ქართუს მოგება შეუმცირდა

რიჩარდ ქოქრილის გაწვრთნილმა გუნდმა, ფინალურ შეხვედრაში, მიხეილ მესხის სტადიონზე ესპანეთის ნაკრები 46:28 დაამარცხა და ევროპის ჩემპიონის თასი დამსახურებულად აღმართა.საქართველოს ნაკრებმა მეტოქეს 8 ლელო დაუდო. ჰეთ-თრიქი შეასრულა ვანო კარკაძემ, რომელიც მატჩის საუკეთესო მოთამაშე გახდა; თითო ლელო გაიტანეს ვასილ ლობჟანიძემ და ნიკა აბულაძემ. ასევე, ჰეთ-თრიქით გამოიჩინა თავი აკა ტაბუცაძემ, რომლის სარეკორდო მიღწევაზე ცალკე ვისაუბრებთ.გარდა იმისა, რომ ტაბუცას ნაკრებში უკვე 50 ლელო დაუგროვდა, ეს ამბავი საერთაშორისო დონეზეც რეზონანსულია.თუკი ესპანეთთან მატჩამდე ქართველი მორაგბის სანაკრებო ანგარიშზე 47 ლელო იყო და მსოფლიოს საუკეთესო მელელოვეების ტოპ 10-ში ის მე-9 ადგილს ლეგენდარულ ირლანდიელთან, ბრაიან ო’დრისკოლთან იყოფდა, რაგბი ევროპის ჩემპიონატის ფინალში შესრულებული ჰეთ-თრიქის შემდეგ, ტაბუცაძემ ჩამოიტოვა ჯორჯ ნორზი (უელსი) და დაგ ჰაულეტი (ახალი ზელანდია).ახლა, აკა ტაბუცაძე, არც მეტი-არც ნაკლები, მსოფლიოს ტოპ 10-ში მეექვსე ადგილზეა და ამ პოზიციას რორი ანდერვუდთან (ინგლისი) ერთად იყოფს.რაც შეეხება ტოპ ხუთეულს, მათგან არც ერთი აღარაა მოქმედი მოთამაშე. მაგალითად, მე-5 ადგილს ტაბუცაძეს მხოლოდ 5 ლელო აშორებს და ოპტიმისტურ პროგნოზებში უნდა ვივარაუდოთ, რომ ქართველი მორაგბე ამ „ბარიერსაც“ უახლოეს მომავალში დაძლევს.რაც შეეხება მსოფლიო რაგბის რეიტინგს, ესპანეთთან მოგების შემდეგ, საქართველომ მე-11 ადგილი შეინარჩუნა და უახლოეს მდევარ, ექვსი ერის წარმომადგენელ უელსთან უპირატესობა 1.3 ქულით გაზარდა.თიბისი და დიდი რაგბი ზაფხულში, საინტერესო სანაკრებო ტესტ-მატჩებით დაბრუნდებიან. მანამდე კი, ერთად ვუგულშემატკივროთ ასაკობრივ ნაკრებებსა და 7-ქალა ნაკრებს მნიშვნელოვან ტურნირებზე.#ერთადგავიმარჯვებთ

1742462707

გავრცელებული ინფორმაციის თანახმად, აღნიშნული გადაწყვეტილება სომხეთის მთავრობის 20 მარტის სხდომაზე მიიღეს.ეს მონაკვეთი ბოლოს 2023 წლის 11–17 თებერვლის პერიოდში იყო გახსნილი, მაშინაც ჰუმანიტარული ტვირთისთვის, რომელიც დამანგრეველი მიწისძვრით დაზარალებულ თურქეთს მიაწოდეს. 

1742462418

წინა წლის შესაბამის თვესთან შედარებით ადგილობრივი ბაზრისთვის წარმოებული სამრეწველო პროდუქციის მწარმოებელთა ფასების ინდექსი 3.6%-ით გაიზარდა. სამთო მოპოვებითი მრეწველობისა და კარიერების დამუშავების ჯგუფზე ფასები 9.8%-ით გაიზარდა, დამამუშავებელი მრეწველობის პროდუქციაზე 2.5%-ით, ელექტროენერგიის, აირის, ორთქლისა და კონდიცირებული ჰაერის ჯგუფზე 9.2%-ით, ხოლო წყალმომარაგების, კანალიზაციის, ნარჩენების მართვით და რეკულტივირებით მომსახურების ჯგუფზე ფასები არ შეცვლილა.ქვემოთ მოცემულ ცხრილში წარმოდგენილია 2025 წლის თებერვალში ადგილობრივი ბაზრისთვის წარმოებული სამრეწველო პროდუქციის მწარმოებელთა ფასების ინდექსები წინა წლის შესაბამის თვესთან შედარებით, ასევე ინდექსის ფორმირებაში მონაწილე ძირითადი ქვეჯგუფების შესაბამისი წვლილები:

