LFG-მ კაპიტალის შემცირების ₾108 მლნ-იანი პროექტი დახურა

აქვე შეგახსენებთ, დადგენილი წესის შესაბამისად, თუ რა შემთხვევაში შეიძლება დღგ-ის გადამხდელად რეგისტრირებულ გადასახადის გადამხდელს მიენიჭოს არაკვალიფიციური დღგ-ის გადამხდელის სტატუსი: დღგ-ის გადამხდელად ახლად დარეგისტრირებული პირს, დღგ-ის გადამხდელად რეგისტრაციის მომენტიდან; დღგ-ის გადამხდელად რეგისტრირებულ პირს, თუ მას ბოლო უწყვეტი 12 კალენდარული თვის განმავლობაში არ უფიქსირდება გადასახადის გადამხდელის პირადი აღრიცხვის ბარათზე გატარებული ოპერაცია (ასეთ შემთხვევაში, მხედველობაში არ მიიღება ოპერაცია, რომლის შესაბამისადაც, გადასახადის გადამხდელის პირადი აღრიცხვის ბარათზე გატარებული თანხა 0-ის ტოლია); პირს, რომელსაც არ აქვს მოქმედი საბანკო ანგარიში. კვალიფიციური დღგ-ის გადამხდელის სტატუსის მინიჭების მოთხოვნით გადასახადის გადამხდელი შემოსავლების სამსახურს მიმართავს განცხადებით - „კვალიფიციური დღგ-ის გადამხდელის სტატუსის მინიჭების შესახებ", რომლის სათანადო შესწავლის შედეგად გადასახადის გადამხდელს ენიჭება შესაბამისი სტატუსი.ბოლო ერთი წლის განმავლობაში, საგადასახადო ორგანომ განიხილა 18 116 მოქმედი გადასახადის გადამხდელის დღგ-ის კვალიფიციური გადამხდელის სტატუსის მინიჭების საკითხი,  საიდანაც კვალიფიციური დღგ-ის გადამხდელის სტატუსი მიენიჭა 14 551 პირს, ხოლო 3 565 პირმა საგადასახადო ორგანოს ვერ დაუდასტურა სათანადო ინფორმაცია ეკონომიკური აქტივობის შესახებ, რის გამოც მათ შეუნარჩუნდათ არაკვალიფიციური დღგ-ის გადამხდელის სტატუსი.ამასთან, შემოსავლების სამსახური ხაზგასმით განმარტავს, რომ არაკვალიფიციური დღგ-ის გადამხდელის სტატუსის მქონე პირს შეუძლია კვალიფიციური დღგ-ის სტატუსის მოთხოვნით,  განმეორებით მიმართოს საგადასახადო ორგანოს. დადგენილი ხარვეზების აღმოფხვრის შემთხვევაში, საკითხის შესწავლის შედეგად, მას მიენიჭება კვალიფიციური დღგ-ის გადამხდელის სტატუსი.აქვე აღვნიშნავთ, რომ საერთაშორისო სავალუტო ფონდის (IMF) წინაშე ნაკისრი ვალდებულების შესრულების  და საგადასახადო კანონშესაბამისობის ამაღლებისთვის, 2021 წელს დაინერგა პროგრამა, რომლის მიზანია, გადასახადის გადამხდელის კანონშესაბამისობის ცნობიერების ამაღლება და კეთილსინდისიერი დღგ-ის გადამხდელების დაცულობა. 

