AD BLACK SEA ფესტივალი ახალი აღმოჩენებითა და გამარჯვებებით დასრულდა

17 სექტემბრიდან 30 სექტემბრის ჩათვლით, ნებისმიერი კატეგორიის საერთაშორისო ონლაინ ობიექტში ახალი თიბისი ბარათით გადახდისას 100 ლარი ერთგულ ყულაბაში მომენტალურად დაგიბრუნდებათ. თიბისი კონცეპტის მომხმარებლებს კი, თიბისი Mastercard კონცეპტ ბარათით და Mastercard ერთგული საკრედიტო ბარათით, შესაძლებლობა გაქვთ 200 ლარი დაიბრუნოთ.მთავარია, დანახარჯი, ერთ თუ რამდენიმე ობიექტში, ჯამურად მინიმუმ 500 ლარს შეადგენდეს და თანხა საერთაშორისო ობიექტის ვებგვერდზე გადაიხადოთ. შეთავაზება არ ვრცელდება Apple pay და Google pay გადახდებზე.ავიაბილეთები, სასტუმროს ჯავშნები, წიგნები, ტექნიკა, თავის მოვლა, ტანსაცმელი, ფეხსაცმელი- შეთავაზება თითქმის ყველა კატეგორიასა და ობიექტს მოიცავს. გარდა ისეთი კატეგორიებისა როგორიცაა: სახელმწიფო სერვისები, აზარტული თამაშები, კომუნალური გადახდები, ფინანსური თუ სხვა სახის ოპერაციები.თითოეულ მომხმარებელს შეთავაზებით სარგებლობა შეუძლია მხოლოდ ერთხელ.  საერთაშორისო ონლაინ ობიექტებში დახარჯული თანხა დაანგარიშდება ეროვნულ ვალუტაში, გადახდის მომენტში არსებული კომერციული კურსით ლარში.თიბისის ყველა ბარათის აღება შესაძლებელია, რამდენიმე წუთში, მობაილბანკიდან. გახდი თიბისის მომხმარებელი და ისარგებლე მუდმივად გამორჩეული შეთავაზებებით!საერთაშორისო შოპინგის შეთავაზების დამატებითი პირობების და დეტალების სანახავად, გადადით ბმულზე. 

1758200486

მცირე და საშუალო მეწარმეებს შეუძლიათ თანადაფინანსების მიღება თანამედროვე საშრობი და ტენიანობის საზომი ტექნიკის შესაძენად, რაც შეამცირებს აფლატოქსინით დაბინძურების რისკს, გააუმჯობესებს თხილის ხარისხს და გაზრდის სექტორის კონკურენტუნარიანობას საექსპორტო ბაზრებზე.ინიციატივის ფარგლებში, FAO დაფარავს ტექნიკის ღირებულების 70 პროცენტს. ფინანსური მხარდაჭერის მიღება შეუძლიათ თხილის მეწარმეებს, რომლებიც: ფლობენ 0.5–30 ჰექტარ თხილის ბაღს სამიზნე რეგიონში; დაესწრნენ FAO-ს თხილის ტრენინგებს; ფლობენ ინდივიდუალური მეწარმის, შეზღუდული პასუხისმგებლობის საზოგადოების (შპს) ან კოოპერატივის სტატუსს. თანამონაწილეობრივი გრანტით ფერმერები შეძლებენ შეიძინონ კონკრეტული მომწოდებლებისგან წინასწარ შერჩეული ტექნიკა: ვერტიკალური თხილის საშრობი ლენტური კონვეიერი თხილის ტენიანობის ანალიზატორი „საქართველოს თხილის სექტორისთვის შვედეთის მიერ მხარდაჭერილი თანადაფინანსების საგრანტო შესაძლებლობა ჩვენი მრავალმხრივი თანამშრომლობის შედეგია ENPARD IV პროგრამის ფარგლებში. წელს, FAO-მ თხილის ასეულობით მწარმოებელს გაუზიარა ცოდნა ქვეყნის მასშტაბით და ითანამშრომლა თხილის სექტორში მოქმედ კომპანიებთან. FAO-ს ფინანსური მხარდაჭერის პაკეტი კი ფერმერებს აძლევს უმნიშვნელოვანეს შესაძლებლობას, გააუმჯობესონ სურსათის უვნებლობის სტანდარტები უკვე ფერმერულ დონეზე და განსაკუთრებით მოსავლის შემდგომი პროცესების საწყის ეტაპზე,“ – აღნიშნა გუიდო აგოსტინუჩიმ, FAO-ს პროგრამის მენეჯერმა.„შვედეთი სიამაყით განაგრძობს ქართველი ფერმერების მხარდაჭერას უვნებელი, კონკურენტუნარიანი და მდგრადი სასოფლო-სამეურნეო ღირებულებათა ჯაჭვების განვითარებაში. თხილი საქართველოსთვის წარმოადგენს მნიშვნელოვან სასოფლო-სამეურნეო პროდუქტს, რომელსაც აქვს დიდი პოტენციალი როგორც შიდა, ასევე საერთაშორისო ბაზრებზე. სურსათის უვნებლობისა და ხარისხის სტანდარტებში ინვესტირებით, ფერმერებს ვეხმარებით ბაზარზე წვდომის, კონკურენტუნარიანობისა და მათი საარსებო წყაროს გაუმჯობესებაში,“ – აღნიშნავს  ელისაბედ ბრანდბერგი, შვედეთის საელჩოს განვითარების თანამშრომლობის ხელმძღვანელი/მისიის უფროსის მოადგილე.