1742461649

მნიშვნელოვანია აღინიშნოს, რომ დაჯარიმების პროცედურას სააგენტო იწყებს მას შემდეგ, რაც დარღვევის დადასტურების შემდეგ - კომპანია მომხმარებლის უფლებების დაცვის მიმართულებით დაკისრებულ ვალდებულებებს არ შეასრულებს. GCCA-ის გადაწყვეტილების დადგენილ ვადაში შეუსრულებლობის ან არაჯეროვნად შესრულების შემთხვევაში, მოვაჭრეს  ჯარიმა ეკისრება, რომლის ოდენობა არ უნდა აღემატებოდეს მოვაჭრის წინა ფინანსური წლის წლიური ბრუნვის 2%-ს. ამასთანავე, იგი 600 ლარზე ნაკლები არ უნდა იყოს. ასევე, მნიშვნელოვანია განიმარტოს, რომ ჯარიმის დაკისრება მოვაჭრეებს  სააგენტოს გადაწყვეტილების შესრულების ვალდებულებისგან არ ათავისუფლებს და 12 თვის განმავლობაში მოვაჭრის მიერ დარღვევის გამეორება გამოიწვევს დაკისრებული ჯარიმის გაორმაგებას.2025 წელს, GCCA-ის მიერ დაკისრებული ვალდებულების შეუსრულებლობის გამო 10 მოვაჭრეს, ჯამში  - 11 556 ლარის ოდენობით ჯარიმა დაეკისრათ.

1742460296

2025 წლის იანვართან შედარებით ფასები 3.9%-ით გაიზარდა სამთო-მოპოვებითი მრეწველობისა და კარიერების დამუშავების ჯგუფზე, რამაც 0.24 პ.პ-ით იქონია ზეგავლენა ჯამური ინდექსის ცვლილებაზე. ამავე პერიოდში ფასები გაიზარდა დამამუშავებელი მრეწველობის პროდუქციის ჯგუფზე (0.1%), რამაც 0.08 პ.პ შეიტანა მთლიანი ინდექსის ცვლილებაში. ჯგუფში შემავალი პროდუქტებიდან აღსანიშნავია ფასების ზრდა კვების პროდუქტებზე (0.8%) და რეზინის და პლასტმასის ნაკეთობებზე (2.9%). გარდა ამისა, ფასების 0.1%-იანი ზრდა დაფიქსირდა წყალმომარაგების, კანალიზაციის, ნარჩენების მართვით და რეკულტივირებით მომსახურების ჯგუფზე.საქსტატის მონაცემებით, 12 თვიან პერიოდში ინდექსის ფორმირებაზე ძირითადი გავლენა იქონია ფასების ცვლილებამ შემდეგ პროდუქტებზე: სამთო-მოპოვებითი მრეწველობა და კარიერების დამუშავება: ფასები გაზრდილია 30.1%-ით, რაც მთლიანი ინდექსის ცვლილებაზე 1.64 პ.პ-ით აისახა. ჯგუფში აღსანიშნავია ფასების მატება ლითონის მადნებზე (36.5%); დამამუშავებელი მრეწველობის პროდუქცია: ფასები გაიზარდა 4.5%-ით, რამაც მთლიანი ინდექსის ზრდაზე 3.63 პ.პ-ით მოახდინა გავლენა. ფასები გაიზარდა შემდეგ ქვეჯგუფებზე: სასმელებზე (7.9%) და ძირითად ლითონებზე (6%); ელექტროენერგია, აირი, ორთქლი და კონდიცირებული ჰაერი: ფასები გაიზარდა 6.8%-ით, რამაც მთლიანი ინდექსის წლიურ ცვლილებაზე 0.73 პ.პ-ით იქონია გავლენა; წყალმომარაგება, კანალიზაცია, მომსახურება ნარჩენების მართვით და რეკულტივირებით: ფასები გაიზარდა 2.5%-ით, რამაც მთლიან ინდექსზე 0.06 პ.პ-ით იქონია გავლენა.