1752844961

აღნიშნული ტიტული გალტ & თაგარტმა Euromoney’s Awards for Excellence-ის დაჯილდოების ფარგლებში მიიღო. იგი გლობალური საბანკო ინდუსტრიის ერთ-ერთ ყველაზე პრესტიჟულ დაჯილდოებად ითვლება.გალტ & თაგარტისთვის აღნიშნული ჯილდოს მინიჭება დაეფუძნა საერთაშორისო სტანდარტებით შესრულებულ შეფასებებს, სადაც განხილული იყო ბანკის ბაზრის წილი, განხორციელებული გარიგებების მასშტაბი და სიხშირე, ინოვაციური პროდუქტები, მომხმარებლებზე მორგებული სერვისები და რეპუტაცია ადგილობრივ თუ საერთაშორისო ბაზარზე.„ეს ჯილდო ძლიერი გუნდის, მომხმარებელთა ნდობისა და იმ მუდმივი განვითარების შედეგია, რომელიც ბოლო ერთი წლის განმავლობაში განვიცადეთ. განსაკუთრებით ვამაყობთ იმ პროექტებით, რომლებიც ადგილობრივი კაპიტალის ბაზრის განვითარებას ემსახურება, მათ შორისაა პროგრამა CMS, რომელსაც ამჯერად, საქართველოს შემდეგ, სომხეთში ვახორციელებთ. ამასთან ერთად, მნიშვნელოვან ინოვაციებს ვნერგავთ საცალო მიმართულებით – მაგალითად, GT Trader-ის განახლებული პლატფორმა მომხმარებლებს უფრო მეტ საფონდო ბირჟაზე უხსნის წვდომას. ჩვენ ვამაყობთ, რომ ბაზრის მონაწილეებს ინფორმირებული გადაწყვეტილებების მიღებაშიც ვეხმარებით – ამისთვის მუდმივად ვაძლიერებთ კვლევით მიმართულებას, რათა ბიზნესსა თუ ფართო საზოგადოებას მაღალი ხარისხის სექტორული ანგარიშები გავუზიაროთ. რაც მთავარია, მადლობას ვუხდი ჩვენს გუნდს, რადგან აღნიშნული ჯილდო მათი ძალისხმევის შედეგია“, - აცხადებს გიორგი კუპრაშვილი, გალტ & თაგარტის გენერალური დირექტორი.ინფორმაციისთვის, უკვე 30 წელზე მეტია, რაც Euromoney გამოარჩევს იმ ფინანსურ ინსტიტუტებს, რომლებმაც გამორჩეულობითა და ინოვაციური მიდგომებით ფინანსურ ინდუსტრიაში საკუთარი ადგილის დამკვიდრება შეძლეს. დღეს ჯილდო “Euromoney’s Awards for Excellence” სექტორისთვის გლობალურად აღიარებულ სტანდარტსა და საორიენტაციო ნიშნულს წარმოადგენს.

1752841507

საქართველოს მთავრობის დადგენილებით დამტკიცებული „სასოფლო - სამეურნეო ტექნიკის თანადაფინანსების სახელმწიფო პროგრამის“ ფარგლებში, სოფლის მეურნეობის სამინისტროს ა(ა)იპ „სოფლის განვითარების სააგენტო“ სასოფლო-სამეურნეო ტექნიკის შესაძენად, ფიზიკურ პირებსა და ინდივიდუალურ მეწარმეებს აფინანსებდა არაუმეტეს 150 000 ლარის ოდენობით.გამოძიებით დადგენილია, რომ ერთ-ერთი დაკავებული, სააგენტოს ყოფილი თანამშრომელი ლ.დ., რომელიც ინფორმირებული იყო ზემოაღნიშნული პროგრამის შესახებ, სახელმწიფო თანხის დიდი ოდენობით მოტყუებით დაუფლების მიზნით, დაუკავშირდა ფიზიკურ პირებს, რომლებიც არანაირ კავშირში არ იყვნენ სოფლის მეურნეობასთან  და მათი მეშვეობით მიმართა „სოფლის განვითარების სააგენტო“-ს სასოფლო-სამეურნეო ტექნიკის შესაძენად გრანტის გაცემის თაობაზე. დანაშაულებრივ სქემაში ასევე ჩართული იყო რამდენიმე კომპანია, საიდანაც თითქოსდა უნდა მომხდარიყო ხსენებული ტექნიკის შეძენა. ზემოაღნიშნულმა კომპანიებმა თავის მხრივ, დანაშაულებრივი ქმედების შენიღბვის მიზნით, გასცეს ყალბი ინვოისები ტექნიკის რეალიზაციის თაობაზე.დადგენილია, რომ აღნიშნული სქემით, ბრალდებულების მიერ, ყალბი საანგარიშსწორებო და ოფიციალური დოკუმენტების გამოყენებით, 8 შემთხვევაში, სახელმწიფოსგან მოტყუებით მიღებული იქნა გრანტი, ჯამში 826 815 ლარის ოდენობით, რომელიც შემდგომ არადანიშნულებისამებრ იქნა გამოყენებული, პირადი ინტერესებისთვის.ტარდება შესაბამისი ღონისძიებები აღნიშნული დანაშაულის ჩამდენი სხვა პირების დადგენა-მხილების მიზნით. წინასწარი მონაცემებით შესაძლოა გაიზარდოს, როგორც სახელმწიფო ბიუჯეტზე მიყენებული ზიანის ოდენობა, ასევე დამნაშავე პირთა რაოდენობა.გამოძიება მიმდინარეობს საქართველოს სისხლის სამართლის კოდექსის 210-ე, 362-ე და 180-ე მუხლებით, რაც სასჯელის სახედ და ზომად ითვალისწინებს თავისუფლების აღკვეთას შვიდიდან ათ წლამდე ვადით.საგამოძიებო სამსახური საზოგადოებას პერიოდულად მიაწვდის  ინფორმაციას გამოძიების მიმდინარეობისა და შედეგების შესახებ.საგამოძიებო სამსახური აქტიურად განაგრძობს საფინანსო-ეკონომიკურ სფეროში ჩადენილი დანაშაულის წინააღმდეგ ბრძოლას, მათ შორის, სახელმწიფო ბიუჯეტისთვის მიყენებული ზიანის ფაქტების გამოვლენას. 