1758199968

მარიამ ქვრივიშვილმა საქართველოს ენერგეტიკის სექტორის თანამშრომლებს და დამსახურებულ ენერგეტიკოსებს მადლობა გადაუხადა დარგის განვითარების საქმეში შეტანილი წვლილისთვის. როგორც ეკონომიკის მინისტრმა აღნიშნა, სიმბოლურია, რომ ენერგეტიკოსის დღე სწორედ ენგურჰესის - ქვეყნის ყველაზე მნიშვნელოვანი ენერგეტიკული ობიექტის სივრცეში აღინიშნა.„ენგურჰესი, რომელიც ეროვნული მნიშვნელობის ძეგლის სტატუსს ატარებს, წარმოადგენს ყველაზე რთულ და მნიშვნელოვან ტექნიკურ ნაგებობას, რაც კი საქართველოში აშენებულა. საქართველოში ტექნიკურ მეცნიერებათა, ინჟინერიის, თუ ჰიდროინჟინერიის სკოლა საუკუნეზე მეტს ითვლის და ქვეყნის აღმშენებლობაში წვლილი ტექნიკოს-მეცნიერთა არაერთ თაობას აქვს შეტანილი. ენერგეტიკა  საქართველოს ეკონომიკის მამოძრავებელ ძალას წარმოადგენს, ხოლო ენგურჰესი ჩვენი ენერგეტიკის გულია - ამ გულის ნაწილი  აფხაზეთში მდებარეობს და წლების განმავლობაში ჩვენს ოკუპირებულ მიწასთან დამაკავშირებელი ხიდის ფუნქციას ასრულებდა. მომავალშიც ენგურჰესი შეასრულებს უმთავრეს როლს ყველა სხვა ჩატეხილი ხიდის გამთლიანების საქმეში", - განაცხადა მარიამ ქვრივიშვილმა.როგორც ეკონომიკისა და მდგრადი განვითრებას მინისტრმა აღნიშნა, საქართველოს ენერგოსისტემის საფუძველი მე-20 საუკუნეში ჩაიყარა და ის ბევრად დიდი, მასშტაბური ენერგოსისტემის ნაწილი იყო, გასული სამი ათეული წლის განმავლობაში კი  ქვეყანა უდიდესი ძალისხმევით ცდილობს, მოპოვებული დამოუკიდებლობის მატერიალურ უზრუნველყოფას საკუთარი ეკონომიკით, საფინანსო პოლიტიკით და ენერგეტიკით. მინისტრის შეფასებით, გარკვეული წინააღმდეგობის მიუხედავად, საქართველომ შეძლო სუვერენული ეკონომიკური სახელმწიფო პოლიტიკის წარმართვა.„ცხადია, რომ ენერგეტიკაც, ეკონომიკაც და ქვეყნის დამოუკიდებლობაც ვერ იარსებებს იზოლირებულად და სამეზობლოს აქტიურ თანამშრომლობაზე აგებული პარტნიორული ურთიერთობის ნაწილი ვართ, მაგრამ საქართველომ შეძლო საკუთარი, დამოუკიდებელი, სუვერენული ეკონომიკური სახელმწიფო პოლიტიკის წარმართვა. საქართველოს დამოუკიდებლობისა და სუვერენიტეტის ეკონომიკური მხარდაჭერა ჩვენი ქვეყნის უმთავრეს ეროვნულ ინტერესს წარმოადგენს. სწორედ ამიტომ, გასაკვირი