პირველი ქართული საინვესტიციო ბანკი, გალტ & თაგარტი 30 წლისაა

კვლავინდებურად იკლებს მიწოდების მხარეც, სადაც გაცემული ნებართვების საცხოვრებელი ფართობი ზედიზედ მერვე თვეა მცირდება. ამასთან, მაისში გაყიდული ბინების რაოდენობა წლიურად მცირედით გაიზარდა, თუმცა რეალიზებული ფართობი შემცირდა, რაც ბინების საშუალო ზომის კლებას უკავშირდება. პირველად ბაზარზე ფასმა ზრდა ზომიერი ტემპით განაგრძო, ხოლო მეორად ბაზარზე, აპრილის მკვეთრი ზრდის შემდეგ, ფასის მცირე კლება და ნაწილობრივი სტაბილიზაცია დაფიქსირდა.მოთხოვნა 2026 წლის მაისში, საჯარო რეესტრის მონაცემებით, გაყიდული ბინების რაოდენობამ 3 748 შეადგინა, აქედან: მეორად ბაზარზე გაყიდვები წლიურად 12.4%-ით გაიზარდა და 1 924 შეადგინა (2026 წლის 5 თვეში +14.7% წ/წ). პირველად ბაზარზე გაყიდვები, რაზეც გავლენას დაგვიანებული რეგისტრაციები ახდენს, წლიურად 9.7%-ით გაიზარდა და 1 824 შეადგინა (2026 წლის 5 თვეში +12.9% წ/წ). გალტ & თაგარტის მიერ ჩატარებული დეველოპერების გამოკითხვის მიხედვით, რომელიც პირველადი ბაზრის ტენდენციებს რეალურ დროში ასახავს, 2026 წლის მაისში გაყიდული ბინების რაოდენობა წლიურად მცირედით, 2.5%-ით გაიზარდა, თუმცა გაყიდული ფართობი შემცირდა, რაც მაისში გაყიდული ბინების საშუალო ზომის შემცირებას უკავშირდება. (ჯამურად2026 წლის 5 თვეში +22.1% წ/წ). 2026 წლის 5 თვეში, თბილისში სულ 18 296 ტრანზაქცია დარეგისტრირდა და გაყიდვების ჯამურმა ღირებულებამ $1.6 მლრდ შეადგინა (+21.9% წ/წ).მიწოდება 2026 წლის მაისში ნებართვა გაიცა 23 საცხოვრებელ პროექტზე, რომელთა ჯამურმა საცხოვრებელმა ფართმა 165,484 კვ.მ შეადგინა (-18.4% წ/წ). აღსანიშნავია, რომ გაცემული ნებართვების საცხოვრებელი ფართი ზედიზედ მერვე თვეა მცირდება, რაც წინა წლებში მკვეთრად გაზრდილი მიწოდების დასტაბილურების ნიშანია. ჯამურად, 2026 წლის 5 თვეში გაცემული ნებართვების მოცულობა წლიურად 34.4%-ით შემცირდა.ფასები 2026 წლის მაისში, უძრავი ქონების ფასი პირველად ბაზარზე ზომიერი ტემპით, თვიურად 0.3%-ით გაიზარდა $1 412-მდე. მეორადი ბაზრის ახალ პროექტებში (რაც 2013 წლიდან გაცემული ნებართვებით აშენდა) ფასი გასულ თვესთან შედარებით 0.3%-ით შემცირდა და $1 366 შეადგინა, რაც აპრილში დაფიქსირებული მკვეთრი, 5% ზრდის შემდეგ ნაწილობრივ სტაბილიზაციაზე მიუთითებს.ქირა 2026 წლის მაისში, თბილისში საშუალო ზომის ბინის (50-60 კვ.მ) ქირის ფასი მაღალ დონეზე შენარჩუნდა და კვადრატულზე $9.9 შეადგინა (-0.2% თ/თ), ქირის ამონაგებმა კი - 8.4%.

