმნისთვის ეწვიეთ manager.bog.ge-ს თუ ხართ დირექტორი, ხოლო თუ მარკეტერი ხართ - სთხოვეთ დირექტორს გაგიწეროთ შესაბამისი როლი.თუ დირექტორი ხართ, manager.bog.ge-ში შესვლას იმ სახელითა და პაროლით შეძლებთ, რომლითაც ბიზნეს მობილბანკში/ინტერნეტბანკში და ფიზიკური პირის მობილბანკში სარგებლობთ.შეთავაზების შექმნის ინსტრუქცია ნახეთ აქ.უფრო ვრცლად, Ads მენეჯერის გამოყენებაზე ბიზნესკურსის გასავლელად ეწვიეთ ბმულს

10:59

მისი თქმით, შეიქმნება მთავრობის ეფექტიანობის დეპარტამენტი, რომელიც აღმასრულებელი ხელისუფლების ყველა რგოლის გადაწყვეტილებების შესრულების კონტროლს უზრუნველყოფს.როგორც ლევან ჟორჟოლიანმა აღნიშნა, ასევე კომუნიკაცია შედგა სახელმწიფო აუდიტის სამსახურთან, სადაც რეალურ დროში აუდიტი დაინერგება.„მთავრობის ადმინისტრაციაში შეიქმნება დეპარტამენტი, შიდა აუდიტის სამსახური გახდება მთავრობის ეფექტიანობის დეპარტამენტი. ჩვენ ასევე ვესაუბრეთ სახელმწიფო აუდიტის სამსახურს, სადაც რეალურ დროში აუდიტი დაინერგება. თუკი აქამდე ხდებოდა განვლილი წლების აუდიტი, ახლა უკვე შესაძლებელი იქნება, სახელმწიფო აუდიტის სამსახურმა შეფასებები გააკეთოს მიმდინარე პროექტებთან დაკავშირებით", - განაცხადა ლევან ჟორჟოლიანმა და დასძინა, რომ ეს "წაადგება საბიუჯეტო სახსრების ეფექტიან ხარჯვას".ჟორჟოლიანის აზრით, ეს ნებისმიერ სფეროში უფრო ეფექტიანი ნაბიჯების გადადგმას შეუწყობს ხელს, იქნება ეს ენერგეტიკული მიმართულება, ქონების მართვა თუ ნებისმიერი სხვა."ჩვენი მმართველობის ერთ-ერთი მთავარი პრინციპია გამჭვირვალობა, ანგარიშვალდებულება და სწორედ ამ ორი ძირითადი პრინციპის გაძლიერებას ემსახურება ახალი მექანიზმის შექმნა", - განაცხადა ლევან ჟორჟოლიანმა.ირაკლი კობახიძემ 31 მარტს გამართულ მთავრობის სხდომაზე განაცხადა, რომ „გაძლიერდება თანამშრომლობა მთავრობის ადმინისტრაციასა და სახელმწიფო აუდიტის სამსახურს შორის, დაინერგება რეალურ დროში აუდიტის პრაქტიკა, რაზეც გვქონდა კონსულტაციები სახელმწიფო აუდიტის სამსახურთან. ამ ინიციატივის მიზანია, სამინისტროების მიერ განხორციელებული პროექტების ხარჯეფექტიანობისა და ხარისხის მაქსიმალური გაუმჯობესება“.