არ არის, რომ საქართველოს სისუსტეში დაინტერესებული არაერთი ძალა თუ ავტორი ჩვენი ეროვნული ინტერესის რეალიზებაში ხელის შეშლას შეეცდება. ამის მაგალითები ბევრი გვაქვს და ალბათ ყველაზე თვალსაჩინოა ის წინააღმდეგობა, რასაც ენერგეტიკის და ყველაზე მეტად ჰიდროენერგეტიკის განვითარებაში ვხედავთ", - განაცხადა ეკონომიკის მინისტრმა.სიტყვით გამოსვლისას მარიამ ქვრივიშვილმა ხაზი გაუსვა, რომ საქართველო წყალუხვი და მთაგორიანი ქვეყანაა, რაც შესაძლებელს ხდის ჰიდრორესურსების გონივრულად და მომგებიანად გამოყენებას - იმ ქვეყნების მსგავსად, რომლებმაც ეს ბუნებრივი სიმდიდრე თავიანთ კეთილდღეობას დაუდეს საფუძვლად. მინისტრის განცხადებით, ერთიანი და ძლიერი სახელმწიფოს შენების პროცესში უპირველესი სწორედ ქვეყნის ეროვნული ინტერესი იქნება.„ჩვენი სამინისტრო, პრემიერ-მინისტრის მხარდაჭერით და ხელმძღვანელობით, მაქსიმალურად ვიზრუნებთ, რომ თითოეულ სწორ პროექტსა და სწორ ინვესტორს, რომელიც ქვეყნის ინტერესებიდან გამომდინარეობს, მაქსიმალურად ხელი შევუწყოთ ჩვენი ქვეყნის ენერგოდამოუკიდებლობისა და უსაფრთხოებისკენ მიმავალ გზაზე", - აღნიშნა ეკონომიკისა და მდგრადი განვითარების მინისტრმა.საქართველოს ენერგეტიკოსის დღისადმი მიძღვნილი ღონისძიება ტრადიციულად, ენერგეტიკის დარგის ღვაწლმოსილი თანამშრომლების დაჯილდოების ცერემონიით დასრულდა - სიგელები და სიმბოლური საჩუქრები წელს 16 ენერგეტიკოსს გადაეცა. „ყველა ის ადამიანი, რომელიც აქამდე დაჯილდოებულა, დღეს ან მომავალში დაჯილდოვდება, ასევე წარმოადგენს საქართველოს სიმდიდრეს და ძალას", - აღნიშნა მარიამ ქვრივიშვილმა.ობიექტები, რომლებიც ენგურჰესის შემადგენლობაში შედის, თითქმის ათას კვადრატულ კილომეტრს მოიცავს ქალაქ ჯვარიდან შავ ზღვამდე.მასში შედის ჰიდროელექტროსადგურების კასკადი, მათ შორის ენგურის თაღოვანი კაშხალი და 400-მდე გვირაბი და არხი, რომელთაგან ყველაზე გრძელი დაახლოებით 15 კილომეტრია. ქალაქ ჯვარში, მდინარე ენგურის ვიწრო კანიონში, ჩრდილო-დასავლეთ საქართველოს თვალწარმტაცი პეიზაჟებით აშენებული ენგურის თაღოვანი კაშხალი 1978 წლიდან ფუნქციონირებს. ენგური 271,5 მეტრი სიმაღლით მსოფლიოში ერთ-ერთი ყველაზე მაღალი თაღოვანი კაშხალია.