1782892040

მინისტრის განმარტებით, 2028 წლის 15 სექტემბრამდე ყველა საფეხურზე ჰუმანიტარული და STEM მიმართულების საგნებში სრულიად ახალი სახელმძღვანელოები გამოიცემა. სამინისტროს გადაწყვეტილებით, ერთი და იგივე სახელმძღვანელო იქნება ერთსა და იმავე საფეხურსა და საგანში, როგორც საჯარო, ისე კერძო სკოლებში. მიმდინარე მუშაობის შედეგად, ახალი სასწავლო წლის დაწყებისთვის პირველკლასელებს, მე-7 და მე-10 კლასელებს უკვე ახალი წიგნები ექნებათ.ახალი კონცეფციის მიხედვით, სახელმძღვანელოების ყდებზე ეროვნული ღირებულებების მატარებელი ვიზუალები განთავსდება. კერძოდ, ქიმიის სახელმძღვანელოს ყდაზე გამოსახული იქნება ტრადიციული ღვინის დაწურვის პროცესი, ხოლო უკანა ყდაზე - მისი ქიმიური აღწერა. ფიზიკის წიგნზე დაიტანება ელგუჯა მეძმარიაშვილის გამოგონება - კოსმოსში პირველი ქართული თანამგზავრის გაშვება. გარდა ამისა, წიგნებში შედის 500-ზე მეტი ახალი ილუსტრაცია, რომელიც ქართული ხუროთმოძღვრების ძეგლებს შეეხება.ამასთანავე, სამინისტრო სკოლებში ფორმების ტარების კულტურის შემოღებას იწყებს, რაც წელს პირველიდან მეექვსე კლასის ჩათვლით გავრცელდება, შემდგომ კი ყოველ წელს თითო კლასი დაემატება. ფორმების მოწოდება სამ ეტაპად განხორციელდება: 15 სექტემბერს ყველა პირველკლასელი სკოლაში სახელმწიფო გერბით გაფორმებული ახალი ფორმით მივა, ხოლო პირველი სემესტრის განმავლობაში ფორმებით პირველიდან მეექვსე კლასის ჩათვლით ყველა მოსწავლე უზრუნველყოფილ იქნება.ბაზრის კვლევისა და ტენდერის შედეგად, ხელშეკრულება გაფორმდა ჩინეთში სასკოლო ფორმების ნომერ პირველ მწარმოებელ კომპანიასთან მას შემდეგ, რაც პირველმა გამოვლენილმა კომპანიამ დოკუმენტაცია სრულყოფილად ვერ წარმოადგინა. მინისტრის განცხადებით, ფორმების ფასი რამდენჯერმე იაფი იქნება კერძო სკოლების ფორმებთან შედარებით, ხოლო ყველა ის ოჯახი, რომელიც ჯანდაცვის სამინისტროს მიერ შეფასებულია 65 000 ან ნაკლები სარეიტინგო ქულით და ჰყავს დაწყებითი კლასის მოსწავლე, ფორმას სრულიად უსასყიდლოდ მიიღებს.კომპანიის მიერ წარმოდგენილ პირველ ნიმუშებს გავლილი აქვს საერთაშორისო ხარისხის ტესტირება და საქართველოშიც შემოწმდება. მინისტრის განმარტებით, ქსოვილში პოლიესტერი შეზავებულია ბუნებრივ მასალებთან, რაც ზრდის გამძლეობას, ხოლო ყველა პიჯაკს, შარვალსა და ქვედაბოლოს აქვს ანტიალერგიული სარჩული. მოდელები სრულად შეესაბამება საერთაშორისო სტანდარტებს, ხოლო რეალიზაციის პუნქტები რეგიონებსა და ქალაქებში წინასწარ გაიხსნება.

1782888379

სარეიტინგო კომპანიის შეფასებით, ეკონომიკის ძლიერი მაჩვენებლები ამცირებს შიდა და გეოპოლიტიკურ გამოწვევებთან დაკავშირებულ რისკებს, რაც პერსპექტივის გაუმჯობესების საფუძველია. ამასთან, ხაზგასმულია, რომ საერთაშორისო საფინანსო ინსტიტუტებთან თანამშრომლობა ხელს უწყობს ფისკალური და მონეტარული პოლიტიკის მაღალ ეფექტიანობას.,,ჩვენი მოლოდინით, საქართველოს ეკონომიკური ზრდა კვლავ ძლიერი იქნება, რასაც ხელს უწყობს ყოვლისმომცველი ეკონომიკური აქტივობა,შიდა მოხმარება და ინვესტიციები. ძლიერი ეკონომიკური ზრდა და სახელმწიფო ვალის გონივრული მართვა კვლავაც გააძლიერებს ქვეყნის ფისკალურ მდგრადობას. საქართველოს სტრატეგიული მდებარეობა, მისი როგორც შუა დერეფნის როლი, ხელს შეუწყობს როგორც რეგიონიდან, და სხვა ქვეყნებიდან, საინვესტიციო ნაკადების მოზიდვას. ამ ძლიერ მხარეებს დამატებით ამყარებს ფისკალური და მონეტარული პოლიტიკის მაღალი ეფექტიანობა“, - წერს Moody's.Moody's აღნიშნავს, საქართველოს ეროვნულმა ბანკმა საერთაშორისო სავალუტო ფონდის არაერთი რეკომენდაცია უკვე შეასრულა.,,მონეტარული პოლიტიკის მიმართულებით, საერთაშორისო სავალუტო ფონდის მიერ რეკომენდებული რამდენიმე ღონისძიება უკვე განხორციელდა. მათ შორისაა: ეროვნული ბანკის საბჭოში არააღმასრულებელი საბჭოს წევრების უმრავლესობის უზრუნველყოფის მიმართულებით გადადგმული ნაბიჯები, მთავრობისთვის დისკრეციული ფინანსური გადარიცხვების შეზღუდვა და ორგანიზაციული სტრუქტურის შეცვლა. ამასთან, საქართველოს ეროვნული ბანკი ამჟამად ასევე მუშაობს სამართლებრივი ჩარჩოს შემუშავებაზე, რომელიც გადაწყვეტილებების კოლეგიური მიღების მოდელის დანერგვას და საბჭოს წევრთა კვალიფიკაციის გაძლიერებას ითვალისწინებს, საერთაშორისო სავალუტო ფონდის რეკომენდაციების შესაბამისად”, - ნათქვამია Moody's Ratings-ის ანგარიშში.Moody's-ის შეფასებით, საქართველოს ძლიერი ეკონომიკური ზრდა, ფისკალური დისციპლინა და სახელმწიფო ვალის შემცირება ქვეყნის საკრედიტო მდგრადობას კიდევ უფრო აძლიერებს. სააგენტომ ეკონომიკური ზრდის პროგნოზი 6.4%-მდე გაზარდა.(R)