1752838680

გამორჩეული საღამო, რომელიც არ უნდა გამოტოვოთ - 19 ივლისს, ბლუზ-ვილიჯის სცენაზე ფესტივალის რეზიდენტი - განუმეორებელი შანა უოთერსტოუნი (Shanna Waterstown) დადგება - ჩიკაგოს სკოლის წარმომადგენელი, რომელიც გოსპელის ტრადიციებზე გაიზარდა; ბლუზისა და სოულის ერთ-ერთი ყველაზე გამორჩეული შემსრულებელი, ბენდთან ერთად თავის სამყაროში გამოგზაურებთ.თბილი, ძლიერი და ავთენტური ხმა, ორიგინალური კომპოზიციები და მისი მუსიკა, რომელიც ყველას გულს იპყრობს - ასეთია ამერიკელი არტისტი, რომელიც პარიზში ცხოვრობს და ლაგოდეხის ბლუზ ფესტივალს ევროპული ტურნეს ფარგლებში სტუმრობს.ლაგოდეხის საერთაშორისო ბლუზ ფესტივალის კონცერტები წელსაც ნამდვილ მუსიკალურ მოვლენად იქცა - სცენაზე ერთმანეთზე გამორჩეული არტისტები ავიდნენ. ფესტივალმა დიდი ენერგია, გულწრფელი გრძნობები და დაუვიწყარი მუსიკა გააერთიანა. მაყურებელმა კი, თითოეული ბგერით ისიამოვნა.2 აგვისტოს ჩათვლით, ბლუზ-ვილიჯის კარი თქვენთვის ღიაა და გელოდებიან იქ, სადაც მუსიკა, ემოციები და თავისუფლება ერთიანდება.ფესტივალის ბილეთების შეძენისას, ახალი თიბისი ბარათით, ნებისმიერი კონცეპტ ბარათით და ერთგული საკრედიტო ბარათით, ისარგებლეთ 15%-იანი ფასდაკლებით. 