1758199666

eCommerce Day Georgia უკვე მესამედ იმართება და იგი როგორც საერთაშორისო, ისე ადგილობრივი ბრენდებისა და ინდუსტრიის წარმომადგენლებისთვის ცოდნის გაზიარებისა და ახალი პროფესიული კავშირების დამყარების პლატფორმად იქცა.წლევანდელ ღონისძიებაზე საკუთარ გამოცდილებას გააზიარებენ ისეთი გლობალური კომპანიების წარმომადგენლები, როგორებიცაა: Amazon Web Service, Avianca, IE Tech School, Visa და ა.შ. ისინი ელექტრონული კომერციის სფეროს სიახლეებზე, ინოვაციებზე, გამოწვევებსა და სამომავლო გეგმებზე ისაუბრებენ.წლევანდელი კონფერენციის მთავარი თემებია:· ხელოვნური ინტელექტი ელექტრონულ კომერციაში;· ლაივ და სოცმედია ელ. კომერცია;· ონლაინ სერვისების პლატფორმები.„ელექტრონული კომერცია დღეს მსოფლიოში ერთ-ერთი ყველაზე დინამიკური სექტორია  და ჩვენი მისიაა, საქართველოში ამ მიმართულებას ახალი სიჩქარე და ენერგია შევძინოთ. „იქომერსის დღე“ უნიკალური პლატფორმაა, სადაც ადგილობრივი პრაქტიკა საერთაშორისო გამოცდილებას ერწყმის და ბიზნესისთვის  ახალი შესაძლებლობები იქმნება. მონაწილეებს ექნებათ საშუალება, გაეცნონ იმ ბრენდების ისტორიებსა და სტრატეგიებს, რომლებიც განსაზღვრავენ გლობალურ ტენდენციებს და წყვეტენ ინდუსტრიის მომავალს,” -  ამბობს იქომერს ასოციაცია საქართველოს თავმჯდომარე ლადო კანდელაკი.„საქართველოს ბანკისთვის მნიშვნელოვანია, რომ ადგილობრივ კომპანიებს ჰქონდეთ წვდომა იმ ცოდნასა და გამოცდილებაზე, რაც გლობალურ დონეზე ციფრული ტრანსფორმაციის პროცესს განსაზღვრავს. სწორედ ამიტომ, ვუჭერთ მხარს eCommerce Day Georgia 2025-ს, რადგან მსგავსი პლატფორმები ბიზნესს აძლევს შესაძლებლობას, გაიგოს, როგორ შეიძლება ინოვაციები და ხელოვნური ინტელექტი გახდეს მათი განვითარების რეალური ბერკეტი”, - ამბობენ საქართველოს ბანკში.ღონისძიების მთავარი პარტნიორია: საქართველოს ბანკი ბიზნესიინოვაციების პარტნიორია: Visaპარტნიორები არიან: Amazon Web Service; Aversi; BDO Digital; Elit Electronics; Glovo; IE Tech School; Web Features…ღონისძიების შესახებ მეტი ინფორმაციის მისაღებად და ბილეთების შესაძენად ეწვიეთ ბმულს.იქომერს ასოციაცია საქართველო დაარსდა 2020 წელს, ელექტრონული კომერციის ეკოსისტემის გაძლიერების მიზნით და წლების განმავლობაში ახორციელებს ისეთ პროექტებს, რომლებიც ასოციაციის და მისი წევრების შესაძლებლობებისა და მდგრადობის გაზრდას ემსახურება. წლევანდელი კონფერენციაც სწორედ ამ ამოცანებს აერთიანებს, რაც ადგილობრივი ბიზნესებისთვის იდეალური შესაძლებლობაა, შექმნან სტრატეგიული პარტნიორობა ქართულ ელექტრონული კომერციის საზოგადოებასთან.(R)

1758198211

კონფერენციის პარალელურად, ფინანსთა მინისტრის მოადგილემ შეხვედრები გამართა საერთაშორისო ინვესტორებთან, სადაც მათ გააცნო საქართველოს ეკონომიკური ვითარება და ისაუბრა სამომავლო გეგმებზე, მათ შორის, საქართველოს ევროობლიგაციების რეფინანსირების შესახებ.შეხვედრებში მონაწილეობა მიიღო 50-მდე მსხვილი საერთაშორისო საინვესტიციო კომპანიის წარმომადგენელმა, მათ შორის: Eaton Vance, RBC BlueBay Asset Management, Morgan Stanley Investment Management, Franklin Templeton, JP Morgan Asset Management და სხვა.