1782887890

სახელმწიფო საგარეო ვალმა შეადგინა 11.6 მლრდ აშშ დოლარი (31.3 მლრდ ლარი), რაც მშპ-ს 29.4 პროცენტია. აქედან სამთავრობო სექტორის ვალია 9.1 მლრდ აშშ დოლარი (24.6 მლრდ ლარი; მშპ-ს 23.1 პროცენტი), ეროვნული ბანკის ვალდებულებები - 772.8 მლნ აშშ დოლარი (2.1 მლრდ ლარი; მშპ-ს 2.0 პროცენტი), ხოლო სახელმწიფო საწარმოების ობლიგაციები და სესხები, შესაბამისად, 481.8 მლნ აშშ დოლარი (1.3 მლრდ ლარი; მშპ-ს 1.2 პროცენტი) და 1.2 მლრდ აშშ დოლარი (3.4 მლრდ ლარი; მშპ-ს 3.2 პროცენტი).საბანკო სექტორის საგარეო ვალმა შეადგინა 9.8 მლრდ აშშ დოლარი (26.5 მლრდ ლარი; მშპ-ს 24.8 პროცენტი), სხვა სექტორების საგარეო ვალმა - 5.0 მლრდ აშშ დოლარი (13.4 მლრდ ლარი; მშპ-ს 12.6 პროცენტი) და კომპანიათაშორისო ვალმა - 2.5 მლრდ აშშ დოლარი (6.6 მლრდ ლარი; მშპ-ს 6.2 პროცენტი). მთლიანი საგარეო ვალის 85.6 პროცენტი დენომინირებულია უცხოური ვალუტით.საქართველოს წმინდა საგარეო ვალმა, 2026 წლის 31 მარტის მდგომარეობით, 12.5 მლრდ აშშ დოლარი (33.8 მლრდ ლარი) შეადგინა, რაც ბოლო ოთხი კვარტალის მშპ–ს 31.8 პროცენტია. აქედან, სახელმწიფო სექტორის წმინდა საგარეო ვალი 5.3 მლრდ აშშ დოლარია (14.3 მლრდ ლარი), რაც მშპ-ს 13.4 პროცენტია.2026 წლის პირველ კვარტალში საქართველოს ეროვნული ბანკის საგარეო ვალი 8.1 მლნ აშშ დოლარით შემცირდა. აქედან, საკურსო ცვლილების გამო ვალი 7.5 მლნ აშშ დოლარით შემცირდა, ხოლო ოპერაციული ცვლილების გამო ვალი 617.6 ათასი აშშ დოლარით შემცირდა, 2026 წლის პირველი კვარტალის ბოლოს ეროვნული ბანკის მთლიანი საგარეო ვალდებულებებიდან 470.8 მლნ აშშ დოლარი განაწილებული ნასესხობის სპეციალური უფლებაა (ნსუ)1, რომელსაც არ აქვს დაფარვის ვადა და პრაქტიკულად, მისი გადახდის ვალდებულება არ დადგება, სანამ საქართველო არის საერთაშორისო სავალუტო ფონდის წევრი.მთლიანი საგარეო ვალის სტატისტიკა ჰარმონიზებულია საგადასახდელო ბალანსთან. იგი მოიცავს სახელმწიფო (სამთავრობო სექტორი, სახელმწიფო საწარმოები და ეროვნული ბანკი) და კერძო სექტორის (საბანკო და სხვა სექტორები) საგარეო ვალს. საგარეო ვალის სტატისტიკა წარმოებულია საერთაშორისო სავალუტო ფონდის მიერ შემუშავებული მეთოდოლოგიის, „საგარეო ვალის სტატისტიკა, სახელმძღვანელო შემდგენელთათვის და მომხმარებლებისათვის“ – 2003, შესაბამისად.

1782822293

საქართველოს ეროვნულ ბანკში აღნიშნავენ, რომ ეკონომიკის ნაკლებად იმპორტ-ინტენსიური ზრდის ტენდენციის შენარჩუნების ფონზე, მიმდინარე ანგარიშის მშპ-სთან ფარდობის გაუმჯობესებაში მნიშვნელოვანი წვლილი საქონლით ვაჭრობის ბალანსმა შეიტანა. კერძოდ, საქონლის ექსპორტი წლიურად 23.8 პროცენტით გაიზარდა, რაც ძირითადად ადგილობრივი საექსპორტო პროდუქციის ექსპორტის გაუმჯობესებით იყო განპირობებული. ამასთან, საქონლის იმპორტი 11.4 პროცენტით გაიზარდა. შედეგად, საქონლით ვაჭრობის ბალანსის გაუმჯობესების ფონზე, სავაჭრო დეფიციტის მშპ-სთან ფარდობა წლიურ ჭრილში 3.4 პპ-ით გაუმჯობესდა და 18.5 პროცენტი შეადგინა.ამავდროულად, მიმდინარე ანგარიშის ბალანსის გაუმჯობესებას მნიშვნელოვნად უწყობდა ხელს კომპიუტერული და საინფორმაციო  (ICT) მომსახურების ექსპორტი, რომელიც წლიურად 65.7 პროცენტით გაიზარდა და მშპ-ის 4.8 პროცენტი შეადგინა, რაც ისტორიულ მაქსიმუმს წარმოადგენს. მიმდინარე ანგარიშის მშპ-სთან ფარდობის გაუმჯობესებაში მნიშვნელოვანი როლი ასევე ითამაშა შემოსავლების ანგარიშის გაუმჯობესებამ.მეორე მხრივ, ახლო აღმოსავლეთში მიმდინარე კონფლიქტის ფონზე, ტურიზმიდან მიღებული შემოსავლების ზრდის წლიური ტემპი შენელდა და პირველ კვარტალში 0.5 პროცენტი შეადგინა. თუმცა, ტურიზმიდან მიღებული შემოსავლების ზრდის შენელება მნიშვნელოვნად დაბალანსდა როგორც ICT მომსახურებების ექსპორტის, ისე საქონლის ექსპორტის ზრდით.მიმდინარე ანგარიშის დაფინანსების ერთ-ერთ ძირითად წყაროდ კვლავ პირდაპირი უცხოური ინვესტიციები რჩება, რომლის მოცულობამ 2026 წლის პირველი კვარტალის მდგომარეობით მშპ-ის 3 პროცენტი შეადგინა.წინამდებარე სტატისტიკური ინფორმაცია ქვეყნდება საქართველოს ეროვნული ბანკის ვებგვერდზე, სტატისტიკის რუბრიკაში.