10:33

„რვაპირიან (ნიკოლოზ ჯავახიშვილის, თორნიკე გოშაძის, ირაკლი მიმინოშვილის, ზვიად ცეცხლაძის, ვეფხვია კასრაძის, ვასილ კაძელაშვილის, გიორგი გორგაძის და ინსაფ ალიევის) და თერთმეტპირიან (ანდრო ჭიჭინაძის, ონისე ცხადაძის, გურამ მირცხულავას, ჯანო არჩაიას, ლუკა ჯამბურიას, რუსლან სივაკოვის, რევაზ კიკნაძის, გიორგი ტერაშვილის, ვალერი თეთრაშვილის, სერგეი კუხარჩუკის და ირაკლი ქერაშვილის) საქმეებზე დაცვის მხარის არაერთი წარმომადგენელი შუამდგომლობდა პროკურატურის მიერ წარდგენილ მტკიცებულებათა ნუსხიდან ვიდეოჩანაწერების დაუშვებლობის თაობაზე, რადგან მიაჩნდათ, რომ საჯარო წყაროებში გამოქვეყნებული ვიდეო ჩანაწერების გამოთხოვა უნდა მომხდარიყო კომპიუტერულ მონაცემთან დაკავშირებული საგამოძიებო მოქმედებების გზით – დოკუმენტის ან ინფორმაციის გამოთხოვით – სსსკ-ის 136-ე მუხლით.კერძოდ, თუ არსებობს დასაბუთებული ვარაუდი, რომ კომპიუტერულ სისტემაში ან კომპიუტერულ მონაცემთა შესანახ საშუალებაში ინახება სისხლის სამართლის საქმისთვის მნიშვნელოვანი ინფორმაცია ან დოკუმენტი, პროკურორი, დაცვის მხარე უფლებამოსილია გამოძიების ადგილის მიხედვით სასამართლოს მიმართოს შესაბამისი ინფორმაციის ან დოკუმენტის გამოთხოვის განჩინების გაცემის შუამდგომლობით”, – ნათქვამია განცხადებაში.საიაში ამბობენ, რომ დაცვის მხარის წარმომადგენლების არგუმენტაციით, ვიდეომასალები, რომლებიც განთავსებული იყო საჯარო სივრცეში იმ საფუძვლით უნდა ყოფილიყო დაუშვებელი, რომ მათი მოპოვების წესი იყო დარღვეული, მათზე უნდა გავრცელებულიყო არა სსსკ-ის 125-126-ე მუხლები, არამედ სპეციალური 136-ე მუხლი, რადგან საქმე კომპიუტერულ მონაცემს შეეხებოდა.„მოსამართლემ დაცვის მხარის შუამდგომლობა არ დააკმაყოფილა, მაშინ როდესაც მზია ამაღლობელის საქმეზე ანალოგიური შინაარსის შუამდგომლობას ბათუმის საქალაქო სასამართლოში მოსამართლემ პროკურატურას დაუკმაყოფილა და დაუშვებლად ცნო დაცვის მხარის მიერ დათვალიერების გზით მოპოვებული მტკიცებულებები. კერძოდ, მოსამართლე ვიქტორ მეტრეველი განჩინებაში განმარტავს, რომ „2025 წლის 05 თებერვალს “myvideo”-ს საიტის, 12 თებერვალს, 23 თებერვალს და 24 თებერვალს „youtube”-ს საიტის დათვალიერებისას მოპოვებული ვიდეოფაილები, გადმოწერილი კომპიუტერში და ჩაწერილი ლაზერულ დისკებზე და შემდეგ თანდართული დათვალიერების ოქმებზე წარმოადგენს – კომპიუტერულ სისტემაში არსებულ მონაცემებს, რომლის გამოთხოვის, მოპოვების და არა დათვალიერებით მიღების წესი გათვალისწინებულია სსსკ-ის 136-ე მუხლის დებულებებით. დაცვის მხარეს ინფორმაციის გამოთხოვის კუთხით ჰქონდა განჩინების მოპოვების შესაძლებლობა, რაც მას მოცემულ კონკრეტულ შემთხვევაში არ განუხორციელებია.