1752838375

კობახიძის შეფასებით, როგორც ადრე საბჭოთა მოსკოვიდან დეპეშები იგზავნებოდა, ასე აგზავნიან დეპეშებს  ევროპის კავშირიდან და "არც გესაუბრებიან”.„სად დგას და სად არის პრობლემა? - ჩვენ ვამბობთ, რომ ნებისმიერ პოლიტიკოსთან მზად ვართ დისკუსიისთვის... მეტი რა არის საბჭოური მიდგომა? - როდესაც არც არაფერზე გესაუბრებიან და ცარიელი ულტიმატუმებით მოდიან, ფოსტით ულტიმატუმებს გიგზავნიან. როგორც ადრე, საბჭოთა მოსკოვიდან დეპეშები იგზავნებოდა, ასე დეპეშას აგზავნიან და არც გესაუბრებიან. ეს ხო საბჭოთა მიდგომა? ეს ხომ არის იგივე ინკვიზიციური მიდგომა? - რაც შუა საუკუნეებში თითქოს ევროპამ დატოვა და ეს ყველაფერი თითქოს წარსულს გასული საუკუნის 40-იანი წლების ბოლოდან ჩაბარდა, მაგრამ რა სტანდარტებიც ადრე იყო, იგივე სტანდარტები დღეს ევროკავშირში რატომღაც დაბრუნდა.ევროკავშირი, ევროპული ბიუროკრატია არ შეიძლება საკუთარ თავს უყურებდეს, როგორც საკავშირო ხელისუფლებას. ჩვენთვის ევროკავშირი საკავშირო ხელისუფლება ვერ იქნება! ჩვენ საკავშირო ხელისუფლების სტანდარტი გასული საუკუნის 80-იანი წლების ბოლოს წარსულს ჩავაბარეთ. ჩვენ საკავშირო ხელისუფლება არ გვჭირდება! ჩვენ გვჭირდება ჯანსაღი, სამართლიანი პარტნიორული მიდგომა, მათ შორის საუბარი. როდესაც მართალი ხარ, ნებისმიერ ადამიანს ესაუბრები ხო? - ჩვენ მართლები, რომ ვართ, ამიტომ ვამბობ, რომ დღეს გავფრინდები ბრიუსელში, თუ ეს საქმეს სჭირდება და თუ ამის ინტერესი არსებობს....საერთოდ არაფრისთვის ქვეყანა აწვალეს, მისი განვითარების შეფერხება სცადეს და ამას აკეთებდა ერთ-ერთი ევროკავშირის ელჩი და ამერიკის შეერთებული შტატებიდან წინა ადმინისტრაციის წარმომადგენელი ელჩი. შემდეგ ეს ყველაფერი სამი წლის განმავლობაში გაგრძელდა, ეს ქვეყანა არ მოასვენეს. მათ იციან, რომ მათ მხარეს სიმართლე არ არის, წინააღმდეგ შემთხვევაში ჩვენთან დისკუსიის არ შეეშინდებოდათ, მაგრამ დღეს აბსოლუტურად, დისკუსიას გაურბიან, საბჭოური მიდგომით მოქმედებენ”, - განაცხადა კობახიძემ.საგარეო საქმეთა მინისტრმა მაკა ბოჭორიშილმა, 14 ივლისს, ევროკომისიის მიგრაციის და საშინაო საქმეთა გენერალური დირექტორისგან მიიღო 8 პუნქტიანი წერილი, სადაც შავით თეთრზე დაიწერა, ის, რაზეც მანამდე ევროპარლამენტარები საუბრობდნენ, რომ "საქართველოს დემოკრატიის „სერიოზული უკუსვლის“ საპასუხოდ, ევროკომისია უვიზო მიმოსვლის შეჩერებას განიხილავს". წერილში დირექტორატი მოითხოვს, განახლებული ინფორმაციის მიწოდებას კომისიის რეკომენდაციების შესრულების