1782822030

შეხვედრის მიზანი იყო საგზაო და სამშენებლო ინფრასტრუქტურაზე მორგებული პროდუქტების წარდგენა და, ამასთანავე, ჩინური ბრენდის, FAW-ის, ტექნიკის შესაძლებლობების გაცნობა. მსოფლიოში ცნობილ ბრენდს საქართველოში „თეგეტა ჰოლდინგი“ ოფიციალურად წარმოადგენს. საუბრის ერთ-ერთი მთავარი თემა იყო ავტოპარკის ფლობის თანამედროვე გამოცდილებაც - ციფრული პლატფორმა Tegeta One, რომელიც დანახარჯების ერთ სივრცეში კონტროლის საუკეთესო შესაძლებლობაა.ეკატერინე ქავთარაძე, „თეგეტა ჰოლდინგის“ მთავარი აღმასრულებელი ოფიცერი: „დღეს ბიზნესისთვის მთავარი გამოწვევა აღარ არის მხოლოდ ტექნიკის შეძენა, მთავარი გამოწვევაა მისი ეფექტიანი ფლობა, მართვა და უწყვეტი მუშაობა. სწორედ ამიტომ „თეგეტას“ მიდგომა ეფუძნება ფლობიდან მოხმარების მოდელზე გადასვლას, სადაც მომხმარებელი იღებს არა მხოლოდ პროდუქტს, არამედ სრულ საოპერაციო გადაწყვეტას: ფლიტ მენეჯმენტს, დაფინანსების მოქნილ ინსტრუმენტებს, Tegeta One-ის ციფრულ კონტროლს ავტოპარკის მდგომარეობასა და ხარჯებზე, მთლიანი ფლობის ღირებულების ანალიზს, საბურავებში ერთიანი შესყიდვის ნაცვლად თანხის გადახდას კილომეტრზე.ჩვენი მიზანია, კომპანიებს დავეხმაროთ ხარჯების მაქსიმალურ კონტროლში, დაუგეგმავი გაჩერებების შემცირებაში და ტექნიკის პროდუქტიულობის ზრდაში. ასეთი კომპლექსური მიდგომა ბიზნესმენს აძლევს შესაძლებლობას, წლიურ ჭრილში დაახლოებით 18-20%-მდე შეამციროს ტექნიკის ფლობისა და ექსპლუატაციასთან დაკავშირებული დანახარჯები და ამავე დროს გაზარდოს ოპერაციული ეფექტიანობა და  საკუთარი ბიზნესი“.„თეგეტამ“ მომხმარებლებს საავტომობილო სერვისის რეგიონული ჰაბის ტერიტორიაზე მოწყობილ ექსპოზიციაზე MAN-ის, Renault Trucks-ის, JCB-ს, Bomag-ის, Liebherr -ის, XCMG-ს FAW-ის საგზაო და სამშენებლო სექტორისათვის განკუთვნილი მოდელები წარუდგინა. სტუმრებმა ინფორმაცია საავტომობილო პროდუქტებთან დაკავშირებითაც მიიღეს. ღონისძიება თიბისის მხარდაჭერით გაიმართა.გიორგი ბერიძე, „თეგეტა ჰოლდინგის“ მძიმე, სატვირთო და სპეციალური დანიშნულების ტექნიკის მიმართულების მთავარი ოფიცერი: „თანამედროვე სამშენებლო და ინფრასტრუქტურულ ბაზარზე ტექნიკის გამართული მუშაობა პირდაპირ კავშირშია პროექტების ვადებსა და კომპანიის ფინანსურ სტაბილურობასთან. სწორედ ამიტომ ჩვენი უმთავრესი მიზანია, ბიზნესს მივაწოდოთ არა უბრალოდ მაღალი კლასის მძიმე ტექნიკა, არამედ სრული, გრძელვადიანი საგარანტიო და პოსტსაგარანტიო მხარდაჭერა. ჩვენ მაქსიმალურად უზრუნველვყოფთ ორიგინალი ნაწილებისა და უმაღლესი ხარისხის საავტომობილო მასალების მუდმივ ხელმისაწვდომობას. ამასთანავე, ოპერატიული