1742459974

„კიბერდანაშაულთან ბრძოლისა და უსაფრთხოების ქვეგანყოფილებების კოორდინირებული ოპერაციის შედეგად, სოციალურ ქსელებში 261 ანგარიში გამოვლინდა, მათ შორის 62 უცხოეთში, რომელთა მფლობელებიც პროვოკაციულ პოსტებს აქვეყნებდნენ. დაკავებულია 37 ადამიანი“, – წერს თურქეთის შს მინისტრი ალი არლიკაია სოციალურ ქსელში X.დაკავებულებმა ჩვენება უკვე მისცეს. ოპერაცია დანარჩენი პირების დასაკავებლად გრძელდება.სტამბოლის მერი, რომელიც თურქეთის მთავარი ოპოზიციური „რესპუბლიკური სახალხო პარტიის“ წევრია, კორუფციასთან და ტერორიზმთან სავარაუდო კავშირების შესახებ მიმდინარე გამოძიების ფარგლებში, პოლიციამ 19 მარტს დილით დააკავა. მანამდე სტამბოლის უნივერსიტეტმა იმამოღლუს დიპლომი სხვადასხვა დარღვევების გამო ბათილად ცნო და ამ ნაბიჯით, ფაქტობრივად, თურქეთის მომავალ საპრეზიდენტო არჩევნებში მონაწილეობის მიღების უფლება ჩამოართვა. სტამბოლის მერის დაკავებას მასშტაბური საპროტესტო აქცია მოჰყვა. ათასობით ადამიანი მერიის წინ შეიკრიბა და შეძახილებით: "ერდოღანო, დიქტატორო!" და "იმამოღლუ, შენ მარტო არ ხარ"!დემონსტრანტებსა და პოლიციას შორის შეტაკებები მოხდა. მედიის ინფორმაციით, პოლიციამ სტამბოლის უნივერსიტეტთან მიმდინარე აქციის დასაშლელად ე.წ. „წიწაკის სპრეი“ გამოიყენა.ოპოზიციონერი ლიდერის დაკავება თურქეთის ეროვნულ ვალუტაზეც მკვეთრად აისახა. თურქეთის ცენტრალურმა ბანკმა ოთხშაბათს რეკორდული მოცულობის უცხოური ვალუტა გაყიდა, მას შემდეგ, რაც სტამბოლის მერის ექრემ იმამოღლუს დაპატიმრებას ლირას 12%–იანი გაუფასურება მოჰყვა.სააგენტო Reuters სამ თურქ ბანკირზე დაყრდნობით ოთხშაბათს, დღის პირველ ნახევარში წერდა, რომ ცენტრალურმა ბანკმა სულ მცირე $5 მლრდ–ის უცხოური ვალუტა გაყიდა, თუმცა, ზოგიერთი ბანკირის დაანგარიშებით, დღის განმავლობაში ბანკის სავალუტო ინტერვენციამ შესაძლოა $10 მლრდ–ს მიაღწიოს.Reuters წერდა, რომ თურქეთის ცენტრალურ ბანკში მიმდინარე პროცესების კომენტარისგან თავი შეიკავეს.ინფორმაციის გამოქვეყნების მომენტში თურქეთის სავალუტო ბაზარზე ლირას კურსი დოლართან წყვილში 36.58 ნიშნულზეა დასტაბილურებული.

1742459154

„2024 წლის დეკემბრიდან, საჯარო წყაროებში გავრცელებული ინფორმაციის საფუძველზე, სახალხო დამცველის აპარატი პროაქტიულად შეეხმიანა სამსახურიდან გათავისუფლებულ 41 პირს და დეტალური ინფორმაცია მიაწოდა საქმისწარმოების პროცედურებისა და აპარატისთვის მომართვის თაობაზე. საგულისხმოა, რომ გათავისუფლებულების ნაწილი უფლების დასაცავად სასამართლოსთვის მიმართვას გეგმავს. ხოლო ნაწილმა სახალხო დამცველის აპარატს მომართა და მოცემული ეტაპისთვის აპარატი შეისწავლის შრომით ურთიერთობაში სავარაუდო დისკრიმინაციის 8 საქმეს, რომელიც ჯამში 15 პირს მიემართება.სახალხო დამცველი ხაზს უსვამს აზრის გამოხატვის თავისუფლების მნიშვნელობას და აღნიშნავს, რომ უფლებადარღვეული სუბიექტების პოზიციებსა და მათ ხელთ არსებულ მტკიცებულებებს საქმის გადაწყვეტისთვის არსებითი მნიშვნელობა აქვს. ზემოაღნიშნულიდან გამომდინარე, საჯარო დაწესებულებებში დასაქმებულთა მიმართ განსხვავებული მოსაზრების ნიშნით დისკრიმინაციული მოპყრობის შემთხვევაში, მომართეთ სახალხო დამცველის აპარატს“, – წერია განცხადებაში. კანონში შესული ცვლილებების შემდეგ, საჯარო დაწესებულების პირველადი სტრუქტურული ერთეულის ხელმძღვანელის თანამდებობაზე განწესებული პირი და საჯარო დაწესებულების პირველადი სტრუქტურული ერთეულის ხელმძღვანელის მოადგილის თანამდებობაზე განწესებული პირი ითვლება ადმინისტრაციული ხელშეკრულებებით დასაქმებულ პირად, რაც საჯარო დაწესებულების ხელმძღვანელ პირს უფლებას ანიჭებს ნებისმიერ დროს, ერთი თვით ადრე გაფრთხილების შემთხვევაში, გაათავისუფლოს არასასურველი კადრი.2024 წლის დეკემბრის ბოლოდან მოყოლებული საჯარო სამსახურებიდან ათობით საჯარო მოხელე გაათავისუფლეს. მათი უმრავლესობა აღნიშნულ გადაწყვეტილებას პოლიტიკურად მოტივირებულს უწოდებს. ისინი აცხადებენ, რომ სამსახური განსხვავებული პოლიტიკური შეხედულების და საჯარო აქტიურობის გამო დაკარგეს.