თაობაზე ან თუ ჯერ არ განხორციელებულა ისინი - სათანადო ზომების მიღებას კომისიის რეკომენდაციების შესასრულებლად, აგვისტოს ბოლომდე. საუბარია რვა რეკომენდაციის შესრულებაზე, რომელთა შორისაც არის: უზრუნველყოს და დაიცვას საქართველოს ყველა მოქალაქის ფუნდამენტური უფლებები, მათ შორის შეკრების, გამოხატვის და გაერთიანების თავისუფლება, პირადი ცხოვრების დაცულობის უფლება, საჯარო ცხოვრებაში მონაწილეობის უფლება და დისკრიმინაციის აკრძალვა; არ მიიღოს და გააუქმოს ნებისმიერი კანონმდებლობა, რომელიც ზღუდავს ფუნდამენტურ უფლებებს და თავისუფლებებს, ეწინააღმდეგება დისკრიმინაციის აკრძალვის პრინციპს და წინააღმდეგობაშია ევროპულ და საერთაშორისო სტანდარტებს. კერძოდ, გაუქმდეს კანონი „უცხოური გავლენის გამჭვირვალობის შესახებ“ და პაკეტი „ოჯახური ღირებულებებისა და არასრულწლოვანთა დაცვის შესახებ“ და გადაიხედოს ადამიანის უფლებათა ეროვნული სტრატეგია და სამოქმედო გეგმა, რათა სრულად იყოს დაცული LGBTIQ პირების უფლებები; შეუსაბამოს საქართველოს სავიზო პოლიტიკა ევროკავშირის სიას სავიზო ვალდებულების მქონე ქვეყნებთან დაკავშირებით, განსაკუთრებით იმ ქვეყნების მიმართ, რომლებიც ევროკავშირის უსაფრთხოებისთვის ან არალეგალური მიგრაციის კუთხით საფრთხეს წარმოადგენენ; გააძლიეროს ქმედებები თავშესაფრის მაძიებელთა დაუსაბუთებელი განაცხადებისა და ევროკავშირის ქვეყნებში არალეგალური დარჩენის შემთხვევების წინააღმდეგ, მათ შორის, უვიზო რეჟიმის პირობების შესახებ საინფორმაციო კამპანიების მეშვეობით და საზღვარზე კონტროლის გამკაცრებით;შექმნას აქტივები დაბრუნების და მენეჯმენტის ოფისები და გააგრძელოს ძალისხმევა აქტივების მოძიების, გაყინვის, მართვის, კონფისკაციისა და განკარგვის კუთხით; მიიღოს ახალი ანტიკორუფციული სტრატეგია და სამოქმედო გეგმა, უზრუნველყოს შესაბამისი რესურსი მათი განხორციელებისთვის და განსაკუთრებული ყურადღება მიაქციოს მაღალი დონის კორუფციის საქმეების გამოძიებას, სისხლისსამართლებრივ დევნას და განაჩენების გამოტანას; შეცვალოს კანონი ანტიკორუფციული ბიუროს შესახებ, რათა შესრულდეს ვენეციის კომისიის ძირითადი რეკომენდაციები, განსაკუთრებით ბიუროს დამოუკიდებლობის, პოლიტიკური ნეიტრალიტეტისა და ფუნქციების ნაწილში; შეუსაბამოს პირადი მონაცემების დაცვის შესახებ კანონი ევროკავშირის სამართლებრივ ჩარჩოს. ირაკლი კობახიძემ დღევანდელ ბრიფინგზე არ უპასუხა ჟურნალისტის კითხვას, არის თუ არა მზად „ქართული ოცნება“ ამ რვა პუნქტიდან რომელიმე ერთის შესასრულებლად მაინც.