მომსახურებითა და 360-გრადუსიანი სერვისით ჩვენს პარტნიორებს ვაძლევთ უსაფრთხოების გარანტიას, რათა მათ შეუფერხებლად შეძლონ თავიანთი საქმიანობის წარმართვა. ამ მიზანს ემსახურება Tegeta One-იც, პლატფორმა, სადაც თავს იყრის ტელემატიკ სისტემის (GeoGPS) მეშვეობით მიღებული ინფორმაცია ცალკეული ავტომობილისა თუ სრული ავტოფლოტის გადაადგილების, მდგომარეობის ან საწვავის მოხმარების შესახებ. ასევე ბიზნესი მუდმივად საქმის კურსშია საკუთარი ავტოპარკის ტექნიკური გამართულობისა თუ აუცილებელი სერვისის თაობაზე“.შეხვედრის მნიშვნელოვანი ნაწილი იყო ჩინური უმსხვილესი ავტომწარმოებლის FAW-ის ტექნიკის წარდგენა. ბრენდი, რომელიც მძიმე და სატვირთო ტექნიკას 1953 წლიდან აწარმოებს, „თეგეტას“ პორტფელს ცოტა ხნის წინ შეემატა. გამძლეობითა და ეკონომიური ეფექტიანობით გამორჩეული ტექნიკა საქართველოს ბაზრისათვის უკვე ხელმისაწვდომია. გეზის ფილიალში სტუმრებისათვის FAW-ის წარმოების თვითმცლელი და ბეტონის შემრევი იყო გამოფენილი.ბექა ბერიძე, „თეგეტა ჰოლდინგის“ სატვირთო, კომერციული და ავტობუსების მიმართულების ხელმძღვანელი: „ქართულ საავტომობილო ბაზარზე FAW-ის გამოჩენა სამშენებლო და საგზაო სექტორისთვის ახალ შესაძლებლობებს ქმნის. ეს ტექნიკა გათვლილია რთულ საოპერაციო პირობებზე და მაღალი საინჟინრო სანდოობით გამოირჩევა. ეს არის ფასისა და ხარისხის საუკეთესო ბალანსი და ამ ბრენდზე არჩევანის გაკეთება საწვავის ოპტიმალურ ხარჯსა და მინიმალურ საექსპლოატაციო დანახარჯებს ნიშნავს.ჩვენ გვსურს, მომხმარებელს რაც შეიძლება მრავალფეროვანი არჩევანი შევთავაზოთ, რათა სხვადასხვა მოდელისა და სპეციფიკაციის ტექნიკის ხელმისაწვდომობით თითოეულმა ბიზნესმა კონკრეტულად თავის საჭიროებებზე მორგებული, უალტერნატივო გადაწყვეტილება იპოვოს“.ღონისძიებაზე „თეგეტამ“ პარტნიორებს მიწოდების მოკლე ვადები, საოპერაციო ლიზინგის მოქნილი პირობები და „თეგეტა ლიზინგის“ ეფექტიანი ფინანსური ინსტრუმენტებიც შესთავაზა.შეხვედრაზე განსაკუთრებული ყურადღება დაეთმო ფლობის ჯამური ღირებულების (TCO) ანალიზსაც, რამაც ნათლად აჩვენა, რატომ არის პრემიუმ პროდუქტები გრძელვადიან პერსპექტივაში უფრო მოგებიანი. ხარჯების მაქსიმალური კონტროლისთვის კი სტუმრებს საბურავების მიმართულებით დანერგილი PPK (ფასი კილომეტრზე) მოდელი გააცნეს, რაც ბიუჯეტის ზუსტი დაგეგმვის გარანტიაა.სტუმრებმა სიახლის შესახებაც მიიღეს ინფორმაცია, გეზის ფილიალში სულ მალე ახალი D ბლოკი გაიხსნება, რომელიც სპეციალიზებული იქნება მიკროავტობუსების სერვისსა და შესაბამის პროდუქტებზე, რაც ცენტრის გამტარუნარიანობას კიდევ უფრო გააფართოებს. 