1758195035

ამ არჩევნების ადმინისტრირებას ქვეყნის მასშტაბით საოლქო და საუბნო საარჩევნო კომისიების 34 000 -ზე მეტი წევრი განახორციელებს, საიდანაც 25 800 -ზე მეტი პირი საარჩევნო ადმინისტრაციამ აირჩია, დანარჩენები კი შესაბამისი უფლებამოსილი პარტიების მიერ არიან დანიშნულნი. აქვე, მინდა შეგახსენოთ, რომ საუბნო საარჩევნო კომისიებში საოლქო საარჩევნო კომისიების მიერ არჩეულ ყველა პირს აქვს შესაბამისი სერტიფიკატი, ასევე მათ უმრავლესობას აქვს საარჩევნო მიმართულებით მუშაობის გამოცდილება, ასევე არის ცესკოს საგანმანათლებლო პროექტების მონაწილე.მინდა მივმართო საოლქო და საუბნო საარჩევნო კომისიების ყველა წევრს და მოვუწოდო, საქმიანობის განხორციელებისას დაიცვან როგორც საარჩევნო კოდექსი, ისე ეთიკის კოდექსში გაწერილი პრინციპები, რომელსაც ჩვენ, ცესკომ, საოლქო და საუბნო საარჩევნო კომისიებმა მოვაწერეთ ხელი. სწორედ ეთიკის კოდექსზე ხელმოწერით ჩვენ შევთანხმდით, რომ ყველა საარჩევნო ადმინისტრატორი დაიცავს კანონს, პოლიტიკურ ნეიტრალიტეტს და საქმიანობას კეთილსინდისიერად, დამოუკიდებლად, მიუკერძოებლად, ობიექტურად და გამჭვირვალედ წარმართავს. აღნიშნული პრინციპების, მაღალი ეთიკური სტანდარტების დაცვა ხელს შეუწყობს და უზრუნველყოფს საარჩევნო ადმინისტრაციისა და ზოგადად საარჩევნო პროცესის მიმართ საზოგადოების ნდობის კიდევ უფრო გაზრდასა და განმტკიცებას.ყოველივე ზემოაღნიშნულიდან გამომდინარე, მინდა რეკომენდაციით მივმართო საოლქო და საუბნო საარჩევნო კომისიებს, თავი შეიკავონ ისეთი ქმედებისაგან, რომელიც შესაძლებელია განხილულ იქნას რომელიმე საარჩევნო სუბიექტის მხარდამჭერ ან საწინააღმდეგო ქმედებად, მათ შორის, სოციალურ ქსელებში პირადი გვერდის პოლიტიკური მოწოდებებისა და აგიტაციის მიზნებისთვის გამოყენებისგან, პარტიის/კანდიდატის წინასაარჩევნო შეხვედრებში მონაწილეობისგან და მაქსიმალურად გამიჯნონ საკუთარი პროფესიული საქმიანობა პოლიტიკური პროცესებისგან.არჩევნები საერთო საქმეა, და პირველ რიგში ჩვენ უნდა შევუწყოთ ხელი ამ პრინციპების დაცვას და საერთაშორისო სტანდარტის არჩევნების ადმინისტრირებას. სწორედ ამიტომ, კიდევ ერთხელ მოგიწოდებთ მათი დაცვისკენ, იმისათვის რომ მივცეთ ჩართულ მხარეებს საქმიანობის განხორციელებისას უმაღლესი სტანდარტის მაგალითი.(R)

1758189910

მეზობელ ქვეყნებს რაც შეეხება, აზერბაიჯანი მობილური ინტერნეტის სიჩქარით საქართველოს მნიშვნელოვნად ჩამორჩება და 51–ე პოზიციაზეა, თუმცა, ივლისთან შედარებით ქვეყანა ამ რეიტინგში 5 საფეხურით წავიდა წინ. აზერბაიჯანი ასევე 5 საფეხურით დაწინაურდა  ფიქსირებული ინტერნეტის სიჩქარეში და ამ მაჩვენებლით ბევრად უსწრებს საქართველოს და სიაში 76–ე ადგილს იკავებს.ფართოზოლოვანი ინტერნეტის სიჩქარით საქართველოს სომხეთიც უსწრებს და რეიტინგში 94–ე ადგილზეა, თუმცა მობილური ინტერნეტის სიჩქარის მაჩვენებლით სომხეთი საქართველოსაც ჩამორჩება და აზერბაიჯანსაც – ქვეყანა მესამოცე ადგილზეა.მობილური ინტერნეტის სიჩქარით პირველ სამ ადგილს არაბთა გაერთიანებული საამიროები, კატარი და ქუვეითი იკავებენ, ფიქსირებული ინტერნეტის სიჩქარით კი სინგაპური, ჩილე და ჰონკონგი. 