1752836641

"ჩინეთის ტრანსსასაზღვრო ბანკთაშორისი გადახდების სისტემასთან (CIPS) თანამშრომლობა ქვეყნისთვის მნიშვნელოვანია, რადგან ახალ შესაძლებლობებს ქმნის სისტემაში ჩართული ბანკებისთვის, გააუმჯობესონ გადარიცხვების ეფექტიანობა საქართველოსა და ჩინეთს შორის ვაჭრობით დაკავებული კომპანიებისთვის. კერძოდ, CIPS სისტემით შესაძლებელია შუამავალი ფინანსური ინსტიტუტების გარეშე პირდაპირი ტრანზაქციები იუანით, რაც ამცირებს ხარჯებს გადახდის განხორციელების დროს. ეს იქნება დამატებითი არხი, რომ ქართული და ჩინური ბანკების ურთიერთგადარიცხვები იუანით გახდეს უფრო გამჭვირვალე, პირდაპირი და ხარჯთეფექტური, ხოლო თავად გადახდების პროცესი კიდევ უფრო მდგრადი და საიმედო. აქვე აღსანიშნავია, რომ ეს იქნება დამატებითი ფაქტორი ქვეყნის ეკონომიკური გაძლიერებისთვის იმის გათვალისწინებით, რომ ჩინეთი საქართველოს ერთ-ერთი მსხვილი სავაჭრო პარტნიორია.რაც შეეხება ამ თემასთან დაკავშირებით გავრცელებულ სპეკულაციურ განცხადებებს, რომ CIPS თითქოსდა SWIFT - ის ალტერნატივაა და მას ჩაანაცვლებს, ხაზგასმით აღვნიშნავთ, რომ იგი არ წარმოადგენს SWIFT -ის ალტერნატივას. აღსანიშნავია, რომ 2025 წლის ივნისის მონაცემებით, CIPS - ის ქსელში ჩართულია 189 ქვეყნის 4 900 -ზე მეტი ფინანსური ინსტიტუტი. მათ შორის, ევროპის - 261, ჩრდილოეთ ამერიკის - 34, სამხრეთ ამერიკის - 34, ავსტრალია/ოკეანეთის - 22 საბანკო დაწესებულება, რომელთა უმრავლესობაც ერთდროულად სარგებლობს SWIFT-ით და CIPS-ით ისევე როგორც შესაძლოა სხვა რეგიონალური საგადახდო სისტემებით.CIPS ძირითადად ჩინური იუანით გადარიცხვებზეა ორიენტირებული, ხოლო SWIFT მრავალ ვალუტას მოიცავს. შესაბამისად, CIPS -ს განვიხილავთ მხოლოდ როგორც გადახდების დამატებით საშუალებას,  რეგიონალური დივერსიფიკაციის მექანიზმს და არა - SWIFT-ის ჩამნაცვლებელ სისტემას. აქედან გამომდინარე, ნებისმიერი მოსაზრება, რომელიც უკავშირდება SWIFT-ის რომელიმე სისტემით, მათ შორის CIPS-ით ჩანაცვლებას, სრული დეზინფორმაციაა.აქვე უნდა აღინიშნოს, რომ საქართველოს ეროვნული ბანკის SWIFT - თან ურთიერთობას სტრატეგიული მნიშვნელობა აქვს და ეს ურთიერთობა ბოლო პერიოდში უფრო და უფრო ღრმავდება.  საქართველოს ეროვნული ბანკი ზედამხედველობს SWIFT - ის ახალი ფორმატის - ISO 20022 დანერგვას ქართულ საბანკო სისტემაში, ხელმძღვანელობს SWIFT - ის ეროვნული ჯგუფს საქართველოში და აქტიურად მონაწილეობს SWIFT - ის ახალი პროდუქტებისა და ფუნქციონალობის საპილოტე პროგრამებში. ეს პარტნიორობა ათწლეულებს მოიცავს და მომავალშიც უცვლელად გაგრძელდება, რაც უზრუნველყოფს ქვეყნის მაღალი ხარისხის ინტეგრირებულობას გლობალურ საფინანსო ინფრასტრუქტურასთან", - ვკითხულობთ სების მიერ გავრცელებულ განცხადებაში. რა არის CIPS? CIPS (China's Cross-Border Interbank Payment System) - არის ჩინეთის ბანკთაშორისი გადახდების სისტემა, რომელიც მიზნად ისახავს იუანით საერთაშორისო ანგარიშსწორების გამარტივებას. სისტემა ამოქმედდა 2015 წელს და მას განაგებს ჩინეთის სახალხო ბანკი (PBOC).CIPS განკუთვნილია როგორც ჩინური, ისე უცხოური ბანკებისთვის, რათა მათ უსაფრთხოდ და ეფექტიანად განახორციელონ იუანით ტრანზაქციები გლობალურ დონეზე. ამით CIPS წარმოადგენს ალტერნატივას SWIFT-ს მსგავს სისტემებზე, განსაკუთრებით იმ ფონზე, როდესაც ჩინეთი ცდილობს გააძლიეროს იუანის გამოყენება საერთაშორისო ფინანსურ ბაზრებზე.მიმდინარე წლის 8 ივლისს, ევროპარლამენტმა საქართველოზე მორიგი მწვავე რეზოლუცია დაამტკიცა. 490 ევროპარლამენტარის მიერ მხარდაჭერილი რეზოლუცია ევროკავშირის წევრ ქვეყნებს მოუწოდებს, სანქციების გარდა, განიხილოს დამატებითი შემზღუდავი ნორმები, მათ შორის, SWIFT-იდან (უდიდესი საერთაშორისო საბანკო ანგარიშსწორების სისტემიდან) გათიშვა.