1782821762

დღეს Visa-მ, ციფრული გადახდების მიღებასა და გაგზავნაში სმარტფონების შესაძლებლობათა გასაფართოებლად, Visa Accept-ისა და Visa Direct-ის ახალი ფუნქციები წარადგინა. სიახლეები განკუთვნილია განვითარებად ბაზრებზე მოქმედი მცირე ბიზნესების, მაგალითად გარემოვაჭრეების, ან მზარდ ონლაინ-მერჩანტებისთვის, რათა მათ გადახდები უკვე ნაცნობი ინსტრუმენტებით განახორციელონ. „თითოეული შეხება, სკანირება თუ გატარება, მომხმარებელთან ურთიერთობის მნიშვნელოვანი ნაწილია, ამიტომაც ბიზნესებს არ აქვთ ფუფუნება, გადახდებთან დაკავშირებულ სირთულეებს ხელის შეშლის საშუალება მისცენ“, - ამბობს შაჰებაზ ხანი, Visa-ს კომერციული და ფინანსურ ოპერაციათა გადაწყვეტილებების უფროსი ვიცე-პრეზიდენტი ცენტრალური და აღმოსავლეთ ევროპის, შუა აღმოსავლეთისა და აფრიკის რეგიონში. მისი თქმით: „ნათლად ჩანს მომავალი, როდესაც მერჩანტისთვის გადახდის მისაღებად და ბიზნესზე ინფორმაციის მოსაპოვებლად მხოლოდ ერთი სმარტფონი საკმარისი იქნება. შედეგად, ის გადახდების ბარიერების დაძლევაში ნაკლებ დროს დახარჯავს და შეძლებს მომხმარებლის გამოცდილებაზე იზრუნოს“.სმარტფონების მნიშვნელობა კომერციაში იზრდება, ამიტომაც მცირე ბიზნესებს სჭირდებათ მარტივი გზა მომხმარებელთა გადახდების მისაღებად - იქნება ეს ბარათებით თუ ციფრული საფულეებით. Visa მცირე და საშუალო მეწარმეებს სმარტფონის კომერციულ ჰაბად ქცევაში ეხმარება, სადაც შესაძლებელია თანხის მიღება, გაცემა და მომხმარებელთან ინტერაქცია. ეს აუცილებელიცაა: Visa-ს გლობალური მცირე და საშუალო ბიზნესების მაკრო ტენდენციების ანგარიშის მიხედვით, გამოკითხულთა 99% სულ მცირე ერთ ციფრულ ფინანსურ ინსტრუმენტს მაინც იყენებს, 85%-ის თქმით კი მათ ბიზნესს სულ მცირე ერთი მაინც დახმარებია. საბანკო ანგარიშის არმქონე 1.3 მილიარდ სრულწლოვანს შორის, სმარტფონს დაახლოებით 530 მილიონი ფლობს, შესაბამისად ციფრული წვდომის გაფართოების შესაძლებლობა მასშტაბურია.[1]Visa Accept: ტელეფონი, როგორც POS ტერმინალიVisa Accept-ის მეშვეობით სმარტფონი იქცევა ტერმინალად, რომლითაც მიკრო მეწარმეს შეუძლია გადახდების მიღება Visa-ს სადებეტო ან წინასწარ გადახდილ ანგარიშებზე, დამატებითი მოწყობილობების გარეშე. მყიდველი გადაიხდის შეხებით, ან ბმულის გამოყენებით, თანხა კი მიმღების ანგარიშზე რეალურ დროში აისახება. ამ ტრანზაქციებსაც, Visa-ს საბარათე გადახდებისთვის დამახასიათებელი, უსაფრთხოების, სანდოობისა და დაცვის სტანდარტები აქვს. შეზღუდული ფულადი ნაკადის მქონე მცირე და საშუალო საწარმოებისთვის სიჩქარე უმნიშვნელოვანესია: Visa-ს გლობალური მცირე და საშუალო ბიზნესების მაკრო ტენდენციების ანგარიშის მიხედვით, ყოველი ხუთი საწარმოდან ერთს ფულადი ნაკადის ყოველდღიური, ან ყოველთვიური დაბრკოლება ექმნება; 28%-მა კი უკანასკნელი 12 თვის განმავლობაში კრედიტის ან სასესხო ინსტრუმენტების გამოყენებისას ან შესაბამისი განაცხადის შეტანისას არსებული პრობლემები დააფიქსირა.· გამყიდველებს გადახდის მიღება სმარტფონის გამოყენებით, საბანკო აპლიკაციაში შეუძლიათ, რაც თანხაზე უფრო სწრაფად წვდომას უზრუნველყოფს.· ბარათის ემიტენტებს შეუძლიათ უფლებამოსილ ბარათების მფლობელებს ნება დართონ გადახდა საბანკო აპლიკაციით მიიღონ, რაც მცირე ბიზნესთან ურთიერთობას გააღრმავებს.· მყიდველები Visa-სგან უსაფრთხოების ერთსა და იმავე სტანდარტს მიიღებენ როგორც გარემოვაჭრესთან, ისე მსხვილ ცენტრებში ვაჭრობისას.Visa-ს პროგნოზით, 2027 წლისთვის Visa Accept მსოფლიოს მასშტაბით მილიონობით მეწარმისთვის იქნება ხელმისაწვდომი.Visa Direct: გადახდა იმავე ტელეფონიდანVisa Direct არის ფინანსური ოპერაციების რეალურ დროში განხორციელების საშუალება, რომელიც მცირე ბიზნესებს ტელეფონით თანხის გაცემას უმარტივებს. ბანკინგში, ფინტექსა და ბიზნეს-პლატფორმებზე ინტეგრირებული Visa Direct-ის საშუალებით, მცირე ან საშუალო მეწარმეს შეუძლია სწრაფად გადაუხადოს თანამშრომლებს, კონტრაქტორებს, მძღოლებს; ასევე დაუბრუნოს თანხა მომხმარებელს, გასცეს ბენეფიტები და გადარიცხოს თანხა უცხოეთში, ნებადართულ ბარათებზე, საბანკო ანგარიშებსა და ციფრულ საფულეებზე, ისეთივე მარტივი გამოცდილებით, როგორსაც გადახდის მისაღებად იყენებს.Visa-ს შესახებVisa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე visa.com.ge.