თუმცა კანონი მხარეს აძლევს უფლებას საქართველოს სსკ-ის 125-ე და 126-ე მუხლებით გათვალისწინებული საგამოძიებო მოქმედების ჩატარებით მოიპოვოს სისხლის სამართლის საქმისთვის მნიშვნელოვანი ინფორმაცია, ანუ ჩატარებულ იქნეს და დათვალიერებულ იქნას ინფორმაციის შემცველი სხვა ობიექტი, რაც მოცემულ შემთხვევაში დათვალიერების ოქმების შედგენისას დაცულია და აღნიშნული საგამოძიებო მოქმედება დაცვის მხარემ კანონის მოთხოვნათა დაცვით ჩაატარა, თუმცა იმდენად რამდენადაც, საქმისთვის მნიშვნელოვანი ინფორმაცია კომპიუტერულ სისტემაში დაცული იყო კომპიუტერული მონაცემების სახით, ადვოკატების მიერ ლაზერულ დისკზე ჩაწერა და შემდეგ სისხლის სამართლის საქმეზე დართვა სცდება დათვალიერების მიზანს და ეწინააღმდეგება მოქმედი სისხლის სამართლის საპროცესო კანონმდებლობის მოთხოვნებს. მოცემულ შემთხვევაში დათვალიერება გადაიზარდა ინფორმაციის გამოთხოვაში“.მართალია, რომ სხვადასხვა მოსამართლეს შესაძლოა ჰქონდეს განსხვავებული სამართლებრივი შეხედულებები სხვადასხვა სამართლებრივ საკითხზე, თუმცა ცალსახაა, რომ აქტივისტების საქმეებზე მოსამართლეების გადაწყვეტილებები ყოველთვის აქტივისტების წინააღმდეგაა მიმართული, რაც კიდევ ერთხელ უსვამს ხაზს, რომ ამ საქმეებში პოლიტიკური ნიშნით დევნის მოტივები იკვეთება. საგულისხმოა, რომ სააპელაციო სასამართლომ მოგვიანებით შეცვალა ბათუმის საქალაქო სასამართლოს გადაწყვეტილება და დასაშვებად ცნო დაცვის მხარის მიერ წარდგენილი ზემოთ ხსენებული ვიდეომტკიცებულებები”, – აღნიშნავენ ორგანიზაციაში.მეორე პრობლემად საიაში გამოკვეთენ არსებითი განხილვისთვის საქმის გადაცემას. ორგანიზაციაში აღნიშნავენ, რომ სისხლის სამართლის საპროცესო კანონმდებლობის შესაბამისად, არსებითი განხილვისათვის საქმის გადაცემა დასაშვებია იმ შემთხვევაში, თუ სასამართლო დარწმუნდება, რომ ბრალდების მხარის მიერ წარდგენილი მტკიცებულებები ალბათობის მაღალი ხარისხით იძლევა საფუძველს ვარაუდისათვის, რომ დანაშაული ამ პირმა ჩაიდინა – თუ ბრალების მხარის მიერ წარდგენილი მტკიცებულებები ალბათობის მაღალი ხარისხით არ იძლევა საფუძველს ვარაუდისათვის, რომ დანაშაული ამ პირმა ჩაიდინა, წინასასამართლო სხდომის მოსამართლე განჩინებით წყვეტს სისხლისსამართლებრივ დევნას.მათი განცხადებით, არცერთ ბრალდებულთან მიმართებით სასამართლოს არ მიუჩნევია, რომ არსებობდა სისხლის სამართლებრივი დევნის შეწყვეტის საფუძველი და ყველა საქმე გადასცა არსებითად განსახილველად.ამასთან, ორგანიზაციაში საუბრობენ პატიმრობის ძალაში დატოვების საკითხზეც – მათი განცხადებით, ყველა წინასასამართლო სხდომაზე, რომელიც შეეხებოდა აქტივისტების წინააღმდეგ მიმდინარე საქმეებს და ბრალდებულები პატიმრობაში იმყოფებოდნენ, მოსამართლეებმა ისინი პატიმრობის გადასინჯვისას კვლავ ყველაზე მკაცრი აღკვეთის ღონისძიების პატიმრობის ქვეშ დატოვეს.„ერთადერთი საქმე, რომელში ბრალდებულების ნაწილსაც მოსამართლემ პატიმრობა ნაკლებად მკაცრი აღკვეთის ღონისძიებით შეუცვალა, ბათუმის ხელოვნების უნივერსიტეტის დეკანისა და სტუდენტების საქმეა. ოთხი ბრალდებულის მიმართ პირველი წარდგენის სხდომაზე გამოყენებული პატიმრობა სასამართლომ გირაოთი შეცვლა დაზარალებულების განცხადების საფუძველზე, რომელთაც თავად მიმართეს პროკურატურას ბრალდებულთათვის არასაპატიმრო ღონისძიების გამოყენების თაობაზე.