1752836424

ერთობლივი სამოგზაურო ბარათის გამოშვების შესახებ ურთიერთთანამშრომლობის მემორანდუმს ბრენდების წარმომადგენლებმა ხელი 12 ივნისს, სტამბოლში მოაწერეს, ბარათის ოფიციალური პრეზენტაცია კი, 17 ივლისს, თბილისში, თიბისი კონცეპტის სივრცეში გაიმართა.უნიკალური დიზაინის მქონე, მეტალის სამოგზაურო ბარათი, რომლის მსგავსი პროდუქტიც საქართველოს ბაზარზე ჯერ არ შექმნილა, მომხმარებლებს დაგროვების და განსაკუთრებული შეთავაზებებით სარგებლობის შესაძლებლობას ნებისმიერ ქვეყანაში მისცემს.თიბისი კონცეპტის სამოგზაურო ბარათით დაგროვება:საქართველოში განხორციელებულ ტრანზაქციებზე დაგროვება მომხმარებლებს ზუსტად იმ პირობებით შეეძლებათ, რაც ახალი თიბისი კონცეპტის Visa Signature ბარათებით. მოგზაურობასთან დაკავშირებული ტრანზაქციების შემთხვევაში კი, დამატებით, Miles&Smiles მილებს დააგროვებენ.Miles&Smiles მილების დაგროვებას მომხმარებლები საზღვარგარეთ მოგზაურობის ნებისმიერ ეტაპზე შეძლებენ. საქართველოს ფარგლებში კი, მათი დაგროვება, სასტუმროებსა და შიდა ფრენებზე განხორციელებულ ტრანზაქციებზე შეეძლებათ.საერთაშორისო ობიექტების კატეგორიების ჩამონათვალი, სადაც მილები დაგროვდება, მრავალფეროვანია: შოპინგი, ტრანსპორტი, გართობა, კვების ობიექტები, სასტუმროები, სამოგზაურო სააგენტოები, სურსათი და სხვა.დაგროვილი მილების დახარჯვა შესაძლებელი იქნება: Turkish Airlines-ის ბილეთების, თვითმფრინავში სასურველი ადგილის წინასწარ შერჩევის, ავიაბილეთის კლასის გაუჯობესების და ბარგის შესაძენად. ასევე, Turkish Airlines-ის ონლაინ მაღაზიაში შოპინგისას.თიბისი კონცეპტის სამოგზაურო ბარათის აეროპორტის და სხვა სამოგზაურო უპირატესობები: თბილისსა და სხვა საერთაშორისო აეროპორტების ლაუნჯებში  წელიწადში 30 უფასო ვიზიტი თანმხლებ პირებთან ერთად (მაქსიმუმ 4 თანმხლები ადამიანი თითო ვიზიტზე); თბილისსა და სხვა საერთაშორისო აეროპორტებში სწრაფი გასასვლელებით სარგებლობა თანმხლებ პირებთან ერთად (მაქსიმუმ 4 თანმხლები ადამიანი თითო ვიზიტზე) წელიწადში 30-ჯერ; განსაკუთრებული შეთავაზებები ტაქსის, ინტერნეტ როუმინგისა და სხვა სამოგზაურო კატეგორიებში. ბარათის შეძენა მომხმარებლებს აგვისტოს თვიდან, პირადი ბანკირის დახმარებით შეეძლებათ.

1752834624

მიმდინარე ეტაპზე წყალმომარაგების ინფრასტრუქტურასთან ერთად წყალარინების მოძველებული და ამორტიზებული ქსელების შეცვლა-განახლება მიმდინარეობს. მათ შორის უკვე დასრულდა ქალაქ რუსთავში, რუსთაველის გამზირის N46-თან მდებარე წყალარინების ქსელის რეაბილიტაცია და აქტიურ ფაზაშია ჭყონდიდელის დასახლებაში,  გრანელის ქუჩა N 7, 9, 11 და გიორგაძის ქუჩა  N20-ის მიმდებარედ წყალარინების ქსელების განახლების პროექტები. პარალელურად მიმდინარეობს ხრამი-რუსთავის წყალმომარაგების ახალი მაგისტრალის მოწყობის II ეტაპის სამუშაოები, რომლის ფაგრლებშიც 2.5 კმ-მდე მაგისტრალური მილსადენი მოეწყობა.ქალაქ რუსთავში, მიმდინარე წლის ბოლომდე  წყალმომარაგების ქსელების სარეაბილიტაციო პროექტები  19 სხვადასხვა ლოკაციაზე განხორციელდება.აღნიშნულ პროექტებში ჯორჯიან უოთერ ენდ ფაუერი ჯამურად  8 მლნ ლარის ინვესტიციას განახორციელებს.წყალმომარაგებისა და წყალარინების ქსელების რეაბილიტაციასთან ერთად, ქალაქ რუსთავში გრძელდება ქსელების სადიაგნოსტიკო სამუშაოები, რაც წყლის დანაკარგებისა და ფარული ჟონვების შემცირებას ემსახურება. პროექტის ფარგლებში იდენტიფიცირებული, ქსელის დაზიანებული მონაკვეთები ეტაპობრივად განახლდება.კომპანია ჯორჯიან უოთერ ენდ ფაუერი მიმდინარე წელს დაგეგმილი და ჩატარებული  სარეაბილიტაციო სამუშაოების შესახებ ინფორმაციას რუსთავის მოსახლეობას მუდმივად, სამუშაოების ყველა ეტაპზე მიაწვდის.

1752831324