1782820889

Visa-მ დღეს წარადგინა ხელოვნური ინტელექტის, სტეიბლკოინისა და ტოკენის შესაძლებლობათა პაკეტი, რომელიც ცენტრალური და აღმოსავლეთ ევროპის, ახლო აღმოსავლეთისა და აფრიკის (CEMEA) რეგიონის მომხმარებლებს ახალი თაობის კომერციის ეკოსისტემაში ჩართვას გაუადვილებს. „Visa-ს გადახდების ფორუმის“ წინ, რომელიც 1-ელ ივლისს პარიზში გაიმართება, Visa-მ ახსნა, თუ როგორ გარდაქმნის კომერციის და ფინანსების მიმოქცევის front-end-სა და back-end-ს ორი ფუნდამენტური ტექნოლოგიური სიახლით: ხელოვნური ინტელექტითა და სტეიბლკოინებით. Visa-მ ასევე განმარტა, თუ როგორ ეხმარება კომპანია მომხმარებლებს მოერგონ ცვლილებებს, გააფართოონ საქმიანობა და ახალი, სანდო ოპერაციები განახორციელონ.„კომერცია ახალ ფაზაში შედის, რომელიც სულ უფრო ინტელექტუალური, პროგრამირებადი და ყოველდღიურ გამოცდილებაში ინტეგრირებული ხდება“, – განაცხადა Visa-ს CEMEA-ს რეგიონის პრეზიდენტმა, ტარეკ მუჰმუდმა, – „ციფრული ეკონომიკის სექტორში მოქმედი კომპანიებისთვის ეს მნიშვნელოვან შესაძლებლობებს ქმნის, თუმცა ასევე მნიშვნელოვნად იზრდება ნდობისა და ფუნქციური ურთიერთშეთავსებადობის საჭიროება. Visa ისეთი ინფრასტრუქტურისა და ინტელექტუალური შესაძლებლობების შექმნაზე კონცენტრირდება, როგორიც ხელს შეუწყობს ინოვაციების დანერგვას გადახდების front-end-სა და back-end-ში და მომხმარებლებსა და ბიზნესებს უკეთეს გამოცდილებას შესთავაზებს“.კომერციის front-end-ის ხელოვნური ინტელექტის მეშვეობით გაძლიერებაVisa-მ დეტალურად ახსნა, თუ როგორ ცვლის ხელოვნური ინტელექტი ტრანზაქციების წამოწყების, ავტორიზებისა და სანდოობის უზრუნველყოფის პროცესს. ამასთან, ხელოვნური ინტელექტი აჩქარებული ტემპით ქმნის, ავითარებს და ხელმისაწვდომს ხდის ახალ კომერციულ გამოცდილებებს. მაშინ, როცა AI აგენტები სულ უფრო ხშირად მოქმედებენ მომხმარებლებისა და ბიზნესების სახელით, კომპანიის ხელოვნურ ინტელექტზე დაფუძნებული კომერციის პლატფორმა, Visa Intelligent Commerce, ნდობისა და კონტროლის იმ მექანიზმებს უზრუნველყოფს, რომლებიც AI აგენტებს აძლევს საშუალებას, უსაფრთხოდ მოძებნონ, დაიწყონ და დაასრულონ ტრანზაქციები.ამ ცვლილების მხარდასაჭერად, Visa მთელი ეკოსისტემის მასშტაბით მუშაობს იმის უზრუნველსაყოფად, რომ აგენტების მიერ განხორციელებული ტრანზაქციები გამჭვირვალე და სანდო იყოს. ამ ძალისხმევის მაგალითია New Generation-თან ერთად ახლად შექმნილი Agent Score, რომელიც მერჩანტებს აძლევს შესაძლებლობას, შეაფასონ, თუ რამდენად არის მათი ვებსაიტები ხელოვნურ ინტელექტზე დაფუძნებული კომერციისთვის მზად – კერძოდ, შეუძლიათ თუ არა AI აგენტებს ვებსაიტზე ნავიგაცია და დავალებათა აღქმა და შესრულება. მერჩანტებმა ასევე უნდა იცოდნენ, რომელ აგენტებს შეუძლიათ ანდონ თავიანთ ვებსაიტებზე ტრანზაქციების განხორციელება, ხოლო აგენტები დარწმუნებულები უნდა იყვნენ, რომ ლეგიტიმურ მერჩანტებთან აქვთ საქმე. Agentic Directory-ის ამოქმედებით, Visa ხელმისაწვდომს ხდის იმ აგენტებისა და მერჩანტების სიას, რომლებიც დადასტურებულად არიან ხელოვნურ ინტელექტზე დაფუძნებული კომერციის ლეგიტიმური მონაწილეები.ტოკენების წინ წამოწევა ხელოვნური ინტელექტით მართული კომერციის გასავითარებლადCEMEA-ს რეგიონში ელექტრონული კომერციის ზრდის ერთ-ერთი მთავარი ფაქტორი არის ტოკენიზაციის განვითარება, რამაც რეგიონში ელექტრონულად და მობილურით შესრულებული გადახდების პროცესი მეტად უსაფრთხო, მოსახერხებელი და შეუფერხებელი გახადა. CEMEA-ს რეგიონში Visa-ს ტოკენიზებული ტრანზაქციები მნიშვნელოვნად – 2023 წლის 26%-დან 2026 წელს 70%-მდე გაიზარდა.დღეისათვის ტოკენები უკვე შეიცავს იმ უსაფრთხო მონაცემთა ერთობლიობას, რომელიც ციფრული გადახდებისთვისაა სპეციალურად შექმნილი. მაშინ, როცა კომერცია ფართოვდება და ახალ არხებსა და აგენტებს მოიცავს, Visa მონაცემებს იმ ინფორმაციით ავსებს, თუ რა ტიპისაა ტრანზაქცია, სად გამოიყენება ტოკენი და ვინ ახორციელებს გადახდას. მეორე მნიშვნელოვანი სიახლეა ტოკენის სანდოობის ინდიკატორი, Token Assurance Signal, რომელიც თითოეული ტრანზაქციის უსაფრთხოების ინდიკატორის გენერირებისთვის ცალკეული ტოკენის გამოყენებას მისი გაცემისა და გამოყენების ისტორიის საფუძველზე მთელი სასიცოცხლო ციკლის განმავლობაში აფასებს.