1742457027

ღონისძიება განკუთვნილი იყო საბანკო და სადაზღვევო სფეროს საშუალო და ტოპ მენეჯერებისთვის. ის სხვადასხვა წამყვან ორგანიზაციებში ნაცადი, საბანკო და სადაზღვევო კომპანიებისთვის მნიშვნელოვანი გამოწვევების შესახებ ცოდნის გაზიარებას ისახავდა მიზნად. სპიკერებმა ისეთ თემებზე ისაუბრეს როგორიცაა: BFSI სექტორის სამომავლო ტრენდები, სამომავლო ტექნოლოგიური განვითარებები, AI ჩატბოტები და ვირტუალური ასისტენტები, ქლაუდ ტრანსფორმაცია, ინოვაციები გადახდების მიმართულებით, FinTech-ის სამომავლო განვითარება და სხვა.საქართველოს ბანკის წარმომადგენელმა, მარიამ ლელაშვილმა კონფერენციის მონაწილეებს საქართველოს ბანკის გუნდის მიერ  შემუშავებული ანალიტიკური გუნდისა და პროექტების მართვის Customized მეთოდოლოგია გაუზიარა. აღნიშნული მიდგომა საერთაშორისო ბენჩმარკთან შედარებით, ანალიტიკური პროექტების წარმატების მაღალი მაჩვენებლის ქონის შესაძლებლობას იძლევა, რაც განსაკუთრებით საინტერესოა ყველა იმ კომპანიისთვის ვინც GenAI თუ კლასიკური ML პროექტების განხორციელებით არის დაინტერესებული.„მოხარული ვარ, რომ მქონდა შესაძლებლობა, საქართველოს ბანკის სახელით მონაწილეობა მიმეღო Pronovea - ს სამიტზე და საერთაშორისო აუდიტორიისთვის გამეცნო ის ინოვაციური მიდგომები და ტექნოლოგიები, რომელიც საქართველოს ბანკში წარმატებით დავნერგეთ. მსგავს ღონისძიებებში მონაწილეობა ძალიან მნიშვნელოვანია, რადგან ეს ერთის მხრივ, გაძლევს შესაძლებლობას, საერთაშორისო ორგანიზაციების გამოცდილება გაიზიარო, შეხვდე მათ წარმომადგენლებს. მეორეს მხრივ კი - ჩვენს მიერ განხორციელებული პროექტები და ინოვაციები გააცნო საერთაშორისო აუდიტორიას.  ზოგადად, ანალიტიკური პროექტებს ძალიან დაბალი წარმატების კოეფიციენტი აქვს, თუმცა, თუკი პროექტი სწორად იმართა ძალიან დიდი ღირებულება მოაქვს. ამიტომ მსგავსი პროექტების მართვასთან დაკავშირებული რჩევები ძალიან ღირებულია ყველა კომპანიისთვის, რომლისთვისაც დღევანდელი სწრაფად მზარდი AI შესაძლებლობებისთვის ფეხის აწყობა მნიშვნელოვანია. აღნიშნულმა ღონისძიებამ კიდევ ერთხელ დაადასტურა, რომ საფინანსო სექტორში ციფრული ტრანსფორმაცია და ხელოვნური ინტელექტის დანერგვა თანამედროვე ბიზნეს გარემოში მნიშვნელოვან კონკურენტულ უპირატესობას წარმოადგენს. საქართველოს ბანკი კი მოწინავე პოზიციაზეა ამ მიმართულებით და ჩვენი გამოცდილება ძალიან ღირებულია სხვა ფინანსური ინსტიტუტებისთვის. ჩვენ კი აქ არ ვჩერდებით და ვაგრძელებთ სხვადასხვა ინოვაციურ მიდგომებზე მუშაობას და ტექნოლოგიური სფეროს განვითარებაში წვლილის შეტანას“, - განაცხადა საქართველოს ბანკის ანალიტიკური პროდუქტების განვითარების სამსახურის უფროსმა მარიამ ლელაშვილმა. 

1742454444