ყურადსაღებია, რომ სასამართლო არ ითვალისწინებს იმ ახალ გარემოებას, რომ ამ საქმეებზე დასრულდა გამოძიება, მტკიცებულებები სასამართლოშია წარდგენილი და აღარ არსებობს მათი მოპოვებისათვის ხელშეშლის რისკები. ამასთან სასამართლო მხედველობაში არ იღებს ინდივიდუალურ გარემოებებს და ბრალდებულთა პიროვნულ მახასიათებლებს, მათ საქმიანობას, ასაკს (ნაწილი მათგანი არიან სტუდენტები), ოჯახურ მდგომარეობას, ჯანმრთელობას, იმას რომ ამ საქმეებზე ბრალდებულ პირთა უმეტესობა გამოირჩევა აბსოლუტურად სუფთა წარსულით, ადმინისტრაციულ სახელდებულნიც კი არ არიან”.საიაში აღნიშნავენ, რომ სასამართლომ ჯამში 40 ბრალდებულიდან ვერც ერთის მიმართ ვერ დაინახა პატიმრობის გაუქმებისა ან/და მათთვის ნაკლებად მკაცრი აღკვეთის ღონისძიების გამოყენების რისკები, მაშინ, როდესაც დაცვის მხარის არაერთი წარმომადგენელი სასამართლოს წინაშე შუამდგომლობდა აღკვეთის ღონისძიებასთან ერთად ნებისმიერი დამატებითი ვალდებულების გამოყენებას, იქნებოდა ეს ელექტრონული მონიტორინგი, კონკრეტული ტერიტორიის დაუტოვებლობა თუ სხვა ნებისმიერი ვალდებულება, რასაც სასამართლო მიზანშეწონილად მიიჩნევდა და რომელსაც ძირითად აღკვეთის ღონისძიებასთან ერთად შეეძლო გაენეიტრალებინა ყოველგვარი რისკი.საიაში მიუთითებენ საჯაროობის პრინციპის უგულებელყოფაზეც, კერძოდ, ორგანიზაციაში აღნიშნავენ, რომ:„თერთმეტპირიან სხდომაზე, ბრალდებულების ანდრო ჭიჭინაძის, ონისე ცხადაძის, გურამ მირცხულავას, ჯანო არჩაიას, ლუკა ჯამბურიას, რუსლან სივაკოვის, რევაზ კიკნაძის, გიორგი ტერაშვილის, ვალერი თეთრაშვილის, სერგეი კუხარჩუკის და ირაკლი ქერაშვილის წინასასამართლო სხდომაზე, რომელთაც ბრალდება სსკ-ის 225-ე მუხლის მეორე ნაწილით გათვალისწინებულ დანაშაულს ედავება, რაც ჯგუფურ ძალადობაში მონაწილეობას გულისხმობს, მოსამართლე ირაკლი შვანგირაძემ სასამართლო სხდომა (2025 წლის 05 მარტს) ნაწილობრივ დახურა.მართალია, მოსამართლე უფლებამოსილია წესრიგის დაცვის მიზნით, საკუთარი ინიციატივით ნაწილობრივ ან სრულად დახუროს სასამართლო სხდომა, თუმცა მხედველობაში უნდა მიიღოს საჯაროობის პრინციპი და საქმისადმი საზოგადოების მაღალი ინტერესი. მოსამართლემ შემდგომ, 10 მარტის და 13 მარტის სხდომებზეც მხოლოდ მედიის წარმომადგენლები დაუშვა და პროცესზე დასწრება შეუზღუდა საიას წარმომადგენელს, მიუხედავად იმისა, რომ ამის თაობაზე მოსამართლის წინაშე დაცვის მხარემაც იშუამდგომლა. სადამკვირვებლო მისიებთან ერთად პროცესზე მოსამართლემ არ დაუშვა სახალხო დამცველის და საელჩოების წარმომადგენლებიც”, – ნათქვამია შეფასებაში.საიაში აღნიშნავენ, რომ სისხლის სამართლის პროცესების მონიტორინგის 14-წლიანი ისტორიის განმავლობაში არასდროს გამოვლენილა ორგანიზაციის წარმომადგენლების მხრიდან სასამართლო სხდომის დარბაზში წესრიგის დარღვევის ან სასამართლოს უპატივცემულობის შემთხვევა – მოსამართლის გადაწყვეტილებით უფლებადაცვით ორგანიზაციას დაუსაბუთებლად შეეზღუდა სასამართლო სხდომაზე დაკვირვება. მათი შეფასებით, აღნიშნული კონკრეტული მოსამართლის მიერ სასამართლოს დისკრეციის თვითნებური და საჯაროობის პრინციპის საწინააღმდეგო გამოყენებაა.

9:27