1758187685

მიღებული რესურსი მიმართული იქნება მიკრო, მცირე და საშუალო ბიზნესების (MSMEs), ასევე დაბალი და საშუალო შემოსავლის მქონე ოჯახების მხარდასაჭერად, რაც ხელს შეუწყობს მათ ეკონომიკურ განვითარებას. „კრისტალსა და Symbiotics თითქმის 10-წლიანი პარტნიორობა აკავშირებთ. ამ ხნის მანძილზე ჯამში  18 ტრანზაქცია განხორციელდა და კრისტალმა 40 მილიონ დოლარზე მეტი მოიზიდა.  მოხარულები ვართ, რომ ამჯერად ეს თანამშრომლობა ახალ ეტაპზე გადავიდა, რაც კიდევ უფრო აფართოებს „კრისტალის“ დაფინანსების წყაროების ბაზას და გვაძლევს საშუალებას, გავაგრძელოთ პასუხისმგებლიანი ზრდა, მდგრადი განვითარება და ამით ხელი შევუწყოთ ჩვენს არსებულ და პოტენციურ მომხმარებლებს, რაც ასეცე თავისთავად შეუწყობს ხელს ჩვენი ქვეყნის ეკონომიკური განვითარებას“, - აღნიშნავს „კრისტალის“ გენერალური დირექტორი, ილია რევია.როგორც Symbiotics Investments-ის კავკასიისა და ცენტრალური აზიის რეგიონულმა მენეჯერმა, ალექსანდრ ფანდომ განაცხადა „ეს ახალი დაფინანსება „კრისტალთან “ჩვენი ხანგრძლივი პარტნიორობის ნაწილია  და ადასტურებს ინვესტორების განგრძობით ინტერესს საქართველოს მიკრო და მცირე ბიზნესის კლიენტების მხარდაჭერის მიმართ. ჩვენ მოუთმენლად ველით რეგიონში პირდაპირი უცხოური ინვესტიციების შენარჩუნებასა და შემდგომ ზრდას“.მიკრობანკი “კრისტალის”  შესახებ:მიკრობანკი “კრისტალი” საქართველოში მოქმედი წამყვანი ფინანსური ინსტიტუტია, რომელიც დინამიურად იზრდება და ვითარდება. კომპანიამ 2025 წლის 12 თებერვალს, საქართველოს ეროვნული ბანკისგან მიკრობანკის ლიცენზია მიიღო. ლიცენზიის მიღებას კრისტალი 27-წლიანი გამოცდილებით და სანდო იმიჯით, 600 მილიონი ლარის სასესხო პორტფელით, 48 ფილიალში დასაქმებული 1 000-ზე მეტი თანამშრომლით და ქვეყნის მასშტაბით 100 000 -ზე მეტი უნიკალური მომხმარებებლით შეხვდა. კრისტალის პარტნიორები არიან საერთაშორისო და ადგილობრივი მსხვილი ფინანსური ინსტიტუტები.Symbiotics Investments შესახებ: Symbiotics წარმოადგენს ბაზარზე წვდომის წამყვან პლატფორმას გავლენის მქონე ინვესტიციებისთვის, რომლებიც განვითარებადი ეკონომიკის მქონე ქვეყნების კერძო ბაზრებზეა მიმართული. ჯგუფის მომსახურებები აერთიანებს ინვესტიციებს, აქტივების მართვასა და შესაძლებლობების გაფართოების სერვისებს. 2005 წლიდან Symbiotics Investments-მა 8200-ზე -ზე მეტი ინვესტიცია განახორციელა, რაც 99 ქვეყანაში 608 კომპანიის 10,5 მილიარდი აშშ დოლარზე მეტით დაფინანსებას მოიცავს და 19 ფონდის მანდატით არის წარმოდგენილი. Symbiotics-მა პარტნიორ კომპანიებს დამატებით მიაწოდა 170-ზე მეტი ტექნიკური დახმარების პროგრამა, 19 მილიონ დოლარზე მეტი ღირებულებით.

1758187098