ეს სიახლეები ერთად ტოკენების, როგორც სანდო ციფრული და ხელოვნურ ინტელექტზე დაფუძნებული კომერციის ფუნდამენტის, როლს აძლიერებს. მაშინ, როცა ტრანზაქციები სულ მეტად ავტომატიზებული, ყოველდღიურ ცხოვრებაში ინტეგრირებული და ინტელექტუალური ხდება, ტოკენები მომხმარებლებს სანდოობის უფრო მაღალ გარანტიას სთავაზობს.ფულის მიმოცვლის back-end პროცესის სტეიბლკოინებით მოდერნიზებაVisa-მ ასევე ისაუბრა იმ პროგრესზე, რომლის მიღწევაც, სტეიბლკოინებითა და ბლოკჩეინზე დაფუძნებული ინფრასტრუქტურის მეშვეობით, ანგარიშსწორებისა და გადარიცხვების მოდერნიზების მიმართულებით გახდა შესაძლებელი. Tokenized Deposits-ის მეშვეობით, კომპანია ქმნის ტექნოლოგიას, რომელიც ბანკებს საშუალებას მისცემს, გარდაქმნან ტრადიციული საბანკო დეპოზიტები პროგრამირებად, მუდმივად ხელმისაწვდომ ციფრულ ფულად. ამ გზით ბანკებს შეეძლებათ, არ ჩამორჩნენ სტეიბლკოინების სისწრაფესა და მოქნილობას და, ამასთან, საკუთარ ბალანსზე შეინარჩუნონ ფინანსები.ამას გარდა, Visa სხვადასხვა რეგიონში, ბლოკჩეინსა და ვალუტაში აფართოებს სტეიბლკოინებით ანგარიშსწორების საპილოტე პროექტებს. 2025 წლის პირველ ნახევარში დაწყებულ პირველ საპილოტე პროექტებზე დაყრდნობით, Visa-მ VisaNet-ის მეშვეობით უკვე მილიარდობით დოლარის მოცულობის სტეიბლკოინები გადაამუშავა. შედეგად, წლიური ტემპით გადაანგარიშებული მოცულობა 2026 წლის მარტის მდგომარეობით, დაახლოებით, 7 მილიარდ დოლარს შეადგენს. იმის გათვალისწინებით, რომ გამცემი ბანკები უკვე ონ-ჩეინ რეჟიმში კვირაში შვიდი დღის განმავლობაში ახორციელებენ Visa-სთან ანგარიშსწორებას, Visa ამ შესაძლებლობის გაფართოებაზე მუშაობს, რათა შვიდდღიანი ანგარიშსწორების შესაძლებლობა შემსყიდველებზეც გავრცელდეს, რაც მთელი ეკოსისტემის მასშტაბით უზრუნველყოფს მეტ მოქნილობასა და ანგარიშსწორების სიხშირეს. CEMEA-ს რეგიონში სტეიბლკოინებით ანგარიშსწორების შესაძლებლობების ამოქმედებიდან ერთი წლის თავზე ანგარიშსწორებათა მოცულობა თითქმის 60-ჯერ გაიზარდა.იმისათვის, რომ მომხმარებლებმა და ბიზნესებმა სტეიბლკოინების ბალანსთა გამოყენება შეძლონ ყველგან, სადაც Visa-ს გადახდები მიიღება, Visa სტეიბლკოინებთან დაკავშირებული ბარათების პროგრამების გაფართოებას აგრძელებს. ამჟამად მსოფლიოს მასშტაბით მოქმედი ან განვითარების პროცესში არსებული პროგრამების რაოდენობა 160-ს აღწევს, რაც იმას ნიშნავს, რომ ამ მიმართულებით პროგრესი კიდევ უფრო ასწრაფდება.ხელოვნური ინტელექტის გამოყენება მონაცემების ჭკვიანურ გადაწყვეტილებებად გარდასაქმნელადიმისათვის, რომ კლიენტებს მომხმარებელთა მზარდ მოთხოვნებზე რეაგირებაში დაეხმაროს, Visa თანამედროვე ინფრასტრუქტურას უთავსებს მონაცემებზე დაფუძნებულ შესაძლებლობებს, რომლებიც კლიენტს ეხმარება, გადახდის მთელი პროცესის განმავლობაში სწორი გადაწყვეტილებები მიიღოს. კომპანია ნერგავს ხელოვნურ ინტელექტზე დაფუძნებულ „სამოგზაურო ინტელექტის“ შესაძლებლობას, რომელიც ბანკებს ეხმარება, წინასწარ, ტრანზაქციის განხორციელებამდე განსაზღვრონ მომხმარებელთა მოგზაურობასთან დაკავშირებული საჭიროებები. Visa Trip Intelligence, რომელიც CEMEA-ს რეგიონში დღეიდან ამოქმედდება, VisaNet-ის ინტელექტუალურ შესაძლებლობებს მესამე მხარის მონაცემებთან აერთიანებს, რის შედეგადაც შესაძლებელია მოგზაურობის მიზნის განსაზღვრა, პერსონალიზებული სამოგზაურო მარშრუტების შედგენა და გამოსაყენებლად წინასწარ გამზადებული მონაცემების მიწოდება. ამ გზით ბანკებს შეეძლებათ, მომხმარებლებს დროულად, მოგზაურობის დაწყებამდე შესთავაზონ მხარდაჭერა, შეამცირონ გადახდებთან დაკავშირებული შეფერხებები და უშუალოდ მოგზაურობის პერიოდში მიაწოდონ მათ საჭირო დახმარება და მომსახურება.Visa-ს შესახებVisa (NYSE: V) მსოფლიო ლიდერი ციფრული გადახდების სფეროში. Visa 200-ზე მეტ ქვეყანაში ამუშავებს ტრანზაქციებს, კერძოდ მომხმარებლებს, ბიზნესს, ფინანსურ ინსტიტუტებსა და სამთავრობო ორგანიზაციებს შორის. ჩვენი მისიაა, დავაკავშიროთ მსოფლიო ინოვაციური,მოსახერხებელი, საიმედო და უსაფრთხო გადახდების ქსელის მეშვეობით, რომელიც ინდივიდუალური პირების, ბიზნესისა და ეკონომიკის კეთილდღეობას უწყობს ხელს. ჩვენ გვჯერა, რომ ეკონომიკაში ხელმისაწვდომობის გაფართოება ყველასთვის, ქმნის საფუძველს მთელს მსოფლიოში ადამიანთა კეთილდღეობისთვის და მომავალში ფულის გლობალური მოძრაობის საწინდარია. გაიგეთ მეტი ვებგვერდზე visa.com.ge.

1782820673